ᠶᠣᠱᠦ᠋ᠶᠠ ᠠᠷᠪᠠ
ᠨᠠᠷᠠ ᠲᠣᠭᠲᠠᠭᠰᠠᠨ ᠡᠳᠦᠷ
1 ᠶᠣᠱᠦ᠋ᠶᠠ ᠠᠢ ᠶᠢ ᠡᠵᠡᠯᠡᠵᠦ ᠠᠪᠤᠭᠠᠳ᠂ ᠲᠡᠭᠦᠨ ᠢ ᠪᠦᠷᠢᠮᠦᠰᠦᠨ ᠤᠰᠠᠳᠬᠠᠭᠰᠠᠨ ᠪᠥᠭᠡᠳ ᠶᠧᠷᠢᠺᠣ ᠪᠣᠯᠣᠨ ᠲᠡᠭᠦᠨ ᠦ ᠬᠠᠭᠠᠨ ᠳᠤ ᠦᠢᠯᠡᠳᠦᠭᠰᠡᠨ ᠲᠡᠢ ᠪᠡᠨ ᠠᠳᠠᠯᠢ ᠪᠠᠷ ᠠᠢ ᠪᠣᠯᠣᠨ ᠲᠡᠭᠦᠨ ᠦ ᠬᠠᠭᠠᠨ ᠳᠤ ᠲᠡᠢᠨ ᠬᠦ ᠦᠢᠯᠡᠳᠦᠭᠰᠡᠨ ᠢ᠂ ᠮᠥᠨ ᠭᠢᠪᠧᠶᠣᠨ ᠤ ᠰᠠᠭᠤᠭᠠᠯᠢᠴᠢᠳ ᠢᠰᠷᠧᠯ ᠲᠠᠢ ᠨᠠᠢᠷᠠᠮᠳᠠᠵᠤ᠂ ᠲᠡᠳᠡᠨ ᠦ ᠳᠤᠮᠳᠠ ᠰᠠᠭᠤᠵᠤ ᠪᠠᠢᠭᠠ ᠶᠢ ᠶᠧᠷᠦ᠋ᠰᠠᠯᠧᠮ ᠤᠨ ᠬᠠᠭᠠᠨ ᠠᠳᠣᠨᠢ ᠽᠧᠳᠧᠺ ᠰᠣᠨᠣᠰᠣᠭᠠᠳ 2 ᠶᠡᠬᠡᠳᠡ ᠠᠶᠤᠪᠠ᠃ ᠦᠨᠡᠨ ᠳᠡᠭᠡᠨ ᠭᠢᠪᠧᠶᠣᠨ ᠪᠣᠯ ᠬᠠᠭᠠᠨ ᠤ ᠬᠣᠲᠠ ᠨᠤᠭᠤᠳ ᠤᠨ ᠠᠳᠠᠯᠢ ᠠᠤᠭᠠ ᠲᠣᠮᠣ ᠬᠣᠲᠠ ᠪᠥᠭᠡᠳ ᠠᠢ ᠠᠴᠠ ᠴᠤ ᠲᠣᠮᠣ᠂ ᠡᠷᠡᠴᠦᠳ ᠨᠢ ᠴᠤ ᠪᠦᠭᠦᠳᠡᠭᠡᠷ ᠬᠦᠴᠦᠲᠡᠢ ᠶᠤᠮ᠃ 3 ᠡᠢᠮᠦ ᠡᠴᠡ ᠶᠧᠷᠦ᠋ᠰᠠᠯᠧᠮ ᠤᠨ ᠬᠠᠭᠠᠨ ᠠᠳᠣᠨᠢ ᠽᠧᠳᠧᠺ ᠨᠢ ᠾᠧᠪᠷᠣᠨ ᠤ ᠬᠠᠭᠠᠨ ᠬᠣᠬᠠᠮ᠂ ᠶᠠᠷᠮᠦ᠋ᠲ ᠤᠨ ᠬᠠᠭᠠᠨ ᠫᠢᠷᠠᠮ᠂ ᠯᠠᠺᠢᠱ ᠤᠨ ᠬᠠᠭᠠᠨ ᠶᠠᠹᠢᠶᠠ ᠪᠣᠯᠣᠨ ᠡᠭᠯᠣᠨ ᠤ ᠬᠠᠭᠠᠨ ᠳ᠋ᠧᠪᠢᠷ ᠨᠠᠷ ᠲᠤ ᠬᠡᠯᠡ ᠶᠠᠪᠤᠭᠤᠯᠵᠤ᠄ 4 《ᠨᠠᠰᠢ ᠢᠷᠡᠵᠦ ᠨᠠᠳᠠ ᠳᠤ ᠲᠤᠰᠠᠯᠠᠭᠠᠴᠢ᠂ ᠬᠠᠮᠲᠤ ᠪᠠᠷ ᠭᠢᠪᠧᠶᠣᠨ ᠢ ᠴᠣᠬᠢᠵᠠᠭᠠᠶᠠ᠃ ᠲᠡᠳᠡ ᠶᠣᠱᠦ᠋ᠶᠠ ᠪᠣᠯᠣᠨ ᠢᠰᠷᠧᠯᠴᠦᠳ ᠲᠡᠢ ᠨᠠᠢᠷᠠᠮᠳᠠᠭᠰᠠᠨ ᠪᠠᠢᠨᠠ》 ᠭᠡᠪᠡ᠃ 5 ᠢᠩᠭᠢᠭᠡᠳ ᠠᠮᠣᠷᠢᠴᠤᠳ ᠤᠨ ᠲᠠᠪᠤᠨ ᠬᠠᠭᠠᠨ᠂ ᠲᠤᠬᠠᠢᠯᠠᠪᠠᠯ ᠶᠧᠷᠦ᠋ᠰᠠᠯᠧᠮ᠂ ᠾᠧᠪᠷᠣᠨ᠂ ᠶᠠᠷᠮᠦ᠋ᠲ᠂ ᠯᠠᠺᠢᠱ᠂ ᠡᠭᠯᠣᠨ ᠤ ᠬᠠᠭᠠᠳ ᠬᠠᠮᠲᠤᠷᠠᠨ ᠴᠤᠭᠯᠠᠷᠠᠵᠤ᠂ ᠬᠠᠮᠤᠭ ᠴᠡᠷᠢᠭ ᠲᠠᠢ ᠪᠠᠨ ᠭᠠᠷᠴᠤ ᠢᠷᠡᠭᠡᠳ ᠭᠢᠪᠧᠶᠣᠨ ᠤ ᠬᠠᠷᠠᠯᠳᠤᠭᠠ ᠪᠠᠢᠷᠢᠯᠠᠨ ᠲᠡᠷᠡ ᠬᠣᠲᠠ ᠶᠢ ᠳᠠᠭᠠᠷᠢᠪᠠ᠃
