ᠢᠯᠡᠷᠬᠡᠶᠢᠯᠡᠯᠭᠡ ᠠᠷᠪᠠᠨ ᠵᠢᠷᠭᠤᠭᠠ
1 ᠥᠷᠭᠥᠭᠡᠨ ᠡᠴᠡ ᠶᠡᠬᠡ ᠳᠠᠭᠤ ᠭᠠᠷᠴᠤ ᠳᠣᠯᠣᠭᠠᠨ ᠲᠩᠷᠢ ᠡᠯᠴᠢ ᠳᠤ᠄ 《ᠶᠠᠪᠤ᠂ ᠳᠣᠯᠣᠭᠠᠨ ᠲᠠᠪᠠᠭ ᠲᠠᠢ ᠪᠤᠷᠬᠠᠨ ᠤ ᠠᠭᠤᠷ ᠬᠢᠯᠢᠩ ᠢ ᠭᠠᠵᠠᠷ ᠳᠡᠭᠡᠷᠡ ᠠᠰᠬᠠ》 ᠬᠡᠮᠡᠬᠦ ᠶᠢ ᠪᠢ ᠰᠣᠨᠣᠰᠪᠠ᠃
2 ᠡᠢᠮᠦ ᠳᠦ᠂ ᠠᠩ᠋ᠬᠠᠨ ᠤ ᠬᠢᠨᠢ ᠶᠠᠪᠤᠭᠠᠳ ᠲᠠᠪᠠᠭ ᠲᠠᠢ ᠶᠢ ᠭᠠᠵᠠᠷ ᠳᠡᠭᠡᠷᠡ ᠠᠰᠬᠠᠭᠰᠠᠨ ᠳᠤ᠂ ᠠᠷᠢᠶᠠᠲᠠᠨ ᠤ ᠲᠠᠮᠠᠭᠠ ᠲᠠᠢ ᠬᠥᠮᠦᠰ ᠪᠠ ᠠᠷᠢᠶᠠᠲᠠᠨ ᠤ ᠬᠥᠷᠥᠭ ᠱᠤᠭᠤᠮᠠᠯ ᠳᠤ ᠮᠥᠷᠭᠥᠭᠴᠢᠳ ᠤᠨ ᠳᠡᠭᠡᠷᠡ ᠬᠣᠣᠷᠲᠤ ᠮᠠᠭᠤ ᠶᠠᠷᠠ ᠭᠠᠷᠤᠯᠠ᠃
3 ᠬᠣᠶᠠᠳᠠᠬᠢ ᠨᠢ ᠲᠠᠪᠠᠭ ᠲᠠᠢ ᠶᠢ ᠳᠠᠯᠠᠢ ᠳᠤ ᠠᠰᠬᠠᠭᠰᠠᠨ ᠳᠤ᠂ ᠳᠠᠯᠠᠢ ᠶᠢᠨ ᠤᠰᠤ ᠦᠬᠦᠳᠡᠯ ᠦᠨ ᠴᠢᠰᠤ ᠮᠡᠲᠦ ᠪᠣᠯᠵᠤ᠂ ᠳᠠᠯᠠᠢ ᠳᠣᠲᠣᠷᠠᠬᠢ ᠬᠠᠮᠤᠭ ᠠᠮᠢᠲᠠᠨ ᠦᠬᠦᠵᠡᠢ᠃
4 ᠭᠤᠷᠪᠠᠳᠠᠬᠢ ᠨᠢ ᠲᠠᠪᠠᠭ ᠲᠠᠢ ᠶᠢ ᠭᠣᠣᠯ ᠮᠥᠷᠡᠨ ᠪᠠ ᠤᠰᠤᠨ ᠤ ᠡᠬᠢ ᠪᠤᠯᠠᠭ ᠤᠳ ᠳᠡᠭᠡᠷᠡ ᠠᠰᠬᠠᠭᠰᠠᠨ ᠳᠤ᠂ ᠲᠡᠳᠡᠭᠡᠷ ᠨᠢ ᠴᠢᠰᠤ ᠪᠣᠯᠪᠠ᠃ 