ᠬᠣᠶᠠᠳᠤᠭᠠᠷ ᠰᠠᠮᠦ᠋ᠶᠧᠯ ᠬᠣᠷᠢᠨ ᠬᠣᠶᠠᠷ
ᠳ᠋ᠠᠸᠢᠳ᠋ ᠤᠨ ᠢᠯᠠᠭᠤᠭᠰᠠᠨ ᠳᠠᠭᠤᠯᠠᠯ
1 ᠶᠣᠬᠣᠸᠠ ᠳ᠋ᠠᠸᠢᠳ᠋ ᠢ ᠬᠠᠮᠤᠭ ᠳᠠᠢᠰᠤᠨ ᠨᠤᠭᠤᠳ ᠤᠨ ᠰᠠᠪᠠᠷ ᠪᠣᠯᠣᠨ ᠰᠠᠦ᠋ᠯ ᠤᠨ ᠭᠠᠷ ᠠᠴᠠ ᠠᠪᠤᠷᠠᠭᠰᠠᠨ ᠲᠡᠷᠡ ᠡᠳᠦᠷ ᠳ᠋ᠠᠸᠢᠳ᠋ ᠡᠨᠡ ᠳᠠᠭᠤᠤ ᠶᠢ ᠶᠣᠬᠣᠸᠠ ᠳᠤ ᠳᠠᠭᠤᠯᠠᠪᠠ᠃ ᠲᠡᠷᠡ᠄
2 《ᠶᠣᠬᠣᠸᠠ ᠪᠣᠯ ᠮᠢᠨᠦ ᠬᠠᠳᠠ ᠮᠢᠨᠦ ᠴᠠᠢᠵᠠ᠂ ᠨᠠᠮᠠᠶᠢ ᠠᠪᠤᠷᠠᠭᠴᠢ᠃
3 ᠮᠢᠨᠦ ᠪᠤᠷᠬᠠᠨ ᠪᠣᠯ ᠮᠢᠨᠦ ᠬᠣᠷᠭᠣᠳᠠᠭᠤ ᠬᠠᠳᠠ ᠮᠢᠨᠦ ᠪᠠᠮᠪᠠᠢ ᠮᠢᠨᠦ ᠠᠪᠤᠷᠠᠯ ᠤᠨ ᠡᠪᠡᠷ᠂ ᠮᠢᠨᠦ ᠪᠡᠬᠢᠯᠡᠯᠲᠡ ᠮᠢᠨᠦ ᠬᠣᠷᠭᠣᠳᠠᠬᠤ ᠭᠠᠵᠠᠷ᠂ ᠮᠢᠨᠦ ᠠᠪᠤᠷᠠᠭᠴᠢ ᠲᠠ ᠨᠠᠮᠠᠶᠢ ᠪᠠᠯᠠᠮᠠᠳ ᠶᠠᠪᠤᠳᠠᠯ ᠠᠴᠠ ᠠᠪᠤᠷᠠᠭᠰᠠᠨ ᠪᠢᠯᠡ᠃
4 ᠲᠡᠷᠡ ᠮᠠᠭᠲᠠᠭᠳᠠᠭᠤᠰᠢᠲᠠᠢ ᠶᠣᠬᠣᠸᠠ ᠶᠢ ᠳᠠᠭᠤᠳᠠᠵᠤ ᠪᠢ ᠥᠰᠲᠡᠨ ᠨᠦᠭᠦᠳ ᠡᠴᠡ ᠪᠡᠨ ᠠᠪᠤᠷᠠᠭᠳᠠᠨᠠ᠃
5 ᠦᠬᠦᠯ ᠦᠨ ᠳᠠᠪᠠᠯᠭᠠᠨ ᠨᠠᠮᠠᠶᠢ ᠬᠦᠷᠢᠶᠡᠯᠡᠨ ᠰᠦᠢᠷᠡᠯ ᠦᠨ ᠤᠷᠤᠰᠬᠠᠯ ᠨᠠᠮᠠᠶᠢ ᠰᠦᠷᠳᠡᠭᠦᠯᠪᠡ᠃
