ᠮᠠᠲ᠋ᠠᠢ ᠠᠷᠪᠠᠨ ᠭᠤᠷᠪᠠ
ᠦᠯᠢᠭᠡᠷᠯᠡᠯ ᠢᠶᠡᠷ ᠵᠢᠭᠠᠭᠰᠠᠨ ᠨᠢ
1 ᠲᠡᠷᠡ ᠡᠳᠦᠷ ᠢᠰᠦ᠋ᠰ ᠭᠡᠷ ᠡᠴᠡ ᠭᠠᠷᠴᠤ ᠨᠠᠭᠤᠷ ᠤᠨ ᠬᠥᠪᠡᠭᠡᠨ ᠳᠦ ᠰᠠᠭᠤᠵᠤ ᠪᠠᠢᠯᠠ᠃ 2 ᠲᠡᠭᠦᠨ ᠦ ᠬᠠᠵᠠᠭᠤ ᠳᠤ ᠦᠯᠡᠮᠵᠢ ᠣᠯᠠᠨ ᠬᠥᠮᠦᠨ ᠴᠤᠭᠯᠠᠷᠠᠭᠰᠠᠨ ᠲᠤᠯᠠ ᠲᠡᠷᠡ ᠵᠠᠪᠢᠨ ᠳᠤ ᠭᠠᠷᠴᠤ ᠰᠠᠭᠤᠵᠠᠢ᠃ ᠬᠤᠷᠠᠭᠰᠠᠨ ᠣᠯᠠᠨ ᠴᠥᠮ ᠢᠶᠡᠷ ᠢᠶᠠᠨ ᠡᠷᠭᠢ ᠳᠡᠭᠡᠷᠡ ᠵᠣᠭᠰᠣᠵᠤ ᠪᠠᠢᠯᠠ᠃ 3 ᠢᠰᠦ᠋ᠰ ᠲᠡᠳᠡᠨ ᠳᠦ ᠦᠯᠢᠭᠡᠷᠯᠡᠯ ᠢᠶᠡᠷ ᠣᠯᠠᠨ ᠵᠦᠢᠯ ᠢ ᠵᠢᠭᠠᠬᠤ ᠳᠠᠭᠠᠨ᠄ 《ᠠᠩ᠋ᠬᠠᠷᠤᠭᠲᠤᠨ᠂ ᠲᠠᠷᠢᠶᠠᠴᠢᠨ ᠦᠷᠡ ᠰᠠᠴᠤᠬᠤ ᠪᠠᠷ ᠭᠠᠷᠴᠠᠢ᠃ 4 ᠲᠡᠷᠡ ᠪᠡᠷ ᠦᠷᠡ ᠶᠢ ᠰᠠᠴᠤᠬᠤ ᠳᠤ᠂ ᠵᠠᠷᠢᠮ ᠨᠢ ᠵᠠᠮ ᠢᠶᠠᠷ ᠤᠨᠠᠭᠰᠠᠨ ᠳᠤ ᠰᠢᠪᠠᠭᠤᠳ ᠢᠷᠡᠭᠡᠳ ᠢᠳᠡᠴᠢᠬᠡᠵᠡᠢ᠃ 5 ᠵᠠᠷᠢᠮ ᠨᠢ ᠬᠥᠷᠥᠰᠥ ᠨᠢᠮᠭᠡᠨ ᠴᠢᠯᠠᠭᠤᠷᠬᠠᠭ ᠭᠠᠵᠠᠷ ᠲᠤ ᠤᠨᠠᠵᠤ᠂ ᠲᠦᠳᠡᠬᠡᠨ ᠰᠣᠶᠣᠭᠠᠯᠠᠭᠰᠠᠨ ᠪᠣᠯᠪᠠᠴᠤ ᠬᠥᠷᠥᠰᠥ ᠨᠢ ᠭᠦᠨ ᠪᠢᠰᠢ ᠪᠥᠭᠡᠳ 6 ᠦᠨᠳᠦᠰᠦ ᠦᠭᠡᠢ ᠤᠴᠢᠷ ᠠᠴᠠ ᠨᠠᠷᠠ ᠮᠠᠨᠳᠤᠬᠤ ᠳᠤ ᠬᠣᠷᠪᠣᠢᠨ ᠬᠠᠲᠠᠵᠠᠢ᠃ 7 ᠵᠠᠷᠢᠮ ᠨᠢ ᠥᠷᠭᠡᠰᠦᠲᠦ ᠪᠤᠲᠠᠨ ᠳᠡᠭᠡᠷᠡ ᠤᠨᠠᠭᠰᠠᠨ ᠳᠤ᠂ ᠥᠷᠭᠡᠰᠦᠲᠦ ᠪᠤᠲᠠ ᠤᠷᠭᠤᠭᠠᠳ᠂ ᠲᠡᠳᠡᠨ ᠢ ᠰᠢᠬᠠᠪᠠ᠃ 8 ᠬᠠᠷᠢᠨ ᠵᠠᠷᠢᠮ ᠨᠢ ᠰᠠᠢᠨ ᠬᠥᠷᠥᠰᠥᠨ ᠳᠤ ᠤᠨᠠᠵᠤ ᠵᠠᠭᠤ᠂ ᠵᠢᠷᠠ ᠪᠤᠶᠤ ᠭᠤᠴᠢ ᠳᠠᠬᠢᠨ ᠦᠷᠡ ᠵᠢᠮᠢᠰ ᠰᠠᠭᠤᠵᠠᠢ᠃ 9 ᠴᠢᠬᠢ ᠲᠠᠢ ᠨᠢ ᠰᠣᠨᠣᠰᠣᠭᠲᠤᠨ》 ᠭᠡᠪᠡ᠃
ᠲᠠᠢᠯᠪᠤᠷᠢ
10 ᠱᠠᠪᠢ ᠨᠠᠷ ᠨᠢ ᠲᠡᠭᠦᠨ ᠳᠦ ᠳᠥᠭᠥᠨ ᠢᠷᠡᠵᠦ᠄ 《ᠲᠠ ᠶᠠᠭᠠᠬᠢᠭᠠᠳ ᠲᠡᠳᠡᠨ ᠳᠦ ᠦᠯᠢᠭᠡᠷᠯᠡᠯ ᠢᠶᠡᠷ ᠶᠠᠷᠢᠳᠠᠭ ᠪᠤᠢ︖》 ᠭᠡᠬᠦ ᠳᠦ᠂ 11 ᠲᠡᠷᠡ ᠬᠠᠷᠢᠭᠤ ᠳᠤᠨᠢ᠄ 《ᠲᠩᠷᠢ ᠶᠢᠨ ᠬᠠᠭᠠᠨᠴᠢᠯᠠᠯ ᠤᠨ ᠨᠢᠭᠤᠴᠠ ᠨᠤᠭᠤᠳ ᠢ ᠮᠡᠳᠡᠬᠦ ᠨᠢ ᠲᠠ ᠨᠠᠷ ᠲᠤ ᠰᠣᠶᠣᠷᠬᠠᠭᠳᠠᠭᠰᠠᠨ ᠪᠣᠯᠪᠠᠴᠤ ᠲᠡᠳᠡᠨ ᠳᠦ ᠰᠣᠶᠣᠷᠬᠠᠭᠳᠠᠭᠠ ᠦᠭᠡᠢ᠃ 12 ᠬᠡᠨ ᠳᠦ ᠴᠤ ᠭᠡᠰᠡᠨ ᠪᠠᠢᠪᠠᠯ ᠢᠯᠡᠭᠦᠦ ᠣᠯᠵᠤ᠂ ᠠᠷᠪᠢᠵᠢᠨᠠ᠃ ᠬᠡᠨ ᠳᠦ ᠴᠤ ᠭᠡᠰᠡᠨ ᠪᠠᠢᠬᠤ ᠦᠭᠡᠢ ᠪᠣᠯ ᠪᠠᠢᠭᠠ ᠨᠢ ᠴᠤ ᠪᠤᠯᠢᠶᠠᠭᠳᠠᠨᠠ᠃ 13 ᠪᠢ ᠶᠠᠭᠠᠬᠢᠭᠠᠳ ᠲᠡᠳᠡᠨ ᠳᠦ ᠦᠯᠢᠭᠡᠷᠯᠡᠯ ᠢᠶᠡᠷ ᠶᠠᠷᠢᠳᠠᠭ ᠪᠤᠢ ᠭᠡᠪᠡᠯ᠂ 〈ᠲᠡᠳᠡ ᠬᠠᠷᠠᠪᠠᠴᠤ ᠣᠯᠵᠤ ᠬᠠᠷᠠᠬᠤ ᠦᠭᠡᠢ᠂ ᠰᠣᠨᠣᠰᠪᠠᠴᠤ ᠣᠢᠯᠠᠭᠠᠬᠤ ᠦᠭᠡᠢ〉 ᠪᠠᠢᠳᠠᠭ ᠶᠤᠮ᠃ 14 ᠢᠰᠠᠢᠶᠠ ᠶᠢᠨ ᠡᠰᠢ ᠦᠵᠡᠭᠦᠯᠦᠭᠰᠡᠨ ᠨᠢ ᠲᠡᠳᠡᠨ ᠦ ᠳᠡᠭᠡᠷᠡ ᠪᠡᠶᠡᠯᠡᠭᠳᠡᠵᠦ ᠪᠠᠢᠨᠠ᠃ 〈ᠲᠠ ᠨᠠᠷ ᠰᠣᠨᠣᠰᠣᠨ ᠰᠣᠨᠣᠰᠪᠠᠴᠤ ᠶᠡᠷᠦ ᠣᠢᠯᠠᠭᠠᠬᠤ ᠦᠭᠡᠢ ᠬᠠᠷᠠᠨ ᠬᠠᠷᠠᠪᠠᠴᠤ ᠶᠡᠷᠦ ᠦᠵᠡᠬᠦ ᠦᠭᠡᠢ᠃〉
15 〈ᠡᠨᠡ ᠠᠷᠠᠳ ᠲᠦᠮᠡᠨ ᠦ ᠵᠢᠷᠦᠬᠡ ᠨᠢ ᠬᠠᠲᠠᠭᠤᠷᠠᠵᠤ ᠴᠢᠬᠢ ᠨᠢ ᠮᠠᠭᠤᠳᠠᠵᠤ᠂ ᠨᠢᠳᠦ ᠨᠢ ᠠᠨᠢᠵᠠᠢ ᠲᠡᠳᠡ ᠨᠢᠳᠦ ᠪᠡᠷ ᠢᠶᠠᠨ ᠬᠠᠷᠠᠬᠤ᠂ ᠴᠢᠬᠢ ᠪᠠᠷ ᠢᠶᠠᠨ ᠰᠣᠨᠣᠰᠬᠤ᠂ ᠵᠢᠷᠦᠬᠡ ᠪᠡᠷ ᠢᠶᠠᠨ ᠣᠢᠯᠠᠭᠠᠬᠤ᠂ ᠡᠷᠭᠢᠵᠦ ᠢᠷᠡᠬᠦ ᠤᠴᠢᠷ ᠦᠭᠡᠢ᠂ ᠪᠢ ᠲᠡᠳᠡᠨ ᠢ ᠡᠳᠡᠭᠡᠭᠡᠬᠦ ᠦᠭᠡᠢ〉
ᠭᠡᠵᠦ ᠲᠡᠷᠡ ᠬᠡᠯᠡᠭᠰᠡᠨ ᠪᠢᠯᠡ᠃ 16 ᠬᠠᠷᠢᠨ ᠲᠠ ᠨᠠᠷ ᠤᠨ ᠨᠢᠳᠦ ᠬᠠᠷᠠᠵᠤ ᠪᠠᠢᠭᠠ ᠲᠤᠯᠠ ᠪᠤᠶᠠᠨ ᠲᠠᠢ᠂ ᠲᠠ ᠨᠠᠷ ᠤᠨ ᠴᠢᠬᠢ ᠰᠣᠨᠣᠰᠴᠤ ᠪᠠᠢᠭᠠ ᠲᠤᠯᠠ ᠪᠤᠶᠠᠨ ᠲᠠᠢ᠃ 17 ᠲᠠ ᠨᠠᠷ ᠲᠤ ᠪᠠᠲᠤᠲᠠᠢ ᠬᠡᠯᠡᠶᠡ᠃ ᠣᠯᠠᠨ ᠡᠰᠢ ᠦᠵᠡᠭᠦᠯᠦᠭᠴᠢ ᠪᠣᠯᠣᠨ ᠵᠥᠪᠲᠦ ᠬᠥᠮᠦᠨ ᠲᠠ ᠨᠠᠷ ᠤᠨ ᠬᠠᠷᠠᠵᠤ ᠪᠠᠢᠭᠠ ᠶᠢ ᠬᠠᠷᠠᠬᠤ ᠭᠡᠵᠦ ᠲᠡᠮᠡᠦᠯᠦᠭᠰᠡᠨ ᠪᠣᠯᠪᠠᠴᠤ ᠬᠠᠷᠠᠭᠰᠠᠨ ᠦᠭᠡᠢ᠂ ᠲᠠ ᠨᠠᠷ ᠤᠨ ᠰᠣᠨᠣᠰᠴᠤ ᠪᠠᠢᠭᠠ ᠶᠢ ᠰᠣᠨᠣᠰᠬᠤ ᠭᠡᠵᠦ ᠲᠡᠮᠡᠦᠯᠦᠭᠰᠡᠨ ᠪᠣᠯᠪᠠᠴᠤ ᠰᠣᠨᠣᠰᠣᠭᠰᠠᠨ ᠦᠭᠡᠢ᠃
18 ᠲᠠ ᠨᠠᠷ ᠣᠳᠣ ᠦᠷᠡ ᠰᠠᠴᠤᠭᠴᠢ ᠶᠢᠨ ᠦᠯᠢᠭᠡᠷᠯᠡᠯ ᠢ ᠰᠣᠨᠣᠰᠣᠭᠲᠤᠨ᠃ 19 ᠬᠡᠨ ᠬᠠᠭᠠᠨᠴᠢᠯᠠᠯ ᠤᠨ ᠦᠭᠡ ᠶᠢ ᠰᠣᠨᠣᠰᠣᠭᠠᠳ ᠣᠢᠯᠠᠭᠠᠬᠤ ᠦᠭᠡᠢ ᠪᠣᠯ ᠮᠠᠭᠤ ᠨᠢᠭᠡᠨ ᠨᠢ ᠢᠷᠡᠵᠦ᠂ ᠲᠡᠭᠦᠨ ᠦ ᠰᠡᠳᠬᠢᠯ ᠳᠤ ᠰᠠᠴᠤᠭᠳᠠᠭᠰᠠᠨ ᠢ ᠪᠤᠯᠢᠶᠠᠨ ᠠᠪᠤᠨᠠ᠃ ᠡᠳᠡᠭᠡᠷ ᠬᠥᠮᠦᠨ ᠪᠣᠯ ᠵᠠᠮ ᠤᠨ ᠬᠠᠪᠢ ᠪᠠᠷ ᠰᠠᠴᠤᠭᠳᠠᠭᠰᠠᠨ ᠦᠷᠡ ᠶᠤᠮ᠃ 20 ᠴᠢᠯᠠᠭᠤᠷᠬᠠᠭ ᠭᠠᠵᠠᠷ ᠲᠤ ᠰᠠᠴᠤᠭᠳᠠᠭᠰᠠᠨ ᠦᠷᠡ ᠭᠡᠳᠡᠭ ᠨᠢ᠂ ᠦᠭᠡ ᠶᠢ ᠰᠣᠨᠣᠰᠣᠮᠠᠭᠴᠠ ᠪᠠᠨ ᠪᠠᠶᠠᠷ ᠲᠠᠢ ᠪᠠᠷ ᠬᠦᠯᠢᠶᠡᠨ ᠠᠪᠳᠠᠭ ᠪᠣᠯᠪᠠᠴᠤ 21 ᠳᠣᠲᠣᠷᠠ ᠨᠢ ᠦᠨᠳᠦᠰᠦ ᠦᠭᠡᠢ ᠪᠣᠯᠬᠣᠷ ᠲᠦᠷ ᠵᠠᠭᠤᠷᠠ ᠪᠠᠢᠭᠰᠠᠨ ᠢᠶᠠᠨ᠂ ᠦᠭᠡ ᠡᠴᠡ ᠪᠣᠯᠵᠤ ᠬᠠᠪᠴᠢᠯᠭᠠ ᠵᠣᠪᠠᠯᠠᠩ ᠲᠣᠬᠢᠶᠠᠯᠳᠤᠪᠠᠯ ᠳᠣᠣᠷᠠ ᠪᠠᠨ ᠤᠨᠠᠳᠠᠭ ᠬᠥᠮᠦᠨ ᠪᠢᠯᠡ᠃ 22 ᠥᠷᠭᠡᠰᠦᠲᠦ ᠪᠤᠲᠠᠨ ᠳᠤ ᠰᠠᠴᠤᠭᠳᠠᠭᠰᠠᠨ ᠦᠷᠡ ᠭᠡᠳᠡᠭ ᠨᠢ ᠦᠭᠡ ᠶᠢ ᠰᠣᠨᠣᠰᠣᠭᠰᠠᠨ ᠤ ᠳᠠᠷᠠᠭᠠ᠂ ᠠᠮᠢᠳᠤᠷᠠᠯ ᠤᠨ ᠵᠣᠪᠠᠭᠤᠷᠢ ᠪᠣᠯᠣᠨ ᠡᠳ᠋ ᠪᠠᠶᠠᠯᠢᠭ ᠤᠨ ᠥᠭᠡᠰᠢ ᠦᠭᠡ ᠶᠢ ᠰᠢᠬᠠᠬᠤ ᠳᠤ᠂ ᠦᠷᠡ ᠵᠢᠮᠢᠰ ᠦᠭᠡᠢ ᠪᠣᠯᠳᠠᠭ ᠬᠥᠮᠦᠨ ᠶᠤᠮ᠃ 23 ᠰᠠᠢᠨ ᠬᠥᠷᠥᠰᠥᠨ ᠳᠤ ᠰᠠᠴᠤᠭᠳᠠᠭᠰᠠᠨ ᠦᠷᠡ ᠭᠡᠳᠡᠭ ᠨᠢ ᠰᠣᠨᠣᠰᠣᠭᠠᠳ ᠣᠢᠯᠠᠭᠠᠳᠠᠭ ᠬᠥᠮᠦᠨ ᠶᠤᠮ᠂ ᠲᠡᠷᠡ ᠯᠠᠪᠲᠠᠢ ᠦᠷᠡ ᠵᠢᠮᠢᠰ ᠰᠠᠭᠤᠯᠭᠠᠳᠠᠭ ᠪᠥᠭᠡᠳ ᠵᠠᠭᠤ᠂ ᠵᠢᠷᠠ᠂ ᠭᠤᠴᠢ ᠳᠠᠬᠢᠨ ᠵᠢᠮᠢᠰᠯᠡᠳᠡᠭ》 ᠭᠡᠵᠡᠢ᠃
