ᠱᠠᠰᠲᠢᠷ ᠤᠨ ᠳᠡᠭᠡᠳᠦ ᠠᠷᠪᠠᠨ ᠵᠢᠷᠭᠤᠭᠠ
1 ᠲᠡᠳᠡ ᠪᠤᠷᠬᠠᠨ ᠤ ᠠᠪᠳᠠᠷᠠ ᠶᠢ ᠠᠪᠴᠢᠷᠠᠭᠠᠳ᠂ ᠠᠪᠳᠠᠷᠠ ᠳᠤ ᠵᠣᠷᠢᠭᠤᠯᠤᠨ ᠳ᠋ᠠᠸᠢᠳ᠋ ᠤᠨ ᠪᠣᠰᠬᠠᠭᠰᠠᠨ ᠴᠠᠴᠠᠷ ᠤᠨ ᠭᠣᠣᠯ ᠳᠤ ᠵᠠᠯᠠᠵᠤ᠂ ᠪᠤᠷᠬᠠᠨ ᠤ ᠡᠮᠦᠨᠡ ᠰᠢᠲᠠᠭᠠᠯᠭᠠᠲᠤ ᠲᠠᠬᠢᠯ ᠪᠣᠯᠣᠨ ᠡᠪ ᠦᠨ ᠲᠠᠬᠢᠯ ᠡᠷᠭᠦᠪᠡ᠃ 2 ᠳ᠋ᠠᠸᠢᠳ᠋ ᠰᠢᠲᠠᠭᠠᠯᠭᠠᠲᠤ ᠲᠠᠬᠢᠯ ᠪᠣᠯᠣᠨ ᠡᠪ ᠦᠨ ᠲᠠᠬᠢᠯ ᠢ ᠡᠷᠭᠦᠵᠦ ᠳᠠᠭᠤᠰᠤᠭᠠᠳ᠂ ᠶᠣᠬᠣᠸᠠ ᠶᠢᠨ ᠨᠡᠷᠡ ᠪᠡᠷ ᠠᠷᠠᠳ ᠣᠯᠠᠨ ᠢ ᠢᠷᠥᠭᠡᠵᠦ᠂ 3 ᠢᠰᠷᠧᠯ ᠤᠨ ᠡᠷᠡ ᠡᠮᠡ ᠭᠡᠰᠡᠨ ᠦᠭᠡᠢ ᠬᠥᠮᠦᠨ ᠪᠦᠬᠦᠨ ᠳᠦ ᠨᠢᠭᠡ ᠳᠤᠭᠤᠢ ᠪᠣᠣᠪᠣ᠂ ᠬᠡᠰᠡᠭ ᠮᠢᠬᠠ᠂ ᠨᠢᠭᠡ ᠪᠥᠭᠡᠮ ᠬᠠᠲᠠᠭᠠᠭᠰᠠᠨ ᠦᠵᠦᠮ ᠲᠦᠭᠡᠭᠡᠪᠡ᠃
4 ᠲᠡᠷᠡ ᠪᠡᠷ ᠯᠧᠸᠢᠴᠦᠳ ᠦᠨ ᠵᠠᠷᠢᠮ ᠢ ᠰᠢᠯᠢᠵᠦ᠂ ᠡᠵᠡᠨ ᠦ ᠠᠪᠳᠠᠷᠠ ᠶᠢᠨ ᠡᠮᠦᠨᠡ ᠦᠢᠯᠡᠴᠢᠯᠡᠭᠦᠯᠪᠡ᠃ ᠲᠡᠳᠡ ᠢᠰᠷᠧᠯ ᠤᠨ ᠪᠤᠷᠬᠠᠨ ᠶᠣᠬᠣᠸᠠ ᠶᠢ ᠳᠠᠭᠤᠳᠠᠨ ᠳᠠᠭᠠᠳᠬᠠᠵᠤ᠂ ᠲᠡᠭᠦᠨ ᠳᠦ ᠲᠠᠯᠠᠷᠬᠠᠨ᠂ ᠮᠠᠭᠲᠠᠭᠠᠯ ᠡᠷᠭᠦᠬᠦ ᠡᠭᠦᠷᠭᠡ ᠲᠠᠢ᠃ 5 ᠤᠳᠤᠷᠢᠳᠤᠭᠴᠢ ᠨᠢ ᠠᠰᠠᠹ᠂ ᠤᠳᠠᠭᠠᠬᠢ ᠨᠢ ᠽᠧᠺᠠᠷᠢᠶᠠ᠂ ᠶᠧᠶᠧᠯ᠂ ᠱᠧᠮᠢᠷᠠᠮᠣᠲ᠂ ᠶᠧᠾᠢᠶᠧᠯ᠂ ᠮᠠᠲ᠋ᠢᠲ᠋ᠢᠶᠠ᠂ ᠡᠯᠢᠶᠠᠪ᠂ ᠪᠧᠨᠠᠢᠶᠠ᠂ ᠣᠪᠧᠳ᠋ ᠡᠳᠣᠮ᠂ ᠶᠧᠶᠧᠯ ᠨᠠᠷ ᠪᠠᠢᠪᠠ᠃ ᠲᠡᠳᠡ ᠪᠣᠰᠣᠭᠠ ᠶᠠᠲᠤᠭᠠ ᠴᠢᠪᠬᠠᠳᠠᠨ ᠶᠠᠲᠤᠭᠠ ᠲᠣᠭᠯᠠᠳᠠᠭ᠃ ᠠᠰᠠᠹ ᠴᠢᠩᠭ᠍ᠠ ᠪᠠᠷ ᠴᠠᠩ ᠴᠣᠬᠢᠵᠤ᠂ 6 ᠲᠠᠬᠢᠯᠴᠢ ᠪᠧᠨᠠᠢᠶᠠ᠂ ᠶᠠᠬᠠᠽᠢᠶᠧᠯ ᠬᠣᠶᠠᠷ ᠪᠤᠷᠬᠠᠨ ᠤ ᠭᠡᠷᠡ ᠶᠢᠨ ᠠᠪᠳᠠᠷᠠ ᠶᠢᠨ ᠡᠮᠦᠨᠡ ᠲᠣᠭᠲᠠᠮᠠᠯ ᠪᠦᠷᠢᠶᠡ ᠦᠯᠢᠶᠡᠵᠦ ᠪᠠᠢᠯᠠ᠃
ᠳ᠋ᠠᠸᠢᠳ᠋ ᠤᠨ ᠲᠠᠯᠠᠷᠬᠠᠯ
7 ᠳ᠋ᠠᠸᠢᠳ᠋ ᠶᠠᠭᠤᠨ ᠤ ᠡᠮᠦᠨᠡ ᠶᠣᠬᠣᠸᠠ ᠳᠤ ᠲᠠᠯᠠᠷᠬᠠᠯ ᠡᠷᠭᠦᠬᠦ ᠶᠢᠨ ᠲᠤᠯᠠᠳᠠ ᠲᠡᠷᠡ ᠡᠳᠦᠷ ᠳᠠᠷᠠᠭᠠᠬᠢ ᠳᠠᠭᠤᠯᠠᠯ ᠢ ᠠᠰᠠᠹ ᠪᠣᠯᠣᠨ ᠲᠡᠭᠦᠨ ᠦ ᠬᠠᠮᠲᠤᠷᠠᠭᠴᠢᠳ ᠤᠨ ᠭᠠᠷ ᠲᠤ ᠲᠤᠰᠢᠶᠠᠵᠠᠢ᠄
8 ᠲᠠ ᠨᠠᠷ ᠶᠣᠬᠣᠸᠠ ᠳᠤ ᠲᠠᠯᠠᠷᠬᠠᠵᠠᠭᠠ ᠲᠡᠭᠦᠨ ᠦ ᠠᠯᠳᠠᠷ ᠨᠡᠷᠡ ᠶᠢ ᠳᠠᠭᠤᠳᠠᠨ ᠲᠡᠭᠦᠨ ᠦ ᠦᠢᠯᠡ ᠶᠠᠪᠤᠳᠠᠯ ᠤᠳ ᠢ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠦᠨ ᠳᠤᠮᠳᠠ ᠲᠤᠩ᠋ᠬᠠᠭᠯᠠᠵᠠᠭᠠ᠃
9 ᠲᠡᠭᠦᠨ ᠳᠦ ᠲᠠ ᠨᠠᠷ ᠳᠠᠭᠤᠤ ᠳᠠᠭᠤᠯᠠ᠂ ᠲᠡᠭᠦᠨ ᠦ ᠲᠥᠯᠥᠭᠡ ᠬᠥᠭᠵᠢᠮ ᠲᠣᠭᠯᠠ ᠲᠡᠭᠦᠨ ᠦ ᠭᠠᠢᠬᠠᠮᠠ ᠦᠢᠯᠡ ᠪᠦᠷᠢ ᠶᠢ ᠲᠤᠩ᠋ᠭᠠ᠃
10 ᠲᠡᠭᠦᠨ ᠦ ᠠᠷᠢᠭᠤᠨ ᠨᠡᠷᠡ ᠪᠡᠷ ᠰᠠᠢᠷᠬᠠ ᠶᠣᠬᠣᠸᠠ ᠶᠢ ᠬᠠᠢᠬᠤ ᠰᠡᠳᠬᠢᠯ ᠪᠠᠶᠠᠷᠯᠠᠬᠤ ᠪᠣᠯᠲᠤᠭᠠᠢ᠃
11 ᠶᠣᠬᠣᠸᠠ ᠪᠣᠯᠣᠨ ᠲᠡᠭᠦᠨ ᠦ ᠬᠦᠴᠦ ᠶᠢ ᠬᠦᠰᠡ ᠲᠡᠭᠦᠨ ᠦ ᠨᠢᠭᠤᠷ ᠴᠢᠷᠠᠢ ᠶᠢ ᠬᠠᠢ᠃
12 ᠬᠢᠭᠰᠡᠨ ᠭᠠᠢᠬᠠᠮᠰᠢᠭ ᠤᠳ ᠬᠢᠭᠡᠳ ᠬᠦᠴᠦᠲᠦ ᠦᠢᠯᠡᠰ ᠢ ᠨᠢ ᠬᠡᠯᠡᠨ ᠦ ᠬᠢᠨᠢ ᠰᠢᠢᠳᠪᠦᠷᠢ ᠨᠦᠭᠦᠳ ᠲᠡᠢ ᠬᠠᠮᠲᠤ ᠰᠠᠨᠠᠵᠤ ᠶᠠᠪᠤ᠃
13 ᠲᠡᠭᠦᠨ ᠦ ᠵᠠᠷᠤᠴᠠ ᠢᠰᠷᠧᠯ ᠤᠨ ᠦᠷᠡ ᠤᠳᠤᠮ ᠡ ᠲᠡᠭᠦᠨ ᠦ ᠰᠣᠩ᠋ᠭᠣᠭᠰᠠᠨ ᠶᠠᠺᠣᠪ ᠤᠨ ᠦᠷᠡ ᠬᠡᠦᠬᠡᠳ ᠤᠳ ᠡ︕
14 ᠲᠡᠷᠡ ᠪᠣᠯ ᠪᠢᠳᠡᠨ ᠦ ᠪᠤᠷᠬᠠᠨ ᠶᠣᠬᠣᠸᠠ ᠲᠡᠭᠦᠨ ᠦ ᠡᠷᠬᠡ ᠮᠡᠳᠡᠯ ᠪᠦᠬᠦ ᠭᠠᠵᠠᠷ ᠳᠡᠯᠡᠬᠡᠢ ᠳᠦ᠃
15 ᠲᠡᠭᠦᠨ ᠦ ᠭᠡᠷᠡ ᠶᠢ ᠡᠭᠦᠷᠢᠳᠡ ᠮᠥᠩᠬᠡᠳᠡ ᠳᠤᠷᠠᠰᠴᠤ ᠲᠡᠭᠦᠨ ᠦ ᠲᠤᠰᠢᠶᠠᠯ ᠢ ᠮᠢᠩ᠋ᠭᠠᠨ ᠦᠶᠡ ᠳᠦ ᠰᠠᠨᠠᠵᠤ ᠶᠠᠪᠤ᠃
16 ᠶᠣᠬᠣᠸᠠ ᠠᠪᠷᠠᠬᠠᠮ ᠲᠠᠢ ᠭᠡᠷᠡ ᠪᠠᠢᠭᠤᠯᠵᠤ ᠢᠰᠠᠺ ᠲᠤ ᠠᠮᠠᠯᠠᠯᠲᠠ ᠪᠠᠨ ᠥᠭᠭᠥᠭᠰᠡᠨ
