ᠳᠡᠳ᠋ ᠬᠠᠤᠯᠢ ᠠᠷᠪᠠᠨ ᠲᠠᠪᠤ
ᠥᠷᠢ ᠠᠪᠤᠯᠭᠠ ᠶᠢ ᠴᠤᠴᠠᠯᠬᠤ
1 ᠳᠣᠯᠣᠭᠠᠨ ᠵᠢᠯ ᠲᠤᠲᠤᠮ ᠳᠤ ᠵᠢᠯ ᠤᠨ ᠡᠴᠦᠰ ᠢᠶᠡᠷ ᠴᠢ ᠥᠷᠢ ᠠᠪᠤᠯᠭᠠ ᠪᠠᠨ ᠴᠤᠴᠠᠯ᠃ 2 ᠥᠷᠢ ᠠᠪᠤᠯᠭᠠ ᠶᠢ ᠡᠢᠨ ᠬᠦ ᠴᠤᠴᠠᠯ᠄ ᠵᠢᠭᠡᠯᠡᠯᠭᠡ ᠵᠢᠭᠡᠯᠡᠭᠦᠯᠦᠭᠴᠢ ᠬᠥᠮᠦᠨ ᠪᠦᠷᠢ ᠬᠥᠷᠰᠢ ᠡᠴᠡ ᠪᠡᠨ ᠠᠪᠬᠤ ᠠᠪᠤᠯᠭᠠ ᠶᠢ ᠴᠤᠴᠠᠯᠬᠤ ᠶᠣᠰᠣᠲᠠᠢ᠃ ᠶᠣᠬᠣᠸᠠ ᠴᠤᠴᠠᠯᠤᠯᠲᠠ ᠶᠢ ᠲᠤᠩ᠋ᠬᠠᠭᠯᠠᠭᠰᠠᠨ ᠤᠴᠢᠷ ᠬᠥᠷᠰᠢ ᠡᠴᠡ ᠪᠡᠨ᠂ ᠡᠰᠡᠪᠡᠯ ᠠᠬᠠ ᠳᠡᠭᠦᠦᠰ ᠡᠴᠡ ᠪᠡᠨ ᠥᠷᠢ ᠪᠠᠨ ᠪᠦᠦ ᠨᠡᠬᠡ᠃ 3 ᠬᠠᠷᠢ ᠶᠢᠨ ᠬᠥᠮᠦᠨ ᠡᠴᠡ ᠥᠷᠢ ᠪᠠᠨ ᠨᠡᠬᠡᠵᠦ ᠪᠣᠯᠣᠨᠠ᠃ ᠬᠠᠷᠢᠨ ᠠᠬᠠ ᠳᠡᠭᠦᠦᠰ ᠡᠴᠡ ᠪᠡᠨ ᠠᠪᠬᠤ ᠥᠷᠢ ᠶᠢ ᠴᠤᠴᠠᠯᠬᠤ ᠶᠣᠰᠣᠲᠠᠢ᠃ 4 ᠴᠢᠨᠦ ᠪᠤᠷᠬᠠᠨ ᠶᠣᠬᠣᠸᠠ ᠴᠢᠮᠠ ᠳᠤ ᠥᠪ ᠪᠣᠯᠭᠠᠨ ᠡᠵᠡᠮᠰᠢᠭᠦᠯᠬᠦ ᠭᠠᠵᠠᠷ ᠳᠡᠭᠡᠷᠡ ᠶᠣᠬᠣᠸᠠ ᠴᠢᠮᠠᠶᠢ ᠢᠪᠡᠭᠡᠨ ᠢᠪᠡᠭᠡᠬᠦ ᠤᠴᠢᠷ ᠲᠠᠨ ᠤ ᠳᠤᠮᠳᠠ ᠶᠠᠳᠠᠭᠤ ᠬᠥᠮᠦᠨ ᠪᠠᠢᠬᠤ ᠦᠭᠡᠢ ᠪᠣᠯᠣᠨᠠ᠃ 5 ᠡᠭᠦᠨ ᠦ ᠲᠥᠯᠥᠭᠡ ᠴᠢ ᠶᠣᠬᠣᠸᠠ ᠪᠤᠷᠬᠠᠨ ᠤ ᠪᠠᠨ ᠳᠠᠭᠤ ᠬᠣᠭᠣᠯᠠᠢ ᠶᠢ ᠰᠣᠨᠣᠰᠣᠨ ᠰᠣᠨᠣᠰᠴᠤ᠂ ᠮᠢᠨᠦ ᠥᠨᠥᠳᠥᠷ ᠦᠨ ᠥᠭᠴᠦ ᠪᠤᠢ ᠡᠨᠡ ᠪᠦᠬᠦ ᠲᠤᠰᠢᠶᠠᠯ ᠢ ᠭᠦᠢᠴᠡᠳ ᠪᠡᠶᠡᠯᠡᠭᠦᠯᠬᠦ ᠶᠣᠰᠣᠲᠠᠢ᠃ 6 ᠴᠢᠨᠦ ᠪᠤᠷᠬᠠᠨ ᠶᠣᠬᠣᠸᠠ ᠴᠢᠮᠠ ᠳᠤ ᠠᠮᠠᠯᠠᠭᠰᠠᠨ ᠶᠣᠰᠣᠭᠠᠷ ᠢᠶᠠᠨ ᠴᠢᠮᠠᠶᠢ ᠢᠪᠡᠭᠡᠬᠦ ᠲᠤᠯᠠ ᠴᠢ ᠣᠯᠠᠨ ᠦᠨᠳᠦᠰᠦᠲᠡᠨ ᠳᠦ ᠵᠢᠭᠡᠯᠡᠭᠦᠯᠦᠨᠡ᠂ ᠬᠠᠷᠢᠨ ᠵᠢᠭᠡᠯᠡᠬᠦ ᠦᠭᠡᠢ᠃ ᠴᠢ ᠣᠯᠠᠨ ᠦᠨᠳᠦᠰᠦᠲᠡᠨ ᠢ ᠵᠠᠬᠢᠷᠤᠨᠠ᠂ ᠬᠠᠷᠢᠨ ᠲᠡᠳᠡᠨ ᠳᠦ ᠵᠠᠬᠢᠷᠤᠭᠳᠠᠬᠤ ᠦᠭᠡᠢ᠃
ᠶᠠᠳᠠᠭᠤᠰ ᠲᠤ ᠵᠢᠭᠡᠯᠡᠭᠦᠯᠬᠦ
7 ᠶᠣᠬᠣᠸᠠ ᠪᠤᠷᠬᠠᠨ ᠤ ᠴᠢᠨᠢ ᠴᠢᠮᠠ ᠳᠤ ᠥᠭᠬᠦ ᠭᠠᠵᠠᠷ ᠨᠤᠲᠤᠭ ᠳᠡᠭᠡᠷᠡᠬᠢ ᠠᠯᠢ ᠨᠢᠭᠡᠨ ᠬᠣᠲᠠ ᠲᠣᠰᠬᠣᠨ ᠳᠤ ᠴᠢᠨᠦ ᠶᠠᠳᠠᠭᠤ ᠠᠬᠠ ᠳᠡᠭᠦᠦᠰ ᠪᠠᠢᠪᠠᠯ᠂ ᠴᠢ ᠬᠠᠲᠠᠭᠤ ᠰᠡᠳᠬᠢᠯ ᠪᠦᠦ ᠭᠠᠷᠭᠠ᠃ ᠲᠡᠷᠡ ᠶᠠᠳᠠᠭᠤ ᠠᠬᠠ ᠳᠡᠭᠦᠦᠰ ᠡᠴᠡ ᠪᠡᠨ ᠭᠠᠷ ᠢᠶᠠᠨ ᠪᠦᠦ ᠲᠠᠲᠠ᠃ 8 ᠬᠠᠷᠢᠨ ᠴᠢ ᠲᠡᠭᠦᠨ ᠤᠷᠤᠭᠤ ᠵᠠᠪᠠᠯ ᠭᠠᠷ ᠢᠶᠠᠨ ᠰᠤᠩ᠋ᠭᠠᠵᠤ᠂ ᠲᠡᠭᠦᠨ ᠦ ᠭᠠᠴᠢᠭᠳᠠᠵᠤ ᠪᠤᠢ ᠵᠦᠢᠯ ᠢ ᠥᠭᠭᠢᠶᠡᠮᠦᠷ ᠢᠶᠡᠷ ᠬᠠᠩ᠋ᠭᠠᠵᠤ ᠵᠢᠭᠡᠯᠡᠭᠦᠯ᠃ 9 ᠰᠡᠳᠬᠢᠯ ᠳᠤ ᠴᠢᠨᠢ ᠮᠠᠭᠤᠬᠠᠢ ᠰᠠᠨᠠᠭᠠ ᠪᠣᠳᠣᠯ ᠪᠠᠢᠬᠤ ᠠᠴᠠ ᠪᠣᠯᠭᠣᠮᠵᠢᠯᠠ᠃ 《ᠥᠷᠢ ᠪᠠᠨ ᠴᠤᠴᠠᠯᠬᠤ ᠳᠣᠯᠣᠳᠠᠬᠢ ᠵᠢᠯ ᠣᠢᠷᠠᠲᠤᠯᠠ》 ᠭᠡᠳ ᠶᠠᠳᠠᠭᠤ ᠠᠬᠠ ᠳᠡᠭᠦᠦ ᠪᠡᠨ ᠠᠳᠠ ᠦᠵᠡᠵᠦ᠂ ᠲᠡᠭᠦᠨ ᠳᠦ ᠥᠭᠬᠦ ᠦᠭᠡᠢ ᠪᠠᠢᠪᠠᠯ ᠲᠡᠷᠡ ᠴᠢᠨᠦ ᠤᠯᠠᠮ ᠢᠶᠠᠷ ᠶᠣᠬᠣᠸᠠ ᠳᠤ ᠬᠠᠰᠬᠢᠷᠤᠨᠠ᠂ ᠴᠢ ᠭᠡᠮ ᠨᠢᠭᠦᠯ ᠲᠡᠢ ᠪᠣᠯᠣᠨᠠ᠃ 10 ᠴᠢ ᠲᠡᠭᠦᠨ ᠳᠦ ᠵᠠᠪᠠᠯ ᠥᠭ᠂ ᠥᠭᠬᠦ ᠳᠡᠭᠡᠨ ᠬᠠᠷᠠᠮᠴᠢ ᠵᠠᠩ ᠪᠦᠦ ᠭᠠᠷᠭᠠ᠃ ᠡᠨᠡ ᠦᠢᠯᠡ ᠶᠢᠨ ᠤᠴᠢᠷ ᠢᠶᠠᠷ ᠴᠢᠨᠦ ᠪᠤᠷᠬᠠᠨ ᠶᠣᠬᠣᠸᠠ ᠴᠢᠨᠦ ᠪᠦᠬᠦ ᠶᠠᠪᠤᠳᠠᠯ ᠪᠣᠯᠣᠨ ᠭᠠᠷᠳᠠᠨ ᠬᠢᠬᠦ ᠪᠦᠬᠦᠨ ᠢ ᠴᠢᠨᠢ ᠢᠪᠡᠭᠡᠬᠦ ᠪᠣᠯᠣᠨᠠ᠃ 11 ᠭᠠᠵᠠᠷ ᠳᠡᠯᠡᠬᠡᠢ ᠳᠡᠭᠡᠷᠡ ᠶᠠᠳᠠᠭᠤ ᠬᠥᠮᠦᠨ ᠲᠠᠰᠤᠷᠠᠬᠤ ᠦᠭᠡᠢ᠃ ᠡᠭᠦᠨ ᠦ ᠤᠯᠠᠮ ᠢᠶᠠᠷ ᠪᠢ ᠴᠢᠮᠠ ᠳᠤ᠄ 《ᠭᠠᠵᠠᠷ ᠨᠤᠲᠤᠭ ᠤᠨ ᠢᠶᠠᠨ ᠳᠡᠭᠡᠷᠡᠬᠢ ᠶᠠᠳᠠᠭᠤ ᠵᠦᠳᠡᠭᠦᠦ ᠠᠬᠠ ᠳᠡᠭᠦᠦᠰ ᠲᠡᠭᠡᠨ ᠭᠠᠷ ᠢᠶᠠᠨ ᠰᠤᠩ᠋ᠭᠠᠵᠤ ᠪᠠᠢ》 ᠭᠡᠵᠦ ᠲᠤᠰᠢᠶᠠᠵᠤ ᠪᠠᠢᠨᠠ᠃
ᠵᠠᠷᠤᠴᠠ ᠪᠣᠭᠣᠯ ᠢᠶᠠᠨ ᠴᠢᠯᠥᠭᠡᠯᠡᠬᠦ
12 ᠬᠡᠷᠪᠡ ᠴᠢᠨᠦ ᠠᠬᠠ ᠳᠡᠭᠦᠦ ᠢᠪᠷᠠᠢ ᠡᠷᠡᠭᠲᠡᠢ᠂ ᠡᠰᠡᠪᠡᠯ ᠡᠮᠡᠭᠲᠡᠢ ᠴᠢᠮᠠ ᠳᠤ ᠬᠤᠳᠠᠯᠳᠤᠭᠳᠠᠭᠠᠳ᠂ ᠵᠢᠷᠭᠤᠭᠠᠨ ᠵᠢᠯ ᠴᠢᠮᠠ ᠳᠤ ᠵᠠᠷᠤᠴᠠᠯᠠᠭᠳᠠᠭᠰᠠᠨ ᠪᠣᠯ᠂ ᠴᠢ ᠲᠡᠭᠦᠨ ᠢ ᠳᠣᠯᠣᠳᠠᠬᠢ ᠵᠢᠯ ᠳᠦᠨᠢ ᠴᠢᠯᠥᠭᠡᠯᠡᠵᠦ ᠶᠠᠪᠤᠭᠤᠯ᠃ 13 ᠴᠢ ᠴᠢᠯᠥᠭᠡᠯᠡᠵᠦ ᠶᠠᠪᠤᠭᠤᠯᠬᠤ ᠳᠠᠭᠠᠨ ᠭᠠᠷ ᠬᠣᠭᠣᠰᠣᠨ ᠪᠦᠦ ᠶᠠᠪᠤᠭᠤᠯ᠂ 14 ᠬᠠᠷᠢᠨ ᠮᠠᠯ ᠰᠦᠷᠦᠭ ᠡᠴᠡ ᠪᠡᠨ᠂ ᠦᠲᠦᠷᠮᠡ ᠡᠴᠡ ᠪᠡᠨ᠂ ᠦᠵᠦᠮ ᠦᠨ ᠰᠢᠬᠠᠭᠤᠷᠭᠠ ᠠᠴᠠ ᠪᠠᠨ ᠲᠡᠭᠦᠨ ᠳᠦ ᠥᠭᠭᠢᠶᠡᠮᠦᠷ ᠪᠡᠯᠡᠭ ᠬᠦᠷᠲᠡᠭᠡᠵᠦ᠂ ᠶᠣᠬᠣᠸᠠ ᠪᠤᠷᠬᠠᠨ ᠤ ᠴᠢᠨᠢ ᠴᠢᠮᠠᠶᠢ ᠢᠪᠡᠭᠡᠭᠰᠡᠨ ᠶᠣᠰᠣᠭᠠᠷ ᠲᠡᠭᠦᠨ ᠳᠦ ᠥᠭ᠃ 15 ᠴᠢ ᠶᠧᠵᠢᠫᠲ ᠲᠤ ᠪᠣᠭᠣᠯ ᠪᠠᠢᠭᠰᠠᠨ ᠢᠶᠠᠨ᠂ ᠴᠢᠨᠦ ᠪᠤᠷᠬᠠᠨ ᠶᠣᠬᠣᠸᠠ ᠴᠢᠮᠠᠶᠢ ᠵᠣᠯᠢᠵᠤ ᠠᠪᠤᠭᠰᠠᠨ ᠢ ᠰᠠᠨᠠᠵᠤ ᠶᠠᠪᠤ᠃ ᠡᠢᠮᠦ ᠡᠴᠡ ᠪᠢ ᠥᠨᠥᠳᠥᠷ ᠴᠢᠮᠠ ᠳᠤ ᠡᠨᠡ ᠵᠦᠢᠯ ᠢ ᠲᠤᠰᠢᠶᠠᠵᠤ ᠪᠠᠢᠨᠠ᠃ 16 ᠭᠡᠬᠦ ᠳᠡᠭᠡᠨ ᠲᠡᠷᠡ ᠵᠠᠷᠤᠴᠠ ᠴᠢᠮᠠ ᠳᠤ ᠪᠣᠯᠣᠨ ᠴᠢᠨᠦ ᠭᠡᠷ ᠪᠦᠯᠢ ᠶᠢᠨ ᠬᠢᠨ ᠳᠤ ᠬᠠᠢᠷᠠᠲᠠᠢ ᠪᠥᠭᠡᠳ ᠴᠢᠮᠠ ᠲᠠᠢ ᠬᠠᠮᠲᠤ ᠪᠠᠢᠬᠤ ᠨᠢ ᠲᠡᠭᠦᠨ ᠳᠦ ᠰᠠᠢᠨ ᠪᠣᠯᠬᠣᠷ ᠴᠢᠮᠠ ᠠᠴᠠ ᠬᠣᠯᠠᠳᠠᠵᠤ ᠶᠠᠪᠤᠬᠤ ᠦᠭᠡᠢ ᠭᠡᠪᠡᠯ᠂ 17 ᠴᠢ ᠰᠢᠪᠥᠭᠡ ᠠᠪᠤᠭᠠᠳ᠂ ᠲᠡᠭᠦᠨ ᠦ ᠴᠢᠬᠢ ᠶᠢ ᠬᠠᠭᠠᠯᠭᠠᠨ ᠳᠤ ᠨᠠᠭᠠᠵᠤ ᠪᠠᠢᠭᠠᠳ ᠴᠣᠭᠣᠯ᠃ ᠲᠡᠭᠡᠪᠡᠯ ᠲᠡᠷᠡ ᠨᠠᠰᠤᠨ ᠲᠤᠷᠰᠢᠳᠠ ᠪᠠᠨ ᠴᠢᠨᠦ ᠵᠠᠷᠤᠴᠠ ᠪᠣᠯᠣᠨᠠ᠃ ᠴᠢ ᠰᠢᠪᠡᠭᠴᠢᠨ ᠳᠡᠭᠡᠨ ᠮᠥᠨ ᠡᠭᠦᠨᠴᠢᠯᠡᠨ ᠦᠢᠯᠡᠳ᠃
18 ᠵᠢᠷᠭᠤᠭᠠᠨ ᠵᠢᠯ ᠤᠨ ᠲᠤᠷᠰᠢ ᠲᠡᠷᠡ ᠪᠡᠷ ᠬᠥᠯᠥᠰᠥᠨ ᠦ ᠠᠵᠢᠯᠴᠢᠨ ᠠᠴᠠ ᠬᠣᠶᠠᠷ ᠳᠠᠬᠢᠨ ᠢᠯᠡᠭᠦᠦ ᠪᠡᠷ ᠴᠢᠮᠠ ᠳᠤ ᠦᠢᠯᠡᠴᠢᠯᠡᠵᠦ ᠪᠠᠢᠭᠰᠠᠨ ᠠᠴᠠ ᠨᠢ ᠪᠣᠯᠣᠭᠠᠳ ᠴᠢ ᠲᠡᠭᠦᠨ ᠢ ᠴᠢᠯᠥᠭᠡᠯᠡᠵᠦ ᠶᠠᠪᠤᠭᠤᠯᠬᠤ ᠠᠴᠠ ᠪᠦᠦ ᠲᠦᠪᠡᠭᠰᠢᠶᠡ᠃ ᠲᠡᠭᠡᠪᠡᠯ ᠴᠢᠨᠦ ᠪᠤᠷᠬᠠᠨ ᠶᠣᠬᠣᠸᠠ ᠴᠢᠨᠦ ᠦᠢᠯᠡ ᠶᠠᠪᠤᠳᠠᠯ ᠪᠣᠯᠭᠠᠨ ᠳᠤ ᠴᠢᠮᠠᠶᠢ ᠢᠪᠡᠭᠡᠬᠦ ᠪᠣᠯᠣᠨᠠ᠃
ᠮᠠᠯ ᠤᠨ ᠤᠤᠭᠠᠨ ᠲᠥᠯ ᠢ ᠲᠤᠰᠠᠭᠠᠷᠯᠠᠬᠤ
