ᠯᠧᠸᠢ ᠬᠣᠷᠢᠨ ᠳᠣᠯᠣᠭᠠ
1 ᠶᠣᠬᠣᠸᠠ ᠮᠣᠰᠧ ᠳᠤ ᠠᠢᠯᠠᠳᠤᠨ᠄ 2 《ᠢᠰᠷᠧᠯᠴᠦᠳ ᠲᠦ ᠵᠠᠬᠢ᠄ ᠬᠡᠷᠪᠡ ᠬᠡᠨ ᠨᠢᠭᠡᠨ ᠨᠢ ᠥᠪᠡᠷ ᠢ ᠪᠠᠨ᠂ ᠡᠰᠡᠪᠡᠯ ᠬᠥᠮᠦᠨ ᠢ ᠶᠣᠬᠣᠸᠠ ᠳᠤ ᠵᠣᠷᠢᠭᠤᠯᠬᠤ ᠪᠠᠷ ᠣᠨᠴᠠᠭᠠᠢ ᠲᠠᠩ᠋ᠭᠠᠷᠢᠭ ᠬᠢᠬᠦ ᠭᠡᠪᠡᠯ᠂ ᠦᠨᠡ ᠶᠢ ᠨᠢ ᠲᠣᠭᠲᠠᠭᠠᠬᠤ ᠬᠡᠷᠡᠭᠲᠡᠢ᠃ 3 ᠬᠣᠷᠢ ᠡᠴᠡ ᠵᠢᠷᠠ ᠬᠦᠷᠲᠡᠯᠡᠬᠢ ᠨᠠᠰᠤᠨ ᠤ ᠡᠷᠡᠭᠲᠡᠢ ᠶᠢᠨ ᠦᠨᠡ ᠶᠢ ᠴᠢ ᠠᠷᠢᠭᠤᠨ ᠭᠠᠵᠠᠷ ᠤᠨ ᠪᠠᠷᠢᠮᠵᠢᠶᠠ ᠪᠠᠷ ᠲᠠᠪᠢᠨ ᠱᠧᠺᠧᠯ 22 ᠮᠥᠩᠭᠥ ᠪᠡᠷ᠂ 4 ᠡᠮᠡᠭᠲᠡᠢ ᠶᠢᠨ ᠦᠨᠡ ᠶᠢ ᠭᠤᠴᠢᠨ ᠱᠧᠺᠧᠯ 23 ᠂ 5 ᠲᠠᠪᠤ ᠠᠴᠠ ᠬᠣᠷᠢᠨ ᠨᠠᠰᠤ ᠬᠦᠷᠲᠡᠯᠡᠬᠢ ᠬᠥᠮᠦᠨ ᠦ ᠬᠤᠪᠢ ᠳᠤ᠂ ᠡᠷᠡᠭᠲᠡᠢ ᠶᠢᠨ ᠦᠨᠡ ᠶᠢ ᠬᠣᠷᠢᠨ ᠱᠧᠺᠧᠯ 24 ᠂ ᠡᠮᠡᠭᠲᠡᠢ ᠶᠢᠨ ᠦᠨᠡ ᠶᠢ ᠠᠷᠪᠠᠨ ᠱᠧᠺᠧᠯ 25 ᠂ 6 ᠨᠢᠭᠡ ᠰᠠᠷᠠ ᠲᠠᠢ ᠠᠴᠠ ᠲᠠᠪᠤᠨ ᠨᠠᠰᠤ ᠬᠦᠷᠲᠡᠯᠡᠬᠢ ᠬᠥᠮᠦᠨ ᠦ ᠬᠤᠪᠢ ᠳᠤ᠂ ᠡᠷᠡᠭᠲᠡᠢ ᠶᠢᠨ ᠦᠨᠡ ᠶᠢ ᠲᠠᠪᠤᠨ ᠱᠧᠺᠧᠯ 26 ᠂ ᠡᠮᠡᠭᠲᠡᠢ ᠶᠢᠨ ᠦᠨᠡ ᠶᠢ ᠭᠤᠷᠪᠠᠨ ᠱᠧᠺᠧᠯ 27 ᠂ 7 ᠵᠢᠷᠠ ᠠᠴᠠ ᠳᠡᠭᠡᠭᠰᠢ ᠨᠠᠰᠤᠨ ᠤ ᠬᠥᠮᠦᠨ ᠦ ᠬᠤᠪᠢ ᠳᠤ᠂ ᠡᠷᠡᠭᠲᠡᠢ ᠶᠢᠨ ᠦᠨᠡ ᠶᠢ ᠠᠷᠪᠠᠨ ᠲᠠᠪᠤᠨ ᠱᠧᠺᠧᠯ 28 ᠂ ᠡᠮᠡᠭᠲᠡᠢ ᠶᠢᠨ ᠦᠨᠡ ᠶᠢ ᠠᠷᠪᠠᠨ ᠱᠧᠺᠧᠯ 29 ᠮᠥᠩᠭᠥ ᠪᠡᠷ ᠲᠣᠭᠲᠠᠭᠠ᠃ 8 ᠬᠠᠷᠢᠨ ᠬᠡᠨ ᠨᠢᠭᠡ ᠨᠢ ᠶᠠᠳᠠᠭᠤ ᠶᠢᠨ ᠤᠯᠠᠮ ᠢᠶᠠᠷ ᠲᠣᠭᠲᠠᠭᠠᠭᠰᠠᠨ ᠦᠨᠡ ᠶᠢ ᠴᠢᠨᠢ ᠲᠥᠯᠥᠬᠦ ᠴᠢᠳᠠᠯ ᠦᠭᠡᠢ ᠪᠠᠢᠬᠤ ᠲᠣᠬᠢᠶᠠᠯᠳᠤᠯ ᠳᠤ᠂ ᠲᠡᠭᠦᠨ ᠢ ᠲᠠᠬᠢᠯᠴᠢ ᠶᠢᠨ ᠡᠮᠦᠨᠡ ᠠᠪᠠᠴᠢᠪᠠᠯ᠂ ᠲᠠᠬᠢᠯᠴᠢ ᠲᠡᠭᠦᠨ ᠦ ᠦᠨᠡ ᠶᠢ ᠲᠣᠭᠲᠠᠭᠠᠬᠤ ᠪᠣᠯᠣᠨᠠ᠃
ᠶᠣᠬᠣᠸᠠ ᠳᠤ ᠵᠣᠷᠢᠭᠤᠯᠤᠭᠰᠠᠨ ᠡᠷᠭᠦᠯ ᠤᠳ
9 ᠬᠡᠷᠪᠡ ᠮᠠᠯ ᠠᠮᠢᠲᠠᠨ ᠢ ᠡᠷᠭᠦᠯ ᠪᠣᠯᠭᠠᠨ ᠶᠣᠬᠣᠸᠠ ᠳᠤ ᠪᠠᠷᠢᠬᠤ ᠪᠠᠷ ᠲᠠᠩ᠋ᠭᠠᠷᠢᠭ ᠬᠢᠭᠰᠡᠨ ᠪᠣᠯ᠂ ᠶᠣᠬᠣᠸᠠ ᠳᠤ ᠡᠷᠭᠦᠬᠦ ᠡᠳᠡᠭᠡᠷ ᠠᠮᠢᠲᠠᠨ ᠪᠦᠷ ᠠᠷᠢᠭᠤᠨ ᠪᠣᠯᠬᠣᠷ 10 ᠬᠥᠮᠦᠨ ᠲᠡᠭᠦᠨ ᠢᠶᠡᠨ ᠰᠣᠯᠢᠵᠤ ᠦᠯᠦ ᠪᠣᠯᠣᠨᠠ᠂ ᠰᠠᠢᠨ ᠢ ᠮᠠᠭᠤ ᠪᠠᠷ ᠴᠤ᠂ ᠮᠠᠭᠤ ᠶᠢ ᠰᠠᠢᠨ ᠢᠶᠠᠷ ᠴᠤ ᠣᠷᠣᠯᠠᠭᠤᠯᠵᠤ ᠪᠣᠯᠬᠤ ᠦᠭᠡᠢ᠃ ᠬᠡᠷᠪᠡ ᠠᠮᠢᠲᠠᠨ ᠢ ᠠᠮᠢᠲᠠᠨ ᠢᠶᠠᠷ ᠰᠣᠯᠢᠪᠠᠯ ᠲᠡᠷᠡ ᠠᠮᠢᠲᠠᠨ ᠪᠣᠯᠣᠨ ᠰᠣᠯᠢᠭᠰᠠᠨ ᠠᠮᠢᠲᠠᠨ ᠬᠣᠶᠠᠭᠤᠯᠠ ᠪᠠᠨ ᠠᠷᠢᠭᠤᠨ ᠡᠷᠭᠦᠯ ᠪᠣᠯᠣᠨᠠ᠃ 11 ᠬᠡᠷᠪᠡ ᠲᠡᠷᠡ ᠠᠮᠢᠲᠠᠨ ᠪᠤᠵᠠᠷ ᠤᠴᠢᠷ ᠠᠴᠠ ᠶᠣᠬᠣᠸᠠ ᠳᠤ ᠡᠷᠭᠦᠬᠦ ᠡᠷᠭᠦᠯ ᠪᠣᠯᠭᠠᠵᠤ ᠪᠣᠯᠬᠤ ᠦᠭᠡᠢ ᠪᠠᠢᠪᠠᠯ᠂ ᠲᠡᠭᠦᠨ ᠢ ᠲᠠᠬᠢᠯᠴᠢ ᠶᠢᠨ ᠡᠮᠦᠨᠡ ᠵᠣᠭᠰᠣᠭᠠᠵᠤ᠂ 12 ᠲᠠᠬᠢᠯᠴᠢ ᠲᠡᠭᠦᠨ ᠦ ᠰᠠᠢᠨ ᠮᠠᠭᠤ ᠶᠢ ᠦᠨᠡᠯᠡᠨᠡ᠃ ᠦᠨᠡ ᠨᠢ ᠲᠠᠬᠢᠯᠴᠢ ᠶᠢᠨ ᠦᠨᠡᠯᠡᠭᠰᠡᠨ ᠶᠣᠰᠣᠭᠠᠷ ᠲᠣᠭᠲᠠᠨᠠ᠃ 13 ᠬᠡᠷᠪᠡ ᠲᠡᠷᠡ ᠠᠮᠢᠲᠠᠨ ᠢ ᠵᠣᠯᠢᠬᠤ ᠭᠡᠪᠡᠯ᠂ ᠴᠢᠨᠦ ᠦᠨᠡᠯᠡᠭᠰᠡᠨ ᠦᠨᠡ ᠳᠡᠭᠡᠷᠡ ᠲᠠᠪᠤᠨ ᠤ ᠨᠢᠭᠡ ᠶᠢ ᠨᠡᠮᠡᠬᠦ ᠶᠣᠰᠣᠲᠠᠢ᠃
14 ᠬᠡᠨ ᠨᠢᠭᠡᠨ ᠨᠢ ᠥᠪᠡᠷ ᠦᠨ ᠢᠶᠠᠨ ᠰᠠᠭᠤᠴᠠ ᠶᠢ ᠶᠣᠬᠣᠸᠠ ᠳᠤ ᠠᠷᠢᠭᠤᠨ ᠡᠷᠭᠦᠯ ᠪᠣᠯᠭᠠᠨ ᠵᠣᠷᠢᠭᠤᠯᠬᠤ ᠭᠡᠪᠡᠯ᠂ ᠲᠠᠬᠢᠯᠴᠢ ᠲᠡᠷᠡ ᠰᠠᠭᠤᠴᠠ ᠶᠢᠨ ᠰᠠᠢᠨ ᠮᠠᠭᠤ ᠶᠢ ᠦᠨᠡᠯᠡᠬᠦ ᠪᠥᠭᠡᠳ ᠦᠨᠡ ᠨᠢ ᠲᠠᠬᠢᠯᠴᠢ ᠶᠢᠨ ᠦᠨᠡᠯᠡᠭᠰᠡᠨ ᠶᠣᠰᠣᠭᠠᠷ ᠲᠣᠭᠲᠠᠨᠠ᠃ 15 ᠬᠠᠷᠢᠨ ᠲᠡᠢᠨ ᠬᠦ ᠵᠣᠷᠢᠭᠤᠯᠤᠭᠰᠠᠨ ᠬᠥᠮᠦᠨ ᠡᠭᠦᠨ ᠢ ᠪᠠᠨ ᠵᠣᠯᠢᠬᠤ ᠶᠢ ᠬᠦᠰᠡᠪᠡᠯ᠂ ᠴᠢᠨᠦ ᠦᠨᠡᠯᠡᠭᠰᠡᠨ ᠦᠨᠡ ᠶᠢᠨ ᠲᠠᠪᠤᠨ ᠤ ᠨᠢᠭᠡ ᠶᠢ ᠳᠡᠭᠡᠷᠡ ᠨᠢ ᠨᠡᠮᠡᠬᠦ ᠶᠣᠰᠣᠲᠠᠢ᠃ ᠲᠡᠭᠡᠪᠡᠯ ᠲᠡᠷᠡ ᠰᠠᠭᠤᠴᠠ ᠳᠠᠬᠢᠨ ᠲᠡᠭᠦᠨ ᠦ ᠬᠢ ᠪᠣᠯᠬᠤ ᠶᠤᠮ᠃
16 ᠬᠡᠷᠪᠡ ᠬᠥᠮᠦᠨ ᠥᠮᠴᠢ ᠲᠠᠯᠠᠪᠠᠢ ᠠᠴᠠ ᠪᠠᠨ ᠶᠣᠬᠣᠸᠠ ᠳᠤ ᠵᠣᠷᠢᠭᠤᠯᠬᠤ ᠭᠡᠪᠡᠯ᠂ ᠴᠢ ᠡᠭᠦᠨ ᠦ ᠦᠨᠡ ᠶᠢ ᠲᠠᠯᠠᠪᠠᠢ ᠳᠤᠨᠢ ᠲᠠᠷᠢᠬᠤ ᠦᠷᠡ ᠶᠢᠨ ᠬᠡᠮᠵᠢᠶᠡ ᠪᠡᠷ ᠲᠣᠭᠲᠠᠭᠠ᠃ ᠠᠷᠪᠠᠢ ᠶᠢᠨ ᠦᠷᠡ ᠶᠢᠨ ᠨᠢᠭᠡ ᠬᠣᠮᠧᠷ 30 ᠢ ᠲᠠᠪᠢᠨ ᠱᠧᠺᠧᠯ 31 ᠮᠥᠩᠭᠥ ᠪᠡᠷ ᠲᠣᠭᠲᠠᠬᠤ ᠶᠣᠰᠣᠲᠠᠢ᠃ 17 ᠬᠡᠷᠪᠡ ᠲᠡᠷᠡ ᠬᠥᠮᠦᠨ ᠲᠠᠯᠠᠪᠠᠢ ᠪᠠᠨ ᠡᠪᠡᠷ ᠪᠦᠷᠢᠶᠡᠳᠡᠯᠲᠡ ᠶᠢᠨ ᠵᠢᠯ ᠡᠴᠡ ᠡᠬᠢᠯᠡᠭᠡᠳ ᠵᠣᠷᠢᠭᠤᠯᠬᠤ ᠭᠡᠪᠡᠯ᠂ ᠦᠨᠡ ᠨᠢ ᠴᠢᠨᠦ ᠦᠨᠡᠯᠡᠭᠰᠡᠨ ᠶᠣᠰᠣᠭᠠᠷ ᠲᠣᠭᠲᠠᠬᠤ ᠪᠣᠯᠣᠨᠠ᠃ 18 ᠬᠠᠷᠢᠨ ᠲᠡᠷᠡ ᠬᠥᠮᠦᠨ ᠡᠪᠡᠷ ᠪᠦᠷᠢᠶᠡᠳᠡᠯᠲᠡ ᠶᠢᠨ ᠳᠠᠷᠠᠭᠠ ᠲᠠᠯᠠᠪᠠᠢ ᠪᠠᠨ ᠵᠣᠷᠢᠭᠤᠯᠬᠤ ᠭᠡᠪᠡᠯ᠂ ᠲᠠᠬᠢᠯᠴᠢ ᠨᠢ ᠳᠠᠷᠠᠭᠠ ᠶᠢᠨ ᠡᠪᠡᠷ ᠪᠦᠷᠢᠶᠡᠳᠡᠯᠲᠡ ᠬᠦᠷᠲᠡᠯᠡ ᠦᠯᠡᠳᠡᠭᠰᠡᠨ ᠵᠢᠯ ᠤᠳ ᠲᠠᠢ ᠲᠡᠩᠴᠡᠭᠦᠯᠦᠨ ᠲᠡᠭᠦᠨ ᠦ ᠦᠨᠡ ᠶᠢ ᠲᠣᠭᠠᠴᠠᠬᠤ ᠲᠤᠯᠠ ᠦᠨᠡ ᠨᠢ ᠠᠩᠬᠠ ᠲᠣᠭᠲᠠᠭᠠᠭᠰᠠᠨ ᠠᠴᠠ ᠴᠢᠨᠢ ᠬᠠᠰᠤᠭᠳᠠᠬᠤ ᠪᠣᠯᠣᠨᠠ᠃ 19 ᠬᠡᠷᠪᠡ ᠲᠠᠯᠠᠪᠠᠢ ᠪᠠᠨ ᠵᠣᠷᠢᠭᠤᠯᠤᠭᠰᠠᠨ ᠬᠥᠮᠦᠨ ᠲᠡᠭᠦᠨ ᠢ ᠪᠠᠨ ᠵᠣᠯᠢᠬᠤ ᠭᠡᠪᠡᠯ᠂ ᠴᠢᠨᠦ ᠦᠨᠡᠯᠡᠭᠰᠡᠨ ᠦᠨᠡ ᠶᠢᠨ ᠲᠠᠪᠤᠨ ᠤ ᠨᠢᠭᠡ ᠶᠢ ᠳᠡᠭᠡᠷᠡ ᠨᠢ ᠨᠡᠮᠡᠬᠦ ᠶᠣᠰᠣᠲᠠᠢ᠃ ᠲᠡᠭᠡᠪᠡᠯ ᠲᠡᠷᠡ ᠨᠢ ᠳᠠᠬᠢᠨ ᠲᠡᠭᠦᠨ ᠦ ᠬᠢ ᠪᠣᠯᠣᠨᠠ᠃ 20 ᠬᠡᠷᠪᠡ ᠲᠡᠷᠡ ᠬᠥᠮᠦᠨ ᠲᠠᠯᠠᠪᠠᠢ ᠪᠠᠨ ᠵᠣᠯᠢᠬᠤ ᠦᠭᠡᠢ ᠪᠠᠢᠬᠤ ᠳᠤ᠂ ᠨᠥᠭᠥᠭᠡ ᠲᠠᠯᠠᠪᠠᠢ ᠨᠢ ᠥᠭᠡᠷᠡ ᠬᠥᠮᠦᠨ ᠳᠦ ᠬᠤᠳᠠᠯᠳᠤᠭᠳᠠᠭᠰᠠᠨ ᠪᠣᠯ᠂ ᠡᠭᠦᠨ ᠢ ᠵᠣᠯᠢᠬᠤ ᠪᠣᠯᠣᠮᠵᠢ ᠦᠭᠡᠢ ᠪᠣᠯᠣᠨᠠ᠃ 21 ᠡᠪᠡᠷ ᠪᠦᠷᠢᠶᠡᠳᠡᠯᠲᠡ ᠶᠢᠨ ᠵᠢᠯ ᠪᠣᠯᠣᠭᠠᠳ ᠨᠥᠭᠥᠭᠡ ᠲᠠᠯᠠᠪᠠᠢ ᠬᠤᠳᠠᠯᠳᠤᠨ ᠠᠪᠤᠭᠰᠠᠨ ᠬᠥᠮᠦᠨ ᠦ ᠭᠠᠷ ᠠᠴᠠ ᠭᠠᠷᠤᠭᠰᠠᠨ ᠴᠤ ᠶᠣᠬᠣᠸᠠ ᠳᠤ ᠪᠠᠷᠢᠭᠰᠠᠨ ᠠᠷᠢᠭᠤᠨ ᠡᠷᠭᠦᠯ ᠪᠣᠯᠵᠤ᠂ ᠪᠤᠴᠠᠯᠲᠠ ᠦᠭᠡᠢ ᠵᠣᠷᠢᠭᠤᠯᠤᠭᠰᠠᠨ ᠲᠠᠯᠠᠪᠠᠢ ᠲᠠᠢ ᠠᠳᠠᠯᠢ ᠲᠠᠬᠢᠯᠴᠢ ᠶᠢᠨ ᠥᠮᠴᠢ ᠪᠣᠯᠣᠨᠠ᠃ 22 ᠬᠡᠷᠪᠡ ᠬᠥᠮᠦᠨ ᠥᠪᠡᠷ ᠦᠨ ᠥᠮᠴᠢ ᠪᠤᠰᠤ᠂ ᠬᠤᠳᠠᠯᠳᠤᠵᠤ ᠠᠪᠤᠭᠰᠠᠨ ᠲᠠᠯᠠᠪᠠᠢ ᠠᠴᠠ ᠪᠠᠨ ᠶᠣᠬᠣᠸᠠ ᠳᠤ ᠵᠣᠷᠢᠭᠤᠯᠬᠤ ᠭᠡᠪᠡᠯ᠂ 23 ᠲᠠᠬᠢᠯᠴᠢ ᠡᠪᠡᠷ ᠪᠦᠷᠢᠶᠡᠳᠡᠯᠲᠡ ᠶᠢᠨ ᠵᠢᠯ ᠬᠦᠷᠲᠡᠯᠡ ᠦᠯᠡᠳᠡᠭᠰᠡᠨ ᠵᠢᠯ ᠢ ᠲᠣᠭᠠᠯᠠᠵᠤ᠂ ᠦᠨᠡ ᠶᠢ ᠨᠢ ᠲᠣᠭᠲᠠᠭᠠᠬᠤ ᠪᠥᠭᠡᠳ ᠥᠨᠥᠬᠢ ᠬᠥᠮᠦᠨ ᠲᠡᠷᠡ ᠡᠳᠦᠷ ᠦᠨ ᠲᠣᠭᠲᠠᠭᠠᠭᠰᠠᠨ ᠦᠨᠡ ᠶᠢ ᠶᠣᠬᠣᠸᠠ ᠳᠤ ᠠᠷᠢᠭᠤᠨ ᠡᠷᠭᠦᠯ ᠪᠣᠯᠭᠠᠨ ᠥᠭᠬᠦ ᠪᠣᠯᠣᠨᠠ᠃ 24 ᠡᠪᠡᠷ ᠪᠦᠷᠢᠶᠡᠳᠡᠯᠲᠡ ᠶᠢᠨ ᠵᠢᠯ ᠳᠤ ᠲᠡᠷᠡ ᠲᠠᠯᠠᠪᠠᠢ ᠨᠢ ᠲᠠᠯᠠᠪᠠᠢ ᠶᠢ ᠬᠤᠳᠠᠯᠳᠤᠭᠰᠠᠨ ᠬᠥᠮᠦᠨ᠂ ᠲᠤᠬᠠᠢᠯᠠᠪᠠᠯ ᠲᠡᠷᠡ ᠭᠠᠵᠠᠷ ᠢ ᠥᠪᠯᠡᠭᠰᠡᠨ ᠬᠥᠮᠦᠨ ᠳᠦ ᠪᠤᠴᠠᠵᠤ ᠣᠴᠢᠬᠤ ᠪᠣᠯᠣᠨᠠ᠃ ᠡᠨᠡ ᠭᠠᠵᠠᠷ ᠨᠢ ᠲᠡᠭᠦᠨ ᠦ ᠬᠢ ᠪᠠᠢᠭᠰᠠᠨ ᠶᠤᠮ᠃ 25 ᠡᠨᠡ ᠪᠦᠬᠦ ᠦᠨᠡ ᠶᠢ ᠠᠷᠢᠭᠤᠨ ᠭᠠᠵᠠᠷ ᠤᠨ ᠪᠠᠷᠢᠮᠵᠢᠶᠠ ᠪᠠᠷ ᠲᠣᠭᠲᠠᠭᠠ᠃ ᠨᠢᠭᠡ ᠱᠧᠺᠧᠯ ᠨᠢ ᠬᠣᠷᠢᠨ ᠭᠧᠷᠠ ᠪᠢᠯᠡ᠃
26 ᠤᠤᠭᠠᠨ ᠲᠥᠷᠥᠭᠰᠡᠳ ᠨᠢ ᠤᠤᠯ ᠠᠴᠠ ᠪᠠᠨ ᠶᠣᠬᠣᠸᠠ ᠶᠢᠨ ᠬᠢ ᠮᠥᠨ᠃ ᠡᠢᠮᠦ ᠡᠴᠡ ᠬᠡᠨ ᠴᠤ ᠠᠮᠢᠲᠠᠨ ᠤ ᠤᠤᠭᠠᠨ ᠲᠥᠯ ᠢ ᠵᠣᠷᠢᠭᠤᠯᠬᠤ ᠤᠴᠢᠷ ᠦᠭᠡᠢ᠃ ᠦᠬᠡᠷ ᠦᠨ ᠴᠤ᠂ ᠬᠣᠨᠢᠨ ᠤ ᠴᠤ ᠤᠤᠭᠠᠨ ᠲᠥᠯ ᠨᠢ ᠶᠣᠬᠣᠸᠠ ᠶᠢᠨ ᠬᠢ ᠶᠤᠮ᠃ 27 ᠪᠤᠵᠠᠷ ᠠᠮᠢᠲᠠᠨ ᠤ ᠬᠤᠪᠢ ᠳᠤ ᠴᠢᠨᠦ ᠦᠨᠡᠯᠡᠭᠰᠡᠨ ᠦᠨᠡ ᠶᠢᠨ ᠲᠠᠪᠤᠨ ᠤ ᠨᠢᠭᠡ ᠶᠢ ᠳᠡᠭᠡᠷᠡ ᠨᠢ ᠨᠡᠮᠡᠨ᠂ ᠲᠡᠭᠦᠨ ᠢ ᠵᠣᠯᠢᠵᠤ ᠪᠣᠯᠣᠨᠠ᠃ ᠲᠡᠭᠦᠨ ᠢ ᠵᠣᠯᠢᠬᠤ ᠦᠭᠡᠢ ᠪᠣᠯ ᠲᠠᠬᠢᠯᠴᠢ ᠡᠭᠦᠨ ᠢ ᠴᠢᠨᠦ ᠦᠨᠡᠯᠡᠭᠰᠡᠨ ᠦᠨᠡ ᠪᠡᠷ ᠬᠤᠳᠠᠯᠳᠤᠵᠤ ᠪᠣᠯᠣᠨᠠ᠃
28 ᠬᠠᠷᠢᠨ ᠬᠥᠮᠦᠨ ᠦ ᠥᠪᠡᠷ ᠲᠤᠨᠢ ᠪᠠᠢᠭᠠ ᠪᠦᠬᠦᠨ ᠡᠴᠡ ᠶᠣᠬᠣᠸᠠ ᠳᠤ ᠵᠣᠷᠢᠭᠤᠯᠤᠭᠰᠠᠨ ᠵᠦᠢᠯ ᠤᠨ ᠬᠤᠪᠢ ᠳᠤ᠂ ᠬᠥᠮᠦᠨ ᠠᠮᠢᠲᠠᠨ ᠴᠤ᠂ ᠥᠮᠴᠢ ᠲᠠᠯᠠᠪᠠᠢ ᠴᠤ ᠬᠤᠳᠠᠯᠳᠤᠭᠳᠠᠰᠢ ᠦᠭᠡᠢ᠂ ᠮᠥᠨ ᠵᠣᠯᠢᠭᠳᠠᠰᠢ ᠦᠭᠡᠢ᠃ ᠲᠡᠢᠨ ᠬᠦ ᠵᠣᠷᠢᠭᠤᠯᠤᠭᠳᠠᠭᠰᠠᠨ ᠪᠦᠬᠦᠨ ᠠᠷᠢᠭᠤᠨ ᠠᠴᠠ ᠠᠷᠢᠭᠤᠨ ᠪᠥᠭᠡᠳ ᠶᠣᠬᠣᠸᠠ ᠶᠢᠨ ᠬᠢ ᠶᠤᠮ᠃ 29 ᠬᠥᠮᠦᠰ ᠦᠨ ᠳᠤᠮᠳᠠ ᠠᠴᠠ ᠤᠰᠠᠳᠬᠠᠭᠳᠠᠬᠤ ᠪᠠᠷ ᠵᠣᠷᠢᠭᠤᠯᠤᠭᠳᠠᠭᠰᠠᠨ ᠬᠥᠮᠦᠨ ᠨᠢ ᠴᠤ ᠵᠣᠯᠢᠭᠳᠠᠰᠢ ᠦᠭᠡᠢ᠃ ᠲᠡᠷᠡ ᠬᠥᠮᠦᠨ ᠭᠠᠷᠴᠠᠭᠠ ᠦᠭᠡᠢ ᠦᠬᠦᠬᠦ ᠶᠣᠰᠣᠲᠠᠢ᠃
ᠠᠷᠪᠠᠨ ᠤ ᠨᠢᠭᠡ ᠶᠢᠨ ᠡᠷᠭᠦᠯ
