ᠬᠣᠶᠠᠳᠤᠭᠠᠷ ᠰᠠᠮᠦ᠋ᠶᠧᠯ ᠠᠷᠪᠠᠨ ᠲᠠᠪᠤ
ᠠᠪᠰᠠᠯᠣᠮ ᠤᠨ ᠤᠷᠪᠠᠯᠭᠠᠨ
1 ᠡᠭᠦᠨ ᠦ ᠳᠠᠷᠠᠭᠠ᠂ ᠠᠪᠰᠠᠯᠣᠮ ᠥᠪᠡᠷ ᠦᠨ ᠬᠥᠰᠬᠡ ᠲᠡᠷᠭᠡ᠂ ᠮᠣᠷᠢᠳ ᠬᠢᠭᠡᠳ ᠥᠪᠡᠷ ᠦᠨ ᠢᠶᠠᠨ ᠡᠮᠦᠨᠡ ᠭᠦᠶᠦᠯᠭᠡᠬᠦ ᠲᠠᠪᠢᠨ ᠬᠥᠮᠦᠨ ᠢ ᠪᠡᠯᠡᠳᠬᠡᠪᠡ᠃ 2 ᠠᠪᠰᠠᠯᠣᠮ ᠥᠷᠯᠥᠭᠡ ᠡᠷᠲᠡᠯᠡᠨ ᠪᠣᠰᠴᠤ᠂ ᠬᠠᠭᠠᠯᠭᠠ ᠪᠠᠷ ᠥᠩᠭᠡᠷᠡᠬᠦ ᠵᠠᠮ ᠤᠨ ᠳᠡᠷᠭᠡᠳᠡ ᠵᠣᠭᠰᠣᠳᠠᠭ ᠪᠣᠯᠪᠠ᠃ ᠲᠡᠭᠡᠭᠡᠳ ᠵᠠᠷᠭᠤ ᠪᠠᠨ ᠰᠢᠭᠦᠯᠭᠡᠬᠦ ᠪᠡᠷ ᠬᠠᠭᠠᠨ ᠤᠷᠤᠭᠤ ᠢᠷᠡᠵᠦ ᠶᠠᠪᠤᠭᠠ ᠬᠥᠮᠦᠨ ᠪᠣᠯᠭᠠᠨ ᠢ ᠳᠠᠭᠤᠳᠠᠨ᠄ 《ᠲᠠ ᠠᠯᠢ ᠬᠣᠲᠠ ᠶᠢᠨ ᠬᠢᠨ ᠪᠤᠢ︖》 ᠭᠡᠵᠦ ᠠᠰᠠᠭᠤᠳᠠᠭ ᠪᠠᠢᠯᠠ᠃ ᠲᠡᠷᠡ ᠬᠥᠮᠦᠨ᠄ 《ᠲᠠᠨ ᠤ ᠵᠠᠷᠤᠴᠠ ᠪᠢ ᠢᠰᠷᠧᠯ ᠤᠨ ᠡᠢᠮᠦ ᠡᠢᠮᠦ ᠣᠪᠣᠭ ᠤᠨ ᠬᠢᠨ ᠪᠠᠢᠨᠠ》 ᠭᠡᠪᠡᠯ᠂ 3 ᠠᠪᠰᠠᠯᠣᠮ᠄ 《ᠬᠠᠷᠠ᠂ ᠲᠠᠨ ᠤ ᠵᠠᠷᠭᠤ ᠵᠥᠪ ᠦᠨᠡᠨ ᠪᠠᠢᠨᠠ᠃ ᠬᠠᠷᠢᠨ ᠲᠠᠨ ᠤ ᠬᠢ ᠶᠢ ᠰᠣᠨᠣᠰᠬᠤ ᠶᠣᠰᠣᠲᠠᠢ ᠬᠠᠭᠠᠨ ᠤ ᠲᠥᠯᠥᠭᠡᠯᠡᠭᠴᠢ ᠪᠠᠢᠬᠤ ᠦᠭᠡᠢ》 ᠭᠡᠵᠦ ᠬᠡᠯᠡᠳᠡᠭ ᠪᠠᠢᠪᠠ᠃ 4 ᠲᠡᠭᠡᠭᠡᠳ ᠠᠪᠰᠠᠯᠣᠮ᠄ 《ᠬᠡᠨ ᠨᠢᠭᠡᠨ ᠨᠢ ᠨᠠᠮᠠᠶᠢ ᠡᠨᠡ ᠤᠯᠤᠰ ᠤᠨ ᠰᠢᠭᠦᠭᠴᠢ ᠪᠠᠷ ᠲᠣᠮᠢᠯᠠᠭᠰᠠᠨ ᠴᠤ ᠪᠣᠯᠣᠭᠠᠰᠠᠢ᠂ ᠲᠡᠭᠡᠪᠡᠯ ᠪᠢ ᠵᠠᠷᠭᠤ ᠪᠠᠨ ᠰᠢᠭᠦᠯᠭᠡᠬᠦ ᠪᠡᠷ ᠨᠠᠳᠠ ᠳᠡᠭᠡᠷᠡ ᠢᠷᠡᠬᠦ ᠪᠣᠯᠭᠠᠨ ᠢ ᠰᠢᠳᠤᠷᠭᠤ ᠪᠠᠷ ᠰᠢᠭᠦᠬᠦ ᠪᠣᠯᠣᠨᠠ》 ᠭᠡᠳᠡᠭ ᠪᠠᠢᠪᠠ᠃ 5 ᠬᠡᠨ ᠨᠢᠭᠡ ᠨᠢ ᠣᠢᠷᠠᠲᠤᠨ ᠢᠷᠡᠵᠦ᠂ ᠪᠥᠬᠥᠢᠨ ᠮᠥᠷᠭᠥᠬᠦ ᠭᠡᠪᠡᠯ ᠲᠡᠷᠡ ᠭᠠᠷ ᠢᠶᠠᠨ ᠰᠤᠩ᠋ᠭᠠᠨ᠂ ᠲᠡᠭᠦᠨ ᠢ ᠲᠡᠪᠡᠷᠢᠵᠦ ᠦᠨᠦᠰᠳᠡᠭ ᠪᠠᠢᠵᠠᠢ᠃ 6 ᠰᠢᠭᠦᠯᠭᠡᠬᠦ ᠶᠢᠨ ᠲᠤᠯᠠᠳᠠ ᠬᠠᠭᠠᠨ ᠳᠡᠭᠡᠷᠡ ᠢᠷᠡᠭᠰᠡᠨ ᠢᠰᠷᠧᠯ ᠬᠥᠮᠦᠨ ᠪᠣᠯᠭᠠᠨ ᠳᠤ ᠠᠪᠰᠠᠯᠣᠮ ᠢᠩᠭᠢᠵᠦ ᠬᠠᠨᠳᠤᠳᠠᠭ ᠢᠶᠠᠷ ᠢᠶᠠᠨ ᠢᠰᠷᠧᠯᠴᠦᠳ ᠦᠨ ᠰᠡᠳᠬᠢᠯ ᠢ ᠡᠵᠡᠮᠳᠡᠵᠡᠢ᠃
7 ᠳᠥᠷᠪᠡᠨ ᠵᠢᠯ ᠥᠩᠭᠡᠷᠡᠬᠦ ᠳᠦ 14 ᠂ ᠠᠪᠰᠠᠯᠣᠮ ᠬᠠᠭᠠᠨ ᠳᠤ᠄ 《ᠶᠣᠬᠣᠸᠠ ᠳᠤ ᠡᠷᠭᠦᠭᠰᠡᠨ ᠲᠠᠩ᠋ᠭᠠᠷᠢᠭ ᠢᠶᠠᠨ ᠪᠡᠶᠡᠯᠡᠭᠦᠯᠬᠦ ᠪᠡᠷ ᠾᠧᠪᠷᠣᠨ ᠳᠤ ᠣᠴᠢᠬᠤ ᠶᠢ ᠮᠢᠨᠢ ᠵᠥᠪᠰᠢᠶᠡᠷᠡᠭᠡᠴᠢ᠃ 8 ᠲᠠᠨ ᠤ ᠵᠠᠷᠤᠴᠠ ᠪᠢ ᠠᠷᠠᠮ ᠤᠨ ᠭᠧᠱᠦ᠋ᠷ ᠲᠤ ᠪᠠᠢᠬᠤ ᠳᠠᠭᠠᠨ᠄ 〈ᠬᠡᠷᠪᠡ ᠨᠠᠮᠠᠶᠢ ᠦᠨᠡᠬᠡᠷ ᠶᠧᠷᠦ᠋ᠰᠠᠯᠧᠮ ᠳᠤ ᠪᠤᠴᠠᠭᠠᠨ ᠠᠪᠠᠴᠢᠪᠠᠯ ᠲᠠᠨ ᠳᠤ ᠮᠥᠷᠭᠥᠯ ᠦᠢᠯᠡᠳᠦᠶᠡ〉 ᠭᠡᠵᠦ ᠶᠣᠬᠣᠸᠠ ᠳᠤ ᠲᠠᠩ᠋ᠭᠠᠷᠢᠭᠯᠠᠭᠰᠠᠨ ᠪᠢᠯᠡ》 ᠭᠡᠪᠡ᠃ 9 ᠬᠠᠭᠠᠨ᠄ 《ᠠᠮᠤᠷ ᠲᠠᠢᠪᠤᠩ ᠶᠠᠪᠤᠭᠠᠷᠠᠢ》 ᠭᠡᠰᠡᠨ ᠳᠦ᠂ ᠲᠡᠷᠡ ᠪᠡᠷ ᠾᠧᠪᠷᠣᠨ ᠤᠷᠤᠭᠤ ᠶᠠᠪᠤᠪᠠ᠃ 10 ᠲᠡᠭᠡᠭᠡᠳ ᠠᠪᠰᠠᠯᠣᠮ ᠢᠰᠷᠧᠯ ᠤᠨ ᠪᠦᠬᠦᠢᠯᠡ ᠣᠪᠣᠭ ᠠᠢᠮᠠᠭ ᠢᠶᠠᠷ ᠲᠠᠩᠨᠠᠭᠤᠯ ᠢᠯᠡᠭᠡᠵᠦ᠄ 《ᠡᠪᠡᠷ ᠪᠦᠷᠢᠶᠡᠨ ᠦ ᠳᠠᠭᠤ ᠶᠢ ᠰᠣᠨᠣᠰᠣᠩ᠋ᠭᠤᠲᠠ ᠪᠠᠨ ᠲᠠ ᠨᠠᠷ᠄ 〈ᠠᠪᠰᠠᠯᠣᠮ ᠾᠧᠪᠷᠣᠨ ᠳᠤ ᠬᠠᠭᠠᠨ ᠪᠣᠯᠣᠯᠠ〉 ᠬᠡᠮᠡᠨ ᠵᠠᠷᠯᠠᠭᠲᠤᠨ》 