ᠷᠣᠮᠠ ᠠᠷᠪᠠᠨ ᠳᠥᠷᠪᠡ
ᠢᠲᠡᠭᠡᠭᠴᠢ ᠶᠢᠨ ᠡᠷᠬᠡ ᠴᠢᠯᠥᠭᠡᠨ ᠦ ᠵᠠᠷᠴᠢᠮ
1 ᠢᠲᠡᠭᠡᠯ ᠢᠶᠡᠷ ᠪᠠᠭᠤᠷᠠᠢ ᠨᠢᠭᠡᠨ ᠢᠶᠡᠨ ᠬᠦᠯᠢᠶᠡᠨ ᠠᠪ᠂ ᠲᠡᠭᠦᠨ ᠦ ᠪᠣᠳᠣᠯ ᠰᠠᠨᠠᠭᠠ ᠶᠢᠨ ᠲᠠᠯᠠ ᠪᠠᠷ ᠪᠦᠦ ᠮᠠᠷᠭᠤᠯᠳᠤ᠃ 2 ᠶᠠᠭᠤ ᠶᠢ ᠴᠤ ᠭᠡᠰᠡᠨ ᠢᠳᠡᠵᠦ ᠪᠣᠯᠣᠨᠠ ᠭᠡᠵᠦ ᠢᠲᠡᠭᠡᠳᠡᠭ ᠬᠥᠮᠦᠨ ᠪᠠᠢᠳᠠᠭ᠂ ᠨᠣᠭᠣᠭᠠ ᠯᠠ ᠢᠳᠡᠳᠡᠭ ᠪᠠᠭᠤᠷᠠᠢ ᠨᠢᠭᠡᠨ ᠴᠤ ᠪᠤᠢ᠃ 3 ᠢᠳᠡᠭᠴᠢ ᠨᠢ ᠦᠯᠦ ᠢᠳᠡᠭᠴᠢ ᠶᠢ ᠪᠦᠦ ᠪᠠᠰᠤᠮᠵᠢᠯᠠ᠂ ᠦᠯᠦ ᠢᠳᠡᠭᠴᠢ ᠨᠢ ᠢᠳᠡᠭᠴᠢ ᠶᠢ ᠪᠦᠦ ᠰᠢᠭᠦᠮᠵᠢᠯᠡ᠃ ᠪᠤᠷᠬᠠᠨ ᠲᠡᠭᠦᠨ ᠢ ᠬᠦᠯᠢᠶᠡᠨ ᠠᠪᠤᠭᠰᠠᠨ ᠪᠢᠯᠡ᠃ 4 ᠪᠤᠰᠤᠳ ᠤᠨ ᠵᠠᠷᠤᠴᠠ ᠶᠢ ᠰᠢᠭᠦᠮᠵᠢᠯᠡᠭᠴᠢ ᠲᠠ ᠬᠡᠨ ᠪᠤᠢ︖ ᠲᠡᠷᠡ ᠪᠣᠰᠣᠭᠰᠠᠨ ᠴᠤ᠂ ᠤᠨᠠᠭᠰᠠᠨ ᠴᠤ ᠡᠵᠡᠨ ᠳᠦ ᠯᠠ ᠬᠠᠮᠢᠶᠠ ᠲᠠᠢ ᠶᠤᠮ᠃ ᠡᠵᠡᠨ ᠲᠡᠭᠦᠨ ᠢ ᠪᠣᠰᠬᠠᠵᠤ ᠴᠢᠳᠠᠳᠠᠭ᠂ ᠲᠡᠷᠡ ᠪᠣᠰᠬᠤ ᠪᠣᠯᠣᠨᠠ᠃