17 ᠶᠠᠺᠣᠪ ᠲᠤ ᠵᠢᠷᠤᠮ ᠲᠣᠭᠲᠠᠭᠠᠵᠤ ᠢᠰᠷᠧᠯ ᠳᠤ ᠮᠥᠩᠬᠡ ᠶᠢᠨ ᠭᠡᠷᠡ ᠳᠣᠬᠢᠶᠠᠨ
18 《ᠥᠪᠡᠷᠰᠡᠳ ᠲᠦ ᠴᠢᠨᠢ ᠺᠠᠨᠠᠨ ᠨᠤᠲᠤᠭ ᠢ ᠥᠪ ᠬᠤᠪᠢ ᠪᠣᠯᠭᠠᠨ ᠬᠦᠷᠲᠡᠭᠡᠶᠡ》 ᠭᠡᠵᠦ
19 ᠲᠠ ᠨᠠᠷ ᠲᠣᠭᠠ ᠪᠠᠷ ᠴᠥᠭᠡᠨ᠂ ᠪᠠᠭᠤᠷᠠᠢ ᠪᠠᠢᠬᠤ ᠳᠤ ᠲᠠ ᠨᠠᠷ ᠢ ᠬᠠᠷᠢ ᠬᠥᠮᠦᠰ ᠪᠣᠯᠣᠭᠠᠳ
20 ᠨᠢᠭᠡ ᠦᠨᠳᠦᠰᠦᠲᠡᠨ ᠡᠴᠡ ᠨᠥᠭᠥᠭᠡ ᠦᠨᠳᠦᠰᠦᠲᠡᠨ ᠤᠷᠤᠭᠤ ᠨᠢᠭᠡ ᠬᠠᠭᠠᠨᠴᠢᠯᠠᠯ ᠠᠴᠠ ᠨᠥᠭᠥᠭᠡ ᠤᠯᠤᠰ ᠤᠷᠤᠭᠤ ᠲᠡᠨᠦᠭᠦᠴᠢᠯᠡᠨ ᠶᠠᠪᠤᠵᠤ ᠪᠠᠢᠬᠤ ᠳᠤ ᠠᠢᠯᠠᠳᠤᠭᠰᠠᠨ ᠶᠤᠮ᠃
21 ᠲᠠ ᠨᠠᠷ ᠢ ᠳᠠᠷᠤᠯᠠᠬᠤ ᠶᠢ ᠬᠡᠨ ᠳᠦ ᠴᠤ ᠦᠯᠦ ᠵᠥᠪᠰᠢᠶᠡᠷᠡᠵᠦ ᠲᠠ ᠨᠠᠷ ᠤᠨ ᠡᠮᠦᠨᠡ ᠡᠴᠡ ᠬᠠᠭᠠᠳ ᠲᠤ ᠲᠡᠷᠡ ᠰᠠᠨᠠᠭᠤᠯᠤᠨ
22 《ᠮᠢᠨᠦ ᠲᠣᠰᠣᠯᠠᠭᠰᠠᠨ ᠬᠥᠮᠦᠰ ᠲᠦ ᠭᠠᠷ ᠪᠦᠦ ᠬᠦᠷ ᠮᠢᠨᠦ ᠡᠰᠢ ᠦᠵᠡᠭᠦᠯᠦᠭᠴᠢᠳ ᠲᠤ ᠬᠣᠣᠷ ᠪᠦᠦ ᠬᠦᠷᠭᠡ》 ᠭᠡᠯᠡ᠃
23 ᠶᠣᠬᠣᠸᠠ ᠳᠤ ᠳᠠᠭᠤᠤ ᠳᠠᠭᠤᠯᠠ᠂ ᠪᠦᠬᠦ ᠭᠠᠵᠠᠷ ᠳᠡᠯᠡᠬᠡᠢ ᠢᠯᠠᠯᠲᠠ᠂ ᠠᠪᠤᠷᠠᠯ ᠢ ᠨᠢ ᠡᠳᠦᠷ ᠪᠦᠷᠢ ᠲᠤᠩ᠋ᠬᠠᠭᠯᠠ᠃
24 ᠲᠡᠭᠦᠨ ᠦ ᠢᠷᠠᠭᠤ ᠠᠯᠳᠠᠷ ᠢ ᠬᠠᠷᠢᠴᠤᠳ ᠤᠨ ᠳᠤᠮᠳᠠ ᠲᠣᠭᠠᠴᠢ ᠲᠡᠭᠦᠨ ᠦ ᠭᠠᠢᠬᠠᠮᠠ ᠦᠢᠯᠡᠰ ᠢ ᠬᠠᠮᠤᠭ ᠦᠨᠳᠦᠰᠦᠲᠡᠨ ᠳᠦ ᠶᠠᠷᠢ᠃
25 ᠠᠭᠤᠤ ᠶᠡᠬᠡ ᠪᠥᠭᠡᠳ ᠠᠰᠤᠷᠤ ᠭᠠᠢᠬᠠᠭᠤᠰᠢᠲᠠᠢ ᠨᠢ ᠶᠣᠬᠣᠸᠠ ᠠᠯᠢᠪᠠ ᠪᠤᠷᠬᠠᠳ ᠤᠨ ᠳᠡᠭᠡᠷᠡ ᠡᠮᠢᠶᠡᠭᠦᠰᠢᠲᠡᠢ ᠨᠢ ᠲᠡᠷᠡ ᠪᠢᠯᠡ᠃
26 ᠬᠠᠷᠢ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠦᠨ ᠪᠤᠷᠬᠠᠳ ᠪᠦᠭᠦᠳᠡ ᠬᠣᠭᠣᠰᠣᠨ ᠶᠤᠮ ᠬᠠᠷᠢᠨ ᠲᠩᠷᠢ ᠨᠦᠭᠦᠳ ᠢ ᠪᠦᠲᠦᠭᠡᠭᠴᠢ ᠨᠢ ᠶᠣᠬᠣᠸᠠ ᠶᠤᠮ᠃
27 ᠲᠡᠭᠦᠨ ᠦ ᠣᠷᠣᠰᠢᠬᠤᠢ ᠳᠤ ᠰᠦᠷ ᠪᠠ ᠵᠢᠪᠬᠤᠯᠠᠩ ᠲᠡᠭᠦᠨ ᠦ ᠪᠠᠢᠷᠢᠨ ᠳᠤ ᠬᠦᠴᠦ ᠪᠠ ᠪᠠᠶᠠᠰᠬᠤᠯᠠᠩ᠃
28 ᠶᠣᠬᠣᠸᠠ ᠶᠢ ᠮᠠᠭᠲᠠ᠂ ᠣᠪᠣᠭ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠡ ᠢᠷᠠᠭᠤ ᠠᠯᠳᠠᠷ ᠪᠠ ᠬᠦᠴᠦ ᠴᠢᠳᠠᠯ ᠨᠢ ᠲᠡᠭᠦᠨ ᠦ ᠬᠢ᠃
29 ᠶᠣᠬᠣᠸᠠ ᠶᠢᠨ ᠨᠡᠷᠡ ᠳᠦ ᠵᠣᠬᠢᠬᠤ ᠢᠷᠠᠭᠤ ᠠᠯᠳᠠᠷ ᠢ ᠲᠡᠭᠦᠨ ᠳᠦ ᠡᠷᠭᠦᠭᠲᠦᠨ ᠶᠣᠬᠣᠸᠠ ᠳᠤ ᠡᠷᠭᠦᠯ ᠢᠶᠡᠨ ᠠᠪᠴᠢᠷᠠᠵᠤ ᠠᠷᠢᠭᠤᠨ ᠬᠢᠭᠡᠳ ᠵᠢᠪᠬᠤᠯᠠᠩ ᠳᠣᠲᠣᠷᠠ ᠲᠡᠭᠦᠨ ᠳᠦ ᠮᠥᠷᠭᠥᠭᠲᠦᠨ᠃
