ᠢᠯᠡᠷᠬᠡᠶᠢᠯᠡᠯᠭᠡ ᠲᠠᠪᠤ
ᠳᠣᠯᠣᠭᠠᠨ ᠲᠠᠮᠠᠭᠠ ᠶᠢᠨ ᠪᠢᠲᠡᠭᠦᠮᠵᠢ ᠲᠠᠢ ᠬᠤᠢᠯᠠᠮᠠᠯ
1 ᠰᠡᠨᠲᠢ ᠳᠤ ᠵᠠᠯᠠᠷᠠᠭᠴᠢ ᠶᠢᠨ ᠪᠠᠷᠠᠭᠤᠨ ᠮᠤᠲᠤᠷ ᠳᠠᠬᠢ ᠬᠤᠢᠯᠠᠮᠠᠯ ᠢ ᠪᠢ ᠬᠠᠷᠠᠪᠠ᠃ ᠬᠤᠢᠯᠠᠮᠠᠯ ᠨᠢ ᠠᠷᠤ ᠥᠪᠥᠷ ᠲᠡᠭᠡᠨ ᠪᠢᠴᠢᠭᠡᠰᠦ ᠲᠠᠢ ᠪᠥᠭᠡᠳ ᠳᠣᠯᠣᠭᠠᠨ ᠲᠠᠮᠠᠭᠠ ᠶᠢᠨ ᠪᠢᠲᠡᠭᠦᠮᠵᠢ ᠲᠠᠢ ᠪᠠᠢᠭᠰᠠᠨ᠃ 2 ᠪᠠᠰᠠ ᠲᠩᠷᠢ ᠶᠢᠨ ᠬᠦᠴᠦᠲᠦ ᠡᠯᠴᠢ ᠶᠢᠨ᠄ 《ᠡᠳᠡᠭᠡᠷ ᠪᠢᠲᠡᠭᠦᠮᠵᠢ ᠶᠢ ᠵᠠᠳᠠᠯᠵᠤ᠂ ᠬᠤᠢᠯᠠᠮᠠᠯ ᠢ ᠳᠡᠯᠭᠡᠬᠦ ᠬᠢᠷᠢ ᠭᠡᠮ ᠲᠡᠢ ᠨᠢ ᠬᠡᠨ ᠪᠤᠢ︖》 ᠭᠡᠵᠦ ᠶᠡᠬᠡ ᠳᠠᠭᠤᠨ ᠢᠶᠠᠷ ᠲᠤᠩ᠋ᠬᠠᠭᠯᠠᠬᠤ ᠶᠢ ᠬᠠᠷᠠᠯᠠ᠃ 3 ᠭᠡᠪᠡᠴᠦ ᠲᠡᠷᠡ ᠬᠤᠢᠯᠠᠮᠠᠯ ᠢ ᠳᠡᠯᠭᠡᠨ᠂ ᠳᠣᠲᠣᠷᠠᠬᠢ ᠶᠢ ᠨᠢ ᠦᠵᠡᠵᠦ ᠴᠢᠳᠠᠭᠴᠢ ᠨᠢ ᠲᠩᠷᠢ ᠳᠤ ᠴᠤ᠂ ᠭᠠᠵᠠᠷ ᠳᠡᠭᠡᠷᠡ ᠴᠤ᠂ ᠭᠠᠵᠠᠷ ᠤᠨ ᠳᠣᠣᠷᠠ ᠴᠤ ᠪᠠᠢᠭᠰᠠᠨ ᠦᠭᠡᠢ᠃ 4 ᠬᠤᠢᠯᠠᠮᠠᠯ ᠢ ᠳᠡᠯᠭᠡᠵᠦ᠂ ᠳᠣᠲᠣᠷᠠᠬᠢ ᠶᠢ ᠨᠢ ᠦᠵᠡᠬᠦ ᠬᠢᠷᠢ ᠭᠡᠮ ᠲᠡᠢ ᠨᠢ ᠣᠯᠳᠠᠬᠤ ᠦᠭᠡᠢ ᠪᠣᠯᠬᠣᠷ ᠪᠢ ᠶᠡᠬᠡᠳᠡ ᠤᠬᠢᠯᠠᠵᠤ ᠪᠠᠢᠪᠠ᠃ 5 ᠠᠬᠠᠯᠠᠭᠴᠢ ᠶᠢᠨ ᠳᠤᠮᠳᠠ ᠠᠴᠠ ᠨᠢᠭᠡ ᠨᠢ ᠨᠠᠳᠠ ᠳᠤ᠄ 《ᠤᠬᠢᠯᠠᠬᠤ ᠪᠠᠨ ᠪᠣᠯᠢ᠃ ᠠᠩ᠋ᠬᠠᠷᠤᠭᠲᠤᠨ᠂ ᠶᠦᠳᠠ ᠣᠪᠣᠭ ᠠᠴᠠ ᠭᠠᠷᠤᠯ ᠲᠠᠢ ᠠᠷᠰᠯᠠᠨ᠂ ᠥᠭᠡᠷᠡ ᠪᠡᠷ ᠬᠡᠯᠡᠪᠡᠯ᠂ ᠳ᠋ᠠᠸᠢᠳ᠋ ᠤᠨ ᠦᠨᠳᠦᠰᠦ ᠢᠯᠠᠭᠰᠠᠨ ᠶᠤᠮ᠃ ᠲᠡᠷᠡ ᠳᠣᠯᠣᠭᠠᠨ ᠲᠠᠮᠠᠭᠠ ᠪᠠ ᠬᠤᠢᠯᠠᠮᠠᠯ ᠢ ᠵᠠᠳᠠᠯᠬᠤ ᠪᠣᠯᠣᠨᠠ》 ᠭᠡᠪᠡ᠃
6 ᠲᠡᠭᠡᠭᠡᠳ ᠰᠡᠨᠲᠢ ᠬᠢᠭᠡᠳ ᠳᠥᠷᠪᠡᠨ ᠠᠮᠢᠳᠤ ᠪᠡᠶᠡᠲᠡᠨ ᠦ ᠬᠣᠭᠣᠷᠣᠨᠳᠣ ᠪᠠ ᠠᠬᠠᠯᠠᠭᠴᠢᠳ ᠤᠨ ᠳᠤᠮᠳᠠ ᠵᠣᠭᠰᠣᠵᠤ ᠪᠤᠢ ᠬᠤᠷᠠᠭᠠ ᠶᠢ ᠪᠢ ᠬᠠᠷᠠᠪᠠ᠃ ᠲᠡᠷᠡ ᠬᠤᠷᠠᠭᠠ ᠨᠢᠳᠤᠯᠤᠭᠳᠠᠭᠰᠠᠨ ᠰᠢᠭ᠋ ᠪᠠᠢᠪᠠ᠃ ᠲᠡᠭᠦᠨ ᠳᠦ ᠳᠣᠯᠣᠭᠠᠨ ᠡᠪᠡᠷ᠂ ᠳᠣᠯᠣᠭᠠᠨ ᠨᠢᠳᠦ ᠲᠠᠢ᠃ ᠳᠣᠯᠣᠭᠠᠨ ᠨᠢᠳᠦ ᠨᠢ ᠭᠠᠵᠠᠷ ᠳᠠᠶᠠᠭᠠᠷ ᠢᠯᠡᠭᠡᠭᠳᠡᠭᠰᠡᠨ ᠪᠤᠷᠬᠠᠨ ᠤ ᠳᠣᠯᠣᠭᠠᠨ ᠰᠦᠨᠡᠰᠦ ᠪᠣᠯᠠᠢ᠃ 7 ᠬᠤᠷᠠᠭᠠ ᠢᠷᠡᠭᠡᠳ ᠰᠡᠨᠲᠢ ᠳᠤ ᠵᠠᠯᠠᠷᠠᠭᠴᠢ ᠶᠢᠨ ᠪᠠᠷᠠᠭᠤᠨ ᠭᠠᠷ ᠠᠴᠠ ᠥᠨᠥᠬᠢ ᠬᠤᠢᠯᠠᠮᠠᠯ ᠢ ᠲᠤᠰᠪᠠ᠃ 8 ᠬᠤᠢᠯᠠᠮᠠᠯ ᠢ ᠲᠣᠰᠬᠤ ᠳᠤᠨᠢ᠂ ᠳᠥᠷᠪᠡᠨ ᠠᠮᠢᠳᠤ ᠪᠡᠶᠡᠲᠡᠨ ᠪᠠ ᠬᠣᠷᠢᠨ ᠳᠥᠷᠪᠡᠨ ᠠᠬᠠᠯᠠᠭᠴᠢ ᠬᠤᠷᠠᠭᠠ ᠶᠢᠨ ᠡᠮᠦᠨᠡ ᠡᠯᠢᠭᠡᠳᠡᠨ ᠤᠨᠠᠪᠠ᠃ ᠲᠡᠳᠡ ᠲᠤᠰ ᠪᠦᠷᠢ ᠶᠠᠲᠤᠭᠠ ᠲᠠᠢ᠂ ᠮᠥᠨ ᠤᠲᠤᠯᠭᠠ ᠪᠠᠷ ᠳᠦᠭᠦᠷᠡᠩ ᠠᠯᠲᠠᠨ ᠲᠠᠪᠠᠭ ᠲᠠᠢ᠃ ᠤᠲᠤᠯᠭᠠ ᠨᠢ ᠠᠷᠢᠭᠤᠨ ᠬᠥᠮᠦᠰ ᠦᠨ ᠳᠠᠭᠠᠳᠬᠠᠯ ᠪᠣᠯᠠᠢ᠃ 9 ᠲᠡᠳᠡ ᠰᠢᠨᠡ ᠳᠠᠭᠤᠤ ᠪᠠᠷ᠄ 《ᠬᠤᠢᠯᠠᠮᠠᠯ ᠢ ᠠᠪᠴᠤ ᠪᠢᠲᠡᠭᠦᠮᠵᠢ ᠶᠢ ᠨᠡᠭᠡᠭᠡᠬᠦ ᠨᠢ ᠲᠠᠨ ᠳᠤ ᠵᠣᠬᠢᠰᠲᠠᠢ᠂ ᠲᠠ ᠠᠯᠠᠭᠳᠠᠭᠠᠳ᠂ ᠥᠪᠡᠷ ᠦᠨ ᠢᠶᠠᠨ ᠴᠢᠰᠤ ᠪᠠᠷ ᠣᠪᠣᠭ᠂ ᠬᠡᠯᠡ᠂ ᠠᠷᠠᠳ ᠲᠦᠮᠡᠨ᠂ ᠦᠨᠳᠦᠰᠦᠲᠡᠨ ᠪᠣᠯᠭᠠᠨ ᠠᠴᠠ ᠬᠥᠮᠦᠰ ᠢ ᠪᠤᠷᠬᠠᠨ ᠤ ᠲᠥᠯᠥᠭᠡ ᠵᠣᠯᠢᠶᠠᠰᠤᠯᠠᠨ ᠠᠪᠴᠤ
10 ᠪᠢᠳᠡᠨ ᠦ ᠪᠤᠷᠬᠠᠨ ᠤ ᠬᠠᠭᠠᠨᠴᠢᠯᠠᠯ ᠤᠨ ᠬᠢᠨ ᠪᠠ ᠲᠠᠬᠢᠯᠴᠢᠳ ᠪᠣᠯᠭᠠᠭᠰᠠᠨ ᠲᠤᠯᠠ ᠲᠡᠳᠡ ᠭᠠᠵᠠᠷ ᠳᠡᠭᠡᠷᠡ ᠬᠠᠭᠠᠨᠴᠢᠯᠠᠬᠤ ᠪᠣᠯᠣᠨᠠ》
