ᠳᠡᠳ᠋ ᠬᠠᠤᠯᠢ ᠭᠤᠴᠢᠨ ᠭᠤᠷᠪᠠ
ᠮᠣᠰᠧ ᠶᠢᠨ ᠢᠷᠥᠭᠡᠯ
1 ᠪᠤᠷᠬᠠᠨ ᠤ ᠬᠥᠮᠦᠨ ᠮᠣᠰᠧ ᠶᠢᠨ ᠨᠠᠰᠤ ᠪᠠᠷᠠᠬᠤ ᠠᠴᠠ ᠪᠠᠨ ᠡᠮᠦᠨᠡ ᠢᠰᠷᠧᠯᠴᠦᠳ ᠢ ᠢᠷᠥᠭᠡᠭᠰᠡᠨ ᠢᠷᠥᠭᠡᠯ ᠡᠨᠡ ᠪᠢᠯᠡ᠄ 2 ᠲᠡᠷᠡ ᠬᠡᠯᠡᠬᠦ ᠳᠡᠭᠡᠨ᠄ 《ᠰᠢᠨᠠᠢ ᠠᠭᠤᠯᠠᠨ ᠠᠴᠠ ᠶᠣᠬᠣᠸᠠ ᠢᠷᠡᠵᠡᠢ ᠰᠧᠷ ᠠᠭᠤᠯᠠᠨ ᠠᠴᠠ ᠪᠢᠳᠡᠨ ᠦ ᠳᠡᠭᠡᠷᠡ ᠮᠠᠨᠳᠤᠭᠠᠳ ᠫᠠᠷᠠᠨ ᠠᠭᠤᠯᠠᠨ ᠠᠴᠠ ᠭᠡᠷᠡᠯᠲᠦᠵᠦ ᠠᠷᠢᠭᠤᠨ ᠲᠦᠮᠡᠨ ᠲᠡᠢ ᠬᠠᠮᠲᠤ ᠳᠦᠷᠡᠯᠵᠡᠵᠦ ᠪᠤᠢ ᠭᠠᠯ ᠢᠶᠠᠨ ᠪᠠᠷᠠᠭᠤᠨ ᠭᠠᠷ ᠲᠠᠭᠠᠨ ᠪᠠᠷᠢᠵᠤ ᠢᠷᠡᠯᠡ᠃
3 ᠠᠷᠠᠳ ᠲᠦᠮᠡᠨ ᠢᠶᠡᠨ ᠦᠨᠡᠬᠡᠷ ᠬᠠᠢᠷᠠᠯᠠᠭᠴᠢ ᠨᠢ ᠲᠡᠷᠡ ᠠᠷᠢᠭᠤᠨ ᠪᠦᠬᠦᠨ ᠲᠠᠨ ᠤ ᠮᠤᠲᠤᠷ ᠲᠤ ᠪᠤᠢ ᠲᠠᠨ ᠤ ᠬᠥᠯ ᠳᠣᠣᠷᠠ ᠲᠡᠳᠡ ᠴᠤᠭᠯᠠᠷᠠᠵᠤ ᠲᠠᠨ ᠤ ᠵᠢᠭᠠᠪᠤᠷᠢ ᠶᠢ ᠬᠦᠯᠢᠶᠡᠨ ᠠᠪᠤᠨᠠ᠃
4 ᠪᠢᠳᠡᠨ ᠳᠦ ᠮᠣᠰᠧ ᠶᠢᠨ ᠲᠤᠰᠢᠶᠠᠭᠰᠠᠨ ᠡᠨᠡ ᠬᠠᠤᠯᠢ ᠶᠠᠺᠣᠪ ᠤᠨ ᠴᠢᠭᠤᠯᠭᠠᠨ ᠤ ᠥᠪ ᠡᠵᠡᠮᠰᠢᠯ᠂
5 ᠢᠰᠷᠧᠯ ᠤᠨ ᠪᠦᠬᠦ ᠣᠪᠣᠭ᠂ ᠠᠷᠠᠳ ᠲᠦᠮᠡᠨ ᠦ ᠤᠳᠤᠷᠢᠳᠤᠭᠴᠢᠳ ᠴᠤᠭᠯᠠᠷᠠᠬᠤ ᠳᠤ ᠶᠣᠬᠣᠸᠠ ᠶᠧᠱᠦ᠋ᠷᠣᠨ ᠤ ᠬᠠᠭᠠᠨ ᠪᠣᠯᠵᠠᠢ᠃
