ᠰᠢᠭᠦᠭᠴᠢᠳ ᠠᠷᠪᠠ ᠶᠢᠰᠦ
ᠪᠢᠨᠶᠠᠮᠢᠨ ᠳᠤ ᠪᠣᠯᠣᠭᠰᠠᠨ ᠪᠤᠯᠠᠢ ᠶᠠᠪᠤᠳᠠᠯ
1 ᠢᠰᠷᠧᠯ ᠬᠠᠭᠠᠨ ᠦᠭᠡᠢ ᠪᠠᠢᠬᠤ ᠲᠡᠷᠡ ᠡᠳᠦᠷ ᠤᠳ ᠲᠤ ᠨᠢᠭᠡᠨ ᠯᠧᠸᠢ ᠬᠥᠮᠦᠨ ᠡᠹᠷᠠᠢᠮ ᠤᠨ ᠠᠭᠤᠯᠠᠰ ᠤᠨ ᠪᠤᠢᠳᠠ ᠭᠠᠵᠠᠷ ᠲᠤ ᠨᠤᠲᠤᠭᠯᠠᠳᠠᠭ ᠪᠠᠢᠵᠠᠢ᠃ ᠲᠡᠷᠡ ᠬᠥᠮᠦᠨ ᠶᠦᠳᠠ ᠶᠢᠨ ᠪᠧᠲ᠋ᠯᠧᠾᠧᠮ ᠡᠴᠡ ᠲᠠᠲᠠᠪᠤᠷᠢ ᠡᠮᠡ ᠠᠪᠤᠭᠰᠠᠨ ᠪᠠᠢᠪᠠ᠃ 2 ᠲᠠᠲᠠᠪᠤᠷᠢ ᠡᠮᠡ ᠨᠢ ᠲᠡᠭᠦᠨ ᠳᠦ ᠠᠭᠤᠷᠯᠠᠨ 23 ᠂ ᠲᠡᠭᠦᠨ ᠢ ᠣᠷᠬᠢᠭᠠᠳ ᠶᠦᠳᠠ ᠶᠢᠨ ᠪᠧᠲ᠋ᠯᠧᠾᠧᠮ ᠳᠠᠬᠢ ᠡᠴᠢᠭᠡ ᠶᠢᠨ ᠢᠶᠠᠨ ᠭᠡᠷ ᠲᠦ ᠣᠴᠢᠵᠤ᠂ ᠲᠡᠨᠳᠡ ᠳᠥᠷᠪᠡᠨ ᠰᠠᠷᠠ ᠪᠣᠯᠪᠠ᠃ 3 ᠨᠥᠬᠥᠷ ᠨᠢ ᠲᠡᠭᠦᠨ ᠢ ᠢᠳᠬᠠᠵᠤ ᠪᠤᠴᠠᠭᠠᠨ ᠠᠪᠴᠢᠷᠠᠬᠤ ᠪᠠᠷ ᠵᠠᠷᠤᠴᠠ ᠪᠠᠨ ᠳᠠᠭᠠᠭᠤᠯᠤᠨ ᠬᠣᠶᠠᠷ ᠡᠯᠵᠢᠭᠡ ᠪᠡᠷ ᠠᠷᠤ ᠠᠴᠠ ᠨᠢ ᠬᠦᠷᠴᠦ ᠣᠴᠢᠬᠤ ᠳᠤ᠂ ᠪᠦᠰᠡᠭᠦᠢ ᠲᠡᠭᠦᠨ ᠢ ᠡᠴᠢᠭᠡ ᠶᠢᠨ ᠢᠶᠠᠨ ᠭᠡᠷ ᠲᠦ ᠣᠷᠣᠭᠤᠯᠪᠠ᠃ ᠪᠦᠰᠡᠭᠦᠢ ᠶᠢᠨ ᠡᠴᠢᠭᠡ ᠲᠡᠭᠦᠨ ᠢ ᠬᠠᠷᠠᠭᠠᠳ ᠪᠠᠶᠠᠷᠯᠠᠵᠤ ᠤᠭᠲᠤᠨ ᠠᠪᠤᠪᠠ᠃ 4 ᠲᠡᠭᠦᠨ ᠦ ᠬᠠᠳᠠᠮ ᠡᠴᠢᠭᠡ᠂ ᠲᠤᠬᠠᠢᠯᠠᠪᠠᠯ ᠪᠦᠰᠡᠭᠦᠢ ᠶᠢᠨ ᠡᠴᠢᠭᠡ ᠲᠡᠭᠦᠨ ᠢ ᠰᠠᠭᠠᠲᠠᠭᠤᠯᠤᠭᠰᠠᠭᠠᠷ᠂ ᠲᠡᠷᠡ ᠢᠳᠡᠵᠦ ᠤᠤᠭᠤᠵᠤ ᠤᠨᠲᠠᠵᠤ᠂ ᠲᠡᠳᠡᠨ ᠦ ᠳᠦ ᠭᠤᠷᠪᠠ ᠬᠣᠨᠣᠭ ᠰᠠᠭᠤᠵᠠᠢ᠃ 5 ᠳᠥᠷᠪᠡᠳᠡᠬᠢ ᠡᠳᠦᠷ ᠨᠢ ᠲᠡᠳᠡ ᠥᠷᠯᠥᠭᠡ ᠡᠷᠲᠡᠯᠡᠨ ᠪᠣᠰᠪᠠ᠃ ᠲᠡᠷᠡ ᠡᠷᠡ ᠶᠠᠪᠤᠬᠤ ᠪᠠᠷ ᠬᠥᠳᠡᠯᠬᠦ ᠳᠦ᠂ ᠪᠦᠰᠡᠭᠦᠢ ᠶᠢᠨ ᠡᠴᠢᠭᠡ ᠬᠦᠷᠭᠡᠨ ᠳᠡᠭᠡᠨ᠄ 《ᠵᠢᠭᠠᠬᠠᠨ ᠬᠣᠭᠣᠯᠠ ᠢᠳᠡᠵᠦ᠂ ᠲᠠᠮᠢᠷ ᠢᠶᠠᠨ ᠰᠡᠯᠪᠢᠭᠰᠡᠨ ᠦ ᠳᠠᠷᠠᠭᠠ ᠶᠠᠪᠤᠭᠠᠷᠠᠢ》 ᠭᠡᠪᠡ᠃ 6 ᠢᠩᠭᠢᠭᠡᠳ ᠬᠣᠶᠠᠭᠤᠯᠠ ᠪᠠᠨ ᠲᠡᠨᠳᠡ ᠰᠠᠭᠤᠵᠤ᠂ ᠬᠠᠮᠲᠤ ᠳᠠᠭᠠᠨ ᠢᠳᠡᠵᠦ ᠤᠤᠭᠤᠵᠠᠭᠠᠭᠰᠠᠨ ᠤ ᠳᠠᠷᠠᠭᠠ᠂ ᠪᠦᠰᠡᠭᠦᠢ ᠶᠢᠨ ᠡᠴᠢᠭᠡ ᠲᠡᠭᠦᠨ ᠳᠦ᠄ 《ᠣᠳᠣ ᠳᠠᠬᠢᠭᠠᠳ ᠨᠢᠭᠡ ᠬᠣᠨᠣᠵᠤ᠂ ᠰᠡᠳᠬᠢᠯ ᠢᠶᠠᠨ ᠰᠡᠷᠭᠦᠭᠡᠭᠡᠴᠢ ᠡ》 ᠭᠡᠯᠡ᠃ 7 ᠥᠨᠥᠬᠢ ᠡᠷᠡ ᠶᠠᠪᠤᠬᠤ ᠪᠠᠷ ᠬᠥᠳᠡᠯᠦᠭᠰᠡᠨ ᠪᠣᠯᠪᠠᠴᠤ ᠬᠠᠳᠠᠮ ᠡᠴᠢᠭᠡ ᠨᠢ ᠲᠡᠢᠨ ᠬᠦ ᠱᠠᠯᠠᠭᠠᠳ ᠪᠠᠢᠬᠤ ᠪᠣᠯᠬᠣᠷ ᠲᠡᠷᠡ ᠲᠡᠨᠳᠡ ᠳᠠᠬᠢᠨ ᠨᠢᠭᠡ ᠬᠣᠨᠣᠬᠤ ᠪᠣᠯᠪᠠ᠃ 8 ᠲᠠᠪᠤᠳᠠᠬᠢ ᠡᠳᠦᠷ ᠨᠢ ᠲᠡᠷᠡ ᠶᠠᠪᠤᠬᠤ ᠪᠠᠷ ᠥᠷᠯᠥᠭᠡ ᠡᠷᠲᠡᠯᠡᠨ ᠪᠣᠰᠣᠭᠰᠠᠨ ᠳᠤ᠂ ᠪᠦᠰᠡᠭᠦᠢ ᠶᠢᠨ ᠡᠴᠢᠭᠡ᠄ 《ᠲᠠᠮᠢᠷ ᠢᠶᠠᠨ ᠰᠡᠯᠪᠢᠵᠦ ᠣᠷᠣᠢ ᠪᠣᠯᠲᠠᠯᠠ ᠪᠠᠢᠵᠠᠨᠠᠭᠠᠴᠢ》 ᠭᠡᠬᠦ ᠳᠦ᠂ ᠲᠡᠳᠡ ᠬᠣᠶᠠᠭᠤᠯᠠ ᠪᠠᠨ ᠴᠤᠭ ᠬᠣᠭᠣᠯᠠᠯᠠᠪᠠ᠃ 9 ᠥᠨᠥᠬᠢ ᠡᠷᠡ ᠲᠠᠲᠠᠪᠤᠷᠢ ᠡᠮᠡ ᠪᠣᠯᠣᠨ ᠵᠠᠷᠤᠴᠠ ᠶᠢᠨ ᠢᠶᠠᠨ ᠬᠠᠮᠲᠤ ᠶᠠᠪᠤᠬᠤ ᠪᠠᠷ ᠬᠥᠳᠡᠯᠬᠦ ᠳᠦ᠂ ᠲᠡᠭᠦᠨ ᠦ ᠬᠠᠳᠠᠮ ᠡᠴᠢᠭᠡ᠂ ᠪᠦᠰᠡᠭᠦᠢ ᠶᠢᠨ ᠡᠴᠢᠭᠡ ᠲᠡᠭᠦᠨ ᠳᠦ᠄ 《ᠬᠠᠷᠠ᠂ ᠨᠠᠷᠠ ᠬᠡᠯᠪᠡᠢᠵᠦ ᠣᠷᠣᠢ ᠪᠣᠯᠣᠯᠠ᠂ ᠳᠠᠬᠢᠭᠠᠳ ᠨᠢᠭᠡ ᠬᠣᠨᠣᠴᠢᠬᠠ᠃ ᠬᠠᠷᠠ᠂ ᠡᠳᠦᠷ ᠥᠩᠭᠡᠷᠡᠵᠦ ᠪᠠᠢᠨᠠ ᠰᠢᠦ᠃ ᠡ᠊ᠨᠳᠡ ᠬᠣᠨᠣᠵᠤ᠂ ᠰᠡᠳᠬᠢᠯ ᠢᠶᠠᠨ ᠰᠡᠷᠭᠦᠭᠡ᠃ ᠲᠡᠭᠡᠭᠡᠳ ᠮᠠᠷᠭᠠᠰᠢ ᠡᠷᠲᠡᠯᠡᠨ ᠵᠠᠮ ᠳᠠᠭᠠᠨ ᠭᠠᠷᠴᠤ᠂ ᠭᠡᠷ ᠤᠷᠤᠭᠤ ᠪᠠᠨ ᠬᠠᠷᠢᠭᠠᠷᠠᠢ》 ᠭᠡᠪᠡ᠃
10 ᠬᠠᠷᠢᠨ ᠥᠨᠥᠬᠢ ᠡᠷᠡ ᠳᠠᠬᠢᠨ ᠬᠣᠨᠣᠬᠤ ᠦᠭᠡᠢ ᠪᠠᠷ ᠪᠣᠯᠪᠠ᠃ ᠲᠡᠷᠡ ᠮᠣᠷᠳᠠᠨ ᠶᠧᠪᠦ᠋ᠰ᠂ ᠲᠤᠬᠠᠢᠯᠠᠪᠠᠯ ᠶᠧᠷᠦ᠋ᠰᠠᠯᠧᠮ ᠤᠨ ᠬᠠᠷᠠᠯᠳᠤᠭᠠ ᠬᠦᠷᠪᠡ᠃ ᠡᠮᠡᠭᠡᠯᠯᠡᠭᠰᠡᠨ ᠬᠣᠶᠠᠷ ᠡᠯᠵᠢᠭᠡ ᠪᠣᠯᠣᠨ ᠲᠠᠲᠠᠪᠤᠷᠢ ᠡᠮᠡ ᠨᠢ ᠲᠡᠭᠦᠨ ᠲᠡᠢ ᠬᠠᠮᠲᠤ ᠪᠠᠢᠯᠠ᠃ 11 ᠲᠡᠳᠡ ᠶᠧᠪᠦ᠋ᠰ ᠤᠨ ᠣᠢᠷᠠᠯᠴᠠᠭᠠ ᠪᠠᠢᠬᠤ ᠦᠶᠡ ᠳᠦ ᠨᠠᠷᠠ ᠤᠨᠠᠬᠤ ᠣᠢᠷᠠᠲᠤᠪᠠ᠃ ᠵᠠᠷᠤᠴᠠ ᠨᠢ ᠡᠵᠡᠨ ᠳᠡᠭᠡᠨ᠄ 《ᠵᠠ᠂ ᠶᠧᠪᠦ᠋ᠰᠴᠦᠳ ᠦᠨ ᠡᠨᠡ ᠬᠣᠲᠠ ᠳᠤ ᠣᠷᠣᠵᠤ᠂ ᠨᠢᠭᠡ ᠬᠣᠨᠣᠶᠠ》 ᠭᠡᠬᠦ ᠳᠦ᠂ 12 ᠡᠵᠡᠨ ᠨᠢ ᠲᠡᠭᠦᠨ ᠳᠦ᠄ 《ᠦᠭᠡᠢ᠂ ᠪᠢᠳᠡ ᠬᠠᠷᠢ ᠬᠥᠮᠦᠰ ᠦᠨ ᠬᠣᠲᠠ ᠳᠤ ᠣᠷᠣᠬᠤ ᠦᠭᠡᠢ᠃ ᠲᠡᠳᠡ ᠢᠰᠷᠧᠯ ᠬᠥᠮᠦᠨ ᠪᠢᠰᠢ᠂ ᠪᠢᠳᠡ ᠭᠢᠪᠧᠶᠠ ᠬᠦᠷᠲᠡᠯᠡ ᠶᠠᠪᠤᠶᠠ》 ᠭᠡᠵᠡᠢ᠃ 13 ᠲᠡᠷᠡ ᠵᠠᠷᠤᠴᠠ ᠳᠠᠭᠠᠨ᠄ 《ᠵᠠ᠂ ᠭᠢᠪᠧᠶᠠ᠂ ᠡᠰᠡᠪᠡᠯ ᠷᠠᠮᠠ ᠶᠢᠨ ᠠᠯᠢ ᠨᠢᠭᠡ ᠤᠷᠤᠭᠤ ᠨᠢ ᠣᠴᠢᠵᠤ᠂ ᠲᠡᠨᠳᠡ ᠬᠣᠨᠣᠶᠠ》 ᠭᠡᠪᠡ᠃ 14 ᠢᠩᠭᠢᠭᠡᠳ ᠲᠡᠳᠡ ᠴᠠᠭᠠᠰᠢᠯᠠᠨ ᠶᠠᠪᠤᠭᠰᠠᠭᠠᠷ ᠪᠢᠨᠶᠠᠮᠢᠨ ᠤ ᠬᠠᠷᠢᠶᠠ ᠭᠢᠪᠧᠶᠠ ᠳᠤ ᠳᠥᠭᠥᠵᠦ ᠪᠠᠢᠬᠤ ᠳᠤ ᠨᠠᠷᠠ ᠰᠢᠩ᠋ᠭᠡᠵᠡᠢ᠃ 15 ᠲᠡᠳᠡ ᠭᠢᠪᠧᠶᠠ ᠳᠤ ᠬᠣᠨᠣᠬᠤ ᠪᠠᠷ ᠵᠠᠮ ᠠᠴᠠ ᠪᠠᠨ ᠮᠤᠷᠤᠢᠵᠤ ᠲᠡᠨᠳᠡ ᠣᠴᠢᠭᠠᠳ᠂ ᠬᠣᠲᠠ ᠶᠢᠨ ᠵᠠᠳᠠᠭᠠᠢ ᠲᠠᠯᠠᠪᠠᠢ ᠳᠡᠭᠡᠷᠡ ᠰᠠᠭᠤᠭᠰᠠᠨ ᠪᠣᠯᠪᠠᠴᠤ ᠲᠡᠳᠡᠨ ᠢ ᠬᠦᠯᠢᠶᠡᠨ ᠠᠪᠴᠤ ᠭᠡᠷ ᠲᠡᠭᠡᠨ ᠬᠣᠨᠣᠭᠤᠯᠬᠤ ᠬᠥᠮᠦᠨ ᠪᠠᠢᠭᠰᠠᠨ ᠦᠭᠡᠢ᠃
