ᠢᠯᠡᠷᠬᠡᠶᠢᠯᠡᠯᠭᠡ ᠠᠷᠪᠠᠨ ᠨᠢᠭᠡ
ᠬᠣᠶᠠᠷ ᠭᠡᠷᠡᠴᠢᠯᠡᠭᠴᠢ
1 ᠲᠡᠭᠡᠬᠦ ᠳᠦ᠂ ᠲᠠᠶᠠᠭ ᠮᠡᠲᠦ ᠱᠤᠭᠤᠮ ᠨᠠᠳᠠ ᠳᠤ ᠥᠭᠭᠥᠭᠳᠡᠭᠰᠡᠨ ᠪᠥᠭᠡᠳ ᠬᠡᠨ ᠨᠢᠭᠡᠨ᠄ 《ᠶᠠᠪᠤ᠂ ᠪᠤᠷᠬᠠᠨ ᠤ ᠥᠷᠭᠥᠭᠡ ᠪᠠ ᠲᠠᠬᠢᠯ ᠤᠨ ᠰᠢᠷᠡᠭᠡ ᠶᠢ ᠬᠡᠮᠵᠢᠵᠦ᠂ ᠥᠷᠭᠥᠭᠡᠨ ᠳᠦ ᠮᠥᠷᠭᠥᠭᠴᠢᠳ ᠢ ᠲᠣᠭᠠᠯᠠ᠃ 2 ᠬᠠᠷᠢᠨ ᠥᠷᠭᠥᠭᠡᠨ ᠦ ᠭᠠᠳᠠᠨᠠᠬᠢ ᠬᠦᠷᠢᠶᠡ ᠶᠢ ᠣᠷᠬᠢ᠂ ᠪᠦᠦ ᠬᠡᠮᠵᠢ᠃ ᠲᠡᠭᠦᠨ ᠢ ᠬᠠᠷᠢᠴᠤᠳ ᠲᠤ ᠥᠭᠭᠥᠭᠰᠡᠨ ᠶᠤᠮ᠃ ᠲᠡᠳᠡ ᠠᠷᠢᠭᠤᠨ ᠬᠣᠲᠠ ᠶᠢ ᠳᠥᠴᠢᠨ ᠬᠣᠶᠠᠷ ᠰᠠᠷᠠ ᠶᠢᠨ ᠲᠤᠷᠰᠢ ᠭᠢᠰᠬᠢᠯᠡᠬᠦ ᠪᠣᠯᠣᠨᠠ᠃ 3 ᠪᠢ ᠬᠣᠶᠠᠷ ᠭᠡᠷᠡᠴᠢᠯᠡᠭᠴᠢ ᠳᠡᠭᠡᠨ ᠮᠡᠳᠡᠯ ᠥᠭᠬᠦ ᠪᠥᠭᠡᠳ ᠲᠡᠳᠡ ᠮᠢᠩ᠋ᠭᠠ ᠬᠣᠶᠠᠷ ᠵᠠᠭᠤ ᠵᠢᠷᠠᠨ ᠬᠣᠨᠣᠭ ᠤᠨ ᠲᠤᠷᠰᠢ ᠥᠷᠮᠥᠭ ᠨᠥᠮᠥᠷᠥᠨ ᠡᠰᠢ ᠦᠵᠡᠭᠦᠯᠦᠨᠡ》 ᠭᠡᠪᠡ᠃
4 ᠲᠡᠳᠡ ᠪᠣᠯ ᠭᠠᠵᠠᠷ ᠳᠡᠯᠡᠬᠡᠢ ᠶᠢᠨ ᠡᠵᠡᠨ ᠦ ᠡᠮᠦᠨᠡ ᠪᠠᠢᠳᠠᠭ ᠬᠣᠶᠠᠷ ᠴᠢᠳᠦᠨ ᠮᠣᠳᠣ ᠪᠤᠶᠤ ᠬᠣᠶᠠᠷ ᠳ᠋ᠧᠩ ᠤᠨ ᠲᠠᠯᠪᠢᠭᠤᠷ ᠪᠣᠯᠠᠢ᠃ 5 ᠬᠡᠨ ᠴᠤ ᠭᠡᠰᠡᠨ ᠲᠡᠳᠡᠨ ᠢ ᠬᠣᠣᠷᠯᠠᠬᠤ ᠭᠡᠪᠡᠯ᠂ ᠲᠡᠳᠡᠨ ᠦ ᠠᠮᠠᠨ ᠠᠴᠠ ᠭᠠᠯ ᠭᠠᠷᠴᠤ ᠳᠠᠢᠰᠤᠨ ᠨᠤᠭᠤᠳ ᠢ ᠰᠥᠨᠥᠭᠡᠨᠡ᠃ ᠬᠡᠨ ᠴᠤ ᠭᠡᠰᠡᠨ ᠲᠡᠳᠡᠨ ᠢ ᠬᠣᠣᠷᠯᠠᠬᠤ ᠭᠡᠪᠡᠯ ᠯᠠᠪ ᠡᠢᠨ ᠬᠦ ᠠᠯᠠᠭᠳᠠᠨᠠ᠃ 6 ᠲᠡᠳᠡ ᠲᠩᠷᠢ ᠶᠢ ᠬᠠᠭᠠᠬᠤ ᠮᠡᠳᠡᠯ ᠲᠡᠢ ᠪᠣᠯᠬᠣᠷ ᠡᠰᠢ ᠦᠵᠡᠭᠦᠯᠬᠦ ᠡᠳᠦᠷ ᠤᠳ ᠲᠡᠭᠡᠨ ᠪᠣᠷᠣᠭᠠᠨ ᠣᠷᠣᠭᠤᠯᠬᠤ ᠦᠭᠡᠢ ᠪᠠᠢᠵᠤ ᠴᠢᠳᠠᠨᠠ᠃ ᠮᠥᠨ ᠤᠰᠤ ᠶᠢ ᠴᠢᠰᠤ ᠪᠣᠯᠭᠠᠬᠤ᠂ ᠳᠤᠷᠠ ᠶᠢᠨ ᠴᠠᠭ ᠲᠠᠭᠠᠨ ᠵᠦᠢᠯ ᠪᠦᠷᠢ ᠶᠢᠨ ᠭᠠᠮᠰᠢᠭ ᠢᠶᠠᠷ ᠭᠠᠵᠠᠷ ᠢ ᠴᠣᠬᠢᠬᠤ ᠮᠡᠳᠡᠯ ᠴᠤ ᠲᠡᠳᠡᠨ ᠳᠦ ᠪᠤᠢ᠃
7 ᠲᠡᠳᠡᠨ ᠦ ᠭᠡᠷᠡᠴᠢᠯᠡᠯ ᠳᠠᠭᠤᠰᠬᠤ ᠳᠤ᠂ ᠢᠷᠤᠭᠠᠷ ᠦᠭᠡᠢ ᠨᠦᠬᠡᠨ ᠡᠴᠡ ᠭᠠᠷᠬᠤ ᠠᠷᠢᠶᠠᠲᠠᠨ ᠲᠡᠳᠡᠨ ᠲᠡᠢ ᠳᠠᠢᠲᠤᠨ ᠢᠯᠠᠵᠤ᠂ ᠲᠡᠳᠡᠨ ᠢ ᠠᠯᠠᠬᠤ ᠪᠣᠯᠣᠨᠠ᠃ 8 ᠲᠡᠳᠡᠨ ᠦ ᠱᠠᠷᠢᠯ ᠶᠡᠬᠡ ᠬᠣᠲᠠ ᠶᠢᠨ ᠲᠥᠪ ᠭᠤᠳᠤᠮᠵᠢᠨ ᠳᠤ ᠪᠠᠢᠬᠤ ᠪᠣᠯᠣᠨᠠ᠃ ᠲᠡᠷᠡ ᠬᠣᠲᠠ ᠶᠢᠨ ᠶᠣᠭᠲᠠ ᠨᠡᠷᠡ ᠪᠣᠯ ᠰᠣᠳᠣᠮ ᠪᠤᠶᠤ ᠶᠧᠵᠢᠫᠲ ᠶᠤᠮ᠃ ᠲᠡᠳᠡᠨ ᠦ ᠡᠵᠡᠨ ᠴᠤ ᠡ᠊ᠨᠳᠡ ᠴᠣᠪᠳᠣᠯᠠᠭᠳᠠᠭᠰᠠᠨ ᠪᠢᠯᠡ᠃ 9 