ᠳᠡᠳ᠋ ᠬᠠᠤᠯᠢ ᠬᠣᠷᠢᠨ ᠨᠢᠭᠡ
ᠶᠠᠷᠭᠠᠴᠢᠨ ᠢ ᠨᠢ ᠲᠣᠳᠣᠯᠠᠭᠠ ᠦᠭᠡᠢ ᠠᠮᠢᠨ ᠬᠡᠷᠡᠭ
1 ᠶᠣᠬᠣᠸᠠ ᠪᠤᠷᠬᠠᠨ ᠠᠴᠠ ᠴᠢᠨᠢ ᠴᠢᠮᠠ ᠳᠤ ᠡᠵᠡᠮᠰᠢᠭᠦᠯᠬᠦ ᠪᠡᠷ ᠥᠭᠬᠦ ᠭᠠᠵᠠᠷ ᠳᠡᠭᠡᠷᠡ ᠬᠡᠨ ᠨᠢᠭᠡᠨ ᠬᠥᠮᠦᠨ ᠠᠯᠠᠭᠳᠠᠭᠠᠳ ᠬᠡᠭᠡᠷᠡ ᠲᠠᠯᠠ ᠳᠤ ᠬᠡᠪᠲᠡᠵᠦ ᠪᠠᠢᠬᠤ ᠨᠢ ᠣᠯᠳᠠᠭᠰᠠᠨ ᠴᠤ᠂ ᠬᠡᠨ ᠠᠯᠠᠭᠰᠠᠨ ᠨᠢ ᠮᠡᠳᠡᠭᠳᠡᠬᠦ ᠦᠭᠡᠢ ᠪᠠᠢᠪᠠᠯ᠂ 2 ᠲᠠᠨ ᠤ ᠠᠬᠠᠮᠠᠳ ᠤᠳ ᠪᠣᠯᠣᠨ ᠰᠢᠭᠦᠭᠴᠢᠳ ᠭᠠᠷᠴᠤ ᠣᠴᠢᠭᠠᠳ ᠲᠡᠷᠡ ᠦᠬᠦᠳᠡᠯ ᠡᠴᠡ ᠡᠷᠭᠢᠨ ᠲᠣᠭᠣᠷᠢᠨ ᠤ ᠬᠢᠨᠢ ᠬᠣᠲᠠ ᠨᠤᠭᠤᠳ ᠬᠦᠷᠲᠡᠯᠡᠬᠢ ᠵᠠᠢ ᠶᠢ ᠬᠡᠮᠵᠢᠵᠦ᠂ 3 ᠲᠡᠷᠡ ᠦᠬᠦᠳᠡᠯ ᠡᠴᠡ ᠬᠠᠮᠤᠭ ᠤᠨ ᠣᠢᠷᠠ ᠪᠠᠢᠭᠠ ᠬᠣᠲᠠ ᠶᠢᠨ ᠠᠬᠠᠮᠠᠳ ᠤᠳ ᠨᠢ ᠵᠠᠷᠤᠭᠳᠠᠭᠠ ᠦᠭᠡᠢ᠂ ᠪᠤᠭᠤᠯᠠᠭᠠ ᠳᠤ ᠣᠷᠣᠭᠠ ᠦᠭᠡᠢ ᠨᠢᠭᠡ ᠥᠬᠢᠨ ᠪᠢᠷᠠᠭᠤ ᠠᠪᠴᠢᠷᠠᠬᠤ ᠶᠣᠰᠣᠲᠠᠢ᠃ 4 ᠲᠡᠭᠡᠭᠡᠳ ᠲᠡᠷᠡ ᠬᠣᠲᠠ ᠶᠢᠨ ᠠᠬᠠᠮᠠᠳ ᠤᠳ ᠲᠡᠷᠡ ᠪᠢᠷᠠᠭᠤ ᠶᠢ ᠬᠠᠭᠠᠯᠤᠭᠠ ᠦᠭᠡᠢ᠂ ᠲᠠᠷᠢᠶᠠᠯᠠᠭᠠ ᠦᠭᠡᠢ ᠤᠷᠤᠰᠬᠠᠯ ᠤᠰᠤ ᠪᠦᠬᠦᠢ ᠠᠲᠠᠷ ᠬᠥᠨᠳᠡᠢ ᠤᠷᠤᠭᠤ ᠬᠥᠲᠥᠯᠵᠦ ᠠᠪᠠᠴᠢᠭᠠᠳ ᠲᠡᠨᠳᠡ ᠬᠦᠵᠦᠭᠦᠦ ᠶᠢ ᠨᠢ ᠬᠤᠭᠤ ᠮᠤᠰᠬᠢᠨᠠ᠃ 5 ᠮᠥᠨ ᠯᠧᠸᠢ ᠶᠢᠨ ᠦᠷᠡ ᠤᠳᠤᠮ ᠪᠣᠯᠬᠤ ᠲᠠᠬᠢᠯᠴᠢᠳ ᠪᠠᠰᠠ ᠣᠢᠷᠠᠲᠤᠨ ᠣᠴᠢᠬᠤ ᠪᠣᠯᠣᠨᠠ᠃ ᠤᠴᠢᠷ ᠨᠢ ᠴᠢᠨᠦ ᠪᠤᠷᠬᠠᠨ ᠶᠣᠬᠣᠸᠠ ᠥᠪᠡᠷ ᠲᠡᠭᠡᠨ ᠦᠢᠯᠡᠴᠢᠯᠡᠭᠦᠯᠵᠦ ᠶᠣᠬᠣᠸᠠ ᠶᠢᠨ ᠨᠡᠷᠡ ᠪᠡᠷ ᠢᠷᠥᠭᠡᠯᠭᠡᠬᠦ ᠶᠢᠨ ᠲᠤᠯᠠᠳᠠ ᠲᠡᠳᠡᠨ ᠢ ᠰᠢᠯᠢᠵᠦ ᠠᠪᠤᠭᠰᠠᠨ ᠪᠢᠯᠡ᠃ ᠠᠯᠢᠪᠠ ᠮᠠᠷᠭᠤᠭᠠᠨ᠂ ᠠᠯᠢᠪᠠ ᠬᠦᠴᠦᠷᠬᠡᠭᠯᠡᠯ ᠦᠨ ᠬᠡᠷᠡᠭ ᠴᠤ ᠲᠡᠳᠡᠨ ᠦ ᠦᠭᠡ ᠪᠡᠷ ᠰᠢᠢᠳᠪᠦᠷᠢᠯᠡᠭᠳᠡᠨᠡ᠃ 6 ᠥᠨᠥᠬᠢ ᠦᠬᠦᠳᠡᠯ ᠡᠴᠡ ᠬᠠᠮᠤᠭ ᠤᠨ ᠣᠢᠷᠠᠬᠠᠨ ᠪᠠᠢᠭᠠ ᠬᠣᠲᠠ ᠶᠢᠨ ᠠᠬᠠᠮᠠᠳ ᠤᠳ ᠪᠦᠭᠦᠳᠡᠭᠡᠷ ᠲᠡᠷᠡ ᠬᠥᠨᠳᠡᠢ ᠳᠦ ᠬᠦᠵᠦᠭᠦᠦ ᠪᠡᠨ ᠬᠤᠭᠤ ᠮᠤᠰᠬᠢᠭᠤᠯᠤᠭᠰᠠᠨ ᠥᠬᠢᠨ ᠪᠢᠷᠠᠭᠤᠨ ᠤ ᠳᠡᠭᠡᠷᠡ ᠭᠠᠷ ᠢᠶᠠᠨ ᠤᠬᠢᠶᠠᠵᠤ᠂ 7 ᠭᠡᠷᠡᠴᠢᠯᠡᠨ᠄ 《ᠪᠢᠳᠡᠨ ᠦ ᠭᠠᠷ ᠡᠨᠡ ᠴᠢᠰᠤ ᠶᠢ ᠤᠷᠤᠰᠬᠠᠭᠠ ᠦᠭᠡᠢ᠂ ᠪᠢᠳᠡᠨ ᠦ ᠨᠢᠳᠦ ᠲᠡᠷᠡ ᠶᠠᠪᠤᠳᠠᠯ ᠢ ᠬᠠᠷᠠᠭᠠ ᠦᠭᠡᠢ᠃ 8 ᠥ᠂ ᠶᠣᠬᠣᠸᠠ︕ ᠲᠠ ᠥᠪᠡᠷ ᠦᠨ ᠵᠣᠯᠢᠭᠰᠠᠨ ᠠᠷᠠᠳ ᠲᠦᠮᠡᠨ᠂ ᠢᠰᠷᠧᠯ ᠤᠨ ᠠᠷᠠᠳ ᠲᠦᠮᠡᠨ ᠦ ᠲᠥᠯᠥᠭᠡ ᠬᠢᠬᠦ ᠡᠨᠡ ᠭᠡᠮ ᠦᠨ ᠬᠡᠯᠲᠦᠷᠢᠭᠦᠯᠦᠯᠭᠡ ᠶᠢ ᠬᠦᠯᠢᠶᠡᠨ ᠠᠪᠤᠨᠠ ᠤᠤ︖ ᠭᠡᠮ ᠦᠭᠡᠢ ᠴᠢᠰᠤ ᠤᠷᠤᠰᠬᠠᠭᠰᠠᠨ ᠭᠡᠮ ᠢ ᠥᠪᠡᠷ ᠦᠨ ᠢᠶᠠᠨ ᠠᠷᠠᠳ ᠲᠦᠮᠡᠨ ᠢᠰᠷᠧᠯ ᠳᠤ ᠪᠦᠦ ᠲᠣᠬᠣᠭᠠᠴᠢ》 ᠭᠡᠵᠦ ᠬᠡᠯᠡᠬᠦ ᠶᠣᠰᠣᠲᠠᠢ᠃ ᠲᠡᠭᠡᠪᠡᠯ ᠲᠡᠷᠡ ᠴᠢᠰᠤ ᠤᠷᠤᠰᠬᠠᠭᠰᠠᠨ ᠭᠡᠮ ᠡᠴᠡ ᠬᠡᠯᠲᠦᠷᠢᠬᠦ ᠪᠣᠯᠣᠨᠠ᠃ 9 ᠲᠡᠢᠨ ᠬᠦ ᠴᠢ ᠶᠣᠬᠣᠸᠠ ᠶᠢᠨ ᠮᠡᠯᠮᠡᠢ ᠳᠦ ᠵᠥᠪ ᠰᠢᠳᠤᠷᠭᠤ ᠶᠢ ᠬᠢᠵᠦ᠂ ᠭᠡᠮ ᠦᠭᠡᠢ ᠴᠢᠰᠤ ᠤᠷᠤᠰᠬᠠᠭᠰᠠᠨ ᠭᠡᠮ ᠢ ᠳᠤᠮᠳᠠ ᠠᠴᠠ ᠪᠠᠨ ᠵᠠᠢᠯᠠᠭᠤᠯᠬᠤ ᠶᠣᠰᠣᠲᠠᠢ᠃
ᠣᠯᠵᠠᠯᠠᠭᠳᠠᠭᠰᠠᠨ ᠡᠮᠡᠭᠲᠡᠢ ᠶᠢᠨ ᠲᠤᠬᠠᠢ ᠵᠢᠷᠤᠮ