6 ᠷᠧᠣᠪᠧᠨ ᠴᠥᠭᠡᠨ ᠬᠥᠮᠦᠨ ᠠᠮᠠ ᠲᠠᠢ ᠪᠠᠢᠯᠠ ᠴᠤ ᠦᠬᠦᠬᠦ ᠦᠭᠡᠢ ᠠᠮᠢᠳᠤ ᠪᠠᠢᠬᠤ ᠪᠣᠯᠲᠤᠭᠠᠢ》 ᠭᠡᠪᠡ᠃
7 ᠶᠦᠳᠠ ᠶᠢᠨ ᠲᠤᠬᠠᠢ ᠲᠡᠷᠡ᠄ 《ᠶᠣᠬᠣᠸᠠ ᠡ᠂ ᠶᠦᠳᠠ ᠶᠢᠨ ᠳᠠᠭᠤ ᠬᠣᠭᠣᠯᠠᠢ ᠶᠢ ᠰᠣᠨᠣᠰᠣᠭᠠᠴᠢ ᠲᠡᠭᠦᠨ ᠢ ᠥᠪᠡᠷ ᠦᠨ ᠬᠢᠨᠢ ᠠᠷᠠᠳ ᠲᠦᠮᠡᠨ ᠳᠦ ᠠᠪᠠᠴᠢᠭᠠᠴᠢ ᠲᠡᠷᠡ ᠥᠪᠡᠷ ᠦᠨ ᠢᠶᠠᠨ ᠭᠠᠷ ᠢᠶᠠᠷ ᠥᠪᠡᠷ ᠢ ᠪᠠᠨ ᠬᠠᠮᠠᠭᠠᠯᠠᠬᠤ ᠶᠣᠰᠣᠲᠠᠢ ᠲᠡᠭᠦᠨ ᠢ ᠳᠠᠢᠰᠤᠨ ᠠᠴᠠ ᠨᠢ ᠠᠪᠤᠷᠠᠨ ᠲᠤᠰᠠᠯᠠᠭᠠᠴᠢ》 ᠭᠡᠪᠡ᠃
8 ᠯᠧᠸᠢ ᠶᠢᠨ ᠲᠤᠬᠠᠢ ᠲᠡᠷᠡ᠄ 《ᠲᠠᠨ ᠤ ᠲᠦᠮᠢᠮ᠂ ᠲᠠᠨ ᠤ ᠦᠷᠢᠮ ᠲᠠᠨ ᠳᠤ ᠦᠨᠡᠨᠴᠢ ᠬᠥᠮᠦᠨ ᠦ ᠬᠢ ᠮᠠᠰᠠ ᠳᠤ ᠲᠠ ᠲᠡᠭᠦᠨ ᠢ ᠰᠣᠷᠢᠵᠤ ᠮᠧᠷᠢᠪᠠ ᠶᠢᠨ ᠤᠰᠤᠨ ᠤ ᠳᠡᠷᠭᠡᠳᠡ ᠲᠡᠭᠦᠨ ᠲᠡᠢ ᠮᠠᠷᠭᠤᠯᠳᠤᠭᠰᠠᠨ ᠪᠢᠯᠡ᠃
9 ᠲᠡᠷᠡ ᠡᠴᠢᠭᠡ ᠡᠬᠡ ᠶᠢᠨ ᠢᠶᠠᠨ ᠲᠤᠬᠠᠢ ᠴᠤ᠄ 〈ᠲᠡᠳᠡᠨ ᠢ ᠬᠠᠷᠠᠵᠤ ᠦᠵᠡᠬᠦ ᠦᠭᠡᠢ〉 ᠭᠡᠵᠦ ᠬᠡᠯᠡᠭᠰᠡᠨ ᠲᠡᠷᠡ ᠠᠬᠠ ᠳᠡᠭᠦᠦᠰ ᠢᠶᠡᠨ ᠦᠯᠦ ᠣᠢᠰᠢᠶᠠᠵᠤ ᠦᠷᠡ ᠬᠡᠦᠬᠡᠳ ᠤᠳ ᠢᠶᠠᠨ ᠦᠯᠦ ᠬᠠᠢᠷᠠᠯᠠᠨ ᠲᠠᠨ ᠤ ᠦᠭᠡ ᠶᠢ ᠯᠠ ᠰᠠᠬᠢᠵᠤ ᠲᠠᠨ ᠤ ᠭᠡᠷᠡ ᠶᠢ ᠮᠥᠷᠳᠡᠭᠰᠡᠨ ᠶᠤᠮ᠃
10 ᠲᠡᠷᠡ ᠲᠠᠨ ᠤ ᠵᠠᠷᠯᠢᠭ ᠤᠳ ᠢ ᠶᠠᠺᠣᠪ ᠲᠤ ᠲᠠᠨ ᠤ ᠵᠢᠭᠠᠪᠤᠷᠢ ᠨᠤᠭᠤᠳ ᠢ ᠢᠰᠷᠧᠯ ᠳᠤ ᠰᠤᠷᠭᠠᠵᠤ ᠲᠠᠨ ᠤ ᠡᠮᠦᠨᠡ ᠤᠲᠤᠯᠭᠠ ᠤᠭᠤᠭᠢᠭᠤᠯᠤᠨ ᠲᠠᠬᠢᠯ ᠤᠨ ᠰᠢᠷᠡᠭᠡᠨ ᠳᠡᠭᠡᠷᠡ ᠰᠢᠲᠠᠭᠠᠯᠭᠠᠲᠤ ᠲᠠᠬᠢᠯ ᠢ ᠪᠦᠬᠦᠯᠢ ᠪᠠᠷ ᠨᠢ ᠡᠷᠭᠦᠨᠡ᠃
11 ᠥ᠂ ᠶᠣᠬᠣᠸᠠ︕ ᠬᠠᠮᠤᠭ ᠡᠳ᠋ ᠬᠥᠷᠥᠩᠭᠡ ᠶᠢ ᠨᠢ ᠢᠪᠡᠭᠡᠭᠡᠴᠢ ᠭᠠᠷ ᠤᠨ ᠬᠢᠨᠢ ᠦᠢᠯᠡᠰ ᠢ ᠬᠦᠯᠢᠶᠡᠨ ᠠᠪᠤᠭᠠᠴᠢ ᠲᠡᠭᠦᠨ ᠦ ᠡᠰᠡᠷᠭᠦ ᠪᠣᠰᠣᠭᠴᠢᠳ ᠲᠡᠭᠦᠨ ᠢ ᠬᠣᠷᠣᠰᠣᠭᠴᠢᠳ ᠤᠨ ᠲᠠᠰᠢᠶᠠ ᠶᠢ ᠬᠤᠭᠤᠯᠵᠤ ᠳᠠᠬᠢᠨ ᠪᠣᠰᠴᠤ ᠴᠢᠳᠠᠬᠤ ᠦᠭᠡᠢ ᠪᠣᠯᠭᠠᠭᠠᠴᠢ︕》 ᠭᠡᠪᠡ᠃
12 ᠪᠢᠨᠶᠠᠮᠢᠨ ᠤ ᠲᠤᠬᠠᠢ ᠲᠡᠷᠡ᠄ 《ᠶᠣᠬᠣᠸᠠ ᠶᠢᠨ ᠡᠩᠬᠦᠷᠡᠢ ᠴᠢ ᠳᠡᠷᠭᠡᠳᠡ ᠨᠢ ᠠᠶᠤᠯ ᠦᠭᠡᠢ ᠰᠠᠭᠤᠬᠤ ᠪᠣᠯᠣᠨᠠ ᠳᠡᠭᠡᠳᠦ ᠪᠤᠷᠬᠠᠨ ᠲᠡᠭᠦᠨ ᠢ ᠡᠳᠦᠷᠵᠢᠨ ᠬᠠᠮᠠᠭᠠᠯᠠᠵᠤ ᠬᠦᠵᠦᠭᠦᠨ ᠳᠡᠭᠡᠷᠡ ᠪᠡᠨ ᠤᠨᠤᠭᠤᠯᠬᠤ ᠪᠣᠯᠣᠨᠠ》 ᠭᠡᠪᠡ᠃