ᠭᠡᠵᠦ ᠳᠠᠭᠤᠯᠠᠵᠠᠭᠠᠨᠠ᠃ 11 ᠲᠡᠭᠡᠭᠡᠳ ᠰᠡᠨᠲᠢ᠂ ᠠᠮᠢᠳᠤ ᠪᠡᠶᠡᠲᠡᠳ ᠪᠠ ᠠᠬᠠᠯᠠᠭᠴᠢᠳ ᠢ ᠲᠣᠭᠣᠷᠢᠭᠰᠠᠨ ᠣᠯᠠᠨ ᠲᠩᠷᠢ ᠡᠯᠴᠢ ᠶᠢ ᠪᠢ ᠬᠠᠷᠠᠵᠤ ᠳᠠᠭᠤ ᠶᠢ ᠨᠢ ᠰᠣᠨᠣᠰᠪᠠ᠃ ᠲᠣᠭᠠ ᠨᠢ ᠲᠦᠮᠡᠨ ᠲᠦᠮᠡ᠂ ᠮᠢᠩ᠋ᠭᠠᠨ ᠮᠢᠩ᠋ᠭᠠ ᠪᠣᠯᠠᠢ᠃ 12 ᠲᠡᠳᠡ ᠶᠡᠬᠡ ᠳᠠᠭᠤ ᠪᠠᠷ᠄ 《ᠠᠯᠠᠭᠳᠠᠭᠰᠠᠨ ᠬᠤᠷᠠᠭᠠ ᠨᠢ ᠡᠷᠬᠡ᠂ ᠪᠠᠶᠠᠯᠢᠭ᠂ ᠤᠬᠠᠭᠠᠨ ᠬᠦᠴᠦ᠂ ᠬᠦᠨᠳᠦᠳᠬᠡᠯ᠂ ᠠᠯᠳᠠᠷ᠂ ᠮᠠᠭᠲᠠᠭᠠᠯ ᠢ ᠣᠯᠬᠤ ᠨᠢ ᠵᠣᠬᠢᠰᠲᠠᠢ》
ᠭᠡᠵᠡᠭᠡᠵᠦ ᠪᠠᠢᠯᠠ᠃ 13 ᠲᠡᠭᠡᠭᠡᠳ ᠲᠩᠷᠢ ᠳᠠᠬᠢ᠂ ᠭᠠᠵᠠᠷ ᠳᠡᠭᠡᠷᠡᠬᠢ ᠪᠠ ᠭᠠᠵᠠᠷ ᠳᠣᠣᠷᠠᠬᠢ᠂ ᠳᠠᠯᠠᠢ ᠳᠠᠬᠢ ᠪᠦᠬᠦ ᠪᠦᠲᠦᠭᠡᠯ ᠪᠤᠶᠤ ᠲᠡᠳᠡᠭᠡᠷ ᠦᠨ ᠳᠣᠲᠣᠷᠠᠬᠢ ᠲᠦᠮᠡᠨ ᠪᠣᠳᠠᠰ ᠤᠨ᠄ 《ᠰᠡᠨᠲᠢ ᠳᠤ ᠵᠠᠯᠠᠷᠠᠭᠴᠢ ᠪᠠ ᠬᠤᠷᠠᠭᠠᠨ ᠳᠤ ᠮᠠᠭᠲᠠᠭᠠᠯ᠂ ᠬᠦᠨᠳᠦᠳᠬᠡᠯ᠂ ᠠᠯᠳᠠᠷ ᠪᠠ ᠴᠢᠳᠠᠯ ᠮᠥᠩᠬᠡ ᠶᠢᠨ ᠮᠥᠩᠬᠡᠳᠡ ᠪᠠᠢᠬᠤ ᠪᠣᠯᠲᠤᠭᠠᠢ》
ᠭᠡᠯᠴᠡᠬᠦ ᠶᠢ ᠪᠢ ᠰᠣᠨᠣᠰᠣᠯᠠ᠃ 14 ᠲᠡᠭᠡᠬᠦ ᠳᠦ ᠳᠥᠷᠪᠡᠨ ᠠᠮᠢᠳᠤ ᠪᠡᠶᠡᠲᠡᠨ᠄ 《ᠠᠮᠧᠨ》 ᠭᠡᠵᠦ ᠪᠠᠢᠯᠠ᠃ ᠠᠬᠠᠯᠠᠭᠴᠢᠳ ᠡᠯᠢᠭᠡᠳᠡᠨ ᠤᠨᠠᠵᠤ ᠮᠥᠷᠭᠥᠪᠡ᠃