ᠱᠠᠰᠲᠢᠷ ᠤᠨ ᠳᠡᠳ᠋ ᠲᠠᠪᠤ
1 ᠲᠡᠢᠨ ᠬᠦ ᠰᠣᠯᠣᠮᠣᠨ ᠶᠣᠬᠣᠸᠠ ᠶᠢᠨ ᠥᠷᠭᠥᠭᠡᠨ ᠦ ᠲᠥᠯᠥᠭᠡ ᠬᠢᠬᠦ ᠪᠦᠬᠦ ᠠᠵᠢᠯ ᠢᠶᠠᠨ ᠳᠠᠭᠤᠰᠬᠠᠪᠠ᠃ ᠰᠣᠯᠣᠮᠣᠨ ᠡᠴᠢᠭᠡ ᠳ᠋ᠠᠸᠢᠳ᠋ ᠤᠨ ᠢᠶᠠᠨ ᠡᠷᠭᠦᠭᠰᠡᠨ ᠠᠯᠲᠠ᠂ ᠮᠥᠩᠭᠥ ᠪᠣᠯᠣᠨ ᠪᠦᠬᠦ ᠡᠳ᠋ ᠵᠦᠢᠯᠡᠰ ᠢ ᠠᠪᠴᠢᠷᠠᠵᠤ᠂ ᠪᠤᠷᠬᠠᠨ ᠤ ᠥᠷᠭᠥᠭᠡᠨ ᠦ ᠬᠥᠮᠥᠷᠭᠡ ᠳᠦ ᠣᠷᠣᠭᠤᠯᠤᠭᠰᠠᠨ ᠪᠠᠢᠯᠠ᠃
ᠠᠪᠳᠠᠷᠠ ᠶᠢ ᠥᠷᠭᠥᠭᠡᠨ ᠳᠦ ᠠᠪᠴᠢᠷᠠᠪᠠ
2 ᠲᠡᠷᠡ ᠦᠶᠡ ᠳᠦ ᠰᠣᠯᠣᠮᠣᠨ ᠶᠣᠬᠣᠸᠠ ᠶᠢᠨ ᠭᠡᠷᠡ ᠶᠢᠨ ᠠᠪᠳᠠᠷᠠ ᠶᠢ ᠳ᠋ᠠᠸᠢᠳ᠋ ᠤᠨ ᠬᠣᠲᠠ ᠽᠢᠶᠣᠨ ᠠᠴᠠ ᠵᠠᠯᠠᠬᠤ ᠪᠠᠷ ᠢᠰᠷᠧᠯ ᠤᠨ ᠪᠦᠬᠦ ᠠᠬᠠᠮᠠᠳ᠂ ᠪᠦᠬᠦ ᠣᠪᠣᠭ ᠤᠨ ᠤᠳᠤᠷᠢᠳᠤᠭᠴᠢᠳ ᠪᠣᠯᠣᠨ ᠢᠰᠷᠧᠯᠴᠦᠳ ᠦᠨ ᠡᠴᠢᠭᠡ ᠶᠢᠨ ᠪᠦᠯᠢ ᠶᠢᠨ ᠲᠡᠷᠢᠭᠦᠨ ᠨᠦᠭᠦᠳ ᠢ ᠶᠧᠷᠦ᠋ᠰᠠᠯᠧᠮ ᠳᠤ ᠴᠤᠭᠯᠠᠭᠤᠯᠤᠭᠰᠠᠨ ᠳᠤ᠂ 3 ᠳᠣᠯᠣᠳᠤᠭᠠᠷ ᠰᠠᠷᠠ ᠶᠢᠨ ᠪᠠᠶᠠᠷ ᠤᠨ ᠦᠶᠡ ᠪᠡᠷ ᠡᠳᠡᠭᠡᠷ ᠢᠰᠷᠧᠯ ᠡᠷᠡᠴᠦᠳ ᠪᠦᠭᠦᠳᠡᠭᠡᠷ ᠢᠶᠡᠨ ᠬᠠᠭᠠᠨ ᠤᠷᠤᠭᠤ ᠴᠤᠭᠯᠠᠷᠠᠪᠠ᠃ 4 ᠢᠰᠷᠧᠯ ᠤᠨ ᠪᠦᠬᠦ ᠠᠬᠠᠮᠠᠳ ᠢᠷᠡᠭᠰᠡᠨ ᠦ ᠳᠠᠷᠠᠭᠠ᠂ ᠯᠧᠸᠢᠴᠦᠳ ᠠᠪᠳᠠᠷᠠ ᠶᠢ ᠳᠠᠮᠨᠠᠵᠤ᠂ 5 ᠠᠪᠳᠠᠷᠠ ᠠᠴᠠ ᠭᠠᠳᠠᠨᠠ ᠠᠭᠤᠯᠵᠠᠯᠲᠠ ᠶᠢᠨ ᠮᠠᠢᠬᠠᠨ ᠪᠣᠯᠣᠨ ᠲᠡᠭᠦᠨ ᠦ ᠳᠣᠲᠣᠷᠠᠬᠢ ᠪᠦᠬᠦ ᠠᠷᠢᠭᠤᠨ ᠡᠳ᠋ ᠵᠦᠢᠯᠡᠰ ᠢ ᠳᠡᠭᠡᠭᠰᠢ ᠠᠪᠴᠢᠷᠠᠪᠠ᠃ ᠲᠠᠬᠢᠯᠴᠢ ᠯᠧᠸᠢᠴᠦᠳ ᠡᠳᠡᠭᠡᠷ ᠢ ᠳᠡᠭᠡᠭᠰᠢ ᠠᠪᠴᠢᠷᠠᠭᠰᠠᠨ ᠳᠤ᠂ 6 ᠰᠣᠯᠣᠮᠣᠨ ᠬᠠᠭᠠᠨ ᠥᠪᠡᠷ ᠤᠷᠤᠭᠤ ᠨᠢ ᠴᠤᠭᠯᠠᠷᠠᠭᠰᠠᠨ ᠢᠰᠷᠧᠯ ᠤᠨ ᠨᠡᠢᠲᠡ ᠴᠢᠭᠤᠯᠭᠠᠨ ᠲᠠᠢ ᠬᠠᠮᠲᠤ ᠪᠠᠷ ᠠᠪᠳᠠᠷᠠ ᠶᠢᠨ ᠡᠮᠦᠨᠡ ᠵᠣᠭᠰᠣᠵᠤ᠂ ᠲᠣᠭᠠᠯᠠᠵᠤ ᠪᠦᠷᠢᠳᠬᠡᠵᠦ ᠪᠠᠷᠠᠰᠢ ᠦᠭᠡᠢ ᠣᠯᠠᠨ ᠬᠣᠨᠢ ᠦᠬᠡᠷ ᠢᠶᠡᠷ ᠲᠠᠬᠢᠯ ᠡᠷᠭᠦᠭᠰᠡᠭᠡᠷ ᠪᠠᠢᠯᠠ᠃ 7 ᠲᠠᠬᠢᠯᠴᠢᠳ ᠶᠣᠬᠣᠸᠠ ᠶᠢᠨ ᠭᠡᠷᠡ ᠶᠢᠨ ᠠᠪᠳᠠᠷᠠ ᠶᠢ ᠥᠷᠭᠥᠭᠡᠨ ᠦ ᠳᠣᠲᠣᠭᠠᠳᠤ ᠠᠷᠢᠭᠤᠨ ᠲᠠᠩᠬᠢᠮ᠂ ᠲᠤᠬᠠᠢᠯᠠᠪᠠᠯ ᠠᠷᠢᠭᠤᠨ ᠠᠴᠠ ᠠᠷᠢᠭᠤᠨ ᠭᠠᠵᠠᠷ ᠲᠤ ᠣᠷᠣᠭᠤᠯᠤᠨ᠂ ᠺᠧᠷᠣᠪ ᠤᠳ ᠤᠨ ᠳᠠᠯᠠᠪᠴᠢᠨ ᠳᠣᠣᠷᠠ ᠪᠠᠢᠷᠢᠨ ᠳᠤᠨᠢ ᠵᠠᠯᠠᠯᠠ᠃ 8 ᠺᠧᠷᠣᠪ ᠤᠳ ᠤᠨ ᠳᠠᠯᠠᠪᠴᠢ ᠨᠢ ᠠᠪᠳᠠᠷᠠ ᠶᠢᠨ ᠳᠡᠭᠡᠭᠦᠷ ᠳᠡᠯᠭᠡᠭᠡᠰᠦᠲᠡᠢ ᠪᠥᠭᠡᠳ ᠠᠪᠳᠠᠷᠠ ᠪᠣᠯᠣᠨ ᠳᠠᠮᠨᠠᠭᠤᠷᠭᠠ ᠨᠤᠭᠤᠳ ᠢ ᠳᠡᠭᠡᠷᠡ ᠡᠴᠡ ᠨᠢ ᠪᠦᠲᠡᠭᠡᠭᠰᠡᠨ ᠪᠠᠢᠪᠠ᠃ 9 ᠠᠪᠳᠠᠷᠠ ᠠᠴᠠ ᠢᠯᠡᠭᠦᠦ ᠭᠠᠷᠤᠭᠰᠠᠨ ᠳᠠᠮᠨᠠᠭᠤᠷᠭᠠ ᠨᠤᠭᠤᠳ ᠤᠨ ᠦᠵᠦᠭᠦᠷ ᠨᠢ ᠳᠣᠲᠣᠭᠠᠳᠤ ᠠᠷᠢᠭᠤᠨ ᠲᠠᠩᠬᠢᠮ ᠤᠨ ᠨᠠᠭᠠᠨᠠᠬᠢ ᠭᠣᠣᠯ ᠲᠠᠩᠬᠢᠮ ᠳᠤ ᠬᠠᠷᠠᠭᠳᠠᠳᠠᠭ ᠪᠣᠯᠪᠠᠴᠤ ᠭᠠᠳᠠᠨᠠ ᠠᠴᠠ ᠬᠠᠷᠠᠭᠳᠠᠬᠤ ᠦᠭᠡᠢ ᠪᠠᠢᠪᠠ᠃ ᠲᠡᠳᠡᠭᠡᠷ ᠳᠠᠮᠨᠠᠭᠤᠷᠭᠠ ᠨᠤᠭᠤᠳ ᠥᠨᠥᠳᠥᠷ ᠬᠦᠷᠲᠡᠯᠡ ᠲᠡᠨᠳᠡ ᠪᠡᠨ ᠪᠤᠢ᠃ 10 ᠠᠪᠳᠠᠷᠠ ᠳᠣᠲᠣᠷᠠ ᠬᠣᠶᠠᠷ ᠬᠠᠪᠲᠠᠰᠤ ᠠᠴᠠ ᠥᠭᠡᠷᠡ ᠶᠠᠭᠤᠮᠠ ᠪᠠᠢᠬᠤ ᠦᠭᠡᠢ ᠪᠠᠢᠪᠠ᠃ ᠢᠰᠷᠧᠯᠴᠦᠳ ᠶᠧᠵᠢᠫᠲ ᠡᠴᠡ ᠭᠠᠷᠤᠭᠰᠠᠨ ᠤ ᠳᠠᠷᠠᠭᠠ᠂ ᠶᠣᠬᠣᠸᠠ ᠬᠣᠷᠧᠪ ᠲᠤ ᠲᠡᠳᠡᠨ ᠲᠡᠢ ᠭᠡᠷᠡ ᠪᠠᠢᠭᠤᠯᠬᠤ ᠳᠤ᠂ ᠮᠣᠰᠧ ᠲᠡᠳᠡᠭᠡᠷ ᠬᠠᠪᠲᠠᠰᠤ ᠶᠢ ᠲᠡᠭᠦᠨ ᠳᠣᠲᠣᠷᠠ ᠬᠢᠭᠰᠡᠨ ᠪᠠᠢᠵᠠᠢ᠃
11 ᠲᠠᠬᠢᠯᠴᠢᠳ ᠠᠷᠢᠭᠤᠨ ᠭᠠᠵᠠᠷ ᠠᠴᠠ ᠭᠠᠷᠴᠠᠭᠠᠪᠠ᠃ ᠲᠡᠨᠳᠡ ᠪᠠᠢᠭᠰᠠᠨ ᠲᠠᠬᠢᠯᠴᠢᠳ ᠠᠵᠢᠯ ᠤᠨ ᠡᠭᠡᠯᠵᠢ ᠪᠠᠢᠭᠰᠠᠨ ᠴᠤ᠂ ᠪᠠᠢᠭᠰᠠᠨ ᠦᠭᠡᠢ ᠴᠤ ᠪᠦᠭᠦᠳᠡᠭᠡᠷ ᠢᠶᠡᠨ ᠥᠪᠡᠷᠰᠡᠳ ᠢ ᠪᠠᠨ ᠠᠷᠢᠭᠤᠰᠬᠠᠭᠰᠠᠨ ᠪᠠᠢᠯᠠ᠃ 12 ᠠᠰᠠᠹ᠂ ᠾᠧᠮᠠᠨ᠂ ᠶᠧᠳᠦ᠋ᠲ᠋ᠦ᠋ᠨ ᠵᠡᠷᠭᠡ ᠯᠧᠸᠢ ᠬᠥᠭᠵᠢᠮᠴᠢᠳ ᠬᠥᠪᠡᠭᠦᠳ ᠪᠣᠯᠣᠨ ᠬᠠᠮᠢᠶᠠᠲᠠᠨ ᠨᠤᠭᠤᠳ ᠲᠠᠢ ᠪᠠᠨ ᠨᠠᠷᠢᠨ ᠮᠠᠭᠠᠯᠢᠩ᠋ᠭᠤᠨ ᠳᠡᠪᠡᠯ ᠡᠮᠦᠰᠴᠦ᠂ ᠲᠠᠬᠢᠯ ᠤᠨ ᠰᠢᠷᠡᠭᠡᠨ ᠦ ᠵᠡᠭᠦᠨ ᠲᠠᠯᠠ ᠳᠤ ᠬᠠᠮᠲᠤ ᠵᠣᠭᠰᠣᠨ᠂ ᠴᠠᠩ᠂ ᠪᠣᠰᠣᠭᠠ ᠶᠠᠲᠤᠭᠠ᠂ ᠬᠤᠭᠤᠷ ᠲᠣᠭᠯᠠᠵᠤ ᠪᠠᠢᠯᠠ᠃ ᠲᠡᠳᠡᠨ ᠲᠡᠢ ᠬᠠᠮᠲᠤ ᠵᠠᠭᠤ ᠬᠣᠷᠢᠨ ᠲᠠᠬᠢᠯᠴᠢ ᠪᠦᠷᠢᠶᠡ ᠦᠯᠢᠶᠡᠵᠦ ᠪᠠᠢᠪᠠ᠃ 13 ᠪᠦᠷᠢᠶᠡᠴᠢᠳ ᠪᠣᠯᠣᠨ ᠬᠥᠭᠵᠢᠮᠴᠢᠳ ᠵᠡᠷᠭᠡᠪᠡᠷ᠂ ᠨᠢᠭᠡ ᠳᠠᠭᠤ ᠪᠠᠷ ᠶᠣᠬᠣᠸᠠ ᠳᠤ ᠮᠠᠭᠲᠠᠭᠠᠯ ᠲᠠᠯᠠᠷᠬᠠᠯ ᠢᠶᠠᠨ ᠡᠷᠭᠦᠨ ᠰᠣᠨᠣᠰᠬᠠᠵᠤ ᠪᠠᠢᠯᠠ᠃ ᠲᠡᠳᠡ ᠪᠦᠷᠢᠶᠡ᠂ ᠴᠠᠩ ᠵᠡᠷᠭᠡ ᠬᠥᠭᠵᠢᠮ ᠤᠨ ᠬᠠᠪᠰᠤᠷᠤᠯᠭᠠ ᠲᠠᠢ ᠪᠠᠷ ᠳᠠᠭᠤ ᠪᠠᠨ ᠥᠨᠳᠥᠷᠰᠡᠭᠡᠨ᠂ ᠶᠣᠬᠣᠸᠠ ᠶᠢ ᠮᠠᠭᠲᠠᠨ᠄ 《ᠲᠡᠷᠡ ᠪᠣᠯ ᠰᠠᠢᠨ᠂ ᠲᠡᠭᠦᠨ ᠦ ᠦᠨᠡᠨ ᠬᠠᠢᠷᠠ ᠮᠥᠩᠬᠡᠳᠡ》 ᠭᠡᠵᠡᠭᠡᠵᠦ ᠪᠠᠢᠬᠤ ᠳᠤ᠂ ᠶᠣᠬᠣᠸᠠ ᠶᠢᠨ ᠥᠷᠭᠥᠭᠡ ᠡᠭᠦᠯᠡ ᠪᠡᠷ ᠳᠦᠭᠦᠷᠪᠡ᠃ 14 ᠡᠭᠦᠯᠡᠨ ᠦ ᠤᠯᠠᠮ ᠢᠶᠠᠷ ᠲᠠᠬᠢᠯᠴᠢᠳ ᠦᠢᠯᠡᠴᠢᠯᠡᠯ ᠢᠶᠡᠨ ᠬᠢᠵᠦ ᠴᠢᠳᠠᠭᠰᠠᠨ ᠦᠭᠡᠢ᠃ ᠶᠣᠬᠣᠸᠠ ᠶᠢᠨ ᠴᠣᠭ ᠵᠢᠪᠬᠤᠯᠠᠩ ᠪᠤᠷᠬᠠᠨ ᠤ ᠥᠷᠭᠥᠭᠡ ᠶᠢ ᠳᠦᠭᠦᠷᠭᠡᠭᠰᠡᠨ ᠪᠠᠢᠪᠠ᠃