ᠮᠠᠲ᠋ᠠᠢ ᠬᠣᠷᠢᠨ ᠨᠠᠢ᠌ᠮᠠ
ᠢᠰᠦ᠋ᠰ ᠠᠮᠢᠯᠠᠭᠰᠠᠨ ᠨᠢ
1 ᠠᠮᠠᠷᠠᠯ ᠤᠨ ᠳᠠᠷᠠᠭᠠᠬᠢ ᠡᠳᠦᠷ ᠦᠨ ᠦᠷ ᠢᠶᠡᠷ ᠮᠠᠭᠳᠠᠯ ᠤᠨ ᠮᠠᠷᠢᠶᠠ ᠪᠣᠯᠣᠨ ᠨᠥᠭᠥᠭᠡ ᠮᠠᠷᠢᠶᠠ ᠪᠤᠯᠠᠰᠢ ᠶᠢ ᠦᠵᠡᠬᠦ ᠪᠡᠷ ᠣᠴᠢᠪᠡ᠃ 2 ᠠᠩ᠋ᠬᠠᠷᠤᠭᠲᠤᠨ᠂ ᠭᠠᠵᠠᠷ ᠮᠠᠰᠢ ᠬᠦᠴᠦᠲᠡᠢ ᠬᠥᠳᠡᠯᠵᠡᠢ᠃ ᠤᠴᠢᠷ ᠨᠢ᠂ ᠡᠵᠡᠨ ᠦ ᠡᠯᠴᠢ ᠲᠩᠷᠢ ᠡᠴᠡ ᠪᠠᠭᠤᠵᠤ ᠢᠷᠡᠭᠡᠳ ᠨᠥᠭᠥᠭᠡ ᠴᠢᠯᠠᠭᠤ ᠶᠢ ᠥᠩᠬᠥᠷᠢᠭᠦᠯᠦᠨ ᠵᠠᠢᠯᠠᠭᠤᠯᠵᠤ ᠳᠡᠭᠡᠷᠡ ᠨᠢ ᠰᠠᠭᠤᠵᠤ ᠪᠠᠢᠯᠠ᠃ 3 ᠳᠦᠷᠢ ᠨᠢ ᠭᠢᠯᠪᠠᠭᠠ ᠮᠡᠲᠦ᠂ ᠬᠤᠪᠴᠠᠰᠤ ᠨᠢ ᠴᠠᠰᠤ ᠴᠠᠭᠠᠨ ᠪᠠᠢᠪᠠ᠃ 4 ᠮᠠᠨᠠᠭᠠᠴᠢᠳ ᠲᠡᠭᠦᠨ ᠡᠴᠡ ᠠᠶᠤᠨ ᠴᠡᠴᠡᠷᠡᠵᠦ᠂ ᠦᠬᠦᠭᠰᠡᠨ ᠮᠡᠲᠦ ᠪᠣᠯᠵᠠᠢ᠃ 5 ᠲᠩᠷᠢ ᠡᠯᠴᠢ ᠡᠮᠡᠭᠲᠡᠢᠴᠦᠳ ᠲᠦ᠄ 《ᠲᠠ ᠨᠠᠷ ᠪᠦᠦ ᠠᠶᠤ᠂ ᠵᠠᠭᠠᠯᠮᠠᠢ ᠳᠤ ᠴᠣᠪᠳᠣᠯᠠᠭᠳᠠᠭᠰᠠᠨ ᠢᠰᠦ᠋ᠰ ᠢ ᠬᠠᠢᠵᠤ ᠪᠠᠢᠭᠠ ᠶᠢ ᠴᠢᠨᠢ ᠪᠢ ᠮᠡᠳᠡᠨᠡ᠃ 6 ᠲᠡᠷᠡ ᠡ᠊ᠨᠳᠡ ᠪᠠᠢᠬᠤ ᠦᠭᠡᠢ᠂ ᠬᠡᠯᠡᠭᠰᠡᠨ ᠶᠣᠰᠣᠭᠠᠷ ᠢᠶᠠᠨ ᠠᠮᠢᠯᠠᠭᠰᠠᠨ᠃ ᠨᠠᠰᠢ ᠢᠷᠠ᠂ ᠲᠡᠭᠦᠨ ᠦ ᠬᠡᠪᠲᠡᠵᠦ ᠪᠠᠢᠭᠰᠠᠨ ᠭᠠᠵᠠᠷ ᠢ ᠦᠵᠡ᠃ 7 ᠲᠡᠭᠡᠭᠡᠳ ᠪᠤᠰᠢᠭᠤᠬᠠᠨ ᠶᠠᠪᠤᠵᠤ᠂ 〈ᠢᠰᠦ᠋ᠰ ᠦᠬᠦᠭᠰᠡᠳ ᠦᠨ ᠳᠤᠮᠳᠠ ᠠᠴᠠ ᠠᠮᠢᠯᠠᠭᠰᠠᠨ᠃ ᠲᠡᠷᠡ ᠯᠠᠪᠲᠠᠢ ᠲᠠ ᠨᠠᠷ ᠠᠴᠠ ᠤᠷᠢᠳᠠᠪᠠᠷ ᠭᠠᠯᠢᠯᠠᠶᠠ ᠳᠤ ᠣᠴᠢᠨᠠ᠃ ᠲᠠ ᠨᠠᠷ ᠲᠡᠭᠦᠨ ᠢ ᠲᠡᠨᠳᠡ ᠬᠠᠷᠠᠬᠤ ᠪᠣᠯᠣᠨᠠ〉 ᠭᠡᠵᠦ ᠱᠠᠪᠢ ᠨᠠᠷ ᠲᠤᠨᠢ ᠬᠡᠯᠡᠭᠡᠷᠡᠢ᠃ ᠬᠠᠷᠠᠭᠲᠤᠨ᠂ ᠪᠢ ᠲᠠ ᠨᠠᠷ ᠲᠤ ᠬᠡᠯᠡᠪᠡ》 ᠭᠡᠪᠡ᠃ 8 ᠲᠡᠳᠡ ᠠᠢᠳᠠᠰ ᠲᠠᠢ᠂ ᠦᠯᠡᠮᠵᠢ ᠪᠠᠶᠠᠷ ᠲᠠᠢ ᠪᠠᠷ ᠪᠤᠯᠠᠰᠢᠨ ᠠᠴᠠ ᠪᠤᠰᠢᠭᠤᠬᠠᠨ ᠭᠠᠷᠴᠤ ᠱᠠᠪᠢ ᠨᠠᠷ ᠲᠤᠨᠢ ᠳᠤᠭᠤᠯᠭᠠᠬᠤ ᠪᠠᠷ ᠭᠦᠶᠦᠯᠳᠦᠪᠡ᠃ 9 ᠲᠡᠭᠡᠲᠡᠯᠡ ᠢᠰᠦ᠋ᠰ ᠲᠡᠳᠡᠨ ᠲᠡᠢ ᠤᠴᠠᠷᠠᠵᠠᠢ᠃ ᠲᠡᠷᠡ᠄ 《ᠠᠮᠤᠷ︕》 ᠭᠡᠬᠦ ᠳᠦ᠂ ᠲᠡᠳᠡ ᠳᠥᠭᠥᠨ ᠣᠴᠢᠭᠠᠳ ᠬᠥᠯ ᠡᠴᠡ ᠨᠢ ᠵᠢᠭᠤᠷᠠᠵᠤ ᠲᠡᠭᠦᠨ ᠳᠦ ᠮᠥᠷᠭᠥᠯᠡ᠃ 10 ᠲᠡᠭᠡᠬᠦ ᠳᠦ ᠢᠰᠦ᠋ᠰ ᠲᠡᠳᠡᠨ ᠳᠦ᠄ 《ᠪᠦᠦ ᠠᠶᠤ᠃ ᠮᠢᠨᠦ ᠠᠬᠠ ᠳᠡᠭᠦᠦᠰ ᠲᠦ ᠣᠴᠢᠵᠤ ᠭᠠᠯᠢᠯᠠᠶᠠ ᠤᠷᠤᠭᠤ ᠶᠠᠪᠤ ᠭᠡᠵᠦ ᠳᠤᠭᠤᠯᠭᠠᠭᠠᠷᠠᠢ᠃ ᠲᠡᠳᠡ ᠲᠡᠨᠳᠡ ᠨᠠᠮᠠᠶᠢ ᠬᠠᠷᠠᠬᠤ ᠪᠣᠯᠣᠨᠠ》 ᠭᠡᠯᠡ᠃