6 ᠦᠬᠦᠭᠰᠡᠳ ᠦᠨ ᠣᠷᠣᠨ ᠤ ᠬᠦᠯᠢᠶᠡᠰᠦ ᠨᠠᠮᠠᠶᠢ ᠬᠦᠯᠢᠵᠦ ᠦᠬᠦᠯ ᠦᠨ ᠤᠷᠠᠬᠠ ᠨᠠᠮᠠᠶᠢ ᠤᠭᠲᠤᠪᠠ᠃
7 ᠪᠡᠷᠬᠡ ᠴᠠᠭ ᠲᠠᠭᠠᠨ ᠪᠢ ᠶᠣᠬᠣᠸᠠ ᠶᠢ ᠳᠠᠭᠤᠳᠠᠨᠠ ᠪᠤᠷᠬᠠᠨ ᠢᠶᠠᠨ ᠳᠠᠭᠤᠳᠠᠪᠠᠯ ᠲᠡᠷᠡ ᠥᠪᠡᠷ ᠦᠨ ᠢᠶᠠᠨ ᠣᠷᠳᠣᠨ ᠠᠴᠠ ᠳᠠᠭᠤ ᠶᠢ ᠮᠢᠨᠢ ᠰᠣᠨᠣᠰᠣᠨᠠ ᠮᠢᠨᠦ ᠬᠠᠰᠬᠢᠷᠤᠭᠠᠨ ᠲᠡᠭᠦᠨ ᠦ ᠰᠣᠨᠣᠷ ᠲᠤ ᠬᠦᠷᠦᠨᠡ᠃
8 ᠭᠠᠵᠠᠷ ᠭᠠᠩ᠋ᠬᠤᠵᠤ ᠴᠡᠴᠡᠷᠡᠪᠡ ᠲᠩᠷᠢ ᠶᠢᠨ ᠰᠠᠭᠤᠷᠢ ᠬᠥᠳᠡᠯᠪᠡ ᠲᠡᠷᠡ ᠬᠢᠯᠢᠩᠨᠡᠬᠦ ᠳᠦ ᠭᠠᠩ᠋ᠬᠤᠵᠠᠭᠠᠪᠠ᠂
9 ᠬᠠᠮᠠᠷ ᠠᠴᠠ ᠨᠢ ᠤᠲᠤᠭᠠ ᠠᠮᠠᠨ ᠠᠴᠠ ᠨᠢ ᠭᠠᠯ ᠭᠠᠷᠴᠤ ᠲᠡᠭᠦᠨ ᠡᠴᠡ ᠳᠥᠯᠥ ᠲᠠᠢ ᠨᠡᠭᠦᠷᠡᠰᠦ ᠭᠠᠷᠪᠠ᠂
10 ᠲᠡᠷᠡ ᠪᠡᠷ ᠲᠩᠷᠢ ᠶᠢ ᠪᠥᠬᠥᠢᠯᠭᠡᠨ ᠪᠠᠭᠤᠵᠤ ᠢᠷᠡᠪᠡ ᠬᠥᠯ ᠳᠣᠣᠷᠠ ᠨᠢ ᠬᠠᠷᠠᠩ᠋ᠭᠤᠢ ᠡᠭᠦᠯᠡ ᠪᠠᠢᠪᠠ᠃
11 ᠲᠡᠷᠡ ᠺᠧᠷᠣᠪ ᠬᠥᠯᠭᠡᠯᠡᠨ ᠨᠢᠰᠪᠡ ᠲᠡᠷᠡ ᠰᠠᠯᠬᠢᠨ ᠤ ᠵᠢᠭᠦᠷ ᠳᠡᠭᠡᠷᠡ ᠡᠯᠢᠨ ᠬᠠᠯᠢᠪᠠ
12 ᠲᠡᠷᠡ ᠬᠠᠷᠠᠩ᠋ᠭᠤᠢ ᠶᠢ ᠥᠪᠡᠷ ᠦᠨ ᠢᠶᠠᠨ ᠬᠥᠰᠢᠭᠡ ᠪᠣᠯᠭᠠᠵᠤ ᠤᠰᠤ ᠪᠠᠷ ᠬᠠᠷᠠᠩ᠋ᠭᠤᠢᠯᠠᠭᠰᠠᠨ ᠥᠳᠬᠡᠨ ᠡᠭᠦᠯᠡᠰ ᠢᠶᠡᠷ ᠥᠪᠡᠷ ᠢ ᠪᠠᠨ ᠬᠦᠷᠢᠶᠡᠯᠡᠪᠡ
13 ᠣᠷᠣᠰᠢᠬᠤᠢ ᠶᠢᠨ ᠬᠢᠨᠢ ᠭᠢᠯᠪᠠᠭᠠᠨ ᠠᠴᠠ ᠨᠡᠭᠦᠷᠡᠰᠦ ᠠᠰᠠᠨ ᠰᠢᠲᠠᠪᠠ
14 ᠶᠣᠬᠣᠸᠠ ᠲᠩᠷᠢ ᠡᠴᠡ ᠬᠦᠩᠭᠢᠨᠡᠪᠡ ᠬᠠᠮᠤᠭ ᠤᠨ ᠳᠡᠭᠡᠳᠦ ᠨᠢᠭᠡᠨ ᠨᠢ ᠳᠠᠭᠤ ᠪᠠᠨ ᠭᠠᠷᠭᠠᠪᠠ
15 ᠲᠡᠷᠡ ᠰᠤᠮᠤ ᠪᠠᠨ ᠬᠠᠷᠪᠤᠵᠤ ᠳᠠᠢᠰᠤᠨ ᠨᠤᠭᠤᠳ ᠢᠶᠠᠨ ᠪᠤᠲᠠᠷᠠᠭᠠᠪᠠ ᠠᠶᠤᠩ᠋ᠭᠠ ᠪᠠᠷ ᠲᠡᠳᠡᠨ ᠢ ᠪᠤᠲᠠ ᠨᠢᠷᠭᠡᠪᠡ
16 ᠶᠣᠬᠣᠸᠠ ᠵᠢᠮᠡᠯᠡᠵᠦ᠂ ᠬᠠᠮᠠᠷ ᠤᠨ ᠠᠮᠢᠰᠬᠤᠯ ᠢᠶᠠᠨ ᠦᠯᠢᠶᠡᠬᠦ ᠳᠦ ᠲᠠᠩᠭᠢᠰ ᠤᠨ ᠢᠷᠤᠭᠠᠷ ᠦᠵᠡᠭᠳᠡᠵᠦ ᠶᠢᠷᠲᠢᠨᠴᠦ ᠶᠢᠨ ᠰᠠᠭᠤᠷᠢ ᠨᠤᠭᠤᠳ ᠢᠯᠡ ᠭᠠᠷᠪᠠ᠃
17 ᠲᠡᠷᠡ ᠳᠡᠭᠡᠷᠡ ᠡᠴᠡ ᠮᠤᠲᠤᠷ ᠢᠶᠠᠨ ᠰᠤᠩ᠋ᠭᠠᠵᠤ ᠨᠠᠮᠠᠶᠢ ᠠᠪᠴᠤ ᠶᠡᠬᠡ ᠤᠰᠤᠨ ᠠᠴᠠ ᠲᠠᠲᠠᠨ ᠭᠠᠷᠭᠠᠨᠠ᠃
18 ᠨᠠᠮᠠᠶᠢ ᠬᠦᠴᠦᠲᠦ ᠳᠠᠢᠰᠤᠨ ᠠᠴᠠ ᠮᠢᠨᠢ ᠨᠠᠳᠠ ᠠᠴᠠ ᠬᠦᠴᠦᠷᠬᠡᠭ ᠥᠰᠲᠡᠨ ᠨᠦᠭᠦᠳ ᠡᠴᠡ ᠮᠢᠨᠢ ᠠᠪᠤᠷᠠᠭᠰᠠᠨ
19 ᠶᠠᠳᠠᠷᠠᠭᠰᠠᠨ ᠡᠳᠦᠷ ᠤᠳ ᠲᠤ ᠮᠢᠨᠢ ᠲᠡᠳᠡ ᠨᠠᠳᠠ ᠤᠷᠤᠭᠤ ᠳᠠᠭᠠᠷᠢᠭᠰᠠᠨ ᠪᠣᠯᠪᠠᠴᠤ ᠶᠣᠬᠣᠸᠠ ᠮᠢᠨᠦ ᠲᠦᠰᠢᠭ ᠪᠠᠢᠪᠠ᠃