ᠭᠤᠷᠪᠠ ᠬᠣᠨᠣᠭ ᠬᠠᠭᠠᠰ ᠤᠨ ᠲᠤᠷᠰᠢ ᠲᠡᠳᠡᠨ ᠦ ᠱᠠᠷᠢᠯ ᠢ ᠠᠷᠠᠳ ᠤᠳ᠂ ᠣᠪᠣᠭ ᠤᠳ᠂ ᠬᠡᠯᠡ ᠨᠦᠭᠦᠳ ᠪᠠ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠦᠨ ᠬᠢᠨ ᠦᠵᠡᠬᠦ ᠪᠥᠭᠡᠳ ᠪᠤᠯᠠᠰᠢᠯᠠᠬᠤ ᠶᠢ ᠨᠢ ᠵᠥᠪᠰᠢᠶᠡᠷᠡᠬᠦ ᠦᠭᠡᠢ᠃ 10 ᠭᠠᠵᠠᠷ ᠳᠡᠭᠡᠷᠡ ᠰᠠᠭᠤᠭᠴᠢᠳ ᠲᠡᠳᠡ ᠨᠠᠷ ᠠᠴᠠ ᠪᠣᠯᠵᠤ ᠪᠠᠶᠠᠷᠯᠠᠨ ᠬᠥᠭᠡᠷᠴᠦ᠂ ᠬᠠᠷᠢᠯᠴᠠᠨ ᠪᠡᠯᠡᠭ ᠢᠯᠡᠭᠡᠵᠡᠭᠡᠨᠡ᠃ ᠡᠨᠡ ᠬᠣᠶᠠᠷ ᠡᠰᠢ ᠦᠵᠡᠭᠦᠯᠦᠭᠴᠢ ᠭᠠᠵᠠᠷ ᠳᠡᠭᠡᠷᠡ ᠰᠠᠭᠤᠭᠴᠢᠳ ᠢ ᠵᠣᠪᠠᠭᠠᠳᠠᠭ ᠪᠠᠢᠭᠰᠠᠨ ᠠᠵᠢ᠃
11 ᠬᠠᠷᠢᠨ ᠭᠤᠷᠪᠠᠨ ᠬᠣᠨᠣᠭ ᠬᠠᠭᠠᠰ ᠤᠨ ᠳᠠᠷᠠᠭᠠ᠂ ᠪᠤᠷᠬᠠᠨ ᠤ ᠠᠮᠢ ᠶᠢᠨ ᠠᠮᠢᠰᠬᠤᠯ ᠲᠡᠳᠡᠨ ᠦ ᠳᠣᠲᠣᠷᠠ ᠣᠷᠣᠭᠰᠠᠨ ᠳᠤ᠂ ᠲᠡᠳᠡ ᠬᠥᠯ ᠳᠡᠭᠡᠷᠡ ᠪᠡᠨ ᠵᠣᠭᠰᠣᠯᠠ᠃ ᠲᠡᠳᠡᠨ ᠢ ᠣᠯᠵᠤ ᠦᠵᠡᠭᠴᠢᠳ ᠶᠡᠬᠡᠳᠡ ᠠᠶᠤᠪᠠ᠃ 12 ᠲᠡᠭᠡᠬᠦ ᠳᠦ᠂ 《ᠨᠠᠰᠢ ᠭᠠᠷᠤᠭᠠᠳ ᠢᠷᠡ︕》 ᠬᠡᠮᠡᠬᠦ ᠥᠨᠳᠥᠷ ᠳᠠᠭᠤ ᠲᠩᠷᠢ ᠡᠴᠡ ᠭᠠᠷᠬᠤ ᠨᠢ ᠰᠣᠨᠣᠰᠲᠠᠯᠠ᠃ ᠲᠡᠳᠡ ᠡᠭᠦᠯᠡᠨ ᠳᠤᠮᠳᠠᠭᠤᠷ ᠲᠩᠷᠢ ᠥᠭᠡᠳᠡ ᠭᠠᠷᠤᠭᠰᠠᠨ ᠪᠥᠭᠡᠳ ᠳᠠᠢᠰᠤᠨ ᠨᠢ ᠲᠡᠳᠡᠨ ᠢ ᠬᠠᠷᠠᠵᠤ ᠯᠠ ᠪᠠᠢᠪᠠ᠃ 13 ᠲᠡᠷᠡ ᠴᠠᠭ ᠲᠤ ᠭᠠᠵᠠᠷ ᠬᠦᠴᠦᠲᠡᠢ ᠬᠥᠳᠡᠯᠵᠦ᠂ ᠬᠣᠲᠠ ᠶᠢᠨ ᠠᠷᠪᠠᠨ ᠤ ᠨᠢᠭᠡ ᠨᠢ ᠨᠤᠷᠠᠵᠠᠢ᠃ ᠭᠠᠵᠠᠷ ᠬᠥᠳᠡᠯᠦᠯᠲᠡ ᠪᠡᠷ ᠳᠣᠯᠣᠭᠠᠨ ᠮᠢᠩ᠋ᠭᠠᠨ ᠬᠥᠮᠦᠨ ᠦᠬᠦᠭᠰᠡᠨ ᠪᠥᠭᠡᠳ ᠦᠯᠡᠳᠡᠭᠰᠡᠳ ᠨᠢ ᠠᠶᠤᠵᠤ᠂ ᠲᠩᠷᠢ ᠶᠢᠨ ᠪᠤᠷᠬᠠᠨ ᠢ ᠠᠯᠳᠠᠷᠰᠢᠭᠤᠯᠪᠠ᠃
14 ᠬᠣᠶᠠᠳᠠᠬᠢ ᠭᠠᠢ ᠥᠩᠭᠡᠷᠡᠯᠡ᠃ ᠠᠩ᠋ᠬᠠᠷᠤᠭᠲᠤᠨ᠂ ᠭᠤᠷᠪᠠᠳᠠᠬᠢ ᠭᠠᠢ ᠤᠳᠠᠬᠤ ᠦᠭᠡᠢ ᠢᠷᠡᠨᠡ︕
ᠳᠣᠯᠣᠳᠤᠭᠠᠷ ᠪᠦᠷᠢᠶᠡ
15 ᠳᠣᠯᠣᠳᠠᠬᠢ ᠲᠩᠷᠢ ᠡᠯᠴᠢ ᠪᠦᠷᠢᠶᠡ ᠪᠡᠨ ᠦᠯᠢᠶᠡᠪᠡ᠂ ᠲᠡᠭᠡᠲᠡᠯᠡ ᠲᠩᠷᠢ ᠳᠡᠭᠡᠷᠡ᠄ 《ᠶᠢᠷᠲᠢᠨᠴᠦ ᠶᠢᠨ ᠬᠠᠭᠠᠨᠴᠢᠯᠠᠯ ᠨᠢ ᠪᠢᠳᠡᠨ ᠦ ᠡᠵᠡᠨ ᠦ ᠬᠢ ᠲᠡᠭᠦᠨ ᠦ ᠾᠷᠢᠰᠲ᠋ᠣᠰ ᠤᠨ ᠬᠢ ᠪᠣᠯᠣᠯᠠ ᠲᠡᠷᠡ ᠮᠥᠩᠬᠡ ᠶᠢᠨ ᠮᠥᠩᠬᠡᠳᠡ ᠬᠠᠭᠠᠨᠴᠢᠯᠠᠨᠠ》
ᠬᠡᠮᠡᠬᠦ ᠶᠡᠬᠡ ᠳᠠᠭᠤ ᠨᠤᠭᠤᠳ ᠭᠠᠷᠪᠠ᠃ 16 ᠪᠤᠷᠬᠠᠨ ᠤ ᠡᠮᠦᠨᠡ ᠲᠤᠰ ᠲᠤᠰ ᠤᠨ ᠢᠶᠠᠨ ᠰᠡᠨᠲᠢ ᠳᠤ ᠰᠠᠭᠤᠭᠴᠢ ᠬᠣᠷᠢᠨ ᠳᠥᠷᠪᠡᠨ ᠠᠬᠠᠯᠠᠭᠴᠢ ᠨᠢᠭᠤᠷ ᠢᠶᠠᠨ ᠭᠠᠵᠠᠷ ᠲᠤ ᠨᠠᠭᠠᠵᠤ᠂ ᠪᠤᠷᠬᠠᠨ ᠳᠤ ᠮᠥᠷᠭᠥᠨ᠄
17 《ᠪᠠᠢᠭᠰᠠᠨ᠂ ᠪᠠᠢᠭᠠ᠂ ᠲᠡᠭᠦᠰ ᠬᠦᠴᠦᠲᠦ ᠡᠵᠡᠨ ᠪᠤᠷᠬᠠᠨ ᠡ ᠪᠢᠳᠡ ᠲᠠᠨ ᠳᠤ ᠲᠠᠯᠠᠷᠬᠠᠶᠠ ᠲᠠ ᠶᠡᠬᠡ ᠡᠷᠬᠡ ᠪᠡᠨ ᠡᠵᠡᠮᠰᠢᠨ ᠬᠠᠭᠠᠨᠴᠢᠯᠠᠬᠤ ᠪᠣᠯᠵᠠᠢ︕
18 ᠦᠨᠳᠦᠰᠦᠲᠡᠨ ᠨᠦᠭᠦᠳ ᠠᠭᠤᠷᠯᠠᠬᠤ ᠳᠤ ᠲᠠᠨ ᠤ ᠬᠢᠯᠢᠩ ᠪᠠᠭᠤᠵᠠᠢ︕ ᠲᠠ ᠦᠬᠦᠭᠰᠡᠳ ᠢ ᠰᠢᠭᠦᠵᠦ᠂ ᠥᠪᠡᠷ ᠦᠨ ᠢᠶᠠᠨ ᠵᠠᠷᠤᠴᠠ᠂ ᠡᠰᠢ ᠦᠵᠡᠭᠦᠯᠦᠭᠴᠢᠳ᠂ ᠠᠷᠢᠭᠤᠨ ᠲᠦᠮᠡᠨ ᠬᠢᠭᠡᠳ ᠥᠪᠡᠷ ᠦᠨ ᠲᠠᠨᠢ ᠨᠡᠷᠡ ᠡᠴᠡ ᠡᠮᠢᠶᠡᠳᠡᠭ ᠶᠡᠬᠡ ᠪᠠᠭᠠ ᠪᠦᠭᠦᠳᠡ ᠶᠢ ᠱᠠᠩᠨᠠᠨ ᠭᠠᠵᠠᠷ ᠢ ᠰᠦᠢᠳᠬᠡᠭᠴᠢᠳ ᠢ ᠰᠦᠢᠳᠬᠡᠬᠦ ᠴᠠᠭ ᠪᠣᠯᠵᠠᠢ》 ᠭᠡᠵᠡᠭᠡᠪᠡ᠃
19 ᠲᠡᠭᠡᠬᠦ ᠳᠦ᠂ ᠲᠩᠷᠢ ᠳᠤ ᠪᠤᠢ ᠪᠤᠷᠬᠠᠨ ᠤ ᠥᠷᠭᠥᠭᠡ ᠨᠡᠭᠡᠭᠡᠭᠳᠡᠵᠦ᠂ ᠲᠡᠭᠦᠨ ᠦ ᠥᠷᠭᠥᠭᠡᠨ ᠳᠣᠲᠣᠷᠠᠬᠢ ᠭᠡᠷᠡ ᠶᠢᠨ ᠠᠪᠳᠠᠷᠠ ᠬᠠᠷᠠᠭᠳᠠᠭᠰᠠᠨ ᠪᠥᠭᠡᠳ ᠴᠠᠬᠢᠯᠭᠠᠨ ᠴᠠᠬᠢᠯᠤᠨ᠂ ᠳᠠᠭᠤ ᠭᠠᠷᠴᠤ᠂ ᠠᠶᠤᠩ᠋ᠭᠠ ᠨᠢᠵᠢᠭᠢᠨᠡᠨ᠂ ᠭᠠᠵᠠᠷ ᠬᠥᠳᠡᠯᠵᠦ᠂ ᠶᠡᠬᠡ ᠮᠥᠨᠳᠥᠷ ᠪᠠᠭᠤᠯᠠ᠃