30 ᠭᠠᠵᠠᠷ ᠲᠤ ᠰᠠᠭᠤᠭᠴᠢᠳ ᠪᠦᠭᠦᠳᠡᠭᠡᠷ ᠲᠡᠭᠦᠨ ᠦ ᠡᠮᠦᠨᠡ ᠪᠥᠵᠢᠭᠯᠡ 10 ᠭᠠᠵᠠᠷ ᠳᠡᠯᠡᠬᠡᠢ ᠪᠠᠲᠤ ᠪᠥᠬᠡ ᠲᠣᠭᠲᠠᠭᠰᠠᠨ ᠲᠤᠯᠠ ᠶᠡᠷᠦ ᠭᠠᠩ᠋ᠬᠤᠬᠤ ᠦᠭᠡᠢ᠃
31 ᠲᠩᠷᠢ ᠪᠠᠶᠠᠷᠯᠠᠨ᠂ ᠭᠠᠵᠠᠷ ᠪᠠᠶᠠᠰᠤᠨᠠ ᠲᠡᠳᠡ ᠬᠣᠶᠠᠭᠤᠯᠠ ᠪᠠᠨ ᠬᠠᠷᠢᠴᠤᠳ ᠲᠤ 《ᠶᠣᠬᠣᠸᠠ ᠬᠠᠭᠠᠨᠴᠢᠯᠠᠳᠠᠭ》 ᠢ ᠲᠤᠩ᠋ᠬᠠᠭᠯᠠᠨᠠ᠃
32 ᠳᠠᠯᠠᠢ ᠪᠣᠯᠣᠨ ᠲᠡᠭᠦᠨ ᠦ ᠳᠣᠲᠣᠷᠠᠬᠢ ᠪᠦᠬᠦᠨ ᠬᠦᠷᠬᠢᠷᠡᠨᠡ ᠲᠠᠯᠠᠪᠠᠢ ᠪᠣᠯᠣᠨ ᠲᠡᠭᠦᠨ ᠦ ᠳᠣᠲᠣᠷᠠᠬᠢ ᠪᠦᠬᠦᠨ ᠴᠡᠩᠭᠡᠯᠳᠦᠨᠡ᠃
33 ᠣᠢ ᠮᠣᠳᠣᠳ ᠴᠤ ᠲᠡᠷᠡ ᠦᠶᠡ ᠳᠦ ᠶᠣᠬᠣᠸᠠ ᠶᠢᠨ ᠡᠮᠦᠨᠡ ᠤᠤᠬᠠᠢᠯᠠᠨᠠ᠂ ᠤᠴᠢᠷ ᠨᠢ ᠲᠡᠷᠡ ᠪᠡᠷ ᠳᠡᠯᠡᠬᠡᠢ ᠶᠢ ᠰᠢᠭᠦᠬᠦ ᠪᠡᠷ ᠢᠷᠡᠨᠡ᠃
34 ᠶᠣᠬᠣᠸᠠ ᠳᠤ ᠲᠠᠯᠠᠷᠬᠠ ᠲᠡᠷᠡ ᠰᠠᠢᠨ᠂ ᠲᠡᠭᠦᠨ ᠦ ᠦᠨᠡᠨ ᠬᠠᠢᠷᠠ ᠡᠭᠦᠷᠢᠳᠡ ᠶᠢᠨ ᠬᠢ᠃
35 ᠲᠠ ᠨᠠᠷ᠄ 《〈ᠪᠢᠳᠡᠨ ᠦ ᠠᠪᠤᠷᠠᠯ ᠤᠨ ᠪᠤᠷᠬᠠᠨ ᠡ᠂ ᠪᠢᠳᠡᠨ ᠢ ᠠᠪᠤᠷᠠᠭᠠᠴᠢ ᠪᠢᠳᠡᠨ ᠢ ᠴᠤᠭᠯᠠᠭᠤᠯᠤᠨ ᠬᠠᠷᠢᠴᠤᠳ ᠠᠴᠠ ᠭᠡᠲᠦᠯᠭᠡᠭᠡᠴᠢ᠃ ᠲᠠᠨ ᠤ ᠠᠷᠢᠭᠤᠨ ᠨᠡᠷᠡ ᠳᠦ ᠪᠢᠳᠡ ᠲᠠᠯᠠᠷᠬᠠᠵᠤ ᠲᠠᠨ ᠢ ᠮᠠᠭᠲᠠᠨ ᠰᠠᠢᠷᠬᠠᠬᠤ ᠪᠣᠯᠣᠨᠠ
36 ᠮᠥᠩᠬᠡ ᠶᠢᠨ ᠮᠥᠩᠬᠡᠳᠡ ᠢᠰᠷᠧᠯ ᠤᠨ ᠪᠤᠷᠬᠠᠨ ᠶᠣᠬᠣᠸᠠ ᠮᠠᠭᠲᠠᠭᠳᠠᠬᠤ ᠪᠣᠯᠲᠤᠭᠠᠢ〉 ᠭᠡᠵᠦ ᠬᠡᠯᠡ》 ᠭᠡᠪᠡ᠃
ᠲᠡᠭᠡᠬᠦ ᠳᠦ ᠠᠷᠠᠳ ᠲᠦᠮᠡᠨ ᠪᠦᠭᠦᠳᠡᠭᠡᠷ ᠢᠶᠡᠨ᠄ 《ᠠᠮᠧᠨ》 ᠬᠡᠮᠡᠨ ᠶᠣᠬᠣᠸᠠ ᠶᠢ ᠮᠠᠭᠲᠠᠪᠠ᠃
ᠪᠠᠢᠩ᠋ᠭᠤ ᠶᠢᠨ ᠮᠥᠷᠭᠥᠯ ᠲᠣᠭᠲᠠᠪᠤᠷᠢᠵᠢᠪᠠ
37 ᠳ᠋ᠠᠸᠢᠳ᠋ ᠠᠰᠠᠹ ᠪᠣᠯᠣᠨ ᠲᠡᠭᠦᠨ ᠦ ᠬᠠᠮᠲᠤᠷᠠᠭᠴᠢᠳ ᠢ ᠶᠣᠬᠣᠸᠠ ᠶᠢᠨ ᠭᠡᠷᠡ ᠶᠢᠨ ᠠᠪᠳᠠᠷᠠ ᠶᠢᠨ ᠡᠮᠦᠨᠡ ᠦᠯᠡᠳᠡᠭᠡᠵᠦ᠂ ᠲᠡᠨᠳᠡ ᠲᠣᠭᠲᠠᠮᠠᠯ ᠴᠠᠭ ᠢᠶᠠᠷ ᠠᠵᠢᠯᠯᠠᠭᠤᠯᠤᠨ ᠡᠳᠦᠷ ᠲᠤᠲᠤᠮ ᠤᠨ ᠠᠵᠢᠯ ᠢ ᠭᠦᠢᠴᠡᠳᠬᠡᠭᠦᠯᠪᠡ᠃ 38 ᠳ᠋ᠠᠸᠢᠳ᠋ ᠲᠡᠳᠡᠨ ᠲᠡᠢ ᠬᠠᠮᠲᠤ ᠣᠪᠧᠳ᠋ ᠡᠳᠣᠮ ᠪᠣᠯᠣᠨ ᠵᠢᠷᠠᠨ ᠨᠠᠢ᠌ᠮᠠᠨ ᠬᠠᠮᠲᠤᠷᠠᠭᠴᠢ ᠶᠢ ᠦᠯᠡᠳᠡᠭᠡᠵᠦ ᠠᠵᠢᠯᠯᠠᠭᠤᠯᠵᠠᠢ᠃ ᠬᠠᠭᠠᠯᠭᠠᠴᠢᠳ ᠨᠢ ᠶᠧᠳᠦ᠋ᠲ᠋ᠦ᠋ᠨ ᠤ ᠬᠦᠦ ᠣᠪᠧᠳ᠋ ᠡᠳᠣᠮ ᠪᠠ ᠬᠣᠰᠠ ᠨᠠᠷ ᠪᠠᠢᠪᠠ᠃ 39 ᠳ᠋ᠠᠸᠢᠳ᠋ ᠲᠠᠬᠢᠯᠴᠢ ᠽᠠᠳᠣᠺ ᠪᠣᠯᠣᠨ ᠲᠡᠭᠦᠨ ᠦ ᠬᠠᠮᠢᠶᠠᠲᠠᠨ ᠲᠠᠬᠢᠯᠴᠢᠳ ᠢ ᠭᠢᠪᠧᠶᠣᠨ ᠳᠠᠬᠢ ᠮᠥᠷᠭᠥᠯ ᠦᠨ ᠮᠠᠨᠳᠠᠯ ᠳᠤ ᠪᠠᠢᠭᠠ ᠶᠣᠬᠣᠸᠠ ᠶᠢᠨ ᠣᠷᠣᠰᠢᠬᠤᠢ ᠶᠢᠨ ᠴᠠᠴᠠᠷ ᠤᠨ ᠡᠮᠦᠨᠡ ᠦᠢᠯᠡᠴᠢᠯᠡᠭᠦᠯᠪᠡ᠃ 40 ᠲᠡᠳᠡ ᠶᠣᠬᠣᠸᠠ ᠶᠢᠨ ᠢᠰᠷᠧᠯ ᠳᠤ ᠰᠣᠶᠣᠷᠬᠠᠭᠰᠠᠨ ᠬᠠᠤᠯᠢ ᠳᠤ ᠪᠢᠴᠢᠭᠳᠡᠭᠰᠡᠨ ᠪᠦᠭᠦᠳᠡ ᠶᠢᠨ ᠶᠣᠰᠣᠭᠠᠷ ᠰᠢᠲᠠᠭᠠᠯᠭᠠᠲᠤ ᠲᠠᠬᠢᠯ ᠢ ᠰᠢᠲᠠᠭᠠᠯᠭᠠᠲᠤ ᠲᠠᠬᠢᠯ ᠤᠨ ᠰᠢᠷᠡᠭᠡᠨ ᠳᠡᠭᠡᠷᠡ ᠥᠷᠯᠥᠭᠡ ᠣᠷᠣᠢ ᠪᠦᠷᠢ ᠲᠣᠭᠲᠠᠮᠠᠯ ᠴᠠᠭ ᠢᠶᠠᠷ ᠶᠣᠬᠣᠸᠠ ᠳᠤ ᠡᠷᠭᠦᠳᠡᠭ ᠪᠠᠢᠵᠠᠢ᠃ 41 ᠲᠡᠳᠡᠨ ᠦ ᠬᠠᠮᠲᠤᠷᠠᠭᠴᠢᠳ ᠪᠣᠯ ᠾᠧᠮᠠᠨ᠂ ᠶᠧᠳᠦ᠋ᠲ᠋ᠦ᠋ᠨ ᠪᠣᠯᠣᠨ ᠨᠡᠷᠡ ᠨᠡᠷᠡ ᠪᠡᠷ ᠢᠶᠠᠨ ᠰᠢᠯᠢᠭᠳᠡᠵᠦ ᠲᠣᠮᠢᠯᠠᠭᠳᠠᠭᠰᠠᠨ ᠯᠧᠸᠢᠴᠦᠳ ᠶᠤᠮ᠃ ᠲᠡᠳᠡ᠄ 《ᠲᠡᠭᠦᠨ ᠦ ᠬᠠᠢᠷᠠ ᠮᠥᠩᠬᠡᠳᠡ》 ᠬᠡᠮᠡᠨ ᠲᠠᠯᠠᠷᠬᠠᠯ ᠡᠷᠭᠦᠳᠡᠭ᠃ 42 ᠪᠤᠷᠬᠠᠨ ᠢ ᠮᠠᠭᠲᠠᠭᠰᠠᠨ ᠠᠶᠠ ᠳᠠᠭᠤᠤ ᠳᠤ ᠨᠡᠢᠴᠡᠭᠦᠯᠦᠨ ᠾᠧᠮᠠᠨ᠂ ᠶᠧᠳᠦ᠋ᠲ᠋ᠦ᠋ᠨ ᠨᠠᠷ ᠪᠦᠷᠢᠶᠡ᠂ ᠴᠠᠩ ᠵᠡᠷᠭᠡ ᠬᠥᠭᠵᠢᠮ ᠢ ᠡᠭᠡᠰᠢᠭᠯᠡᠭᠦᠯᠪᠡ᠃ ᠬᠠᠭᠠᠯᠭᠠᠴᠢᠳ ᠨᠢ ᠶᠧᠳᠦ᠋ᠲ᠋ᠦ᠋ᠨ ᠤ ᠬᠥᠪᠡᠭᠦᠳ ᠪᠠᠢᠪᠠ᠃ 43 ᠲᠡᠭᠡᠭᠡᠳ ᠠᠷᠠᠳ ᠲᠦᠮᠡᠨ ᠪᠦᠭᠦᠳᠡᠭᠡᠷ ᠢᠶᠡᠨ ᠭᠡᠷ ᠭᠡᠷ ᠤᠷᠤᠭᠤ ᠪᠠᠨ ᠶᠠᠪᠤᠵᠤ᠂ ᠳ᠋ᠠᠸᠢᠳ᠋ ᠴᠤ ᠪᠤᠴᠠᠵᠤ ᠭᠡᠷ ᠪᠦᠯᠢ ᠶᠢᠨ ᠬᠢᠨ ᠢᠶᠠᠨ ᠢᠷᠥᠭᠡᠪᠡ᠃