ᠱᠠᠰᠲᠢᠷ ᠤᠨ ᠳᠡᠭᠡᠳᠦ ᠬᠣᠷᠢᠨ ᠳᠣᠯᠣᠭᠠ
ᠦᠢᠯᠡᠴᠢᠯᠡᠬᠦ ᠴᠡᠷᠢᠭ ᠤᠨ ᠠᠬᠠᠯᠠᠭᠴᠢ ᠶᠢᠨ ᠬᠤᠪᠢᠶᠠᠷᠢ
1 ᠢᠰᠷᠧᠯᠴᠦᠳ ᠦᠨ ᠳᠤᠮᠳᠠᠬᠢ ᠡᠷᠦᠬᠡ ᠶᠢᠨ ᠠᠬᠠᠯᠠᠭᠴᠢᠳ᠂ ᠮᠢᠩ᠋ᠭᠠᠲᠤ ᠶᠢᠨ ᠳᠠᠷᠤᠭᠠ᠂ ᠵᠠᠭᠤᠲᠤ ᠶᠢᠨ ᠳᠠᠷᠤᠭᠠ ᠪᠣᠯᠣᠨ ᠪᠢᠴᠢᠭᠲᠡᠳ ᠦᠨ ᠨᠡᠷᠡᠰ ᠦᠨ ᠵᠢᠭᠰᠠᠭᠠᠯᠲᠠ᠄ ᠲᠡᠳᠡ ᠲᠥᠷᠥᠯ ᠪᠦᠷᠢ ᠶᠢᠨ ᠠᠵᠢᠯ ᠢᠶᠠᠷ ᠢᠶᠠᠨ ᠬᠠᠭᠠᠨ ᠳᠤ ᠦᠢᠯᠡᠴᠢᠯᠡᠵᠦ ᠪᠠᠢᠪᠠ᠂ ᠲᠡᠳᠡ ᠠᠷᠪᠠᠨ ᠬᠣᠶᠠᠷ ᠪᠦᠯᠦᠭ ᠬᠤᠪᠢᠶᠠᠭᠳᠠᠭᠠᠳ ᠪᠦᠯᠦᠭ ᠪᠦᠷᠢ ᠶᠢᠨ ᠬᠣᠶᠠᠷ ᠲᠦᠮᠡ ᠳᠥᠷᠪᠡᠨ ᠮᠢᠩ᠋ᠭᠠᠨ ᠬᠥᠮᠦᠨ ᠢᠶᠡᠷ ᠵᠢᠯ ᠳᠤ ᠨᠢᠭᠡ ᠰᠠᠷᠠ ᠦᠢᠯᠡᠴᠢᠯᠡᠳᠡᠭ᠌ ᠪᠠᠢᠯᠠ᠃
2 ᠨᠢᠭᠡᠳᠦᠭᠡᠷ ᠰᠠᠷᠠ ᠳᠤ ᠠᠯᠪᠠ ᠬᠠᠭᠠᠬᠤ ᠨᠢᠭᠡᠳᠦᠭᠡᠷ ᠪᠦᠯᠦᠭ ᠦᠨ ᠠᠬᠠᠯᠠᠭᠴᠢ ᠨᠢ ᠽᠠᠪᠳᠢᠶᠧᠯ ᠤᠨ ᠬᠦᠦ ᠶᠠᠱᠣᠪᠧᠶᠠᠮ ᠪᠣᠯᠣᠨᠠ᠃ ᠲᠡᠭᠦᠨ ᠦ ᠪᠦᠯᠦᠭ ᠲᠦ ᠬᠣᠶᠠᠷ ᠲᠦᠮᠡ ᠳᠥᠷᠪᠡᠨ ᠮᠢᠩ᠋ᠭᠠᠨ ᠬᠥᠮᠦᠨ ᠲᠡᠢ᠃ 3 ᠲᠡᠷᠡ ᠫᠧᠷᠧᠽ ᠤᠨ ᠦᠷᠡ ᠤᠳᠤᠮ ᠪᠥᠭᠡᠳ ᠨᠢᠭᠡᠳᠦᠭᠡᠷ ᠰᠠᠷᠠ ᠳᠤ ᠠᠯᠪᠠ ᠬᠠᠭᠠᠬᠤ ᠴᠡᠷᠢᠭ ᠤᠨ ᠪᠦᠬᠦ ᠳᠠᠷᠤᠭᠠ ᠶᠢᠨ ᠠᠬᠠᠯᠠᠭᠴᠢ ᠶᠤᠮ᠃ 4 ᠬᠣᠶᠠᠳᠤᠭᠠᠷ ᠰᠠᠷᠠ ᠳᠤ ᠠᠯᠪᠠ ᠬᠠᠭᠠᠬᠤ ᠪᠦᠯᠦᠭ ᠦᠨ ᠠᠬᠠᠯᠠᠭᠴᠢ ᠨᠢ ᠠᠬᠣᠾᠢ ᠬᠥᠮᠦᠨ ᠳ᠋ᠣᠳᠠᠢ ᠪᠥᠭᠡᠳ ᠳᠡᠳ᠋ ᠠᠬᠠᠯᠠᠭᠴᠢ ᠨᠢ ᠮᠢᠺᠯᠣᠲ ᠪᠣᠯᠣᠨᠠ᠃ ᠲᠡᠭᠦᠨ ᠦ ᠪᠦᠯᠦᠭ ᠲᠦ ᠬᠣᠶᠠᠷ ᠲᠦᠮᠡ ᠳᠥᠷᠪᠡᠨ ᠮᠢᠩ᠋ᠭᠠᠨ ᠬᠥᠮᠦᠨ ᠲᠡᠢ᠃ 5 ᠭᠤᠷᠪᠠᠳᠤᠭᠠᠷ ᠰᠠᠷᠠ ᠳᠤ ᠠᠯᠪᠠ ᠬᠠᠭᠠᠬᠤ ᠭᠤᠷᠪᠠᠳᠠᠬᠢ ᠪᠦᠯᠦᠭ ᠦᠨ ᠠᠬᠠᠯᠠᠭᠴᠢ ᠨᠢ ᠲᠠᠬᠢᠯᠴᠢ ᠶᠧᠬᠣᠷᠠᠢᠳᠠ ᠶᠢᠨ ᠬᠦᠦ ᠪᠧᠨᠠᠢᠶᠠ ᠪᠣᠯᠣᠨᠠ᠃ ᠲᠡᠭᠦᠨ ᠦ ᠪᠦᠯᠦᠭ ᠲᠦ ᠬᠣᠶᠠᠷ ᠲᠦᠮᠡ ᠳᠥᠷᠪᠡᠨ ᠮᠢᠩ᠋ᠭᠠᠨ ᠬᠥᠮᠦᠨ ᠲᠡᠢ᠃ 6 ᠡᠨᠡ ᠪᠧᠨᠠᠢᠶᠠ ᠪᠣᠯ ᠭᠤᠴᠢᠨ ᠬᠦᠴᠦᠲᠦ ᠡᠷᠡ ᠶᠢᠨ ᠨᠢᠭᠡ ᠪᠥᠭᠡᠳ ᠲᠡᠳᠡᠭᠡᠷ ᠭᠤᠴᠢ ᠶᠢ ᠵᠠᠬᠢᠷᠳᠠᠭ ᠪᠠᠢᠪᠠ᠃ ᠲᠡᠭᠦᠨ ᠦ ᠪᠦᠯᠦᠭ ᠦᠨ ᠳᠡᠳ᠋ ᠠᠬᠠᠯᠠᠭᠴᠢ ᠪᠣᠯ ᠲᠡᠭᠦᠨ ᠦ ᠬᠦᠦ ᠠᠮᠢᠽᠠᠪᠠᠳ᠋ ᠶᠤᠮ᠃ 7 ᠳᠥᠷᠪᠡᠳᠦᠭᠡᠷ ᠰᠠᠷᠠ ᠳᠤ ᠠᠯᠪᠠ ᠬᠠᠭᠠᠬᠤ ᠳᠥᠷᠪᠡᠳᠡᠬᠢ ᠪᠦᠯᠦᠭ ᠦᠨ ᠠᠬᠠᠯᠠᠭᠴᠢ ᠨᠢ ᠶᠣᠶᠠᠪ ᠤᠨ ᠳᠡᠭᠦᠦ ᠠᠰᠠᠾᠧᠯ᠂ ᠳᠡᠳ᠋ ᠠᠬᠠᠯᠠᠭᠴᠢ ᠨᠢ ᠲᠡᠭᠦᠨ ᠦ ᠬᠦᠦ ᠽᠧᠪᠠᠳᠢᠶᠠ ᠪᠣᠯᠣᠨᠠ᠃ ᠲᠡᠭᠦᠨ ᠦ ᠪᠦᠯᠦᠭ ᠲᠦ ᠬᠣᠶᠠᠷ ᠲᠦᠮᠡ ᠳᠥᠷᠪᠡᠨ ᠮᠢᠩ᠋ᠭᠠᠨ ᠬᠥᠮᠦᠨ ᠲᠡᠢ᠃ 8 ᠲᠠᠪᠤᠳᠤᠭᠠᠷ ᠰᠠᠷᠠ ᠳᠤ ᠠᠯᠪᠠ ᠬᠠᠭᠠᠬᠤ ᠲᠠᠪᠤᠳᠠᠬᠢ ᠪᠦᠯᠦᠭ ᠦᠨ ᠠᠬᠠᠯᠠᠭᠴᠢ ᠨᠢ ᠢᠽᠷᠠ ᠬᠥᠮᠦᠨ ᠱᠠᠮᠾᠦ᠋ᠲ ᠪᠣᠯᠣᠨᠠ᠃ ᠲᠡᠭᠦᠨ ᠦ ᠪᠦᠯᠦᠭ ᠲᠦ ᠬᠣᠶᠠᠷ ᠲᠦᠮᠡ ᠳᠥᠷᠪᠡᠨ ᠮᠢᠩ᠋ᠭᠠᠨ ᠬᠥᠮᠦᠨ ᠲᠡᠢ᠃ 9 ᠵᠢᠷᠭᠤᠳᠤᠭᠠᠷ ᠰᠠᠷᠠ ᠳᠤ ᠠᠯᠪᠠ ᠬᠠᠭᠠᠬᠤ ᠵᠢᠷᠭᠤᠳᠠᠬᠢ ᠪᠦᠯᠦᠭ ᠦᠨ ᠠᠬᠠᠯᠠᠭᠴᠢ ᠨᠢ ᠲᠧᠺᠣᠶᠠ ᠬᠥᠮᠦᠨ ᠢᠺᠧᠱ ᠤᠨ ᠬᠦᠦ ᠢᠷᠠ ᠪᠣᠯᠣᠨᠠ᠃ ᠲᠡᠭᠦᠨ ᠦ ᠪᠦᠯᠦᠭ ᠲᠦ ᠬᠣᠶᠠᠷ ᠲᠦᠮᠡ ᠳᠥᠷᠪᠡᠨ ᠮᠢᠩ᠋ᠭᠠᠨ ᠬᠥᠮᠦᠨ ᠲᠡᠢ᠃ 10 ᠳᠣᠯᠣᠳᠤᠭᠠᠷ ᠰᠠᠷᠠ ᠳᠤ ᠠᠯᠪᠠ ᠬᠠᠭᠠᠬᠤ ᠳᠣᠯᠣᠳᠠᠬᠢ ᠪᠦᠯᠦᠭ ᠦᠨ ᠠᠬᠠᠯᠠᠭᠴᠢ ᠨᠢ ᠡᠹᠷᠠᠢᠮ ᠤᠨ ᠦᠷᠡ ᠤᠳᠤᠮ ᠫᠧᠯᠣᠨ ᠬᠥᠮᠦᠨ ᠾᠧᠯᠧᠽ ᠪᠣᠯᠣᠨᠠ᠃ ᠲᠡᠭᠦᠨ ᠦ ᠪᠦᠯᠦᠭ ᠲᠦ ᠬᠣᠶᠠᠷ ᠲᠦᠮᠡ ᠳᠥᠷᠪᠡᠨ ᠮᠢᠩ᠋ᠭᠠᠨ ᠬᠥᠮᠦᠨ ᠲᠡᠢ᠃ 11 ᠨᠠᠢ᠌ᠮᠠᠳᠤᠭᠠᠷ ᠰᠠᠷᠠ ᠳᠤ ᠠᠯᠪᠠ ᠬᠠᠭᠠᠬᠤ ᠨᠠᠢ᠌ᠮᠠᠳᠠᠬᠢ ᠪᠦᠯᠦᠭ ᠦᠨ ᠠᠬᠠᠯᠠᠭᠴᠢ ᠨᠢ ᠽᠧᠷᠠᠴᠤᠳ ᠠᠴᠠ ᠭᠠᠷᠤᠯ ᠲᠠᠢ ᠾᠦᠱᠠᠲ ᠬᠥᠮᠦᠨ ᠰᠢᠪᠧᠺᠠᠢ ᠪᠣᠯᠣᠨᠠ᠃ ᠲᠡᠭᠦᠨ ᠦ ᠪᠦᠯᠦᠭ ᠲᠦ ᠬᠣᠶᠠᠷ ᠲᠦᠮᠡ ᠳᠥᠷᠪᠡᠨ ᠮᠢᠩ᠋ᠭᠠᠨ ᠬᠥᠮᠦᠨ ᠲᠡᠢ᠃ 12 ᠶᠢᠰᠦᠳᠦᠭᠡᠷ ᠰᠠᠷᠠ ᠳᠤ ᠠᠯᠪᠠ ᠬᠠᠭᠠᠬᠤ ᠶᠢᠰᠦᠳᠡᠬᠢ ᠪᠦᠯᠦᠭ ᠦᠨ ᠠᠬᠠᠯᠠᠭᠴᠢ ᠨᠢ ᠪᠢᠨᠶᠠᠮᠢᠨᠴᠤᠳ ᠠᠴᠠ ᠭᠠᠷᠤᠯ ᠲᠠᠢ ᠠᠨᠠᠲ᠋ᠣᠲ ᠬᠥᠮᠦᠨ ᠠᠪᠢᠶᠧᠽᠧᠷ ᠪᠣᠯᠣᠨᠠ᠃ ᠲᠡᠭᠦᠨ ᠦ ᠪᠦᠯᠦᠭ ᠲᠦ ᠬᠣᠶᠠᠷ ᠲᠦᠮᠡ ᠳᠥᠷᠪᠡᠨ ᠮᠢᠩ᠋ᠭᠠᠨ ᠬᠥᠮᠦᠨ ᠲᠡᠢ᠃ 13 ᠠᠷᠪᠠᠳᠤᠭᠠᠷ ᠰᠠᠷᠠ ᠳᠤ ᠠᠯᠪᠠ ᠬᠠᠭᠠᠬᠤ ᠠᠷᠪᠠᠳᠠᠬᠢ ᠪᠦᠯᠦᠭ ᠦᠨ ᠠᠬᠠᠯᠠᠭᠴᠢ ᠨᠢ ᠽᠧᠷᠠᠴᠤᠳ ᠠᠴᠠ ᠭᠠᠷᠤᠯ ᠲᠠᠢ ᠨᠧᠲ᠋ᠣᠹᠠ ᠬᠥᠮᠦᠨ ᠮᠠᠬᠠᠷᠠᠢ ᠪᠣᠯᠣᠨᠠ᠃ ᠲᠡᠭᠦᠨ ᠦ ᠪᠦᠯᠦᠭ ᠲᠦ ᠬᠣᠶᠠᠷ ᠲᠦᠮᠡ ᠳᠥᠷᠪᠡᠨ ᠮᠢᠩ᠋ᠭᠠᠨ ᠬᠥᠮᠦᠨ ᠲᠡᠢ᠃ 14 ᠠᠷᠪᠠᠨ ᠨᠢᠭᠡᠳᠦᠭᠡᠷ ᠰᠠᠷᠠ ᠳᠤ ᠠᠯᠪᠠ ᠬᠠᠭᠠᠬᠤ ᠠᠷᠪᠠᠨ ᠨᠢᠭᠡᠳᠡᠬᠢ ᠪᠦᠯᠦᠭ ᠦᠨ ᠠᠬᠠᠯᠠᠭᠴᠢ ᠨᠢ ᠡᠹᠷᠠᠢᠮ ᠤᠨ ᠦᠷᠡ ᠤᠳᠤᠮ ᠤᠨ ᠫᠢᠷᠠᠲ᠋ᠣᠨ ᠬᠥᠮᠦᠨ ᠪᠧᠨᠠᠢᠶᠠ ᠪᠣᠯᠣᠨᠠ᠃ ᠲᠡᠭᠦᠨ ᠦ ᠪᠦᠯᠦᠭ ᠲᠦ ᠬᠣᠶᠠᠷ ᠲᠦᠮᠡ ᠳᠥᠷᠪᠡᠨ ᠮᠢᠩ᠋ᠭᠠᠨ ᠬᠥᠮᠦᠨ ᠲᠡᠢ᠃ 15 ᠠᠷᠪᠠᠨ ᠬᠣᠶᠠᠳᠤᠭᠠᠷ ᠰᠠᠷᠠ ᠳᠤ ᠠᠯᠪᠠ ᠬᠠᠭᠠᠬᠤ ᠠᠷᠪᠠᠨ ᠬᠣᠶᠠᠳᠠᠬᠢ ᠪᠦᠯᠦᠭ ᠦᠨ ᠠᠬᠠᠯᠠᠭᠴᠢ ᠨᠢ ᠣᠲ᠋ᠨᠢᠶᠧᠯ ᠤᠨ ᠦᠷᠡ ᠤᠳᠤᠮ ᠨᠧᠲ᠋ᠣᠹᠠ ᠬᠥᠮᠦᠨ ᠾᠧᠯᠳᠠᠢ ᠪᠣᠯᠣᠨᠠ᠃ ᠲᠡᠭᠦᠨ ᠦ ᠪᠦᠯᠦᠭ ᠲᠦ ᠬᠣᠶᠠᠷ ᠲᠦᠮᠡ ᠳᠥᠷᠪᠡᠨ ᠮᠢᠩ᠋ᠭᠠᠨ ᠬᠥᠮᠦᠨ ᠲᠡᠢ᠃
ᠣᠪᠣᠭ ᠤᠨ ᠤᠳᠤᠷᠢᠳᠤᠭᠴᠢᠳ
16 ᠢᠰᠷᠧᠯ ᠤᠨ ᠣᠪᠣᠭ ᠪᠦᠷᠢ ᠶᠢᠨ ᠤᠳᠤᠷᠢᠳᠤᠭᠴᠢᠳ᠄ ᠷᠧᠣᠪᠧᠨᠴᠤᠳ ᠲᠤ ᠽᠢᠬᠷᠢ ᠶᠢᠨ ᠬᠦᠦ ᠡᠯᠢᠶᠧᠽᠧᠷ᠂ ᠰᠢᠮᠧᠶᠣᠨᠴᠤᠳ ᠲᠤ ᠮᠠᠺᠠ ᠶᠢᠨ ᠬᠦᠦ ᠱᠧᠹᠠᠲ᠋ᠢᠶᠠ᠂ 17 ᠯᠧᠸᠢ ᠳᠤ ᠺᠧᠮᠦ᠋ᠶᠧᠯ ᠤᠨ ᠬᠦᠦ ᠬᠠᠱᠠᠪᠢᠶᠠ᠂ ᠠᠷᠣᠨ ᠳᠤ ᠽᠠᠳᠣᠺ᠂ 18 ᠶᠦᠳᠠ ᠳᠤ ᠳ᠋ᠠᠸᠢᠳ᠋ ᠤᠨ ᠠᠬᠠ ᠡᠯᠢᠾᠦ᠋᠂ ᠢᠰᠠᠺᠠᠷ ᠲᠤ ᠮᠢᠺᠠᠶᠧᠯ ᠤᠨ ᠬᠦᠦ ᠣᠮᠷᠢ᠂ 19 ᠽᠧᠪᠦ᠋ᠯᠣᠨ ᠳᠤ ᠣᠪᠠᠳᠢᠶᠠ ᠶᠢᠨ ᠬᠦᠦ ᠢᠱᠮᠠᠢᠶᠠ᠂ ᠨᠠᠹᠲ᠋ᠠᠯᠢ ᠳᠤ ᠠᠽᠷᠢᠶᠧᠯ ᠤᠨ ᠬᠦᠦ ᠶᠧᠷᠧᠮᠣᠲ᠂ 20 ᠡᠹᠷᠠᠢᠮᠴᠤᠳ ᠲᠤ ᠠᠽᠠᠽᠢᠶᠠ ᠶᠢᠨ ᠬᠦᠦ ᠬᠣᠱᠧᠶᠠ᠂ ᠮᠠᠨᠠᠰᠧ ᠶᠢᠨ ᠬᠠᠭᠠᠰ ᠣᠪᠣᠭ ᠲᠤ ᠫᠧᠳᠠᠶᠠ ᠶᠢᠨ ᠬᠦᠦ ᠶᠣᠶᠧᠯ᠂ 21 ᠭᠢᠯᠧᠶᠠᠳ᠋ ᠳᠠᠬᠢ ᠮᠠᠨᠠᠰᠧ ᠶᠢᠨ ᠬᠠᠭᠠᠰ ᠣᠪᠣᠭ ᠲᠤ ᠽᠧᠺᠠᠷᠢᠶᠠ ᠶᠢᠨ ᠬᠦᠦ ᠢᠳᠣ᠋᠂ ᠪᠢᠨᠶᠠᠮᠢᠨ ᠳᠤ ᠠᠪᠨᠧᠷ ᠤᠨ ᠬᠦᠦ ᠶᠠᠰᠢᠶᠧᠯ᠂ 22 ᠳ᠋ᠠᠨ ᠳᠤ ᠶᠧᠷᠣᠬᠠᠮ ᠤᠨ ᠬᠦᠦ ᠠᠽᠠᠷᠧᠯ ᠨᠠᠷ ᠪᠠᠢᠪᠠ᠃ ᠡᠳᠡ ᠢᠰᠷᠧᠯ ᠤᠨ ᠣᠪᠣᠭ ᠤᠳ ᠤᠨ ᠠᠬᠠᠯᠠᠭᠴᠢ ᠪᠠᠢᠯᠠ᠃ 23 ᠶᠣᠬᠣᠸᠠ ᠢᠰᠷᠧᠯ ᠢ ᠲᠩᠷᠢ ᠶᠢᠨ ᠣᠳᠣ ᠮᠡᠲᠦ ᠣᠯᠠᠰᠢᠷᠠᠭᠤᠯᠤᠨᠠ ᠭᠡᠵᠦ ᠠᠢᠯᠠᠳᠤᠭᠰᠠᠨ ᠤᠴᠢᠷ ᠠᠴᠠ ᠳ᠋ᠠᠸᠢᠳ᠋ ᠬᠣᠷᠢ ᠪᠣᠯᠣᠨ ᠬᠣᠷᠢ ᠡᠴᠡ ᠳᠣᠭᠣᠭᠰᠢᠬᠢ ᠨᠠᠰᠤᠨ ᠤ ᠬᠥᠮᠦᠨ ᠢ ᠲᠣᠭᠠᠯᠠᠭᠰᠠᠨ ᠦᠭᠡᠢ᠃ 24 ᠽᠧᠷᠣᠢᠶᠠ ᠶᠢᠨ ᠬᠦᠦ ᠶᠣᠶᠠᠪ ᠲᠣᠭᠠᠯᠠᠵᠤ ᠡᠬᠢᠯᠡᠭᠰᠡᠨ ᠪᠣᠯᠪᠠᠴᠤ ᠡᠭᠦᠨ ᠡᠴᠡ ᠪᠣᠯᠵᠤ ᠪᠤᠷᠬᠠᠨ ᠤ ᠠᠭᠤᠷ ᠬᠢᠯᠢᠩ ᠢᠰᠷᠧᠯ ᠳᠡᠭᠡᠷᠡ ᠪᠠᠭᠤᠭᠰᠠᠨ ᠳᠤ᠂ ᠲᠡᠷᠡ ᠲᠣᠭᠠᠯᠠᠵᠤ ᠳᠠᠭᠤᠰᠬᠠᠭᠰᠠᠨ ᠦᠭᠡᠢ᠃ ᠲᠡᠢᠮᠦ ᠡᠴᠡ ᠦᠷᠡ ᠳ᠋ᠦᠩ ᠨᠢ ᠳ᠋ᠠᠸᠢᠳ᠋ ᠬᠠᠭᠠᠨ ᠤ ᠱᠠᠰᠲᠢᠷ ᠤᠨ ᠲᠡᠦᠬᠡᠨ ᠳᠦ ᠣᠷᠣᠭᠰᠠᠨ ᠦᠭᠡᠢ ᠶᠤᠮ᠃
ᠬᠠᠭᠠᠨ ᠤ ᠨᠢᠷᠪᠠ ᠨᠤᠭᠤᠳ ᠪᠠ ᠵᠥᠪᠯᠡᠭᠴᠢᠳ
