ᠷᠣᠮᠠ ᠠᠷᠪᠠᠨ ᠬᠣᠶᠠᠷ
ᠾᠷᠢᠰᠲ᠋ᠣᠰ ᠲᠤ ᠡᠷᠭᠦᠭᠰᠡᠨ ᠰᠢᠨᠡ ᠠᠮᠢᠳᠤᠷᠠᠯ
1 ᠲᠡᠢᠮᠦ ᠡᠴᠡ ᠠᠬᠠ ᠳᠡᠭᠦᠦ ᠨᠠᠷ ᠡ᠂ ᠪᠤᠷᠬᠠᠨ ᠤ ᠥᠷᠥᠪᠳᠥᠯ ᠢᠶᠡᠷ ᠲᠠ ᠨᠠᠷ ᠲᠤ ᠤᠷᠢᠶᠠᠯᠠᠵᠤ ᠪᠠᠢᠨᠠ᠂ ᠪᠡᠶᠡ ᠪᠡᠨ ᠪᠤᠷᠬᠠᠨ ᠳᠤ ᠲᠠᠭᠠᠯᠠᠭᠳᠠᠬᠤ ᠠᠷᠢᠭᠤᠨ᠂ ᠠᠮᠢᠳᠤ ᠲᠠᠬᠢᠯ ᠪᠣᠯᠭᠠᠨ ᠡᠷᠭᠦᠭᠲᠦᠨ᠂ ᠲᠠ ᠨᠠᠷ ᠤᠨ ᠰᠦᠨᠡᠰᠦᠯᠢᠭ 11 ᠮᠥᠷᠭᠥᠯ ᠪᠣᠯ ᠡᠨᠡ᠃ 2 ᠡᠨᠡ ᠶᠢᠷᠲᠢᠨᠴᠦ ᠳᠦ ᠪᠦᠦ ᠠᠭᠤᠰ᠂ ᠬᠠᠷᠢᠨ ᠰᠠᠨᠠᠭᠠ ᠪᠠᠨ ᠰᠢᠨᠡᠴᠢᠯᠡᠨ ᠥᠭᠡᠷᠡᠴᠢᠯᠡᠭᠲᠦᠨ︕ ᠲᠡᠭᠡᠪᠡᠯ ᠪᠤᠷᠬᠠᠨ ᠤ ᠰᠠᠢᠨ᠂ ᠲᠠᠭᠠᠯᠠᠮᠵᠢᠲᠠᠢ᠂ ᠲᠡᠭᠦᠯᠳᠡᠷ ᠲᠠᠭᠠᠯᠠᠯ ᠶᠠᠭᠤ ᠪᠣᠯᠬᠤ ᠶᠢ ᠲᠠᠨᠢᠬᠤ ᠪᠣᠯᠣᠨᠠ᠃
3 ᠨᠠᠳᠠ ᠳᠤ ᠰᠣᠶᠣᠷᠬᠠᠭᠰᠠᠨ ᠢᠪᠡᠭᠡᠯ ᠢᠶᠡᠷ ᠲᠠ ᠪᠦᠭᠦᠳᠡ ᠳᠦ ᠬᠡᠯᠡᠶᠡ᠃ ᠥᠪᠡᠷ ᠦᠨ ᠢᠶᠠᠨ ᠲᠤᠬᠠᠢ ᠪᠣᠳᠣᠬᠤ ᠶᠣᠰᠣᠲᠠᠢ ᠠᠴᠠ ᠪᠠᠨ ᠢᠯᠡᠭᠦᠦ ᠪᠡᠷ ᠪᠦᠦ ᠪᠣᠳᠣ᠂ ᠬᠠᠷᠢᠨ ᠪᠤᠷᠬᠠᠨ ᠤ ᠬᠥᠮᠦᠨ ᠪᠦᠷᠢ ᠳᠤ ᠬᠤᠪᠢᠶᠠᠭᠰᠠᠨ ᠢᠲᠡᠭᠡᠯ ᠦᠨ ᠬᠡᠮᠵᠢᠶᠡᠨ ᠦ ᠶᠣᠰᠣ ᠪᠠᠷ ᠴᠢᠬᠢᠮᠠᠢ ᠪᠣᠳᠣ︕ 4 ᠭᠠᠭᠴᠠ ᠪᠡᠶᠡ ᠳᠦ ᠣᠯᠠᠨ ᠡᠷᠬᠡᠲᠡᠨ ᠪᠠᠢᠳᠠᠭ ᠴᠤ ᠡᠷᠬᠡᠲᠡᠨ ᠪᠣᠯᠭᠠᠨ ᠨᠢ ᠠᠳᠠᠯᠢ ᠪᠤᠰᠤ ᠴᠢᠳᠠᠪᠬᠢ ᠲᠠᠢ ᠪᠠᠢᠳᠠᠭ ᠤᠨ ᠠᠳᠠᠯᠢ᠂ 5 ᠪᠢᠳᠡ ᠣᠯᠠᠭᠤᠯᠠ ᠪᠠᠨ ᠾᠷᠢᠰᠲ᠋ᠣᠰ ᠤᠨ ᠳᠣᠲᠣᠷᠠ ᠭᠠᠭᠴᠠ ᠪᠡᠶᠡ ᠪᠣᠯᠣᠭᠰᠠᠨ ᠴᠤ᠂ ᠨᠢᠭᠡ ᠨᠢᠭᠡᠨ ᠳᠡᠭᠡᠨ ᠡᠷᠬᠡᠲᠡᠨ ᠪᠣᠯᠳᠠᠭ᠃ 6 ᠪᠢᠳᠡᠨ ᠦ ᠬᠥᠮᠦᠨ ᠪᠦᠷᠢ ᠢᠪᠡᠭᠡᠭᠳᠡᠭᠰᠡᠨ ᠶᠣᠰᠣᠭᠠᠷ ᠢᠶᠠᠨ ᠥᠭᠡᠷᠡ ᠥᠭᠡᠷᠡ ᠰᠣᠶᠣᠷᠬᠠᠯ ᠲᠠᠢ᠃ ᠡᠰᠢ ᠦᠵᠡᠭᠦᠯᠦᠯᠭᠡ ᠶᠢ ᠢᠲᠡᠭᠡᠯ ᠦᠨ ᠬᠡᠮᠵᠢᠶᠡ ᠪᠡᠷ 12 ᠂ 7 ᠦᠢᠯᠡᠴᠢᠯᠡᠯ ᠢ ᠦᠢᠯᠡᠴᠢᠯᠡᠯ ᠢᠶᠡᠷ᠂ ᠰᠤᠷᠭᠠᠭᠴᠢ ᠨᠢ ᠰᠤᠷᠭᠠᠯ ᠢᠶᠠᠷ 8 ᠵᠣᠷᠢᠭᠵᠢᠭᠤᠯᠤᠭᠴᠢ ᠨᠢ ᠵᠣᠷᠢᠭᠵᠢᠭᠤᠯᠤᠯ ᠢᠶᠠᠷ᠂ ᠥᠭᠯᠢᠭᠡᠴᠢ ᠨᠢ ᠴᠡᠪᠡᠷ ᠰᠡᠳᠬᠢᠯ ᠢᠶᠡᠷ᠂ ᠤᠳᠤᠷᠢᠳᠤᠭᠴᠢ ᠨᠢ ᠴᠢᠷᠮᠠᠢᠯᠲᠠ ᠪᠠᠷ᠂ ᠡᠨᠡᠷᠢᠭ᠍ᠴᠢ ᠨᠢ ᠪᠠᠶᠠᠷ ᠲᠠᠢ ᠪᠠᠷ ᠠᠰᠢᠭᠯᠠᠬᠳᠤᠨ᠃