13 ᠶᠣᠰᠧᠹ ᠤᠨ ᠲᠤᠬᠠᠢ ᠲᠡᠷᠡ᠄ 《ᠶᠣᠬᠣᠸᠠ ᠲᠡᠭᠦᠨ ᠦ ᠨᠤᠲᠤᠭ ᠢ ᠢᠪᠡᠭᠡᠬᠦ ᠪᠣᠯᠲᠤᠭᠠᠢ ᠲᠩᠷᠢ ᠶᠢᠨ ᠦᠨᠡᠲᠦ ᠰᠢᠭᠦᠳᠡᠷᠢ ᠪᠠᠷ ᠭᠠᠵᠠᠷ ᠤᠨ ᠭᠦᠨ ᠳᠦ ᠬᠠᠳᠠᠭᠠᠯᠠᠭᠳᠠᠭᠰᠠᠨ ᠤᠰᠤ ᠪᠠᠷ
14 ᠨᠠᠷᠠᠨ ᠤ ᠤᠷᠭᠤᠭᠤᠯᠳᠠᠭ ᠦᠨᠡᠲᠦ ᠵᠢᠮᠢᠰ ᠢᠶᠠᠷ ᠰᠠᠷᠠᠨ ᠤ ᠭᠠᠷᠭᠠᠳᠠᠭ ᠦᠨᠡᠲᠦ ᠤᠷᠭᠤᠴᠠ ᠪᠠᠷ
15 ᠥᠨᠢ ᠡᠷᠲᠡᠨ ᠦ ᠠᠭᠤᠯᠠᠰ ᠤᠨ ᠰᠢᠯᠢᠳᠡᠭ ᠵᠦᠢᠯᠡᠰ ᠢᠶᠡᠷ ᠮᠥᠩᠬᠡ ᠶᠢᠨ ᠲᠣᠯᠣᠭᠠᠳ ᠤᠨ ᠦᠨᠡᠲᠦ ᠵᠦᠢᠯᠡᠰ ᠢᠶᠡᠷ
16 ᠭᠠᠵᠠᠷ ᠤᠨ ᠦᠨᠡᠲᠦ ᠵᠦᠢᠯᠡᠰ ᠬᠢᠭᠡᠳ ᠲᠡᠭᠦᠨ ᠢ ᠳᠦᠭᠦᠷᠭᠡᠳᠡᠭ ᠪᠦᠬᠦᠨ ᠢᠶᠡᠷ ᠪᠤᠲᠠᠨ ᠳᠤ ᠦᠵᠡᠭᠳᠡᠭᠰᠡᠨ ᠨᠢᠭᠡᠨ ᠦ ᠢᠪᠡᠭᠡᠯ ᠢᠶᠡᠷ ᠢᠪᠡᠭᠡᠲᠦᠭᠡᠢ ᠡᠨᠡ ᠪᠦᠬᠦᠨ ᠶᠣᠰᠧᠹ ᠤᠨ ᠲᠣᠯᠣᠭᠠᠢ ᠳᠡᠭᠡᠷᠡ ᠠᠬᠠ ᠳᠡᠭᠦᠦᠰ ᠦᠨ ᠢᠶᠠᠨ ᠳᠤᠮᠳᠠᠬᠢ ᠨᠣᠶᠠᠨᠲᠠᠨ ᠤ ᠵᠤᠯᠠᠢ ᠳᠡᠭᠡᠷᠡ ᠪᠠᠭᠤᠬᠤ ᠪᠣᠯᠲᠤᠭᠠᠢ
17 ᠲᠡᠭᠦᠨ ᠦ ᠰᠦᠷ ᠬᠦᠴᠦ ᠤᠤᠭᠠᠨ ᠲᠤᠭᠤᠯ ᠮᠡᠲᠦ ᠲᠡᠭᠦᠨ ᠦ ᠡᠪᠡᠷ ᠵᠡᠷᠯᠢᠭ ᠦᠬᠡᠷ ᠦᠨ ᠡᠪᠡᠷ ᠮᠡᠲᠦ ᠲᠡᠭᠦᠨ ᠢᠶᠡᠷ ᠢᠶᠠᠨ ᠲᠡᠷᠡ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠢ ᠮᠥᠷᠭᠥᠵᠦ ᠳᠡᠯᠡᠬᠡᠢ ᠶᠢᠨ ᠬᠢᠵᠠᠭᠠᠷ ᠲᠤ ᠬᠦᠷᠭᠡᠨᠡ ᠡᠹᠷᠠᠢᠮ ᠤᠨ ᠲᠦᠮᠡᠨ ᠦᠷᠡᠰ ᠮᠠᠨᠠᠰᠧ ᠶᠢᠨ ᠮᠢᠩ᠋ᠭᠠᠨ ᠦᠷᠡᠰ ᠡᠢᠮᠦ ᠪᠣᠯᠣᠨᠠ》 ᠭᠡᠪᠡ᠃
18 ᠽᠧᠪᠦ᠋ᠯᠣᠨ ᠤ ᠲᠤᠬᠠᠢ ᠲᠡᠷᠡ᠄ 《ᠽᠧᠪᠦ᠋ᠯᠣᠨ ᠡ︕ ᠴᠢ ᠭᠠᠷᠬᠤ ᠳᠠᠭᠠᠨ ᠪᠠᠶᠠᠰᠤᠭᠲᠤᠨ ᠢᠰᠠᠺᠠᠷ ᠡ︕ ᠴᠢ ᠭᠡᠷ ᠲᠡᠭᠡᠨ ᠪᠠᠢᠬᠤ ᠳᠤ ᠪᠠᠶᠠᠰᠤᠭᠲᠤᠨ
19 ᠲᠡᠳᠡ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠢ ᠠᠭᠤᠯᠠᠨ ᠳᠤ ᠳᠠᠭᠤᠳᠠᠵᠤ ᠲᠡᠨᠳᠡ ᠪᠡᠨ ᠵᠥᠪ ᠲᠠᠬᠢᠯ ᠢ ᠡᠷᠭᠦᠨᠡ ᠲᠠᠩᠭᠢᠰ ᠤᠨ ᠪᠠᠶᠠᠯᠢᠭ ᠢ ᠰᠣᠷᠣᠵᠤ ᠡᠯᠡᠰᠦᠨ ᠳᠦ ᠨᠢᠭᠤᠭᠰᠠᠨ ᠡᠷᠳᠡᠨᠢᠰ ᠢ ᠠᠪᠤᠨᠠ》 ᠭᠡᠪᠡ᠃
20 ᠭᠠᠳ᠋ ᠤᠨ ᠲᠤᠬᠠᠢ ᠲᠡᠷᠡ᠄ 《ᠭᠠᠳ᠋ ᠤᠨ ᠬᠢᠯᠢ ᠶᠢ ᠲᠡᠯᠡᠭᠴᠢ ᠨᠢ ᠮᠠᠭᠲᠠᠭᠳᠠᠬᠤ ᠪᠣᠯᠲᠤᠭᠠᠢ︕ ᠭᠠᠳ᠋ ᠠᠷᠰᠯᠠᠨ ᠰᠢᠭ᠋ ᠬᠡᠪᠲᠡᠭᠡᠳ ᠭᠠᠷ ᠪᠣᠯᠣᠨ ᠵᠤᠯᠠᠢ ᠶᠢ ᠤᠷᠠᠨᠠ
21 ᠭᠠᠵᠠᠷ ᠤᠨ ᠳᠡᠭᠡᠵᠢ ᠶᠢ ᠲᠡᠷᠡ ᠥᠪᠡᠷ ᠲᠡᠭᠡᠨ ᠰᠢᠯᠢᠵᠦ ᠠᠪᠤᠭᠰᠠᠨ ᠬᠠᠤᠯᠢ ᠲᠣᠭᠲᠠᠭᠠᠭᠴᠢ ᠶᠢᠨ ᠬᠤᠪᠢ ᠨᠢ ᠲᠡᠭᠦᠨ ᠳᠦ ᠨᠣᠭᠳᠠᠵᠠᠢ ᠠᠷᠠᠳ ᠲᠦᠮᠡᠨ ᠦ ᠤᠳᠤᠷᠢᠳᠤᠭᠴᠢᠳ ᠲᠠᠢ ᠬᠠᠮᠲᠤ ᠲᠡᠷᠡ ᠴᠤᠭᠯᠠᠷᠠᠵᠤ ᠶᠣᠬᠣᠸᠠ ᠶᠢᠨ ᠭᠣᠣᠯᠴᠢ ᠶᠣᠰᠣ ᠶᠢ ᠳᠠᠭᠠᠵᠤ ᠢᠰᠷᠧᠯ ᠲᠠᠢ ᠪᠠᠢᠭᠤᠯᠤᠭᠰᠠᠨ ᠵᠢᠷᠤᠮ ᠢ ᠮᠥᠷᠳᠡᠵᠡᠢ》 ᠭᠡᠪᠡ᠃