10 ᠴᠢ ᠳᠠᠢᠰᠤᠨ ᠨᠤᠭᠤᠳ ᠲᠠᠢ ᠪᠠᠨ ᠲᠤᠯᠤᠯᠳᠤᠬᠤ ᠪᠠᠷ ᠶᠠᠪᠤᠬᠤ ᠳᠤ᠂ ᠴᠢᠨᠦ ᠪᠤᠷᠬᠠᠨ ᠶᠣᠬᠣᠸᠠ ᠲᠡᠳᠡᠨ ᠢ ᠭᠠᠷ ᠲᠤ ᠴᠢᠨᠢ ᠲᠤᠰᠢᠶᠠᠬᠤ ᠲᠤᠯᠠ ᠲᠡᠳᠡᠨ ᠢ ᠣᠯᠵᠠᠯᠠᠨ ᠠᠪᠬᠤ ᠦᠶᠡ ᠳᠦ᠂ 11 ᠣᠯᠵᠠᠯᠠᠭᠳᠠᠭᠰᠠᠳ ᠤᠨ ᠳᠤᠮᠳᠠᠬᠢ ᠦᠵᠡᠰᠬᠦᠯᠡᠩ ᠲᠡᠢ ᠪᠦᠰᠡᠭᠦᠢ ᠶᠢ ᠬᠠᠷᠠᠭᠠᠳ ᠲᠡᠭᠦᠨ ᠳᠦ ᠰᠡᠳᠬᠢᠯ ᠲᠠᠲᠠᠭᠳᠠᠪᠠᠯ᠂ ᠲᠡᠭᠦᠨ ᠢ ᠡᠬᠡᠨᠡᠷ ᠢᠶᠡᠨ ᠪᠣᠯᠭᠠᠨ ᠠᠪᠴᠤ ᠪᠣᠯᠣᠨᠠ᠃ 12 ᠲᠡᠭᠦᠨ ᠢ ᠴᠢ ᠭᠡᠷ ᠲᠡᠭᠡᠨ ᠠᠪᠴᠢᠷᠠᠬᠤ ᠪᠥᠭᠡᠳ ᠲᠡᠷᠡ ᠪᠦᠰᠡᠭᠦᠢ ᠦᠰᠦ ᠪᠡᠨ ᠬᠤᠰᠤᠵᠤ ᠬᠢᠮᠤᠰᠤ ᠪᠠᠨ ᠠᠪᠴᠤ᠂ 13 ᠣᠯᠵᠠᠯᠠᠭᠳᠠᠭᠴᠢ ᠶᠢᠨ ᠬᠤᠪᠴᠠᠰᠤ ᠪᠠᠨ ᠣᠷᠬᠢᠨ᠂ ᠭᠡᠷ ᠲᠦ ᠴᠢᠨᠢ ᠰᠠᠭᠤᠭᠠᠳ ᠡᠴᠢᠭᠡ ᠡᠬᠡ ᠶᠢᠨ ᠢᠶᠠᠨ ᠠᠷᠤ ᠠᠴᠠ ᠪᠦᠲᠦᠨ ᠰᠠᠷᠠ ᠭᠠᠰᠢᠭᠤᠳᠠᠭᠰᠠᠨ ᠤ ᠳᠠᠷᠠᠭᠠ᠂ ᠴᠢ ᠲᠡᠭᠦᠨ ᠳᠡᠭᠡᠷᠡ ᠣᠷᠣᠵᠤ ᠨᠥᠬᠥᠷ ᠨᠢ ᠪᠣᠯᠵᠤ᠂ ᠲᠡᠷᠡ ᠴᠢᠨᠦ ᠡᠬᠡᠨᠡᠷ ᠪᠣᠯᠣᠨᠠ᠃ 14 ᠬᠡᠷᠪᠡ ᠲᠡᠷᠡ ᠪᠦᠰᠡᠭᠦᠢ ᠴᠢᠮᠠ ᠳᠤ ᠲᠠᠭᠠᠯᠠᠭᠳᠠᠬᠤ ᠦᠭᠡᠢ ᠪᠠᠢᠪᠠᠯ᠂ ᠴᠢ ᠲᠡᠭᠦᠨ ᠢ ᠳᠤᠷᠠᠲᠠᠢ ᠵᠦᠭ ᠲᠤᠨᠢ ᠶᠠᠪᠤᠭᠤᠯ᠃ ᠬᠠᠷᠢᠨ ᠴᠢ ᠲᠡᠭᠦᠨ ᠢ ᠮᠥᠩᠭᠥ ᠪᠡᠷ ᠬᠤᠳᠠᠯᠳᠤᠵᠤ ᠣᠭᠲᠣ ᠪᠣᠯᠬᠤ ᠦᠭᠡᠢ︕ ᠴᠢ ᠲᠡᠭᠦᠨ ᠢ ᠪᠤᠵᠠᠷᠲᠤᠭᠤᠯᠤᠭᠰᠠᠨ ᠤᠴᠢᠷ ᠠᠴᠠ ᠲᠡᠭᠦᠨ ᠳᠦ ᠪᠣᠭᠣᠯ ᠳᠤ ᠬᠠᠨᠳᠤᠬᠤ ᠰᠢᠭ᠋ ᠬᠠᠨᠳᠤᠵᠤ ᠪᠣᠯᠬᠤ ᠦᠭᠡᠢ᠃
ᠤᠤᠭᠠᠨ ᠬᠦᠦ ᠶᠢᠨ ᠡᠷᠬᠡ
15 ᠬᠡᠷᠪᠡ ᠬᠥᠮᠦᠨ ᠬᠣᠶᠠᠷ ᠡᠬᠡᠨᠡᠷ ᠲᠡᠢ ᠪᠥᠭᠡᠳ ᠨᠢᠭᠡᠨ ᠳᠦᠨᠢ ᠬᠠᠢᠷᠠᠲᠠᠢ᠂ ᠨᠥᠭᠥᠭᠡ ᠳᠦᠨᠢ ᠬᠠᠢᠷᠠ ᠦᠭᠡᠢ ᠠᠲᠠᠯᠠ ᠬᠠᠢᠷᠠᠲᠠᠢ᠂ ᠬᠠᠢᠷᠠ ᠦᠭᠡᠢ ᠬᠣᠶᠠᠷ ᠡᠬᠡᠨᠡᠷ ᠨᠢ ᠬᠣᠶᠠᠭᠤᠯᠠ ᠪᠠᠨ ᠲᠡᠭᠦᠨ ᠳᠦ ᠬᠥᠪᠡᠭᠦᠨ ᠲᠥᠷᠥᠭᠦᠯᠦᠨ ᠥᠭᠭᠥᠭᠰᠡᠨ ᠨᠥᠬᠥᠴᠡᠯ ᠳᠦ᠂ ᠤᠤᠭᠠᠨ ᠬᠦᠦ ᠨᠢ ᠬᠠᠢᠷᠠ ᠦᠭᠡᠢ ᠡᠬᠡᠨᠡᠷ ᠡᠴᠡ ᠨᠢ ᠭᠠᠷᠤᠭᠰᠠᠨ ᠪᠠᠢᠪᠠᠯ᠂ 16 ᠬᠥᠪᠡᠭᠦᠳ ᠲᠡᠭᠡᠨ ᠥᠮᠴᠢ ᠪᠠᠨ ᠥᠪᠯᠡᠭᠦᠯᠬᠦ ᠡᠳᠦᠷ ᠢᠶᠡᠷ᠂ ᠲᠡᠷᠡ ᠬᠥᠮᠦᠨ ᠬᠠᠢᠷᠠ ᠦᠭᠡᠢ ᠡᠬᠡᠨᠡᠷ ᠡᠴᠡ ᠪᠡᠨ ᠭᠠᠷᠤᠭᠰᠠᠨ ᠵᠢᠩᠬᠢᠨᠢ ᠤᠤᠭᠠᠨ ᠬᠦᠦ ᠶᠢᠨ ᠡᠮᠦᠨᠡᠭᠦᠷ ᠬᠠᠢᠷᠠᠲᠠᠢ ᠡᠬᠡᠨᠡᠷ ᠡᠴᠡ ᠪᠡᠨ ᠭᠠᠷᠤᠭᠰᠠᠨ ᠬᠦᠦ ᠳᠦ ᠤᠤᠭᠠᠨ ᠬᠦᠦ ᠶᠢᠨ ᠡᠷᠬᠡ ᠶᠢ ᠣᠯᠭᠣᠵᠤ ᠪᠣᠯᠬᠤ ᠦᠭᠡᠢ᠃ 17 ᠬᠠᠷᠢᠨ ᠬᠠᠢᠷᠠ ᠦᠭᠡᠢ ᠡᠬᠡᠨᠡᠷ ᠡᠴᠡ ᠭᠠᠷᠤᠭᠰᠠᠨ ᠬᠦᠦ ᠶᠢᠨ ᠢᠶᠠᠨ ᠤᠤᠭᠠᠨ ᠬᠦᠦ ᠭᠡᠳᠡᠭ ᠢ ᠬᠦᠯᠢᠶᠡᠨ ᠵᠥᠪᠰᠢᠶᠡᠷᠡᠵᠦ᠂ ᠪᠦᠬᠦ ᠥᠮᠴᠢ ᠡᠴᠡ ᠪᠡᠨ ᠲᠡᠭᠦᠨ ᠳᠦ ᠬᠣᠶᠠᠷ ᠳᠠᠬᠢᠨ ᠢᠯᠡᠭᠦᠦ ᠬᠤᠪᠢ ᠶᠢ ᠣᠯᠭᠣᠬᠤ ᠶᠣᠰᠣᠲᠠᠢ᠃ ᠲᠡᠷᠡ ᠬᠦᠦ ᠴᠢᠨᠦ ᠡᠷᠡ ᠴᠢᠳᠠᠯ ᠤᠨ ᠣᠬᠢ ᠪᠣᠯᠬᠣᠷ ᠤᠤᠭᠠᠨ ᠬᠦᠦ ᠶᠢᠨ ᠡᠷᠬᠡ ᠲᠡᠭᠦᠨ ᠳᠦ ᠪᠤᠢ᠃
ᠲᠡᠷᠰᠯᠡᠭᠦᠦ ᠬᠡᠦᠬᠡᠳ
18 ᠡᠴᠢᠭᠡ ᠡᠬᠡ ᠶᠢᠨ ᠢᠶᠠᠨ ᠦᠭᠡ ᠶᠢ ᠳᠠᠭᠠᠳᠠᠭ ᠦᠭᠡᠢ᠂ ᠵᠥᠷᠢᠭᠦᠳ᠂ ᠲᠡᠷᠰᠯᠡᠭᠦᠦ ᠬᠦᠦ ᠲᠠᠢ ᠬᠥᠮᠦᠨ ᠬᠦᠦ ᠪᠡᠨ ᠵᠠᠩᠨᠠᠳᠠᠭ ᠪᠠᠢᠭᠰᠠᠨ ᠴᠤ ᠬᠦᠦ ᠨᠢ ᠳᠤᠭᠤᠯᠭᠠᠪᠤᠷᠢ ᠦᠭᠡᠢ ᠬᠡᠪ ᠢᠶᠡᠷ ᠪᠠᠢᠪᠠᠯ 19 ᠡᠴᠢᠭᠡ ᠡᠬᠡ ᠨᠢ ᠲᠡᠭᠦᠨ ᠢ ᠪᠠᠷᠢᠵᠤ᠂ ᠬᠣᠲᠠ ᠶᠢᠨ ᠢᠶᠠᠨ ᠬᠠᠭᠠᠯᠭᠠ ᠤᠷᠤᠭᠤ ᠠᠬᠠᠮᠠᠳ ᠤᠳ ᠲᠠᠭᠠᠨ ᠠᠪᠴᠢᠷᠠᠭᠠᠳ 20 ᠠᠬᠠᠮᠠᠳ ᠤᠳ ᠲᠠᠭᠠᠨ᠄ 《ᠮᠠᠨ ᠤ ᠡᠨᠡ ᠬᠦᠦ ᠵᠥᠷᠢᠭᠦᠳ᠂ ᠲᠡᠷᠰᠯᠡᠭᠦᠦ ᠪᠣᠯᠬᠣᠷ ᠮᠠᠨ ᠤ ᠦᠭᠡ ᠶᠢ ᠳᠠᠭᠠᠳᠠᠭ ᠦᠭᠡᠢ᠂ ᠲᠠᠩ᠋ᠬᠠᠢ᠂ ᠠᠷᠢᠬᠢᠴᠢᠨ ᠶᠤᠮ》 ᠭᠡᠪᠡᠰᠦ᠂ 21 ᠬᠣᠲᠠ ᠶᠢᠨ ᠬᠢᠨ ᠪᠦᠭᠦᠳᠡᠭᠡᠷ ᠢᠶᠡᠨ ᠲᠡᠭᠦᠨ ᠤᠷᠤᠭᠤ ᠴᠢᠯᠠᠭᠤ ᠰᠢᠳᠡᠨ ᠠᠯᠠᠬᠤ ᠶᠣᠰᠣᠲᠠᠢ᠃ ᠡᠢᠨ ᠬᠦ ᠴᠢ ᠳᠤᠮᠳᠠ ᠠᠴᠠ ᠪᠠᠨ ᠮᠠᠭᠤ ᠶᠠᠪᠤᠳᠠᠯ ᠢ ᠵᠠᠢᠯᠠᠭᠤᠯ᠃ ᠲᠡᠭᠡᠪᠡᠯ ᠪᠦᠬᠦ ᠢᠰᠷᠧᠯ ᠰᠣᠨᠣᠰᠣᠭᠠᠳ ᠠᠶᠤᠬᠤ ᠪᠣᠯᠣᠨᠠ᠃
ᠪᠤᠰᠤᠳ ᠵᠢᠷᠤᠮ
22 ᠦᠬᠦᠪᠡᠯ ᠵᠣᠬᠢᠬᠤ ᠨᠢᠭᠦᠯ ᠦᠢᠯᠡᠳᠦᠭᠰᠡᠨ ᠬᠥᠮᠦᠨ ᠢ ᠴᠠᠭᠠᠵᠠᠯᠠᠵᠤ᠂ ᠲᠡᠭᠦᠨ ᠢ ᠮᠣᠳᠣᠨ ᠳᠤ ᠡᠯᠭᠦᠬᠦ ᠲᠣᠬᠢᠶᠠᠯᠳᠤᠯ ᠳᠤ᠂ 23 ᠬᠡᠭᠦᠷ ᠢ ᠨᠢ ᠮᠣᠳᠣᠨ ᠳᠡᠭᠡᠷᠡ ᠰᠥᠨᠢᠵᠢᠨ ᠪᠠᠢᠯᠭᠠᠵᠤ ᠪᠣᠯᠬᠤ ᠦᠭᠡᠢ᠂ ᠲᠡᠭᠦᠨ ᠢ ᠵᠠᠪᠠᠯ ᠲᠡᠷᠡ ᠡᠳᠦᠷ ᠲᠤᠨᠢ ᠪᠤᠯᠠᠰᠢᠯᠠ᠃ ᠮᠣᠳᠣᠨ ᠳᠡᠭᠡᠷᠡ ᠡᠯᠭᠦᠭᠳᠡᠭᠰᠡᠨ ᠨᠢ ᠪᠤᠷᠬᠠᠨ ᠳᠤ ᠬᠠᠷᠢᠶᠠᠭᠳᠠᠭᠰᠠᠨ ᠠᠵᠢ᠂ ᠶᠣᠬᠣᠸᠠ ᠪᠤᠷᠬᠠᠨ ᠤ ᠪᠠᠨ ᠴᠢᠮᠠ ᠳᠤ ᠥᠪᠯᠡᠭᠦᠯᠬᠦ ᠭᠠᠵᠠᠷ ᠢ ᠲᠡᠭᠡᠵᠦ ᠪᠤᠵᠠᠷᠯᠠᠵᠤ ᠪᠣᠯᠬᠤ ᠦᠭᠡᠢ᠃