ᠷᠣᠮᠠ ᠠᠷᠪᠠᠨ ᠵᠢᠷᠭᠤᠭᠠ
ᠮᠡᠨᠳᠦᠴᠢᠯᠡᠭᠡ ᠪᠠ ᠬᠠᠢᠷᠠ ᠶᠢᠨ ᠢᠯᠡᠷᠬᠡᠶᠢᠯᠡᠯᠲᠡ
1 ᠪᠢᠳᠡᠨ ᠦ ᠡᠭᠡᠴᠢ ᠹᠣᠢᠪᠧ ᠶᠢ ᠪᠢ ᠲᠠ ᠨᠠᠷ ᠲᠤ ᠲᠠᠨᠢᠯᠴᠠᠭᠤᠯᠤᠶᠠ᠃ ᠲᠡᠷᠡ ᠪᠣᠯ ᠺᠧᠨᠬᠧᠷᠢᠶᠠ ᠳᠠᠬᠢ ᠴᠢᠭᠤᠯᠭᠠᠨ ᠤ ᠳᠡᠮᠴᠢ ᠪᠢᠯᠡ᠃ 2 ᠲᠠ ᠨᠠᠷ ᠠᠷᠢᠭᠤᠨ ᠬᠥᠮᠦᠰ ᠦᠨ ᠶᠣᠰᠣᠭᠠᠷ ᠡᠵᠡᠨ ᠦ ᠳᠣᠲᠣᠷᠠ ᠲᠡᠭᠦᠨ ᠢ ᠬᠦᠯᠢᠶᠡᠨ ᠠᠪᠴᠤ᠂ ᠲᠡᠭᠦᠨ ᠳᠦ ᠲᠤᠰᠠ ᠪᠣᠯᠬᠤ ᠠᠯᠢᠪᠠ ᠬᠡᠷᠡᠭ ᠲᠤᠨᠢ ᠲᠤᠰᠠᠯᠠᠭᠠᠷᠠᠢ᠃ ᠦᠨᠡᠨ ᠳᠡᠭᠡᠨ ᠣᠯᠠᠨ ᠬᠥᠮᠦᠨ ᠲᠡᠭᠦᠨ ᠦ ᠲᠤᠰᠠᠯᠠᠮᠵᠢ ᠶᠢ ᠬᠦᠯᠢᠶᠡᠨ ᠠᠪᠤᠭᠰᠠᠨ ᠪᠥᠭᠡᠳ ᠪᠢ ᠴᠤ ᠲᠡᠳᠡᠨ ᠦ ᠨᠢᠭᠡ ᠨᠢ ᠶᠤᠮ᠃
3 ᠾᠷᠢᠰᠲ᠋ᠣᠰ ᠢᠰᠦ᠋ᠰ ᠤᠨ ᠳᠣᠲᠣᠷᠠ ᠨᠠᠳᠠ ᠲᠠᠢ ᠬᠠᠮᠲᠤᠷᠠᠨ ᠠᠵᠢᠯᠯᠠᠭᠴᠢ ᠫᠷᠢᠰᠺᠠ ᠪᠣᠯᠣᠨ ᠠᠺᠦ᠋ᠯᠠ ᠶᠢᠨ ᠠᠮᠤᠷ ᠢ ᠡᠷᠢᠭᠡᠷᠡᠢ᠃ 4 ᠲᠡᠳᠡ ᠮᠢᠨᠦ ᠠᠮᠢ ᠶᠢᠨ ᠲᠥᠯᠥᠭᠡ ᠲᠣᠯᠣᠭᠠᠢ ᠪᠠᠨ ᠴᠤ ᠥᠭᠬᠦ ᠭᠡᠵᠦ ᠪᠠᠢᠪᠠ᠂ ᠨᠠᠳᠠ ᠪᠠᠷ ᠦᠯᠦ ᠪᠠᠷᠠᠮ ᠬᠠᠷᠢᠴᠤᠳ ᠤᠨ ᠴᠢᠭᠤᠯᠭᠠᠨ ᠨᠤᠭᠤᠳ ᠴᠤ ᠪᠦᠭᠦᠳᠡᠭᠡᠷ ᠢᠶᠡᠨ ᠲᠡᠳᠡᠨ ᠳᠦ ᠲᠠᠯᠠᠷᠬᠠᠵᠤ ᠪᠠᠢᠨᠠ᠃ 5 ᠲᠡᠳᠡᠨ ᠦ ᠭᠡᠷ ᠦᠨ ᠴᠢᠭᠤᠯᠭᠠᠨ ᠤ ᠠᠮᠤᠷ ᠢ ᠡᠷᠢᠶᠡ᠃ ᠮᠢᠨᠦ ᠬᠠᠢᠷᠠᠲᠤ ᠧᠫᠠᠶᠧᠨᠧᠲ ᠤᠨ ᠠᠮᠤᠷ ᠢ ᠡᠷᠢᠭᠡᠷᠡᠢ᠃ ᠲᠡᠷᠡ ᠪᠣᠯ ᠠᠽᠢᠶᠠ ᠮᠤᠵᠢ ᠳᠤ ᠾᠷᠢᠰᠲ᠋ᠣᠰ ᠤᠷᠤᠭᠤ ᠡᠷᠭᠢᠭᠰᠡᠨ ᠠᠩ᠋ᠬᠠᠨ ᠤ ᠢᠲᠡᠭᠡᠭᠴᠢ ᠪᠢᠯᠡ᠃ 6 ᠲᠠ ᠨᠠᠷ ᠤᠨ ᠲᠥᠯᠥᠭᠡ ᠶᠡᠬᠡᠳᠡ ᠵᠦᠳᠡᠷᠡᠭᠰᠡᠨ ᠮᠠᠷᠢᠶᠠ ᠶᠢᠨ ᠠᠮᠤᠷ ᠢ ᠡᠷᠢᠭᠡᠷᠡᠢ᠃ 7 ᠨᠠᠳᠠ ᠲᠠᠢ ᠬᠠᠮᠲᠤ ᠬᠣᠷᠢᠭᠳᠠᠵᠤ ᠪᠠᠢᠭᠰᠠᠨ ᠮᠢᠨᠦ ᠰᠠᠳᠤᠨ ᠠᠨᠳ᠋ᠷᠣᠨᠢᠺ ᠪᠣᠯᠣᠨ ᠶᠦᠨᠢᠶᠠ ᠶᠢᠨ ᠠᠮᠤᠷ ᠢ ᠡᠷᠢᠶᠡ᠂ ᠲᠡᠳᠡ ᠪᠣᠯ ᠰᠢᠳᠠᠷ ᠱᠠᠪᠢ ᠨᠠᠷ ᠤᠨ ᠳᠤᠮᠳᠠ ᠨᠡᠷᠡ ᠴᠤᠤ ᠲᠠᠢ ᠪᠥᠭᠡᠳ ᠨᠠᠳᠠ ᠠᠴᠠ ᠤᠷᠢᠳᠠᠪᠠᠷ ᠾᠷᠢᠰᠲ᠋ᠣᠰ ᠤᠨ ᠳᠣᠲᠣᠷᠠ ᠪᠠᠢᠭᠰᠠᠨ ᠶᠤᠮ᠃ 8 ᠡᠵᠡᠨ ᠦ ᠳᠣᠲᠣᠷᠠᠬᠢ ᠮᠢᠨᠦ ᠬᠠᠢᠷᠠᠯᠠᠳᠠᠭ ᠠᠮᠫᠯᠢᠶᠠ ᠶᠢᠨ ᠠᠮᠤᠷ ᠢ ᠡᠷᠢᠭᠡᠷᠡᠢ᠃ 9 ᠾᠷᠢᠰᠲ᠋ᠣᠰ ᠤᠨ ᠳᠣᠲᠣᠷᠠ ᠪᠢᠳᠡᠨ ᠲᠡᠢ ᠬᠠᠮᠲᠤᠷᠠᠨ ᠠᠵᠢᠯᠯᠠᠭᠴᠢ ᠦᠷᠪᠠᠨ ᠪᠣᠯᠣᠨ ᠮᠢᠨᠦ ᠬᠠᠢᠷᠠᠲᠤ ᠰᠲ᠋ᠠᠬᠦ᠋ ᠶᠢᠨ ᠠᠮᠤᠷ ᠢ ᠡᠷᠢᠶᠡ᠃ 10 ᠾᠷᠢᠰᠲ᠋ᠣᠰ ᠳᠣᠲᠣᠷᠠ ᠰᠠᠢᠰᠢᠶᠠᠭᠳᠠᠭᠰᠠᠨ ᠠᠫᠧᠯᠠ ᠶᠢᠨ ᠠᠮᠤᠷ ᠢ ᠡᠷᠢᠭᠡᠷᠡᠢ᠃ ᠠᠷᠢᠰᠲ᠋ᠣᠪᠦ᠋ᠯ ᠤᠨ ᠭᠡᠷ ᠦᠨ ᠬᠢᠨ ᠤ ᠠᠮᠤᠷ ᠢ ᠡᠷᠢᠭᠡᠷᠡᠢ᠃ 11 ᠮᠢᠨᠦ ᠰᠠᠳᠤᠨ ᠾᠧᠷᠣᠳᠢᠶᠣᠨ ᠤ ᠠᠮᠤᠷ ᠢ ᠡᠷᠢᠭᠡᠷᠡᠢ᠂ ᠨᠠᠷᠺᠢᠰ ᠤᠨ ᠭᠡᠷ ᠳᠠᠬᠢ ᠡᠵᠡᠨ ᠦ ᠳᠣᠲᠣᠷᠠᠬᠢ ᠬᠥᠮᠦᠰ ᠦᠨ ᠠᠮᠤᠷ ᠢ ᠡᠷᠢᠭᠡᠷᠡᠢ᠃ 12 ᠡᠵᠡᠨ ᠦ ᠳᠣᠲᠣᠷᠠ ᠵᠦᠳᠡᠷᠡᠭᠰᠡᠨ ᠲᠷᠦ᠋ᠹᠠᠢᠨᠠ ᠪᠣᠯᠣᠨ ᠲᠷᠦ᠋ᠹᠣᠰᠠ ᠶᠢᠨ ᠠᠮᠤᠷ ᠢ ᠡᠷᠢᠭᠡᠷᠡᠢ᠃ ᠡᠵᠡᠨ ᠦ ᠳᠣᠲᠣᠷᠠ ᠶᠡᠬᠡᠳᠡ ᠵᠦᠳᠡᠷᠡᠭᠰᠡᠨ ᠬᠠᠢᠷᠠᠲᠤ ᠫᠧᠷᠰᠢ ᠶᠢᠨ ᠠᠮᠤᠷ ᠢ ᠡᠷᠢᠭᠡᠷᠡᠢ᠃ 13 ᠡᠵᠡᠨ ᠦ ᠳᠣᠲᠣᠷᠠ ᠰᠣᠩ᠋ᠭᠣᠭᠳᠠᠭᠰᠠᠨ ᠷᠦᠹ ᠪᠣᠯᠣᠨ ᠲᠡᠭᠦᠨ ᠦ ᠡᠵᠢ ᠶᠢᠨ ᠠᠮᠤᠷ ᠢ ᠡᠷᠢᠭᠡᠷᠡᠢ᠃ ᠲᠡᠭᠦᠨ ᠦ ᠡᠵᠢ ᠪᠣᠯ ᠮᠥᠨ ᠮᠢᠨᠦ ᠡᠵᠢ ᠶᠤᠮ᠃ 14 ᠠᠰᠦ᠋ᠨᠺᠷᠢᠲ᠂ ᠹᠯᠧᠭᠣᠨ᠂ ᠾᠧᠷᠮᠧ᠂ ᠫᠠᠲ᠋ᠷᠣᠪᠠ᠂ ᠾᠧᠷᠮᠠ ᠪᠣᠯᠣᠨ ᠲᠡᠳᠡᠨ ᠲᠡᠢ ᠬᠠᠮᠲᠤ ᠪᠠᠢᠭᠠ ᠠᠬᠠ ᠳᠡᠭᠦᠦᠰ ᠦᠨ ᠠᠮᠤᠷ ᠢ ᠡᠷᠢᠭᠡᠷᠡᠢ᠃ 15 ᠹᠢᠯᠣᠯᠣᠭ᠂ ᠶᠦᠯᠢᠶᠠ᠂ ᠨᠧᠷᠢᠶᠣ᠋ ᠪᠣᠯᠣᠨ ᠲᠡᠭᠦᠨ ᠦ ᠥᠬᠢᠨ ᠳᠡᠭᠦᠦ ᠪᠠ ᠣᠯᠢᠮᠫᠠ᠂ ᠲᠡᠳᠡᠨ ᠲᠡᠢ ᠬᠠᠮᠲᠤ ᠪᠠᠢᠭᠠ ᠠᠷᠢᠭᠤᠨ ᠬᠥᠮᠦᠰ ᠪᠦᠭᠦᠳᠡ ᠶᠢᠨ ᠠᠮᠤᠷ ᠢ ᠡᠷᠢᠭᠡᠷᠡᠢ᠃ 16 ᠠᠷᠢᠭᠤᠨ ᠦᠨᠦᠰᠦᠯᠲᠡ ᠪᠡᠷ ᠪᠡᠶᠡ ᠪᠡᠶᠡ ᠲᠠᠢ ᠪᠠᠨ ᠮᠡᠨᠳᠦᠴᠢᠯᠡᠭᠡᠷᠡᠢ᠃ ᠾᠷᠢᠰᠲ᠋ᠣᠰ ᠤᠨ ᠬᠠᠮᠤᠭ ᠴᠢᠭᠤᠯᠭᠠᠨ ᠲᠠ ᠨᠠᠷ ᠤᠨ ᠠᠮᠤᠷ ᠢ ᠡᠷᠢᠵᠦ ᠪᠠᠢᠨᠠ᠃
17 ᠠᠬᠠ ᠳᠡᠭᠦᠦ ᠨᠠᠷ ᠡ᠂ ᠲᠠ ᠨᠠᠷ ᠢ ᠢᠳᠬᠠᠶᠠ᠃ ᠰᠤᠷᠤᠭᠰᠠᠨ ᠰᠤᠷᠭᠠᠯ ᠤᠨ ᠴᠢᠨᠢ ᠡᠰᠡᠷᠭᠦ ᠪᠡᠷ ᠬᠠᠭᠠᠷᠠᠯ ᠪᠠ ᠰᠠᠭᠠᠳ ᠤᠴᠠᠷᠠᠭᠤᠯᠳᠠᠭ ᠬᠥᠮᠦᠰ ᠡᠴᠡ ᠪᠣᠯᠭᠣᠮᠵᠢᠯᠠᠵᠤ ᠲᠡᠳᠡᠨ ᠡᠴᠡ ᠵᠠᠢᠯᠠᠭᠲᠤᠨ᠃ 18 ᠡᠳᠡᠭᠡᠷ ᠬᠥᠮᠦᠨ ᠪᠢᠳᠡᠨ ᠦ ᠡᠵᠡᠨ ᠾᠷᠢᠰᠲ᠋ᠣᠰ ᠲᠤ ᠦᠢᠯᠡᠴᠢᠯᠡᠳᠡᠭ᠌ ᠪᠢᠰᠢ᠂ ᠬᠠᠷᠢᠨ ᠥᠪᠡᠷ ᠦᠨ ᠢᠶᠠᠨ ᠭᠡᠳᠡᠰᠦᠨ ᠳᠦ ᠦᠢᠯᠡᠴᠢᠯᠡᠵᠦ᠂ ᠤᠷᠠᠨ ᠵᠥᠭᠡᠯᠡᠨ ᠦᠭᠡ ᠪᠡᠷ ᠭᠡᠨᠡᠨ ᠬᠥᠮᠦᠰ ᠦᠨ ᠰᠡᠳᠬᠢᠯ ᠰᠠᠨᠠᠭᠠ ᠶᠢ ᠮᠡᠬᠡᠯᠡᠵᠦ ᠪᠠᠢᠳᠠᠭ᠃ 19 ᠲᠠ ᠨᠠᠷ ᠤᠨ ᠳᠤᠭᠤᠯᠭᠠᠪᠤᠷᠢᠲᠠᠢ ᠪᠠᠢᠳᠠᠭ ᠨᠢ ᠬᠠᠮᠤᠭ ᠬᠥᠮᠦᠨ ᠦ ᠳᠤᠮᠳᠠ ᠳᠠᠭᠤᠷᠢᠰᠤᠭᠰᠠᠨ᠃ ᠡᠢᠮᠦ ᠡᠴᠡ ᠪᠢ ᠲᠠ ᠨᠠᠷ ᠠᠴᠠ ᠪᠣᠯᠵᠤ ᠪᠠᠶᠠᠷᠯᠠᠵᠤ ᠪᠠᠢᠨᠠ᠃ ᠲᠠ ᠨᠠᠷ ᠰᠠᠢᠨ ᠳᠤ ᠮᠡᠷᠭᠡᠨ᠂ ᠮᠠᠭᠤ ᠲᠠᠢ ᠬᠣᠯᠪᠣᠭᠠ ᠦᠭᠡᠢ ᠪᠠᠢᠭᠠᠷᠠᠢ᠃ 20 ᠠᠮᠤᠭᠤᠯᠠᠩ ᠤᠨ ᠪᠤᠷᠬᠠᠨ ᠪᠡᠷ ᠰᠠᠲ᠋ᠠᠨ ᠢ ᠲᠠ ᠨᠠᠷ ᠤᠨ ᠬᠥᠯ ᠳᠣᠣᠷᠠ ᠤᠳᠠᠯ ᠦᠭᠡᠢ ᠪᠢᠴᠠᠯᠬᠤ ᠪᠣᠯᠣᠨᠠ᠃ ᠪᠢᠳᠡᠨ ᠦ ᠡᠵᠡᠨ ᠢᠰᠦ᠋ᠰ ᠤᠨ ᠢᠪᠡᠭᠡᠯ ᠲᠠ ᠨᠠᠷ ᠲᠠᠢ ᠬᠠᠮᠲᠤ ᠪᠠᠢᠬᠤ ᠪᠣᠯᠲᠤᠭᠠᠢ᠃
21 ᠨᠠᠳᠠ ᠲᠠᠢ ᠬᠠᠮᠲᠤᠷᠠᠨ ᠠᠵᠢᠯᠯᠠᠭᠴᠢ ᠲᠢᠮᠣᠲ ᠬᠢᠭᠡᠳ ᠮᠢᠨᠦ ᠰᠠᠳᠤᠨ ᠯᠦᠺᠢ᠂ ᠶᠠᠰᠣᠩ᠂ ᠰᠣᠰᠢᠫᠠᠲ᠋ᠧᠷ ᠲᠠ ᠨᠠᠷ ᠤᠨ ᠠᠮᠤᠷ ᠢ ᠡᠷᠢᠵᠦ ᠪᠠᠢᠨᠠ᠃
22 ᠡᠨᠡ ᠵᠠᠬᠢᠳᠠᠯ ᠢ ᠪᠢᠴᠢᠭ᠍ᠴᠢ ᠲᠧᠷᠲ᠋ᠢ ᠪᠢ ᠪᠠᠷ ᠡᠵᠡᠨ ᠦ ᠳᠣᠲᠣᠷᠠ ᠲᠠ ᠨᠠᠷ ᠤᠨ ᠠᠮᠤᠷ ᠢ ᠡᠷᠢᠵᠦ ᠪᠠᠢᠨᠠ᠃
23 ᠨᠠᠮᠠᠶᠢ ᠪᠣᠯᠣᠨ ᠪᠦᠬᠦ ᠴᠢᠭᠤᠯᠭᠠᠨ ᠢ ᠵᠣᠴᠢᠯᠠᠭᠴᠢ ᠭᠠᠢᠶᠣ᠋ ᠲᠠ ᠨᠠᠷ ᠤᠨ ᠠᠮᠤᠷ ᠢ ᠡᠷᠢᠵᠦ ᠪᠠᠢᠨᠠ᠃ ᠬᠣᠲᠠ ᠶᠢᠨ ᠬᠥᠮᠥᠷᠭᠡ ᠶᠢᠨ ᠨᠢᠷᠪᠠ ᠧᠷᠠᠰᠲ ᠪᠠ ᠳᠡᠭᠦᠦ ᠭᠦᠶᠠᠷᠲ ᠲᠠ ᠨᠠᠷ ᠤᠨ ᠠᠮᠤᠷ ᠢ ᠡᠷᠢᠵᠦ ᠪᠠᠢᠨᠠ᠃ 24 〔ᠪᠢᠳᠡᠨ ᠦ ᠡᠵᠡᠨ ᠢᠰᠦ᠋ᠰ ᠾᠷᠢᠰᠲ᠋ᠣᠰ ᠤᠨ ᠢᠪᠡᠭᠡᠯ ᠲᠠ ᠪᠦᠬᠦᠨ ᠲᠡᠢ ᠬᠠᠮᠲᠤ ᠪᠠᠢᠬᠤ ᠪᠣᠯᠲᠤᠭᠠᠢ᠃ ᠠᠮᠧᠨ︕〕 25-26 [ᠥᠨᠢ ᠡᠷᠲᠡ ᠴᠠᠭ ᠠᠴᠠ ᠨᠢᠭᠤᠭᠳᠠᠵᠤ ᠪᠠᠢᠭᠰᠠᠨ ᠪᠣᠯᠪᠠᠴᠤ ᠬᠠᠮᠤᠭ ᠬᠠᠷᠢᠴᠤᠳ ᠲᠤ ᠮᠡᠳᠡᠭᠳᠡᠨ ᠲᠡᠳᠡᠨ ᠢ ᠳᠤᠭᠤᠯᠭᠠᠪᠤᠷᠢᠲᠠᠢ ᠢᠲᠡᠭᠡᠭᠦᠯᠬᠦ ᠶᠢᠨ ᠲᠤᠯᠠᠳᠠ ᠮᠥᠩᠬᠡ ᠶᠢᠨ ᠪᠤᠷᠬᠠᠨ ᠤ ᠵᠠᠷᠯᠢᠭ ᠢ ᠳᠠᠭᠠᠵᠤ᠂ ᠡᠰᠢ ᠦᠵᠡᠭᠦᠯᠦᠭᠴᠢᠳ ᠤᠨ ᠪᠢᠴᠢᠭ ᠪᠠᠷᠢᠮᠲᠠ ᠪᠠᠷ ᠡᠳᠦᠭᠡ ᠢᠯᠡ ᠭᠠᠷᠤᠭᠰᠠᠨ ᠨᠢᠭᠤᠴᠠ ᠶᠢᠨ ᠢᠯᠡᠷᠬᠡᠶᠢᠯᠡᠯᠭᠡ ᠪᠡᠷ᠂ ᠪᠠᠰᠠ ᠮᠢᠨᠦ ᠪᠠᠶᠠᠷ ᠤᠨ ᠮᠡᠳᠡᠭᠡ ᠪᠣᠯᠣᠨ ᠢᠰᠦ᠋ᠰ ᠾᠷᠢᠰᠲ᠋ᠣᠰ ᠤᠨ ᠲᠤᠬᠠᠢ ᠰᠤᠷᠭᠠᠯ ᠢᠶᠠᠷ ᠲᠠ ᠨᠠᠷ ᠢ ᠪᠠᠲᠤᠳᠬᠠᠬᠤ ᠴᠢᠳᠠᠯ ᠲᠠᠢ ᠨᠢᠭᠡᠨ ᠳᠦ᠂ 27 ᠲᠤᠬᠠᠢᠯᠠᠪᠠᠯ ᠴᠣᠷ ᠤᠨ ᠭᠠᠭᠴᠠ ᠮᠡᠷᠭᠡᠨ ᠪᠤᠷᠬᠠᠨ ᠳᠤ ᠢᠰᠦ᠋ᠰ ᠾᠷᠢᠰᠲ᠋ᠣᠰ ᠢᠶᠠᠷ ᠳᠠᠮᠵᠢᠨ ᠠᠯᠳᠠᠷ ᠰᠤᠤ ᠮᠥᠩᠬᠡᠳᠡ ᠪᠠᠢᠬᠤ ᠪᠣᠯᠲᠤᠭᠠᠢ᠃ ᠠᠮᠧᠨ︕]