22 ᠳ᠋ᠠᠨ ᠤ ᠲᠤᠬᠠᠢ ᠲᠡᠷᠡ᠄ 《ᠳ᠋ᠠᠨ ᠪᠣᠯ ᠠᠷᠰᠯᠠᠨ ᠤ ᠵᠤᠯᠵᠠᠭᠠ ᠪᠠᠱᠠᠨ ᠠᠴᠠ ᠦᠰᠦᠷᠦᠨ ᠭᠠᠷᠤᠨᠠ》 ᠭᠡᠵᠦ᠂
23 ᠨᠠᠹᠲ᠋ᠠᠯᠢ ᠶᠢᠨ ᠲᠤᠬᠠᠢ ᠲᠡᠷᠡ᠄ 《ᠨᠠᠹᠲ᠋ᠠᠯᠢ ᠡ᠂ ᠴᠢᠮᠠ ᠳᠤ ᠬᠠᠩ᠋ᠭᠠᠯᠤᠭᠤᠨ ᠬᠡᠰᠢᠭ ᠲᠠᠢ ᠶᠣᠬᠣᠸᠠ ᠶᠢᠨ ᠢᠪᠡᠭᠡᠯ ᠢᠶᠡᠷ ᠳᠦᠭᠦᠷᠡᠩ ᠪᠠᠢᠨᠠ ᠡᠮᠦᠨᠡ ᠪᠦᠰᠡ ᠲᠡᠭᠡᠨ ᠨᠠᠭᠤᠷ ᠢ ᠡᠵᠡᠮᠰᠢ》 ᠭᠡᠪᠡ᠃
24 ᠠᠱᠧᠷ ᠤᠨ ᠲᠤᠬᠠᠢ ᠲᠡᠷᠡ᠄ 《ᠠᠱᠧᠷ ᠡ᠂ ᠴᠢ ᠦᠷᠡ ᠶᠢᠨ ᠬᠣᠲᠣᠭ ᠤᠨ ᠢᠪᠡᠭᠡᠯ ᠲᠡᠢ ᠠᠬᠠ ᠳᠡᠭᠦᠦᠰ ᠦᠨ ᠢᠶᠠᠨ ᠬᠠᠢᠷᠠ ᠶᠢ ᠬᠦᠷᠲᠡᠵᠦ ᠲᠣᠰᠣᠨ ᠳᠤ ᠬᠥᠯ ᠢᠶᠡᠨ ᠪᠤᠯᠬᠠᠬᠤ ᠪᠣᠯᠲᠤᠭᠠᠢ
25 ᠬᠠᠭᠠᠯᠭᠠ ᠪᠠᠨ ᠬᠦᠷᠲᠡᠯᠡ ᠲᠡᠮᠦᠷ ᠢᠶᠡᠷ ᠲᠦᠭᠵᠢᠵᠦ ᠠᠮᠢᠳᠤᠷᠠᠯ ᠤᠨ ᠢᠶᠠᠨ ᠪᠦᠬᠦ ᠬᠤᠭᠤᠴᠠᠭᠠᠨ ᠳᠤ ᠠᠮᠤᠭᠤᠯᠠᠩ ᠪᠠᠢᠬᠤ ᠪᠣᠯᠲᠤᠭᠠᠢ》 ᠭᠡᠪᠡ᠃