ᠪᠤᠭᠤᠳᠠᠢ ᠶᠢᠨ ᠳᠤᠮᠳᠠᠬᠢ ᠬᠣᠣᠷᠲᠤ ᠪᠤᠭᠤᠳᠠᠢ
24 ᠢᠰᠦ᠋ᠰ ᠲᠡᠳᠡᠨ ᠳᠦ ᠥᠭᠡᠷᠡ ᠨᠢᠭᠡᠨ ᠦᠯᠢᠭᠡᠷᠯᠡᠯ ᠶᠠᠷᠢᠵᠤ᠄ 《ᠲᠩᠷᠢ ᠶᠢᠨ ᠬᠠᠭᠠᠨᠴᠢᠯᠠᠯ ᠪᠣᠯ ᠲᠠᠷᠢᠶᠠᠨ ᠳᠠᠭᠠᠨ ᠰᠠᠢᠨ ᠦᠷᠡ ᠰᠠᠭᠤᠯᠭᠠᠭᠰᠠᠨ ᠬᠥᠮᠦᠨ ᠲᠡᠢ ᠠᠳᠠᠯᠢ ᠶᠤᠮ᠃ 25 ᠬᠥᠮᠦᠰ ᠤᠨᠲᠠᠵᠤ ᠪᠠᠢᠬᠤ ᠳᠤ ᠲᠡᠭᠦᠨ ᠦ ᠳᠠᠢᠰᠤᠨ ᠢᠷᠡᠵᠦ᠂ ᠪᠤᠭᠤᠳᠠᠢ ᠳᠤᠮᠳᠠ ᠬᠣᠣᠷᠲᠤ ᠪᠤᠭᠤᠳᠠᠢ ᠲᠠᠷᠢᠴᠢᠬᠠᠭᠠᠳ ᠶᠠᠪᠤᠵᠠᠢ᠃ 26 ᠪᠤᠭᠤᠳᠠᠢ ᠰᠣᠶᠣᠭᠠᠯᠠᠵᠤ ᠲᠦᠷᠦᠭᠦᠦ ᠭᠠᠷᠬᠤ ᠳᠤ᠂ ᠬᠣᠣᠷᠲᠤ ᠪᠤᠭᠤᠳᠠᠢ ᠴᠤ ᠦᠵᠡᠭᠳᠡᠪᠡ᠃ 27 ᠵᠠᠷᠤᠴᠠ ᠨᠠᠷ ᠨᠢ ᠲᠠᠷᠢᠶᠠᠨ ᠤ ᠡᠵᠡᠨ ᠳᠡᠭᠡᠨ ᠢᠷᠡᠵᠦ᠄ 〈ᠡᠵᠡᠨ ᠡ᠂ ᠲᠠ ᠲᠠᠷᠢᠶᠠᠨ ᠳᠠᠭᠠᠨ ᠰᠠᠢᠨ ᠦᠷᠡ ᠰᠠᠭᠤᠯᠭᠠᠭᠰᠠᠨ ᠪᠢᠰᠢ ᠤᠤ︖ ᠬᠠᠷᠢᠨ ᠬᠣᠣᠷᠲᠤ ᠪᠤᠭᠤᠳᠠᠢ ᠬᠠᠮᠢᠭᠠ ᠠᠴᠠ ᠭᠠᠷᠴᠢᠬᠠᠭᠰᠠᠨ ᠪᠣᠯ︖〉 ᠭᠡᠬᠦ ᠳᠦ᠂ 28 ᠡᠵᠡᠨ ᠨᠢ᠄ 〈ᠳᠠᠢᠰᠤᠨ ᠡᠭᠦᠨ ᠢ ᠬᠢᠵᠡᠢ〉 ᠭᠡᠪᠡ᠃ ᠵᠠᠷᠤᠴᠠ ᠨᠠᠷ ᠨᠢ᠄ 〈ᠲᠡᠭᠡᠪᠡᠯ ᠪᠢᠳᠡ ᠶᠠᠪᠤᠵᠤ ᠲᠡᠳᠡᠭᠡᠷ ᠢ ᠲᠡᠭᠦᠬᠦ ᠤᠤ︖〉 ᠭᠡᠰᠡᠨ ᠳᠦ᠂ 29 ᠲᠡᠷᠡ᠄ 〈ᠬᠡᠷᠡᠭ ᠦᠭᠡᠢ᠂ ᠲᠠ ᠨᠠᠷ ᠬᠣᠣᠷᠲᠤ ᠪᠤᠭᠤᠳᠠᠢ ᠶᠢ ᠲᠡᠭᠦᠬᠦ ᠳᠡᠭᠡᠨ ᠪᠤᠭᠤᠳᠠᠢ ᠶᠢ ᠴᠤ ᠬᠠᠮᠲᠤ ᠦᠭᠲᠡᠭᠡᠬᠦᠵᠡᠢ᠂ 30 ᠬᠤᠷᠢᠶᠠᠯᠲᠠ ᠪᠣᠯᠲᠠᠯᠠ ᠬᠠᠮᠲᠤ ᠳᠠᠭᠠᠨ ᠤᠷᠭᠤᠭ᠂ ᠬᠤᠷᠢᠶᠠᠯᠲᠠ ᠶᠢᠨ ᠦᠶᠡ ᠳᠦ ᠪᠢ ᠬᠤᠷᠢᠶᠠᠭᠴᠢᠳ ᠲᠠᠭᠠᠨ ᠤᠷᠢᠳᠠᠪᠠᠷ ᠬᠣᠣᠷᠲᠤ ᠪᠤᠭᠤᠳᠠᠢ ᠶᠢ ᠲᠡᠭᠦᠵᠦ᠂ ᠪᠠᠭᠴᠠᠯᠠᠨ ᠪᠣᠭᠣᠭᠠᠳ ᠲᠦᠯᠡᠬᠦ ᠳᠦ ᠪᠡᠯᠡᠳᠬᠡ᠂ ᠬᠠᠷᠢᠨ ᠪᠤᠭᠤᠳᠠᠢ ᠶᠢ ᠬᠥᠮᠥᠷᠭᠡ ᠳᠦ ᠮᠢᠨᠢ ᠬᠠᠳᠠᠭᠠᠯᠠ ᠭᠡᠵᠦ ᠬᠡᠯᠡᠨᠡ〉 ᠭᠡᠵᠡᠢ》 ᠭᠡᠪᠡ᠃
