ᠬᠠᠭᠠᠳ ᠤᠨ ᠳᠡᠭᠡᠳᠦ ᠠᠷᠪᠠ ᠶᠢᠰᠦ
ᠧᠯᠢᠶᠠ ᠬᠣᠷᠧᠪ ᠥᠭᠡᠳᠡ ᠵᠢᠭᠤᠲᠠᠪᠠ
1 ᠠᠬᠠᠪ ᠧᠯᠢᠶᠠ ᠶᠢᠨ ᠦᠢᠯᠡᠳᠦᠭᠰᠡᠨ ᠪᠦᠬᠦᠨ ᠦ ᠲᠤᠬᠠᠢ᠂ ᠲᠡᠳᠡᠭᠡᠷ ᠡᠰᠢ ᠦᠵᠡᠭᠦᠯᠦᠭᠴᠢ ᠶᠢ ᠨᠢ ᠢᠯᠳᠦ ᠪᠡᠷ ᠰᠥᠨᠥᠭᠡᠭᠰᠡᠨ ᠦ ᠲᠤᠬᠠᠢ ᠶᠧᠽᠧᠪᠧᠯ ᠳᠤ ᠳᠤᠭᠤᠯᠭᠠᠭᠰᠠᠨ ᠳᠤ᠂ 2 ᠶᠧᠽᠧᠪᠧᠯ ᠧᠯᠢᠶᠠ ᠳᠤ ᠬᠥᠮᠦᠨ ᠢᠯᠡᠭᠡᠨ᠄ 《ᠬᠡᠷᠪᠡ ᠪᠢ ᠮᠠᠷᠭᠠᠰᠢ ᠶᠢᠨ ᠡᠨᠡ ᠴᠠᠭ ᠢᠶᠠᠷ ᠴᠢᠨᠦ ᠠᠮᠢ ᠶᠢ ᠲᠡᠳᠡᠭᠡᠷ ᠡᠰᠢ ᠦᠵᠡᠭᠦᠯᠦᠭᠴᠢ ᠶᠢᠨ ᠠᠮᠢ ᠰᠢᠭ᠋ ᠪᠣᠯᠭᠠᠬᠤ ᠦᠭᠡᠢ ᠪᠣᠯ᠂ ᠪᠤᠷᠬᠠᠳ ᠨᠠᠮᠠᠶᠢ ᠬᠠᠲᠠᠭᠤ ᠰᠢᠳᠬᠡᠬᠦ ᠪᠣᠯᠲᠤᠭᠠᠢ》 ᠭᠡᠵᠦ ᠬᠡᠯᠡᠭᠦᠯᠵᠡᠢ᠃ 3 ᠧᠯᠢᠶᠠ ᠠᠶᠤᠪᠠ᠃ ᠲᠡᠷᠡ ᠪᠣᠰᠴᠤ ᠠᠮᠢ ᠪᠠᠨ ᠠᠪᠤᠷᠠᠬᠤ ᠪᠠᠷ ᠵᠢᠭᠤᠲᠠᠨ ᠶᠦᠳᠠ ᠨᠤᠲᠤᠭ ᠤᠨ ᠪᠧᠷᠣᠲ ᠱᠧᠪᠠ ᠳᠤ ᠬᠦᠷᠦᠭᠡᠳ ᠲᠡᠨᠳᠡ ᠵᠠᠷᠤᠴᠠ ᠪᠠᠨ ᠦᠯᠡᠳᠡᠭᠡᠵᠦ᠂ 4 ᠥᠪᠡᠷ ᠢᠶᠡᠨ ᠴᠥᠯ ᠳᠤ ᠣᠷᠣᠭᠠᠳ ᠨᠢᠭᠡ ᠡᠳᠦᠷ ᠵᠠᠮ ᠬᠥᠭᠡᠭᠡᠵᠡᠢ᠃ ᠲᠡᠭᠡᠭᠡᠳ ᠨᠢᠭᠡ ᠠᠷᠴᠠᠨ ᠮᠣᠳᠣᠨ ᠤ ᠳᠣᠣᠷᠠ ᠰᠠᠭᠤᠭᠠᠳ ᠠᠮᠢ ᠲᠠᠰᠤᠷᠠᠬᠤ ᠶᠢ ᠬᠦᠰᠡᠮᠵᠢᠯᠡᠨ᠄ 《ᠣᠳᠣ ᠪᠣᠯᠣᠯᠠ᠃ ᠶᠣᠬᠣᠸᠠ ᠮᠢᠨᠢ᠂ ᠮᠢᠨᠦ ᠠᠮᠢ ᠶᠢ ᠣᠳᠣ ᠠᠪᠤᠭᠠᠴᠢ᠃ ᠪᠢ ᠡᠴᠢᠭᠡ ᠡᠪᠦᠭᠡᠳ ᠡᠴᠡ ᠪᠡᠨ ᠳᠡᠭᠡᠷᠡᠳᠡᠬᠦ ᠶᠠᠭᠤᠮᠠ ᠦᠭᠡᠢ》 ᠭᠡᠵᠡᠢ᠃ 5 ᠲᠡᠭᠦᠨ ᠢ ᠠᠷᠴᠠᠨ ᠮᠣᠳᠣᠨ ᠤ ᠳᠣᠣᠷᠠ ᠬᠡᠪᠲᠡᠭᠡᠳ ᠤᠨᠲᠠᠵᠤ ᠪᠠᠢᠲᠠᠯᠠ ᠨᠢᠭᠡᠨ ᠲᠩᠷᠢ ᠡᠯᠴᠢ ᠲᠡᠭᠦᠨ ᠢ ᠳᠠᠪᠰᠢᠨ ᠪᠠᠢᠵᠤ᠄ 《ᠪᠣᠰᠣᠭᠠᠳ ᠢᠳᠡ︕》 ᠭᠡᠵᠡᠢ᠃ 6 ᠧᠯᠢᠶᠠ ᠦᠵᠡᠬᠦ ᠳᠦ᠂ ᠲᠡᠭᠦᠨ ᠦ ᠲᠣᠯᠣᠭᠠᠢ ᠶᠢᠨ ᠬᠠᠪᠢ ᠳᠤ ᠬᠠᠯᠠᠭᠤᠨ ᠴᠢᠯᠠᠭᠤᠨ ᠳᠡᠭᠡᠷᠡ ᠵᠢᠩᠨᠡᠭᠰᠡᠨ ᠪᠣᠭᠣᠷᠰᠣᠭ ᠪᠣᠯᠣᠨ ᠸᠠᠭᠠᠷ ᠲᠠᠢ ᠤᠰᠤ ᠪᠠᠢᠵᠠᠢ᠃ ᠲᠡᠷᠡ ᠢᠳᠡᠵᠦ ᠤᠤᠭᠤᠴᠢᠬᠠᠭᠠᠳ ᠳᠠᠬᠢᠭᠠᠳ ᠤᠨᠲᠠᠪᠠ᠃ 7 ᠶᠣᠬᠣᠸᠠ ᠶᠢᠨ ᠲᠩᠷᠢ ᠡᠯᠴᠢ ᠬᠣᠶᠠᠳᠠᠬᠢ ᠤᠳᠠᠭᠠ ᠪᠠᠨ ᠢᠷᠡᠭᠡᠳ ᠲᠡᠭᠦᠨ ᠢ ᠳᠠᠪᠰᠢᠵᠤ᠄ 《ᠪᠣᠰᠣᠭᠠᠳ ᠢᠳᠡᠵᠦ ᠠᠪ᠂ ᠠᠶᠠᠨ ᠵᠠᠮ ᠴᠢᠨᠢ ᠬᠣᠯᠠ ᠰᠢᠦ》 ᠭᠡᠰᠡᠨ ᠳᠦ᠂ 8 ᠲᠡᠷᠡ ᠪᠡᠷ ᠪᠣᠰᠣᠭᠠᠳ᠂ ᠢᠳᠡᠵᠦ ᠤᠤᠭᠤᠯᠠ᠃ ᠲᠡᠷᠡ ᠬᠣᠭᠣᠯᠠᠨ ᠤ ᠬᠦᠴᠦ ᠪᠡᠷ ᠳᠥᠴᠢᠨ ᠡᠳᠦᠷ᠂ ᠳᠥᠴᠢᠨ ᠰᠥᠨᠢ ᠶᠠᠪᠤᠵᠤ᠂ ᠪᠤᠷᠬᠠᠨ ᠤ ᠠᠭᠤᠯᠠ ᠪᠣᠯᠬᠤ ᠬᠣᠷᠧᠪ ᠲᠤ ᠬᠦᠷᠦᠭᠰᠡᠨ ᠪᠠᠢᠨᠠ᠃ 9 ᠧᠯᠢᠶᠠ ᠠᠭᠤᠢ ᠳᠤ ᠣᠷᠣᠵᠤ ᠲᠡᠨᠳᠡ ᠬᠣᠨᠣᠭ ᠥᠩᠭᠡᠷᠡᠭᠡᠪᠡ᠃
ᠶᠣᠬᠣᠸᠠ ᠧᠯᠢᠶᠠ ᠲᠠᠢ ᠶᠠᠷᠢᠪᠠ
10 ᠧᠯᠢᠶᠠ᠄ 《ᠪᠢ ᠠᠤᠭᠠ ᠬᠦᠴᠦᠲᠦ ᠪᠤᠷᠬᠠᠨ ᠶᠣᠬᠣᠸᠠ ᠶᠢᠨ ᠲᠥᠯᠥᠭᠡ ᠬᠢᠴᠢᠶᠡᠨ ᠵᠢᠳᠬᠦᠭᠰᠡᠨ 28 ᠤ ᠤᠴᠢᠷ ᠠᠴᠠ ᠶᠤᠮ᠃ ᠢᠰᠷᠧᠯᠴᠦᠳ ᠲᠠᠨ ᠤ ᠭᠡᠷᠡ ᠶᠢ ᠤᠮᠠᠷᠲᠠᠵᠤ᠂ ᠲᠠᠨ ᠤ ᠲᠠᠬᠢᠯ ᠤᠨ ᠰᠢᠷᠡᠭᠡ ᠨᠦᠭᠦᠳ ᠢ ᠨᠤᠷᠠᠭᠠᠨ᠂ ᠲᠠᠨ ᠤ ᠡᠰᠢ ᠦᠵᠡᠭᠦᠯᠦᠭᠴᠢᠳ ᠢ ᠢᠯᠳᠦ ᠪᠡᠷ ᠰᠥᠨᠥᠭᠡᠵᠦ ᠭᠠᠭᠴᠠᠬᠠᠨ ᠪᠢ ᠦᠯᠡᠳᠡᠭᠰᠡᠨ᠂ ᠲᠡᠳᠡ ᠮᠢᠨᠦ ᠠᠮᠢ ᠶᠢ ᠴᠤ ᠬᠥᠨᠥᠭᠡᠬᠦ ᠭᠡᠵᠦ ᠨᠠᠮᠠᠶᠢ ᠬᠠᠢᠵᠤ ᠪᠠᠢᠨᠠ》 ᠭᠡᠪᠡ᠃
11 ᠶᠣᠬᠣᠸᠠ᠄ 《ᠴᠢ ᠡ᠊ᠨᠳᠡ ᠡᠴᠡ ᠭᠠᠷᠴᠤ᠂ ᠠᠭᠤᠯᠠᠨ ᠳᠡᠭᠡᠷᠡ ᠶᠣᠬᠣᠸᠠ ᠶᠢᠨ ᠡᠮᠦᠨᠡ ᠵᠣᠭᠰᠣᠭᠲᠤᠨ》 ᠭᠡᠵᠦ ᠠᠢᠯᠠᠳᠤᠯᠠ᠃ ᠲᠡᠭᠡᠲᠡᠯᠡ ᠶᠣᠬᠣᠸᠠ ᠥᠩᠭᠡᠷᠡᠵᠦ ᠪᠠᠢᠪᠠ᠃ ᠠᠰᠤᠷᠤ ᠶᠡᠬᠡ ᠬᠦᠴᠦ ᠲᠠᠢ ᠰᠠᠯᠬᠢ ᠶᠣᠬᠣᠸᠠ ᠶᠢᠨ ᠡᠮᠦᠨᠡ ᠠᠭᠤᠯᠠᠰ ᠢ ᠬᠠᠭᠠᠯᠵᠤ᠂ ᠬᠠᠳᠠ ᠨᠤᠭᠤᠳ ᠢ ᠪᠤᠲᠠᠯᠵᠤ ᠪᠠᠢᠭᠰᠠᠨ ᠪᠣᠯᠪᠠᠴᠤ ᠲᠡᠷᠡ ᠰᠠᠯᠬᠢᠨ ᠳᠣᠲᠣᠷᠠ ᠶᠣᠬᠣᠸᠠ ᠪᠠᠢᠭᠰᠠᠨ ᠦᠭᠡᠢ᠂ ᠰᠠᠯᠬᠢᠨ ᠤ ᠳᠠᠷᠠᠭᠠ ᠭᠠᠵᠠᠷ ᠬᠥᠳᠡᠯᠦᠭᠰᠡᠨ ᠪᠣᠯᠪᠠᠴᠤ ᠲᠡᠷᠡ ᠬᠥᠳᠡᠯᠦᠯᠲᠡ ᠶᠢᠨ ᠳᠣᠲᠣᠷᠠ ᠴᠤ ᠶᠣᠬᠣᠸᠠ ᠪᠠᠢᠭᠰᠠᠨ ᠦᠭᠡᠢ᠂ 12 ᠭᠠᠵᠠᠷ ᠬᠥᠳᠡᠯᠦᠯᠲᠡ ᠶᠢᠨ ᠳᠠᠷᠠᠭᠠ ᠭᠠᠯ ᠭᠠᠷᠤᠭᠰᠠᠨ ᠪᠣᠯᠪᠠᠴᠤ ᠭᠠᠯ ᠳᠣᠲᠣᠷᠠ ᠴᠤ ᠶᠣᠬᠣᠸᠠ ᠪᠠᠢᠭᠰᠠᠨ ᠦᠭᠡᠢ᠃ ᠬᠠᠷᠢᠨ ᠭᠠᠯ ᠤᠨ ᠳᠠᠷᠠᠭᠠ ᠬᠥᠩᠭᠡᠬᠡᠨ ᠢᠰᠭᠡᠷᠬᠦ ᠳᠠᠭᠤ ᠭᠠᠷᠤᠯᠠ᠃ 13 ᠧᠯᠢᠶᠠ ᠲᠡᠷᠡ ᠳᠠᠭᠤ ᠶᠢ ᠰᠣᠨᠣᠰᠣᠭᠠᠳ ᠳᠡᠪᠡᠯ ᠢᠶᠡᠷ ᠢᠶᠠᠨ ᠨᠢᠭᠤᠷ ᠢᠶᠠᠨ ᠬᠠᠯᠬᠠᠯᠠᠨ᠂ ᠠᠭᠤᠢ ᠶᠢᠨ ᠠᠮᠠᠨ ᠳᠤ ᠭᠠᠷᠴᠤ ᠵᠣᠭᠰᠣᠪᠠ᠃ ᠲᠡᠭᠡᠲᠡᠯᠡ ᠨᠢᠭᠡᠨ ᠳᠠᠭᠤ ᠲᠡᠭᠦᠨ ᠳᠦ ᠢᠷᠡᠵᠦ᠄ 《ᠧᠯᠢᠶᠠ᠂ ᠴᠢ ᠶᠠᠭᠠᠬᠢᠭᠠᠳ ᠡ᠊ᠨᠳᠡ ᠪᠠᠢᠭᠠ ᠶᠤᠮ ᠪᠤᠢ︖》 ᠭᠡᠵᠡᠢ᠃ 14 ᠧᠯᠢᠶᠠ᠄ 《ᠪᠢ ᠠᠤᠭᠠ ᠬᠦᠴᠦᠲᠦ ᠪᠤᠷᠬᠠᠨ ᠶᠣᠬᠣᠸᠠ ᠶᠢᠨ ᠲᠥᠯᠥᠭᠡ ᠬᠢᠴᠢᠶᠡᠨ ᠵᠢᠳᠬᠦᠭᠰᠡᠨ 29 ᠃ ᠬᠠᠷᠢᠨ ᠢᠰᠷᠧᠯᠴᠦᠳ ᠲᠠᠨ ᠤ ᠭᠡᠷᠡ ᠶᠢ ᠤᠮᠠᠷᠲᠠᠵᠤ᠂ ᠲᠠᠨ ᠤ ᠲᠠᠬᠢᠯ ᠤᠨ ᠰᠢᠷᠡᠭᠡ ᠨᠦᠭᠦᠳ ᠢ ᠨᠤᠷᠠᠭᠠᠨ᠂ ᠲᠠᠨ ᠤ ᠡᠰᠢ ᠦᠵᠡᠭᠦᠯᠦᠭᠴᠢᠳ ᠢ ᠢᠯᠳᠦ ᠪᠡᠷ ᠰᠥᠨᠥᠭᠡᠵᠦ ᠭᠠᠭᠴᠠᠬᠠᠨ ᠪᠢ ᠦᠯᠡᠳᠡᠭᠰᠡᠨ᠂ ᠲᠡᠳᠡ ᠮᠢᠨᠦ ᠠᠮᠢ ᠶᠢ ᠴᠤ ᠬᠥᠨᠥᠭᠡᠬᠦ ᠭᠡᠵᠦ ᠨᠠᠮᠠᠶᠢ ᠬᠠᠢᠵᠤ ᠪᠠᠢᠨᠠ》 ᠬᠡᠮᠡᠨ ᠥᠴᠢᠪᠡ᠃ 15 ᠶᠣᠬᠣᠸᠠ ᠲᠡᠭᠦᠨ ᠳᠦ᠄ 《ᠴᠢ ᠢᠷᠡᠭᠰᠡᠨ ᠵᠠᠮ ᠢᠶᠠᠷ ᠢᠶᠠᠨ ᠳ᠋ᠠᠮᠠᠰᠺᠦ᠋ᠰ ᠤᠨ ᠴᠥᠯ ᠤᠷᠤᠭᠤ ᠶᠠᠪᠤ᠃ ᠲᠡᠨᠳᠡ ᠬᠦᠷᠦᠭᠡᠳ ᠬᠠᠽᠠᠶᠧᠯ ᠢ ᠠᠷᠠᠮ ᠤᠨ ᠬᠠᠭᠠᠨ ᠢᠶᠠᠷ ᠲᠣᠮᠢᠯᠠᠨ ᠲᠣᠰᠣᠯᠠᠵᠤ᠂ 16 ᠮᠥᠨ ᠨᠢᠮᠱᠢ ᠶᠢᠨ ᠬᠦᠦ ᠶᠧᠾᠦ᠋ ᠶᠢ ᠢᠰᠷᠧᠯ ᠤᠨ ᠬᠠᠭᠠᠨ ᠢᠶᠠᠷ ᠲᠣᠮᠢᠯᠠᠨ ᠲᠣᠰᠣᠯᠠᠵᠤ᠂ ᠪᠠᠰᠠ ᠠᠪᠧᠯ ᠮᠧᠬᠣᠯᠠ ᠳᠠᠬᠢ ᠱᠠᠹᠠᠲ ᠤᠨ ᠬᠦᠦ ᠡᠯᠢᠱᠠ ᠶᠢ ᠥᠪᠡᠷ ᠢ ᠴᠢᠨᠢ ᠵᠠᠯᠭᠠᠮᠵᠢᠯᠠᠭᠴᠢ ᠡᠰᠢ ᠦᠵᠡᠭᠦᠯᠦᠭᠴᠢ ᠪᠠᠷ ᠲᠣᠮᠢᠯᠠᠨ ᠲᠣᠰᠣᠯᠠᠭᠠᠷᠠᠢ᠃ 17 ᠬᠠᠽᠠᠶᠧᠯ ᠤᠨ ᠢᠯᠳᠦᠨ ᠡᠴᠡ ᠵᠢᠭᠤᠲᠠᠭᠰᠠᠨ ᠬᠥᠮᠦᠨ ᠢ ᠶᠧᠾᠦ᠋ ᠰᠥᠨᠥᠭᠡᠵᠦ᠂ ᠶᠧᠾᠦ᠋ ᠶᠢᠨ ᠢᠯᠳᠦᠨ ᠡᠴᠡ ᠵᠢᠭᠤᠲᠠᠭᠰᠠᠨ ᠬᠥᠮᠦᠨ ᠢ ᠡᠯᠢᠱᠠ ᠰᠥᠨᠥᠭᠡᠬᠦ ᠪᠣᠯᠣᠨᠠ᠃ 18 ᠬᠠᠷᠢᠨ ᠪᠢ ᠢᠰᠷᠧᠯ ᠳᠤ ᠳᠣᠯᠣᠭᠠᠨ ᠮᠢᠩ᠋ᠭᠠᠨ ᠬᠥᠮᠦᠨ ᠦᠯᠡᠳᠡᠭᠡᠵᠦ ᠪᠠᠢᠨᠠ᠂ ᠲᠡᠳᠡᠨ ᠦ ᠡᠪᠦᠳᠦᠭ ᠪᠠᠯ ᠳᠤ ᠰᠥᠭᠥᠳᠥᠭᠡ ᠦᠭᠡᠢ᠂ ᠲᠡᠳᠡᠨ ᠦ ᠣᠷᠣᠭᠤᠯ ᠪᠠᠯ ᠢ ᠦᠨᠦᠰᠦᠭᠡ ᠦᠭᠡᠢ ᠶᠤᠮ》 ᠭᠡᠵᠦ ᠠᠢᠯᠠᠳᠪᠠ᠃
ᠧᠯᠢᠶᠠ ᠡᠯᠢᠱᠠ ᠶᠢ ᠳᠠᠭᠤᠳᠠᠪᠠ
