ᠳᠡᠳ᠋ ᠬᠠᠤᠯᠢ ᠬᠣᠷᠢᠨ ᠲᠠᠪᠤ
ᠰᠢᠳᠤᠷᠭᠤ ᠶᠣᠰᠣ ᠪᠠ ᠥᠷᠥᠰᠢᠶᠡᠯ
1 ᠬᠡᠷᠪᠡ ᠬᠥᠮᠦᠰ ᠬᠣᠭᠣᠷᠣᠨᠳᠣ ᠪᠠᠨ ᠮᠠᠷᠭᠤᠯᠳᠤᠨ ᠰᠢᠭᠦᠬᠦ ᠳᠦ ᠢᠷᠡᠪᠡᠯ᠂ ᠲᠡᠳᠡᠨ ᠢ ᠰᠢᠭᠦᠵᠦ ᠵᠥᠪᠲᠡᠨ ᠢ ᠨᠢ ᠵᠥᠪᠲᠥᠭᠡᠨ᠂ ᠪᠤᠷᠤᠭᠤᠲᠠᠨ ᠢ ᠨᠢ ᠰᠢᠳᠬᠡᠬᠦ ᠶᠣᠰᠣᠲᠠᠢ᠃ 2 ᠪᠤᠷᠤᠭᠤᠲᠠᠨ ᠳᠤ ᠵᠠᠨᠴᠢᠬᠤ ᠰᠢᠳᠬᠡᠯ ᠬᠦᠯᠢᠶᠡᠯᠭᠡᠬᠦ ᠨᠢ ᠵᠣᠬᠢᠰᠲᠠᠢ ᠪᠠᠢᠪᠠᠯ᠂ ᠰᠢᠭᠦᠭᠴᠢ ᠲᠡᠭᠦᠨ ᠢ ᠥᠪᠡᠷ ᠦᠨ ᠢᠶᠠᠨ ᠡᠮᠦᠨᠡ ᠬᠡᠪᠲᠡᠭᠦᠯᠦᠭᠡᠳ ᠬᠢᠭᠰᠡᠨ ᠭᠡᠮ ᠦᠨ ᠬᠢᠨᠢ ᠬᠢᠷᠢ ᠪᠠᠷ ᠵᠠᠨᠴᠢᠭᠤᠯᠤᠨᠠ᠃ 3 ᠲᠡᠭᠦᠨ ᠢ ᠳᠥᠴᠢ ᠵᠠᠨᠴᠢᠵᠤ ᠪᠣᠯᠣᠨᠠ᠂ ᠬᠠᠷᠢᠨ ᠲᠡᠭᠦᠨ ᠡᠴᠡ ᠬᠡᠲᠦᠷᠡᠭᠦᠯᠵᠦ ᠪᠣᠯᠬᠤ ᠦᠭᠡᠢ᠃ ᠡᠭᠦᠨ ᠡᠴᠡ ᠢᠯᠡᠭᠦᠦ ᠵᠠᠨᠴᠢᠭᠳᠠᠪᠠᠯ ᠲᠡᠷᠡ ᠠᠬᠠ ᠳᠡᠭᠦᠦ ᠴᠢᠨᠢ ᠲᠠ ᠨᠠᠷ ᠤᠨ ᠨᠢᠳᠦᠨ ᠦ ᠡᠮᠦᠨᠡ ᠪᠠᠰᠤᠮᠵᠢᠯᠠᠭᠳᠠᠬᠤ ᠪᠤᠢ᠃
4 ᠲᠠᠷᠢᠶᠠ ᠦᠲᠦᠷᠮᠡᠳᠡᠵᠦ ᠪᠤᠢ ᠦᠬᠡᠷ ᠦᠨ ᠠᠮᠠᠨ ᠳᠤ ᠲᠣᠷᠣᠮᠳᠣᠭ ᠪᠦᠦ ᠵᠡᠭᠦᠯᠭᠡ᠃
ᠦᠷᠡ ᠤᠳᠤᠮ ᠵᠠᠯᠭᠠᠬᠤ
5 ᠠᠬᠠ ᠳᠡᠭᠦᠦᠰ ᠴᠤᠭ ᠲᠠᠭᠠᠨ ᠰᠠᠭᠤᠵᠤ ᠪᠠᠢᠭᠠᠳ ᠨᠢᠭᠡ ᠨᠢ ᠬᠥᠪᠡᠭᠦᠨ ᠦᠭᠡᠢ ᠪᠠᠷ ᠥᠭᠡᠳᠡ ᠪᠣᠯᠪᠠᠯ᠂ ᠡᠬᠡᠨᠡᠷ ᠨᠢ ᠭᠡᠷ ᠪᠦᠯᠢ ᠶᠢᠨ ᠢᠶᠠᠨ ᠭᠠᠳᠠᠨᠠᠬᠢ ᠬᠥᠮᠦᠨ ᠲᠡᠢ ᠭᠡᠷᠯᠡᠵᠦ ᠪᠣᠯᠬᠤ ᠦᠭᠡᠢ᠃ ᠬᠠᠷᠢᠨ ᠨᠥᠬᠥᠷ ᠦᠨ ᠬᠢᠨᠢ ᠠᠬᠠ ᠳᠡᠭᠦᠦ ᠲᠡᠭᠦᠨ ᠳᠡᠭᠡᠷᠡ ᠣᠷᠣᠵᠤ᠂ ᠡᠬᠡᠨᠡᠷ ᠢᠶᠡᠨ ᠪᠣᠯᠭᠠᠨ ᠠᠪᠤᠭᠠᠳ ᠨᠥᠬᠥᠷ ᠦᠨ ᠢᠶᠠᠨ ᠠᠬᠠ ᠳᠡᠭᠦᠦ ᠶᠢᠨ ᠡᠭᠦᠷᠭᠡ ᠶᠢ ᠲᠡᠭᠦᠨ ᠳᠦ ᠭᠦᠢᠴᠡᠳᠬᠡᠬᠦ ᠪᠥᠭᠡᠳ 6 ᠲᠡᠷᠡ ᠡᠮᠡᠭᠲᠡᠢ ᠶᠢᠨ ᠲᠥᠷᠥᠭᠦᠯᠬᠦ ᠤᠤᠭᠠᠨ ᠬᠦᠦ ᠨᠢ ᠠᠬᠠ ᠶᠢᠨ ᠬᠢᠨᠢ ᠭᠣᠯᠣᠮᠲᠠ ᠶᠢ ᠵᠠᠯᠭᠠᠮᠵᠢᠯᠠᠬᠤ ᠶᠣᠰᠣᠲᠠᠢ᠃ ᠡᠢᠨ ᠬᠦ ᠨᠥᠭᠥᠭᠡ ᠥᠭᠡᠳᠡ ᠪᠣᠯᠣᠭᠰᠠᠨ ᠬᠥᠮᠦᠨ ᠦ ᠨᠡᠷᠡ ᠢᠰᠷᠧᠯ ᠡᠴᠡ ᠪᠠᠯᠠᠯᠠᠭᠳᠠᠬᠤ ᠦᠭᠡᠢ ᠪᠠᠢᠬᠤ ᠪᠣᠯᠣᠨᠠ᠃ 7 ᠬᠠᠷᠢᠨ ᠠᠬᠠ ᠳᠡᠭᠦᠦ ᠶᠢᠨ ᠢᠶᠠᠨ ᠡᠬᠡᠨᠡᠷ ᠢ ᠠᠪᠬᠤ ᠳᠤᠷᠠ ᠦᠭᠡᠢ ᠪᠠᠢᠬᠤ ᠨᠥᠬᠥᠴᠡᠯ ᠳᠦ᠂ ᠲᠡᠷᠡ ᠡᠮᠡᠭᠲᠡᠢ ᠬᠣᠲᠠ ᠶᠢᠨ ᠬᠠᠭᠠᠯᠭᠠᠨ ᠳᠡᠭᠡᠷᠡᠬᠢ ᠠᠬᠠᠮᠠᠳ ᠤᠳ ᠲᠤ ᠣᠴᠢᠵᠤ᠂ 《ᠮᠢᠨᠦ ᠨᠥᠬᠥᠷ ᠦᠨ ᠠᠬᠠ ᠳᠡᠭᠦᠦ ᠢᠰᠷᠧᠯ ᠤᠨ ᠳᠤᠮᠳᠠ ᠠᠬᠠ ᠳᠡᠭᠦᠦ ᠶᠢᠨ ᠢᠶᠠᠨ ᠭᠣᠯᠣᠮᠲᠠ ᠶᠢ ᠵᠠᠯᠭᠠᠮᠵᠢᠯᠠᠬᠤ ᠦᠭᠡᠢ᠂ ᠨᠠᠳᠠ ᠳᠤ ᠨᠥᠬᠥᠷ ᠦᠨ ᠮᠢᠨᠢ ᠠᠬᠠ ᠳᠡᠭᠦᠦ ᠶᠢᠨ ᠡᠭᠦᠷᠭᠡ ᠶᠢ ᠭᠦᠢᠴᠡᠳᠬᠡᠬᠦ ᠦᠭᠡᠢ ᠪᠠᠢᠨᠠ》 ᠭᠡᠵᠦ ᠬᠡᠯᠡᠨᠡ᠃ 8 ᠲᠡᠭᠡᠪᠡᠯ ᠬᠣᠲᠠ ᠶᠢᠨ ᠠᠬᠠᠮᠠᠳ ᠤᠳ ᠲᠡᠷᠡ ᠡᠷᠡ ᠶᠢ ᠳᠠᠭᠤᠳᠠᠨ ᠠᠪᠴᠢᠷᠠᠵᠤ ᠶᠠᠷᠢᠯᠴᠠᠨᠠ᠃ ᠭᠡᠪᠡᠴᠦ ᠲᠡᠷᠡ ᠨᠥᠭᠥᠭᠡ ᠡᠮᠡᠭᠲᠡᠢ ᠶᠢ ᠠᠪᠬᠤ ᠳᠤᠷᠠ ᠦᠭᠡᠢ ᠭᠡᠵᠦ ᠲᠠᠰᠤ ᠶᠠᠷᠢᠵᠤ ᠪᠠᠢᠪᠠᠯ᠂ 9 ᠠᠬᠠ ᠳᠡᠭᠦᠦ ᠶᠢᠨ ᠬᠢᠨᠢ ᠡᠬᠡᠨᠡᠷ ᠠᠬᠠᠮᠠᠳ ᠤᠳ ᠤᠨ ᠨᠢᠳᠦᠨ ᠳᠡᠭᠡᠷᠡ ᠲᠡᠭᠦᠨ ᠤᠷᠤᠭᠤ ᠳᠥᠭᠥᠨ ᠣᠴᠢᠭᠠᠳ ᠱᠠᠬᠠᠢ ᠶᠢ ᠨᠢ ᠬᠥᠯ ᠡᠴᠡ ᠨᠢ ᠮᠤᠯᠲᠤᠯᠤᠨ ᠠᠪᠴᠤ᠂ ᠨᠢᠭᠤᠷ ᠤᠷᠤᠭᠤ ᠨᠢ ᠨᠢᠯᠪᠤᠨ᠄ 《ᠠᠬᠠ ᠳᠡᠭᠦᠦ ᠶᠢᠨ ᠢᠶᠠᠨ ᠭᠡᠷ ᠢ ᠪᠣᠰᠬᠠᠬᠤ ᠦᠭᠡᠢ ᠬᠥᠮᠦᠨ ᠢ ᠢᠩᠭᠢᠪᠡᠯ ᠲᠠᠭᠠᠷᠠᠨᠠ》 ᠭᠡᠵᠦ ᠬᠡᠯᠡᠨᠡ᠃ 10 ᠲᠡᠭᠡᠪᠡᠯ ᠲᠡᠷᠡ ᠡᠷᠡ ᠶᠢᠨ ᠭᠡᠷ ᠢᠰᠷᠧᠯ ᠤᠨ ᠳᠤᠮᠳᠠ 《ᠱᠠᠬᠠᠢ ᠪᠠᠨ ᠮᠤᠯᠲᠤᠯᠤᠭᠤᠯᠤᠭᠰᠠᠨ ᠬᠥᠮᠦᠨ ᠦ ᠭᠡᠷ》 ᠭᠡᠵᠦ ᠬᠣᠴᠢᠯᠠᠭᠳᠠᠬᠤ ᠪᠣᠯᠣᠨᠠ᠃
11 ᠬᠡᠷᠪᠡ ᠬᠣᠶᠠᠷ ᠬᠥᠮᠦᠨ ᠵᠣᠳᠣᠯᠳᠤᠵᠤ ᠪᠠᠢᠬᠤ ᠳᠤ᠂ ᠨᠢᠭᠡ ᠶᠢᠨ ᠬᠢᠨᠢ ᠡᠬᠡᠨᠡᠷ ᠴᠣᠬᠢᠵᠤ ᠪᠠᠢᠭᠠ ᠬᠥᠮᠦᠨ ᠦ ᠭᠠᠷ ᠠᠴᠠ ᠨᠥᠬᠥᠷ ᠢᠶᠡᠨ ᠠᠪᠤᠷᠠᠬᠤ ᠪᠠᠷ ᠣᠢᠷᠠᠲᠤᠨ ᠣᠴᠢᠭᠠᠳ᠂ ᠭᠠᠷ ᠰᠤᠩ᠋ᠭᠠᠨ ᠨᠥᠭᠥᠭᠡ ᠬᠥᠮᠦᠨ ᠦ ᠪᠡᠯᠭᠡ ᠶᠢᠨ ᠡᠷᠬᠡᠲᠡᠨ ᠡᠴᠡ ᠪᠠᠷᠢᠵᠤ ᠠᠪᠤᠭᠰᠠᠨ ᠲᠣᠬᠢᠶᠠᠯᠳᠤᠯ ᠳᠤ᠂ 12 ᠲᠡᠷᠡ ᠡᠮᠡᠭᠲᠡᠢ ᠶᠢᠨ ᠭᠠᠷ ᠢ ᠲᠠᠰᠤᠳᠠ᠃ ᠲᠡᠭᠦᠨ ᠢ ᠪᠦᠦ ᠥᠷᠥ ᠡᠪᠡᠳᠦᠨ ᠬᠠᠷᠠ᠃
ᠭᠣᠣᠯᠴᠢ ᠬᠡᠮᠵᠢᠭᠦᠷ
13 ᠴᠢ ᠤᠭᠤᠲᠠᠨ ᠳᠠᠭᠠᠨ ᠲᠣᠮᠣ᠂ ᠵᠢᠵᠢᠭ ᠲᠠᠤᠬᠠᠢ ᠶᠢ ᠬᠠᠮᠲᠤ ᠳᠤᠨᠢ ᠪᠦᠦ ᠬᠢ᠂ 14 ᠭᠡᠷ ᠲᠡᠭᠡᠨ ᠲᠣᠮᠣ᠂ ᠵᠢᠵᠢᠭ ᠬᠡᠮᠵᠢᠭᠦᠷ ᠢ ᠬᠠᠮᠲᠤ ᠳᠤᠨᠢ ᠪᠦᠦ ᠪᠠᠢᠯᠭᠠ᠂ 15 ᠴᠢᠨᠦ ᠲᠠᠤᠬᠠᠢ ᠵᠥᠪ ᠰᠢᠳᠤᠷᠭᠤ᠂ ᠴᠢᠨᠦ ᠬᠡᠮᠵᠢᠭᠦᠷ ᠴᠤ ᠲᠥᠪ ᠴᠢᠬᠡᠴᠢ ᠪᠠᠢᠬᠤ ᠶᠣᠰᠣᠲᠠᠢ᠃ ᠲᠡᠭᠡᠪᠡᠯ ᠶᠣᠬᠣᠸᠠ ᠪᠤᠷᠬᠠᠨ ᠠᠴᠠ ᠴᠢᠨᠢ ᠴᠢᠮᠠ ᠳᠤ ᠥᠭᠬᠦ ᠭᠠᠵᠠᠷ ᠲᠤ ᠴᠢ ᠤᠷᠲᠤ ᠨᠠᠰᠤᠯᠠᠨᠠ᠃ 16 ᠲᠡᠢᠮᠦ ᠬᠡᠷᠡᠭ ᠢ᠂ ᠲᠡᠢᠮᠦ ᠰᠢᠳᠤᠷᠭᠤ ᠪᠤᠰᠤ ᠶᠢ ᠦᠢᠯᠡᠳᠦᠭᠴᠢ ᠪᠣᠯᠭᠠᠨ ᠶᠣᠬᠣᠸᠠ ᠪᠤᠷᠬᠠᠨ ᠳᠤ ᠴᠢᠨᠢ ᠵᠢᠭᠰᠢᠭᠦᠷᠢ ᠪᠣᠯᠣᠨᠠ᠃
ᠠᠮᠠᠯᠧᠺᠴᠤᠳ ᠢ ᠰᠢᠳᠬᠡᠬᠦ
17 ᠶᠧᠵᠢᠫᠲ ᠡᠴᠡ ᠭᠠᠷᠴᠤ ᠢᠷᠡᠬᠦ ᠳᠦ᠂ ᠵᠠᠮ ᠳᠤ ᠴᠢᠨᠢ ᠠᠮᠠᠯᠧᠺ ᠴᠢᠮᠠ ᠳᠤ ᠶᠠᠭᠤ ᠬᠢᠭᠰᠡᠨ ᠢ ᠰᠠᠨᠠᠭᠲᠤᠨ᠃ 18 ᠲᠡᠳᠡ ᠪᠤᠷᠬᠠᠨ ᠠᠴᠠ ᠡᠮᠢᠶᠡᠯ ᠦᠭᠡᠢ ᠪᠠᠷ ᠶᠠᠳᠠᠷᠠᠵᠤ ᠵᠦᠳᠡᠷᠡᠵᠦ ᠶᠠᠪᠤᠬᠤ ᠵᠠᠮ ᠳᠡᠭᠡᠷᠡ ᠴᠢᠨᠢ ᠳᠠᠭᠠᠷᠢᠵᠤ᠂ ᠲᠠ ᠨᠠᠷ ᠤᠨ ᠰᠡᠭᠦᠯ ᠳᠦ ᠶᠠᠪᠤᠭᠠ ᠰᠤᠯᠠ ᠳᠣᠷᠣᠢ ᠬᠥᠮᠦᠰ ᠢ ᠴᠣᠬᠢᠵᠠᠢ᠃ 19 ᠶᠣᠬᠣᠸᠠ ᠪᠤᠷᠬᠠᠨ ᠠᠴᠠ ᠴᠢᠨᠢ ᠥᠪ ᠪᠣᠯᠭᠠᠨ ᠡᠵᠡᠮᠰᠢᠭᠦᠯᠬᠦ ᠲᠡᠷᠡ ᠭᠠᠵᠠᠷ ᠳᠡᠭᠡᠷᠡ᠂ ᠴᠢᠨᠦ ᠪᠤᠷᠬᠠᠨ ᠶᠣᠬᠣᠸᠠ ᠡᠷᠭᠢᠨ ᠲᠣᠭᠣᠷᠢᠨ ᠳᠤ ᠴᠢᠨᠢ ᠪᠠᠢᠭᠠ ᠪᠦᠬᠦ ᠳᠠᠢᠰᠤᠨ ᠠᠴᠠ ᠴᠢᠮᠠᠶᠢ ᠠᠮᠠᠷᠠᠭᠠᠬᠤ ᠲᠡᠷᠡ ᠴᠠᠭ ᠲᠤ ᠴᠢ ᠠᠮᠠᠯᠧᠺ ᠢ ᠲᠩᠷᠢ ᠶᠢᠨ ᠳᠣᠣᠷᠠ ᠠᠴᠠ ᠳᠤᠷᠠᠰᠤᠮᠵᠢ ᠴᠤ ᠦᠭᠡᠢ ᠪᠣᠯᠲᠠᠯᠠ ᠨᠢ ᠤᠰᠠᠳᠬᠠᠬᠤ ᠶᠣᠰᠣᠲᠠᠢ᠃ ᠡᠭᠦᠨ ᠢ ᠴᠢ ᠪᠦᠦ ᠮᠠᠷᠲᠠ᠃