5 ᠲᠡᠭᠡᠬᠦ ᠳᠦ᠂ ᠤᠰᠤ ᠶᠢ ᠵᠠᠬᠢᠷᠬᠤ ᠡᠷᠬᠡ ᠲᠠᠢ ᠲᠩᠷᠢ ᠡᠯᠴᠢ᠄ 《ᠲᠠ ᠪᠣᠯ ᠵᠥᠪ ᠰᠢᠳᠤᠷᠭᠤ︕ ᠪᠠᠢᠭᠠ᠂ ᠪᠠᠢᠭᠰᠠᠨ ᠠᠷᠢᠭᠤᠨ ᠨᠢᠭᠡᠨ ᠡ ᠲᠠ ᠡᠳᠡᠭᠡᠷ ᠢ ᠰᠢᠭᠦᠵᠡᠢ
6 ᠲᠡᠳᠡ ᠠᠷᠢᠭᠤᠨ ᠬᠥᠮᠦᠰ ᠪᠠ ᠡᠰᠢ ᠦᠵᠡᠭᠦᠯᠦᠭᠴᠢᠳ ᠤᠨ ᠴᠢᠰᠤ ᠶᠢ ᠠᠰᠬᠠᠭᠰᠠᠨ ᠲᠤᠯᠠ ᠲᠠ ᠲᠡᠳᠡᠨ ᠳᠦ ᠴᠢᠰᠤ ᠤᠤᠭᠤᠯᠭᠠᠵᠠᠢ ᠲᠡᠭᠡᠬᠦ ᠨᠢ ᠵᠦᠢᠲᠡᠢ ᠪᠠᠢᠨᠠ》
ᠭᠡᠬᠦ ᠶᠢ ᠪᠢ ᠰᠣᠨᠣᠰᠪᠠ᠃ 7 ᠪᠠᠰᠠ ᠲᠠᠬᠢᠯ ᠤᠨ ᠰᠢᠷᠡᠭᠡ᠄ 《ᠲᠡᠢᠮᠦ ᠡ᠂ ᠲᠡᠭᠦᠰ ᠬᠦᠴᠦᠲᠦ ᠡᠵᠡᠨ ᠪᠤᠷᠬᠠᠨ ᠲᠠᠨ ᠤ ᠰᠢᠳᠬᠡᠯ ᠦᠨᠡᠨ ᠪᠥᠭᠡᠳ ᠵᠥᠪ︕》
ᠭᠡᠵᠦ ᠶᠠᠷᠢᠬᠤ ᠶᠢ ᠪᠢ ᠰᠣᠨᠣᠰᠣᠯᠠ᠃
8 ᠳᠥᠷᠪᠡᠳᠡᠬᠢ ᠨᠢ ᠲᠠᠪᠠᠭ ᠲᠠᠢ ᠶᠢ ᠨᠠᠷᠠᠨ ᠳᠡᠭᠡᠷᠡ ᠠᠰᠬᠠᠭᠰᠠᠨ ᠳᠤ᠂ ᠨᠠᠷᠠ ᠬᠥᠮᠦᠰ ᠢ ᠭᠠᠯ ᠢᠶᠠᠷ ᠰᠢᠷᠠᠬᠤ ᠡᠷᠬᠡ ᠶᠢ ᠣᠯᠪᠠ᠃ 9 ᠬᠥᠮᠦᠰ ᠠᠰᠤᠷᠤ ᠶᠡᠬᠡ ᠬᠠᠯᠠᠭᠤᠨ ᠳᠤ ᠰᠢᠷᠠᠭᠳᠠᠵᠠᠢ᠃ ᠬᠠᠷᠢᠨ ᠲᠡᠳᠡ ᠡᠳᠡᠭᠡᠷ ᠭᠠᠮᠰᠢᠭ ᠢ ᠵᠠᠬᠢᠷᠬᠤ ᠡᠷᠬᠡ ᠲᠠᠢ ᠡᠵᠡᠨ ᠪᠤᠷᠬᠠᠨ ᠤ ᠨᠡᠷᠡ ᠶᠢ ᠮᠠᠭᠤᠯᠠᠭᠰᠠᠨ ᠪᠥᠭᠡᠳ ᠪᠤᠷᠬᠠᠨ ᠳᠤ ᠦᠯᠦ ᠭᠡᠮᠰᠢᠨ ᠠᠯᠳᠠᠷ ᠢ ᠡᠰᠡ ᠡᠷᠭᠦᠪᠡ᠃