ᠭᠠᠢᠮᠤ ᠶᠢᠨ ᠦᠷᠡ ᠶᠢᠨ ᠦᠯᠢᠭᠡᠷᠯᠡᠯ
31 ᠢᠰᠦ᠋ᠰ ᠪᠠᠰᠠ ᠥᠭᠡᠷᠡ ᠦᠯᠢᠭᠡᠷᠯᠡᠯ ᠶᠠᠷᠢᠵᠤ᠄ 《ᠲᠩᠷᠢ ᠶᠢᠨ ᠬᠠᠭᠠᠨᠴᠢᠯᠠᠯ ᠪᠣᠯ ᠭᠠᠢᠮᠤ ᠶᠢᠨ ᠦᠷᠡ ᠲᠠᠢ ᠠᠳᠠᠯᠢ ᠶᠤᠮ᠃ ᠬᠥᠮᠦᠨ ᠲᠡᠷᠡ ᠦᠷᠡ ᠶᠢ ᠠᠪᠴᠤ ᠲᠠᠷᠢᠶᠠᠨ ᠳᠠᠭᠠᠨ ᠲᠠᠷᠢᠪᠠᠯ᠂ 32 ᠲᠡᠷᠡ ᠨᠢ ᠪᠦᠬᠦ ᠦᠷᠡ ᠶᠢᠨ ᠳᠣᠲᠣᠷᠠ ᠬᠠᠮᠤᠭ ᠤᠨ ᠵᠢᠵᠢᠭᠬᠡᠨ ᠪᠣᠯᠪᠠᠴᠤ ᠤᠷᠭᠤᠭᠰᠠᠨ ᠤ ᠪᠠᠨ ᠳᠠᠷᠠᠭᠠ᠂ ᠠᠯᠢᠪᠠ ᠨᠣᠭᠣᠭᠠ ᠠᠴᠠ ᠢᠯᠡᠭᠦᠦ ᠥᠰᠥᠭᠡᠳ ᠮᠣᠳᠣ ᠪᠣᠯᠳᠠᠭ ᠲᠤᠯᠠ ᠣᠭᠲᠠᠷᠭᠤᠢ ᠶᠢᠨ ᠰᠢᠪᠠᠭᠤᠳ ᠢᠷᠡᠵᠦ ᠰᠠᠯᠠᠭᠠᠨ ᠳᠤᠨᠢ ᠡᠭᠦᠷᠯᠡᠨᠡ》 ᠭᠡᠪᠡ᠃
33 ᠢᠰᠦ᠋ᠰ ᠳᠠᠬᠢᠨ ᠥᠭᠡᠷᠡ ᠦᠯᠢᠭᠡᠷᠯᠡᠯ ᠢᠶᠡᠷ᠄ 《ᠲᠩᠷᠢ ᠶᠢᠨ ᠬᠠᠭᠠᠨᠴᠢᠯᠠᠯ ᠪᠣᠯ ᠢᠰᠭᠡᠭᠦᠷ ᠲᠡᠢ ᠠᠳᠠᠯᠢ᠂ ᠪᠦᠰᠡᠭᠦᠢ ᠲᠡᠭᠦᠨ ᠢ ᠠᠪᠴᠤ ᠭᠤᠷᠪᠠᠨ ᠰᠠᠭᠤᠯᠠᠭᠠ 23 ᠭᠤᠯᠢᠷ ᠲᠤ ᠬᠣᠯᠢᠬᠤ ᠳᠤ ᠴᠥᠮ ᠢᠶᠡᠷ ᠢᠶᠠᠨ ᠢᠰᠴᠡᠢ》 ᠭᠡᠪᠡ᠃
34 ᠢᠰᠦ᠋ᠰ ᠬᠤᠷᠠᠭᠰᠠᠨ ᠣᠯᠠᠨ ᠳᠤ ᠦᠯᠢᠭᠡᠷᠯᠡᠯ ᠢᠶᠡᠷ ᠡᠨᠡ ᠪᠦᠬᠦᠨ ᠢ ᠶᠠᠷᠢᠭᠰᠠᠨ ᠪᠥᠭᠡᠳ ᠦᠯᠢᠭᠡᠷᠯᠡᠯ ᠦᠭᠡᠢ ᠪᠠᠷ ᠲᠡᠳᠡᠨ ᠳᠦ ᠶᠠᠭᠤ ᠴᠤ ᠶᠠᠷᠢᠳᠠᠭ ᠦᠭᠡᠢ ᠪᠠᠢᠪᠠ᠃ 35 ᠡᠢᠨ ᠬᠦ᠄ 《ᠪᠢ ᠦᠯᠢᠭᠡᠷᠯᠡᠯ ᠢᠶᠡᠷ ᠠᠮᠠ ᠨᠡᠭᠡᠭᠡᠨ᠂ ᠶᠢᠷᠲᠢᠨᠴᠦ ᠪᠦᠲᠦᠭᠡᠭᠳᠡᠭᠰᠡᠨ ᠡᠴᠡ ᠬᠣᠢᠰᠢᠬᠢ ᠨᠢᠭᠤᠭᠳᠠᠭᠰᠠᠨ ᠵᠦᠢᠯᠡᠰ ᠢ ᠭᠠᠷᠭᠠᠨᠠ》 ᠭᠡᠵᠦ ᠡᠰᠢ ᠦᠵᠡᠭᠦᠯᠦᠭᠴᠢ ᠪᠠᠷ ᠬᠡᠯᠡᠭᠦᠯᠦᠭᠰᠡᠨ ᠨᠢ ᠪᠡᠶᠡᠯᠡᠭᠳᠡᠵᠡᠢ᠃