ᠰᠢᠨᠡ ᠠᠮᠢᠳᠤᠷᠠᠯ ᠤᠨ ᠵᠢᠭᠠᠪᠤᠷᠢ
9 ᠬᠠᠢᠷᠠ ᠨᠢ ᠬᠣᠶᠠᠷ ᠨᠢᠭᠤᠷ ᠦᠭᠡᠢ᠃ ᠮᠠᠭᠤ ᠶᠢ ᠵᠢᠭ᠍ᠰᠢ᠂ ᠰᠠᠢᠨ ᠢ ᠪᠠᠷᠢᠮᠲᠠᠯᠠ᠃ 10 ᠠᠬᠠ ᠳᠡᠭᠦᠦᠰ ᠦᠨ ᠬᠠᠢᠷᠠ ᠪᠠᠷ ᠪᠡᠶᠡ ᠪᠡᠶᠡ ᠳᠡᠭᠡᠨ ᠡᠯᠢᠭᠡᠰᠡᠭ ᠪᠠᠢ᠃ ᠪᠤᠰᠤᠳ ᠠᠴᠠ ᠲᠦᠷᠦᠭᠦᠯᠡᠨ ᠪᠡᠶᠡ ᠪᠡᠶᠡ ᠪᠡᠨ ᠬᠦᠨᠳᠦᠳᠬᠡ᠃ 11 ᠴᠢᠷᠮᠠᠢᠯᠲᠠ ᠲᠠᠢ᠂ ᠵᠠᠯᠬᠠᠭᠤ ᠦᠭᠡᠢ᠂ ᠬᠠᠯᠠᠭᠤᠨ ᠰᠡᠳᠬᠢᠯ ᠢᠶᠠᠷ ᠡᠵᠡᠨ ᠳᠦ ᠵᠠᠷᠤᠭᠳᠠ᠃ 12 ᠡᠷᠡᠮᠡᠯᠵᠡᠯ ᠳᠡᠭᠡᠨ ᠪᠠᠶᠠᠰ᠂ ᠵᠣᠪᠠᠯᠠᠩ ᠳᠠᠭᠠᠨ ᠲᠡᠰᠪᠦᠷᠢᠯᠡ᠂ ᠳᠠᠭᠠᠳᠬᠠᠯ ᠳᠠᠭᠠᠨ ᠲᠤᠤᠱᠲᠠᠢ ᠪᠠᠢ᠃ 13 ᠠᠷᠢᠭᠤᠨ ᠬᠥᠮᠦᠰ ᠦᠨ ᠬᠡᠷᠡᠭᠴᠡᠭᠡ ᠶᠢ ᠬᠠᠩ᠋ᠭᠠ᠂ ᠵᠣᠴᠢᠨᠰᠠᠭ ᠪᠠᠢ᠃
14 ᠬᠠᠪᠴᠢᠭᠴᠢᠳ ᠢᠶᠠᠨ ᠢᠷᠥᠭᠡ᠃ ᠢᠷᠥᠭᠡ᠂ ᠪᠦᠦ ᠬᠠᠷᠢᠶᠠ᠃ 15 ᠪᠠᠶᠠᠰᠤᠭᠴᠢᠳ ᠲᠠᠢ ᠬᠠᠮᠲᠤ ᠪᠠᠶᠠᠰ᠂ ᠤᠬᠢᠯᠠᠭᠴᠢᠳ ᠲᠠᠢ ᠬᠠᠮᠲᠤ ᠤᠬᠢᠯᠠ᠃ 16 ᠪᠤᠰᠤᠳ ᠲᠠᠢ ᠪᠠᠨ ᠨᠢᠭᠡ ᠰᠠᠨᠠᠭᠠ ᠲᠠᠢ ᠪᠠᠢ᠂ ᠳᠡᠭᠡᠷᠡᠩᠭᠦᠢ ᠵᠠᠩ ᠪᠦᠦ ᠭᠠᠷᠭᠠ᠂ ᠬᠠᠷᠢᠨ ᠳᠣᠣᠷᠠᠳᠤᠰ ᠲᠠᠢ ᠨᠠᠢᠵᠠᠯᠠ᠂ ᠥᠪᠡᠷ ᠢ ᠪᠠᠨ ᠤᠬᠠᠭᠠᠨ ᠲᠠᠢ ᠭᠡᠵᠦ ᠪᠦᠦ ᠪᠣᠳᠣ᠃ 17 ᠬᠡᠨ ᠳᠦ ᠴᠤ ᠮᠠᠭᠤ ᠶᠢ ᠨᠢ ᠮᠠᠭᠤ ᠪᠠᠷ ᠪᠦᠦ ᠬᠠᠷᠢᠭᠤᠯ᠃ ᠪᠦᠬᠦᠨ ᠦ ᠨᠢᠳᠦᠨ ᠳᠦ ᠰᠠᠢᠨ ᠰᠠᠢᠬᠠᠨ ᠢ ᠰᠠᠨᠠᠭᠠᠴᠢᠯᠠ᠃ 18 ᠲᠠ ᠨᠠᠷ ᠠᠯᠢ ᠴᠢᠳᠠᠬᠤ ᠪᠠᠷ ᠬᠥᠮᠦᠨ ᠪᠦᠬᠦᠨ ᠲᠡᠢ ᠡᠶᠡ ᠲᠠᠢ ᠪᠠᠢᠵᠠᠭᠠ᠃ 19 ᠬᠠᠢᠷᠠᠲᠤ ᠨᠤᠭᠤᠳ ᠡ᠂ ᠥᠰᠢᠶᠡ ᠪᠡᠨ ᠥᠪᠡᠷ ᠢᠶᠡᠨ ᠪᠦᠦ ᠠᠪ᠂ ᠪᠤᠷᠬᠠᠨ ᠤ ᠬᠢᠯᠢᠩ ᠳᠤ ᠵᠠᠢ ᠦᠯᠡᠳᠡᠭᠡ᠃ 《〈ᠥᠰᠢᠶᠡ ᠠᠪᠤᠯᠲᠠ ᠨᠢ ᠮᠢᠨᠦᠬᠢ᠂ ᠪᠢ ᠬᠠᠷᠢᠭᠤᠯᠤᠨᠠ〉 ᠬᠡᠮᠡᠨ ᠡᠵᠡᠨ ᠠᠢᠯᠠᠳᠴᠤ ᠪᠠᠢᠨᠠ᠃》 20 ᠲᠡᠢᠮᠦ ᠡᠴᠡ 《ᠥᠰᠲᠡᠨ ᠴᠢᠨᠢ ᠥᠯᠥᠰᠥᠭᠰᠡᠨ ᠪᠣᠯ ᠬᠣᠭᠣᠯᠠ ᠥᠭ᠂ ᠴᠠᠩ᠋ᠭᠠᠭᠰᠠᠨ ᠪᠣᠯ ᠤᠰᠤ ᠥᠭ᠂ ᠡᠢᠨ ᠬᠦ ᠴᠢ ᠲᠡᠭᠦᠨ ᠦ ᠲᠣᠯᠣᠭᠠᠢ ᠳᠡᠭᠡᠷᠡ ᠭᠠᠯ ᠲᠠᠢ ᠨᠡᠭᠦᠷᠡᠰᠦ ᠣᠪᠣᠭᠠᠯᠠᠨᠠ᠃》 21 ᠮᠠᠭᠤ ᠳᠤ ᠪᠦᠦ ᠳᠡᠢᠯᠦᠭᠳᠡ᠂ ᠬᠠᠷᠢᠨ ᠰᠠᠢᠨ ᠢᠶᠠᠷ ᠮᠠᠭᠤ ᠶᠢ ᠳᠡᠢᠯᠦᠭᠡᠷᠡᠢ᠃