ᠢᠯᠡᠷᠬᠡᠶᠢᠯᠡᠯᠭᠡ ᠬᠣᠷᠢ
ᠮᠢᠩ᠋ᠭᠠᠨ ᠵᠢᠯ ᠤᠨ ᠬᠠᠭᠠᠨᠴᠢᠯᠠᠯ
1 ᠲᠡᠭᠡᠬᠦ ᠳᠦ᠂ ᠨᠢᠭᠡᠨ ᠲᠩᠷᠢ ᠡᠯᠴᠢ ᠶᠢᠨ ᠲᠩᠷᠢ ᠡᠴᠡ ᠪᠠᠭᠤᠬᠤ ᠶᠢ ᠪᠢ ᠬᠠᠷᠠᠪᠠ᠃ ᠭᠠᠷ ᠲᠤᠨᠢ ᠢᠷᠤᠭᠠᠷ ᠦᠭᠡᠢ ᠨᠦᠬᠡᠨ ᠦ ᠲᠦᠯᠬᠢᠭᠦᠷ ᠪᠠ ᠲᠣᠮᠣ ᠭᠢᠨᠵᠢ ᠪᠠᠢᠯᠠ᠃ 2 ᠲᠡᠷᠡ ᠪᠡᠷ ᠯᠤᠤ᠂ ᠥᠭᠡᠷᠡ ᠪᠡᠷ ᠬᠡᠯᠡᠪᠡᠯ ᠡᠷᠲᠡᠨ ᠦ ᠮᠣᠭᠠᠢ (ᠭᠦᠳᠬᠡᠭᠴᠢ ᠨᠡᠷᠡ ᠲᠠᠢ ᠰᠠᠲ᠋ᠠᠨ) ᠶᠢ ᠪᠠᠷᠢᠵᠤ ᠮᠢᠩ᠋ᠭᠠᠨ ᠵᠢᠯ ᠬᠦᠯᠢᠶᠡᠰᠦ ᠲᠠᠢ ᠪᠠᠢᠯᠭᠠᠪᠠ᠃ 3 ᠲᠩᠷᠢ ᠡᠯᠴᠢ ᠲᠡᠭᠦᠨ ᠢ ᠢᠷᠤᠭᠠᠷ ᠦᠭᠡᠢ ᠨᠦᠬᠡᠨ ᠳᠦ ᠬᠠᠶᠠᠵᠤ ᠲᠦᠭᠵᠢᠭᠡᠳ᠂ ᠲᠡᠭᠦᠨ ᠦ ᠳᠡᠭᠡᠷᠡ ᠲᠠᠮᠠᠭᠠ ᠳᠠᠷᠤᠵᠠᠢ᠃ ᠡᠢᠨ ᠬᠦ ᠮᠢᠩ᠋ᠭᠠᠨ ᠵᠢᠯ ᠳᠠᠭᠤᠰᠲᠠᠯᠠ ᠲᠡᠷᠡ ᠪᠡᠷ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠢ ᠲᠥᠭᠡᠷᠢᠭᠦᠯᠵᠦ ᠴᠢᠳᠠᠬᠤ ᠦᠭᠡᠢ᠃ ᠡᠳᠡᠭᠡᠷ ᠦᠨ ᠳᠠᠷᠠᠭᠠ ᠲᠡᠷᠡ ᠲᠦᠷ ᠵᠠᠭᠤᠷᠠ ᠯᠠᠪ ᠰᠤᠯᠠᠯᠠᠭᠳᠠᠬᠤ ᠪᠣᠯᠣᠨᠠ᠃