ᠬᠣᠣᠷᠲᠤ ᠪᠤᠭᠤᠳᠠᠢ ᠶᠢᠨ ᠦᠯᠢᠭᠡᠷᠯᠡᠯ ᠢ ᠲᠠᠢᠯᠪᠤᠷᠢᠯᠠᠭᠰᠠᠨ ᠨᠢ
36 ᠢᠰᠦ᠋ᠰ ᠬᠤᠷᠠᠭᠰᠠᠨ ᠣᠯᠠᠨ ᠠᠴᠠ ᠰᠠᠯᠵᠤ ᠭᠡᠷ ᠲᠦ ᠣᠷᠣᠪᠠ᠃ ᠱᠠᠪᠢ ᠨᠠᠷ ᠨᠢ ᠲᠡᠭᠦᠨ ᠳᠦ ᠢᠷᠡᠭᠡᠳ᠄ 《ᠲᠠᠷᠢᠶᠠᠨ ᠳᠠᠬᠢ ᠬᠣᠣᠷᠲᠤ ᠪᠤᠭᠤᠳᠠᠢ ᠶᠢᠨ ᠲᠤᠬᠠᠢ ᠦᠯᠢᠭᠡᠷᠯᠡᠯ ᠢᠶᠡᠨ ᠪᠢᠳᠡᠨ ᠳᠦ ᠲᠠᠢᠯᠪᠤᠷᠢᠯᠠᠵᠤ ᠥᠭᠭᠥᠭᠡᠴᠢ》 ᠭᠡᠬᠦ ᠳᠦ᠂ 37 ᠲᠡᠷᠡ ᠬᠠᠷᠢᠭᠤ ᠳᠤᠨᠢ᠄ 《ᠰᠠᠢᠨ ᠦᠷᠡ ᠪᠡᠨ ᠰᠠᠴᠤᠭᠴᠢ ᠨᠢ ᠬᠥᠮᠦᠨ ᠦ ᠬᠦᠦ᠂ 38 ᠲᠠᠷᠢᠶᠠ ᠨᠢ ᠶᠢᠷᠲᠢᠨᠴᠦ᠂ ᠰᠠᠢᠨ ᠦᠷᠡ ᠨᠢ ᠬᠠᠭᠠᠨᠴᠢᠯᠠᠯ ᠤᠨ ᠬᠡᠦᠬᠡᠳ ᠤᠳ᠂ ᠬᠣᠣᠷᠲᠤ ᠪᠤᠭᠤᠳᠠᠢ ᠨᠢ ᠮᠠᠭᠤ ᠨᠢᠭᠡᠨ ᠦ ᠬᠡᠦᠬᠡᠳ ᠤᠳ᠂ 39 ᠲᠡᠳᠡᠭᠡᠷ ᠢ ᠲᠠᠷᠢᠭᠰᠠᠨ ᠳᠠᠢᠰᠤᠨ ᠨᠢ ᠰᠠᠲ᠋ᠠᠨ᠂ ᠬᠤᠷᠢᠶᠠᠯᠲᠠ ᠨᠢ ᠡᠨᠡ ᠦᠶᠡ ᠶᠢᠨ ᠲᠡᠭᠦᠰᠬᠡᠯ᠂ ᠬᠤᠷᠢᠶᠠᠭᠴᠢᠳ ᠨᠢ ᠲᠩᠷᠢ ᠶᠢᠨ ᠡᠯᠴᠢᠳ ᠶᠤᠮ᠃ 40 ᠬᠣᠣᠷᠲᠤ ᠪᠤᠭᠤᠳᠠᠢ ᠶᠢ ᠲᠡᠭᠦᠵᠦ ᠭᠠᠯ ᠳᠤ ᠲᠦᠯᠡᠬᠦ ᠲᠠᠢ ᠠᠳᠠᠯᠢ ᠪᠠᠷ ᠡᠨᠡ ᠦᠶᠡ ᠶᠢᠨ ᠲᠡᠭᠦᠰᠬᠡᠯ ᠳᠦ ᠴᠤ ᠲᠡᠢᠮᠦ ᠪᠣᠯᠣᠨᠠ᠃ 41 ᠬᠥᠮᠦᠨ ᠦ ᠬᠦᠦ ᠲᠩᠷᠢ ᠡᠯᠴᠢᠳ ᠢᠶᠠᠨ ᠢᠯᠡᠭᠡᠬᠦ ᠳᠦ᠂ ᠲᠡᠳᠡ ᠪᠦᠳᠦᠷᠢᠭᠦᠯᠦᠭᠴᠢ ᠪᠣᠯᠣᠨ ᠬᠠᠤᠯᠢ ᠪᠤᠰᠤ ᠶᠢ ᠦᠢᠯᠡᠳᠦᠭᠴᠢ ᠪᠦᠬᠦᠨ ᠢ ᠲᠡᠭᠦᠨ ᠦ ᠬᠠᠭᠠᠨᠴᠢᠯᠠᠯ ᠠᠴᠠ ᠲᠡᠭᠦᠵᠦ᠂ 42 ᠭᠠᠯ ᠲᠠᠢ ᠵᠤᠤᠬᠠᠨ ᠳᠤ ᠬᠠᠶᠠᠬᠤ ᠪᠣᠯᠣᠨᠠ᠂ ᠲᠡᠳᠡ ᠨᠠᠷ ᠲᠡᠨᠳᠡ ᠤᠬᠢᠯᠠᠯᠳᠤᠵᠤ᠂ ᠰᠢᠳᠦ ᠪᠡᠨ ᠬᠠᠪᠢᠷᠤᠨᠠ᠃ 43 ᠲᠡᠭᠡᠬᠦ ᠳᠦ ᠵᠥᠪᠲᠦ ᠬᠥᠮᠦᠰ ᠡᠴᠢᠭᠡ ᠶᠢᠨ ᠢᠶᠠᠨ ᠬᠠᠭᠠᠨᠴᠢᠯᠠᠯ ᠳᠤ ᠨᠠᠷᠠᠨ ᠮᠡᠲᠦ ᠭᠡᠷᠡᠯᠲᠦᠬᠦ ᠪᠣᠯᠣᠨᠠ᠃ ᠴᠢᠬᠢ ᠲᠠᠢ ᠨᠢ ᠰᠣᠨᠣᠰᠣᠭᠲᠤᠨ᠃