19 ᠧᠯᠢᠶᠠ ᠲᠡᠨᠳᠡ ᠡᠴᠡ ᠶᠠᠪᠤᠵᠤ᠂ ᠱᠠᠹᠠᠲ ᠤᠨ ᠬᠦᠦ ᠡᠯᠢᠱᠠ ᠲᠠᠢ ᠠᠭᠤᠯᠵᠠᠪᠠ᠃ ᠲᠡᠷᠡ ᠦᠶᠡ ᠳᠦ ᠡᠯᠢᠱᠠ ᠪᠤᠭᠤᠯᠠᠭᠠ ᠲᠠᠢ ᠠᠷᠪᠠᠨ ᠬᠣᠶᠠᠷ ᠬᠣᠣᠰ ᠦᠬᠡᠷ ᠢᠶᠡᠷ ᠭᠠᠵᠠᠷ ᠬᠠᠭᠠᠯᠵᠤ᠂ ᠥᠪᠡᠷ ᠢᠶᠡᠨ ᠠᠷᠪᠠᠨ ᠬᠣᠶᠠᠳᠠᠬᠢ ᠬᠣᠣᠰ ᠦᠬᠡᠷ ᠦᠨ ᠠᠷᠤ ᠠᠴᠠ ᠶᠠᠪᠤᠵᠤ ᠪᠠᠢᠪᠠ᠃ ᠧᠯᠢᠶᠠ ᠲᠡᠭᠦᠨ ᠦ ᠬᠠᠵᠠᠭᠤ ᠪᠠᠷ ᠥᠩᠭᠡᠷᠡᠬᠦ ᠳᠡᠭᠡᠨ ᠳᠡᠪᠡᠯ ᠢᠶᠡᠨ ᠲᠡᠭᠦᠨ ᠳᠦ ᠰᠢᠳᠡᠵᠦ ᠥᠭᠪᠡ᠃ 20 ᠡᠯᠢᠱᠠ ᠦᠬᠡᠷ ᠤᠳ ᠢᠶᠠᠨ ᠣᠷᠬᠢᠭᠠᠳ ᠧᠯᠢᠶᠠ ᠶᠢᠨ ᠬᠣᠢᠨᠠ ᠠᠴᠠ ᠭᠦᠶᠦᠨ᠄ 《ᠪᠢ ᠠᠪᠤ ᠡᠵᠢ ᠪᠠᠨ ᠦᠨᠦᠰᠴᠢᠬᠡᠭᠡᠳ ᠲᠠᠨ ᠢ ᠳᠠᠭᠠᠶᠠ》 ᠭᠡᠬᠦ ᠪᠡᠷ ᠨᠢ᠂ 《ᠪᠤᠴᠠᠭᠠᠳ ᠶᠠᠪᠤ ᠳᠠ᠂ ᠪᠢ ᠴᠢᠮᠠ ᠳᠤ ᠶᠠᠭᠤ ᠬᠢᠬᠦ ᠪᠢᠯᠡ》 ᠭᠡᠯᠡ᠃ 21 ᠲᠡᠷᠡ ᠧᠯᠢᠶᠠ ᠠᠴᠠ ᠡᠷᠭᠢᠨ ᠶᠠᠪᠤᠵᠤ᠂ ᠬᠣᠶᠠᠷ ᠦᠬᠡᠷ ᠨᠢᠳᠤᠯᠤᠭᠠᠳ᠂ ᠪᠤᠭᠤᠯᠠᠭᠠ ᠶᠢ ᠨᠢ ᠲᠦᠯᠡᠵᠦ᠂ ᠮᠢᠬᠠ ᠶᠢ ᠨᠢ ᠴᠢᠨᠠᠭᠠᠳ ᠬᠥᠮᠦᠰ ᠲᠦ ᠥᠭᠭᠥᠭᠰᠡᠨ ᠳᠦ᠂ ᠲᠡᠳᠡ ᠢᠳᠡᠵᠡᠭᠡᠪᠡ᠃ ᠳᠠᠷᠠᠭᠠ ᠨᠢ ᠲᠡᠷᠡ ᠪᠣᠰᠴᠤ ᠧᠯᠢᠶᠠ ᠶᠢ ᠳᠠᠭᠠᠨ ᠶᠠᠪᠤᠵᠤ᠂ ᠲᠤᠰᠠᠯᠠᠭᠴᠢ ᠨᠢ ᠪᠣᠯᠣᠭᠰᠠᠨ ᠪᠠᠢᠨᠠ᠃