ᠷᠣᠮᠠ ᠠᠷᠪᠠ
1 ᠠᠬᠠ ᠳᠡᠭᠦᠦ ᠨᠠᠷ ᠡ᠂ ᠮᠢᠨᠦ ᠵᠢᠷᠦᠬᠡᠨ ᠦ ᠬᠦᠰᠡᠯ᠂ ᠪᠤᠷᠬᠠᠨ ᠤ ᠡᠮᠦᠨᠡᠬᠢ ᠮᠢᠨᠦ ᠳᠠᠭᠠᠳᠬᠠᠯ ᠪᠣᠯ ᠢᠰᠷᠧᠯᠴᠦᠳ ᠦᠨ ᠠᠪᠤᠷᠠᠯ ᠪᠢᠯᠡ᠃ 2 ᠲᠡᠳᠡᠨ ᠦ ᠲᠤᠬᠠᠢ ᠭᠡᠷᠡᠴᠢᠯᠡᠶᠡ᠂ ᠲᠡᠳᠡ ᠪᠤᠷᠬᠠᠨ ᠳᠤ ᠬᠠᠯᠠᠭᠤᠨ ᠰᠡᠳᠬᠢᠯ ᠲᠠᠢ ᠪᠣᠯᠪᠠᠴᠤ ᠲᠡᠷᠡ ᠨᠢ ᠵᠢᠩᠬᠢᠨᠢ ᠮᠡᠳᠡᠯᠭᠡ ᠳᠦ ᠨᠡᠢᠴᠡᠳᠡᠭ ᠦᠭᠡᠢ᠃ 3 ᠲᠡᠳᠡ ᠪᠤᠷᠬᠠᠨ ᠤ ᠵᠥᠪ ᠢ ᠮᠡᠳᠡᠳᠡᠭ ᠦᠭᠡᠢ ᠲᠤᠯᠠ ᠥᠪᠡᠷ ᠦᠨ ᠢᠶᠠᠨ ᠵᠥᠪ ᠢ ᠪᠠᠢᠭᠤᠯᠬᠤ ᠭᠡᠵᠦ ᠣᠷᠣᠯᠳᠤᠭᠰᠠᠭᠠᠷ ᠪᠤᠷᠬᠠᠨ ᠤ ᠵᠥᠪ ᠲᠤ ᠵᠠᠬᠢᠷᠤᠭᠳᠠᠭᠠ ᠦᠭᠡᠢ᠂ 4 ᠤᠴᠢᠷ ᠨᠢ᠂ ᠾᠷᠢᠰᠲ᠋ᠣᠰ ᠪᠣᠯ ᠬᠠᠤᠯᠢ ᠶᠢᠨ ᠲᠡᠭᠦᠰᠬᠡᠯ ᠮᠥᠨ᠂ ᠲᠡᠭᠦᠨ ᠳᠦ ᠢᠲᠡᠭᠡᠭᠴᠢ ᠪᠦᠬᠦᠨ ᠵᠥᠪᠲᠥᠭᠡᠭᠳᠡᠨᠡ᠃
ᠠᠪᠤᠷᠠᠯ ᠳᠤ ᠬᠦᠷᠬᠦ ᠵᠠᠮ
5 ᠬᠠᠤᠯᠢ ᠡᠴᠡ ᠢᠷᠡᠬᠦ ᠵᠥᠪᠲᠦ ᠪᠠᠢᠳᠠᠯ ᠤᠨ ᠲᠤᠬᠠᠢ ᠮᠣᠰᠧ᠄ 《ᠡᠳᠡᠭᠡᠷ ᠢ ᠪᠡᠶᠡᠯᠡᠭᠦᠯᠳᠡᠭ ᠬᠥᠮᠦᠨ ᠡᠳᠡᠭᠡᠷ ᠢᠶᠡᠷ ᠠᠮᠢᠳᠤᠷᠠᠨᠠ》 ᠭᠡᠵᠦ ᠪᠢᠴᠢᠭᠰᠡᠨ ᠪᠠᠢᠬᠤ ᠳᠤ᠂ 6 ᠢᠲᠡᠭᠡᠯ ᠡᠴᠡ ᠢᠷᠡᠬᠦ ᠵᠥᠪᠲᠦ ᠪᠠᠢᠳᠠᠯ ᠨᠢ᠄ 《ᠴᠢ ᠰᠡᠳᠬᠢᠯ ᠳᠡᠭᠡᠨ 〈ᠬᠡᠨ ᠲᠩᠷᠢ ᠳᠤ ᠭᠠᠷᠬᠤ ᠪᠤᠢ︖〉 ᠭᠡᠵᠦ ᠪᠦᠦ ᠬᠡᠯᠡ᠃ ᠾᠷᠢᠰᠲ᠋ᠣᠰ ᠢ ᠲᠡᠨᠳᠡ ᠡᠴᠡ ᠳᠣᠷᠣᠭᠰᠢ ᠠᠪᠠᠴᠢᠬᠤ ᠭᠡᠰᠡᠨ ᠬᠡᠷᠡᠭ᠃ 7 ᠮᠥᠨ 〈ᠬᠡᠨ ᠢᠷᠤᠭᠠᠷ ᠦᠭᠡᠢ ᠨᠦᠬᠡᠨ ᠳᠦ ᠪᠠᠭᠤᠬᠤ ᠪᠤᠢ︖〉 ᠭᠡᠵᠦ ᠪᠦᠦ ᠬᠡᠯᠡ︕ ᠾᠷᠢᠰᠲ᠋ᠣᠰ ᠢ ᠦᠬᠦᠭᠰᠡᠳ ᠦᠨ ᠳᠤᠮᠳᠠ ᠠᠴᠠ ᠳᠡᠭᠡᠭᠰᠢ ᠠᠪᠴᠢᠷᠠᠬᠤ ᠭᠡᠰᠡᠨ ᠬᠡᠷᠡᠭ》 ᠭᠡᠬᠦ ᠪᠣᠯᠣᠨᠠ᠃ 8 ᠶᠠᠭᠤ ᠭᠡᠪᠡᠯ 《ᠲᠡᠷᠡ ᠦᠭᠡ ᠴᠢᠮᠠ ᠳᠤ ᠣᠢᠷᠠᠬᠠᠨ᠂ ᠴᠢᠨᠦ ᠠᠮᠠᠨ ᠳᠤ᠂ ᠴᠢᠨᠦ ᠵᠢᠷᠦᠬᠡᠨ ᠳᠦ ᠪᠤᠢ᠃》 ᠪᠢᠳᠡᠨ ᠦ ᠳᠡᠯᠭᠡᠷᠡᠭᠦᠯᠳᠡᠭ᠌ ᠢᠲᠡᠭᠡᠯ ᠦᠨ ᠦᠭᠡ ᠨᠢ ᠡᠨᠡ᠄ 9 ᠬᠡᠷᠪᠡ ᠲᠠ 《ᠢᠰᠦ᠋ᠰ ᠪᠣᠯ ᠡᠵᠡᠨ》 ᠭᠡᠵᠦ ᠠᠮᠠᠨ ᠳᠠᠭᠠᠨ ᠵᠥᠪᠰᠢᠶᠡᠷᠡᠨ᠂ ᠪᠤᠷᠬᠠᠨ ᠲᠡᠭᠦᠨ ᠢ ᠦᠬᠦᠭᠰᠡᠳ ᠦᠨ ᠳᠤᠮᠳᠠ ᠠᠴᠠ ᠠᠮᠢᠯᠠᠭᠤᠯᠤᠭᠰᠠᠨ ᠢ ᠵᠢᠷᠦᠬᠡᠨ ᠳᠡᠭᠡᠨ ᠢᠲᠡᠭᠡᠪᠡᠯ ᠠᠪᠤᠷᠠᠭᠳᠠᠨᠠ᠃ 10 ᠦᠨᠡᠨ ᠳᠡᠭᠡᠨ ᠬᠥᠮᠦᠨ ᠵᠢᠷᠦᠬᠡᠨ ᠳᠡᠭᠡᠨ ᠢᠲᠡᠭᠡᠭᠡᠳ ᠵᠥᠪᠲᠥᠭᠡᠭᠳᠡᠨ᠂ ᠠᠮᠠᠨ ᠳᠠᠭᠠᠨ ᠵᠥᠪᠰᠢᠶᠡᠷᠡᠵᠦ ᠠᠪᠤᠷᠠᠭᠳᠠᠨᠠ᠃ 11 ᠠᠷᠢᠭᠤᠨ ᠨᠣᠮ᠄ 《ᠲᠡᠭᠦᠨ ᠳᠦ ᠢᠲᠡᠭᠡᠭᠴᠢ ᠪᠣᠯᠭᠠᠨ ᠢᠴᠢᠭᠦᠷᠢ ᠳᠤ ᠣᠷᠣᠬᠤ ᠦᠭᠡᠢ》 ᠭᠡᠰᠡᠨ ᠪᠠᠢᠨᠠ᠃ 12 ᠶᠦᠳᠠᠢ ᠬᠥᠮᠦᠨ ᠴᠤ᠂ ᠭᠷᠧᠭ ᠬᠥᠮᠦᠨ ᠴᠤ ᠢᠯᠭᠠᠭᠠ ᠦᠭᠡᠢ᠃ ᠲᠡᠷᠡ ᠪᠣᠯ ᠬᠠᠮᠤᠭ ᠬᠥᠮᠦᠨ ᠦ ᠡᠵᠡᠨ ᠪᠥᠭᠡᠳ ᠥᠪᠡᠷ ᠢ ᠨᠢ ᠳᠠᠭᠤᠳᠠᠭᠴᠢ ᠪᠦᠬᠦᠨ ᠳᠦ ᠥᠭᠭᠢᠶᠡᠮᠦᠷ ᠪᠠᠢᠳᠠᠭ᠃ 13 ᠦᠨᠡᠨ ᠳᠡᠭᠡᠨ 《ᠡᠵᠡᠨ ᠦ ᠨᠡᠷᠡ ᠶᠢ ᠳᠠᠭᠤᠳᠠᠭᠴᠢ ᠪᠣᠯᠭᠠᠨ ᠠᠪᠤᠷᠠᠭᠳᠠᠨᠠ᠃》
14 ᠬᠠᠷᠢᠨ ᠢᠲᠡᠭᠡᠭᠡ ᠦᠭᠡᠢ ᠪᠠᠷ ᠲᠡᠭᠦᠨ ᠢ ᠶᠠᠭᠠᠬᠢᠨ ᠳᠠᠭᠤᠳᠠᠨᠠ ᠪᠤᠢ︖ ᠰᠣᠨᠣᠰᠣᠭᠠ ᠦᠭᠡᠢ ᠪᠠᠷ ᠲᠡᠭᠦᠨ ᠳᠦ ᠶᠠᠭᠠᠬᠢᠨ ᠢᠲᠡᠭᠡᠨᠡ ᠪᠤᠢ︖ ᠳᠡᠯᠭᠡᠷᠡᠭᠦᠯᠦᠭᠴᠢ ᠦᠭᠡᠢ ᠪᠠᠷ ᠶᠠᠭᠠᠬᠢᠨ ᠰᠣᠨᠣᠰᠣᠨᠠ ᠪᠤᠢ︖ 15 ᠢᠯᠡᠭᠡᠭᠳᠡᠭᠡ ᠦᠭᠡᠢ ᠪᠠᠷ ᠶᠠᠭᠠᠬᠢᠨ ᠳᠡᠯᠭᠡᠷᠡᠭᠦᠯᠦᠨᠡ ᠪᠤᠢ︖ ᠡᠢᠮᠦ ᠡᠴᠡ 《ᠪᠠᠶᠠᠷ ᠤᠨ ᠮᠡᠳᠡᠭᠡᠴᠢᠨ ᠤ ᠬᠥᠯ ᠶᠠᠭᠤᠲᠠᠢ ᠰᠠᠢᠬᠠᠨ ᠪᠤᠢ︕》 ᠭᠡᠵᠦ ᠪᠢᠴᠢᠭᠳᠡᠭᠰᠡᠨ ᠪᠠᠢᠳᠠᠭ᠃ 16 ᠭᠡᠬᠦ ᠳᠡᠭᠡᠨ ᠬᠥᠮᠦᠨ ᠪᠣᠯᠭᠠᠨ ᠪᠠᠶᠠᠷ ᠤᠨ ᠮᠡᠳᠡᠭᠡᠨ ᠳᠦ ᠵᠠᠬᠢᠷᠤᠭᠳᠠᠭᠰᠠᠨ ᠪᠢᠰᠢ᠃ 《ᠡᠵᠡᠨ ᠡ᠂ ᠪᠢᠳᠡᠨ ᠦ ᠰᠣᠨᠣᠰᠬᠠᠭᠰᠠᠨ ᠢ ᠬᠡᠨ ᠢᠲᠡᠭᠡᠪᠡ︖》 ᠭᠡᠵᠦ ᠢᠰᠠᠢᠶᠠ ᠬᠡᠯᠡᠭᠰᠡᠨ ᠪᠠᠢᠳᠠᠭ᠃ 17 ᠲᠡᠢᠨ ᠬᠦ ᠢᠲᠡᠭᠡᠯ ᠪᠣᠯ ᠰᠣᠨᠣᠰᠬᠤ ᠠᠴᠠ᠂ ᠰᠣᠨᠣᠰᠬᠤ ᠪᠣᠯ ᠾᠷᠢᠰᠲ᠋ᠣᠰ ᠤᠨ ᠦᠭᠡ ᠪᠡᠷ ᠪᠢᠯᠡ᠃ 18 ᠭᠡᠪᠡᠴᠦ ᠪᠢ ᠠᠰᠠᠭᠤᠶᠠ᠂ ᠲᠡᠳᠡ ᠰᠣᠨᠣᠰᠣᠭᠰᠠᠨ ᠦᠭᠡᠢ ᠤᠤ︖ ᠨᠡᠭᠡᠷᠡᠨ ᠰᠣᠨᠣᠰᠣᠭᠰᠠᠨ ᠶᠤᠮ᠃ 《ᠳᠠᠭᠤ ᠨᠢ ᠭᠠᠵᠠᠷ ᠳᠠᠶᠠᠭᠠᠷ᠂ ᠦᠭᠡᠰ ᠨᠢ ᠳᠡᠯᠡᠬᠡᠢ ᠶᠢᠨ ᠬᠢᠵᠠᠭᠠᠷ ᠲᠤ ᠬᠦᠷᠦᠭᠰᠡᠨ᠃》 19 ᠳᠠᠬᠢᠨ ᠠᠰᠠᠭᠤᠶᠠ᠂ ᠢᠰᠷᠧᠯ ᠮᠡᠳᠡᠭᠰᠡᠨ ᠦᠭᠡᠢ ᠤᠤ︖ ᠮᠣᠰᠧ ᠤᠷᠢᠳᠠᠪᠠᠷ᠄ 《ᠪᠢ ᠠᠷᠠᠳ ᠲᠦᠮᠡᠨ ᠮᠢᠨᠢ ᠪᠢᠰᠢ ᠬᠥᠮᠦᠰ ᠢᠶᠡᠷ ᠲᠠ ᠨᠠᠷ ᠢ ᠬᠠᠷᠠᠳᠠᠭᠤᠯᠵᠤ᠂ ᠮᠤᠩ᠋ᠬᠠᠭ ᠬᠠᠷᠢᠴᠤᠳ ᠢᠶᠠᠷ ᠲᠠ ᠨᠠᠷ ᠢ ᠠᠭᠤᠷᠯᠠᠭᠤᠯᠤᠨᠠ》 ᠭᠡᠰᠡᠨ ᠪᠥᠭᠡᠳ 20 ᠢᠰᠠᠢᠶᠠ ᠵᠣᠷᠢᠭᠲᠠᠢ ᠪᠠᠷ᠄ 《ᠪᠢ ᠥᠪᠡᠷ ᠢ ᠮᠢᠨᠢ ᠦᠯᠦ ᠬᠠᠢᠭᠰᠠᠳ ᠲᠤ ᠤᠯᠳᠠᠪᠠ᠂ ᠥᠪᠡᠷ ᠡᠴᠡ ᠮᠢᠨᠢ ᠦᠯᠦ ᠭᠤᠶᠤᠭᠰᠠᠳ ᠲᠤ ᠬᠠᠷᠢᠭᠤᠯᠪᠠ》 ᠬᠡᠮᠡᠭᠰᠡᠨ ᠪᠣᠯᠪᠠᠴᠤ 21 ᠢᠰᠷᠧᠯ ᠤᠨ ᠲᠤᠬᠠᠢ᠄ 《ᠳᠤᠭᠤᠯᠭᠠᠪᠤᠷᠢ ᠦᠭᠡᠢ ᠰᠥᠷᠭᠡᠦ ᠠᠷᠠᠳ ᠲᠦᠮᠡᠨ ᠤᠷᠤᠭᠤ ᠪᠢ ᠡᠳᠦᠷᠵᠢᠨ ᠮᠤᠲᠤᠷ ᠢᠶᠠᠨ ᠰᠤᠩ᠋ᠭᠠᠭᠰᠠᠭᠠᠷ ᠪᠠᠢᠪᠠ》 ᠭᠡᠰᠡᠨ᠃