26 ᠶᠧᠱᠦ᠋ᠷᠣᠨ ᠤ ᠪᠤᠷᠬᠠᠨ ᠮᠡᠲᠦ ᠨᠢᠭᠡ ᠨᠢ ᠥᠭᠡᠷᠡ ᠪᠠᠢᠬᠤ ᠦᠭᠡᠢ ᠲᠡᠷᠡ ᠪᠡᠷ ᠴᠢᠮᠠ ᠳᠤ ᠲᠤᠰᠠᠯᠠᠬᠤ ᠪᠠᠷ ᠲᠩᠷᠢ ᠶᠢ ᠬᠥᠯᠭᠡᠯᠡᠵᠦ ᠡᠭᠦᠯᠡᠰ ᠦᠨ ᠳᠤᠮᠳᠠᠭᠤᠷ ᠰᠦᠷ ᠵᠢᠪᠬᠤᠯᠠᠩ ᠲᠠᠢ ᠠᠢᠰᠤᠢ᠃
27 ᠮᠥᠩᠬᠡ ᠶᠢᠨ ᠪᠤᠷᠬᠠᠨ ᠪᠣᠯ ᠴᠢᠨᠦ ᠣᠷᠣᠨ ᠰᠠᠭᠤᠴᠠ ᠲᠡᠭᠦᠨ ᠦ ᠮᠥᠩᠬᠡ ᠶᠢᠨ ᠮᠤᠲᠤᠷ ᠴᠢᠨᠦ ᠳᠣᠣᠷᠠ ᠪᠠᠢᠨᠠ ᠲᠡᠷᠡ ᠪᠡᠷ ᠴᠢᠨᠦ ᠡᠮᠦᠨᠡ ᠡᠴᠡ ᠳᠠᠢᠰᠤᠨ ᠢ ᠴᠢᠨᠢ ᠵᠠᠢᠯᠠᠭᠤᠯᠵᠤ 《ᠲᠡᠭᠦᠨ ᠢ ᠤᠰᠠᠳᠬᠠ》 ᠬᠡᠮᠡᠨ ᠠᠢᠯᠠᠳᠤᠨᠠ
28 ᠢᠰᠷᠧᠯ ᠡᠢᠨ ᠬᠦ ᠠᠶᠤᠯ ᠦᠭᠡᠢ ᠰᠠᠭᠤᠬᠤ ᠪᠣᠯᠣᠨᠠ ᠶᠠᠺᠣᠪ ᠦᠷᠡ ᠲᠠᠷᠢᠶᠠ᠂ ᠰᠢᠨᠡ ᠳᠠᠷᠠᠰᠤᠨ ᠤ ᠨᠤᠲᠤᠭ ᠲᠤ ᠶᠠᠷᠰᠢᠭ ᠦᠭᠡᠢ ᠠᠮᠢᠳᠤᠷᠠᠨᠠ ᠲᠩᠷᠢ ᠪᠠᠰᠠ ᠲᠡᠨᠳᠡ ᠰᠢᠭᠦᠳᠡᠷᠢ ᠪᠠᠭᠤᠯᠭᠠᠨᠠ᠂
29 ᠢᠰᠷᠧᠯ ᠡ᠂ ᠴᠢ ᠵᠢᠷᠭᠠᠯᠲᠠᠶᠠ︕ ᠲᠡᠷᠡ ᠪᠣᠯ ᠴᠢᠮᠠ ᠳᠤ ᠲᠤᠰᠠᠯᠠᠬᠤ ᠪᠠᠮᠪᠠᠢ ᠴᠢᠨᠦ ᠰᠦᠷ ᠵᠢᠪᠬᠤᠯᠠᠩᠲᠤ ᠰᠡᠯᠡᠮᠡ ᠪᠣᠯᠳᠠᠭ ᠶᠣᠬᠣᠸᠠ ᠶᠢᠨ ᠠᠪᠤᠷᠠᠯ ᠢ ᠬᠦᠷᠲᠡᠭᠰᠡᠨ ᠴᠢᠮᠠ ᠰᠢᠭ᠋ ᠠᠷᠠᠳ ᠲᠦᠮᠡᠨ ᠥᠭᠡᠷᠡ ᠬᠠᠮᠢᠭᠠ ᠪᠠᠢᠨᠠ︖ ᠥᠰᠲᠡᠨ ᠨᠦᠭᠦᠳ ᠴᠢᠨᠢ ᠴᠢᠮᠠ ᠳᠤ ᠵᠠᠬᠢᠷᠤᠭᠳᠠᠵᠤ ᠥᠨᠳᠥᠷᠯᠢᠭ ᠭᠠᠵᠠᠷ ᠤᠳ ᠨᠢ ᠴᠢᠮᠠ ᠳᠤ ᠭᠢᠰᠬᠢᠭᠳᠡᠨᠡ》 ᠭᠡᠯᠡ᠃