20 ᠠᠭᠤᠵᠢᠮ ᠭᠠᠵᠠᠷ ᠤᠷᠤᠭᠤ ᠨᠠᠮᠠᠶᠢ ᠠᠪᠴᠢᠷᠠᠵᠤ ᠲᠠᠭᠠᠯᠠᠭᠰᠠᠨ ᠤᠴᠢᠷ ᠠᠴᠠ ᠨᠠᠮᠠᠶᠢ ᠠᠪᠤᠷᠠᠪᠠ᠃
21 ᠵᠥᠪᠲᠦ ᠪᠠᠢᠳᠠᠯ ᠤᠨ ᠮᠢᠨᠢ ᠳᠠᠭᠠᠤ ᠶᠣᠬᠣᠸᠠ ᠨᠠᠮᠠᠶᠢ ᠱᠠᠩᠨᠠᠵᠤ ᠴᠡᠪᠡᠷ ᠭᠠᠷ ᠤᠨ ᠮᠢᠨᠢ ᠳᠠᠭᠠᠤ ᠨᠠᠳᠠ ᠳᠤ ᠬᠠᠷᠢᠭᠤᠯᠤᠨᠠ᠃
22 ᠤᠴᠢᠷ ᠨᠢ ᠪᠢ ᠶᠣᠬᠣᠸᠠ ᠶᠢᠨ ᠵᠠᠮ ᠢᠶᠠᠷ ᠯᠠ ᠶᠠᠪᠤᠪᠠ ᠪᠤᠷᠤᠭᠤ ᠶᠢ ᠬᠢᠬᠦ ᠪᠡᠷ ᠪᠤᠷᠬᠠᠨ ᠠᠴᠠ ᠪᠠᠨ ᠭᠠᠵᠢᠭᠠ ᠦᠭᠡᠢ
23 ᠲᠡᠭᠦᠨ ᠦ ᠪᠦᠬᠦ ᠵᠢᠷᠤᠮ ᠮᠢᠨᠦ ᠡᠮᠦᠨᠡ ᠪᠠᠢᠨᠠ ᠲᠡᠭᠦᠨ ᠦ ᠲᠣᠭᠲᠠᠭᠠᠯ ᠢ ᠪᠢ ᠥᠪᠡᠷ ᠡᠴᠡ ᠪᠡᠨ ᠵᠠᠢᠯᠠᠭᠤᠯᠬᠤ ᠦᠭᠡᠢ᠃
24 ᠪᠢ ᠲᠡᠭᠦᠨ ᠦ ᠡᠮᠦᠨᠡ ᠪᠤᠷᠤᠭᠤ ᠦᠭᠡᠢ ᠪᠠᠢᠭᠰᠠᠭᠠᠷ ᠪᠡᠶᠡ ᠪᠡᠨ ᠨᠢᠭᠦᠯ ᠡᠴᠡ ᠬᠠᠮᠠᠭᠠᠯᠠᠭᠰᠠᠨ᠃
25 ᠶᠣᠬᠣᠸᠠ ᠥᠪᠡᠷ ᠦᠨ ᠬᠢᠨᠢ ᠮᠡᠯᠮᠡᠢ ᠶᠢᠨ ᠡᠮᠦᠨᠡ ᠵᠥᠪ ᠪᠠᠢᠭᠰᠠᠨ ᠤ ᠮᠢᠨᠢ ᠳᠠᠭᠠᠤ ᠴᠡᠪᠡᠷ ᠪᠠᠢᠭᠰᠠᠨ ᠤ ᠮᠢᠨᠢ ᠳᠠᠭᠠᠤ ᠨᠠᠳᠠ ᠳᠤ ᠬᠠᠷᠢᠭᠤᠯᠤᠭᠰᠠᠨ᠃
26 ᠲᠠ ᠦᠨᠡᠨᠴᠢ ᠬᠥᠮᠦᠨ ᠳᠦ ᠦᠨᠡᠨᠴᠢ ᠥ ᠦᠭᠡᠢ ᠬᠥᠮᠦᠨ ᠳᠦ ᠥ ᠦᠭᠡᠢ᠃
27 ᠴᠡᠪᠡᠷ ᠬᠥᠮᠦᠨ ᠳᠦ ᠴᠡᠪᠡᠷ ᠪᠠᠢᠵᠤ ᠭᠤᠢᠪᠢᠭᠤᠯᠤᠭᠴᠢ ᠬᠥᠮᠦᠨ ᠡᠴᠡ ᠬᠠᠵᠠᠢᠨᠠ᠃
28 ᠳᠠᠷᠤᠤ ᠠᠷᠠᠳ ᠢ ᠠᠪᠤᠷᠠᠨᠠ ᠲᠠᠨ ᠤ ᠮᠡᠯᠮᠡᠢ ᠳᠡᠭᠡᠷᠡᠩᠭᠦᠢ ᠬᠥᠮᠦᠰ ᠦᠨ ᠳᠡᠭᠡᠷᠡ ᠪᠠᠢᠵᠤ᠂ ᠲᠡᠳᠡᠨ ᠢ ᠳᠣᠷᠣᠭᠰᠢᠯᠠᠭᠤᠯᠤᠨᠠ᠃
29 ᠶᠣᠬᠣᠸᠠ᠂ ᠲᠠ ᠯᠠ ᠮᠢᠨᠦ ᠳ᠋ᠧᠩ ᠶᠣᠬᠣᠸᠠ ᠬᠠᠷᠠᠩ᠋ᠭᠤᠢ ᠶᠢ ᠮᠢᠨᠢ ᠭᠡᠷᠡᠯᠲᠦᠭᠦᠯᠦᠨᠡ᠃
30 ᠲᠠᠨ ᠤ ᠬᠦᠴᠦ ᠪᠡᠷ ᠪᠢ ᠴᠡᠷᠢᠭ ᠤᠨ ᠡᠰᠡᠷᠭᠦ ᠭᠦᠶᠦᠵᠦ ᠪᠤᠷᠬᠠᠨ ᠤ ᠪᠠᠨ ᠬᠦᠴᠦ ᠪᠡᠷ ᠬᠡᠷᠡᠮ ᠳᠠᠪᠠᠵᠤ ᠴᠢᠳᠠᠨᠠ᠃
31 ᠪᠤᠷᠬᠠᠨ ᠤ ᠵᠠᠮ ᠲᠡᠭᠦᠰ ᠶᠣᠬᠣᠸᠠ ᠶᠢᠨ ᠦᠭᠡ ᠢᠲᠡᠭᠡᠮᠵᠢᠲᠠᠢ ᠥᠪᠡᠷ ᠦᠨ ᠬᠢᠨᠢ ᠳᠣᠲᠣᠷᠠ ᠬᠣᠷᠭᠣᠳᠠᠳᠠᠭ ᠪᠦᠬᠦᠨ ᠳᠦ ᠲᠡᠷᠡ ᠪᠠᠮᠪᠠᠢ ᠶᠤᠮ᠃
32 ᠶᠣᠬᠣᠸᠠ ᠠᠴᠠ ᠥᠭᠡᠷᠡ ᠬᠡᠨ ᠨᠢ ᠪᠤᠷᠬᠠᠨ ᠶᠤᠮ ᠪᠤᠢ︖ ᠪᠢᠳᠡᠨ ᠦ ᠪᠤᠷᠬᠠᠨ ᠠᠴᠠ ᠥᠭᠡᠷᠡ ᠬᠡᠨ ᠨᠢ ᠬᠠᠳᠠ ᠶᠤᠮ ᠪᠤᠢ︖
33 ᠡᠨᠡ ᠪᠤᠷᠬᠠᠨ ᠯᠠ ᠨᠠᠮᠠᠶᠢ ᠬᠦᠴᠦ ᠴᠢᠳᠠᠯ ᠢᠶᠠᠷ ᠵᠡᠪᠰᠡᠭᠯᠡᠵᠦ ᠵᠠᠮ ᠢ ᠮᠢᠨᠢ ᠲᠡᠭᠦᠰ ᠪᠣᠯᠭᠠᠳᠠᠭ᠃
34 ᠬᠥᠯ ᠢ ᠮᠢᠨᠢ ᠰᠣᠭᠣ ᠶᠢᠨ ᠬᠢ ᠰᠢᠭ᠋ ᠪᠣᠯᠭᠠᠵᠤ ᠮᠢᠨᠦ ᠥᠨᠳᠥᠷᠯᠢᠭ ᠤᠳ ᠳᠡᠭᠡᠷᠡ ᠨᠠᠮᠠᠶᠢ ᠲᠠᠯᠪᠢᠳᠠᠭ᠃
35 ᠲᠡᠷᠡ ᠭᠠᠷ ᠢ ᠮᠢᠨᠢ ᠲᠤᠯᠤᠯᠳᠤᠭᠠᠨ ᠳᠤ ᠳᠠᠰᠬᠠᠵᠤ ᠪᠠᠢᠨᠠ ᠱᠤᠤ ᠮᠢᠨᠢ ᠬᠦᠷᠡᠯ ᠨᠤᠮᠤ ᠶᠢ ᠲᠠᠬᠢᠢᠯᠭᠠᠵᠤ ᠴᠢᠳᠠᠨᠠ᠃
36 ᠲᠠ ᠠᠪᠤᠷᠠᠯ ᠤᠨ ᠢᠶᠠᠨ 17 ᠪᠠᠮᠪᠠᠢ ᠶᠢ ᠨᠠᠳᠠ ᠳᠤ ᠰᠣᠶᠣᠷᠬᠠᠭᠰᠠᠨ ᠪᠥᠭᠡᠳ ᠥᠪᠡᠷ ᠦᠨ ᠲᠠᠨᠢ ᠳᠥᠯᠭᠡᠨ ᠪᠠᠢᠳᠠᠯ ᠨᠠᠮᠠᠶᠢ ᠠᠭᠤᠤ ᠪᠣᠯᠭᠠᠨᠠ᠃
37 ᠲᠠ ᠬᠥᠯ ᠳᠣᠣᠷᠠᠬᠢ ᠵᠠᠮ ᠢ ᠮᠢᠨᠢ ᠥᠷᠭᠡᠳᠬᠡᠵᠦ ᠪᠠᠢᠨᠠ ᠬᠥᠯ ᠮᠢᠨᠢ ᠬᠠᠯᠲᠤᠷᠢᠭᠠ ᠦᠭᠡᠢ᠃
38 ᠪᠢ ᠳᠠᠢᠰᠤᠨ ᠨᠤᠭᠤᠳ ᠢᠶᠠᠨ ᠨᠡᠬᠡᠨ ᠬᠥᠭᠡᠭᠡᠵᠦ᠂ ᠤᠰᠠᠳᠬᠠᠭᠰᠠᠨ ᠲᠡᠳᠡᠨ ᠢ ᠰᠥᠨᠥᠭᠡᠬᠦ ᠡᠴᠡ ᠨᠠᠰᠢ ᠡᠷᠭᠢᠭᠰᠡᠨ ᠦᠭᠡᠢ᠃
39 ᠪᠢ ᠲᠡᠳᠡᠨ ᠢ ᠪᠤᠲᠠ ᠴᠣᠬᠢᠭᠰᠠᠨ ᠳᠤ᠂ ᠲᠡᠳᠡ ᠪᠣᠰᠴᠤ ᠴᠢᠳᠠᠭᠰᠠᠨ ᠦᠭᠡᠢ ᠬᠥᠯ ᠳᠣᠣᠷᠠ ᠮᠢᠨᠢ ᠤᠨᠠᠭᠰᠠᠨ ᠪᠠᠢᠪᠠ᠃
40 ᠲᠠ ᠨᠠᠮᠠᠶᠢ ᠲᠤᠯᠤᠯᠳᠤᠭᠠᠨ ᠳᠤ ᠬᠦᠴᠦ ᠴᠢᠳᠠᠯ ᠢᠶᠠᠷ ᠵᠡᠪᠰᠡᠭᠯᠡᠵᠦ ᠮᠢᠨᠦ ᠡᠰᠡᠷᠭᠦ ᠪᠣᠰᠣᠭᠴᠢᠳ ᠢ ᠮᠢᠨᠦ ᠳᠣᠣᠷᠠ ᠪᠥᠬᠥᠢᠯᠭᠡᠪᠡ᠃
