ᠨᠢᠭᠡᠳᠦᠭᠡᠷ ᠰᠠᠮᠦ᠋ᠶᠧᠯ ᠬᠣᠶᠠᠷ
ᠬᠠᠨᠠ ᠶᠢᠨ ᠮᠠᠭᠲᠠᠭᠠᠯ
1 ᠬᠠᠨᠠ ᠳᠠᠭᠠᠳᠬᠠᠨ᠄ 《ᠡᠵᠡᠨ ᠲᠠᠨ ᠳᠤ ᠵᠢᠷᠦᠬᠡ ᠮᠢᠨᠢ ᠪᠠᠶᠠᠷᠯᠠᠨᠠ᠂ ᠶᠣᠬᠣᠸᠠ ᠶᠢᠨ ᠳᠣᠲᠣᠷᠠ ᠡᠪᠡᠷ 3 ᠮᠢᠨᠢ ᠡᠷᠭᠦᠭᠳᠡᠨᠡ ᠠᠮᠠ ᠶᠣ ᠪᠠᠨ ᠳᠠᠢᠰᠤᠨ ᠨᠤᠭᠤᠳ ᠤᠨ ᠢᠶᠠᠨ ᠡᠰᠡᠷᠭᠦ ᠴᠢᠨᠡᠭᠡ ᠪᠡᠷ ᠨᠢ ᠠᠩ᠋ᠭᠠᠢᠪᠠ ᠠᠪᠤᠷᠠᠯ ᠳᠤ ᠲᠠᠨᠢ ᠪᠢ ᠪᠠᠶᠠᠷᠯᠠᠨ ᠪᠠᠶᠠᠰᠤᠨᠠ᠃
2 ᠶᠣᠬᠣᠸᠠ ᠲᠠᠢ ᠠᠳᠠᠯᠢ ᠠᠷᠢᠭᠤᠨ ᠨᠢᠭᠡᠨ ᠭᠡᠵᠦ ᠪᠠᠢᠬᠤ ᠦᠭᠡᠢ ᠡᠭᠡᠭᠡ ᠯᠠ ᠲᠠᠨ ᠰᠢᠭ᠋ ᠨᠢ ᠬᠠᠮᠢᠭᠠ ᠴᠤ ᠦᠭᠡᠢ ᠪᠢᠳᠡᠨ ᠦ ᠪᠤᠷᠬᠠᠨ ᠯᠤᠭᠠ ᠠᠳᠠᠯᠢ ᠬᠠᠳᠠ ᠭᠡᠵᠦ ᠪᠠᠢᠬᠤ ᠦᠭᠡᠢ᠃
3 ᠶᠡᠬᠡᠳᠡ ᠣᠯᠠᠨ ᠦᠭᠡ ᠪᠠᠷᠳᠠᠮᠨᠠᠨ ᠪᠦᠦ ᠶᠠᠷᠢ ᠶᠡᠬᠡᠮᠰᠦᠭ ᠢᠴᠢᠭᠦᠷᠢᠲᠦ ᠦᠭᠡᠰ ᠢ ᠠᠮᠠᠨ ᠠᠴᠠ ᠪᠠᠨ ᠪᠦᠦ ᠭᠠᠷᠭᠠ ᠬᠠᠮᠤᠭ ᠢ ᠮᠡᠳᠡᠭᠴᠢ ᠪᠤᠷᠬᠠᠨ ᠶᠣᠬᠣᠸᠠ ᠲᠤᠯᠠ ᠬᠠᠮᠤᠭ ᠦᠢᠯᠡ ᠶᠢ ᠳᠡᠩᠰᠡᠯᠡᠭᠴᠢ 4 ᠨᠢ ᠴᠤᠬᠤᠮ ᠳᠠᠭᠠᠨ ᠲᠡᠷᠡ ᠪᠢᠯᠡ᠃
4 ᠳᠠᠢᠴᠢᠨ ᠪᠠᠢᠭᠰᠠᠨ ᠤ ᠨᠤᠮᠤ ᠬᠤᠭᠤᠷᠠᠬᠤ ᠳᠤ ᠳᠣᠷᠣᠢ ᠨᠢᠭᠡ ᠨᠢ ᠬᠦᠴᠦ ᠶᠢ ᠠᠭᠰᠠᠪᠠ᠃
5 ᠴᠠᠳᠬᠤᠯᠠᠩ ᠪᠠᠢᠭᠰᠠᠨ ᠨᠢ ᠲᠠᠯᠬᠠ ᠬᠠᠢᠨ ᠬᠥᠯᠥᠰᠥᠨ ᠦ ᠬᠥᠮᠦᠨ ᠪᠣᠯᠬᠤ ᠳᠤ ᠥᠯᠥᠰᠬᠥᠯᠡᠩ ᠪᠠᠢᠭᠰᠠᠨ ᠨᠢ ᠥᠯᠥᠰᠬᠦ ᠪᠡᠨ ᠨᠢᠭᠡᠨᠲᠡ ᠪᠣᠯᠢᠵᠠᠢ ᠬᠡᠭᠦᠰᠡᠷ ᠡᠮᠡᠭᠲᠡᠢ ᠳᠣᠯᠣᠭᠠ ᠲᠥᠷᠥᠵᠦ ᠪᠠᠢᠬᠤ ᠳᠤ ᠬᠡᠦᠬᠡᠳ ᠣᠯᠠᠨ ᠲᠠᠢ ᠪᠠᠢᠭᠰᠠᠨ ᠡᠮᠡᠭᠲᠡᠢ ᠨᠢ ᠪᠠᠭᠤᠷᠠᠨ ᠳᠣᠷᠣᠢᠲᠠᠨᠠ᠃