ᠨᠢᠭᠤᠭᠳᠠᠭᠰᠠᠨ ᠡᠷᠳᠡᠨᠢᠰ
44 ᠲᠩᠷᠢ ᠶᠢᠨ ᠬᠠᠭᠠᠨᠴᠢᠯᠠᠯ ᠪᠣᠯ ᠲᠠᠷᠢᠶᠠᠨ ᠳᠤ ᠨᠢᠭᠤᠭᠳᠠᠭᠰᠠᠨ ᠡᠷᠳᠡᠨᠢᠰ ᠲᠠᠢ ᠠᠳᠠᠯᠢ᠃ ᠬᠥᠮᠦᠨ ᠲᠡᠭᠦᠨ ᠢ ᠣᠯᠪᠠᠯ ᠲᠡᠨᠳᠡ ᠪᠡᠨ ᠨᠢᠭᠤᠭᠠᠳ ᠪᠠᠶᠠᠷ ᠲᠠᠢ ᠪᠠᠷ ᠶᠠᠪᠤᠵᠤ᠂ ᠪᠠᠢᠭᠠ ᠪᠦᠬᠦᠨ ᠢᠶᠡᠨ ᠬᠤᠳᠠᠯᠳᠤᠭᠠᠳ ᠲᠡᠷᠡ ᠲᠠᠷᠢᠶᠠ ᠶᠢ ᠠᠪᠤᠨᠠ᠃
45 ᠲᠩᠷᠢ ᠶᠢᠨ ᠬᠠᠭᠠᠨᠴᠢᠯᠠᠯ ᠪᠣᠯ ᠮᠥᠨ ᠰᠠᠢᠨ ᠰᠤᠪᠤᠳ ᠬᠠᠢᠭᠴᠢ ᠬᠤᠳᠠᠯᠳᠤᠭᠠᠴᠢᠨ ᠲᠠᠢ ᠠᠳᠠᠯᠢ᠃ 46 ᠶᠡᠬᠡ ᠦᠨᠡ ᠲᠠᠢ ᠨᠢᠭᠡ ᠮᠥᠬᠥᠯᠢᠭ ᠰᠤᠪᠤᠳ ᠣᠯᠪᠠᠯ᠂ ᠲᠡᠷᠡ ᠶᠠᠪᠤᠵᠤ᠂ ᠪᠠᠢᠭᠠ ᠪᠦᠬᠦᠨ ᠢᠶᠡᠨ ᠬᠤᠳᠠᠯᠳᠤᠭᠠᠳ ᠲᠡᠭᠦᠨ ᠢ ᠠᠪᠤᠨᠠ᠃
47 ᠲᠩᠷᠢ ᠶᠢᠨ ᠬᠠᠭᠠᠨᠴᠢᠯᠠᠯ ᠪᠣᠯ ᠮᠥᠨ ᠲᠥᠷᠥᠯ ᠪᠦᠷᠢ ᠶᠢᠨ ᠵᠢᠭᠠᠰᠤ ᠪᠠᠷᠢᠬᠤ ᠪᠠᠷ ᠳᠠᠯᠠᠢ ᠳᠤ ᠬᠠᠶᠠᠭᠳᠠᠭᠰᠠᠨ ᠲᠣᠣᠷ ᠲᠠᠢ ᠠᠳᠠᠯᠢ᠃ 48 ᠲᠣᠣᠷ ᠳᠦᠭᠦᠷᠪᠡᠯ ᠬᠥᠮᠦᠰ ᠲᠡᠭᠦᠨ ᠢ ᠬᠥᠪᠡᠭᠡᠨ ᠳᠦ ᠲᠠᠲᠠᠵᠤ ᠭᠠᠷᠭᠠᠨᠠ᠂ ᠳᠠᠷᠠᠭᠠ ᠨᠢ ᠰᠠᠭᠤᠭᠠᠳ ᠰᠠᠢᠨ ᠢ ᠨᠢ ᠰᠠᠪᠠᠨ ᠳᠤ ᠬᠢᠵᠦ ᠮᠠᠭᠤ ᠶᠢ ᠨᠢ ᠬᠠᠶᠠᠨᠠ᠃ 49 ᠡᠨᠡ ᠦᠶᠡ ᠶᠢᠨ ᠲᠡᠭᠦᠰᠬᠡᠯ ᠳᠦ ᠴᠤ ᠡᠢᠮᠦ ᠪᠣᠯᠣᠨᠠ᠃ ᠲᠩᠷᠢ ᠶᠢᠨ ᠡᠯᠴᠢᠳ ᠢᠷᠡᠵᠦ ᠵᠥᠪᠲᠦ ᠬᠥᠮᠦᠰ ᠦᠨ ᠳᠤᠮᠳᠠ ᠠᠴᠠ ᠮᠠᠭᠤ ᠬᠥᠮᠦᠰ ᠢ ᠢᠯᠭᠠᠵᠤ᠂ 50 ᠭᠠᠯ ᠲᠠᠢ ᠵᠤᠤᠬᠠᠨ ᠳᠤ ᠬᠠᠶᠠᠨᠠ᠃ ᠲᠡᠳᠡ ᠲᠡᠨᠳᠡ ᠤᠬᠢᠯᠠᠯᠳᠤᠵᠤ ᠰᠢᠳᠦ ᠪᠡᠨ ᠬᠠᠪᠢᠷᠬᠤ ᠪᠣᠯᠣᠨᠠ᠃
51 ᠲᠠ ᠨᠠᠷ ᠡᠨᠡ ᠪᠦᠬᠦᠨ ᠢ ᠣᠢᠯᠠᠭᠠᠪᠠ ᠤᠤ︖》 ᠭᠡᠬᠦ ᠳᠦ᠂ ᠲᠡᠳᠡ᠄ 《ᠣᠢᠯᠠᠭᠠᠯᠠ》 ᠭᠡᠪᠡ᠃ 52 ᠢᠰᠦ᠋ᠰ ᠲᠡᠳᠡᠨ ᠳᠦ᠄ 《ᠡᠢᠮᠦ ᠡᠴᠡ ᠲᠩᠷᠢ ᠶᠢᠨ ᠬᠠᠭᠠᠨᠴᠢᠯᠠᠯ ᠳᠤ ᠱᠠᠪᠢᠯᠠᠭᠰᠠᠨ ᠪᠢᠴᠢᠭᠲᠡᠨ ᠪᠦᠬᠦᠨ ᠪᠣᠯ ᠬᠥᠮᠥᠷᠭᠡ ᠡᠴᠡ ᠪᠡᠨ ᠬᠠᠭᠤᠴᠢᠨ ᠪᠠ ᠰᠢᠨᠡ ᠡᠷᠳᠡᠨᠢᠰ ᠢ ᠭᠠᠷᠭᠠᠭᠴᠢ ᠭᠡᠷ ᠦᠨ ᠡᠵᠡᠨ ᠲᠡᠢ ᠠᠳᠠᠯᠢ ᠶᠤᠮ》 ᠭᠡᠪᠡ᠃
ᠢᠰᠦ᠋ᠰ ᠨᠠᠽᠠᠷᠧᠲ ᠲᠤ ᠳᠠᠬᠢᠨ ᠣᠴᠢᠭᠰᠠᠨ ᠨᠢ
53 ᠢᠰᠦ᠋ᠰ ᠡᠳᠡᠭᠡᠷ ᠦᠯᠢᠭᠡᠷᠯᠡᠯ ᠢ ᠠᠢᠯᠠᠳᠤᠭᠰᠠᠨ ᠤ ᠳᠠᠷᠠᠭᠠ᠂ ᠲᠡᠨᠳᠡ ᠡᠴᠡ ᠣᠳᠣᠯᠠ᠃ 54 ᠲᠡᠷᠡ ᠨᠤᠲᠤᠭ ᠲᠠᠭᠠᠨ ᠣᠴᠢᠵᠤ ᠬᠤᠷᠠᠯ ᠤᠨ ᠲᠠᠩᠬᠢᠮ ᠳᠤ ᠰᠤᠷᠭᠠᠵᠤ ᠡᠬᠢᠯᠡᠭᠰᠡᠨ ᠳᠦ᠂ ᠬᠥᠮᠦᠰ ᠴᠣᠴᠢᠷᠳᠠᠨ᠄ 《ᠡᠨᠡ ᠮᠡᠷᠭᠡᠨ ᠤᠬᠠᠭᠠᠨ᠂ ᠬᠦᠴᠦᠲᠦ ᠦᠢᠯᠡᠰ ᠢ ᠡᠨᠡ ᠬᠥᠮᠦᠨ ᠬᠠᠮᠢᠭᠠ ᠠᠴᠠ ᠣᠯᠣᠭᠰᠠᠨ ᠪᠣᠯ︖ 55 ᠡᠨᠡ ᠴᠢᠨᠢ ᠮᠣᠳᠣᠴᠢᠨ ᠤ ᠬᠦᠦ ᠪᠢᠰᠢ ᠤᠤ︖ ᠡᠬᠡ ᠶᠢ ᠨᠢ ᠮᠠᠷᠢᠶᠠ᠂ ᠳᠡᠭᠦᠦ ᠨᠠᠷ ᠢ ᠨᠢ ᠶᠠᠺᠣᠪ᠂ ᠶᠣᠰᠧᠹ᠂ ᠰᠢᠮᠣᠨ᠂ ᠶᠦᠳᠠ ᠭᠡᠳᠡᠭ ᠪᠢᠰᠢ ᠤᠤ︖ 56 ᠥᠬᠢᠨ ᠳᠡᠭᠦᠦ ᠨᠠᠷ ᠨᠢ ᠴᠥᠮ ᠪᠢᠳᠡᠨ ᠲᠡᠢ ᠬᠠᠮᠲᠤ ᠪᠠᠢᠭᠠ ᠪᠢᠰᠢ ᠪᠢᠯᠡ ᠤᠤ︖ ᠲᠡᠢᠮᠦ ᠪᠠᠢᠲᠠᠯᠠ ᠡᠨᠡ ᠬᠥᠮᠦᠨ ᠲᠡᠷᠡ ᠪᠦᠬᠦᠨ ᠢ ᠬᠠᠮᠢᠭᠠ ᠠᠴᠠ ᠣᠯᠪᠠ︖》 ᠭᠡᠵᠡᠭᠡᠵᠦ᠂ 57 ᠲᠡᠭᠦᠨ ᠳᠦ ᠳᠤᠷᠠ ᠦᠭᠡᠶᠢᠴᠡᠵᠦ ᠪᠠᠢᠯᠠ᠃ ᠬᠠᠷᠢᠨ ᠢᠰᠦ᠋ᠰ ᠲᠡᠳᠡᠨ ᠳᠦ᠄ 《ᠡᠰᠢ ᠦᠵᠡᠭᠦᠯᠦᠭᠴᠢ ᠨᠤᠲᠤᠭ ᠲᠠᠭᠠᠨ᠂ ᠭᠡᠷ ᠣᠷᠣᠨ ᠳᠠᠭᠠᠨ ᠬᠦᠨᠳᠦᠯᠡᠭᠳᠡᠬᠦ ᠦᠭᠡᠢ ᠪᠠᠢᠳᠠᠭ》 ᠭᠡᠵᠡᠢ᠃ 58 ᠲᠡᠳᠡ ᠢᠲᠡᠭᠡᠯ ᠦᠭᠡᠢ ᠪᠣᠯᠬᠣᠷ ᠢᠰᠦ᠋ᠰ ᠲᠡᠨᠳᠡ ᠬᠦᠴᠦᠲᠦ ᠦᠢᠯᠡᠰ ᠢ ᠣᠯᠠᠨ ᠦᠢᠯᠡᠳᠦᠭᠰᠡᠨ ᠦᠭᠡᠢ᠃