41 ᠲᠠ ᠳᠠᠢᠰᠤᠨ ᠨᠤᠭᠤᠳ ᠤᠨ ᠮᠢᠨᠢ ᠨᠢᠷᠤᠭᠤ ᠶᠢ ᠬᠠᠷᠠᠭᠤᠯᠤᠭᠰᠠᠨ ᠪᠢ ᠥᠰᠲᠡᠨ ᠨᠦᠭᠦᠳ ᠢᠶᠡᠨ ᠤᠰᠠᠳᠬᠠᠯᠠ᠃
42 ᠲᠡᠳᠡ ᠬᠠᠰᠬᠢᠷᠤᠭᠰᠠᠨ ᠪᠣᠯᠪᠠᠴᠤ ᠠᠪᠤᠷᠠᠭᠴᠢ ᠠᠯᠠᠭᠠ ᠶᠣᠬᠣᠸᠠ ᠤᠷᠤᠭᠤ ᠬᠠᠰᠬᠢᠷᠤᠭᠰᠠᠨ ᠴᠤ ᠲᠡᠷᠡ ᠬᠠᠷᠢᠭᠤᠯᠤᠭᠠ ᠦᠭᠡᠢ᠃
43 ᠪᠢ ᠲᠡᠳᠡᠨ ᠢ ᠭᠠᠵᠠᠷ ᠤᠨ ᠲᠣᠭᠣᠰᠣ ᠮᠡᠲᠦ ᠨᠣᠨᠳᠠᠭᠯᠠᠨ ᠭᠤᠳᠤᠮᠵᠢᠨ ᠤ ᠰᠢᠪᠠᠬᠠᠢ ᠮᠡᠲᠦ ᠨᠤᠬᠤᠴᠢᠨ ᠳᠡᠪᠰᠡᠯᠡᠨᠡ᠃
44 ᠲᠠ ᠨᠠᠮᠠᠶᠢ ᠠᠷᠠᠳ ᠲᠦᠮᠡᠨ ᠦ ᠮᠢᠨᠢ ᠬᠡᠷᠡᠭᠦᠯ ᠡᠴᠡ ᠭᠡᠲᠦᠯᠭᠡᠵᠦ᠂ ᠨᠠᠮᠠᠶᠢ ᠬᠠᠮᠠᠭᠠᠯᠠᠨ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠦᠨ ᠲᠡᠷᠢᠭᠦᠨ ᠪᠣᠯᠭᠠᠨᠠ ᠮᠢᠨᠦ ᠮᠡᠳᠡᠳᠡᠭ ᠦᠭᠡᠢ ᠠᠷᠠᠳ ᠲᠦᠮᠡᠨ ᠨᠠᠳᠠ ᠳᠤ ᠦᠢᠯᠡᠴᠢᠯᠡᠨᠡ᠂
45 ᠬᠠᠷᠢᠴᠤᠳ ᠨᠠᠳᠠ ᠳᠤ ᠪᠥᠬᠥᠢᠨᠡ ᠮᠢᠨᠦ ᠬᠢ ᠶᠢ ᠰᠣᠨᠣᠰᠣᠩ᠋ᠭᠤᠲᠠ ᠳᠠᠭᠠᠨᠠ᠂
46 ᠬᠠᠷᠢᠴᠤᠳ ᠵᠣᠷᠢᠭ ᠠᠯᠳᠠᠨ ᠰᠢᠯᠲᠦᠭᠡᠨ ᠡᠴᠡ ᠪᠡᠨ ᠴᠡᠴᠡᠷᠡᠨ ᠭᠠᠷᠤᠨᠠ᠃
47 ᠶᠣᠬᠣᠸᠠ ᠠᠮᠢᠳᠤ︕ ᠳᠡᠭᠡᠳᠦᠯᠡᠭᠳᠡᠬᠦ ᠪᠣᠯᠲᠤᠭᠠᠢ᠂ ᠬᠠᠳᠠ ᠮᠢᠨᠢ︕ ᠡᠷᠭᠦᠮᠵᠢᠯᠡᠭᠳᠡᠬᠦ ᠪᠣᠯᠲᠤᠭᠠᠢ᠂ ᠮᠢᠨᠦ ᠠᠪᠤᠷᠠᠯ ᠤᠨ ᠬᠠᠳᠠ ᠪᠣᠯᠬᠤ ᠪᠤᠷᠬᠠᠨ᠂
