ᠷᠣᠮᠠ ᠳᠣᠯᠣᠭᠠ
1 ᠠᠬᠠ ᠳᠡᠭᠦᠦ ᠨᠠᠷ ᠡ᠂ ᠬᠠᠤᠯᠢ ᠶᠢ ᠮᠡᠳᠡᠳᠡᠭ ᠲᠠ ᠨᠠᠷ ᠲᠤ ᠬᠡᠯᠡᠶᠡ᠂ ᠬᠠᠤᠯᠢ ᠨᠢ ᠬᠥᠮᠦᠨ ᠢ ᠠᠮᠢᠳᠤ ᠪᠠᠢᠬᠤ ᠬᠤᠭᠤᠴᠠᠭᠠᠨ ᠳᠤ ᠯᠠ ᠨᠣᠶᠠᠷᠬᠠᠳᠠᠭ ᠢ ᠲᠠ ᠨᠠᠷ ᠮᠡᠳᠡᠳᠡᠭ ᠦᠭᠡᠢ ᠤᠤ︖ 2 ᠨᠥᠬᠥᠷ ᠲᠡᠢ ᠡᠮᠡᠭᠲᠡᠢ ᠨᠢ ᠨᠥᠬᠥᠷ ᠢᠶᠡᠨ ᠠᠮᠢᠳᠤ ᠪᠠᠢᠬᠤ ᠦᠶᠡ ᠳᠦ ᠲᠡᠭᠦᠨ ᠯᠦᠭᠡ ᠬᠠᠤᠯᠢ ᠪᠠᠷ ᠬᠣᠯᠪᠣᠭᠳᠠᠯ ᠲᠠᠢ ᠪᠠᠢᠳᠠᠭ᠃ ᠨᠥᠬᠥᠷ ᠨᠢ ᠨᠠᠰᠤ ᠪᠠᠷᠠᠪᠠᠯ ᠨᠥᠬᠥᠷ ᠦᠨ ᠢᠶᠠᠨ ᠲᠠᠯᠠ ᠪᠠᠷ ᠬᠢ ᠬᠠᠤᠯᠢ ᠡᠴᠡ ᠴᠢᠯᠥᠭᠡᠯᠡᠭᠳᠡᠨᠡ᠃ 3 ᠡᠢᠮᠦ ᠡᠴᠡ ᠨᠥᠬᠥᠷ ᠢᠶᠡᠨ ᠠᠮᠢᠳᠤ ᠪᠠᠢᠬᠤ ᠦᠶᠡ ᠳᠦ ᠥᠭᠡᠷᠡ ᠡᠷᠡ ᠲᠠᠢ ᠨᠡᠢᠯᠡᠪᠡᠯ ᠰᠠᠳᠤᠷ ᠡᠮᠡ ᠭᠡᠭᠳᠡᠬᠦ ᠪᠣᠯᠪᠠᠴᠤ ᠨᠥᠬᠥᠷ ᠨᠢ ᠨᠠᠰᠤ ᠪᠠᠷᠠᠪᠠᠯ ᠲᠡᠷᠡ ᠬᠠᠤᠯᠢ ᠡᠴᠡ ᠴᠢᠯᠥᠭᠡᠯᠡᠭᠳᠡᠬᠦ ᠪᠥᠭᠡᠳ ᠥᠭᠡᠷᠡ ᠡᠷᠡ ᠲᠠᠢ ᠨᠡᠢᠯᠡᠭᠰᠡᠨ ᠴᠤ ᠰᠠᠳᠤᠷ ᠡᠮᠡ ᠪᠣᠯᠬᠤ ᠦᠭᠡᠢ᠃
4 ᠲᠡᠢᠮᠦ ᠡᠴᠡ ᠠᠬᠠ ᠳᠡᠭᠦᠦ ᠨᠠᠷ ᠮᠢᠨᠢ ᠡ᠂ ᠲᠠ ᠨᠠᠷ ᠾᠷᠢᠰᠲ᠋ᠣᠰ ᠤᠨ ᠪᠡᠶᠡ ᠪᠡᠷ ᠳᠠᠮᠵᠢᠭᠤᠯᠤᠨ ᠬᠠᠤᠯᠢ ᠳᠤ ᠦᠬᠦᠭᠰᠡᠨ᠃ ᠢᠩᠭᠢᠭᠰᠡᠨ ᠢᠶᠡᠷ ᠪᠤᠷᠬᠠᠨ ᠤ ᠲᠥᠯᠥᠭᠡ ᠪᠢᠳᠡ ᠦᠷᠡ ᠵᠢᠮᠢᠰ ᠭᠠᠷᠭᠠᠬᠤ ᠶᠢᠨ ᠲᠤᠯᠠᠳᠠ ᠦᠬᠦᠭᠰᠡᠳ ᠦᠨ ᠳᠤᠮᠳᠠ ᠠᠴᠠ ᠠᠮᠢᠯᠠᠭᠰᠠᠨ ᠥᠭᠡᠷᠡ ᠨᠢᠭᠡᠨ ᠲᠡᠢ ᠲᠠ ᠨᠠᠷ ᠬᠣᠯᠪᠣᠭᠳᠠᠬᠤ ᠶᠤᠮ᠃ 5 ᠪᠢᠳᠡ ᠨᠢᠭᠦᠯᠲᠦ ᠤᠭ ᠴᠢᠨᠠᠷ 6 ᠲᠤ ᠵᠠᠬᠢᠷᠤᠭᠳᠠᠬᠤ ᠳᠤ᠂ ᠬᠠᠤᠯᠢ ᠡᠴᠡ ᠪᠣᠯᠵᠤ ᠨᠢᠭᠦᠯ ᠦᠨ ᠳᠤᠷᠠ ᠲᠠᠴᠢᠶᠠᠯ ᠪᠢᠳᠡᠨ ᠦ ᠡᠷᠬᠡᠲᠡᠨ ᠨᠦᠭᠦᠳ ᠦᠨ ᠳᠣᠲᠣᠷᠠ ᠠᠵᠢᠯᠯᠠᠵᠤ᠂ ᠦᠬᠦᠯ ᠦᠨ ᠦᠷᠡ ᠵᠢᠮᠢᠰ ᠢ ᠰᠠᠭᠤᠯᠭᠠᠳᠠᠭ ᠪᠠᠢᠭᠰᠠᠨ᠃ 6 ᠭᠡᠪᠡᠴᠦ ᠡᠳᠦᠭᠡ ᠪᠢᠳᠡ ᠬᠦᠯᠢᠶᠡᠰᠦᠨ ᠳᠦ ᠦᠬᠦᠵᠦ ᠬᠠᠤᠯᠢ ᠡᠴᠡ ᠴᠢᠯᠥᠭᠡᠯᠡᠭᠳᠡᠪᠡ᠃ ᠡᠢᠮᠦ ᠡᠴᠡ ᠪᠢᠳᠡ ᠬᠠᠭᠤᠴᠢᠷᠠᠭᠰᠠᠨ ᠪᠢᠴᠢᠭ ᠢᠶᠠᠷ ᠪᠢᠰᠢ᠂ ᠬᠠᠷᠢᠨ ᠰᠢᠨᠡ ᠰᠦᠨᠡᠰᠦ ᠪᠡᠷ ᠦᠢᠯᠡᠴᠢᠯᠡᠨᠡ᠃
ᠬᠣᠶᠠᠷ ᠬᠠᠤᠯᠢ ᠶᠢᠨ ᠲᠡᠮᠡᠴᠡᠯᠳᠦᠯ
7 ᠡᠳᠡᠭᠡᠷ ᠦᠨ ᠲᠤᠬᠠᠢ ᠪᠢᠳᠡ ᠶᠠᠭᠤ ᠬᠡᠯᠡᠬᠦ ᠪᠤᠢ︖ ᠬᠠᠤᠯᠢ ᠨᠢ ᠨᠢᠭᠦᠯ ᠶᠤᠮ ᠤᠤ︖ ᠣᠭᠲᠣ ᠲᠡᠢᠮᠦ ᠪᠢᠰᠢ᠃ ᠦᠨᠡᠨ ᠳᠡᠭᠡᠨ ᠬᠠᠤᠯᠢ ᠦᠭᠡᠢ ᠪᠠᠷ ᠪᠢ ᠨᠢᠭᠦᠯ ᠢ ᠮᠡᠳᠡᠬᠦ ᠦᠭᠡᠢ ᠪᠠᠢᠭᠰᠠᠨ᠂ ᠬᠡᠷᠪᠡ ᠬᠠᠤᠯᠢ᠄ 《ᠪᠦᠦ ᠰᠢᠨᠤ》 ᠭᠡᠵᠦ ᠬᠡᠯᠡᠭᠰᠡᠨ ᠦᠭᠡᠢ ᠪᠣᠯ ᠰᠢᠨᠤᠬᠤ ᠶᠢᠨ ᠤᠴᠢᠷ ᠢ ᠮᠡᠳᠡᠬᠦ ᠦᠭᠡᠢ ᠪᠠᠢᠭᠰᠠᠨ᠃ 8 ᠬᠠᠷᠢᠨ ᠨᠢᠭᠦᠯ ᠨᠢ ᠵᠠᠷᠯᠢᠭ ᠢ ᠳᠠᠯᠢᠮᠳᠠᠭᠤᠯᠵᠤ ᠮᠢᠨᠦ ᠳᠣᠲᠣᠷᠠ ᠶᠠᠩᠵᠤ ᠪᠦᠷᠢ ᠶᠢᠨ ᠰᠢᠨᠤᠯ ᠢ ᠰᠡᠷᠭᠦᠭᠡᠭᠰᠡᠨ᠃ ᠬᠠᠤᠯᠢ ᠦᠭᠡᠢ ᠪᠣᠯ ᠨᠢᠭᠦᠯ ᠨᠢ ᠦᠬᠦᠮᠡᠯ ᠶᠤᠮ᠃ 9 ᠨᠢᠭᠡᠨ ᠴᠠᠭ ᠲᠤ ᠪᠢ ᠬᠠᠤᠯᠢ ᠦᠭᠡᠢ ᠪᠠᠷ ᠠᠮᠢᠳᠤ ᠪᠠᠢᠭᠰᠠᠨ᠃ ᠭᠡᠪᠡᠴᠦ ᠵᠠᠷᠯᠢᠭ ᠢᠷᠡᠮᠡᠭᠴᠡ ᠨᠢᠭᠦᠯ ᠨᠢ ᠠᠮᠢ ᠣᠷᠣᠵᠤ ᠪᠢ ᠦᠬᠦᠭᠰᠡᠨ᠃ 10 ᠠᠮᠢ ᠳᠤ ᠴᠢᠭᠯᠡᠭᠦᠯᠬᠦ ᠶᠣᠰᠣᠲᠠᠢ ᠵᠠᠷᠯᠢᠭ ᠦᠬᠦᠯ ᠳᠦ ᠴᠢᠭᠯᠡᠭᠦᠯᠳᠡᠭ ᠢ ᠪᠢ ᠤᠬᠠᠭᠠᠷᠠᠯᠠ᠃ 11 ᠤᠴᠢᠷ ᠨᠢ᠂ ᠨᠢᠭᠦᠯ ᠨᠢ ᠵᠠᠷᠯᠢᠭ ᠢ ᠳᠠᠯᠢᠮᠳᠠᠭᠤᠯᠵᠤ ᠨᠠᠮᠠᠶᠢ ᠮᠡᠬᠡᠯᠡᠭᠡᠳ ᠲᠡᠷᠡ ᠵᠠᠷᠯᠢᠭ ᠢᠶᠠᠷ ᠨᠠᠮᠠᠶᠢ ᠠᠯᠠᠭᠰᠠᠨ᠃ 12 ᠡᠢᠮᠦᠷᠬᠦ ᠬᠠᠤᠯᠢ ᠪᠣᠯ ᠠᠷᠢᠭᠤᠨ᠂ ᠵᠠᠷᠯᠢᠭ ᠴᠤ ᠠᠷᠢᠭᠤᠨ᠂ ᠵᠥᠪ᠂ ᠰᠠᠢᠨ᠃
13 ᠲᠡᠷᠡ ᠰᠠᠢᠨ ᠵᠦᠢᠯ ᠨᠢ ᠨᠠᠳᠠ ᠳᠤ ᠦᠬᠦᠯ ᠠᠪᠴᠢᠷᠠᠭᠰᠠᠨ ᠭᠡᠵᠢ ᠤᠤ︖ ᠣᠭᠲᠣ ᠲᠡᠢᠮᠦ ᠪᠢᠰᠢ᠃ ᠬᠠᠷᠢᠨ ᠨᠢᠭᠦᠯ ᠨᠢ ᠥᠨᠥᠬᠢ ᠰᠠᠢᠨ ᠰᠠᠢᠬᠠᠨ ᠤ ᠬᠦᠴᠦ ᠪᠡᠷ ᠮᠢᠨᠦ ᠳᠣᠲᠣᠷᠠ ᠦᠬᠦᠯ ᠢ ᠲᠥᠷᠥᠭᠦᠯᠵᠦ᠂ ᠥᠪᠡᠷ ᠦᠨ ᠮᠥᠨ ᠴᠢᠨᠠᠷ ᠢ ᠢᠯᠡᠷᠡᠭᠦᠯᠳᠡᠭ᠂ ᠲᠤᠬᠠᠢᠯᠠᠪᠠᠯ ᠨᠢᠭᠦᠯ ᠨᠢ ᠵᠠᠷᠯᠢᠭ ᠤᠨ ᠬᠦᠴᠦ ᠪᠡᠷ ᠲᠤᠢᠯ ᠤᠨ ᠮᠠᠭᠤ ᠨᠢᠭᠦᠯ ᠪᠣᠯᠳᠠᠭ᠃
14 ᠬᠠᠤᠯᠢ ᠪᠣᠯ ᠰᠦᠨᠡᠰᠦᠯᠢᠭ ᠭᠡᠳᠡᠭ ᠢ ᠪᠢᠳᠡ ᠮᠡᠳᠡᠳᠡᠭ᠃ ᠬᠠᠷᠢᠨ ᠪᠢ ᠪᠣᠯ ᠮᠢᠬᠠᠨ ᠪᠡᠶᠡ ᠶᠢᠨ ᠬᠢ᠂ ᠨᠢᠭᠦᠯ ᠦᠨ ᠳᠣᠣᠷᠠ ᠬᠤᠳᠠᠯᠳᠤᠭᠳᠠᠵᠠᠢ᠃ 15 ᠶᠠᠭᠤ ᠦᠢᠯᠡᠳᠳᠡᠭ ᠢᠶᠡᠨ ᠪᠢ ᠣᠢᠯᠠᠭᠠᠳᠠᠭ ᠦᠭᠡᠢ᠃ ᠪᠢ ᠳᠤᠷᠠᠲᠠᠢ ᠪᠠᠨ ᠬᠢᠬᠦ ᠦᠭᠡᠢ᠂ ᠬᠠᠷᠢᠨ ᠳᠤᠷᠠ ᠦᠭᠡᠢ ᠪᠡᠨ ᠬᠢᠵᠦ ᠪᠠᠢᠨᠠ᠃ 16 ᠬᠡᠷᠪᠡ ᠪᠢ ᠥᠪᠡᠷ ᠢᠶᠡᠨ ᠬᠦᠰᠡᠳᠡᠭ ᠦᠭᠡᠢ ᠵᠦᠢᠯ ᠢᠶᠠᠨ ᠬᠢᠳᠡᠭ ᠶᠤᠮ ᠪᠣᠯ᠂ ᠬᠠᠤᠯᠢ ᠶᠢᠨ ᠰᠠᠢᠨ ᠭᠡᠳᠡᠭ ᠢ ᠵᠥᠪᠰᠢᠶᠡᠷᠡᠵᠦ ᠪᠠᠢᠭᠠ ᠶᠤᠮ᠃ 17 ᠲᠡᠢᠮᠦ ᠡᠴᠡ ᠣᠳᠣ ᠡᠳᠡᠭᠡᠷ ᠢ ᠬᠢᠵᠦ ᠪᠠᠢᠭᠠ ᠨᠢ ᠪᠢ ᠪᠢᠰᠢ᠂ ᠬᠠᠷᠢᠨ ᠮᠢᠨᠦ ᠳᠣᠲᠣᠷᠠ ᠣᠷᠣᠰᠢᠭᠴᠢ ᠨᠢᠭᠦᠯ ᠶᠤᠮ᠃ 18 ᠮᠢᠨᠦ ᠳᠣᠲᠣᠷᠠ᠂ ᠲᠤᠬᠠᠢᠯᠠᠪᠠᠯ ᠮᠢᠨᠦ ᠤᠭ ᠴᠢᠨᠠᠷ ᠲᠤ ᠰᠠᠢᠨ ᠨᠢ ᠣᠷᠣᠰᠢᠳᠠᠭ ᠦᠭᠡᠢ ᠶᠢ ᠪᠢ ᠮᠡᠳᠡᠨᠡ᠃ ᠤᠴᠢᠷ ᠨᠢ᠂ ᠬᠦᠰᠡᠯ ᠨᠢ ᠮᠢᠨᠦ ᠳᠣᠲᠣᠷᠠ ᠪᠠᠢᠪᠠᠴᠤ ᠰᠠᠢᠨ ᠢ ᠬᠢᠳᠡᠭ ᠨᠢ ᠦᠭᠡᠢ᠃ 19 ᠬᠦᠰᠡᠭᠰᠡᠨ ᠰᠠᠢᠨ ᠢ ᠬᠢᠬᠦ ᠦᠭᠡᠢ ᠮᠥᠷᠳᠡᠭᠡᠨ ᠬᠦᠰᠡᠭᠡ ᠦᠭᠡᠢ ᠮᠠᠭᠤ ᠶᠢ ᠦᠢᠯᠡᠳᠴᠦ ᠪᠠᠢᠨᠠ᠃ 20 ᠬᠠᠷᠢᠨ ᠬᠦᠰᠡᠭᠡ ᠦᠭᠡᠢ ᠶᠢ ᠬᠢᠭᠰᠡᠨ ᠴᠤ᠂ ᠣᠳᠣ ᠡᠳᠡᠭᠡᠷ ᠢ ᠬᠢᠵᠦ ᠪᠠᠢᠭᠠ ᠨᠢ ᠪᠢ ᠪᠢᠰᠢ᠂ ᠬᠠᠷᠢᠨ ᠮᠢᠨᠦ ᠳᠣᠲᠣᠷᠠ ᠣᠷᠣᠰᠢᠭᠴᠢ ᠨᠢᠭᠦᠯ ᠶᠤᠮ᠃
21 ᠡᠢᠮᠦ ᠡᠴᠡ ᠰᠠᠢᠨ ᠢ ᠦᠢᠯᠡᠳᠬᠦ ᠶᠢ ᠬᠦᠰᠡᠳᠡᠭ ᠮᠢᠨᠦ ᠳᠣᠲᠣᠷᠠ ᠪᠤᠵᠠᠷ ᠮᠠᠭᠤ ᠨᠢ ᠪᠠᠢᠳᠠᠭ ᠭᠡᠰᠡᠨ ᠬᠠᠤᠯᠢ ᠶᠢ ᠪᠢ ᠣᠯᠵᠤ ᠮᠡᠳᠡᠯᠡ᠃ 22 ᠮᠢᠨᠦ ᠳᠣᠲᠣᠷᠠᠬᠢ ᠬᠥᠮᠦᠨ ᠪᠤᠷᠬᠠᠨ ᠤ ᠬᠠᠤᠯᠢ ᠶᠢ ᠲᠠᠭᠠᠰᠢᠶᠠᠳᠠᠭ ᠪᠣᠯᠪᠠᠴᠤ 23 ᠡᠷᠬᠡᠲᠡᠨ ᠨᠦᠭᠦᠳ ᠦᠨ ᠳᠣᠲᠣᠷᠠ ᠮᠢᠨᠢ ᠥᠭᠡᠷᠡ ᠬᠠᠤᠯᠢ ᠴᠤ ᠪᠤᠢ ᠶᠢ ᠮᠡᠳᠡᠨᠡ᠂ ᠲᠡᠷᠡ ᠬᠠᠤᠯᠢ ᠮᠢᠨᠦ ᠰᠡᠳᠬᠢᠯ ᠤᠨ ᠬᠠᠤᠯᠢ ᠲᠠᠢ ᠲᠡᠮᠡᠴᠡᠯᠳᠦᠵᠦ᠂ ᠨᠠᠮᠠᠶᠢ ᠪᠠᠷᠢᠨ ᠡᠷᠬᠡᠲᠡᠨ ᠨᠦᠭᠦᠳ ᠦᠨ ᠳᠣᠲᠣᠷᠠᠬᠢ ᠨᠢᠭᠦᠯ ᠦᠨ ᠬᠠᠤᠯᠢ ᠶᠢᠨ ᠣᠯᠵᠠ ᠪᠣᠯᠭᠠᠳᠠᠭ᠃ 24 ᠪᠢ ᠶᠠᠭᠤᠲᠠᠢ ᠬᠥᠭᠡᠷᠦᠬᠦᠢᠯᠡᠯᠲᠡᠢ ᠬᠥᠮᠦᠨ ᠪᠤᠢ︕ ᠡᠨᠡ ᠦᠬᠦᠯᠦᠭᠦᠲᠡ ᠪᠡᠶᠡ ᠡᠴᠡ ᠬᠡᠨ ᠨᠠᠮᠠᠶᠢ ᠠᠪᠤᠷᠠᠬᠤ ᠪᠤᠢ︖ 25 ᠪᠢᠳᠡᠨ ᠦ ᠡᠵᠡᠨ ᠢᠰᠦ᠋ᠰ ᠾᠷᠢᠰᠲ᠋ᠣᠰ ᠤᠨ ᠠᠴᠢ ᠪᠠᠷ ᠪᠤᠷᠬᠠᠨ ᠳᠤ ᠲᠠᠯᠠᠷᠬᠠᠶᠠ︕