19 ᠴᠢ ᠪᠣᠳᠠ ᠪᠣᠭ ᠮᠠᠯ ᠤᠨ ᠢᠶᠠᠨ ᠠᠩ᠋ᠬᠠᠨ ᠤ ᠡᠷᠡ ᠲᠥᠯ ᠪᠦᠷᠢ ᠶᠢ ᠶᠣᠬᠣᠸᠠ ᠪᠤᠷᠬᠠᠨ ᠳᠠᠭᠠᠨ ᠲᠤᠰᠠᠭᠠᠷᠯᠠᠨ ᠵᠣᠷᠢᠭᠤᠯ᠃ ᠴᠢ ᠦᠬᠡᠷ ᠦᠨ ᠢᠶᠠᠨ ᠤᠤᠭᠠᠨ ᠲᠤᠭᠤᠯ ᠢ ᠪᠦᠦ ᠬᠥᠯᠯᠡ᠂ ᠬᠣᠨᠢᠨ ᠤ ᠪᠠᠨ ᠤᠤᠭᠠᠨ ᠬᠤᠷᠠᠭᠠ ᠶᠢ ᠪᠦᠦ ᠬᠢᠷᠭᠠ᠃ 20 ᠡᠳᠡᠭᠡᠷ ᠢ ᠴᠢ ᠭᠡᠷ ᠪᠦᠯᠢ ᠶᠢᠨ ᠬᠢᠨ ᠲᠠᠢ ᠪᠠᠨ ᠬᠠᠮᠲᠤ ᠵᠢᠯ ᠪᠦᠷᠢ ᠶᠣᠬᠣᠸᠠ ᠪᠤᠷᠬᠠᠨ ᠤ ᠪᠠᠨ ᠡᠮᠦᠨᠡ ᠶᠣᠬᠣᠸᠠ ᠶᠢᠨ ᠢᠶᠠᠨ ᠰᠣᠩ᠋ᠭᠣᠵᠤ ᠠᠪᠬᠤ ᠭᠠᠵᠠᠷ ᠲᠤ ᠢᠳᠡᠭᠡᠷᠡᠢ᠃ 21 ᠭᠡᠪᠡᠴᠦ ᠲᠡᠷᠡ ᠠᠮᠢᠲᠠᠨ ᠳᠣᠭᠣᠯᠠᠩ᠂ ᠰᠣᠬᠣᠷ᠂ ᠡᠰᠡᠪᠡᠯ ᠥᠭᠡᠷᠡ ᠭᠡᠮ ᠰᠣᠭᠣᠭ ᠲᠠᠢ ᠪᠠᠢᠪᠠᠯ ᠲᠡᠭᠦᠨ ᠢ ᠶᠣᠬᠣᠸᠠ ᠪᠤᠷᠬᠠᠨ ᠳᠠᠭᠠᠨ ᠲᠠᠬᠢᠯ ᠪᠣᠯᠭᠠᠨ ᠡᠷᠭᠦᠵᠦ ᠪᠣᠯᠬᠤ ᠦᠭᠡᠢ᠃ 22 ᠴᠢ ᠲᠡᠭᠦᠨ ᠢ ᠬᠣᠲᠠ ᠶᠢᠨ ᠢᠶᠠᠨ ᠳᠣᠲᠣᠷᠠ ᠢᠳᠡ᠃ ᠪᠤᠵᠠᠷᠲᠤᠭᠰᠠᠨ᠂ ᠡᠰᠡᠪᠡᠯ ᠴᠡᠪᠡᠷ ᠬᠥᠮᠦᠨ ᠦ ᠠᠯᠢ ᠨᠢ ᠴᠤ ᠲᠡᠭᠦᠨ ᠢ ᠭᠥᠷᠥᠭᠡᠰᠦ᠂ ᠪᠤᠭᠤ ᠶᠢᠨ ᠮᠢᠬᠠ ᠢᠳᠡᠳᠡᠭ ᠰᠢᠭ ᠢᠶᠠᠨ ᠢᠳᠡᠵᠦ ᠪᠣᠯᠣᠨᠠ᠃ 23 ᠭᠠᠭᠴᠠ ᠬᠦ ᠴᠢᠰᠤ ᠶᠢ ᠨᠢ ᠪᠦᠦ ᠢᠳᠡ᠂ ᠭᠠᠵᠠᠷ ᠲᠤ ᠤᠰᠤ ᠰᠢᠭ᠋ ᠠᠰᠬᠠ᠃