6 ᠦᠬᠦᠭᠦᠯᠳᠡᠭ ᠨᠢ ᠴᠤ᠂ ᠠᠮᠢᠯᠠᠭᠤᠯᠳᠠᠭ ᠨᠢ ᠴᠤ ᠶᠣᠬᠣᠸᠠ ᠪᠣᠯᠬᠣᠷ ᠦᠬᠦᠭᠰᠡᠳ ᠦᠨ ᠣᠷᠣᠨ ᠳᠤ ᠤᠨᠠᠭᠠᠳᠠᠭ ᠨᠢ᠂ ᠪᠠᠰᠠ ᠡᠷᠭᠦᠨ ᠪᠣᠰᠬᠠᠳᠠᠭ ᠨᠢ ᠲᠡᠷᠡ᠃
7 ᠦᠭᠡᠶᠢᠷᠡᠭᠦᠯᠳᠡᠭ ᠪᠠᠰᠠ ᠪᠠᠶᠠᠵᠢᠭᠤᠯᠳᠠᠭ ᠨᠢ ᠶᠣᠬᠣᠸᠠ ᠪᠣᠯᠬᠣᠷ ᠳᠣᠣᠷᠠᠳᠤᠭᠤᠯᠳᠠᠭ ᠪᠠᠰᠠ ᠳᠡᠭᠡᠷᠡᠳᠡᠭᠦᠯᠳᠡᠭ ᠨᠢ ᠲᠡᠷᠡ ᠶᠤᠮ᠃
8 ᠲᠣᠭᠣᠰᠣ ᠰᠢᠷᠣᠢ ᠠᠴᠠ ᠳᠣᠷᠣᠢ ᠨᠢᠭᠡᠨ ᠢ ᠪᠣᠰᠬᠠᠬᠤ ᠳᠠᠭᠠᠨ ᠦᠨᠡᠰᠦᠨ ᠣᠪᠣᠭᠠ ᠠᠴᠠ ᠦᠭᠡᠭᠦᠦ ᠶᠠᠳᠠᠭᠤ ᠶᠢ ᠡᠷᠭᠦᠬᠦ ᠳᠡᠭᠡᠨ ᠡᠷᠭᠦᠮᠵᠢᠯᠡᠨ ᠲᠡᠳᠡᠨ ᠢ ᠳᠡᠭᠡᠳᠦᠰ ᠦᠨ ᠳᠤᠮᠳᠠ ᠰᠠᠭᠤᠯᠭᠠᠨ ᠥᠨᠳᠥᠷ ᠠᠯᠳᠠᠷ ᠤᠨ ᠰᠠᠭᠤᠳᠠᠯ ᠢ ᠲᠡᠳᠡᠨ ᠳᠦ ᠲᠡᠷᠡ ᠥᠪᠯᠡᠭᠦᠯᠦᠨᠡ᠃ ᠭᠠᠵᠠᠷ ᠳᠡᠯᠡᠬᠡᠢ ᠶᠢᠨ ᠲᠤᠯᠭᠠᠭᠤᠷᠢ ᠪᠠᠭᠠᠨᠠ ᠨᠢ ᠶᠣᠬᠣᠸᠠ ᠶᠢᠨ ᠬᠢ ᠲᠤᠯᠠ ᠭᠠᠭᠴᠠ ᠡᠭᠦᠨ ᠦ ᠪᠠᠨ ᠳᠡᠭᠡᠷᠡ ᠶᠣᠬᠣᠸᠠ ᠶᠢᠷᠲᠢᠨᠴᠦ ᠶᠢ ᠲᠡᠩᠨᠡᠪᠡ᠃
9 ᠢᠲᠡᠭᠡᠭᠴᠢᠳ ᠤᠨ ᠢᠶᠠᠨ ᠬᠥᠯ ᠢ ᠬᠠᠮᠠᠭᠠᠯᠠᠳᠠᠭ ᠨᠢ ᠶᠣᠬᠣᠸᠠ ᠪᠢᠯᠡ ᠬᠠᠷᠠᠩ᠋ᠭᠤᠢ ᠳᠤ ᠳᠠᠭᠤ ᠦᠭᠡᠢ ᠪᠣᠯᠳᠠᠭ ᠨᠢ ᠬᠠᠷᠠ ᠬᠦᠴᠦ ᠨᠢ ᠥᠪᠡᠷᠰᠡᠳ ᠢ ᠨᠢ ᠬᠠᠮᠠᠯᠠᠭᠠᠵᠤ ᠡᠰᠡ ᠴᠢᠳᠠᠳᠠᠭ ᠲᠤ ᠶᠤᠮ᠃
10 ᠲᠡᠭᠦᠨ ᠲᠡᠢ ᠰᠥᠷᠭᠥᠯᠳᠥᠭᠴᠢᠳ ᠨᠠᠮ ᠳᠠᠷᠤᠭᠳᠠᠨᠠ ᠲᠡᠭᠡᠭᠡᠳ ᠲᠡᠳᠡᠨ ᠢ ᠶᠣᠬᠣᠸᠠ ᠲᠩᠷᠢ ᠡᠴᠡ ᠪᠠᠰᠠ ᠨᠢᠷᠭᠡᠨᠡ ᠳᠡᠯᠡᠬᠡᠢ ᠶᠢᠨ ᠬᠢᠵᠠᠭᠠᠷ ᠬᠦᠷᠲᠡᠯᠡ ᠶᠣᠬᠣᠸᠠ ᠰᠢᠭᠦᠬᠦ ᠪᠣᠯᠣᠨᠠ ᠬᠠᠭᠠᠨ ᠳᠠᠭᠠᠨ ᠬᠦᠴᠦ ᠴᠢᠳᠠᠯ ᠢ ᠲᠡᠷᠡ ᠥᠭᠬᠦ ᠪᠣᠯᠣᠨᠠ ᠲᠣᠰᠣᠯᠠᠭᠰᠠᠨ ᠤ ᠪᠠᠨ ᠡᠪᠡᠷ 5 ᠢ ᠲᠡᠷᠡ ᠪᠠᠰᠠ ᠡᠷᠭᠦᠬᠦ ᠪᠣᠯᠣᠨᠠ》 ᠭᠡᠪᠡ᠃
ᠪᠠᠯᠴᠢᠷ ᠰᠠᠮᠦ᠋ᠶᠧᠯ ᠬᠢᠭᠡᠳ ᠡᠯᠢ ᠶᠢᠨ ᠬᠥᠪᠡᠭᠦᠳ
11 ᠡᠯᠺᠠᠨᠠ ᠷᠠᠮᠠ ᠤᠷᠤᠭᠤ ᠭᠡᠷ ᠲᠡᠭᠡᠨ ᠬᠠᠷᠢᠵᠤ᠂ ᠬᠥᠪᠡᠭᠦᠨ ᠨᠢ ᠲᠠᠬᠢᠯᠴᠢ ᠡᠯᠢ ᠶᠢᠨ ᠳᠣᠣᠷᠠ ᠶᠣᠬᠣᠸᠠ ᠳᠤ ᠦᠢᠯᠡᠴᠢᠯᠡᠵᠦ ᠡᠬᠢᠯᠡᠪᠡ᠃
12 ᠡᠯᠢ ᠶᠢᠨ ᠬᠥᠪᠡᠭᠦᠳ ᠨᠢ ᠪᠦᠲᠦᠯ ᠦᠭᠡᠢ ᠠᠵᠢ᠂ ᠲᠡᠳᠡ ᠶᠣᠬᠣᠸᠠ ᠶᠢ ᠣᠢᠰᠢᠶᠠᠳᠠᠭ ᠦᠭᠡᠢ ᠪᠠᠢᠪᠠ᠃ 13 ᠡᠳᠡᠭᠡᠷ ᠲᠠᠬᠢᠯᠴᠢ ᠠᠷᠠᠳ ᠲᠦᠮᠡᠨ ᠳᠦ ᠢᠩᠭᠢᠵᠦ ᠬᠠᠨᠳᠤᠳᠠᠭ ᠪᠠᠢᠪᠠ᠄ ᠬᠡᠨ ᠨᠢᠭᠡᠨ ᠬᠥᠮᠦᠨ ᠡᠷᠭᠦᠯ ᠡᠷᠭᠦᠬᠦ ᠦᠶᠡ ᠳᠦ᠂ ᠮᠢᠬᠠ ᠴᠢᠨᠠᠵᠤ ᠪᠠᠢᠬᠤ ᠳᠤᠨᠢ ᠲᠠᠬᠢᠯᠴᠢ ᠶᠢᠨ ᠵᠠᠷᠤᠴᠠ ᠭᠤᠷᠪᠠᠨ ᠰᠠᠯᠠᠭᠠᠲᠤ ᠰᠡᠷᠡᠭᠡ ᠪᠠᠷᠢᠨ ᠢᠷᠡᠵᠦ 14 ᠲᠡᠭᠦᠪᠡᠷ ᠢᠶᠡᠨ ᠲᠣᠭᠣᠭᠠ᠂ ᠰᠠᠪᠠ᠂ ᠬᠠᠭᠠᠷᠢᠭᠤᠯ ᠤᠨ ᠲᠠᠪᠠᠭ᠂ ᠸᠠᠭᠠᠷ ᠰᠠᠪᠠ ᠤᠷᠤᠭᠤ ᠬᠠᠳᠬᠤᠵᠤ ᠰᠡᠷᠡᠭᠡᠨ ᠳᠦ ᠵᠣᠭᠣᠭᠳᠠᠨ ᠭᠠᠷᠤᠭᠰᠠᠨ ᠪᠦᠬᠦᠨ ᠢ ᠲᠠᠬᠢᠯᠴᠢ ᠥᠪᠡᠷ ᠲᠡᠭᠡᠨ ᠠᠪᠳᠠᠭ ᠪᠠᠢᠪᠠ᠃ ᠲᠡᠳᠡ ᠱᠢᠯᠣ᠋ ᠳᠤ ᠢᠷᠡᠭᠴᠢ ᠢᠰᠷᠧᠯ ᠬᠥᠮᠦᠨ ᠪᠦᠷᠢ ᠳᠤ ᠢᠩᠭᠢᠳᠡᠭ ᠪᠠᠢᠯᠠ᠃ 15 ᠡᠭᠦᠪᠡᠷ ᠦᠯᠦ ᠪᠠᠷᠠᠨ ᠥᠭᠡᠬᠦ ᠰᠢᠲᠠᠭᠳᠠᠬᠤ ᠠᠴᠠ ᠴᠤ ᠡᠮᠦᠨᠡ ᠲᠠᠬᠢᠯᠴᠢ ᠶᠢᠨ ᠵᠠᠷᠤᠴᠠ ᠢᠷᠡᠭᠡᠳ ᠡᠷᠭᠦᠯ ᠡᠷᠭᠦᠵᠦ ᠪᠤᠢ ᠬᠥᠮᠦᠨ ᠳᠦ᠄ 《ᠲᠠᠬᠢᠯᠴᠢᠳ ᠲᠤ ᠰᠢᠷᠠᠬᠤ ᠮᠢᠬᠠ ᠥᠭ᠃ ᠲᠠᠬᠢᠯᠴᠢ ᠴᠢᠨᠢ ᠴᠢᠨᠠᠭᠰᠠᠨ ᠮᠢᠬᠠ ᠠᠪᠬᠤ ᠦᠭᠡᠢ᠂ ᠲᠦᠭᠦᠬᠡᠢ ᠶᠢ ᠯᠠ ᠠᠪᠤᠨᠠ ᠰᠢᠦ》 ᠭᠡᠳᠡᠭ ᠪᠠᠢᠪᠠ᠃ 16 ᠬᠡᠷᠪᠡ ᠲᠡᠭᠦᠨ ᠳᠦ᠄ 《ᠡᠬᠢᠯᠡᠭᠡᠳ ᠥᠭᠡᠬᠦ ᠰᠢᠲᠠᠭ᠂ ᠳᠠᠷᠠᠭᠠ ᠨᠢ ᠬᠦᠰᠡᠭᠰᠡᠨ ᠢᠶᠡᠨ ᠠᠪᠤᠭᠠᠷᠠᠢ》 ᠭᠡᠵᠦ ᠬᠡᠯᠡᠪᠡᠯ᠂ ᠲᠡᠷᠡ᠄ 《ᠣᠳᠣ ᠥᠭ᠂ ᠲᠡᠭᠡᠬᠦ ᠦᠭᠡᠢ ᠪᠣᠯ ᠪᠢ ᠬᠦᠴᠦ ᠪᠡᠷ ᠠᠪᠤᠨᠠ ᠰᠢᠦ》 ᠭᠡᠳᠡᠭ ᠪᠠᠢᠪᠠ᠃ 17 ᠡᠳᠡᠭᠡᠷ ᠵᠠᠯᠠᠭᠤᠰ ᠤᠨ ᠨᠢᠭᠦᠯ ᠨᠢ ᠶᠣᠬᠣᠸᠠ ᠶᠢᠨ ᠡᠮᠦᠨᠡ ᠡᠨᠡ ᠮᠡᠲᠦ ᠠᠰᠤᠷᠤ ᠶᠡᠬᠡ ᠪᠠᠢᠯᠠ᠃ ᠤᠴᠢᠷ ᠨᠢ ᠲᠡᠳᠡ ᠶᠣᠬᠣᠸᠠ ᠳᠤ ᠡᠷᠭᠦᠬᠦ ᠡᠷᠭᠦᠯ ᠢ ᠪᠠᠰᠤᠮᠵᠢᠯᠠᠳᠠᠭ ᠪᠠᠢᠪᠠ᠃
18 ᠲᠡᠭᠡᠬᠦ ᠳᠦ ᠰᠠᠮᠦ᠋ᠶᠧᠯ ᠪᠠᠯᠴᠢᠷ ᠪᠣᠯᠪᠠᠴᠤ ᠮᠠᠭᠠᠯᠢᠩ᠋ᠭᠤᠨ ᠡᠹᠣᠳ ᠡᠮᠦᠰᠴᠦ᠂ ᠶᠣᠬᠣᠸᠠ ᠶᠢᠨ ᠡᠮᠦᠨᠡ ᠦᠢᠯᠡᠴᠢᠯᠡᠵᠦ ᠪᠠᠢᠪᠠ᠃ 19 ᠡᠬᠡ ᠨᠢ ᠲᠡᠭᠦᠨ ᠳᠦ ᠵᠣᠷᠢᠭᠤᠯᠤᠨ ᠵᠢᠯ ᠪᠦᠷᠢ ᠪᠢᠴᠢᠬᠠᠨ ᠬᠤᠪᠴᠠᠰᠤ ᠬᠢᠵᠦ᠂ ᠵᠢᠯ ᠪᠦᠷᠢ ᠲᠠᠬᠢᠯ ᠡᠷᠭᠦᠬᠦ ᠪᠡᠷ ᠨᠥᠬᠥᠷ ᠲᠡᠢ ᠪᠡᠨ ᠬᠠᠮᠲᠤ ᠢᠷᠡᠬᠦ ᠳᠡᠭᠡᠨ ᠲᠡᠭᠦᠨ ᠳᠦ ᠠᠪᠴᠢᠷᠠᠵᠤ ᠥᠭᠳᠡᠭ ᠪᠠᠢᠪᠠ᠃ 20 ᠲᠡᠭᠡᠬᠦ ᠳᠦ ᠡᠯᠢ ᠡᠯᠺᠠᠨᠠ ᠪᠣᠯᠣᠨ ᠲᠡᠭᠦᠨ ᠦ ᠡᠬᠡᠨᠡᠷ ᠢ ᠢᠷᠥᠭᠡᠨ᠄ 《ᠶᠣᠬᠣᠸᠠ ᠳᠤ ᠵᠣᠷᠢᠭᠤᠯᠤᠭᠰᠠᠨ ᠬᠡᠦᠬᠡᠳ ᠢ ᠣᠷᠣᠯᠠᠬᠤ ᠦᠷᠡ ᠤᠳᠤᠮ ᠢ ᠴᠢᠨᠢ ᠶᠣᠬᠣᠸᠠ ᠡᠨᠡ ᠡᠮᠡᠭᠲᠡᠢ ᠪᠠᠷ ᠳᠠᠮᠵᠢᠭᠤᠯᠤᠨ ᠴᠢᠮᠠ ᠳᠤ ᠰᠣᠶᠣᠷᠬᠠᠬᠤ ᠪᠣᠯᠲᠤᠭᠠᠢ︕》 ᠭᠡᠵᠦ ᠬᠡᠯᠡᠳᠡᠭ ᠪᠠᠢᠯᠠ᠃ ᠲᠡᠭᠡᠭᠡᠳ ᠲᠡᠳᠡ ᠨᠤᠲᠤᠭ ᠤᠷᠤᠭᠤ ᠪᠠᠨ ᠪᠤᠴᠠᠳᠠᠭ ᠪᠠᠢᠪᠠ᠃
21 ᠶᠣᠬᠣᠸᠠ ᠬᠠᠨᠠ ᠶᠢ ᠬᠠᠢᠬᠤᠷᠤᠭᠰᠠᠨ ᠳᠤ᠂ ᠲᠡᠷᠡ ᠵᠢᠷᠮᠦᠰᠦᠯᠡᠵᠦ ᠠᠬᠢᠭᠠᠳ ᠭᠤᠷᠪᠠᠨ ᠬᠥᠪᠡᠭᠦᠨ᠂ ᠬᠣᠶᠠᠷ ᠥᠬᠢᠨ ᠲᠥᠷᠥᠭᠦᠯᠦᠭᠰᠡᠨ ᠪᠥᠭᠡᠳ ᠪᠠᠯᠴᠢᠷ ᠬᠥᠪᠡᠭᠦᠨ ᠰᠠᠮᠦ᠋ᠶᠧᠯ ᠴᠤ ᠶᠣᠬᠣᠸᠠ ᠶᠢᠨ ᠳᠡᠷᠭᠡᠳᠡ ᠥᠰᠥᠨ ᠲᠣᠷᠨᠢᠵᠤ ᠪᠠᠢᠪᠠ᠃
22 ᠡᠯᠢ ᠮᠠᠰᠢ ᠥᠨᠳᠥᠷ ᠨᠠᠰᠤᠲᠠᠢ ᠪᠣᠯᠣᠭᠰᠠᠨ ᠪᠣᠯᠪᠠᠴᠤ ᠬᠥᠪᠡᠭᠦᠳ ᠦᠨ ᠢᠶᠠᠨ ᠪᠦᠬᠦ ᠢᠰᠷᠧᠯ ᠳᠤ ᠦᠢᠯᠡᠳᠴᠦ ᠪᠠᠢᠭᠠ ᠪᠦᠬᠦᠨ ᠦ ᠲᠤᠬᠠᠢ᠂ ᠴᠢᠭᠤᠯᠭᠠᠨ ᠤ ᠴᠠᠴᠠᠷ ᠤᠨ ᠡᠭᠦᠳᠡᠨ ᠳᠦ ᠦᠢᠯᠡᠴᠢᠯᠡᠳᠡᠭ᠌ ᠡᠮᠡᠰ ᠲᠡᠢ ᠤᠨᠲᠠᠵᠤ ᠬᠡᠪᠲᠡᠳᠡᠭ ᠦᠨ ᠬᠢᠨᠢ ᠲᠤᠬᠠᠢ ᠰᠣᠨᠣᠰᠳᠠᠭ ᠪᠠᠢᠪᠠ᠃ 23 ᠲᠡᠷᠡ ᠪᠡᠷ ᠬᠥᠪᠡᠭᠦᠳ ᠲᠡᠭᠡᠨ᠄ 《ᠲᠠ ᠨᠠᠷ ᠶᠠᠭᠤᠨ ᠳᠤ ᠡᠢᠮᠦ ᠬᠡᠷᠡᠭ ᠦᠢᠯᠡᠳᠦᠨᠡ ᠪᠤᠢ︖ ᠪᠢ ᠡᠨᠡ ᠠᠷᠠᠳ ᠣᠯᠠᠨ ᠠᠴᠠ ᠪᠤᠵᠠᠷ ᠮᠠᠭᠤ ᠬᠡᠷᠡᠭ ᠢ ᠴᠢᠨᠢ ᠰᠣᠨᠣᠰᠴᠤ ᠪᠠᠢᠨᠠ᠃ 24 ᠪᠢᠲᠡᠭᠡᠢ︕ ᠬᠡᠦᠬᠡᠳ ᠤᠳ ᠮᠢᠨᠢ᠂ ᠮᠢᠨᠦ ᠰᠣᠨᠣᠰᠣᠭᠰᠠᠨ ᠡᠨᠡ ᠭᠤᠲᠤᠮᠰᠢᠭᠲᠤ ᠴᠢᠮᠡᠭᠡ ᠣᠳᠣ ᠶᠣᠬᠣᠸᠠ ᠶᠢᠨ ᠠᠷᠠᠳ ᠲᠦᠮᠡᠨ ᠦ ᠳᠤᠮᠳᠠ ᠶᠠᠷᠢᠭᠳᠠᠨ ᠲᠠᠷᠬᠠᠵᠤ ᠪᠠᠢᠨᠠ᠃ 25 ᠬᠡᠷᠪᠡ ᠬᠥᠮᠦᠨ ᠬᠥᠮᠦᠨ ᠳᠡᠭᠡᠨ ᠨᠢᠭᠦᠯ ᠦᠢᠯᠡᠳᠪᠡᠯ᠂ ᠪᠤᠷᠬᠠᠨ ᠲᠡᠭᠦᠨ ᠦ ᠲᠥᠯᠥᠭᠡ ᠵᠠᠭᠤᠴᠢᠯᠠᠨᠠ᠃ ᠬᠠᠷᠢᠨ ᠬᠥᠮᠦᠨ ᠶᠣᠬᠣᠸᠠ ᠳᠤ ᠨᠢᠭᠦᠯ ᠦᠢᠯᠡᠳᠪᠡᠯ ᠬᠡᠨ ᠲᠡᠭᠦᠨ ᠦ ᠲᠥᠯᠥᠭᠡ ᠵᠠᠭᠤᠴᠢᠯᠠᠬᠤ ᠪᠤᠢ︖》 ᠭᠡᠵᠦ ᠬᠡᠯᠡᠪᠡ᠃ ᠭᠡᠪᠡᠴᠦ ᠲᠡᠳᠡ ᠡᠴᠢᠭᠡ ᠶᠢᠨ ᠢᠶᠠᠨ ᠦᠭᠡ ᠶᠢ ᠣᠢᠰᠢᠶᠠᠭᠰᠠᠨ ᠦᠭᠡᠢ᠃ ᠤᠴᠢᠷ ᠨᠢ ᠶᠣᠬᠣᠸᠠ ᠲᠡᠳᠡᠨ ᠢ ᠦᠬᠦᠭᠦᠯᠬᠦ ᠪᠡᠷ ᠰᠢᠢᠳᠦᠭᠰᠡᠨ ᠠᠵᠢ᠃
26 ᠬᠠᠷᠢᠨ ᠪᠠᠯᠴᠢᠷ ᠬᠥᠪᠡᠭᠦᠨ ᠰᠠᠮᠦ᠋ᠶᠧᠯ ᠤᠯᠠᠮ ᠥᠰᠥᠭᠰᠡᠭᠡᠷ᠂ ᠶᠣᠬᠣᠸᠠ ᠪᠣᠯᠣᠨ ᠬᠥᠮᠦᠰ ᠦᠨ ᠲᠠᠭᠠᠯᠠᠯ ᠢ ᠣᠯᠵᠤ ᠪᠠᠢᠯᠠ᠃
ᠡᠯᠢ ᠶᠢᠨ ᠭᠡᠷ ᠲᠦ ᠪᠠᠭᠤᠬᠤ ᠰᠢᠳᠬᠡᠯ
27 ᠲᠡᠭᠡᠬᠦ ᠳᠦ ᠡᠯᠢ ᠳᠤ ᠪᠤᠷᠬᠠᠨ ᠤ ᠬᠥᠮᠦᠨ ᠢᠷᠡᠵᠦ᠂ ᠦᠭᠡ ᠬᠡᠯᠡᠪᠡ᠄ 《ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 〈ᠴᠢᠨᠦ ᠳᠡᠭᠡᠳᠦᠰ ᠶᠧᠵᠢᠫᠲ ᠤᠨ ᠹᠠᠷᠠᠣ᠋ ᠶᠢᠨ ᠭᠡᠷ ᠲᠦ ᠪᠣᠭᠣᠯᠴᠢᠯᠠᠭᠳᠠᠵᠤ ᠪᠠᠢᠬᠤ ᠳᠤ᠂ ᠪᠢ ᠥᠪᠡᠷ ᠢ ᠪᠠᠨ ᠲᠡᠳᠡᠨ ᠳᠦ ᠲᠣᠳᠣᠷᠬᠠᠢ ᠢᠯᠡᠷᠬᠡᠶᠢᠯᠡᠭᠰᠡᠨ ᠪᠤᠰᠤ ᠤᠤ︖ 28 ᠲᠡᠭᠡᠬᠦ ᠳᠦ ᠪᠢ ᠴᠢᠨᠦ ᠳᠡᠭᠡᠳᠦᠰ ᠢ ᠢᠰᠷᠧᠯ ᠤᠨ ᠬᠠᠮᠤᠭ ᠣᠪᠣᠭ ᠠᠴᠠ ᠮᠢᠨᠦ ᠲᠠᠬᠢᠯᠴᠢ ᠪᠠᠷ ᠰᠣᠩ᠋ᠭᠣᠵᠤ᠂ ᠲᠡᠳᠡ ᠮᠢᠨᠦ ᠲᠠᠬᠢᠯ ᠤᠨ ᠰᠢᠷᠡᠭᠡᠨ ᠳᠡᠭᠡᠷᠡ ᠤᠲᠤᠯᠭᠠ ᠤᠭᠤᠭᠢᠭᠤᠯᠵᠤ᠂ ᠡᠹᠣᠳ ᠡᠮᠦᠰᠦᠨ ᠮᠢᠨᠦ ᠡᠮᠦᠨᠡ ᠶᠠᠪᠤᠳᠠᠭ ᠪᠠᠢᠭᠰᠠᠨ ᠪᠤᠰᠤ ᠤᠤ︖ ᠪᠢ ᠪᠠᠰᠠ ᠢᠰᠷᠧᠯ ᠤᠨ ᠬᠥᠪᠡᠭᠦᠳ ᠦᠨ ᠪᠦᠬᠦ ᠭᠠᠯ ᠤᠨ ᠲᠠᠬᠢᠯ ᠢ ᠴᠤ ᠳᠡᠭᠡᠳᠦᠰ ᠦᠨ ᠴᠢᠨᠢ ᠭᠡᠷ ᠲᠦ ᠥᠭᠭᠥᠭᠰᠡᠨ ᠪᠢᠯᠡ᠃ 29 ᠮᠢᠨᠦ ᠣᠷᠣᠰᠢᠬᠤ ᠭᠠᠵᠠᠷ ᠲᠤ ᠮᠢᠨᠦ ᠲᠤᠰᠢᠶᠠᠭᠰᠠᠨ ᠢᠶᠠᠷ ᠨᠠᠳᠠ ᠳᠤ ᠡᠷᠭᠦᠭᠰᠡᠨ ᠡᠷᠭᠦᠯ ᠲᠠᠬᠢᠯ ᠤᠳ ᠳᠡᠭᠡᠷᠡ ᠲᠠ ᠨᠠᠷ ᠶᠠᠭᠠᠬᠢᠭᠠᠳ ᠳᠡᠪᠰᠡᠯᠡᠵᠦ ᠪᠠᠢᠨᠠ︖ ᠪᠠᠰᠠ ᠴᠢ ᠶᠠᠭᠤᠨ ᠳᠤ ᠨᠠᠳᠠ ᠠᠴᠠ ᠴᠤ ᠢᠯᠡᠭᠦᠦ ᠬᠥᠪᠡᠭᠦᠳ ᠢᠶᠡᠨ ᠳᠡᠭᠡᠳᠦᠯᠡᠵᠦ ᠪᠠᠢᠨᠠ︖ ᠲᠠ ᠨᠠᠷ ᠮᠢᠨᠦ ᠠᠷᠠᠳ ᠲᠦᠮᠡᠨ ᠢᠰᠷᠧᠯ ᠤᠨ ᠲᠠᠬᠢᠯ ᠪᠦᠷᠢ ᠶᠢᠨ ᠳᠡᠭᠡᠵᠢ ᠪᠠᠷ ᠪᠡᠶᠡ ᠪᠡᠨ ᠲᠠᠷᠭᠤᠯᠠᠭᠤᠯᠵᠤ ᠪᠠᠢᠨᠠ᠃〉 30 ᠲᠡᠢᠮᠦ ᠡᠴᠡ ᠢᠰᠷᠧᠯ ᠤᠨ ᠪᠤᠷᠬᠠᠨ ᠶᠣᠬᠣᠸᠠ ᠡᠢᠨ ᠬᠦ ᠲᠤᠩ᠋ᠬᠠᠭᠯᠠᠵᠤ ᠪᠠᠢᠨᠠ᠄ ᠴᠢᠨᠦ ᠭᠡᠷ ᠪᠣᠯᠣᠨ ᠴᠢᠨᠦ ᠡᠴᠢᠭᠡ ᠶᠢᠨ ᠭᠡᠷ ᠮᠢᠨᠦ ᠡᠮᠦᠨᠡ ᠮᠥᠩᠬᠡᠳᠡ ᠦᠢᠯᠡᠴᠢᠯᠡᠨᠡ ᠭᠡᠵᠦ ᠪᠢ ᠴᠢᠩ ᠦᠨᠡᠨ ᠢᠶᠡᠷ ᠬᠡᠯᠡᠭᠰᠡᠨ᠃ ᠬᠠᠷᠢᠨ ᠣᠳᠣ ᠶᠣᠬᠣᠸᠠ ᠪᠢ ᠲᠤᠩ᠋ᠬᠠᠭᠯᠠᠵᠤ ᠪᠠᠢᠨᠠ᠄ ᠡᠨᠡ ᠨᠢ ᠨᠠᠳᠠ ᠠᠴᠠ ᠬᠣᠯᠠ ᠪᠠᠢᠭ᠂ ᠨᠠᠮᠠᠶᠢ ᠬᠦᠨᠳᠦᠳᠬᠡᠳᠡᠭ ᠬᠥᠮᠦᠨ ᠢ ᠪᠢ ᠬᠦᠨᠳᠦᠳᠬᠡᠨᠡ᠂ ᠨᠠᠮᠠᠶᠢ ᠳᠣᠷᠣᠮᠵᠢᠯᠠᠳᠠᠭ ᠬᠥᠮᠦᠨ ᠢ ᠪᠢ ᠪᠠᠰᠤᠮᠵᠢᠯᠠᠨᠠ᠃ 31 ᠠᠩ᠋ᠬᠠᠷᠤᠭᠲᠤᠨ᠂ ᠴᠢᠨᠦ ᠭᠠᠷ 6 ᠂ ᠳᠡᠭᠡᠳᠦᠰ ᠦᠨ ᠴᠢᠨᠢ ᠭᠠᠷ ᠢ ᠲᠠᠰᠤᠯᠬᠤ ᠡᠳᠦᠷ ᠤᠳ ᠢᠷᠡᠵᠦ ᠪᠠᠢᠨᠠ︕ ᠴᠢᠨᠦ ᠭᠡᠷ ᠲᠦ ᠬᠥᠭᠰᠢᠨ ᠨᠠᠰᠤᠲᠠᠢ ᠬᠥᠮᠦᠨ ᠦᠭᠡᠢ ᠪᠣᠯᠣᠨᠠ᠃ 32 ᠢᠰᠷᠧᠯ ᠳᠤ ᠪᠣᠯᠬᠤ ᠠᠯᠢᠪᠠ ᠰᠠᠢᠨ ᠰᠠᠢᠬᠠᠨ ᠤ ᠳᠤᠮᠳᠠ ᠴᠢ ᠥᠪᠡᠷ ᠦᠨ ᠢᠶᠠᠨ ᠭᠠᠵᠠᠷ ᠲᠤ ᠵᠣᠪᠠᠯᠠᠩ ᠦᠵᠡᠬᠦ ᠪᠣᠯᠣᠨᠠ᠂ ᠴᠢᠨᠦ ᠭᠡᠷ ᠲᠦ ᠨᠠᠰᠤᠲᠠᠢ ᠬᠥᠮᠦᠨ ᠡᠭᠦᠷᠢᠳᠡ ᠪᠠᠢᠬᠤ ᠦᠭᠡᠢ ᠪᠣᠯᠣᠨᠠ᠃ 33 ᠴᠢᠨᠦ ᠭᠡᠷ ᠪᠦᠯᠢ ᠮᠢᠨᠦ ᠲᠠᠬᠢᠯ ᠤᠨ ᠰᠢᠷᠡᠭᠡᠨ ᠡᠴᠡ ᠲᠠᠰᠤᠯᠤᠭᠳᠠᠬᠤ ᠦᠭᠡᠢ ᠴᠤ ᠨᠢᠯᠪᠤᠰᠤᠨ ᠳᠤ ᠨᠢᠳᠦ ᠨᠢ ᠰᠣᠬᠣᠷᠠᠵᠤ᠂ ᠰᠡᠳᠬᠢᠯ ᠨᠢ ᠵᠣᠪᠠᠬᠤ ᠪᠣᠯᠣᠨᠠ᠃ ᠴᠢᠨᠦ ᠭᠡᠷ ᠲᠦ ᠲᠥᠷᠥᠭᠰᠡᠳ ᠢᠳᠡ ᠵᠠᠯᠠᠭᠤ ᠪᠠᠷ ᠢᠶᠠᠨ ᠦᠬᠦᠨᠡ᠃ 34 ᠴᠢᠨᠦ ᠬᠣᠶᠠᠷ ᠬᠦᠦ ᠬᠣᠹᠨᠢ᠂ ᠹᠢᠨᠧᠬᠠᠰ ᠲᠤ ᠲᠣᠬᠢᠶᠠᠯᠳᠤᠬᠤ ᠵᠦᠢᠯ ᠨᠢ ᠡᠳᠡᠭᠡᠷ ᠢ ᠪᠠᠲᠤᠯᠠᠬᠤ ᠲᠡᠮᠳᠡᠭ ᠪᠣᠯᠣᠨᠠ᠃ ᠲᠡᠷᠡ ᠬᠣᠶᠠᠷ ᠨᠢᠭᠡ ᠡᠳᠦᠷ ᠦᠬᠦᠨᠡ᠃ 35 ᠪᠢ ᠵᠢᠷᠦᠬᠡ ᠰᠡᠳᠬᠢᠯ ᠤᠨ ᠮᠢᠨᠢ ᠳᠠᠭᠠᠤ ᠦᠢᠯᠡᠳᠬᠦ ᠦᠨᠡᠨᠴᠢ ᠲᠠᠬᠢᠯᠴᠢ ᠶᠢ ᠪᠣᠰᠬᠠᠨᠠ᠃ ᠲᠡᠭᠦᠨ ᠳᠦ ᠪᠠᠲᠤ ᠦᠨᠡᠨ ᠭᠡᠷ ᠢ ᠪᠠᠷᠢᠵᠤ ᠥᠭᠭᠥᠨᠡ᠃ ᠲᠡᠷᠡ ᠦᠷᠭᠦᠯᠵᠢ ᠮᠢᠨᠦ ᠲᠣᠰᠣᠯᠠᠭᠰᠠᠨ ᠨᠢᠭᠡᠨ 7 ᠤ ᠡᠮᠦᠨᠡ ᠠᠯᠬᠤᠬᠤ ᠪᠣᠯᠣᠨᠠ᠃ 36 ᠴᠢᠨᠦ ᠭᠡᠷ ᠲᠦ ᠠᠮᠢᠳᠤ ᠦᠯᠡᠳᠡᠭᠰᠡᠳ ᠪᠦᠭᠦᠳᠡ ᠵᠠᠳᠠᠭᠠᠢ ᠮᠥᠩᠭᠥᠨ ᠵᠣᠭᠣᠰ᠂ ᠡᠮᠬᠦ ᠲᠠᠯᠬᠠᠨ ᠤ ᠲᠥᠯᠥᠭᠡ ᠲᠡᠭᠦᠨ ᠳᠦ ᠢᠷᠡᠵᠦ ᠰᠥᠭᠥᠳᠥᠨ ᠪᠥᠬᠥᠢᠵᠦ᠄ 〈ᠲᠠᠬᠢᠯᠴᠢ ᠶᠢᠨ ᠶᠠᠮᠠᠷ ᠨᠢᠭᠡᠨ ᠠᠵᠢᠯ ᠪᠠᠢᠪᠠᠯ ᠨᠠᠳᠠ ᠪᠠᠷ ᠬᠢᠯᠭᠡᠭᠡᠴᠢ᠂ ᠡᠮᠬᠦ ᠲᠠᠯᠬᠠ ᠴᠤ ᠢᠳᠡᠬᠦ ᠶᠤᠮ ᠰᠠᠨ〉 ᠭᠡᠨᠡ》 ᠭᠡᠪᠡ᠃