6 ᠭᠢᠪᠧᠶᠣᠨᠴᠤᠳ ᠭᠢᠯᠭᠠᠯ ᠤᠨ ᠬᠤᠸᠠᠷᠠᠨ ᠳᠤ ᠪᠤᠢ ᠶᠣᠱᠦ᠋ᠶᠠ ᠳᠤ ᠬᠡᠯᠡ ᠢᠯᠡᠭᠡᠵᠦ᠄ 《ᠲᠠ ᠵᠠᠷᠤᠴᠠ ᠨᠠᠷ ᠢᠶᠠᠨ ᠬᠠᠶᠠᠭᠠᠨ ᠳᠤᠨᠢ ᠪᠦᠦ ᠬᠠᠶᠠᠭᠠᠴᠢ᠃ ᠳᠠᠷᠤᠢᠬᠠᠨ ᠳᠡᠭᠡᠭᠰᠢ ᠭᠠᠷᠴᠤ ᠢᠷᠡᠭᠡᠳ ᠪᠢᠳᠡᠨ ᠢ ᠠᠪᠤᠷᠠᠨ ᠲᠤᠰᠠᠯᠠᠭᠠᠴᠢ᠂ ᠠᠭᠤᠯᠠᠷᠬᠠᠭ ᠨᠤᠲᠤᠭ ᠲᠠᠢ ᠠᠮᠣᠷᠢᠴᠤᠳ ᠤᠨ ᠪᠦᠬᠦ ᠬᠠᠭᠠᠳ ᠪᠢᠳᠡᠨ ᠦ ᠡᠰᠡᠷᠭᠦ ᠬᠠᠮᠲᠤᠷᠠᠨ ᠴᠤᠭᠯᠠᠷᠠᠵᠤ ᠪᠠᠢᠨᠠ》 ᠭᠡᠬᠦ ᠳᠦ᠂ 7 ᠶᠣᠱᠦ᠋ᠶᠠ ᠪᠦᠬᠦ ᠴᠡᠷᠢᠭ ᠪᠣᠯᠣᠨ ᠪᠦᠬᠦ ᠰᠢᠯᠢᠳᠡᠭ ᠳᠠᠢᠴᠢᠳ ᠲᠠᠢ ᠪᠠᠨ ᠭᠢᠯᠭᠠᠯ ᠠᠴᠠ ᠥᠭᠰᠥᠨ ᠬᠥᠳᠡᠯᠪᠡ᠃ 8 ᠶᠣᠬᠣᠸᠠ ᠶᠣᠱᠦ᠋ᠶᠠ ᠳᠤ ᠠᠢᠯᠠᠳᠤᠨ᠄ 《ᠲᠡᠭᠦᠨ ᠡᠴᠡ ᠪᠦᠦ ᠠᠶᠤ᠃ ᠲᠡᠳᠡᠨ ᠢ ᠪᠢ ᠴᠢᠨᠦ ᠭᠠᠷ ᠲᠤ ᠲᠤᠰᠢᠶᠠᠭᠰᠠᠨ᠃ ᠲᠡᠳᠡᠨ ᠦ ᠭᠠᠭᠴᠠ ᠨᠢ ᠴᠤ ᠴᠢᠨᠦ ᠡᠮᠦᠨᠡ ᠵᠣᠭᠰᠣᠵᠤ ᠴᠢᠳᠠᠬᠤ ᠦᠭᠡᠢ》 ᠭᠡᠪᠡ᠃ 9 ᠶᠣᠱᠦ᠋ᠶᠠ ᠰᠥᠨᠢᠵᠢᠨ ᠭᠢᠯᠭᠠᠯ ᠠᠴᠠ ᠥᠭᠰᠥᠨ ᠶᠠᠪᠤᠭᠰᠠᠭᠠᠷ᠂ ᠲᠡᠳᠡᠨ ᠳᠡᠭᠡᠷᠡ ᠰᠣᠴᠢᠮᠠᠭ ᠬᠦᠷᠪᠡ᠃ 10 ᠶᠣᠬᠣᠸᠠ ᠲᠡᠳᠡᠨ ᠢ ᠢᠰᠷᠧᠯ ᠤᠨ ᠡᠮᠦᠨᠡ ᠪᠠᠯᠮᠠᠭᠳᠠᠭᠤᠯᠤᠭᠰᠠᠨ ᠳᠤ᠂ ᠢᠰᠷᠧᠯ ᠲᠡᠳᠡᠨ ᠢ ᠭᠢᠪᠧᠶᠣᠨ ᠳᠤ ᠦᠢ ᠣᠯᠠᠨ ᠢᠶᠠᠷ ᠰᠥᠨᠥᠭᠡᠭᠰᠡᠨ ᠪᠥᠭᠡᠳ ᠪᠧᠲ ᠾᠣᠷᠣᠨ ᠤᠷᠤᠭᠤ ᠥᠭᠰᠥᠭᠰᠡᠨ ᠵᠠᠮ ᠢᠶᠠᠷ ᠠᠽᠧᠺᠠ ᠪᠣᠯᠣᠨ ᠮᠠᠺᠧᠳᠠ ᠬᠦᠷᠲᠡᠯᠡ ᠨᠡᠬᠡᠵᠦ ᠲᠡᠳᠡᠨ ᠢ ᠴᠣᠬᠢᠵᠠᠢ᠃ 11 ᠲᠡᠳᠡ ᠢᠰᠷᠧᠯᠴᠦᠳ ᠦᠨ ᠡᠮᠦᠨᠡ ᠵᠢᠭᠤᠲᠠᠵᠤ᠂ ᠪᠧᠲ ᠾᠣᠷᠣᠨ ᠤ ᠵᠠᠮ ᠢᠶᠠᠷ ᠠᠽᠧᠺᠠ ᠲᠡᠰᠢ ᠤᠷᠤᠭᠤᠳᠠᠵᠤ ᠪᠠᠢᠬᠤ ᠳᠤᠨᠢ᠂ ᠶᠣᠬᠣᠸᠠ ᠲᠡᠳᠡᠨ ᠦ ᠳᠡᠭᠡᠷᠡ ᠲᠩᠷᠢ ᠡᠴᠡ ᠲᠣᠮᠣ ᠲᠣᠮᠣ ᠴᠢᠯᠠᠭᠤ ᠬᠢᠭᠡᠳ ᠴᠢᠯᠠᠭᠤᠨ ᠮᠥᠨᠳᠥᠷ ᠪᠠᠭᠤᠯᠭᠠᠵᠤ ᠲᠡᠳᠡᠨ ᠢ ᠰᠥᠨᠥᠭᠡᠵᠡᠢ᠃ ᠲᠡᠢᠨ ᠬᠦ ᠴᠢᠯᠠᠭᠤᠨ ᠮᠥᠨᠳᠥᠷ ᠲᠦ ᠦᠬᠦᠭᠰᠡᠳ ᠨᠢ ᠢᠰᠷᠧᠯᠴᠦᠳ ᠦᠨ ᠢᠯᠳᠦᠨ ᠳᠦ ᠠᠯᠠᠭᠳᠠᠭᠰᠠᠳ ᠠᠴᠠ ᠣᠯᠠᠨ ᠪᠠᠢᠯᠠ᠃
12 ᠶᠣᠬᠣᠸᠠ ᠢᠰᠷᠧᠯᠴᠦᠳ ᠲᠦ ᠠᠮᠣᠷᠢᠴᠤᠳ ᠢ ᠲᠤᠰᠢᠶᠠᠭᠰᠠᠨ ᠲᠡᠷᠡ ᠡᠳᠦᠷ ᠶᠣᠱᠦ᠋ᠶᠠ ᠢᠰᠷᠧᠯᠴᠦᠳ ᠦᠨ ᠨᠢᠳᠦᠨ ᠡᠮᠦᠨᠡ ᠶᠣᠬᠣᠸᠠ ᠳᠤ ᠬᠠᠨᠳᠤᠨ᠄ 《ᠨᠠᠷᠠ ᠡ᠂ ᠭᠢᠪᠧᠶᠣᠨ ᠳᠡᠭᠡᠷᠡ ᠰᠠᠷᠠ ᠡ᠂ ᠠᠶᠠᠯᠣᠨ ᠤ ᠬᠥᠨᠳᠡᠢ ᠳᠡᠭᠡᠷᠡ ᠲᠣᠭᠲᠠᠭᠠᠴᠢ》 ᠭᠡᠰᠡᠨ ᠳᠦ᠂
13 ᠠᠷᠠᠳ ᠣᠯᠠᠨ ᠳᠠᠢᠰᠤᠨ ᠠᠴᠠ ᠪᠠᠨ ᠥᠰᠢᠶᠡ ᠪᠡᠨ ᠠᠪᠲᠠᠯᠠ ᠨᠠᠷᠠ ᠲᠣᠭᠲᠠᠵᠤ ᠰᠠᠷᠠ ᠵᠣᠭᠰᠣᠪᠠ᠃ ᠡᠢᠨ ᠬᠦ ᠶᠠᠱᠠᠷ ᠤᠨ ᠨᠣᠮ ᠳᠤ 《ᠨᠠᠷᠠ ᠲᠩᠷᠢ ᠶᠢᠨ ᠭᠣᠣᠯ ᠳᠤ ᠵᠣᠭᠰᠣᠵᠤ᠂ ᠪᠦᠲᠦᠨ ᠡᠳᠦᠷ ᠦᠨ ᠲᠤᠷᠰᠢ ᠵᠢᠷᠭᠠᠬᠤ ᠪᠠᠷ ᠶᠠᠭᠠᠷᠠᠭᠠ ᠦᠭᠡᠢ》 ᠭᠡᠵᠦ ᠪᠢᠴᠢᠭᠳᠡᠭᠰᠡᠨ ᠪᠢᠰᠢ ᠤᠤ︖
14 ᠶᠣᠬᠣᠸᠠ ᠨᠢᠭᠡ ᠬᠥᠮᠦᠨ ᠦ ᠳᠠᠭᠤ ᠶᠢ ᠲᠡᠷᠡ ᠡᠳᠦᠷ ᠮᠡᠲᠦ ᠲᠡᠭᠡᠵᠦ ᠰᠣᠨᠣᠰᠣᠭᠰᠠᠨ ᠨᠢ ᠡᠭᠦᠨ ᠡᠴᠡ ᠤᠷᠢᠳᠤ ᠴᠤ᠂ ᠡᠭᠦᠨ ᠡᠴᠡ ᠬᠣᠢᠰᠢ ᠴᠤ ᠪᠠᠢᠭᠰᠠᠨ ᠦᠭᠡᠢ᠃ ᠦᠨᠡᠬᠡᠷ ᠶᠣᠬᠣᠸᠠ ᠢᠰᠷᠧᠯ ᠤᠨ ᠲᠥᠯᠥᠭᠡ ᠳᠠᠢᠲᠤᠭᠰᠠᠨ ᠶᠤᠮ︕
15 ᠶᠣᠱᠦ᠋ᠶᠠ ᠪᠦᠬᠦ ᠢᠰᠷᠧᠯ ᠲᠠᠢ ᠬᠠᠮᠲᠤ ᠭᠢᠯᠭᠠᠯ ᠳᠠᠬᠢ ᠬᠤᠸᠠᠷᠠᠨ ᠤᠷᠤᠭᠤ ᠪᠠᠨ ᠪᠤᠴᠠᠭᠰᠠᠨ ᠪᠠᠢᠨᠠ᠃
ᠺᠠᠨᠠᠨ ᠤ ᠲᠠᠪᠤᠨ ᠬᠠᠭᠠᠨ ᠤ ᠲᠡᠭᠦᠰᠬᠡᠯ
16 ᠨᠥᠭᠥᠭᠡ ᠲᠠᠪᠤᠨ ᠬᠠᠭᠠᠨ ᠵᠢᠭᠤᠲᠠᠭᠠᠳ ᠮᠠᠺᠧᠳᠠ ᠶᠢᠨ ᠠᠭᠤᠢ ᠳᠤ ᠨᠢᠭᠤᠭᠳᠠᠭᠰᠠᠨ ᠪᠠᠢᠵᠠᠢ᠃ 17 ᠮᠠᠺᠧᠳᠠ ᠶᠢᠨ ᠠᠭᠤᠢ ᠳᠤ ᠨᠢᠭᠤᠭᠳᠠᠵᠤ ᠪᠠᠢᠭᠠ ᠲᠠᠪᠤᠨ ᠬᠠᠭᠠᠨ ᠣᠯᠳᠠᠭᠰᠠᠨ ᠭᠡᠵᠦ ᠬᠡᠨ ᠨᠢᠭᠡ ᠨᠢ ᠶᠣᠱᠦ᠋ᠶᠠ ᠳᠤ ᠳᠤᠭᠤᠯᠭᠠᠭᠰᠠᠨ ᠳᠤ᠄ 18 ᠶᠣᠱᠦ᠋ᠶᠠ᠄ 《ᠲᠣᠮᠣ ᠴᠢᠯᠠᠭᠤ ᠨᠤᠭᠤᠳ ᠢ ᠥᠩᠬᠥᠷᠢᠭᠦᠯᠦᠨ ᠠᠭᠤᠢ ᠶᠢᠨ ᠠᠮᠠ ᠶᠢ ᠬᠠᠭᠠᠵᠤ᠂ ᠳᠡᠷᠭᠡᠳᠡ ᠨᠢ ᠬᠠᠷᠠᠭᠤᠯ ᠲᠠᠯᠪᠢ᠂ 19 ᠬᠠᠷᠢᠨ ᠲᠠ ᠨᠠᠷ ᠰᠠᠭᠠᠲᠠᠯ ᠦᠭᠡᠢ ᠪᠠᠷ ᠳᠠᠢᠰᠤᠨ ᠢᠶᠠᠨ ᠬᠥᠭᠡᠭᠡᠵᠦ᠂ ᠠᠷᠤ ᠠᠴᠠ ᠨᠢ ᠴᠣᠬᠢ᠂ ᠲᠡᠳᠡᠨ ᠢ ᠬᠣᠲᠠ ᠨᠤᠭᠤᠳ ᠲᠤᠨᠢ ᠪᠦᠦ ᠣᠷᠣᠭᠤᠯ᠂ ᠲᠠ ᠨᠠᠷ ᠤᠨ ᠪᠤᠷᠬᠠᠨ ᠶᠣᠬᠣᠸᠠ ᠲᠡᠳᠡᠨ ᠢ ᠭᠠᠷ ᠲᠤ ᠴᠢᠨᠢ ᠲᠤᠰᠢᠶᠠᠭᠰᠠᠨ ᠶᠤᠮ》 ᠭᠡᠯᠡ᠃
20 ᠲᠡᠢᠨ ᠬᠦ ᠶᠣᠱᠦ᠋ᠶᠠ ᠪᠣᠯᠣᠨ ᠢᠰᠷᠧᠯᠴᠦᠳ ᠲᠡᠳᠡᠨ ᠢ ᠬᠢᠶᠠᠷᠠᠲᠠᠯᠠ ᠰᠥᠨᠥᠭᠡᠵᠦ ᠪᠠᠷᠤᠭ ᠤᠰᠠᠳᠬᠠᠵᠠᠢ᠃ ᠬᠠᠷᠢᠨ ᠠᠮᠢᠳᠤ ᠦᠯᠡᠳᠡᠭᠰᠡᠳ ᠨᠢ ᠪᠡᠬᠢᠯᠡᠭᠳᠡᠭᠰᠡᠨ ᠬᠣᠲᠠ ᠨᠤᠭᠤᠳ ᠲᠠᠭᠠᠨ ᠣᠷᠣᠪᠠ᠃ 21 ᠪᠦᠬᠦ ᠴᠡᠷᠢᠭ ᠮᠠᠺᠧᠳᠠ ᠳᠠᠬᠢ ᠬᠤᠸᠠᠷᠠᠨ ᠳᠤ ᠪᠠᠢᠭᠠ ᠶᠣᠱᠦ᠋ᠶᠠ ᠤᠷᠤᠭᠤ ᠠᠮᠤᠷ ᠲᠠᠢᠪᠤᠩ ᠪᠤᠴᠠᠵᠤ ᠢᠷᠡᠭᠰᠡᠨ ᠪᠠᠢᠨᠠ᠃ ᠢᠰᠷᠧᠯ ᠤᠨ ᠥᠭᠡᠳᠡ ᠡᠴᠡ ᠬᠡᠯᠡ ᠠᠮᠠ ᠪᠠᠨ ᠪᠢᠯᠡᠭᠦᠳᠡᠬᠦ ᠬᠥᠮᠦᠨ ᠨᠢᠭᠡ ᠴᠤ ᠠᠯᠠᠭᠠ ᠪᠣᠯᠵᠠᠢ᠃
22 ᠶᠣᠱᠦ᠋ᠶᠠ᠄ 《ᠠᠭᠤᠢ ᠶᠢᠨ ᠠᠮᠠ ᠶᠢ ᠣᠩ᠋ᠭᠣᠢᠯᠭᠠᠵᠤ᠂ ᠲᠠᠪᠤᠨ ᠬᠠᠭᠠᠨ ᠢ ᠨᠠᠳᠠ ᠤᠷᠤᠭᠤ ᠠᠪᠴᠢᠷᠠ》 ᠭᠡᠬᠦ ᠳᠦ᠂ 23 ᠲᠡᠳᠡ ᠠᠭᠤᠢ ᠠᠴᠠ ᠶᠧᠷᠦ᠋ᠰᠠᠯᠧᠮ᠂ ᠾᠧᠪᠷᠣᠨ᠂ ᠶᠠᠷᠮᠦ᠋ᠲ᠂ ᠯᠠᠺᠢᠱ᠂ ᠡᠭᠯᠣᠨ ᠤ ᠲᠠᠪᠤᠨ ᠬᠠᠭᠠᠨ ᠢ ᠲᠡᠭᠦᠨ ᠤᠷᠤᠭᠤ ᠠᠪᠴᠢᠷᠠᠪᠠ᠃ 24 ᠲᠡᠳᠡ ᠬᠠᠭᠠᠳ ᠢ ᠭᠠᠷᠭᠠᠨ ᠶᠣᠱᠦ᠋ᠶᠠ ᠳᠤ ᠠᠪᠴᠢᠷᠠᠬᠤ ᠳᠤ᠂ ᠶᠣᠱᠦ᠋ᠶᠠ ᠪᠦᠬᠦ ᠢᠰᠷᠧᠯ ᠢ ᠳᠠᠭᠤᠳᠠᠪᠠ᠃ ᠶᠣᠱᠦ᠋ᠶᠠ ᠥᠪᠡᠷ ᠲᠡᠢ ᠨᠢ ᠬᠠᠮᠲᠤ ᠶᠠᠪᠤᠭᠰᠠᠨ ᠴᠡᠷᠢᠭ ᠤᠨ ᠵᠠᠩᠵᠤᠨ ᠨᠠᠷ ᠲᠤ᠄ 《ᠣᠢᠷᠠᠲᠤᠨ ᠢᠷᠡᠵᠦ ᠡᠳᠡᠭᠡᠷ ᠬᠠᠭᠠᠨ ᠤ ᠬᠦᠵᠦᠭᠦᠨ ᠳᠡᠭᠡᠷᠡ ᠬᠥᠯ ᠢᠶᠡᠨ ᠲᠠᠯᠪᠢ》 ᠭᠡᠬᠦ ᠳᠦ᠂ ᠲᠡᠳᠡ ᠣᠢᠷᠠᠲᠤᠨ ᠢᠷᠡᠵᠦ᠂ ᠲᠡᠳᠡᠭᠡᠷ ᠬᠠᠭᠠᠨ ᠤ ᠬᠦᠵᠦᠭᠦᠨ ᠳᠡᠭᠡᠷᠡ ᠬᠥᠯ ᠢᠶᠡᠨ ᠲᠠᠯᠪᠢᠯᠠ᠃ 25 ᠶᠣᠱᠦ᠋ᠶᠠ ᠲᠡᠳᠡᠨ ᠳᠦ᠄ 《ᠪᠦᠦ ᠠᠶᠤ᠂ ᠪᠦᠦ ᠰᠢᠨᠲᠠᠷᠠ᠃ ᠲᠤᠤᠱᠲᠠᠢ ᠪᠥᠭᠡᠳ ᠵᠣᠷᠢᠭᠲᠠᠢ ᠪᠠᠢ᠃ ᠲᠠ ᠨᠠᠷ ᠲᠠᠢ ᠳᠠᠢᠲᠤᠬᠤ ᠪᠦᠬᠦ ᠳᠠᠢᠰᠤᠨ ᠢ ᠴᠢᠨᠢ ᠶᠣᠬᠣᠸᠠ ᠢᠩᠭᠢᠬᠦ ᠪᠣᠯᠣᠨᠠ》 ᠭᠡᠵᠦ ᠬᠡᠯᠡᠭᠰᠡᠨ ᠦ ᠳᠠᠷᠠᠭᠠ᠂ 26 ᠲᠡᠳᠡᠨ ᠢ ᠴᠣᠬᠢᠨ ᠠᠯᠠᠵᠤ᠂ ᠲᠠᠪᠤᠨ ᠮᠣᠳᠣᠨ ᠠᠴᠠ ᠳᠡᠭᠦᠵᠢᠯᠡᠪᠡ᠃ ᠲᠡᠳᠡ ᠣᠷᠣᠢ ᠪᠣᠯᠲᠠᠯᠠ ᠮᠣᠳᠣᠨ ᠳᠤ ᠡᠯᠭᠦᠭᠡᠰᠦᠲᠡᠢ ᠪᠠᠢᠯᠠ᠃ 27 ᠨᠠᠷᠠ ᠵᠢᠷᠭᠠᠬᠤ ᠴᠠᠭ ᠪᠣᠯᠬᠤ ᠳᠤ᠂ ᠶᠣᠱᠦ᠋ᠶᠠ ᠵᠠᠷᠯᠢᠭ ᠭᠠᠷᠭᠠᠨ ᠲᠡᠳᠡᠨ ᠢ ᠮᠣᠳᠣᠨ ᠠᠴᠠ ᠪᠠᠭᠤᠯᠭᠠᠵᠤ᠂ ᠨᠢᠭᠤᠭᠳᠠᠵᠤ ᠪᠠᠢᠭᠰᠠᠨ ᠠᠭᠤᠢ ᠳᠤᠨᠢ ᠬᠠᠶᠠᠭᠤᠯᠪᠠ᠃ ᠠᠭᠤᠢ ᠶᠢᠨ ᠠᠮᠠᠨ ᠳᠤ ᠲᠣᠮᠣ ᠴᠢᠯᠠᠭᠤ ᠨᠤᠭᠤᠳ ᠢ ᠲᠠᠯᠪᠢᠭᠰᠠᠨ ᠨᠢ ᠥᠨᠥ ᠬᠦᠷᠲᠡᠯᠡ ᠪᠤᠢ᠃
ᠡᠮᠦᠨᠡᠲᠦ ᠺᠠᠨᠠᠨ ᠢ ᠡᠵᠡᠯᠡᠪᠡ
28 ᠲᠡᠷᠡ ᠡᠳᠦᠷ ᠶᠣᠱᠦ᠋ᠶᠠ ᠮᠠᠺᠧᠳᠠ ᠶᠢ ᠡᠵᠡᠯᠡᠨ ᠠᠪᠴᠤ᠂ ᠲᠡᠷᠡ ᠬᠣᠲᠠ ᠶᠢᠨ ᠬᠢᠨ ᠢ ᠬᠠᠭᠠᠨ ᠲᠠᠢ ᠨᠢ ᠬᠠᠮᠲᠤ ᠢᠯᠳᠦᠨ ᠦ ᠢᠷ ᠢᠶᠠᠷ ᠴᠣᠬᠢᠨ᠂ ᠲᠡᠭᠦᠨ ᠦ ᠳᠣᠲᠣᠷᠠᠬᠢ ᠠᠮᠢ ᠲᠠᠢ ᠪᠦᠭᠦᠳᠡ ᠶᠢ ᠬᠦᠢᠰᠦ ᠲᠡᠮᠲᠡᠷᠢᠵᠦ᠂ ᠨᠢᠭᠡ ᠶᠢ ᠨᠢ ᠴᠤ ᠠᠮᠢᠳᠤ ᠦᠯᠡᠳᠡᠭᠡᠭᠰᠡᠨ ᠦᠭᠡᠢ᠃ ᠲᠡᠷᠡ ᠶᠧᠷᠢᠺᠣ ᠶᠢᠨ ᠬᠠᠭᠠᠨ ᠳᠤ ᠦᠢᠯᠡᠳᠦᠭᠰᠡᠨ ᠲᠡᠢ ᠪᠡᠨ ᠠᠳᠠᠯᠢ ᠮᠠᠺᠧᠳᠠ ᠶᠢᠨ ᠬᠠᠭᠠᠨ ᠳᠤ ᠲᠡᠢᠨ ᠬᠦ ᠦᠢᠯᠡᠳᠴᠡᠢ᠃
29 ᠲᠡᠭᠡᠭᠡᠳ ᠶᠣᠱᠦ᠋ᠶᠠ ᠪᠦᠬᠦ ᠢᠰᠷᠧᠯ ᠲᠠᠢ ᠬᠠᠮᠲᠤ ᠮᠠᠺᠧᠳᠠ ᠠᠴᠠ ᠯᠢᠪᠨᠠ ᠤᠷᠤᠭᠤ ᠶᠠᠪᠤᠵᠤ᠂ ᠯᠢᠪᠨᠠᠴᠤᠳ ᠲᠠᠢ ᠪᠠᠢᠯᠳᠤᠪᠠ᠃ 30 ᠶᠣᠬᠣᠸᠠ ᠲᠡᠷᠡ ᠬᠣᠲᠠ ᠶᠢ ᠴᠤ ᠬᠠᠭᠠᠨ ᠲᠠᠢ ᠨᠢ ᠬᠠᠮᠲᠤ ᠢᠰᠷᠧᠯ ᠤᠨ ᠭᠠᠷ ᠲᠤ ᠲᠤᠰᠢᠶᠠᠭᠰᠠᠨ ᠳᠤ᠂ ᠶᠣᠱᠦ᠋ᠶᠠ ᠲᠡᠷᠡ ᠬᠣᠲᠠ ᠶᠢ ᠲᠡᠭᠦᠨ ᠦ ᠳᠣᠲᠣᠷᠠᠬᠢ ᠠᠮᠢ ᠲᠠᠢ ᠪᠦᠬᠦᠨ ᠲᠡᠢ ᠨᠢ ᠬᠠᠮᠲᠤ ᠢᠯᠳᠦᠨ ᠦ ᠢᠷ ᠢᠶᠠᠷ ᠴᠣᠬᠢᠵᠤ᠂ ᠨᠢᠭᠡ ᠶᠢ ᠨᠢ ᠴᠤ ᠠᠮᠢᠳᠤ ᠦᠯᠡᠳᠡᠭᠡᠭᠰᠡᠨ ᠦᠭᠡᠢ᠃ ᠲᠡᠷᠡ ᠶᠧᠷᠢᠺᠣ ᠶᠢᠨ ᠬᠠᠭᠠᠨ ᠳᠤ ᠦᠢᠯᠡᠳᠦᠭᠰᠡᠨ ᠲᠡᠢ ᠪᠡᠨ ᠠᠳᠠᠯᠢ ᠪᠠᠷ ᠡᠨᠡ ᠬᠣᠲᠠ ᠶᠢᠨ ᠬᠠᠭᠠᠨ ᠳᠤ ᠴᠤ ᠲᠡᠢᠨ ᠬᠦ ᠦᠢᠯᠡᠳᠪᠡ᠃
31 ᠲᠡᠭᠡᠭᠡᠳ ᠶᠣᠱᠦ᠋ᠶᠠ ᠪᠦᠬᠦ ᠢᠰᠷᠧᠯ ᠲᠠᠢ ᠬᠠᠮᠲᠤ ᠯᠢᠪᠨᠠ ᠠᠴᠠ ᠯᠠᠺᠢᠱ ᠤᠷᠤᠭᠤ ᠶᠠᠪᠤᠵᠤ᠂ ᠳᠡᠷᠭᠡᠳᠡ ᠨᠢ ᠪᠠᠭᠤᠳᠠᠯᠯᠠᠭᠠᠳ ᠲᠡᠷᠡ ᠬᠣᠲᠠ ᠶᠢ ᠳᠠᠭᠠᠷᠢᠪᠠ᠃ 32 ᠶᠣᠬᠣᠸᠠ ᠯᠠᠺᠢᠱ ᠢ ᠢᠰᠷᠧᠯ ᠤᠨ ᠭᠠᠷ ᠲᠤ ᠲᠤᠰᠢᠶᠠᠭᠰᠠᠨ ᠳᠤ᠂ ᠶᠣᠱᠦ᠋ᠶᠠ ᠲᠡᠭᠦᠨ ᠢ ᠬᠣᠶᠠᠳᠠᠬᠢ ᠡᠳᠦᠷ ᠨᠢ ᠡᠵᠡᠯᠡᠨ ᠠᠪᠴᠤ᠂ ᠲᠡᠷᠡ ᠬᠣᠲᠠ ᠶᠢ ᠲᠡᠭᠦᠨ ᠦ ᠳᠣᠲᠣᠷᠠᠬᠢ ᠠᠮᠢ ᠲᠠᠢ ᠪᠦᠭᠦᠳᠡ ᠲᠠᠢ ᠨᠢ ᠬᠠᠮᠲᠤ ᠯᠢᠪᠨᠠ ᠳᠤ ᠦᠢᠯᠡᠳᠦᠭᠰᠡᠨ ᠲᠡᠢ ᠪᠡᠨ ᠠᠳᠠᠯᠢ ᠪᠠᠷ ᠢᠯᠳᠦᠨ ᠦ ᠢᠷ ᠢᠶᠠᠷ ᠴᠣᠬᠢᠪᠠ᠃