11 ᠲᠡᠳᠡ ᠶᠠᠪᠤᠵᠤ ᠪᠠᠢᠬᠤ ᠳᠤ᠂ ᠬᠡᠳᠦᠨ ᠮᠠᠨᠠᠭᠠᠴᠢᠨ ᠴᠡᠷᠢᠭ ᠬᠣᠲᠠ ᠣᠷᠣᠵᠤ ᠪᠣᠯᠣᠭᠰᠠᠨ ᠪᠦᠬᠦᠨ ᠢ ᠠᠬᠠᠯᠠᠬᠤ ᠲᠠᠬᠢᠯᠴᠢᠳ ᠲᠤ ᠳᠤᠭᠤᠯᠭᠠᠯᠠ᠃ 12 ᠠᠬᠠᠯᠠᠬᠤ ᠲᠠᠬᠢᠯᠴᠢᠳ ᠠᠬᠠᠯᠠᠭᠴᠢᠳ ᠲᠠᠢ ᠨᠡᠢᠯᠡᠵᠦ ᠵᠥᠪᠯᠡᠯᠳᠦᠭᠰᠡᠨ ᠦ ᠳᠠᠷᠠᠭᠠ᠂ ᠴᠡᠷᠢᠭ ᠤᠳ ᠲᠤ ᠶᠡᠬᠡ ᠮᠥᠩᠭᠥ ᠥᠭᠴᠦ 13 《〈ᠰᠥᠨᠢ ᠪᠢᠳᠡ ᠤᠨᠲᠠᠵᠤ ᠪᠠᠢᠬᠤ ᠳᠤ᠂ ᠢᠰᠦ᠋ᠰ ᠤᠨ ᠱᠠᠪᠢ ᠨᠠᠷ ᠢᠷᠡᠭᠡᠳ ᠲᠡᠭᠦᠨ ᠢ ᠬᠤᠯᠠᠭᠠᠢᠯᠠᠴᠢᠬᠠᠭᠰᠠᠨ〉 ᠭᠡᠵᠦ ᠬᠡᠯᠡᠭᠡᠷᠡᠢ᠂ 14 ᠡᠨᠡ ᠶᠠᠪᠤᠳᠠᠯ ᠵᠠᠬᠢᠷᠤᠭᠴᠢ ᠶᠢᠨ ᠰᠣᠨᠣᠷ ᠲᠤ ᠬᠦᠷᠦᠭᠰᠡᠨ ᠴᠤ᠂ ᠪᠢᠳᠡ ᠲᠡᠭᠦᠨ ᠢ ᠢᠳᠬᠠᠵᠤ ᠲᠠ ᠨᠠᠷ ᠢ ᠠᠶᠤᠯ ᠠᠴᠠ ᠬᠠᠮᠠᠭᠠᠯᠠᠶᠠ》 ᠭᠡᠵᠡᠢ᠃ 15 ᠲᠡᠳᠡ ᠮᠥᠩᠭᠥ ᠶᠢ ᠠᠪᠤᠭᠠᠳ ᠵᠢᠭᠠᠭᠰᠠᠨ ᠶᠣᠰᠣᠭᠠᠷ ᠨᠢ ᠭᠦᠢᠴᠡᠳᠬᠡᠪᠡ᠃ ᠡᠨᠡ ᠶᠠᠷᠢᠶᠠ ᠥᠨᠥᠳᠥᠷ ᠬᠦᠷᠲᠡᠯᠡ ᠶᠦᠳᠠᠢᠴᠤᠳ ᠤᠨ ᠳᠤᠮᠳᠠ ᠲᠠᠷᠬᠠᠵᠠᠢ᠃
