ᠱᠠᠰᠲᠢᠷ ᠤᠨ ᠳᠡᠭᠡᠳᠦ ᠬᠣᠷᠢ
ᠷᠠᠪᠠ ᠶᠢ ᠡᠵᠡᠯᠡᠪᠡ
1 ᠵᠢᠯ ᠭᠠᠷᠤᠭᠠᠳ ᠬᠠᠭᠠᠳ ᠤᠨ ᠳᠠᠢᠨ ᠳᠤ ᠮᠣᠷᠳᠠᠬᠤ ᠴᠠᠭ ᠪᠣᠯᠣᠯᠠ᠃ ᠶᠣᠶᠠᠪ ᠴᠡᠷᠢᠭ ᠢᠶᠠᠨ ᠳᠠᠢᠴᠢᠯᠠᠨ ᠶᠠᠪᠤᠵᠤ᠂ ᠠᠷᠠᠮᠴᠤᠳ ᠤᠨ ᠨᠤᠲᠤᠭ ᠳᠡᠪᠢᠰᠬᠡᠷ ᠢ ᠲᠠᠯᠬᠢᠳᠠᠭᠰᠠᠨ ᠤ ᠳᠠᠷᠠᠭᠠ ᠴᠠᠰᠢᠯᠠᠨ᠂ ᠷᠠᠪᠠ ᠶᠢ ᠪᠦᠰᠡᠯᠡᠪᠡ᠃ ᠬᠠᠷᠢᠨ ᠳ᠋ᠠᠸᠢᠳ᠋ ᠶᠧᠷᠦ᠋ᠰᠠᠯᠧᠮ ᠳᠤ ᠦᠯᠡᠳᠡᠵᠡᠢ᠃ ᠶᠣᠶᠠᠪ ᠷᠠᠪᠠ ᠶᠢ ᠴᠣᠬᠢᠵᠤ ᠨᠤᠷᠠᠭᠠᠭᠰᠠᠨ ᠪᠠᠢᠨᠠ᠃ 2 ᠳ᠋ᠠᠸᠢᠳ᠋ ᠮᠢᠯᠺᠣᠮ 16 ᠤᠨ ᠲᠣᠯᠣᠭᠠᠢ ᠠᠴᠠ ᠲᠢᠲᠢᠮ ᠢ ᠨᠢ ᠠᠪᠤᠭᠰᠠᠨ ᠪᠠ ᠲᠡᠷᠡ ᠲᠢᠲᠢᠮ ᠨᠢ ᠨᠢᠭᠡ ᠲᠠᠯᠠᠨᠲ 17 ᠠᠯᠲᠠ ᠶᠢᠨ ᠬᠢᠷᠢ ᠬᠦᠨᠳᠦ ᠭᠡᠳᠡᠭ ᠢ ᠮᠡᠳᠡᠪᠡ᠃ ᠲᠡᠭᠦᠨ ᠳᠦ ᠡᠷᠳᠡᠨᠢ ᠶᠢᠨ ᠴᠢᠯᠠᠭᠤ ᠰᠢᠭᠢᠳᠬᠡᠭᠰᠡᠨ ᠪᠠᠢᠯᠠ᠃ ᠲᠡᠷᠡ ᠨᠢ ᠣᠳᠣ ᠳ᠋ᠠᠸᠢᠳ᠋ ᠤᠨ ᠲᠣᠯᠣᠭᠠᠢ ᠳᠡᠭᠡᠷᠡ ᠪᠠᠢᠬᠤ ᠪᠣᠯᠪᠠ᠃ ᠳ᠋ᠠᠸᠢᠳ᠋ ᠲᠡᠷᠡ ᠬᠣᠲᠠ ᠠᠴᠠ ᠦᠯᠡᠮᠵᠢ ᠶᠡᠬᠡ ᠬᠡᠮᠵᠢᠶᠡᠨ ᠦ ᠣᠯᠵᠠ ᠣᠯᠵᠤ ᠠᠪᠤᠭᠠᠳ᠂ 3 ᠮᠥᠨ ᠬᠣᠲᠠ ᠳᠤ ᠪᠠᠢᠭᠠ ᠠᠷᠠᠳ ᠣᠯᠠᠨ ᠢ ᠭᠠᠷᠭᠠᠨ᠂ ᠬᠢᠷᠥᠭᠡ᠂ ᠢᠷ ᠲᠠᠢ ᠲᠡᠮᠦᠷ ᠪᠠᠭᠠᠵᠢ ᠪᠣᠯᠣᠨ ᠰᠦᠬᠡ ᠪᠡᠷ ᠬᠢᠬᠦ ᠠᠵᠢᠯ ᠳᠤ ᠲᠠᠯᠪᠢᠵᠠᠢ᠃ ᠳ᠋ᠠᠸᠢᠳ᠋ ᠠᠮᠣᠨᠴᠤᠳ ᠤᠨ ᠪᠦᠬᠦ ᠬᠣᠲᠠ ᠳᠤ ᠡᠨᠡ ᠮᠡᠲᠦ ᠪᠡᠷ ᠦᠢᠯᠡᠳᠪᠡ᠃ ᠲᠡᠭᠡᠭᠡᠳ ᠳ᠋ᠠᠸᠢᠳ᠋ ᠬᠠᠮᠤᠭ ᠴᠡᠷᠢᠭ ᠲᠠᠢ ᠪᠠᠨ ᠶᠧᠷᠦ᠋ᠰᠠᠯᠧᠮ ᠳᠤ ᠪᠤᠴᠠᠭᠰᠠᠨ ᠪᠠᠢᠨᠠ᠃