33 ᠲᠡᠷᠡ ᠦᠶᠡ ᠳᠦ ᠭᠧᠽᠧᠷ ᠤᠨ ᠬᠠᠭᠠᠨ ᠬᠣᠷᠠᠮ ᠯᠠᠺᠢᠱ ᠲᠤ ᠲᠤᠰᠠᠯᠠᠬᠤ ᠪᠠᠷ ᠢᠷᠡᠭᠰᠡᠨ ᠪᠣᠯᠪᠠᠴᠤ ᠶᠣᠱᠦ᠋ᠶᠠ ᠲᠡᠭᠦᠨ ᠢ ᠴᠡᠷᠢᠭ ᠲᠠᠢ ᠨᠢ ᠬᠠᠮᠲᠤ ᠴᠣᠬᠢᠵᠤ᠂ ᠨᠢᠭᠡ ᠶᠢ ᠨᠢ ᠴᠤ ᠠᠮᠢᠳᠤ ᠦᠯᠡᠳᠡᠭᠡᠭᠰᠡᠨ ᠦᠭᠡᠢ᠃
34 ᠲᠡᠭᠡᠭᠡᠳ ᠶᠣᠱᠦ᠋ᠶᠠ ᠪᠦᠬᠦ ᠢᠰᠷᠧᠯ ᠲᠠᠢ ᠬᠠᠮᠲᠤ ᠯᠠᠺᠢᠱ ᠡᠴᠡ ᠡᠭᠯᠣᠨ ᠤᠷᠤᠭᠤ ᠶᠠᠪᠤᠵᠤ᠂ ᠳᠡᠷᠭᠡᠳᠡ ᠨᠢ ᠪᠠᠭᠤᠳᠠᠯᠯᠠᠭᠠᠳ ᠲᠡᠷᠡ ᠬᠣᠲᠠ ᠶᠢ ᠳᠠᠭᠠᠷᠢᠪᠠ᠃ 35 ᠲᠡᠳᠡ ᠲᠤᠰ ᠬᠣᠲᠠ ᠶᠢ ᠲᠡᠷᠡ ᠡᠳᠦᠷ ᠲᠡᠭᠡᠨ ᠡᠵᠡᠯᠡᠨ ᠠᠪᠴᠤ᠂ ᠢᠯᠳᠦᠨ ᠦ ᠢᠷ ᠢᠶᠠᠷ ᠴᠣᠬᠢᠵᠤ᠂ ᠯᠠᠺᠢᠱ ᠲᠤ ᠦᠢᠯᠡᠳᠦᠭᠰᠡᠨ ᠲᠡᠢ ᠪᠡᠨ ᠠᠳᠠᠯᠢ ᠪᠠᠷ ᠬᠣᠲᠠ ᠶᠢᠨ ᠳᠣᠲᠣᠷᠠᠬᠢ ᠠᠮᠢ ᠲᠠᠢ ᠪᠦᠭᠦᠳᠡ ᠶᠢ ᠬᠦᠢᠰᠦ ᠲᠡᠮᠲᠡᠷᠢᠪᠡ᠃
36 ᠲᠡᠭᠡᠭᠡᠳ ᠶᠣᠱᠦ᠋ᠶᠠ ᠪᠦᠬᠦ ᠢᠰᠷᠧᠯ ᠲᠠᠢ ᠬᠠᠮᠲᠤ ᠡᠭᠯᠣᠨ ᠠᠴᠠ ᠾᠧᠪᠷᠣᠨ ᠤᠷᠤᠭᠤ ᠣᠴᠢᠵᠤ᠂ ᠲᠡᠭᠦᠨ ᠦ ᠡᠰᠡᠷᠭᠦ ᠳᠠᠢᠲᠤᠪᠠ᠃ 37 ᠲᠡᠳᠡ ᠬᠣᠲᠠ ᠶᠢ ᠡᠵᠡᠯᠡᠨ ᠠᠪᠴᠤ᠂ ᠲᠡᠷᠡ ᠬᠣᠲᠠ ᠶᠢ ᠲᠡᠭᠦᠨ ᠦ ᠬᠠᠭᠠᠨ᠂ ᠪᠦᠬᠦ ᠲᠣᠰᠬᠣᠨ ᠪᠣᠯᠣᠨ ᠲᠡᠳᠡᠭᠡᠷ ᠦᠨ ᠳᠣᠲᠣᠷᠠᠬᠢ ᠠᠮᠢ ᠲᠠᠢ ᠪᠦᠬᠦᠨ ᠲᠡᠢ ᠨᠢ ᠬᠠᠮᠲᠤ ᠢᠯᠳᠦᠨ ᠦ ᠢᠷ ᠢᠶᠠᠷ ᠴᠣᠬᠢᠵᠤ᠂ ᠨᠢᠭᠡ ᠶᠢ ᠨᠢ ᠴᠤ ᠠᠮᠢᠳᠤ ᠦᠯᠡᠳᠡᠭᠡᠭᠰᠡᠨ ᠦᠭᠡᠢ᠃ ᠲᠡᠳᠡ ᠡᠭᠯᠣᠨ ᠳᠤ ᠦᠢᠯᠡᠳᠦᠭᠰᠡᠨ ᠲᠡᠢ ᠪᠡᠨ ᠠᠳᠠᠯᠢ ᠪᠠᠷ ᠲᠡᠷᠡ ᠬᠣᠲᠠ ᠶᠢ ᠲᠡᠭᠦᠨ ᠦ ᠳᠣᠲᠣᠷᠠᠬᠢ ᠪᠦᠭᠦᠳᠡ ᠲᠠᠢ ᠨᠢ ᠬᠠᠮᠲᠤ ᠬᠦᠢᠰᠦ ᠲᠡᠮᠲᠡᠷᠢᠪᠡ᠃