30 ᠭᠠᠵᠠᠷ ᠠᠴᠠ ᠭᠠᠷᠤᠭᠰᠠᠨ ᠪᠦᠬᠦᠨ᠂ ᠲᠤᠬᠠᠢᠯᠠᠪᠠᠯ ᠭᠠᠵᠠᠷ ᠠᠴᠠ ᠭᠠᠷᠤᠭᠰᠠᠨ ᠦᠷᠡ ᠲᠠᠷᠢᠶᠠ᠂ ᠮᠣᠳᠣᠨ ᠤ ᠦᠷᠡ ᠵᠢᠮᠢᠰ ᠵᠡᠷᠭᠡ ᠶᠢᠨ ᠠᠷᠪᠠᠨ ᠤ ᠨᠢᠭᠡ ᠨᠢ ᠶᠣᠬᠣᠸᠠ ᠶᠢᠨ ᠬᠢ ᠪᠥᠭᠡᠳ ᠶᠣᠬᠣᠸᠠ ᠳᠤ ᠵᠣᠷᠢᠭᠤᠯᠬᠤ ᠠᠷᠢᠭᠤᠨ ᠡᠷᠭᠦᠯ ᠶᠤᠮ᠃ 31 ᠬᠡᠷᠪᠡ ᠬᠥᠮᠦᠨ ᠥᠪᠡᠷ ᠦᠨ ᠠᠷᠪᠠᠨ ᠤ ᠨᠢᠭᠡ ᠡᠴᠡ ᠵᠠᠪᠠᠯ ᠵᠣᠯᠢᠬᠤ ᠭᠡᠪᠡᠯ ᠳᠡᠭᠡᠷᠡ ᠨᠢ ᠲᠡᠭᠦᠨ ᠦ ᠪᠠᠨ ᠲᠠᠪᠤᠨ ᠤ ᠨᠢᠭᠡ ᠶᠢ ᠨᠡᠮᠡᠬᠦ ᠶᠣᠰᠣᠲᠠᠢ᠃ 32 ᠪᠣᠳᠠ ᠪᠣᠭ ᠮᠠᠯ ᠤᠨ ᠠᠷᠪᠠᠨ ᠤ ᠨᠢᠭᠡ᠂ ᠰᠢᠯᠪᠢᠭᠦᠷ ᠳᠣᠣᠭᠤᠷ ᠭᠠᠷᠴᠤ ᠲᠣᠭᠠᠯᠠᠭᠤᠯᠤᠭᠰᠠᠨ ᠠᠷᠪᠠᠳᠠᠬᠢ ᠨᠢ ᠶᠣᠬᠣᠸᠠ ᠳᠤ ᠵᠣᠷᠢᠭᠤᠯᠬᠤ ᠠᠷᠢᠭᠤᠨ ᠡᠷᠭᠦᠯ ᠪᠣᠯᠣᠨᠠ᠃ 33 ᠰᠠᠢᠨ ᠮᠠᠭᠤ ᠶᠢ ᠪᠣᠳᠣᠬᠤ ᠬᠡᠷᠡᠭ ᠦᠭᠡᠢ᠂ ᠵᠣᠯᠢᠵᠤ ᠴᠤ ᠪᠣᠯᠬᠤ ᠦᠭᠡᠢ᠃ ᠵᠣᠯᠢᠪᠠᠯ ᠲᠡᠷᠡ ᠠᠮᠢᠲᠠᠨ ᠪᠣᠯᠣᠨ ᠰᠣᠯᠢᠭᠰᠠᠨ ᠠᠮᠢᠲᠠᠨ ᠬᠣᠶᠠᠭᠤᠯᠠ ᠪᠠᠨ ᠠᠷᠢᠭᠤᠨ ᠡᠷᠭᠦᠯ ᠪᠣᠯᠣᠭᠠᠳ ᠵᠣᠯᠢᠭᠳᠠᠰᠢ ᠦᠭᠡᠢ ᠪᠣᠯᠣᠨᠠ》 ᠭᠡᠯᠡ᠃
34 ᠡᠳᠡᠭᠡᠷ ᠨᠢ ᠢᠰᠷᠧᠯᠴᠦᠳ ᠦᠨ ᠲᠥᠯᠥᠭᠡ ᠰᠢᠨᠠᠢ ᠠᠭᠤᠯᠠᠨ ᠳᠡᠭᠡᠷᠡ ᠶᠣᠬᠣᠸᠠ ᠶᠢᠨ ᠮᠣᠰᠧ ᠳᠤ ᠰᠣᠶᠣᠷᠬᠠᠭᠰᠠᠨ ᠲᠤᠰᠢᠶᠠᠯ ᠤᠳ ᠶᠤᠮ᠃