4 ᠲᠡᠭᠡᠬᠦ ᠳᠦ᠂ ᠰᠡᠨᠲᠢ ᠨᠦᠭᠦᠳ ᠪᠠ ᠳᠡᠭᠡᠷᠡ ᠨᠢ ᠰᠠᠭᠤᠭᠴᠢᠳ ᠢ ᠪᠢ ᠬᠠᠷᠠᠪᠠ᠃ ᠲᠡᠳᠡ ᠰᠢᠭᠦᠬᠦ ᠡᠷᠬᠡ ᠶᠢ ᠣᠯᠵᠠᠢ᠃ ᠮᠥᠨ ᠢᠰᠦ᠋ᠰ ᠤᠨ ᠲᠤᠬᠠᠢ ᠭᠡᠷᠡᠴᠢᠯᠡᠯ ᠪᠣᠯᠣᠨ ᠪᠤᠷᠬᠠᠨ ᠤ ᠦᠭᠡ ᠡᠴᠡ ᠪᠣᠯᠵᠤ ᠴᠠᠪᠴᠢᠭᠳᠠᠭᠰᠠᠨ ᠬᠥᠮᠦᠰ ᠦᠨ ᠰᠦᠨᠡᠰᠦ ᠨᠦᠭᠦᠳ ᠢ ᠪᠢ ᠬᠠᠷᠠᠪᠠ᠃ ᠲᠡᠳᠡ ᠠᠷᠢᠶᠠᠲᠠᠨ ᠪᠠ ᠠᠷᠢᠶᠠᠲᠠᠨ ᠤ ᠬᠥᠷᠥᠭ ᠲᠦ ᠦᠯᠦ ᠮᠥᠷᠭᠥᠵᠦ᠂ ᠮᠠᠩᠨᠠᠢ ᠪᠤᠶᠤ ᠭᠠᠷ ᠳᠡᠭᠡᠷᠡ ᠪᠡᠨ ᠠᠷᠢᠶᠠᠲᠠᠨ ᠤ ᠲᠠᠮᠠᠭᠠ ᠶᠢ ᠦᠯᠦ ᠳᠠᠷᠤᠭᠤᠯᠤᠭᠰᠠᠨ ᠠᠵᠢ᠃ ᠲᠡᠳᠡ ᠠᠮᠢᠯᠠᠭᠠᠳ ᠾᠷᠢᠰᠲ᠋ᠣᠰ ᠲᠠᠢ ᠬᠠᠮᠲᠤ ᠮᠢᠩ᠋ᠭᠠᠨ ᠵᠢᠯ ᠬᠠᠭᠠᠨᠴᠢᠯᠠᠭᠰᠠᠨ᠃ 5 (ᠪᠤᠰᠤᠳ ᠦᠬᠦᠭᠰᠡᠳ ᠨᠢ ᠮᠢᠩ᠋ᠭᠠᠨ ᠵᠢᠯ ᠳᠠᠭᠤᠰᠲᠠᠯᠠ ᠠᠮᠢᠯᠠᠭᠰᠠᠨ ᠦᠭᠡᠢ᠃) ᠡᠨᠡ ᠪᠣᠯ ᠠᠩ᠋ᠬᠠᠨ ᠤ ᠠᠮᠢᠯᠠᠯ ᠮᠥᠨ᠃ 6 ᠠᠩᠬᠠ ᠠᠮᠢᠯᠠᠬᠤ ᠬᠤᠪᠢ ᠲᠠᠢ ᠨᠢ ᠪᠤᠶᠠᠨ ᠲᠠᠢ ᠪᠥᠭᠡᠳ ᠠᠷᠢᠭᠤᠨ᠃ ᠬᠣᠶᠠᠳᠠᠬᠢ ᠦᠬᠦᠯ ᠲᠡᠳᠡᠨ ᠢ ᠵᠠᠬᠢᠷᠬᠤ ᠡᠷᠬᠡ ᠦᠭᠡᠢ᠂ ᠲᠡᠳᠡ ᠪᠤᠷᠬᠠᠨ ᠪᠠ ᠾᠷᠢᠰᠲ᠋ᠣᠰ ᠤᠨ ᠲᠠᠬᠢᠯᠴᠢ ᠪᠣᠯᠣᠭᠠᠳ ᠾᠷᠢᠰᠲ᠋ᠣᠰ ᠲᠠᠢ ᠬᠠᠮᠲᠤ ᠮᠢᠩ᠋ᠭᠠᠨ ᠵᠢᠯ ᠬᠠᠭᠠᠨᠴᠢᠯᠠᠬᠤ ᠪᠣᠯᠣᠨᠠ᠃
ᠰᠡᠭᠦᠯᠴᠢ ᠶᠢᠨ ᠳᠠᠢᠨ
7 ᠮᠢᠩ᠋ᠭᠠᠨ ᠵᠢᠯ ᠳᠠᠭᠤᠰᠬᠤ ᠳᠤ᠂ ᠰᠠᠲ᠋ᠠᠨ ᠭᠢᠨᠳᠠᠨ ᠠᠴᠠ ᠪᠠᠨ ᠰᠤᠯᠠᠯᠠᠭᠳᠠᠨ 8 ᠭᠠᠷᠬᠤ ᠪᠣᠯᠣᠨᠠ᠃ ᠡᠢᠨ ᠬᠦ ᠲᠡᠷᠡ ᠭᠠᠵᠠᠷ ᠤᠨ ᠳᠥᠷᠪᠡᠨ ᠥᠨᠴᠥᠭ ᠲᠦ ᠪᠠᠢᠭᠠ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠪᠤᠶᠤ ᠭᠣᠭ ᠪᠣᠯᠣᠨ ᠮᠠᠭᠣᠭ ᠢ ᠮᠡᠬᠡᠯᠡᠵᠦ ᠲᠡᠳᠡᠨ ᠢ ᠳᠠᠢᠨ ᠳᠤ ᠴᠤᠭᠯᠠᠭᠤᠯᠤᠨᠠ᠃ ᠲᠡᠳᠡᠨ ᠦ ᠲᠣᠭᠠ ᠳᠠᠯᠠᠢ ᠶᠢᠨ ᠡᠯᠡᠰᠦ ᠮᠡᠲᠦ ᠪᠠᠢᠪᠠ᠃ 9 ᠲᠡᠳᠡ ᠲᠠᠯᠠ ᠭᠠᠵᠠᠷ ᠥᠭᠡᠳᠡ ᠳᠠᠪᠰᠢᠵᠤ ᠠᠷᠢᠭᠤᠨ ᠬᠥᠮᠦᠰ ᠦᠨ ᠬᠤᠸᠠᠷᠠᠨ ᠪᠠ ᠪᠤᠷᠬᠠᠨ ᠤ ᠬᠠᠢᠷᠠᠲᠠᠢ ᠬᠣᠲᠠ ᠶᠢ ᠪᠦᠰᠡᠯᠡᠯᠡ᠃ ᠬᠠᠷᠢᠨ ᠲᠩᠷᠢ ᠡᠴᠡ ᠭᠠᠯ ᠪᠠᠭᠤᠵᠤ᠂ ᠲᠡᠳᠡᠨ ᠢ ᠰᠥᠨᠥᠭᠡᠪᠡ᠃ 10 ᠲᠡᠳᠡᠨ ᠢ ᠲᠥᠭᠡᠷᠢᠭᠦᠯᠦᠭᠴᠢ ᠰᠠᠲ᠋ᠠᠨ ᠭᠠᠯ ᠪᠠ ᠬᠦᠬᠦᠷ ᠦᠨ ᠨᠠᠭᠤᠷ ᠲᠤ ᠬᠠᠶᠠᠭᠳᠠᠪᠠ᠃ ᠲᠡᠨᠳᠡ ᠠᠷᠢᠶᠠᠲᠠᠨ ᠪᠠ ᠬᠠᠭᠤᠷᠮᠠᠭ ᠡᠰᠢ ᠦᠵᠡᠭᠦᠯᠦᠭᠴᠢ ᠴᠤ ᠪᠤᠢ᠃ ᠲᠡᠳᠡ ᠡᠳᠦᠷ ᠰᠥᠨᠢ ᠦᠭᠡᠢ ᠥᠨᠢ ᠮᠥᠩᠬᠡᠳᠡ ᠲᠠᠷᠴᠢᠯᠠᠬᠤ ᠪᠣᠯᠣᠨᠠ᠃
ᠡᠴᠦᠰ ᠦᠨ ᠰᠢᠳᠬᠡᠯ
11 ᠲᠡᠭᠡᠬᠦ ᠳᠦ ᠠᠤᠭᠠ ᠴᠠᠭᠠᠨ ᠰᠡᠨᠲᠢ ᠪᠠ ᠳᠡᠭᠡᠷᠡ ᠨᠢ ᠵᠠᠯᠠᠷᠠᠭᠴᠢ ᠶᠢ ᠪᠢ ᠬᠠᠷᠠᠪᠠ᠃ ᠲᠩᠷᠢ ᠭᠠᠵᠠᠷ ᠲᠡᠭᠦᠨ ᠦ ᠨᠢᠭᠤᠷ ᠠᠴᠠ ᠵᠠᠢᠯᠠᠵᠤ ᠣᠯᠳᠠᠬᠤ ᠪᠠᠨ ᠪᠣᠯᠢᠪᠠ᠃ 12 ᠪᠠᠰᠠ ᠰᠡᠨᠲᠢ ᠶᠢᠨ ᠡᠮᠦᠨᠡ ᠵᠣᠭᠰᠣᠭᠰᠠᠨ ᠶᠡᠬᠡ ᠪᠠᠭᠠ ᠭᠡᠰᠡᠨ ᠦᠭᠡᠢ ᠦᠬᠦᠭᠰᠡᠳ ᠪᠠ ᠳᠡᠯᠭᠡᠭᠡᠰᠦᠲᠡᠢ ᠨᠣᠮ ᠤᠳ ᠢ ᠪᠢ ᠬᠠᠷᠠᠪᠠ᠃ ᠥᠭᠡᠷᠡ ᠨᠢᠭᠡ ᠨᠣᠮ ᠳᠡᠯᠭᠡᠭᠡᠰᠦᠲᠡᠢ ᠪᠠᠢᠭᠰᠠᠨ ᠪᠥᠭᠡᠳ ᠲᠡᠷᠡ ᠨᠢ ᠠᠮᠢ ᠶᠢᠨ ᠨᠣᠮ ᠪᠣᠯᠠᠢ᠃ ᠦᠬᠦᠭᠰᠡᠳ ᠨᠢ ᠡᠳᠡᠭᠡᠷ ᠨᠣᠮ ᠳᠤ ᠪᠢᠴᠢᠭᠳᠡᠭᠰᠡᠨ ᠦᠢᠯᠡᠰ ᠦᠨ ᠢᠶᠠᠨ ᠶᠣᠰᠣᠭᠠᠷ ᠰᠢᠭᠦᠭᠳᠡᠵᠡᠢ᠃ 13 ᠳᠠᠯᠠᠢ ᠨᠢ ᠥᠪᠡᠷ ᠦᠨ ᠢᠶᠠᠨ ᠳᠣᠲᠣᠷᠠᠬᠢ ᠦᠬᠦᠭᠰᠡᠳ ᠢ ᠭᠠᠷᠭᠠᠭᠰᠠᠨ ᠪᠥᠭᠡᠳ ᠦᠬᠦᠯ ᠬᠢᠭᠡᠳ ᠦᠬᠦᠭᠰᠡᠳ ᠦᠨ ᠣᠷᠣᠨ ᠴᠤ ᠥᠪᠡᠷᠰᠡᠳ ᠦᠨ ᠢᠶᠠᠨ ᠳᠣᠲᠣᠷᠠᠬᠢ ᠦᠬᠦᠭᠰᠡᠳ ᠢ ᠭᠠᠷᠭᠠᠵᠤ ᠥᠭᠪᠡ᠃ ᠬᠥᠮᠦᠨ ᠪᠦᠷᠢ ᠦᠢᠯᠡᠰ ᠦᠨ ᠢᠶᠠᠨ ᠶᠣᠰᠣᠭᠠᠷ ᠰᠢᠭᠦᠭᠳᠡᠵᠡᠢ᠃ 14 ᠲᠡᠭᠡᠭᠡᠳ ᠦᠬᠦᠯ ᠪᠠ ᠦᠬᠦᠭᠰᠡᠳ ᠦᠨ ᠣᠷᠣᠨ ᠭᠠᠯᠲᠤ ᠨᠠᠭᠤᠷ ᠲᠤ ᠬᠠᠶᠠᠭᠳᠠᠪᠠ᠃ ᠭᠠᠯᠲᠤ ᠨᠠᠭᠤᠷ︕ ᠬᠣᠶᠠᠳᠠᠬᠢ ᠦᠬᠦᠯ ᠭᠡᠳᠡᠭ ᠨᠢ ᠡᠨᠡ ᠶᠤᠮ᠃ 15 ᠬᠡᠨ ᠴᠤ ᠪᠠᠢ᠂ ᠠᠮᠢ ᠶᠢᠨ ᠨᠣᠮ ᠳᠤ ᠨᠡᠷᠡ ᠪᠡᠨ ᠪᠢᠴᠢᠭᠦᠯᠦᠭᠡ ᠦᠭᠡᠢ ᠨᠢ ᠭᠠᠯᠲᠤ ᠨᠠᠭᠤᠷ ᠲᠤ ᠬᠠᠶᠠᠭᠳᠠᠵᠠᠢ᠃