16 ᠲᠡᠭᠡᠲᠡᠯᠡ ᠦᠳᠡᠰᠢ ᠪᠣᠯᠵᠤ ᠨᠢᠭᠡ ᠡᠪᠦᠭᠡᠨ ᠲᠠᠷᠢᠶᠠᠨ ᠠᠵᠢᠯ ᠠᠴᠠ ᠪᠠᠨ ᠢᠷᠡᠵᠦ ᠪᠠᠢᠯᠠ᠃ ᠡᠨᠡ ᠬᠥᠮᠦᠨ ᠡᠹᠷᠠᠢᠮ ᠤᠨ ᠠᠭᠤᠯᠠᠷᠬᠠᠭ ᠨᠤᠲᠤᠭ ᠤᠨ ᠬᠥᠮᠦᠨ ᠪᠣᠯᠪᠠᠴᠤ ᠭᠢᠪᠧᠶᠠ ᠳᠤ ᠠᠮᠢᠳᠤᠷᠠᠳᠠᠭ ᠪᠠᠢᠵᠠᠢ᠃ ᠲᠡᠨᠳᠡᠬᠢ ᠶᠢᠨ ᠪᠤᠰᠤᠳ ᠬᠥᠮᠦᠰ ᠪᠣᠯ ᠪᠢᠨᠶᠠᠮᠢᠨᠴᠤᠳ ᠶᠤᠮ᠃ 17 ᠲᠡᠷᠡ ᠡᠪᠦᠭᠡᠨ ᠨᠢᠳᠦ ᠡᠷᠭᠦᠨ᠂ ᠬᠣᠲᠠ ᠶᠢᠨ ᠵᠠᠳᠠᠭᠠᠢ ᠲᠠᠯᠠᠪᠠᠢ ᠳᠠᠬᠢ ᠠᠶᠠᠨᠴᠢᠨ ᠢ ᠣᠯᠵᠤ ᠬᠠᠷᠠᠭᠠᠳ ᠲᠡᠭᠦᠨ ᠡᠴᠡ᠄ 《ᠲᠠ ᠬᠠᠮᠢᠭᠠ ᠠᠴᠠ ᠢᠷᠡᠵᠦ᠂ ᠬᠠᠮᠢᠭᠠᠰᠢ ᠪᠠᠨ ᠶᠠᠪᠤᠵᠤ ᠪᠠᠢᠨᠠ ᠪᠤᠢ︖》 ᠭᠡᠵᠦ ᠠᠰᠠᠭᠤᠪᠠ᠃ 18 ᠥᠨᠥᠬᠢ ᠡᠷᠡ ᠲᠡᠭᠦᠨ ᠳᠦ᠄ 《ᠪᠢᠳᠡ ᠶᠦᠳᠠ ᠶᠢᠨ ᠪᠧᠲ᠋ᠯᠧᠾᠧᠮ ᠡᠴᠡ ᠭᠠᠷᠴᠤ ᠡᠹᠷᠠᠢᠮ ᠤᠨ ᠠᠭᠤᠯᠠᠷᠬᠠᠭ ᠨᠤᠲᠤᠭ ᠥᠭᠡᠳᠡ ᠶᠠᠪᠤᠵᠤ ᠪᠠᠢᠭᠠ ᠶᠤᠮ᠃ ᠪᠢ ᠲᠡᠨᠳᠡᠬᠢ ᠶᠢᠨ ᠪᠤᠢᠳᠠ ᠭᠠᠵᠠᠷ ᠲᠤ ᠠᠮᠢᠳᠤᠷᠠᠳᠠᠭ ᠪᠥᠭᠡᠳ ᠶᠦᠳᠠ ᠶᠢᠨ ᠪᠧᠲ᠋ᠯᠧᠾᠧᠮ ᠳᠤ ᠣᠴᠢᠭᠠᠳ ᠣᠳᠣ ᠶᠣᠬᠣᠸᠠ ᠶᠢᠨ ᠥᠷᠭᠥᠭᠡ ᠤᠷᠤᠭᠤ ᠶᠠᠪᠤᠵᠤ ᠪᠠᠢᠨᠠ᠃ ᠬᠠᠷᠢᠨ ᠨᠠᠮᠠᠶᠢ ᠭᠡᠷ ᠲᠡᠭᠡᠨ ᠬᠦᠯᠢᠶᠡᠨ ᠠᠪᠬᠤ ᠬᠥᠮᠦᠨ ᠪᠠᠢᠬᠤ ᠦᠭᠡᠢ ᠪᠠᠢᠨᠠ᠃ 19 ᠪᠢᠳᠡᠨ ᠳᠦ ᠡᠯᠵᠢᠭᠡᠨ ᠳᠡᠭᠡᠨ ᠥᠭᠬᠦ ᠰᠦᠷᠡᠯ ᠴᠤ᠂ ᠲᠡᠵᠢᠭᠡᠯ ᠴᠤ ᠪᠤᠢ᠂ ᠪᠠᠰᠠ ᠥᠪᠡᠷ ᠦᠨ ᠪᠣᠯᠣᠨ ᠡᠬᠡᠨᠡᠷ ᠦᠨ᠂ ᠵᠠᠷᠤᠴᠠ ᠶᠢᠨ ᠮᠢᠨᠢ ᠬᠣᠭᠣᠯᠠ ᠤᠮᠳᠠ ᠴᠤ ᠪᠠᠢᠨᠠ᠃ ᠳᠤᠲᠠᠬᠤ ᠶᠠᠭᠤᠮᠠ ᠠᠯᠠᠭᠠ》 ᠭᠡᠬᠦ ᠳᠦ᠂ 20 ᠡᠪᠦᠭᠡᠨ᠄ 《ᠲᠠ ᠨᠠᠷ ᠰᠠᠨᠠᠭᠠ ᠠᠮᠤᠷ ᠪᠠᠢᠭᠠᠷᠠᠢ᠃ ᠲᠠ ᠨᠠᠷ ᠤᠨ ᠪᠦᠬᠦ ᠬᠡᠷᠡᠭᠴᠡᠭᠡ ᠶᠢ ᠪᠢ ᠬᠠᠩ᠋ᠭᠠᠶᠠ᠃ ᠬᠠᠷᠢᠨ ᠵᠠᠳᠠᠭᠠᠢ ᠲᠠᠯᠠᠪᠠᠢ ᠳᠤ ᠰᠥᠨᠢ ᠶᠢ ᠥᠩᠭᠡᠷᠡᠭᠦᠯᠵᠦ ᠪᠣᠯᠬᠤ ᠦᠭᠡᠢ》 ᠭᠡᠪᠡ᠃ 21 ᠢᠩᠭᠢᠭᠡᠳ ᠡᠪᠦᠭᠡᠨ ᠲᠡᠳᠡᠨ ᠢ ᠭᠡᠷ ᠲᠡᠭᠡᠨ ᠣᠷᠣᠭᠤᠯᠵᠤ᠂ ᠡᠯᠵᠢᠭᠡᠨ ᠳᠦᠨᠢ ᠲᠡᠵᠢᠭᠡᠯ ᠥᠭᠪᠡ᠃ ᠲᠡᠳᠡ ᠬᠥᠯ ᠢᠶᠡᠨ ᠤᠬᠢᠶᠠᠭᠠᠳ ᠢᠳᠡᠵᠦ ᠤᠤᠭᠤᠵᠠᠭᠠᠯᠠ᠃
22 ᠡᠢᠨ ᠬᠦ ᠲᠡᠳᠡᠨ ᠦ ᠰᠡᠳᠬᠢᠯ ᠰᠡᠷᠭᠦᠵᠦ ᠪᠠᠢᠬᠤ ᠳᠤ᠂ ᠲᠡᠷᠡ ᠬᠣᠲᠠ ᠶᠢᠨ ᠪᠦᠲᠦᠯ ᠦᠭᠡᠢ ᠡᠲᠡᠭᠡᠳ ᠪᠠᠢᠰᠢᠩ ᠢ ᠨᠢ ᠪᠦᠰᠡᠯᠡᠨ᠂ ᠬᠠᠭᠠᠯᠭᠠ ᠶᠢ ᠨᠢ ᠪᠠᠯᠪᠠᠯᠠ︕ ᠲᠡᠳᠡ ᠭᠡᠷ ᠦᠨ ᠡᠵᠡᠨ ᠡᠪᠦᠭᠡᠨ ᠳᠦ᠄ 《ᠲᠠᠨ ᠤ ᠭᠡᠷ ᠲᠦ ᠢᠷᠡᠭᠰᠡᠨ ᠲᠡᠷᠡ ᠡᠷᠡ ᠶᠢ ᠭᠠᠷᠭᠠᠵᠤ ᠥᠭ᠃ ᠪᠢᠳᠡ ᠲᠡᠭᠦᠨ ᠲᠡᠢ ᠬᠤᠷᠢᠴᠠᠶᠠ》 ᠭᠡᠵᠡᠭᠡᠪᠡ᠃ 23 ᠭᠡᠷ ᠦᠨ ᠡᠵᠡᠨ ᠡᠷᠡ ᠲᠡᠳᠡᠨ ᠤᠷᠤᠭᠤ ᠭᠠᠷᠴᠤ᠄ 《ᠪᠣᠯᠬᠤ ᠦᠭᠡᠢ᠂ ᠠᠬᠠ ᠳᠡᠭᠦᠦᠰ ᠮᠢᠨᠢ᠂ ᠮᠠᠭᠤ ᠶᠠᠭᠤᠮᠠ ᠪᠦᠦ ᠦᠢᠯᠡᠳ᠃ ᠡᠨᠡ ᠬᠥᠮᠦᠨ ᠮᠢᠨᠦ ᠭᠡᠷ ᠲᠦ ᠢᠷᠡᠭᠰᠡᠨ ᠬᠣᠢᠨᠠ ᠲᠡᠭᠦᠨ ᠳᠦ ᠡᠢᠮᠦ ᠪᠤᠵᠠᠷ ᠰᠢᠪᠰᠢᠭ ᠪᠦᠦ ᠦᠢᠯᠡᠳ᠃ 24 ᠬᠠᠷᠠ᠂ ᠡ᠊ᠨᠳᠡ ᠮᠢᠨᠦ ᠣᠩ᠋ᠭᠣᠨ ᠥᠬᠢᠨ ᠪᠣᠯᠣᠨ ᠲᠡᠷᠡ ᠬᠥᠮᠦᠨ ᠦ ᠲᠠᠲᠠᠪᠤᠷᠢ ᠡᠮᠡ ᠪᠠᠢᠨᠠ᠃ ᠪᠢ ᠲᠡᠳᠡᠨ ᠢ ᠭᠠᠷᠭᠠᠶᠠ᠃ ᠲᠠ ᠨᠠᠷ ᠲᠡᠳᠡᠨ ᠢ ᠭᠠᠷ ᠲᠠᠭᠠᠨ ᠠᠪᠴᠤ᠂ ᠬᠦᠰᠡᠭᠰᠡᠨ ᠵᠦᠢᠯ ᠢᠶᠠᠨ ᠦᠢᠯᠡᠳᠦᠭᠲᠦᠨ᠃ ᠬᠠᠷᠢᠨ ᠲᠡᠷᠡ ᠬᠥᠮᠦᠨ ᠳᠦ ᠡᠢᠮᠦ ᠪᠤᠵᠠᠷ ᠰᠢᠪᠰᠢᠭ ᠢ ᠪᠦᠦ ᠦᠢᠯᠡᠳ》 ᠭᠡᠵᠦ ᠬᠡᠯᠡᠪᠡ᠃ 25 ᠭᠡᠪᠡᠴᠦ ᠲᠡᠳᠡᠭᠡᠷ ᠡᠷᠡ ᠲᠡᠭᠦᠨ ᠦ ᠬᠢ ᠶᠢ ᠰᠣᠨᠣᠰᠬᠤ ᠳᠤᠷᠠ ᠦᠭᠡᠢ ᠪᠠᠢᠯᠠ᠃ ᠡᠢᠮᠦ ᠡᠴᠡ ᠥᠨᠥᠬᠢ ᠬᠥᠮᠦᠨ ᠲᠠᠲᠠᠪᠤᠷᠢ ᠡᠮᠡ ᠪᠡᠨ ᠪᠠᠷᠢᠵᠤ ᠭᠠᠳᠠᠭᠰᠢ ᠪᠠᠨ ᠭᠠᠷᠭᠠᠭᠰᠠᠨ ᠳᠤ᠂ ᠲᠡᠳᠡ ᠲᠡᠭᠦᠨ ᠢ ᠰᠥᠨᠢᠵᠢᠨ ᠬᠦᠴᠦᠷᠬᠡᠭᠯᠡᠵᠦ᠂ ᠬᠠᠷᠭᠢᠰᠯᠠᠵᠤ᠂ ᠦᠷ ᠴᠠᠢᠬᠤ ᠦᠶᠡ ᠳᠦ ᠲᠡᠭᠦᠨ ᠢ ᠶᠠᠪᠤᠭᠤᠯᠪᠠ᠃ 26 ᠦᠷ ᠴᠠᠢᠬᠤ ᠳᠤ᠂ ᠥᠨᠥᠬᠢ ᠡᠮᠡᠭᠲᠡᠢ ᠡᠵᠡᠨ ᠦ ᠪᠠᠨ ᠪᠠᠢᠭᠠ ᠭᠡᠷ ᠦᠨ ᠡᠭᠦᠳᠡᠨ ᠳᠦ ᠢᠷᠡᠵᠦ ᠤᠨᠠᠭᠠᠳ ᠭᠡᠭᠡ ᠣᠷᠣᠲᠠᠯᠠ ᠲᠡᠨᠳᠡ ᠪᠡᠨ ᠪᠠᠢᠪᠠ᠃