ᠹᠢᠯᠢᠰᠲ᠋ᠴᠤᠳ ᠲᠠᠢ ᠳᠠᠢᠲᠤᠪᠠ
4 ᠡᠭᠦᠨ ᠦ ᠳᠠᠷᠠᠭᠠ᠂ ᠭᠧᠽᠧᠷ ᠲᠤ ᠹᠢᠯᠢᠰᠲ᠋ᠴᠦᠳ ᠲᠡᠢ ᠲᠤᠯᠤᠯᠳᠤᠬᠤ ᠪᠣᠯᠵᠠᠢ᠃ ᠲᠡᠭᠡᠬᠦ ᠳᠦ᠂ ᠺᠦᠱ ᠬᠥᠮᠦᠨ ᠰᠢᠪᠧᠺᠠᠢ ᠠᠪᠤᠷᠭᠤ ᠪᠡᠶᠡᠲᠡᠳ 18 ᠤᠨ ᠤᠳᠤᠮ ᠪᠣᠯᠬᠤ ᠰᠢᠫᠠᠢ ᠶᠢ ᠠᠯᠠᠭᠰᠠᠨ ᠳᠤ᠂ ᠹᠢᠯᠢᠰᠲ᠋ᠴᠦᠳ ᠪᠠᠭᠤᠵᠤ ᠥᠭᠪᠡ᠃ 5 ᠹᠢᠯᠢᠰᠲ᠋ᠴᠦᠳ ᠲᠡᠢ ᠳᠠᠬᠢᠨ ᠲᠤᠯᠤᠯᠳᠤᠬᠤ ᠳᠤ᠂ ᠶᠠᠢᠷ ᠤᠨ ᠬᠦᠦ ᠡᠯᠺᠠᠨᠠᠨ ᠪᠡᠷ ᠭᠠᠲ ᠬᠥᠮᠦᠨ ᠭᠣᠯᠢᠶᠠᠲ ᠤᠨ ᠳᠡᠭᠦᠦ ᠯᠠᠾᠮᠢ ᠶᠢ ᠠᠯᠠᠪᠠ᠃ ᠲᠡᠭᠦᠨ ᠦ ᠵᠢᠳᠠᠨ ᠤ ᠡᠰᠢ ᠨᠢ ᠡᠭᠡᠷᠡᠦᠯ ᠦᠨ ᠲᠡᠩᠬᠡᠯᠢᠭ ᠮᠡᠲᠦ ᠠᠵᠢ᠃ 6 ᠪᠠᠰᠠ ᠭᠠᠲ ᠲᠤ ᠳᠠᠬᠢᠨ ᠲᠤᠯᠤᠯᠳᠤᠭᠠᠨ ᠪᠣᠯᠪᠠ᠃ ᠲᠡᠨᠳᠡ ᠭᠠᠷ ᠬᠥᠯ ᠦᠨ ᠬᠢᠨᠢ ᠬᠤᠷᠤᠭᠤ ᠨᠢ ᠵᠢᠷᠭᠤᠭᠠ᠂ ᠪᠦᠭᠦᠳᠡ ᠬᠣᠷᠢᠨ ᠳᠥᠷᠪᠡᠨ ᠬᠤᠷᠤᠭᠤ ᠲᠠᠢ ᠦᠯᠡᠮᠵᠢ ᠲᠣᠮᠣ ᠡᠷᠡ ᠪᠠᠢᠯᠠ᠃ ᠲᠡᠷᠡ ᠴᠤ ᠮᠥᠨ ᠠᠪᠤᠷᠭᠤ ᠪᠡᠶᠡᠲᠡᠨ ᠦ ᠤᠳᠤᠮ ᠠᠵᠢ᠃ 7 ᠲᠡᠷᠡ ᠢᠰᠷᠧᠯ ᠢ ᠳᠣᠷᠣᠮᠵᠢᠯᠠᠭᠰᠠᠨ ᠳᠤ᠂ ᠳ᠋ᠠᠸᠢᠳ᠋ ᠤᠨ ᠠᠬᠠ ᠱᠢᠮᠧᠶᠠ ᠶᠢᠨ ᠬᠦᠦ ᠶᠣᠨᠠᠲ᠋ᠠᠨ ᠲᠡᠭᠦᠨ ᠢ ᠠᠯᠠᠪᠠ᠃ 8 ᠲᠡᠢᠨ ᠬᠦ ᠭᠠᠲ ᠲᠤ ᠪᠠᠢᠭᠰᠠᠨ ᠠᠪᠤᠷᠭᠤ ᠪᠡᠶᠡᠲᠡᠳ ᠦᠨ ᠤᠳᠤᠮ ᠤᠨ ᠡᠳᠡᠭᠡᠷ ᠡᠷᠡ ᠳ᠋ᠠᠸᠢᠳ᠋ ᠪᠣᠯᠣᠨ ᠲᠡᠭᠦᠨ ᠦ ᠬᠠᠷᠢᠶᠠ ᠬᠥᠮᠦᠰ ᠦᠨ ᠭᠠᠷ ᠲᠤ ᠰᠥᠨᠥᠭᠰᠡᠨ ᠪᠠᠢᠯᠠ᠃