10 ᠲᠠᠪᠤᠳᠠᠬᠢ ᠨᠢ ᠲᠠᠪᠠᠭ ᠲᠠᠢ ᠶᠢ ᠠᠷᠢᠶᠠᠲᠠᠨ ᠤ ᠰᠠᠭᠤᠷᠢᠨ ᠳᠡᠭᠡᠷᠡ ᠠᠰᠬᠠᠭᠰᠠᠨ ᠳᠤ᠂ ᠠᠷᠢᠶᠠᠲᠠᠨ ᠤ ᠤᠯᠤᠰ ᠬᠠᠷᠠᠩ᠋ᠭᠤᠢ ᠪᠣᠯᠵᠤ᠂ ᠬᠥᠮᠦᠰ ᠵᠣᠪᠠᠭᠰᠠᠨ ᠳᠠᠭᠠᠨ ᠬᠡᠯᠡ ᠪᠡᠨ ᠬᠠᠵᠠᠯᠠ᠃ 11 ᠲᠡᠳᠡ ᠵᠣᠪᠠᠯᠠᠩ ᠪᠠ ᠶᠠᠷᠠ ᠠᠴᠠ ᠪᠠᠨ ᠪᠣᠯᠣᠭᠠᠳ ᠲᠩᠷᠢ ᠶᠢᠨ ᠪᠤᠷᠬᠠᠨ ᠢ ᠮᠠᠭᠤᠯᠠᠵᠤ᠂ ᠥᠪᠡᠷᠰᠡᠳ ᠦᠨ ᠢᠶᠠᠨ ᠦᠢᠯᠡᠰ ᠲᠦ ᠦᠯᠦ ᠭᠡᠮᠰᠢᠪᠡ᠃
12 ᠵᠢᠷᠭᠤᠳᠠᠬᠢ ᠨᠢ ᠲᠠᠪᠠᠭ ᠲᠠᠢ ᠶᠢ ᠡᠶᠦ᠋ᠹᠷᠠᠲ᠋ᠧᠰ ᠶᠡᠬᠡ ᠮᠥᠷᠡᠨ ᠳᠡᠭᠡᠷᠡ ᠠᠰᠬᠠᠭᠰᠠᠨ ᠳᠤ᠂ ᠤᠰᠤ ᠨᠢ ᠰᠢᠷᠭᠢᠵᠦ᠂ ᠳᠣᠷᠣᠨᠠ ᠵᠦᠭ ᠡᠴᠡ ᠢᠷᠡᠬᠦ ᠬᠠᠭᠠᠳ ᠤᠨ ᠵᠠᠮ ᠪᠡᠯᠡᠳᠬᠡᠭᠳᠡᠵᠡᠢ᠃ 13 ᠲᠡᠭᠡᠬᠦ ᠳᠦ᠂ ᠪᠢ ᠮᠡᠯᠡᠬᠡᠢ ᠮᠡᠲᠦ ᠪᠤᠵᠠᠷ ᠭᠤᠷᠪᠠᠨ ᠰᠦᠨᠡᠰᠦ ᠶᠢ ᠬᠠᠷᠠᠯᠠ᠃ ᠲᠡᠳᠡ ᠯᠤᠤ ᠶᠢᠨ ᠠᠮᠠ᠂ ᠠᠷᠢᠶᠠᠲᠠᠨ ᠤ ᠠᠮᠠ ᠪᠠ ᠬᠠᠭᠤᠷᠮᠠᠭ ᠡᠰᠢ ᠦᠵᠡᠭᠦᠯᠦᠭᠴᠢ ᠶᠢᠨ ᠠᠮᠠᠨ ᠠᠴᠠ ᠭᠠᠷᠴᠠᠢ᠃ 14 ᠲᠡᠳᠡ ᠪᠣᠯ ᠰᠢᠳᠢ ᠲᠡᠮᠳᠡᠭ ᠦᠢᠯᠡᠳᠦᠭᠴᠢ ᠴᠢᠳᠬᠥᠷ ᠤᠳ ᠤᠨ ᠰᠦᠨᠡᠰᠦ ᠶᠤᠮ᠂ ᠲᠡᠳᠡ ᠲᠡᠭᠦᠰ ᠬᠦᠴᠦᠲᠦ ᠪᠤᠷᠬᠠᠨ ᠤ ᠶᠡᠬᠡ ᠡᠳᠦᠷ ᠲᠦ ᠪᠣᠯᠬᠤ ᠳᠠᠢᠨ ᠤ ᠲᠥᠯᠥᠭᠡ ᠳᠠᠶᠠᠩ ᠳᠡᠯᠡᠬᠡᠢ ᠶᠢᠨ ᠬᠠᠭᠠᠳ ᠢ ᠴᠤᠭᠯᠠᠭᠤᠯᠬᠤ ᠪᠠᠷ ᠶᠠᠪᠤᠨᠠ᠃ 15 (ᠠᠩ᠋ᠬᠠᠷᠤᠭᠲᠤᠨ᠂ ᠪᠢ ᠬᠤᠯᠠᠭᠠᠢᠴᠢ ᠮᠡᠲᠦ ᠢᠷᠡᠨᠡ᠃ ᠰᠡᠷᠡᠮᠵᠢᠲᠡᠢ ᠪᠠᠢᠵᠤ᠂ ᠬᠤᠪᠴᠠᠰᠤ ᠲᠠᠢ ᠬᠡᠪ ᠢᠶᠡᠷ ᠢᠶᠠᠨ ᠨᠢᠴᠦᠭᠦᠨ ᠦᠯᠦ ᠶᠠᠪᠤᠵᠤ ᠬᠥᠮᠦᠰ ᠲᠦ ᠢᠴᠢᠭᠦᠷᠢ ᠪᠠᠨ ᠦᠯᠦ ᠬᠠᠷᠠᠭᠤᠯᠤᠭᠴᠢ ᠨᠢ ᠪᠤᠶᠠᠨ ᠲᠠᠢ︕) 16 ᠢᠪᠷᠠᠢ ᠪᠠᠷ ᠬᠠᠷᠮᠠᠭᠧᠳ᠋ᠳᠣᠨ ᠭᠡᠳᠡᠭ ᠭᠠᠵᠠᠷ ᠲᠤ ᠲᠡᠳᠡᠨ ᠢ ᠴᠤᠭᠯᠠᠭᠤᠯᠵᠠᠢ᠃
17 ᠳᠣᠯᠣᠳᠠᠬᠢ ᠨᠢ ᠲᠠᠪᠠᠭ ᠲᠠᠢ ᠶᠢ ᠠᠭᠠᠷ ᠲᠤ ᠠᠰᠬᠠᠭᠰᠠᠨ ᠳᠤ᠂ ᠥᠷᠭᠥᠭᠡᠨ ᠳᠠᠬᠢ ᠰᠡᠨᠲᠢ ᠡᠴᠡ᠄ 《ᠪᠦᠲᠦᠯᠡ》 ᠬᠡᠮᠡᠬᠦ ᠶᠡᠬᠡ ᠳᠠᠭᠤ ᠭᠠᠷᠪᠠ᠃ 18 ᠲᠡᠭᠡᠬᠦ ᠳᠦ᠂ ᠴᠠᠬᠢᠯᠭᠠᠨ ᠴᠠᠬᠢᠯᠤᠨ᠂ ᠳᠠᠭᠤ ᠭᠠᠷᠴᠤ᠂ ᠠᠶᠤᠩ᠋ᠭᠠ ᠨᠢᠵᠢᠭᠢᠨᠡᠨ᠂ ᠭᠠᠵᠠᠷ ᠬᠦᠴᠦᠲᠡᠢ ᠬᠥᠳᠡᠯᠵᠡᠢ᠃ ᠭᠠᠵᠠᠷ ᠳᠡᠭᠡᠷᠡ ᠬᠥᠮᠦᠨ ᠪᠤᠢ ᠪᠣᠯᠣᠭᠰᠠᠨ ᠠᠴᠠ ᠬᠣᠢᠰᠢ ᠡᠢᠮᠦ ᠬᠦᠴᠦᠲᠡᠢ ᠭᠠᠵᠠᠷ ᠬᠥᠳᠡᠯᠦᠯᠲᠡ ᠭᠡᠵᠦ ᠪᠠᠢᠭᠠ ᠦᠭᠡᠢ᠃ 19 ᠲᠡᠷᠡ ᠬᠦ ᠶᠡᠬᠡ ᠬᠣᠲᠠ ᠭᠤᠷᠪᠠᠨ ᠬᠡᠰᠡᠭ ᠬᠤᠪᠢᠶᠠᠭᠳᠠᠵᠤ᠂ ᠤᠯᠤᠰ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠦᠨ ᠬᠣᠲᠠ ᠨᠤᠭᠤᠳ ᠴᠤ ᠨᠤᠷᠠᠪᠠ᠃ ᠪᠤᠷᠬᠠᠨ ᠶᠡᠬᠡ ᠪᠠᠪᠢᠯᠣᠨ ᠢ ᠮᠠᠷᠲᠠᠯ ᠦᠭᠡᠢ᠂ ᠠᠭᠤᠷ ᠬᠢᠯᠢᠩ ᠤᠨ ᠢᠶᠠᠨ ᠦᠵᠦᠮ ᠦᠨ ᠠᠷᠢᠬᠢ ᠲᠠᠢ ᠬᠤᠨᠳᠠᠭᠠ ᠶᠢ ᠲᠡᠭᠦᠨ ᠳᠦ ᠥᠭᠴᠡᠢ᠃ 20 ᠬᠠᠮᠤᠭ ᠠᠷᠠᠯ ᠳᠠᠯᠳᠠ ᠣᠷᠣᠵᠤ᠂ ᠠᠭᠤᠯᠠᠰ ᠬᠠᠷᠠᠭᠳᠠᠬᠤ ᠪᠠᠨ ᠪᠣᠯᠢᠪᠠ᠃ 21 ᠨᠢᠭᠡ ᠲᠠᠯᠠᠨᠲ 23 ᠬᠢᠷᠢ ᠲᠠᠢ ᠦᠯᠡᠮᠵᠢ ᠲᠣᠮᠣ ᠮᠥᠨᠳᠥᠷ ᠤᠳ ᠲᠩᠷᠢ ᠡᠴᠡ ᠬᠥᠮᠦᠰ ᠦᠨ ᠳᠡᠭᠡᠷᠡ ᠪᠠᠭᠤᠯᠠ᠃ ᠬᠥᠮᠦᠰ ᠮᠥᠨᠳᠥᠷ ᠦᠨ ᠭᠠᠮᠰᠢᠭ ᠠᠴᠠ ᠪᠣᠯᠵᠤ ᠪᠤᠷᠬᠠᠨ ᠢ ᠮᠠᠭᠤᠯᠠᠵᠠᠢ᠃ ᠤᠴᠢᠷ ᠨᠢ᠂ ᠡᠨᠡ ᠭᠠᠮᠰᠢᠭ ᠲᠤᠢᠯ ᠤᠨ ᠬᠦᠨᠳᠦ ᠪᠠᠢᠪᠠ᠃