ᠳᠡᠳ᠋ ᠬᠠᠤᠯᠢ ᠲᠠᠪᠤ
ᠠᠷᠪᠠᠨ ᠬᠠᠤᠯᠢ
1 ᠮᠣᠰᠧ ᠪᠦᠬᠦ ᠢᠰᠷᠧᠯ ᠢ ᠳᠠᠭᠤᠳᠠᠨ ᠲᠡᠳᠡᠨ ᠳᠦ᠄ 《ᠢᠰᠷᠧᠯ ᠡ᠂ ᠥᠨᠥᠳᠥᠷ ᠦᠨ ᠮᠢᠨᠦ ᠲᠠ ᠨᠠᠷ ᠲᠤ ᠰᠣᠨᠣᠷᠳᠠᠭᠤᠯᠵᠤ ᠪᠤᠢ ᠬᠠᠤᠯᠢ ᠪᠣᠯᠣᠨ ᠵᠢᠭᠠᠪᠤᠷᠢ ᠶᠢ ᠰᠣᠨᠣᠰᠣᠭᠲᠤᠨ᠃ ᠡᠳᠡᠭᠡᠷ ᠢ ᠲᠠ ᠨᠠᠷ ᠰᠤᠷᠤᠭᠠᠳ᠂ ᠰᠠᠬᠢᠵᠤ ᠪᠡᠶᠡᠯᠡᠭᠦᠯ︕ 2 ᠪᠢᠳᠡᠨ ᠦ ᠪᠤᠷᠬᠠᠨ ᠶᠣᠬᠣᠸᠠ ᠬᠣᠷᠧᠪ ᠠᠭᠤᠯᠠᠨ ᠳᠤ ᠪᠢᠳᠡᠨ ᠲᠡᠢ ᠭᠡᠷᠡ ᠪᠠᠢᠭᠤᠯᠤᠭᠰᠠᠨ ᠪᠢᠯᠡ᠃ 3 ᠶᠣᠬᠣᠸᠠ ᠡᠨᠡ ᠭᠡᠷᠡ ᠪᠡᠨ ᠪᠢᠳᠡᠨ ᠦ ᠡᠴᠢᠭᠡ ᠡᠪᠦᠭᠡᠳ ᠲᠡᠢ ᠪᠠᠢᠭᠤᠯᠤᠭᠠ ᠦᠭᠡᠢ᠂ ᠬᠠᠷᠢᠨ ᠥᠨᠥᠳᠥᠷ ᠡ᠊ᠨᠳᠡ ᠠᠮᠢᠳᠤ ᠪᠠᠢᠭᠠ ᠪᠢᠳᠡ ᠪᠦᠬᠦᠨ ᠲᠡᠢ ᠪᠠᠢᠭᠤᠯᠤᠭᠰᠠᠨ ᠶᠤᠮ᠃ 4 ᠶᠣᠬᠣᠸᠠ ᠲᠡᠷᠡ ᠠᠭᠤᠯᠠᠨ ᠳᠡᠭᠡᠷᠡ ᠭᠠᠯ ᠤᠨ ᠳᠤᠮᠳᠠ ᠠᠴᠠ ᠲᠠ ᠨᠠᠷ ᠲᠠᠢ ᠨᠢᠭᠤᠷ ᠨᠢᠭᠤᠷ ᠢᠶᠠᠷ ᠢᠶᠠᠨ ᠶᠠᠷᠢᠭᠰᠠᠨ᠃ 5 ᠲᠠ ᠨᠠᠷ ᠭᠠᠯ ᠠᠴᠠ ᠠᠶᠤᠭᠠᠳ ᠠᠭᠤᠯᠠ ᠥᠭᠡᠳᠡ ᠭᠠᠷᠬᠤ ᠦᠭᠡᠢ ᠪᠠᠢᠭᠰᠠᠨ ᠤᠴᠢᠷ ᠲᠡᠷᠡ ᠦᠶᠡ ᠳᠦ ᠪᠢ ᠶᠣᠬᠣᠸᠠ ᠶᠢᠨ ᠦᠭᠡ ᠶᠢ ᠲᠠ ᠨᠠᠷ ᠲᠤ ᠤᠯᠠᠮᠵᠢᠯᠠᠬᠤ ᠪᠠᠷ ᠶᠣᠬᠣᠸᠠ ᠪᠣᠯᠣᠨ ᠲᠠ ᠨᠠᠷ ᠤᠨ ᠬᠣᠭᠣᠷᠣᠨᠳᠣ ᠵᠣᠭᠰᠣᠵᠤ ᠪᠠᠢᠭᠰᠠᠨ᠃ ᠶᠣᠬᠣᠸᠠ ᠢᠩᠭᠢᠵᠦ ᠠᠢᠯᠠᠳᠪᠠ᠄
6 《ᠴᠢᠨᠦ ᠪᠤᠷᠬᠠᠨ ᠪᠣᠯ ᠶᠣᠬᠣᠸᠠ ᠪᠢ᠂ ᠴᠢᠮᠠᠶᠢ ᠪᠢ ᠶᠧᠵᠢᠫᠲ ᠤᠨ ᠪᠣᠭᠣᠯᠴᠢᠯᠠᠯ ᠤᠨ ᠭᠡᠷ ᠡᠴᠡ ᠭᠠᠷᠭᠠᠵᠤ ᠠᠪᠴᠢᠷᠠᠭᠰᠠᠨ᠃ 7 ᠴᠢ ᠨᠠᠳᠠ ᠠᠴᠠ ᠥᠭᠡᠷᠡ ᠪᠤᠷᠬᠠᠳ ᠲᠠᠢ ᠪᠠᠢᠵᠤ ᠪᠣᠯᠬᠤ ᠦᠭᠡᠢ᠃
8 ᠴᠢ ᠥᠪᠡᠷ ᠦᠨ ᠢᠶᠠᠨ ᠲᠥᠯᠥᠭᠡ ᠳᠡᠭᠡᠷᠡ ᠲᠩᠷᠢ ᠳᠠᠬᠢ᠂ ᠡᠰᠡᠪᠡᠯ ᠳᠣᠣᠷᠠ ᠭᠠᠵᠠᠷ ᠳᠠᠬᠢ᠂ ᠡᠰᠡᠪᠡᠯ ᠭᠠᠵᠠᠷ ᠳᠣᠣᠷᠠᠬᠢ᠂ ᠤᠰᠤᠨ ᠳᠣᠲᠣᠷᠠᠬᠢ ᠶᠠᠮᠠᠷ ᠨᠢᠭᠡ ᠶᠠᠭᠤᠮᠠᠨ ᠤ ᠳᠦᠷᠰᠦ ᠲᠠᠢ ᠰᠢᠲᠦᠭᠡᠨ ᠢ ᠪᠦᠦ ᠪᠦᠲᠦᠭᠡ᠃ 9 ᠴᠢ ᠲᠡᠳᠡᠭᠡᠷ ᠲᠦ ᠪᠦᠦ ᠮᠥᠷᠭᠥ᠂ ᠪᠦᠦ ᠦᠢᠯᠡᠴᠢᠯᠡ᠃ ᠤᠴᠢᠷ ᠨᠢ ᠴᠢᠨᠦ ᠪᠤᠷᠬᠠᠨ ᠶᠣᠬᠣᠸᠠ ᠪᠢ ᠪᠣᠯ ᠬᠠᠷᠠᠲᠠᠢ ᠪᠤᠷᠬᠠᠨ ᠪᠣᠯᠬᠣᠷ ᠥᠪᠡᠷ ᠢ ᠮᠢᠨᠢ ᠵᠢᠭ᠍ᠰᠢᠭ᠍ᠴᠢ ᠡᠴᠢᠭᠡ ᠨᠦᠭᠦᠳ ᠦᠨ ᠬᠢᠨᠢ ᠭᠡᠮ ᠨᠢᠭᠦᠯ ᠦᠨ ᠬᠠᠷᠢᠭᠤ ᠶᠢ ᠭᠤᠷᠪᠠ᠂ ᠳᠥᠷᠪᠡᠳᠡᠬᠢ ᠦᠶᠡ ᠶᠢᠨ ᠬᠡᠦᠬᠡᠳ ᠤᠳ ᠲᠤᠨᠢ ᠬᠦᠷᠲᠡᠯᠡ ᠪᠠᠭᠤᠯᠭᠠᠳᠠᠭ᠃ 10 ᠬᠠᠷᠢᠨ ᠨᠠᠮᠠᠶᠢ ᠬᠠᠢᠷᠠᠯᠠᠵᠤ᠂ ᠮᠢᠨᠦ ᠲᠤᠰᠢᠶᠠᠯ ᠢ ᠰᠠᠬᠢᠭᠴᠢᠳ ᠲᠤ ᠮᠢᠩ᠋ᠭᠠᠨ ᠦᠶᠡ ᠳᠦᠨᠢ ᠬᠦᠷᠲᠡᠯᠡ ᠬᠠᠢᠷᠠ ᠡᠨᠡᠷᠢᠯ ᠢᠶᠠᠨ ᠦᠵᠡᠭᠦᠯᠳᠡᠭ᠃
11 ᠴᠢ ᠶᠣᠬᠣᠸᠠ ᠪᠤᠷᠬᠠᠨ ᠤ ᠪᠠᠨ ᠨᠡᠷᠡ ᠶᠢ ᠳᠡᠮᠡᠢ ᠪᠦᠦ ᠳᠠᠭᠤᠳᠠ᠃ ᠥᠪᠡᠷ ᠦᠨ ᠬᠢᠨᠢ ᠨᠡᠷᠡ ᠶᠢ ᠳᠡᠮᠡᠢ ᠳᠠᠭᠤᠳᠠᠭᠴᠢᠳ ᠢ ᠶᠣᠬᠣᠸᠠ ᠶᠠᠯᠠ ᠠᠴᠠ ᠬᠡᠯᠲᠦᠷᠢᠭᠦᠯᠬᠦ ᠦᠭᠡᠢ᠃
12 ᠴᠢᠨᠦ ᠪᠤᠷᠬᠠᠨ ᠶᠣᠬᠣᠸᠠ ᠶᠢᠨ ᠴᠢᠮᠠ ᠳᠤ ᠲᠤᠰᠢᠶᠠᠭᠰᠠᠨ ᠶᠣᠰᠣᠭᠠᠷ ᠴᠢ ᠠᠮᠠᠷᠠᠯ ᠤᠨ ᠡᠳᠦᠷ ᠢ ᠠᠷᠢᠭᠤᠨ ᠢᠶᠠᠷ ᠲᠤᠰᠠᠭᠠᠷᠯᠠᠵᠤ ᠰᠠᠬᠢ᠃ 13 ᠴᠢ ᠵᠢᠷᠭᠤᠭᠠᠨ ᠡᠳᠦᠷ ᠬᠥᠳᠡᠯᠮᠦᠷᠢᠯᠡᠵᠦ᠂ ᠪᠦᠬᠦ ᠠᠵᠢᠯ ᠢᠶᠠᠨ ᠬᠢ᠃ 14 ᠭᠡᠪᠡᠴᠦ ᠳᠣᠯᠣᠳᠠᠬᠢ ᠡᠳᠦᠷ ᠨᠢ ᠴᠢᠨᠦ ᠪᠤᠷᠬᠠᠨ ᠶᠣᠬᠣᠸᠠ ᠶᠢᠨ ᠠᠮᠠᠷᠠᠯ ᠤᠨ ᠡᠳᠦᠷ ᠪᠣᠯᠬᠣᠷ ᠴᠢ ᠶᠠᠮᠠᠷ ᠴᠤ ᠠᠵᠢᠯ ᠪᠦᠦ ᠬᠢ᠂ ᠴᠢ ᠪᠣᠯᠣᠨ ᠴᠢᠨᠦ ᠬᠦᠦ᠂ ᠴᠢᠨᠦ ᠥᠬᠢᠨ᠂ ᠴᠢᠨᠦ ᠵᠠᠷᠤᠴᠠ᠂ ᠴᠢᠨᠦ ᠰᠢᠪᠡᠭᠴᠢᠨ᠂ ᠴᠢᠨᠦ ᠦᠬᠡᠷ᠂ ᠡᠯᠵᠢᠭᠡ ᠪᠤᠶᠤ ᠴᠢᠨᠦ ᠪᠦᠬᠦ ᠮᠠᠯ ᠰᠦᠷᠦᠭ᠂ ᠬᠠᠭᠠᠯᠭᠠᠨ ᠤ ᠴᠢᠨᠢ ᠳᠣᠲᠣᠷᠠᠬᠢ ᠴᠠᠭᠠᠴᠢᠨ ᠴᠤ ᠮᠥᠨ ᠠᠳᠠᠯᠢ᠂ ᠲᠡᠢᠨ ᠬᠦ ᠴᠢᠨᠦ ᠵᠠᠷᠤᠴᠠ᠂ ᠴᠢᠨᠦ ᠰᠢᠪᠡᠭᠴᠢᠨ ᠴᠤ ᠴᠢᠮᠠ ᠲᠠᠢ ᠠᠳᠠᠯᠢ ᠠᠮᠠᠷᠠᠬᠤ ᠤᠴᠢᠷᠲᠠᠢ᠃ 15 ᠴᠢᠮᠠᠶᠢ ᠶᠧᠵᠢᠫᠲ ᠲᠤ ᠪᠣᠭᠣᠯ ᠪᠠᠢᠬᠤ ᠳᠤ ᠴᠢᠨᠦ ᠪᠤᠷᠬᠠᠨ ᠶᠣᠬᠣᠸᠠ ᠰᠤᠩ᠋ᠭᠠᠭᠰᠠᠨ ᠬᠦᠴᠦᠲᠦ ᠮᠤᠲᠤᠷ ᠢᠶᠠᠷ ᠢᠶᠠᠨ ᠴᠢᠮᠠᠶᠢ ᠲᠡᠨᠳᠡ ᠡᠴᠡ ᠭᠠᠷᠭᠠᠵᠤ ᠠᠪᠴᠢᠷᠠᠭᠰᠠᠨ ᠢ ᠰᠠᠨᠠ᠃ ᠡᠭᠦᠨ ᠦ ᠤᠴᠢᠷ ᠢᠶᠠᠷ ᠴᠢᠨᠦ ᠪᠤᠷᠬᠠᠨ ᠶᠣᠬᠣᠸᠠ ᠠᠮᠠᠷᠠᠯ ᠤᠨ ᠡᠳᠦᠷ ᠢ ᠰᠠᠬᠢᠬᠤ ᠶᠢ ᠴᠢᠮᠠ ᠳᠤ ᠲᠤᠰᠢᠶᠠᠭᠰᠠᠨ ᠪᠢᠯᠡ᠃
16 ᠴᠢ ᠶᠣᠬᠣᠸᠠ ᠪᠤᠷᠬᠠᠨ ᠤ ᠪᠠᠨ ᠲᠤᠰᠢᠶᠠᠭᠰᠠᠨ ᠶᠣᠰᠣᠭᠠᠷ ᠡᠴᠢᠭᠡ ᠡᠬᠡ ᠪᠡᠨ ᠬᠦᠨᠳᠦᠯᠡ᠃ ᠲᠡᠭᠡᠪᠡᠯ ᠴᠢᠨᠦ ᠪᠤᠷᠬᠠᠨ ᠶᠣᠬᠣᠸᠠ ᠶᠢᠨ ᠴᠢᠮᠠ ᠳᠤ ᠰᠣᠶᠣᠷᠬᠠᠬᠤ ᠭᠠᠵᠠᠷ ᠳᠡᠭᠡᠷᠡ ᠴᠢ ᠤᠷᠲᠤ ᠨᠠᠰᠤᠯᠠᠵᠤ᠂ ᠰᠠᠢᠨ ᠢ ᠠᠮᠰᠠᠬᠤ ᠪᠣᠯᠣᠨᠠ᠃
17 ᠴᠢ ᠬᠥᠮᠦᠨ ᠪᠦᠦ ᠠᠯᠠ᠃
18 ᠴᠢ ᠪᠦᠦ ᠵᠠᠪᠬᠠᠢᠷᠠ᠃
19 ᠴᠢ ᠪᠦᠦ ᠬᠤᠯᠠᠭᠠᠢᠯᠠ᠃
20 ᠴᠢ ᠬᠥᠷᠰᠢ ᠶᠢᠨ ᠢᠶᠠᠨ ᠡᠰᠡᠷᠭᠦ ᠬᠤᠳᠠᠯ ᠢᠶᠠᠷ ᠪᠦᠦ ᠭᠡᠷᠡᠴᠢᠯᠡ᠃
21 ᠴᠢ ᠬᠥᠷᠰᠢ ᠶᠢᠨ ᠢᠶᠠᠨ ᠡᠬᠡᠨᠡᠷ ᠲᠦ ᠪᠦᠦ ᠰᠠᠨᠠᠭᠠᠷᠬᠠ᠂ ᠬᠥᠷᠰᠢ ᠶᠢᠨ ᠢᠶᠠᠨ ᠭᠡᠷ ᠣᠷᠣᠨ᠂ ᠭᠠᠵᠠᠷ᠂ ᠵᠠᠷᠤᠴᠠ ᠰᠢᠪᠡᠭᠴᠢᠨ᠂ ᠦᠬᠡᠷ᠂ ᠡᠯᠵᠢᠭᠡ ᠵᠡᠷᠭᠡ ᠬᠥᠷᠰᠢ ᠶᠢᠨ ᠢᠶᠠᠨ ᠶᠠᠭᠤᠨ ᠳᠤᠨᠢ ᠴᠤ ᠪᠦᠦ ᠰᠢᠨᠤ》 ᠭᠡᠪᠡ᠃
ᠠᠷᠠᠳ ᠲᠦᠮᠡᠨ ᠦ ᠲᠤᠰᠬᠠᠯ
22 ᠶᠣᠬᠣᠸᠠ ᠡᠳᠡᠭᠡᠷ ᠦᠭᠡ ᠶᠢ ᠶᠡᠬᠡ ᠳᠠᠭᠤ ᠪᠠᠷ ᠲᠠᠨ ᠤ ᠪᠦᠬᠦ ᠴᠢᠭᠤᠯᠭᠠᠨ ᠳᠤ ᠠᠭᠤᠯᠠᠨ ᠳᠡᠭᠡᠷᠡᠬᠢ ᠭᠠᠯ ᠳᠣᠲᠣᠷᠠ ᠠᠴᠠ᠂ ᠡᠭᠦᠯᠡᠨ ᠳᠣᠲᠣᠷᠠ ᠠᠴᠠ᠂ ᠭᠦᠨ ᠬᠠᠷᠠᠩ᠋ᠭᠤᠢ ᠳᠤᠮᠳᠠ ᠠᠴᠠ ᠠᠢᠯᠠᠳᠤᠭᠰᠠᠨ ᠪᠥᠭᠡᠳ ᠡᠭᠦᠨ ᠦ ᠳᠠᠷᠠᠭᠠ ᠥᠭᠡᠷᠡ ᠶᠠᠭᠤ ᠴᠤ ᠨᠡᠮᠡᠵᠦ ᠠᠢᠯᠠᠳᠤᠭᠰᠠᠨ ᠦᠭᠡᠢ᠂ ᠬᠠᠷᠢᠨ ᠡᠳᠡᠭᠡᠷ ᠢ ᠬᠣᠶᠠᠷ ᠴᠢᠯᠠᠭᠤᠨ ᠬᠠᠪᠲᠠᠰᠤᠨ ᠳᠡᠭᠡᠷᠡ ᠪᠢᠴᠢᠭᠡᠳ ᠨᠠᠳᠠ ᠳᠤ ᠥᠭᠭᠥᠭᠰᠡᠨ᠃ 23 ᠠᠭᠤᠯᠠ ᠭᠠᠯ ᠳᠤ ᠳᠦᠷᠡᠯᠵᠡᠨ ᠰᠢᠲᠠᠵᠤ ᠪᠠᠢᠬᠤ ᠳᠤ᠂ ᠬᠠᠷᠠᠩ᠋ᠭᠤᠢ ᠶᠢᠨ ᠳᠤᠮᠳᠠ ᠠᠴᠠ ᠭᠠᠷᠬᠤ ᠳᠠᠭᠤ ᠬᠣᠭᠣᠯᠠᠢ ᠶᠢ ᠲᠠ ᠨᠠᠷ ᠰᠣᠨᠣᠰᠣᠭᠠᠳ ᠲᠠᠨ ᠤ ᠣᠪᠣᠭ ᠤᠨ ᠲᠡᠷᠢᠭᠦᠨ ᠨᠦᠭᠦᠳ ᠪᠣᠯᠣᠨ ᠠᠬᠠᠮᠠᠳ ᠤᠳ ᠴᠢᠨᠢ ᠪᠦᠭᠦᠳᠡᠭᠡᠷ ᠢᠶᠡᠨ ᠨᠠᠳᠠ ᠤᠷᠤᠭᠤ ᠢᠷᠡᠵᠦ᠄ 24 《ᠪᠢᠳᠡᠨ ᠦ ᠪᠤᠷᠬᠠᠨ ᠶᠣᠬᠣᠸᠠ ᠪᠢᠳᠡᠨ ᠳᠦ ᠰᠦᠷ ᠵᠢᠪᠬᠤᠯᠠᠩ᠂ ᠠᠭᠤᠤ ᠪᠠᠢᠳᠠᠯ ᠢᠶᠠᠨ ᠲᠣᠳᠣ ᠬᠠᠷᠠᠭᠤᠯᠵᠤ᠂ ᠪᠢᠳᠡ ᠭᠠᠯ ᠳᠣᠲᠣᠷᠠ ᠠᠴᠠ ᠭᠠᠷᠴᠤ ᠪᠠᠢᠭᠠ ᠲᠡᠭᠦᠨ ᠦ ᠳᠠᠭᠤ ᠶᠢ ᠰᠣᠨᠣᠰᠴᠠᠭᠠᠯᠠ︕ ᠪᠤᠷᠬᠠᠨ ᠬᠥᠮᠦᠨ ᠲᠡᠢ ᠶᠠᠷᠢᠵᠤ᠂ ᠬᠥᠮᠦᠨ ᠨᠢ ᠠᠮᠢᠳᠤ ᠪᠠᠢᠬᠤ ᠶᠢ ᠴᠤ ᠪᠢᠳᠡ ᠥᠨᠥᠳᠥᠷ ᠬᠠᠷᠠᠯᠠ᠃ 25 ᠬᠠᠷᠢᠨ ᠪᠢᠳᠡ ᠶᠠᠭᠠᠬᠢᠨ ᠣᠳᠣ ᠪᠠᠷ ᠢᠶᠠᠨ ᠦᠬᠦᠬᠦ ᠶᠣᠰᠣᠲᠠᠢ ᠪᠤᠢ︖ ᠡᠨᠡ ᠶᠡᠬᠡ ᠭᠠᠯ ᠪᠢᠳᠡᠨ ᠢ ᠵᠠᠯᠭᠢᠬᠤ ᠨᠢ ᠡ᠂ ᠪᠢᠳᠡ ᠢᠩᠭᠢᠵᠦ ᠶᠣᠬᠣᠸᠠ ᠪᠤᠷᠬᠠᠨ ᠤ ᠪᠠᠨ ᠳᠠᠭᠤ ᠶᠢ ᠰᠣᠨᠣᠰᠣᠭᠰᠠᠭᠠᠷ ᠪᠠᠢᠪᠠᠯ ᠦᠬᠦᠬᠦ ᠪᠣᠯᠣᠨᠠ᠃ 26 ᠠᠮᠢᠳᠤ ᠪᠤᠷᠬᠠᠨ ᠤ ᠭᠠᠯ ᠤᠨ ᠳᠤᠮᠳᠠ ᠠᠴᠠ ᠠᠢᠯᠠᠳᠬᠤ ᠳᠠᠭᠤ ᠬᠣᠭᠣᠯᠠᠢ ᠶᠢ ᠪᠢᠳᠡ ᠰᠢᠭ ᠰᠣᠨᠣᠰᠣᠭᠠᠳ᠂ ᠠᠮᠢᠳᠤ ᠦᠯᠡᠳᠡᠭᠰᠡᠨ ᠮᠢᠬᠠᠨ ᠪᠡᠶᠡᠲᠦ ᠬᠥᠮᠦᠨ ᠭᠡᠵᠦ ᠬᠡᠨ ᠪᠠᠢᠨᠠ ᠪᠤᠢ︖ 27 ᠡᠢᠮᠦ ᠡᠴᠡ ᠲᠠ ᠯᠠ ᠣᠢᠷᠠᠲᠤᠨ ᠣᠴᠢᠵᠤ᠂ ᠪᠢᠳᠡᠨ ᠦ ᠪᠤᠷᠬᠠᠨ ᠶᠣᠬᠣᠸᠠ ᠶᠢᠨ ᠠᠢᠯᠠᠳᠬᠤ ᠪᠦᠬᠦᠨ ᠢ ᠰᠣᠨᠣᠰᠣᠭᠠᠳ ᠪᠢᠳᠡᠨ ᠦ ᠪᠤᠷᠬᠠᠨ ᠶᠣᠬᠣᠸᠠ ᠶᠢᠨ ᠲᠠᠨ ᠳᠤ ᠠᠢᠯᠠᠳᠤᠭᠰᠠᠨ ᠪᠦᠬᠦᠨ ᠢ ᠪᠢᠳᠡᠨ ᠳᠦ ᠬᠡᠯᠡᠵᠦ ᠥᠭ᠃ ᠪᠢᠳᠡ ᠲᠡᠭᠦᠨ ᠢ ᠰᠣᠨᠣᠰᠣᠭᠠᠳ᠂ ᠭᠦᠢᠴᠡᠳᠬᠡᠶᠡ》 ᠭᠡᠰᠡᠨ᠃
28 ᠲᠠ ᠨᠠᠷ ᠨᠠᠳᠠ ᠳᠤ ᠬᠡᠯᠡᠵᠦ ᠪᠠᠢᠬᠤ ᠳᠤ᠂ ᠶᠣᠬᠣᠸᠠ ᠲᠠ ᠨᠠᠷ ᠤᠨ ᠦᠭᠡ ᠶᠢ ᠰᠣᠨᠣᠰᠣᠭᠠᠳ᠂ ᠨᠠᠳᠠ ᠳᠤ᠄ 《ᠡᠨᠡ ᠠᠷᠠᠳ ᠲᠦᠮᠡᠨ ᠦ ᠴᠢᠮᠠ ᠳᠤ ᠬᠡᠯᠡᠭᠰᠡᠨ ᠦᠭᠡ ᠶᠢ ᠪᠢ ᠰᠣᠨᠣᠰᠣᠯᠠ᠃ ᠲᠡᠳᠡᠨ ᠦ ᠬᠡᠯᠡᠭᠰᠡᠨ ᠪᠦᠬᠦᠨ ᠰᠠᠢᠨ ᠪᠠᠢᠨᠠ᠃ 29 ᠲᠡᠳᠡᠨ ᠦ ᠡᠢᠮᠦ ᠰᠡᠳᠬᠢᠯ ᠬᠡᠪ ᠢᠶᠡᠷ ᠢᠶᠠᠨ ᠪᠠᠢᠬᠤ ᠪᠣᠯᠲᠤᠭᠠᠢ᠃ ᠡᠢᠨ ᠬᠦ ᠲᠡᠳᠡ ᠨᠠᠳᠠ ᠠᠴᠠ ᠡᠮᠢᠶᠡᠵᠦ᠂ ᠮᠢᠨᠦ ᠪᠦᠬᠦ ᠲᠤᠰᠢᠶᠠᠯ ᠢ ᠦᠷᠭᠦᠯᠵᠢ ᠰᠠᠬᠢᠨ ᠲᠡᠳᠡ ᠪᠣᠯᠣᠨ ᠲᠡᠳᠡᠨ ᠦ ᠦᠷᠡ ᠬᠡᠦᠬᠡᠳ ᠰᠠᠢᠨ ᠰᠠᠢᠬᠠᠨ ᠢ ᠡᠭᠦᠷᠢᠳᠡ ᠠᠮᠰᠠᠬᠤ ᠪᠣᠯᠲᠤᠭᠠᠢ᠃ 30 ᠴᠢ ᠲᠡᠳᠡᠨ ᠳᠦ ᠣᠴᠢᠭᠠᠳ᠄ 〈ᠮᠠᠢᠬᠠᠨ ᠤᠷᠤᠭᠤ ᠪᠠᠨ ᠪᠤᠴᠠᠵᠠᠭᠠ〉 ᠭᠡᠵᠦ ᠬᠡᠯᠡ᠃ 31 ᠬᠠᠷᠢᠨ ᠴᠢ ᠡ᠊ᠨᠳᠡ ᠮᠢᠨᠦ ᠳᠡᠷᠭᠡᠳᠡ ᠵᠣᠭᠰᠣᠭᠠᠷᠠᠢ᠃ ᠪᠢ ᠪᠦᠬᠦ ᠲᠤᠰᠢᠶᠠᠯ᠂ ᠬᠠᠤᠯᠢ ᠵᠢᠭᠠᠪᠤᠷᠢ ᠶᠢ ᠴᠢᠮᠠ ᠳᠤ ᠬᠡᠯᠡᠶᠡ᠃ ᠡᠳᠡᠭᠡᠷ ᠢ ᠴᠢ ᠲᠡᠳᠡᠨ ᠳᠦ ᠰᠤᠷᠭᠠ᠂ ᠮᠢᠨᠦ ᠥᠭᠴᠦ ᠡᠵᠡᠮᠰᠢᠭᠦᠯᠬᠦ ᠭᠡᠵᠦ ᠪᠤᠢ ᠲᠡᠷᠡ ᠭᠠᠵᠠᠷ ᠳᠡᠭᠡᠷᠡ ᠲᠡᠳᠡ ᠨᠠᠷ ᠡᠭᠦᠨ ᠢ ᠮᠥᠷᠳᠡᠬᠦ ᠶᠣᠰᠣᠲᠠᠢ》 ᠭᠡᠵᠡᠢ᠃ 32 ᠲᠡᠢᠮᠦ ᠡᠴᠡ ᠲᠠ ᠨᠠᠷ ᠶᠣᠬᠣᠸᠠ ᠪᠤᠷᠬᠠᠨ ᠤ ᠪᠠᠨ ᠲᠤᠰᠢᠶᠠᠭᠰᠠᠨ ᠢ ᠰᠠᠬᠢᠵᠤ ᠮᠥᠷᠳᠡᠵᠦ᠂ ᠪᠠᠷᠠᠭᠤᠨ ᠲᠡᠰᠢ ᠴᠤ᠂ ᠵᠡᠭᠦᠨ ᠲᠡᠰᠢ ᠴᠤ ᠬᠠᠵᠠᠢᠯ ᠦᠭᠡᠢ ᠪᠠᠷ 33 ᠶᠣᠬᠣᠸᠠ ᠪᠤᠷᠬᠠᠨ ᠤ ᠪᠠᠨ ᠵᠠᠬᠢᠭᠰᠠᠨ ᠵᠠᠮ ᠢᠶᠠᠷ ᠯᠠ ᠶᠠᠪᠤᠬᠤ ᠶᠣᠰᠣᠲᠠᠢ᠃ ᠲᠡᠭᠡᠪᠡᠯ ᠲᠠ ᠨᠠᠷ ᠠᠮᠢᠳᠤ ᠪᠠᠢᠵᠤ᠂ ᠰᠠᠢᠨ ᠰᠠᠢᠬᠠᠨ ᠢ ᠡᠳ᠋ᠯᠡᠬᠦ ᠪᠥᠭᠡᠳ ᠡᠵᠡᠮᠰᠢᠬᠦ ᠭᠠᠵᠠᠷ ᠲᠠᠭᠠᠨ ᠤᠷᠲᠤ ᠨᠠᠰᠤᠯᠠᠬᠤ ᠪᠣᠯᠣᠨᠠ᠃