25 ᠬᠠᠭᠠᠨ ᠤ ᠬᠥᠮᠥᠷᠭᠡ ᠶᠢ ᠬᠠᠮᠢᠶᠠᠷᠤᠭᠴᠢ ᠨᠢ ᠠᠳᠢᠶᠧᠯ ᠤᠨ ᠬᠦᠦ ᠠᠽᠮᠠᠸᠧᠲ; ᠬᠥᠳᠡᠭᠡ᠂ ᠬᠣᠲᠠ᠂ ᠲᠣᠰᠬᠣᠨ᠂ ᠴᠠᠢᠵᠠ ᠳᠠᠬᠢ ᠬᠥᠮᠥᠷᠭᠡ ᠶᠢ ᠬᠠᠮᠢᠶᠠᠷᠤᠭᠴᠢ ᠨᠢ ᠦᠽᠢᠶᠠ ᠶᠢᠨ ᠬᠦᠦ ᠶᠣᠨᠠᠲ᠋ᠠᠨ; 26 ᠭᠠᠵᠠᠷ ᠲᠠᠷᠢᠶᠠᠯᠠᠩ ᠳᠤ ᠠᠵᠢᠯᠯᠠᠳᠠᠭ ᠲᠠᠷᠢᠶᠠᠴᠢᠳ ᠢ ᠬᠠᠮᠢᠶᠠᠷᠤᠭᠴᠢ ᠨᠢ ᠭᠧᠯᠣᠪ ᠤᠨ ᠬᠦᠦ ᠡᠽᠷᠢ; 27 ᠦᠵᠦᠮ ᠦᠨ ᠲᠠᠯᠠᠪᠠᠢ ᠶᠢ ᠬᠠᠮᠢᠶᠠᠷᠤᠭᠴᠢ ᠨᠢ ᠷᠠᠮᠠ ᠬᠥᠮᠦᠨ ᠱᠢᠮᠧᠶᠢ; ᠦᠵᠦᠮ ᠦᠨ ᠲᠠᠯᠠᠪᠠᠢ ᠠᠴᠠ ᠭᠠᠷᠳᠠᠭ ᠳᠠᠷᠠᠰᠤᠨ ᠤ ᠵᠣᠭᠣᠷᠢ ᠶᠢ ᠬᠠᠮᠢᠶᠠᠷᠤᠭᠴᠢ ᠨᠢ ᠱᠧᠹᠠᠮ ᠬᠥᠮᠦᠨ ᠽᠠᠪᠳᠢ; 28 ᠨᠠᠮ ᠳᠣᠣᠷᠠ ᠭᠠᠵᠠᠷ ᠳᠠᠬᠢ ᠴᠢᠳᠦᠨ ᠮᠣᠳᠣ᠂ ᠢᠯᠠᠮᠠ ᠮᠣᠳᠣ ᠶᠢ ᠬᠠᠮᠢᠶᠠᠷᠤᠭᠴᠢ ᠨᠢ ᠭᠧᠳᠧᠷ ᠬᠥᠮᠦᠨ ᠪᠠᠯ ᠾᠠᠨᠠᠨ; ᠲᠣᠰᠣᠨ ᠤ ᠬᠥᠮᠥᠷᠭᠡ ᠶᠢ ᠬᠠᠮᠢᠶᠠᠷᠤᠭᠴᠢ ᠨᠢ ᠶᠣᠶᠠᠱ; 29 ᠱᠠᠷᠣᠨ ᠳᠤ ᠪᠡᠯᠴᠢᠳᠡᠭ ᠦᠬᠡᠷ ᠦᠨ ᠰᠦᠷᠦᠭ ᠢ ᠬᠠᠮᠢᠶᠠᠷᠤᠭᠴᠢ ᠨᠢ ᠱᠠᠷᠣᠨ ᠬᠥᠮᠦᠨ ᠰᠢᠲ᠋ᠷᠠᠢ; ᠬᠥᠨᠳᠡᠢ ᠲᠠᠯᠠ ᠶᠢᠨ ᠦᠬᠡᠷ ᠦᠨ ᠰᠦᠷᠦᠭ ᠢ ᠬᠠᠮᠢᠶᠠᠷᠤᠭᠴᠢ ᠨᠢ ᠠᠳ᠋ᠯᠠᠢ ᠶᠢᠨ ᠬᠦᠦ ᠱᠠᠹᠠᠲ; 30 ᠲᠡᠮᠡᠭᠡᠳ ᠢ ᠬᠠᠮᠢᠶᠠᠷᠤᠭᠴᠢ ᠨᠢ ᠢᠱᠮᠠᠶᠧᠯ ᠬᠥᠮᠦᠨ ᠣᠪᠢᠯ; ᠡᠯᠵᠢᠭᠡ ᠨᠦᠭᠦᠳ ᠢ ᠬᠠᠮᠢᠶᠠᠷᠤᠭᠴᠢ ᠨᠢ ᠮᠧᠷᠣᠨᠣᠲ ᠬᠥᠮᠦᠨ ᠶᠧᠳ᠋ᠧᠶᠠ; 31 ᠬᠣᠨᠢᠨ ᠰᠦᠷᠦᠭ ᠢ ᠬᠠᠮᠢᠶᠠᠷᠤᠭᠴᠢ ᠨᠢ ᠬᠠᠭᠷᠢ ᠬᠥᠮᠦᠨ ᠶᠠᠽᠢᠽ᠂ ᠡᠳᠡ ᠪᠦᠭᠦᠳᠡᠭᠡᠷ ᠢᠶᠡᠨ ᠳ᠋ᠠᠸᠢᠳ᠋ ᠬᠠᠭᠠᠨ ᠤ ᠥᠮᠴᠢ ᠬᠥᠷᠥᠩᠭᠡ ᠶᠢ ᠬᠠᠷᠢᠭᠤᠴᠠᠳᠠᠭ ᠲᠦᠰᠢᠮᠡᠳ ᠪᠠᠢᠪᠠ᠃
32 ᠳ᠋ᠠᠸᠢᠳ᠋ ᠤᠨ ᠠᠪᠠᠭᠠ ᠶᠣᠨᠠᠲ᠋ᠠᠨ ᠪᠣᠯ ᠰᠠᠷᠠᠭᠤᠯ ᠤᠬᠠᠭᠠᠨ ᠲᠠᠢ ᠬᠥᠮᠦᠨ ᠶᠤᠮ᠂ ᠲᠡᠷᠡ ᠵᠥᠪᠯᠡᠭᠴᠢ ᠪᠥᠭᠡᠳ ᠪᠢᠴᠢᠭᠡᠴᠢ ᠪᠠᠢᠪᠠ᠃ ᠬᠠᠭᠠᠨ ᠤ ᠬᠥᠪᠡᠭᠦᠳ ᠢ ᠬᠥᠮᠦᠵᠢᠭᠦᠯᠦᠭᠴᠢ ᠨᠢ ᠬᠠᠺᠠᠮᠣᠨᠢ ᠶᠢᠨ ᠬᠦᠦ ᠶᠧᠾᠢᠶᠧᠯ ᠶᠤᠮ᠃ 33 ᠬᠠᠭᠠᠨ ᠤ ᠵᠥᠪᠯᠡᠭᠴᠢ ᠨᠢ ᠠᠾᠢᠲ᠋ᠣᠹᠧᠯ᠂ ᠠᠷᠺ ᠬᠥᠮᠦᠨ ᠾᠦᠱᠠᠢ ᠨᠢ ᠬᠠᠭᠠᠨ ᠤ ᠠᠨᠳᠠ ᠪᠠᠢᠪᠠ᠃ 34 ᠠᠾᠢᠲ᠋ᠣᠹᠧᠯ ᠤᠨ ᠵᠠᠯᠭᠠᠮᠵᠢᠯᠠᠭᠴᠢ ᠨᠢ ᠪᠧᠨᠠᠢᠶᠠ ᠶᠢᠨ ᠬᠦᠦ ᠶᠧᠬᠣᠷᠠᠢᠳᠠ᠂ ᠠᠪᠢᠶᠠᠲ᠋ᠠᠷ ᠨᠠᠷ ᠪᠠᠢᠵᠠᠢ᠃ ᠬᠠᠭᠠᠨ ᠤ ᠴᠡᠷᠢᠭ ᠤᠨ ᠵᠠᠩᠵᠤᠨ ᠨᠢ ᠶᠣᠶᠠᠪ ᠪᠠᠢᠯᠠ᠃