ᠶᠣᠱᠦ᠋ᠶᠠ ᠠᠷᠪᠠᠨ ᠨᠢᠭᠡ
ᠤᠮᠠᠷᠠᠲᠤ ᠺᠠᠨᠠᠨ ᠢ ᠡᠵᠡᠯᠡᠪᠡ
1 ᠬᠠᠽᠣᠷ ᠤᠨ ᠬᠠᠭᠠᠨ ᠶᠠᠪᠢᠨ ᠡᠭᠦᠨ ᠢ ᠰᠣᠨᠣᠰᠣᠭᠠᠳ᠂ ᠬᠠᠭᠠᠳ ᠲᠤ ᠬᠡᠯᠡ ᠢᠯᠡᠭᠡᠪᠡ᠃ ᠲᠤᠬᠠᠢᠯᠠᠪᠠᠯ᠂ ᠮᠠᠳᠣᠨ ᠤ ᠬᠠᠭᠠᠨ ᠶᠣᠪᠠᠪ ᠪᠣᠯᠣᠨ ᠱᠢᠮᠷᠣᠨ ᠤ ᠬᠠᠭᠠᠨ᠂ ᠠᠺᠱᠠᠹ ᠤᠨ ᠬᠠᠭᠠᠨ ᠬᠢᠭᠡᠳ 2 ᠤᠮᠠᠷᠠᠲᠤ ᠶᠢᠨ ᠠᠭᠤᠯᠠᠷᠬᠠᠭ ᠨᠤᠲᠤᠭ᠂ ᠾᠢᠨᠨᠧᠷᠣᠲ ᠤᠨ ᠡᠮᠦᠨᠡᠬᠢ ᠲᠠᠯᠠ ᠭᠠᠵᠠᠷ᠂ ᠥᠷᠥᠨᠡ ᠶᠢᠨ ᠳᠣᠪᠣ ᠲᠣᠯᠣᠭᠠᠳ ᠪᠠ ᠳ᠋ᠣᠷ ᠥᠨᠳᠥᠷᠯᠢᠭ ᠲᠤ ᠪᠠᠢᠭᠠ ᠬᠠᠭᠠᠳ᠂ 3 ᠪᠠᠰᠠ ᠥᠷᠥᠨᠡ ᠪᠠ ᠳᠣᠷᠣᠨᠠ ᠵᠦᠭ ᠦᠨ ᠺᠠᠨᠠᠨᠴᠤᠳ᠂ ᠮᠥᠨ ᠠᠭᠤᠯᠠᠷᠬᠠᠭ ᠨᠤᠲᠤᠭ ᠤᠨ ᠠᠮᠣᠷᠢᠴᠤᠳ᠂ ᠾᠢᠲ᠋ᠴᠦᠳ᠂ ᠫᠧᠷᠢᠽᠴᠦᠳ᠂ ᠶᠧᠪᠦ᠋ᠰᠴᠦᠳ ᠪᠣᠯᠣᠨ ᠮᠢᠽᠫᠠ ᠨᠤᠲᠤᠭ ᠤᠨ ᠾᠧᠷᠮᠣᠨ ᠤ ᠬᠣᠷᠮᠣᠢ ᠳᠤ ᠪᠠᠢᠭᠠ ᠾᠢᠸᠢᠴᠦᠳ ᠤᠷᠤᠭᠤ ᠬᠡᠯᠡ ᠢᠯᠡᠭᠡᠪᠡ᠃ 4 ᠲᠡᠳᠡ ᠪᠦᠬᠦ ᠴᠡᠷᠢᠭ ᠢᠶᠠᠨ ᠳᠠᠢᠴᠢᠯᠠᠭᠰᠠᠨ ᠳᠤ᠂ ᠲᠣᠭᠠ ᠨᠢ ᠳᠠᠯᠠᠢ ᠶᠢᠨ ᠬᠥᠪᠡᠭᠡᠨ ᠦ ᠡᠯᠡᠰᠦ ᠰᠢᠭ ᠦᠢ ᠣᠯᠠᠨ ᠪᠥᠭᠡᠳ ᠮᠣᠷᠢ ᠪᠠ ᠲᠡᠷᠭᠡ ᠴᠤ ᠮᠠᠰᠢ ᠣᠯᠠᠨ ᠪᠠᠢᠯᠠ᠃ 5 ᠡᠳᠡᠭᠡᠷ ᠪᠦᠬᠦ ᠬᠠᠭᠠᠨ ᠬᠠᠮᠲᠤᠷᠠᠨ ᠴᠤᠭᠯᠠᠭᠠᠳ ᠢᠰᠷᠧᠯ ᠲᠠᠢ ᠳᠠᠢᠲᠤᠬᠤ ᠪᠠᠷ ᠭᠠᠷᠴᠤ ᠢᠷᠡᠭᠡᠳ ᠮᠧᠷᠣᠮ ᠤᠨ ᠤᠰᠤᠨ ᠤ ᠬᠠᠵᠠᠭᠤ ᠳᠤ ᠬᠠᠮᠲᠤ ᠳᠠᠭᠠᠨ ᠪᠠᠭᠤᠳᠠᠯᠯᠠᠪᠠ᠃
6 ᠶᠣᠬᠣᠸᠠ ᠶᠣᠱᠦ᠋ᠶᠠ ᠳᠤ᠄ 《ᠲᠡᠳᠡᠨ ᠡᠴᠡ ᠪᠦᠦ ᠠᠶᠤ᠃ ᠪᠢ ᠥᠪᠡᠷ ᠢᠶᠡᠨ ᠲᠡᠳᠡᠨ ᠢ ᠦᠬᠦᠳᠡᠯ ᠪᠣᠯᠭᠠᠵᠤ᠂ ᠮᠠᠷᠭᠠᠰᠢ ᠶᠢᠨ ᠡᠳᠦᠢ ᠳᠦ ᠢᠰᠷᠧᠯ ᠤᠨ ᠡᠮᠦᠨᠡ ᠪᠦᠭᠦᠳᠡ ᠶᠢ ᠨᠢ ᠲᠤᠰᠢᠶᠠᠵᠤ ᠥᠭᠭᠥᠶᠡ᠃ ᠲᠠ ᠨᠠᠷ ᠮᠣᠷᠢᠳ ᠤᠨ ᠬᠢᠨᠢ ᠰᠢᠷᠪᠥᠰᠥ ᠶᠢ ᠲᠠᠰᠤᠯᠵᠤ᠂ ᠲᠡᠷᠭᠡ ᠨᠦᠭᠦᠳ ᠢ ᠨᠢ ᠭᠠᠯ ᠳᠤ ᠰᠢᠲᠠᠭᠠ》 ᠭᠡᠯᠡ᠃ 7 ᠡᠢᠨ ᠬᠦ ᠶᠣᠱᠦ᠋ᠶᠠ ᠬᠠᠮᠤᠭ ᠴᠡᠷᠢᠭ ᠲᠠᠢ ᠪᠠᠨ ᠬᠠᠮᠲᠤ ᠮᠧᠷᠣᠮ ᠤᠨ ᠤᠰᠤᠨ ᠤ ᠳᠡᠷᠭᠡᠳᠡ ᠭᠡᠨᠡᠳᠲᠡ ᠭᠠᠷᠴᠤ ᠢᠷᠡᠭᠡᠳ ᠲᠡᠳᠡᠨ ᠤᠷᠤᠭᠤ ᠳᠣᠪᠲᠣᠯᠪᠠ᠃ 8 ᠶᠣᠬᠣᠸᠠ ᠲᠡᠳᠡᠨ ᠢ ᠢᠰᠷᠧᠯ ᠤᠨ ᠭᠠᠷ ᠲᠤ ᠲᠤᠰᠢᠶᠠᠭᠰᠠᠨ ᠢᠶᠠᠷ ᠢᠰᠷᠧᠯ ᠲᠡᠳᠡᠨ ᠢ ᠪᠤᠲᠠ ᠴᠣᠬᠢᠨ ᠮᠥᠰᠬᠢᠵᠦ᠂ ᠶᠡᠬᠡ ᠰᠢᠢᠳᠣᠨ᠂ ᠮᠢᠰᠷᠧᠹᠣᠲ ᠭᠣᠷᠣᠬᠠ ᠪᠣᠯᠣᠨ ᠳᠣᠷᠣᠨᠠ ᠵᠦᠭ ᠦᠨ ᠮᠢᠽᠫᠠ ᠶᠢᠨ ᠬᠥᠨᠳᠡᠢ ᠬᠦᠷᠲᠡᠯᠡ ᠬᠥᠭᠡᠭᠡᠵᠦ᠂ ᠲᠡᠳᠡᠨ ᠢ ᠴᠣᠬᠢᠨ ᠨᠢᠭᠡ ᠶᠢ ᠨᠢ ᠴᠤ ᠠᠮᠢᠳᠤ ᠦᠯᠡᠳᠡᠭᠡᠭᠰᠡᠨ ᠦᠭᠡᠢ᠃ 9 ᠶᠣᠱᠦ᠋ᠶᠠ ᠶᠣᠬᠣᠸᠠ ᠶᠢᠨ ᠥᠪᠡᠷ ᠲᠤᠨᠢ ᠠᠢᠯᠠᠳᠤᠭᠰᠠᠨ ᠶᠣᠰᠣᠭᠠᠷ ᠲᠡᠳᠡᠨ ᠳᠦ ᠦᠢᠯᠡᠳᠴᠦ᠂ ᠮᠣᠷᠢᠳ ᠤᠨ ᠬᠢᠨᠢ ᠰᠢᠷᠪᠥᠰᠥ ᠶᠢ ᠲᠠᠰᠤᠯᠤᠨ᠂ ᠲᠡᠷᠭᠡ ᠨᠦᠭᠦᠳ ᠢ ᠨᠢ ᠭᠠᠯ ᠳᠤ ᠰᠢᠲᠠᠭᠠᠯᠠ᠃
10 ᠶᠣᠱᠦ᠋ᠶᠠ ᠪᠤᠴᠠᠬᠤ ᠳᠠᠭᠠᠨ ᠬᠠᠽᠣᠷ ᠢ ᠡᠵᠡᠯᠡᠨ ᠠᠪᠴᠤ᠂ ᠬᠠᠭᠠᠨ ᠢ ᠨᠢ ᠢᠯᠳᠦ ᠪᠡᠷ ᠴᠣᠬᠢᠪᠠ᠃ ᠬᠠᠽᠣᠷ ᠤᠤᠯ ᠨᠢ ᠲᠡᠳᠡᠭᠡᠷ ᠪᠦᠬᠦ ᠬᠠᠭᠠᠨᠴᠢᠯᠠᠯ ᠤᠨ ᠲᠣᠯᠣᠭᠠᠢᠯᠠᠭᠴᠢ ᠪᠠᠢᠵᠠᠢ᠃ 11 ᠲᠡᠳᠡ ᠬᠣᠲᠠ ᠳᠣᠲᠣᠷᠠᠬᠢ ᠪᠦᠭᠦᠳᠡ ᠶᠢ ᠢᠯᠳᠦᠨ ᠦ ᠢᠷ ᠢᠶᠠᠷ ᠴᠣᠬᠢᠨ ᠠᠮᠢᠰᠬᠤᠯ ᠲᠠᠢ ᠪᠦᠬᠦᠨ ᠢ ᠦᠯᠡᠳᠡᠭᠡᠯ ᠦᠭᠡᠢ ᠬᠦᠢᠰᠦ ᠲᠡᠮᠲᠡᠷᠢᠵᠦ᠂ ᠬᠠᠽᠣᠷ ᠢ ᠭᠠᠯᠳᠠᠨ ᠰᠢᠲᠠᠭᠠᠪᠠ᠃ 12 ᠶᠣᠱᠦ᠋ᠶᠠ ᠲᠡᠳᠡᠭᠡᠷ ᠬᠠᠭᠠᠨ ᠤ ᠪᠦᠬᠦ ᠬᠣᠲᠠ ᠶᠢ ᠬᠠᠭᠠᠳ ᠲᠠᠢ ᠨᠢ ᠬᠠᠮᠲᠤ ᠡᠵᠡᠯᠡᠨ ᠠᠪᠴᠤ᠂ ᠲᠡᠳᠡᠨ ᠢ ᠢᠯᠳᠦᠨ ᠦ ᠢᠷ ᠢᠶᠠᠷ ᠴᠣᠬᠢᠨ ᠬᠦᠢᠰᠦ ᠲᠡᠮᠲᠡᠷᠢᠭᠰᠡᠨ ᠨᠢ ᠶᠣᠬᠣᠸᠠ ᠶᠢᠨ ᠵᠠᠷᠤᠴᠠ ᠮᠣᠰᠧ ᠶᠢᠨ ᠲᠤᠰᠢᠶᠠᠭᠰᠠᠨ ᠶᠣᠰᠣᠭᠠᠷ ᠪᠣᠯᠵᠠᠢ᠃ 13 ᠭᠡᠬᠦ ᠳᠡᠭᠡᠨ ᠢᠰᠷᠧᠯ ᠳᠣᠪᠣ ᠲᠣᠯᠣᠭᠠᠳ ᠳᠡᠭᠡᠷᠡᠬᠢ ᠬᠣᠲᠠ ᠨᠤᠭᠤᠳ ᠢ ᠰᠢᠲᠠᠭᠠᠭᠰᠠᠨ ᠦᠭᠡᠢ᠃ ᠶᠣᠱᠦ᠋ᠶᠠ ᠭᠠᠭᠴᠠ ᠬᠦ ᠬᠠᠽᠣᠷ ᠢ ᠯᠠ ᠰᠢᠲᠠᠭᠠᠭᠰᠠᠨ ᠶᠤᠮ᠃ 14 ᠢᠰᠷᠧᠯᠴᠦᠳ ᠡᠳᠡᠭᠡᠷ ᠬᠣᠲᠠ ᠶᠢᠨ ᠠᠯᠢᠪᠠ ᠡᠳ᠋ ᠬᠥᠷᠥᠩᠭᠡ ᠪᠣᠯᠣᠨ ᠮᠠᠯ ᠰᠦᠷᠦᠭ ᠢ ᠥᠪᠡᠷᠰᠡᠳ ᠲᠡᠭᠡᠨ ᠣᠯᠵᠠ ᠪᠣᠯᠭᠠᠨ ᠠᠪᠤᠭᠰᠠᠨ ᠪᠣᠯᠪᠠᠴᠤ ᠪᠦᠬᠦ ᠬᠥᠮᠦᠨ ᠢ ᠨᠢ ᠢᠯᠳᠦᠨ ᠦ ᠢᠷ ᠢᠶᠠᠷ ᠴᠣᠬᠢᠨ ᠤᠰᠠᠳᠬᠠᠵᠤ᠂ ᠨᠢᠭᠡ ᠶᠢ ᠨᠢ ᠴᠤ ᠠᠮᠢᠰᠬᠤᠯ ᠲᠠᠢ ᠦᠯᠡᠳᠡᠭᠡᠭᠡ ᠦᠭᠡᠢ᠃ 15 ᠶᠣᠬᠣᠸᠠ ᠶᠢᠨ ᠵᠠᠷᠤᠴᠠ ᠮᠣᠰᠧ ᠳᠡᠭᠡᠨ ᠲᠤᠰᠢᠶᠠᠭᠰᠠᠨ ᠤ ᠠᠳᠠᠯᠢ ᠮᠣᠰᠧ ᠶᠣᠱᠦ᠋ᠶᠠ ᠳᠤ ᠲᠤᠰᠢᠶᠠᠵᠤ᠂ ᠶᠣᠱᠦ᠋ᠶᠠ ᠲᠡᠷᠡ ᠶᠣᠰᠣᠭᠠᠷ ᠪᠡᠶᠡᠯᠡᠭᠦᠯᠪᠡ᠃ ᠶᠣᠬᠣᠸᠠ ᠶᠢᠨ ᠮᠣᠰᠧ ᠳᠤ ᠲᠤᠰᠢᠶᠠᠭᠰᠠᠨ ᠪᠦᠬᠦᠨ ᠡᠴᠡ ᠶᠣᠱᠦ᠋ᠶᠠ ᠪᠡᠶᠡᠯᠡᠭᠦᠯᠦᠯ ᠦᠭᠡᠢ ᠦᠯᠡᠳᠡᠭᠡᠭᠰᠡᠨ ᠨᠢ ᠭᠠᠭᠴᠠ ᠴᠤ ᠦᠭᠡᠢ᠃
ᠶᠣᠱᠦ᠋ᠶᠠ ᠶᠢᠨ ᠡᠵᠡᠯᠡᠭᠰᠡᠨ ᠨᠤᠲᠤᠭ ᠤᠳ