38 ᠲᠡᠭᠡᠭᠡᠳ ᠶᠣᠱᠦ᠋ᠶᠠ ᠪᠦᠬᠦ ᠢᠰᠷᠧᠯ ᠲᠠᠢ ᠬᠠᠮᠲᠤ ᠳ᠋ᠧᠪᠢᠷ ᠤᠷᠤᠭᠤ ᠪᠤᠴᠠᠵᠤ᠂ ᠲᠡᠭᠦᠨ ᠦ ᠡᠰᠡᠷᠭᠦ ᠳᠠᠢᠲᠤᠪᠠ᠃ 39 ᠲᠡᠳᠡ ᠬᠣᠲᠠ ᠶᠢ ᠡᠵᠡᠯᠡᠨ ᠠᠪᠴᠤ᠂ ᠬᠠᠭᠠᠨ ᠪᠣᠯᠣᠨ ᠪᠦᠬᠦ ᠲᠣᠰᠬᠣᠨ ᠤ ᠬᠢᠨ ᠢ ᠢᠯᠳᠦᠨ ᠦ ᠢᠷ ᠢᠶᠠᠷ ᠴᠣᠬᠢᠨ᠂ ᠲᠡᠭᠦᠨ ᠦ ᠳᠣᠲᠣᠷᠠᠬᠢ ᠠᠮᠢ ᠲᠠᠢ ᠪᠦᠭᠦᠳᠡ ᠶᠢ ᠬᠦᠢᠰᠦ ᠲᠡᠮᠲᠡᠷᠢᠵᠦ ᠨᠢᠭᠡ ᠶᠢ ᠨᠢ ᠴᠤ ᠠᠮᠢᠳᠤ ᠦᠯᠡᠳᠡᠭᠡᠭᠰᠡᠨ ᠦᠭᠡᠢ᠃ ᠲᠡᠳᠡ ᠾᠧᠪᠷᠣᠨ᠂ ᠯᠢᠪᠨᠠ ᠪᠣᠯᠣᠨ ᠲᠡᠭᠦᠨ ᠦ ᠬᠠᠭᠠᠨ ᠳᠤ ᠦᠢᠯᠡᠳᠦᠭᠰᠡᠨ ᠲᠡᠢ ᠪᠡᠨ ᠠᠳᠠᠯᠢ ᠪᠠᠷ ᠳ᠋ᠧᠪᠢᠷ ᠪᠣᠯᠣᠨ ᠲᠡᠭᠦᠨ ᠦ ᠬᠠᠭᠠᠨ ᠳᠤ ᠮᠥᠨ ᠲᠡᠢᠨ ᠬᠦ ᠦᠢᠯᠡᠳᠪᠡ᠃
40 ᠡᠢᠨ ᠬᠦ ᠶᠣᠱᠦ᠋ᠶᠠ ᠠᠭᠤᠯᠠᠷᠬᠠᠭ ᠨᠤᠲᠤᠭ᠂ ᠡᠮᠦᠨᠡᠲᠦ ᠪᠦᠰᠡ᠂ ᠥᠷᠥᠨᠡ ᠶᠢᠨ ᠳᠣᠪᠣ ᠲᠣᠯᠣᠭᠠᠳ᠂ ᠮᠥᠨ ᠠᠭᠤᠯᠠ ᠶᠢᠨ ᠨᠠᠯᠠᠤ ᠪᠡᠯ ᠵᠡᠷᠭᠡ ᠪᠦᠬᠦ ᠨᠤᠲᠤᠭ ᠤᠨ ᠬᠢᠨ ᠢ ᠬᠠᠭᠠᠳ ᠲᠠᠢ ᠨᠢ ᠬᠠᠮᠲᠤ ᠪᠤᠲᠠ ᠴᠣᠬᠢᠵᠤ᠂ ᠨᠢᠭᠡ ᠶᠢ ᠨᠢ ᠴᠤ ᠠᠮᠢᠳᠤ ᠦᠯᠡᠳᠡᠭᠡᠭᠰᠡᠨ ᠦᠭᠡᠢ᠂ ᠢᠰᠷᠧᠯ ᠤᠨ ᠪᠤᠷᠬᠠᠨ ᠶᠣᠬᠣᠸᠠ ᠶᠢᠨ ᠲᠤᠰᠢᠶᠠᠭᠰᠠᠨ ᠶᠣᠰᠣᠭᠠᠷ ᠲᠡᠷᠡ ᠠᠮᠢᠰᠬᠤᠯ ᠲᠠᠢ ᠪᠦᠬᠦᠨ ᠢ ᠨᠢ ᠬᠦᠢᠰᠦ ᠲᠡᠮᠲᠡᠷᠢᠪᠡ᠃ 41 ᠶᠣᠱᠦ᠋ᠶᠠ ᠺᠠᠳᠧᠱ ᠪᠠᠷᠨᠧᠶᠠ ᠠᠴᠠ ᠭᠠᠽᠠ ᠬᠦᠷᠲᠡᠯᠡ᠂ ᠮᠥᠨ ᠭᠣᠱᠧᠨ ᠤ ᠪᠦᠬᠦ ᠨᠤᠲᠤᠭ ᠢᠶᠠᠷ ᠳᠠᠭᠠᠷᠢᠨ ᠭᠢᠪᠧᠶᠣᠨ ᠬᠦᠷᠲᠡᠯᠡ ᠳᠣᠪᠲᠣᠯᠵᠤ ᠴᠣᠬᠢᠭᠰᠠᠨ ᠪᠠᠢᠯᠠ᠃ 42 ᠢᠰᠷᠧᠯ ᠤᠨ ᠪᠤᠷᠬᠠᠨ ᠶᠣᠬᠣᠸᠠ ᠢᠰᠷᠧᠯ ᠤᠨ ᠲᠥᠯᠥᠭᠡ ᠳᠠᠢᠲᠤᠳᠠᠭ ᠪᠠᠢᠭᠰᠠᠨ ᠲᠤᠯᠠ ᠶᠣᠱᠦ᠋ᠶᠠ ᠲᠡᠳᠡᠭᠡᠷ ᠪᠦᠬᠦ ᠬᠠᠭᠠᠨ ᠪᠣᠯᠣᠨ ᠲᠡᠳᠡᠨ ᠦ ᠨᠤᠲᠤᠭ ᠢ ᠨᠢᠭᠡ ᠯᠠ ᠳᠣᠣᠷᠠ ᠡᠵᠡᠯᠡᠪᠡ᠃ 43 ᠶᠣᠱᠦ᠋ᠶᠠ ᠪᠦᠬᠦ ᠢᠰᠷᠧᠯ ᠤᠨ ᠬᠠᠮᠲᠤ ᠭᠢᠯᠭᠠᠯ ᠳᠠᠬᠢ ᠬᠤᠸᠠᠷᠠᠨ ᠤᠷᠤᠭᠤ ᠪᠠᠨ ᠪᠤᠴᠠᠯᠠ᠃