ᠭᠡᠵᠦ ᠵᠠᠬᠢᠪᠠ᠃ 11 ᠲᠡᠷᠡ ᠦᠶᠡ ᠳᠦ ᠶᠧᠷᠦ᠋ᠰᠠᠯᠧᠮ ᠡᠴᠡ ᠬᠣᠶᠠᠷ ᠵᠠᠭᠤᠨ ᠬᠥᠮᠦᠨ ᠠᠪᠰᠠᠯᠣᠮ ᠤᠨ ᠬᠠᠮᠲᠤ ᠶᠠᠪᠤᠭᠰᠠᠨ ᠪᠠᠢᠯᠠ᠃ ᠲᠡᠳᠡ ᠤᠷᠢᠯᠭᠠ ᠶᠢ ᠬᠦᠯᠢᠶᠡᠵᠦ ᠬᠠᠷᠠ ᠰᠠᠨᠠᠭᠠ ᠦᠭᠡᠢ ᠶᠠᠪᠤᠭᠰᠠᠨ ᠢᠶᠠᠷ ᠡᠨᠡ ᠬᠦ ᠶᠠᠪᠤᠳᠠᠯ ᠤᠨ ᠲᠤᠬᠠᠢ ᠶᠠᠭᠤ ᠴᠤ ᠮᠡᠳᠡᠬᠦ ᠦᠭᠡᠢ ᠪᠠᠢᠪᠠ᠃ 12 ᠠᠪᠰᠠᠯᠣᠮ ᠲᠠᠬᠢᠯ ᠡᠷᠭᠦᠬᠦ ᠵᠠᠭᠤᠷᠠ ᠪᠠᠨ ᠬᠥᠮᠦᠨ ᠶᠠᠪᠤᠭᠤᠯᠵᠤ᠂ ᠳ᠋ᠠᠸᠢᠳ᠋ ᠤᠨ ᠵᠥᠪᠯᠡᠭᠴᠢ ᠠᠾᠢᠲ᠋ᠣᠹᠧᠯ ᠢ ᠥᠪᠡᠷ ᠦᠨ ᠬᠢᠨᠢ ᠬᠣᠲᠠ ᠭᠢᠯᠣ᠋ ᠡᠴᠡ ᠳᠠᠭᠤᠳᠠᠵᠤ ᠠᠪᠴᠢᠷᠠᠪᠠ᠃ ᠡᠢᠨ ᠬᠦ ᠬᠤᠤᠪᠢᠯᠳᠤᠭᠠᠨ ᠰᠢᠷᠦᠭᠦᠰᠦᠭᠰᠡᠭᠡᠷ ᠠᠪᠰᠠᠯᠣᠮ ᠤᠨ ᠲᠠᠯᠠ ᠳᠤ ᠣᠷᠣᠬᠤ ᠬᠥᠮᠦᠰ ᠴᠤ ᠣᠯᠠᠰᠢᠷᠠᠭᠰᠠᠭᠠᠷ ᠪᠠᠢᠯᠠ᠃
ᠳ᠋ᠠᠸᠢᠳ᠋ ᠵᠢᠭᠤᠲᠠᠪᠠ
13 ᠳ᠋ᠠᠸᠢᠳ᠋ ᠤᠷᠤᠭᠤ ᠮᠡᠳᠡᠭᠡᠴᠢᠨ ᠢᠷᠡᠵᠦ᠄ 《ᠢᠰᠷᠧᠯ ᠲᠦᠮᠡᠨ ᠦ ᠰᠡᠳᠬᠢᠯ ᠠᠪᠰᠠᠯᠣᠮ ᠤᠷᠤᠭᠤ ᠡᠷᠭᠢᠵᠡᠢ》 ᠭᠡᠵᠦ ᠬᠡᠯᠡᠪᠡ᠃ 14 ᠳ᠋ᠠᠸᠢᠳ᠋ ᠥᠪᠡᠷ ᠲᠡᠢ ᠨᠢ ᠬᠠᠮᠲᠤ ᠶᠧᠷᠦ᠋ᠰᠠᠯᠧᠮ ᠳᠤ ᠪᠠᠢᠭᠠ ᠪᠦᠬᠦ ᠲᠦᠰᠢᠮᠡᠯ ᠳᠡᠭᠡᠨ᠄ 《ᠳᠠᠷᠤᠢᠬᠠᠨ ᠡ᠊ᠨᠳᠡ ᠡᠴᠡ ᠵᠢᠭᠤᠲᠠᠵᠠᠭᠠᠶᠠ᠃ ᠲᠡᠭᠡᠬᠦ ᠦᠭᠡᠢ ᠪᠣᠯ ᠪᠢᠳᠡᠨ ᠦ ᠬᠡᠨ ᠨᠢ ᠴᠤ ᠠᠪᠰᠠᠯᠣᠮ ᠤᠨ ᠭᠠᠷ ᠠᠴᠠ ᠮᠤᠯᠲᠤᠷᠠᠵᠤ ᠴᠢᠳᠠᠬᠤ ᠦᠭᠡᠢ ᠪᠣᠯᠣᠨᠠ᠃ ᠬᠤᠷᠳᠤᠯᠠᠶᠠ᠂ ᠲᠡᠷᠡ ᠤᠳᠠᠯ ᠦᠭᠡᠢ ᠭᠦᠢᠴᠡᠵᠦ᠂ ᠪᠢᠳᠡᠨ ᠳᠦ ᠭᠠᠢ ᠤᠴᠠᠷᠠᠭᠤᠯᠤᠨ᠂ ᠢᠯᠳᠦᠨ ᠦ ᠢᠷ ᠢᠶᠠᠷ ᠡᠨᠡ ᠬᠣᠲᠠ ᠶᠢ ᠴᠣᠬᠢᠬᠤ ᠪᠤᠢ》 ᠭᠡᠬᠦ ᠳᠦ᠂ 15 ᠬᠠᠭᠠᠨ ᠤ ᠲᠦᠰᠢᠮᠡᠳ ᠬᠠᠭᠠᠨ ᠳᠤ᠄ 《ᠵᠠᠷᠤᠴᠠ ᠴᠢᠨᠢ ᠪᠢᠳᠡ ᠬᠠᠭᠠᠨ ᠡᠵᠡᠨᠲᠡᠨ ᠦ ᠪᠠᠨ ᠲᠠᠭᠠᠯᠠᠯ ᠢᠶᠠᠷ ᠪᠦᠬᠦᠨ ᠢ ᠪᠡᠶᠡᠯᠡᠭᠦᠯᠬᠦ ᠳᠦ ᠪᠡᠯᠡᠬᠡᠨ ᠪᠠᠢᠨᠠ》 ᠭᠡᠵᠡᠭᠡᠪᠡ᠃ 16 ᠢᠩᠭᠢᠭᠡᠳ ᠬᠠᠭᠠᠨ ᠭᠠᠷᠴᠤ ᠶᠠᠪᠤᠭᠰᠠᠨ ᠳᠤ᠂ ᠭᠡᠷ ᠦᠨ ᠬᠢᠨᠢ ᠪᠦᠭᠦᠳᠡᠭᠡᠷ ᠲᠡᠭᠦᠨ ᠢ ᠳᠠᠭᠠᠪᠠ᠃ ᠬᠠᠷᠢᠨ ᠬᠠᠭᠠᠨ ᠣᠷᠳᠣᠨ ᠢᠶᠠᠨ ᠰᠠᠬᠢᠭᠤᠯᠬᠤ ᠪᠠᠷ ᠠᠷᠪᠠᠨ ᠲᠠᠲᠠᠪᠤᠷᠢ ᠪᠠᠨ ᠦᠯᠡᠳᠡᠭᠡᠵᠡᠢ᠃ 17 ᠬᠠᠭᠠᠨ ᠭᠠᠷᠴᠤ ᠶᠠᠪᠤᠭᠰᠠᠨ ᠳᠤ᠂ ᠠᠷᠠᠳ ᠲᠦᠮᠡᠨ ᠲᠡᠭᠦᠨ ᠢ ᠳᠠᠭᠠᠪᠠ᠃ ᠲᠡᠳᠡ ᠬᠣᠯᠠ ᠪᠠᠢᠭᠠ ᠣᠷᠳᠣᠨ ᠳᠤ ᠵᠣᠭᠰᠣᠬᠤ ᠳᠤ᠂ 18 ᠬᠠᠮᠤᠭ ᠰᠢᠳᠠᠷ ᠴᠡᠷᠢᠭ ᠨᠢ ᠬᠠᠭᠠᠨ ᠤ ᠬᠠᠵᠠᠭᠤ ᠪᠠᠷ ᠥᠩᠭᠡᠷᠡᠪᠡ᠂ ᠲᠤᠬᠠᠢᠯᠠᠪᠠᠯ᠂ ᠪᠦᠬᠦ ᠺᠧᠷᠧᠲ᠋ᠴᠦᠳ᠂ ᠪᠦᠬᠦ ᠫᠧᠯᠧᠲ᠋ᠴᠦᠳ ᠬᠢᠭᠡᠳ ᠬᠠᠭᠠᠨ ᠢ ᠳᠠᠭᠠᠨ ᠭᠠᠲ ᠠᠴᠠ ᠢᠷᠡᠭᠰᠡᠨ ᠵᠢᠷᠭᠤᠭᠠᠨ ᠵᠠᠭᠤᠨ ᠭᠢᠲ ᠬᠥᠮᠦᠨ ᠪᠦᠭᠦᠳᠡᠭᠡᠷ ᠬᠠᠭᠠᠨ ᠤ ᠡᠮᠦᠨᠡᠭᠦᠷ ᠶᠠᠪᠤᠵᠤ ᠥᠩᠭᠡᠷᠡᠵᠡᠢ᠃
19 ᠬᠠᠭᠠᠨ ᠭᠢᠲ ᠬᠥᠮᠦᠨ ᠢᠲ᠋ᠠᠢ ᠳᠤ᠄ 《ᠲᠠ ᠬᠠᠷᠢ ᠬᠥᠮᠦᠨ ᠪᠥᠭᠡᠳ ᠪᠠᠰᠠ ᠨᠤᠲᠤᠭ ᠠᠴᠠ ᠪᠠᠨ ᠬᠥᠭᠡᠭᠡᠭᠳᠡᠭᠰᠡᠨ ᠴᠠᠭᠠᠴᠢᠨ ᠪᠠᠢᠵᠤ᠂ ᠶᠠᠭᠤᠨ ᠳᠤ ᠪᠢᠳᠡᠨ ᠲᠡᠢ ᠬᠠᠮᠲᠤ ᠶᠠᠪᠤᠨᠠ ᠪᠤᠢ︖ ᠪᠤᠴᠠᠵᠤ ᠶᠠᠪᠤᠭᠠᠳ ᠬᠠᠭᠠᠨ ᠠᠪᠰᠠᠯᠣᠮ ᠲᠠᠢ ᠪᠠᠨ ᠬᠠᠮᠲᠤ ᠦᠯᠡᠳᠡ᠃ 20 ᠲᠠ ᠲᠦᠷᠦᠭᠦᠬᠡᠨ ᠳᠥᠩᠭᠡᠵᠢ ᠢᠷᠡᠭᠰᠡᠨ ᠬᠢᠷᠢ ᠨᠢ ᠥᠨᠥᠳᠥᠷ ᠪᠢᠳᠡᠨ ᠲᠡᠢ ᠬᠠᠮᠲᠤ ᠬᠡᠰᠦᠬᠦ ᠪᠡᠷ ᠪᠠᠢᠨᠠ ᠤᠤ︖ ᠪᠢ ᠬᠠᠮᠢᠭᠠᠰᠢ ᠪᠠᠨ ᠶᠠᠪᠤᠬᠤ ᠪᠠᠨ ᠴᠤ ᠮᠡᠳᠡᠬᠦ ᠦᠭᠡᠢ ᠪᠠᠢᠨᠠ᠂ ᠲᠡᠢᠮᠦ ᠡᠴᠡ ᠲᠠ ᠠᠬᠠ ᠳᠡᠭᠦᠦᠰ ᠢᠶᠡᠨ ᠠᠪᠤᠭᠠᠳ ᠪᠤᠴᠠ᠃ ᠦᠨᠡᠨ ᠪᠣᠯᠣᠨ ᠬᠠᠢᠷᠠ ᠴᠢᠮᠠ ᠲᠠᠢ ᠬᠠᠮᠲᠤ ᠪᠠᠢᠬᠤ ᠪᠣᠯᠲᠤᠭᠠᠢ》 ᠭᠡᠪᠡ᠃ 21 ᠢᠲ᠋ᠠᠢ ᠬᠠᠭᠠᠨ ᠳᠤ ᠬᠠᠷᠢᠭᠤᠯᠤᠨ᠄ 《ᠶᠣᠬᠣᠸᠠ ᠶᠢᠨ ᠠᠮᠢᠳᠤ ᠪᠣᠯᠣᠨ ᠡᠵᠡᠨ ᠬᠠᠭᠠᠨ ᠤ ᠠᠮᠢᠳᠤ ᠯᠤᠭᠠ ᠨᠢᠭᠡᠨ ᠠᠳᠠᠯᠢ ᠪᠠᠲᠤ ᠦᠨᠡᠨ ᠭᠡᠪᠡᠯ᠂ ᠮᠢᠨᠦ ᠡᠵᠡᠨ ᠬᠠᠭᠠᠨ ᠲᠠ ᠬᠠᠮᠢᠭᠠ ᠪᠠᠢᠪᠠᠯ ᠵᠠᠷᠤᠴᠠ ᠴᠢᠨᠢ ᠪᠢ ᠠᠮᠢᠳᠤᠷᠠᠭᠰᠠᠨ ᠴᠤ᠂ ᠦᠬᠦᠭᠰᠡᠨ ᠴᠤ ᠲᠠᠨ ᠲᠠᠢ ᠬᠠᠮᠲᠤ ᠲᠡᠨᠳᠡ ᠪᠠᠢᠬᠤ ᠪᠣᠯᠣᠨᠠ》 ᠭᠡᠪᠡ᠃ 22 ᠳ᠋ᠠᠸᠢᠳ᠋ ᠢᠲ᠋ᠠᠢ ᠳᠤ᠄ 《ᠲᠡᠭᠡᠪᠡᠯ ᠶᠠᠪᠤᠵᠤ ᠥᠩᠭᠡᠷᠡᠭᠲᠦᠨ》 ᠭᠡᠰᠡᠨ ᠳᠦ᠂ ᠭᠢᠲ ᠬᠥᠮᠦᠨ ᠢᠲ᠋ᠠᠢ ᠥᠪᠡᠷ ᠦᠨ ᠢᠶᠠᠨ ᠬᠠᠷᠢᠶᠠ ᠬᠠᠮᠤᠭ ᠬᠥᠮᠦᠰ ᠬᠢᠭᠡᠳ ᠪᠦᠬᠦ ᠭᠡᠷ ᠦᠨ ᠬᠢᠨ ᠲᠠᠢ ᠪᠠᠨ ᠬᠠᠮᠲᠤ ᠶᠠᠪᠤᠵᠤ ᠥᠩᠭᠡᠷᠡᠪᠡ᠃ 23 ᠲᠡᠳᠡᠭᠡᠷ ᠬᠥᠮᠦᠰ ᠶᠠᠪᠤᠵᠤ ᠥᠩᠭᠡᠷᠡᠬᠦ ᠳᠦ᠂ ᠪᠦᠬᠦ ᠨᠤᠲᠤᠭ ᠤᠨ ᠬᠢᠨ ᠳᠠᠭᠤ ᠲᠠᠯᠪᠢᠨ ᠤᠬᠢᠯᠠᠵᠤ ᠪᠠᠢᠪᠠ᠃ ᠬᠠᠭᠠᠨ ᠴᠤ ᠺᠢᠳ᠋ᠷᠣᠨ ᠭᠣᠷᠣᠬᠠ ᠶᠢ ᠭᠠᠲᠤᠯᠤᠭᠰᠠᠨ ᠤ ᠳᠠᠷᠠᠭᠠ᠂ ᠭᠠᠲᠤᠯᠤᠭᠰᠠᠳ ᠪᠦᠭᠦᠳᠡᠭᠡᠷ ᠢᠶᠡᠨ ᠴᠥᠯ ᠳᠤ ᠬᠦᠷᠬᠦ ᠵᠠᠮ ᠳᠡᠭᠡᠷᠡ ᠭᠠᠷᠪᠠ᠃