5 ᠵᠠᠷᠢᠮ ᠨᠢ ᠡᠨᠡ ᠡᠳᠦᠷ ᠢ ᠲᠡᠷᠡ ᠡᠳᠦᠷ ᠡᠴᠡ ᠳᠡᠭᠡᠷᠡ ᠭᠡᠵᠦ᠂ ᠪᠠᠰᠠ ᠵᠠᠷᠢᠮ ᠨᠢ ᠡᠳᠦᠷ ᠪᠣᠯᠭᠠᠨ ᠢ ᠠᠳᠠᠯᠢᠬᠠᠨ ᠭᠡᠵᠦ ᠦᠵᠡᠳᠡᠭ᠃ ᠬᠥᠮᠦᠨ ᠪᠦᠬᠦᠨ ᠪᠣᠳᠣᠯ ᠳᠠᠭᠠᠨ ᠢᠲᠡᠭᠡᠯ ᠲᠡᠢ ᠪᠠᠢᠭᠲᠤᠨ᠃ 6 ᠵᠠᠷᠢᠮ ᠡᠳᠦᠷ ᠢ ᠣᠨᠴᠠᠭᠠᠢᠯᠠᠭᠴᠢ ᠨᠢ ᠡᠵᠡᠨ ᠢ ᠬᠦᠨᠳᠦᠯᠡᠬᠦ ᠪᠡᠷ ᠣᠨᠴᠠᠭᠠᠢᠯᠠᠳᠠᠭ᠃ ᠢᠳᠡᠭᠴᠢ ᠨᠢ ᠡᠵᠡᠨ ᠢ ᠬᠦᠨᠳᠦᠯᠡᠬᠦ ᠪᠡᠷ ᠢᠳᠡᠵᠦ᠂ ᠪᠤᠷᠬᠠᠨ ᠳᠤ ᠲᠠᠯᠠᠷᠬᠠᠳᠠᠭ ᠪᠥᠭᠡᠳ ᠦᠯᠦ ᠢᠳᠡᠭᠴᠢ ᠨᠢ ᠴᠤ ᠡᠵᠡᠨ ᠢ ᠬᠦᠨᠳᠦᠯᠡᠬᠦ ᠪᠡᠷ ᠦᠯᠦ ᠢᠳᠡᠵᠦ᠂ ᠪᠤᠷᠬᠠᠨ ᠳᠤ ᠲᠠᠯᠠᠷᠬᠠᠳᠠᠭ᠃
7 ᠪᠢᠳᠡᠨ ᠦ ᠬᠡᠨ ᠨᠢ ᠴᠤ ᠥᠪᠡᠷ ᠦᠨ ᠢᠶᠠᠨ ᠲᠥᠯᠥᠭᠡ ᠠᠮᠢᠳᠤᠷᠠᠳᠠᠭ ᠦᠭᠡᠢ᠂ ᠮᠥᠨ ᠬᠡᠨ ᠨᠢ ᠴᠤ ᠥᠪᠡᠷ ᠦᠨ ᠢᠶᠠᠨ ᠲᠥᠯᠥᠭᠡ ᠦᠬᠦᠳᠡᠭ ᠦᠭᠡᠢ᠃ 8 ᠪᠢᠳᠡ ᠠᠮᠢᠳᠤᠷᠠᠭᠰᠠᠨ ᠴᠤ ᠡᠵᠡᠨ ᠦ ᠲᠥᠯᠥᠭᠡ ᠠᠮᠢᠳᠤᠷᠠᠳᠠᠭ ᠪᠥᠭᠡᠳ ᠦᠬᠦᠭᠰᠡᠨ ᠴᠤ ᠡᠵᠡᠨ ᠦ ᠲᠥᠯᠥᠭᠡ ᠦᠬᠦᠳᠡᠭ᠃ ᠲᠡᠢᠮᠦ ᠡᠴᠡ ᠠᠮᠢᠳᠤᠷᠠᠭᠰᠠᠨ ᠴᠤ᠂ ᠦᠬᠦᠭᠰᠡᠨ ᠴᠤ ᠪᠢᠳᠡ ᠪᠣᠯ ᠡᠵᠡᠨ ᠦ ᠬᠢ᠃ 9 ᠶᠠᠭ ᠡᠭᠦᠨ ᠦ ᠲᠥᠯᠥᠭᠡ᠂ ᠲᠤᠬᠠᠢᠯᠠᠪᠠᠯ ᠦᠬᠦᠭᠰᠡᠳ ᠪᠠ ᠠᠮᠢᠳᠤᠷᠠᠭᠰᠠᠳ ᠤᠨ ᠡᠵᠡᠨ ᠪᠣᠯᠬᠤ ᠶᠢᠨ ᠲᠥᠯᠥᠭᠡ ᠾᠷᠢᠰᠲ᠋ᠣᠰ ᠦᠬᠦᠭᠡᠳ ᠠᠮᠢᠯᠠᠭᠰᠠᠨ᠃
10 ᠲᠡᠢᠮᠦ ᠪᠠᠢᠬᠤ ᠳᠤ ᠲᠠ ᠠᠬᠠ ᠳᠡᠭᠦᠦ ᠪᠡᠨ ᠶᠠᠭᠤᠨ ᠳᠤ ᠰᠢᠭᠦᠮᠵᠢᠯᠡᠨᠡ ᠪᠤᠢ︖ ᠮᠥᠨ ᠠᠬᠠ ᠳᠡᠭᠦᠦ ᠪᠡᠨ ᠶᠠᠭᠤᠨ ᠳᠤ ᠪᠠᠰᠤᠮᠵᠢᠯᠠᠨᠠ ᠪᠤᠢ︖ ᠠᠩ᠋ᠬᠠᠷᠤᠭᠲᠤᠨ᠂ ᠪᠢᠳᠡ ᠪᠦᠭᠦᠳᠡᠭᠡᠷ ᠢᠶᠡᠨ ᠪᠤᠷᠬᠠᠨ ᠤ ᠰᠢᠭᠦᠬᠦ ᠰᠠᠭᠤᠳᠠᠯ ᠤᠨ ᠡᠮᠦᠨᠡ ᠵᠣᠭᠰᠣᠬᠤ ᠪᠣᠯᠣᠨᠠ᠃ 11 ᠤᠴᠢᠷ ᠨᠢ᠂ 《ᠡᠵᠡᠨ ᠠᠢᠯᠠᠳᠴᠤ ᠪᠠᠢᠨᠠ᠄ 〈ᠮᠢᠨᠦ ᠠᠮᠢᠳᠤ ᠯᠤᠭᠠ ᠨᠢᠭᠡᠨ ᠠᠳᠠᠯᠢ ᠪᠠᠲᠤ ᠦᠨᠡᠨ ᠭᠡᠪᠡᠯ᠂ ᠡᠪᠦᠳᠦᠭ ᠪᠣᠯᠭᠠᠨ ᠮᠢᠨᠦ ᠡᠮᠦᠨᠡ ᠰᠥᠭᠥᠳᠥᠨᠡ᠂ ᠬᠡᠯᠡ ᠪᠣᠯᠭᠠᠨ ᠪᠤᠷᠬᠠᠨ ᠳᠤ ᠥᠴᠢᠭᠯᠡᠨᠡ〉》 ᠭᠡᠵᠦ ᠪᠢᠴᠢᠭᠳᠡᠭᠰᠡᠨ ᠪᠠᠢᠳᠠᠭ᠃ 12 ᠲᠡᠢᠨ ᠬᠦ ᠪᠢᠳᠡᠨ ᠦ ᠬᠥᠮᠦᠨ ᠪᠣᠯᠭᠠᠨ ᠥᠪᠡᠷ ᠦᠨ ᠢᠶᠠᠨ ᠲᠤᠬᠠᠢ ᠪᠤᠷᠬᠠᠨ ᠤ ᠡᠮᠦᠨᠡ ᠥᠴᠢᠭᠯᠡᠬᠦ ᠪᠣᠯᠣᠨᠠ᠃
13 ᠡᠢᠮᠦ ᠳᠦ ᠪᠢᠳᠡ ᠪᠡᠶᠡ ᠪᠡᠶᠡ ᠪᠡᠨ ᠰᠢᠭᠦᠮᠵᠢᠯᠡᠬᠦ ᠪᠡᠨ ᠪᠣᠯᠢᠵᠠᠭᠠᠶᠠ᠃ ᠠᠬᠠ ᠳᠡᠭᠦᠦ ᠶᠢᠨ ᠢᠶᠠᠨ ᠡᠮᠦᠨᠡ ᠰᠠᠭᠠᠳ ᠲᠣᠳᠬᠠᠷ ᠲᠠᠯᠪᠢᠬᠤ ᠪᠠᠨ ᠪᠣᠯᠢᠬᠤ ᠪᠠᠷ ᠰᠢᠢᠳᠦᠭᠲᠦᠨ᠃ 14 ᠤᠭ ᠠᠴᠠ ᠪᠠᠨ ᠪᠤᠵᠠᠷ ᠵᠦᠢᠯ 14 ᠭᠡᠵᠦ ᠦᠭᠡᠢ᠂ ᠬᠠᠷᠢᠨ ᠬᠥᠮᠦᠨ ᠦ ᠪᠤᠵᠠᠷ ᠭᠡᠵᠦ ᠦᠵᠡᠳᠡᠭ ᠵᠦᠢᠯᠡᠰ ᠯᠠ ᠪᠤᠢ᠂ ᠪᠢ ᠡᠭᠦᠨ ᠢ ᠡᠵᠡᠨ ᠢᠰᠦ᠋ᠰ ᠤᠨ ᠳᠣᠲᠣᠷᠠ ᠣᠢᠯᠠᠭᠠᠭᠰᠠᠨ ᠪᠥᠭᠡᠳ ᠢᠲᠡᠭᠡᠳᠡᠭ᠃ 15 ᠬᠡᠷᠪᠡ ᠬᠣᠭᠣᠯᠠᠨ ᠤ ᠠᠰᠠᠭᠤᠳᠠᠯ ᠢᠶᠠᠷ ᠠᠬᠠ ᠳᠡᠭᠦᠦ ᠪᠡᠨ ᠭᠤᠨᠢᠭᠯᠠᠭᠤᠯᠤᠭᠰᠠᠨ ᠪᠣᠯ᠂ ᠲᠠ ᠬᠠᠢᠷᠠ ᠪᠠᠷ ᠬᠠᠨᠳᠤᠭᠰᠠᠨ ᠪᠢᠰᠢ᠃ ᠲᠡᠭᠦᠨ ᠢ ᠬᠣᠭᠣᠯᠠᠨ ᠤ ᠠᠰᠠᠭᠤᠳᠠᠯ ᠢᠶᠠᠷ ᠪᠦᠦ ᠰᠦᠢᠷᠡᠭᠦᠯ᠂ ᠾᠷᠢᠰᠲ᠋ᠣᠰ ᠲᠡᠭᠦᠨ ᠦ ᠡᠮᠦᠨᠡ ᠡᠴᠡ ᠨᠠᠰᠤ ᠪᠠᠷᠠᠭᠰᠠᠨ ᠶᠤᠮ᠃ 16 ᠰᠠᠢᠰᠢᠶᠠᠳᠠᠭ ᠵᠦᠢᠯ ᠴᠢᠨᠢ ᠮᠠᠭᠤᠰᠢᠶᠠᠭᠳᠠᠬᠤ ᠦᠭᠡᠢ ᠪᠠᠢᠬᠤ ᠪᠣᠯᠲᠤᠭᠠᠢ᠃ 17 ᠤᠴᠢᠷ ᠨᠢ᠂ ᠪᠤᠷᠬᠠᠨ ᠤ ᠬᠠᠭᠠᠨᠴᠢᠯᠠᠯ ᠪᠣᠯ ᠬᠣᠭᠣᠯᠠ ᠤᠮᠳᠠ ᠪᠤᠰᠤ᠂ ᠬᠠᠷᠢᠨ ᠵᠥᠪ᠂ ᠠᠮᠤᠭᠤᠯᠠᠩ ᠪᠠ ᠠᠷᠢᠭᠤᠨ ᠰᠦᠨᠡᠰᠦᠨ ᠦ ᠳᠣᠲᠣᠷᠠᠬᠢ ᠪᠠᠶᠠᠰᠬᠤᠯᠠᠩ ᠮᠥᠨ᠃ 18 ᠾᠷᠢᠰᠲ᠋ᠣᠰ ᠲᠤ ᠡᠢᠨ ᠬᠦ ᠦᠢᠯᠡᠴᠢᠯᠡᠭᠴᠢ ᠨᠢ ᠪᠤᠷᠬᠠᠨ ᠤ ᠲᠠᠭᠠᠰᠢᠶᠠᠯ ᠪᠠ ᠬᠥᠮᠦᠨ ᠦ ᠰᠠᠢᠰᠢᠶᠠᠯ ᠢ ᠣᠯᠣᠨᠠ᠃ 19 ᠲᠡᠢᠮᠦ ᠶᠢᠨ ᠲᠤᠯᠠ ᠪᠢᠳᠡ ᠠᠮᠤᠭᠤᠯᠠᠩ ᠪᠠ ᠪᠡᠶᠡ ᠪᠡᠶᠡ ᠪᠡᠨ ᠪᠣᠰᠬᠠᠨ ᠪᠠᠢᠭᠤᠯᠬᠤ ᠶᠢ ᠬᠥᠭᠡᠭᠡᠴᠡᠯᠳᠦᠵᠡᠭᠡᠶᠡ᠃ 20 ᠬᠣᠭᠣᠯᠠᠨ ᠤ ᠠᠰᠠᠭᠤᠳᠠᠯ ᠢᠶᠠᠷ ᠪᠤᠷᠬᠠᠨ ᠤ ᠠᠵᠢᠯ ᠢ ᠪᠦᠦ ᠰᠦᠢᠷᠡᠭᠦᠯ᠃ ᠬᠠᠮᠤᠭ ᠶᠠᠭᠤᠮᠠ ᠴᠡᠪᠡᠷ ᠪᠣᠯᠪᠠᠴᠤ ᠪᠦᠳᠦᠷᠢᠭᠦᠯᠬᠦ ᠠᠶᠤᠯ ᠲᠠᠢ ᠪᠣᠯ ᠢᠳᠡᠬᠦ ᠬᠥᠮᠦᠨ ᠳᠦᠨᠢ ᠰᠠᠢᠨ ᠪᠢᠰᠢ᠃ 21 ᠮᠢᠬᠠ ᠢᠳᠡᠭᠰᠡᠨ ᠴᠤ᠂ ᠠᠷᠢᠬᠢ ᠤᠤᠭᠤᠭᠰᠠᠨ ᠴᠤ᠂ ᠠᠬᠠ ᠳᠡᠭᠦᠦ ᠪᠡᠨ ᠪᠦᠳᠦᠷᠢᠭᠦᠯᠬᠦ ᠶᠤᠮ ᠪᠣᠯ ᠶᠠᠭᠤ ᠶᠢ ᠨᠢ ᠴᠤ ᠦᠢᠯᠡᠳᠬᠦ ᠦᠭᠡᠢ ᠨᠢ ᠳᠡᠭᠡᠷᠡ᠃ 22 ᠪᠤᠷᠬᠠᠨ ᠤ ᠡᠮᠦᠨᠡ ᠲᠠ ᠪᠠᠢᠭᠠ ᠢᠲᠡᠭᠡᠯ ᠢᠶᠡᠨ ᠪᠠᠷᠢᠮᠲᠠᠯᠠᠵᠤ ᠪᠠᠢ᠃ ᠵᠥᠪᠰᠢᠶᠡᠷᠡᠳᠡᠭ᠌ ᠵᠦᠢᠯ ᠳᠡᠭᠡᠨ ᠥᠪᠡᠷ ᠢ ᠪᠠᠨ ᠦᠯᠦ ᠪᠤᠷᠤᠭᠤᠳᠬᠠᠭᠴᠢ ᠨᠢ ᠪᠤᠶᠠᠨ ᠲᠠᠢ᠃ 23 ᠭᠡᠪᠡᠴᠦ ᠡᠷᠡᠭᠡᠯᠵᠡᠨ ᠢᠳᠡᠭᠴᠢ ᠨᠢ ᠪᠤᠷᠤᠭᠤ ᠭᠡᠳᠡᠭ ᠢᠶᠡᠨ ᠲᠣᠭᠲᠠᠭᠠᠵᠠᠢ᠃ ᠤᠴᠢᠷ ᠨᠢ᠂ ᠲᠡᠷᠡ ᠢᠲᠡᠭᠡᠯ ᠢᠶᠡᠷ ᠢᠳᠡᠭᠰᠡᠨ ᠪᠢᠰᠢ᠂ ᠢᠲᠡᠭᠡᠯ ᠢᠶᠡᠷ ᠬᠢᠭᠰᠡᠨ ᠪᠢᠰᠢ ᠪᠣᠯ ᠶᠠᠭᠤ ᠴᠤ ᠭᠡᠰᠡᠨ ᠭᠡᠮ ᠨᠢᠭᠦᠯ ᠶᠤᠮ᠃