48 ᠮᠢᠨᠦ ᠲᠥᠯᠥᠭᠡ ᠥᠰᠢᠶᠡ ᠠᠪᠴᠤ ᠮᠢᠨᠦ ᠳᠣᠣᠷᠠ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠢ ᠪᠥᠬᠥᠢᠯᠭᠡᠨ
49 ᠨᠠᠮᠠᠶᠢ ᠳᠠᠢᠰᠤᠨ ᠨᠤᠭᠤᠳ ᠠᠴᠠ ᠮᠢᠨᠢ ᠭᠠᠷᠭᠠᠵᠤ ᠠᠪᠳᠠᠭ ᠪᠤᠷᠬᠠᠨ︕ ᠲᠠ ᠨᠠᠮᠠᠶᠢ ᠡᠰᠡᠷᠭᠦᠴᠡᠭᠴᠢᠳ ᠤᠨ ᠮᠢᠨᠢ ᠳᠡᠭᠡᠷᠡ ᠡᠷᠭᠦᠮᠵᠢᠯᠡᠵᠦ ᠬᠠᠷᠭᠢᠰ ᠬᠥᠮᠦᠨ ᠡᠴᠡ ᠭᠡᠲᠦᠯᠭᠡᠨᠡ᠂
50 ᠲᠡᠢᠮᠦ ᠡᠴᠡ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠦᠨ ᠳᠤᠮᠳᠠ ᠪᠢ ᠶᠣᠬᠣᠸᠠ ᠲᠠᠨ ᠳᠤ ᠲᠠᠯᠠᠷᠬᠠᠨ ᠲᠠᠨ ᠤ ᠨᠡᠷᠡ ᠳᠦ ᠮᠠᠭᠲᠠᠭᠠᠯ ᠡᠷᠭᠦᠨᠡ᠃
51 ᠲᠡᠷᠡ ᠥᠪᠡᠷ ᠦᠨ ᠢᠶᠠᠨ ᠪᠣᠰᠬᠠᠭᠰᠠᠨ ᠬᠠᠭᠠᠨ ᠳᠤ ᠶᠡᠬᠡ ᠢᠯᠠᠯᠲᠠ ᠶᠢ ᠥᠭᠳᠡᠭ ᠪᠥᠭᠡᠳ ᠥᠪᠡᠷ ᠦᠨ ᠢᠶᠠᠨ ᠲᠣᠰᠣᠯᠠᠭᠰᠠᠨ ᠨᠢᠭᠡᠨ ᠳᠦ ᠳ᠋ᠠᠸᠢᠳ᠋ ᠪᠣᠯᠣᠨ ᠲᠡᠭᠦᠨ ᠦ ᠦᠷᠡ ᠤᠳᠤᠮ ᠳᠤ ᠬᠠᠢᠷᠠ ᠡᠨᠡᠷᠢᠯ ᠬᠢᠭᠡᠳ ᠥᠷᠥᠰᠢᠶᠡᠯ ᠢᠶᠡᠨ ᠥᠨᠢ ᠮᠥᠩᠬᠡ ᠦᠵᠡᠭᠦᠯᠳᠡᠭ᠃