ᠠᠭᠤᠤ ᠵᠠᠷᠯᠢᠭ
16 ᠠᠷᠪᠠᠨ ᠨᠢᠭᠡᠨ ᠱᠠᠪᠢ ᠨᠢ ᠭᠠᠯᠢᠯᠠᠶᠠ ᠤᠷᠤᠭᠤ ᠶᠠᠪᠤᠵᠤ᠂ ᠢᠰᠦ᠋ᠰ ᠤᠨ ᠲᠣᠪᠯᠠᠭᠰᠠᠨ ᠠᠭᠤᠯᠠᠨ ᠳᠤ ᠬᠦᠷᠪᠡ᠃ 17 ᠲᠡᠳᠡ ᠢᠰᠦ᠋ᠰ ᠢ ᠦᠵᠡᠭᠡᠳ ᠲᠡᠭᠦᠨ ᠳᠦ ᠮᠥᠷᠭᠥᠯᠡ᠃ ᠭᠡᠲᠡᠯᠡ ᠵᠠᠷᠢᠮ ᠨᠢ ᠡᠷᠡᠭᠡᠯᠵᠡᠪᠡ᠃ 18 ᠢᠰᠦ᠋ᠰ ᠳᠥᠭᠥᠨ ᠢᠷᠡᠵᠦ᠂ ᠲᠡᠳᠡᠨ ᠳᠦ᠄ 《ᠲᠩᠷᠢ ᠪᠠ ᠭᠠᠵᠠᠷ ᠳᠠᠬᠢ ᠪᠦᠬᠦ ᠡᠷᠬᠡ ᠮᠡᠳᠡᠯ ᠨᠠᠳᠠ ᠳᠤ ᠰᠣᠶᠣᠷᠬᠠᠭᠳᠠᠭᠰᠠᠨ᠃ 19 ᠡᠢᠮᠦ ᠡᠴᠡ ᠲᠠ ᠨᠠᠷ ᠶᠠᠪᠤ᠂ ᠬᠠᠮᠤᠭ ᠦᠨᠳᠦᠰᠦᠲᠡᠨ ᠢ ᠱᠠᠪᠢ ᠪᠣᠯᠭᠠᠭᠲᠤᠨ᠂ ᠲᠡᠳᠡᠨ ᠳᠦ ᠡᠴᠢᠭᠡ᠂ ᠬᠦᠦ᠂ ᠠᠷᠢᠭᠤᠨ ᠰᠦᠨᠡᠰᠦᠨ ᠦ ᠨᠡᠷᠡ ᠪᠡᠷ 43 ᠤᠬᠢᠶᠠᠯ 44 ᠬᠦᠷᠲᠡᠭᠡ᠂ 20 ᠲᠠ ᠨᠠᠷ ᠲᠤ ᠵᠠᠷᠯᠢᠭᠳᠠᠭᠰᠠᠨ ᠪᠦᠬᠦᠨ ᠢ ᠮᠢᠨᠢ ᠪᠡᠶᠡᠯᠡᠭᠦᠯᠬᠦ ᠶᠢ ᠲᠡᠳᠡᠨ ᠳᠦ ᠵᠢᠭᠠ᠃ ᠠᠩ᠋ᠬᠠᠷᠤᠭᠲᠤᠨ᠂ ᠦᠶᠡ ᠶᠢᠨ ᠲᠡᠭᠦᠰᠬᠡᠯ ᠬᠦᠷᠲᠡᠯᠡ ᠪᠢ ᠲᠠ ᠨᠠᠷ ᠲᠠᠢ ᠦᠷᠭᠦᠯᠵᠢ ᠬᠠᠮᠲᠤ ᠪᠠᠢᠬᠤ ᠪᠣᠯᠣᠨᠠ》 ᠭᠡᠪᠡ᠃