27 ᠥᠷᠯᠥᠭᠡ ᠡᠵᠡᠨ ᠨᠢ ᠪᠣᠰᠴᠤ᠂ ᠬᠠᠭᠠᠯᠭᠠ ᠶᠢ ᠨᠡᠭᠡᠭᠡᠨ ᠵᠠᠮ ᠳᠠᠭᠠᠨ ᠭᠠᠷᠬᠤ ᠭᠡᠲᠡᠯᠡ ᠲᠠᠲᠠᠪᠤᠷᠢ ᠡᠮᠡ ᠨᠢ ᠭᠡᠷ ᠦᠨ ᠡᠭᠦᠳᠡᠨ ᠳᠦ ᠬᠣᠶᠠᠷ ᠭᠠᠷ ᠢᠶᠠᠨ ᠪᠣᠱᠣᠭᠠᠨ ᠳᠡᠭᠡᠷᠡ ᠲᠠᠯᠪᠢᠴᠢᠬᠠᠭᠰᠠᠨ ᠤᠨᠠᠭᠠᠳ ᠪᠠᠢᠪᠠ︕ 28 ᠲᠡᠷᠡ ᠬᠥᠮᠦᠨ᠄ 《ᠪᠣᠰ ᠡ᠂ ᠶᠠᠪᠤᠶᠠ》 ᠭᠡᠰᠡᠨ ᠴᠤ ᠬᠠᠷᠢᠭᠤ ᠦᠭᠡᠢ ᠪᠠᠢᠯᠠ᠃ ᠲᠡᠭᠡᠭᠡᠳ ᠲᠡᠷᠡ ᠬᠥᠮᠦᠨ ᠨᠥᠭᠥᠭᠡ ᠡᠮᠡᠭᠲᠡᠢ ᠶᠢ ᠡᠯᠵᠢᠭᠡᠨ ᠳᠡᠭᠡᠷᠡ ᠪᠡᠨ ᠠᠪᠤᠭᠠᠳ ᠬᠥᠳᠡᠯᠵᠦ᠂ ᠨᠤᠲᠤᠭ ᠥᠭᠡᠳᠡ ᠪᠡᠨ ᠶᠠᠪᠤᠪᠠ᠃ 29 ᠲᠡᠷᠡ ᠭᠡᠷ ᠲᠡᠭᠡᠨ ᠣᠷᠣᠭᠠᠳ ᠬᠢᠲᠤᠭᠠ ᠠᠪᠴᠤ᠂ ᠲᠠᠲᠠᠪᠤᠷᠢ ᠡᠮᠡ ᠪᠡᠨ ᠦᠶᠡ ᠦᠶᠡ ᠪᠡᠷ ᠨᠢ ᠠᠷᠪᠠᠨ ᠬᠣᠶᠠᠷ ᠬᠡᠰᠡᠭ ᠪᠣᠯᠭᠠᠨ ᠲᠤᠶᠠᠴᠢᠵᠤ᠂ ᠢᠰᠷᠧᠯ ᠤᠨ ᠨᠤᠲᠤᠭ ᠳᠠᠶᠠᠭᠠᠷ ᠢᠯᠡᠭᠡᠪᠡ᠃ 30 ᠦᠵᠡᠭᠰᠡᠨ ᠪᠣᠯᠭᠠᠨ᠄ 《ᠶᠧᠵᠢᠫᠲ ᠡᠴᠡ ᠭᠠᠷᠤᠭᠰᠠᠨ ᠡᠳᠦᠷ ᠡᠴᠡ ᠥᠨᠥᠳᠥᠷ ᠪᠣᠯᠲᠠᠯᠠ ᠢᠰᠷᠧᠯᠴᠦᠳ ᠦᠨ ᠳᠤᠮᠳᠠ ᠡᠢᠮᠦ ᠬᠡᠷᠡᠭ ᠭᠠᠷᠤᠭᠰᠠᠨ ᠦᠭᠡᠢ᠂ ᠦᠵᠡᠭᠳᠡᠭᠰᠡᠨ ᠴᠤ ᠦᠭᠡᠢ᠃ ᠰᠠᠨᠠᠭᠠ ᠲᠠᠯᠪᠢᠵᠤ᠂ ᠵᠥᠪᠯᠡᠯᠳᠦᠨ ᠶᠠᠷᠢᠯᠴᠠᠵᠠᠭᠠᠶᠠ》 ᠭᠡᠯᠴᠡᠪᠡ᠃