24 ᠽᠠᠳᠣᠺ ᠪᠣᠯᠣᠨ ᠲᠡᠭᠦᠨ ᠲᠡᠢ ᠬᠠᠮᠲᠤ ᠪᠠᠢᠳᠠᠭ ᠯᠧᠸᠢᠴᠦᠳ ᠴᠤ ᠪᠦᠭᠦᠳᠡᠭᠡᠷ ᠢᠶᠡᠨ ᠲᠡᠨᠳᠡ ᠪᠠᠢᠵᠠᠢ᠃ ᠲᠡᠳᠡ ᠪᠤᠷᠬᠠᠨ ᠤ ᠭᠡᠷᠡ ᠶᠢᠨ ᠠᠪᠳᠠᠷᠠ ᠶᠢ ᠵᠥᠭᠡᠭᠡᠵᠦ ᠠᠪᠴᠢᠷᠠᠨ ᠪᠠᠭᠤᠯᠭᠠᠭᠠᠳ ᠬᠠᠮᠤᠭ ᠬᠥᠮᠦᠰ ᠢ ᠬᠣᠲᠠ ᠠᠴᠠ ᠭᠠᠷᠴᠤ ᠳᠠᠭᠤᠰᠲᠠᠯᠠ ᠲᠡᠨᠳᠡ ᠪᠠᠢᠯᠭᠠᠪᠠ᠃ ᠠᠪᠢᠶᠠᠲ᠋ᠠᠷ ᠴᠤ ᠭᠠᠷᠴᠤ ᠢᠷᠡᠭᠰᠡᠨ ᠪᠠᠢᠯᠠ᠃ 25 ᠬᠠᠭᠠᠨ ᠽᠠᠳᠣᠺ ᠲᠤ᠄ 《ᠪᠤᠷᠬᠠᠨ ᠤ ᠠᠪᠳᠠᠷᠠ ᠶᠢ ᠬᠣᠲᠠ ᠤᠷᠤᠭᠤ ᠪᠤᠴᠠᠭᠠᠨ ᠠᠪᠠᠴᠢᠭᠠᠴᠢ᠃ ᠬᠡᠷᠪᠡ ᠪᠢ ᠶᠣᠬᠣᠸᠠ ᠶᠢᠨ ᠮᠡᠯᠮᠡᠢ ᠳᠦ ᠲᠠᠭᠠᠯᠠᠯ ᠢ ᠨᠢ ᠣᠯᠪᠠᠯ᠂ ᠶᠣᠬᠣᠸᠠ ᠨᠠᠮᠠᠶᠢ ᠪᠤᠴᠠᠭᠠᠨ ᠠᠪᠴᠢᠷᠠᠵᠤ ᠠᠪᠳᠠᠷᠠ ᠪᠣᠯᠣᠨ ᠥᠪᠡᠷ ᠦᠨ ᠢᠶᠠᠨ ᠣᠷᠣᠰᠢᠬᠤᠢ ᠶᠢ ᠦᠵᠡᠭᠦᠯᠬᠦ ᠪᠣᠯᠣᠨᠠ᠃ 26 ᠬᠠᠷᠢᠨ ᠶᠣᠬᠣᠸᠠ᠄ 〈ᠪᠢ ᠴᠢᠮᠠᠶᠢ ᠲᠠᠭᠠᠯᠠᠳᠠᠭ ᠦᠭᠡᠢ〉 ᠭᠡᠰᠡᠨ ᠴᠤ ᠲᠡᠷᠡ ᠰᠠᠢᠨ ᠭᠡᠵᠦ ᠦᠵᠡᠭᠰᠡᠨ ᠢᠶᠡᠨ ᠨᠠᠳᠠ ᠳᠤ ᠦᠢᠯᠡᠳᠬᠦ ᠪᠣᠯᠲᠤᠭᠠᠢ᠂ ᠪᠢ ᠡ᠊ᠨᠳᠡ ᠪᠠᠢᠨᠠ》 ᠭᠡᠪᠡ᠃ 27 ᠬᠠᠭᠠᠨ ᠪᠠᠰᠠ ᠲᠠᠬᠢᠯᠴᠢ ᠽᠠᠳᠣᠺ ᠲᠤ᠄ 《ᠲᠠ ᠪᠣᠱᠣᠭᠴᠢ ᠪᠢᠰᠢ ᠤᠤ︖ ᠬᠣᠲᠠ ᠤᠷᠤᠭᠤ ᠪᠠᠨ ᠠᠮᠤᠷ ᠲᠠᠢᠪᠤᠩ ᠪᠤᠴᠠᠭᠲᠤᠨ᠃ ᠲᠠᠨ ᠤ ᠬᠦᠦ ᠠᠾᠢᠮᠠᠽ ᠪᠣᠯᠣᠨ ᠠᠪᠢᠶᠠᠲ᠋ᠠᠷ ᠤᠨ ᠬᠦᠦ ᠶᠣᠨᠠᠲ᠋ᠠᠨ ᠴᠤ ᠠᠪᠢᠶᠠᠲ᠋ᠠᠷ ᠲᠠ ᠬᠣᠶᠠᠷ ᠲᠠᠢ ᠬᠠᠮᠲᠤ ᠶᠠᠪᠤᠵᠤ ᠪᠣᠯᠣᠨᠠ᠃ 28 ᠬᠠᠷᠢᠨ ᠲᠠ ᠨᠠᠷ ᠠᠴᠠ ᠮᠡᠳᠡᠭᠡ ᠢᠷᠡᠲᠡᠯᠡ ᠪᠢ ᠴᠥᠯ ᠦᠨ ᠨᠠᠭᠠᠨᠠᠬᠢ ᠣᠯᠣᠮ ᠳᠤ ᠬᠦᠯᠢᠶᠡᠵᠦ ᠪᠠᠢᠶᠠ》 ᠭᠡᠪᠡ᠃ 29 ᠲᠡᠢᠨ ᠬᠦ ᠽᠠᠳᠣᠺ᠂ ᠠᠪᠢᠶᠠᠲ᠋ᠠᠷ ᠨᠠᠷ ᠪᠤᠷᠬᠠᠨ ᠤ ᠠᠪᠳᠠᠷᠠ ᠶᠢ ᠶᠧᠷᠦ᠋ᠰᠠᠯᠧᠮ ᠤᠷᠤᠭᠤ ᠪᠤᠴᠠᠭᠠ ᠠᠪᠠᠴᠢᠵᠤ᠂ ᠲᠡᠨᠳᠡ ᠪᠡᠨ ᠦᠯᠡᠳᠡᠭᠰᠡᠨ ᠪᠠᠢᠨᠠ᠃
30 ᠳ᠋ᠠᠸᠢᠳ᠋ ᠴᠢᠳᠦᠨ ᠠᠭᠤᠯᠠ ᠥᠭᠡᠳᠡ ᠮᠠᠴᠤᠭᠰᠠᠭᠠᠷ ᠪᠠᠢᠯᠠ᠃ ᠲᠡᠷᠡ ᠲᠣᠯᠣᠭᠠᠢ ᠪᠠᠨ ᠪᠦᠲᠡᠭᠡᠨ ᠤᠬᠢᠯᠠᠵᠤ᠂ ᠬᠥᠯ ᠨᠢᠴᠦᠭᠦᠨ ᠶᠠᠪᠤᠪᠠ᠃ ᠲᠡᠭᠦᠨ ᠲᠡᠢ ᠬᠠᠮᠲᠤ ᠪᠠᠢᠭᠰᠠᠨ ᠬᠥᠮᠦᠰ ᠴᠤ ᠪᠦᠭᠦᠳᠡᠭᠡᠷ ᠲᠣᠯᠣᠭᠠᠢ ᠪᠠᠨ ᠪᠦᠲᠡᠭᠡᠨ ᠤᠬᠢᠯᠠᠭᠰᠠᠭᠠᠷ ᠮᠠᠴᠤᠵᠤ ᠪᠠᠢᠪᠠ᠃ 31 ᠬᠡᠨ ᠨᠢᠭᠡᠨ ᠨᠢ ᠳ᠋ᠠᠸᠢᠳ᠋ ᠲᠤ᠄ 《ᠠᠾᠢᠲ᠋ᠣᠹᠧᠯ ᠴᠤ ᠠᠪᠰᠠᠯᠣᠮ ᠲᠠᠢ ᠬᠤᠤᠪᠢᠯᠳᠤᠭᠴᠢᠳ ᠤᠨ ᠳᠤᠮᠳᠠ ᠪᠠᠢᠨᠠ》 ᠭᠡᠵᠦ ᠮᠡᠳᠡᠭᠳᠡᠬᠦ ᠳᠦ᠂ ᠳ᠋ᠠᠸᠢᠳ᠋᠄ 《ᠶᠣᠬᠣᠸᠠ ᠮᠢᠨᠢ᠂ ᠠᠾᠢᠲ᠋ᠣᠹᠧᠯ ᠤᠨ ᠵᠥᠪᠯᠡᠯᠭᠡ ᠶᠢ ᠮᠤᠩ᠋ᠬᠠᠭ ᠪᠣᠯᠭᠠᠵᠤ ᠥᠭᠭᠥᠭᠡᠴᠢ》 ᠭᠡᠵᠦ ᠭᠤᠶᠤᠪᠠ᠃
32 ᠳ᠋ᠠᠸᠢᠳ᠋ ᠪᠤᠷᠬᠠᠨ ᠳᠤ ᠮᠥᠷᠭᠥᠯ ᠬᠢᠳᠡᠭ ᠣᠷᠣᠢ ᠳᠡᠭᠡᠷᠡ ᠣᠴᠢᠲᠠᠯᠠ ᠠᠷᠺ ᠬᠥᠮᠦᠨ ᠾᠦᠱᠠᠢ ᠭᠠᠳᠠᠷ ᠬᠤᠪᠴᠠᠰᠤ ᠪᠠᠨ ᠤᠷᠠᠵᠤ᠂ ᠲᠣᠯᠣᠭᠠᠢ ᠳᠡᠭᠡᠷᠡ ᠪᠡᠨ ᠰᠢᠷᠣᠢ ᠰᠠᠴᠤᠭᠠᠳ ᠲᠡᠭᠦᠨ ᠲᠡᠢ ᠠᠭᠤᠯᠵᠠᠬᠤ ᠪᠠᠷ ᠬᠦᠯᠢᠶᠡᠵᠦ ᠪᠠᠢᠯᠠ᠃ 33 ᠳ᠋ᠠᠸᠢᠳ᠋ ᠲᠡᠭᠦᠨ ᠳᠦ᠄ 《ᠬᠡᠷᠪᠡ ᠴᠢ ᠨᠠᠳᠠ ᠲᠠᠢ ᠬᠠᠮᠲᠤ ᠶᠠᠪᠤᠬᠤ ᠶᠤᠮ ᠪᠣᠯ ᠨᠠᠳᠠ ᠳᠤ ᠲᠡᠭᠡᠭᠡᠷᠡ ᠪᠣᠯᠣᠨᠠ᠃ 34 ᠬᠠᠷᠢᠨ ᠴᠢ ᠬᠣᠲᠠ ᠤᠷᠤᠭᠤ ᠪᠤᠴᠠᠵᠤ᠂ ᠠᠪᠰᠠᠯᠣᠮ ᠳᠤ᠄ 〈ᠬᠠᠭᠠᠨᠲᠠᠨ ᠮᠢᠨᠢ᠂ ᠪᠢ ᠲᠠᠨ ᠤ ᠵᠠᠷᠤᠴᠠ ᠪᠣᠯᠣᠶᠠ᠃ ᠤᠷᠢᠳᠤ ᠨᠢ ᠲᠠᠨ ᠤ ᠡᠴᠢᠭᠡ ᠶᠢᠨ ᠵᠠᠷᠤᠴᠠ ᠪᠠᠢᠭᠰᠠᠨ ᠤ ᠠᠳᠠᠯᠢ ᠣᠳᠣ ᠲᠠᠨ ᠤ ᠵᠠᠷᠤᠴᠠ ᠪᠣᠯᠣᠶᠠ〉 ᠭᠡᠵᠦ ᠬᠡᠯᠡᠪᠡᠯ᠂ ᠮᠢᠨᠦ ᠡᠮᠦᠨᠡ ᠡᠴᠡ ᠠᠾᠢᠲ᠋ᠣᠹᠧᠯ ᠤᠨ ᠵᠥᠪᠯᠡᠯᠭᠡ ᠶᠢ ᠪᠦᠲᠦᠯ ᠦᠭᠡᠢ ᠪᠣᠯᠭᠠᠵᠤ ᠪᠣᠯᠣᠨᠠ᠃ 35 ᠲᠡᠨᠳᠡ ᠲᠠᠬᠢᠯᠴᠢ ᠽᠠᠳᠣᠺ ᠪᠣᠯᠣᠨ ᠠᠪᠢᠶᠠᠲ᠋ᠠᠷ ᠨᠠᠷ ᠴᠤ ᠴᠢᠮᠠ ᠲᠠᠢ ᠬᠠᠮᠲᠤ ᠪᠠᠢᠬᠤ ᠪᠢᠰᠢ ᠤᠤ︖ ᠴᠢ ᠬᠠᠭᠠᠨ ᠤ ᠣᠷᠳᠣᠨ ᠠᠴᠠ ᠰᠣᠨᠣᠰᠣᠭᠰᠠᠨ ᠦᠭᠡ ᠪᠣᠯᠭᠠᠨ ᠢᠶᠠᠨ ᠲᠠᠬᠢᠯᠴᠢ ᠽᠠᠳᠣᠺ ᠪᠣᠯᠣᠨ ᠠᠪᠢᠶᠠᠲ᠋ᠠᠷ ᠨᠠᠷ ᠲᠤ ᠳᠠᠮᠵᠢᠭᠤᠯᠤᠭᠠᠷᠠᠢ᠃ 36 ᠠᠩ᠋ᠬᠠᠷᠤᠭᠲᠤᠨ᠂ ᠲᠡᠳᠡᠨ ᠦ ᠬᠣᠶᠠᠷ ᠬᠥᠪᠡᠭᠦᠨ᠂ ᠽᠠᠳᠣᠺ ᠤᠨ ᠬᠥᠪᠡᠭᠦᠨ ᠠᠾᠢᠮᠠᠽ᠂ ᠠᠪᠢᠶᠠᠲ᠋ᠠᠷ ᠤᠨ ᠬᠥᠪᠡᠭᠦᠨ ᠶᠣᠨᠠᠲ᠋ᠠᠨ ᠪᠦᠷ ᠲᠡᠨᠳᠡ ᠲᠡᠳᠡᠨ ᠲᠡᠢ ᠬᠠᠮᠲᠤ ᠪᠤᠢ᠃ ᠰᠣᠨᠣᠰᠣᠭᠰᠠᠨ ᠦᠭᠡ ᠪᠣᠯᠭᠠᠨ ᠢᠶᠠᠨ ᠲᠡᠳᠡᠨ ᠢᠶᠡᠷ ᠨᠠᠳᠠ ᠳᠤ ᠳᠠᠮᠵᠢᠭᠤᠯᠵᠤ ᠪᠣᠯᠣᠨᠠ》 ᠭᠡᠪᠡ᠃ 37 ᠲᠡᠢᠨ ᠬᠦ ᠳ᠋ᠠᠸᠢᠳ᠋ ᠤᠨ ᠠᠨᠳᠠ ᠾᠦᠱᠠᠢ ᠬᠣᠲᠠ ᠤᠷᠤᠭᠤ ᠣᠷᠣᠪᠠ᠃ ᠲᠡᠷᠡ ᠦᠶᠡ ᠳᠦ ᠠᠪᠰᠠᠯᠣᠮ ᠴᠤ ᠶᠧᠷᠦ᠋ᠰᠠᠯᠧᠮ ᠳᠤ ᠣᠷᠣᠬᠤ ᠭᠡᠵᠦ ᠪᠠᠢᠯᠠ᠃