16 ᠲᠡᠢᠨ ᠬᠦ ᠶᠣᠱᠦ᠋ᠶᠠ ᠡᠨᠡ ᠪᠦᠬᠦ ᠨᠤᠲᠤᠭ ᠢ ᠡᠵᠡᠯᠡᠨ ᠠᠪᠴᠠᠢ᠃ ᠲᠤᠬᠠᠢᠯᠠᠪᠠᠯ᠂ ᠠᠭᠤᠯᠠᠷᠬᠠᠭ ᠨᠤᠲᠤᠭ᠂ ᠡᠮᠦᠨᠡ ᠪᠦᠰᠡ ᠶᠢᠨ ᠪᠦᠬᠦ ᠨᠤᠲᠤᠭ᠂ ᠭᠣᠱᠧᠨ ᠤ ᠪᠦᠬᠦ ᠨᠤᠲᠤᠭ᠂ ᠥᠷᠥᠨᠡ ᠶᠢᠨ ᠳᠣᠪᠣ ᠲᠣᠯᠣᠭᠠᠳ᠂ ᠶᠣᠷᠳᠠᠨ ᠤ ᠬᠥᠨᠳᠡᠢ᠂ ᠢᠰᠷᠧᠯ ᠤᠨ ᠠᠭᠤᠯᠠᠷᠬᠠᠭ ᠪᠣᠯᠣᠨ ᠨᠠᠮ ᠳᠣᠣᠷᠠ ᠭᠠᠵᠠᠷ ᠤᠳ᠂ 17 ᠰᠧᠷ ᠤᠨ ᠵᠠᠮ ᠳᠤ ᠪᠤᠢ ᠬᠠᠯᠠᠺ ᠠᠭᠤᠯᠠᠨ ᠠᠴᠠ ᠡᠬᠢᠯᠡᠨ ᠾᠧᠷᠮᠣᠨ ᠠᠭᠤᠯᠠ ᠶᠢᠨ ᠬᠣᠷᠮᠣᠢ ᠳᠠᠬᠢ ᠯᠧᠪᠠᠨᠣᠨ ᠤ ᠬᠥᠨᠳᠡᠢ ᠶᠢᠨ ᠪᠠᠯ ᠭᠠᠳ᠋ ᠬᠦᠷᠲᠡᠯᠡᠬᠢ ᠨᠤᠲᠤᠭ ᠢ ᠡᠵᠡᠯᠡᠪᠡ᠃ ᠲᠡᠷᠡ ᠮᠥᠨ ᠪᠦᠬᠦ ᠬᠠᠭᠠᠨ ᠢ ᠨᠢ ᠴᠣᠬᠢᠵᠤ ᠰᠥᠨᠥᠭᠡᠵᠡᠢ᠃ 18 ᠶᠣᠱᠦ᠋ᠶᠠ ᠡᠳᠡᠭᠡᠷ ᠬᠠᠭᠠᠳ ᠲᠠᠢ ᠤᠷᠲᠤ ᠬᠤᠭᠤᠴᠠᠭᠠ ᠪᠠᠷ ᠳᠠᠢᠨ ᠬᠢᠪᠡ᠃ 19 ᠢᠰᠷᠧᠯᠴᠦᠳ ᠲᠡᠢ ᠨᠠᠢᠷᠠᠮᠳᠠᠭᠰᠠᠨ ᠬᠣᠲᠠ ᠨᠢ ᠭᠢᠪᠧᠶᠣᠨ ᠤ ᠰᠠᠭᠤᠭᠠᠯᠢ ᠾᠢᠸᠢᠴᠦᠳ ᠡᠴᠡ ᠥᠭᠡᠷᠡ ᠪᠠᠢᠭᠰᠠᠨ ᠦᠭᠡᠢ᠃ ᠪᠤᠰᠤᠳ ᠪᠦᠬᠦ ᠬᠣᠲᠠ ᠶᠢ ᠲᠡᠳᠡ ᠪᠠᠢᠯᠳᠤᠵᠤ ᠠᠪᠤᠭᠰᠠᠨ ᠶᠤᠮ᠃ 20 ᠤᠴᠢᠷ ᠨᠢ ᠶᠣᠬᠣᠸᠠ ᠥᠪᠡᠷ ᠢᠶᠡᠨ ᠲᠡᠳᠡᠨ ᠦ ᠰᠡᠳᠬᠢᠯ ᠢ ᠬᠠᠲᠠᠭᠤᠷᠠᠭᠤᠯᠤᠭᠠᠳ ᠢᠰᠷᠧᠯ ᠲᠠᠢ ᠳᠠᠢᠲᠤᠭᠤᠯᠤᠭᠰᠠᠨ ᠶᠤᠮ᠃ ᠡᠢᠮᠦ ᠡᠴᠡ ᠲᠡᠳᠡ ᠥᠷᠥᠰᠢᠶᠡᠯ ᠦᠭᠡᠢ ᠪᠦᠷᠢᠮᠦᠰᠦᠨ ᠤᠰᠠᠳᠬᠠᠭᠰᠠᠨ ᠪᠥᠭᠡᠳ ᠶᠣᠱᠦ᠋ᠶᠠ ᠶᠣᠬᠣᠸᠠ ᠶᠢᠨ ᠮᠣᠰᠧ ᠳᠤ ᠲᠤᠰᠢᠶᠠᠭᠰᠠᠨ ᠶᠣᠰᠣᠭᠠᠷ ᠲᠡᠳᠡᠨ ᠢ ᠤᠰᠠᠳᠬᠠᠭᠰᠠᠨ ᠶᠤᠮ᠃
21 ᠲᠡᠷᠡ ᠴᠠᠭ ᠲᠤ ᠶᠣᠱᠦ᠋ᠶᠠ ᠠᠨᠠᠺᠴᠤᠳ ᠢ ᠠᠭᠤᠯᠠᠷᠬᠠᠭ ᠨᠤᠲᠤᠭ ᠠᠴᠠ ᠠᠷᠢᠯᠭᠠᠬᠤ ᠪᠠᠷ ᠶᠠᠪᠤᠭᠰᠠᠨ ᠪᠥᠭᠡᠳ ᠾᠧᠪᠷᠣᠨ᠂ ᠳ᠋ᠧᠪᠢᠷ᠂ ᠠᠨᠠᠪ ᠪᠣᠯᠣᠨ ᠶᠦᠳᠠ ᠶᠢᠨ ᠪᠦᠬᠦ ᠠᠭᠤᠯᠠᠷᠬᠠᠭ ᠨᠤᠲᠤᠭ᠂ ᠢᠰᠷᠧᠯ ᠤᠨ ᠪᠦᠬᠦ ᠨᠤᠲᠤᠭ ᠠᠴᠠ ᠲᠡᠳᠡᠨ ᠢ ᠲᠣᠰᠬᠣᠨ ᠨᠤᠭᠤᠳ ᠲᠠᠢ ᠨᠢ ᠬᠠᠮᠲᠤ ᠪᠦᠷᠢᠮᠦᠰᠦᠨ ᠤᠰᠠᠳᠬᠠᠭᠰᠠᠨ ᠪᠢᠯᠡ᠃ 22 ᠡᠢᠮᠦ ᠡᠴᠡ ᠢᠰᠷᠧᠯᠴᠦᠳ ᠦᠨ ᠨᠤᠲᠤᠭ ᠲᠤ ᠠᠨᠠᠺᠴᠤᠳ ᠠᠮᠢᠳᠤ ᠦᠯᠡᠳᠡᠭᠰᠡᠨ ᠦᠭᠡᠢ᠂ ᠵᠥᠪᠬᠡᠨ ᠭᠠᠽᠠ᠂ ᠭᠠᠲ ᠪᠣᠯᠣᠨ ᠠᠱᠠᠳᠣᠳ᠋ ᠲᠤ ᠯᠠ ᠦᠯᠡᠳᠡᠵᠡᠢ᠃ 23 ᠶᠣᠱᠦ᠋ᠶᠠ ᠡᠨᠡ ᠪᠦᠬᠦ ᠨᠤᠲᠤᠭ ᠢ ᠶᠣᠬᠣᠸᠠ ᠶᠢᠨ ᠮᠣᠰᠧ ᠳᠤ ᠠᠢᠯᠠᠳᠤᠭᠰᠠᠨ ᠶᠣᠰᠣᠭᠠᠷ ᠣᠯᠵᠤ ᠠᠪᠤᠭᠠᠳ ᠢᠰᠷᠧᠯ ᠤᠨ ᠣᠪᠣᠭ ᠤᠳ ᠲᠤ ᠥᠪ ᠪᠣᠯᠭᠠᠨ ᠥᠭᠴᠡᠢ᠃ ᠲᠡᠭᠡᠭᠡᠳ ᠲᠡᠷᠡ ᠨᠤᠲᠤᠭ ᠳᠠᠢᠨ ᠳᠠᠵᠢᠨ ᠠᠴᠠ ᠠᠮᠠᠷᠠᠪᠠ᠃