ᠲᠣᠭᠠᠯᠠᠯᠭᠠ ᠠᠷᠪᠠᠨ ᠬᠣᠶᠠᠷ
ᠮᠢᠷᠢᠶᠠᠮ ᠠᠷᠣᠨ ᠬᠣᠶᠠᠷ ᠮᠣᠰᠧ ᠶᠢ ᠡᠰᠡᠷᠭᠦᠴᠡᠪᠡ
1 ᠮᠣᠰᠧ ᠡᠲ᠋ᠢᠶᠤᠫᠢᠶᠠ ᠡᠮᠡᠭᠲᠡᠢ ᠲᠡᠢ ᠭᠡᠷᠯᠡᠭᠰᠡᠨ ᠲᠤᠯᠠ ᠡᠲ᠋ᠢᠶᠤᠫᠢᠶᠠ ᠡᠮᠡᠭᠲᠡᠢ ᠶᠢᠨ ᠤᠯᠠᠮ ᠢᠶᠠᠷ ᠮᠢᠷᠢᠶᠠᠮ ᠠᠷᠣᠨ ᠬᠣᠶᠠᠷ ᠮᠣᠰᠧ ᠶᠢ ᠪᠤᠷᠤᠭᠤᠳᠬᠠᠵᠤ᠄ 2 《ᠶᠣᠬᠣᠸᠠ ᠵᠥᠪᠬᠡᠨ ᠮᠣᠰᠧ ᠪᠠᠷ ᠳᠠᠮᠵᠢᠭᠤᠯᠤᠨ ᠶᠠᠷᠢᠳᠠᠭ ᠭᠡᠵᠢ ᠤᠤ︖ ᠲᠡᠷᠡ ᠪᠢᠳᠡᠨ ᠢᠶᠡᠷ ᠴᠤ ᠳᠠᠮᠵᠢᠭᠤᠯᠤᠨ ᠶᠠᠷᠢᠳᠠᠭ ᠦᠭᠡᠢ ᠭᠡᠵᠢ ᠤᠤ︖》 ᠭᠡᠬᠦ ᠶᠢ ᠶᠣᠬᠣᠸᠠ ᠰᠣᠨᠣᠰᠪᠠ᠃ 3 ᠬᠠᠷᠢᠨ ᠮᠣᠰᠧ ᠭᠡᠭᠴᠢ ᠬᠥᠮᠦᠨ ᠭᠠᠵᠠᠷ ᠤᠨ ᠬᠥᠷᠥᠰᠥᠨ ᠳᠡᠭᠡᠷᠡ ᠬᠡᠨ ᠡᠴᠡ ᠴᠤ ᠢᠯᠡᠭᠦᠦ ᠪᠡᠷ ᠮᠠᠰᠢ ᠳᠠᠷᠤᠤ 51 ᠨᠢᠭᠡᠨ ᠪᠠᠢᠯᠠ᠃ 4 ᠶᠣᠬᠣᠸᠠ ᠭᠡᠨᠡᠳᠲᠡ ᠮᠣᠰᠧ᠂ ᠠᠷᠣᠨ᠂ ᠮᠢᠷᠢᠶᠠᠮ ᠳᠤ ᠠᠢᠯᠠᠳᠤᠨ᠄ 《ᠲᠠ ᠭᠤᠷᠪᠠ ᠠᠭᠤᠯᠵᠠᠯᠲᠠ ᠶᠢᠨ ᠴᠠᠴᠠᠷ ᠤᠷᠤᠭᠤ ᠬᠦᠷᠴᠦ ᠢᠷᠡ》 ᠭᠡᠬᠦ ᠳᠦ᠂ ᠲᠡᠷᠡ ᠭᠤᠷᠪᠠ ᠣᠴᠢᠯᠠ᠃ 5 ᠶᠣᠬᠣᠸᠠ ᠡᠭᠦᠯᠡᠨ ᠪᠠᠭᠠᠨᠠ ᠳᠣᠲᠣᠷᠠ ᠪᠠᠭᠤᠵᠤ᠂ ᠣᠷᠣᠰᠢᠬᠤᠢ ᠶᠢᠨ ᠴᠠᠴᠠᠷ ᠤᠨ ᠡᠭᠦᠳᠡᠨ ᠳᠡᠭᠡᠷᠡ ᠵᠣᠭᠰᠣᠭᠠᠳ ᠠᠷᠣᠨ ᠪᠣᠯᠣᠨ ᠮᠢᠷᠢᠶᠠᠮ ᠢ ᠳᠠᠭᠤᠳᠠᠭᠰᠠᠨ ᠳᠤ᠂ ᠲᠡᠷᠡ ᠬᠣᠶᠠᠷ ᠭᠠᠷᠤᠯᠠ᠃ 6 ᠲᠡᠷᠡ ᠪᠡᠷ᠄ 《ᠦᠭᠡ ᠶᠢ ᠮᠢᠨᠢ ᠰᠣᠨᠣᠰ ᠬᠡᠷᠪᠡ ᠲᠠ ᠨᠠᠷ ᠤᠨ ᠳᠤᠮᠳᠠ ᠡᠰᠢ ᠦᠵᠡᠭᠦᠯᠦᠭᠴᠢ ᠪᠠᠢᠪᠠᠯ ᠶᠣᠬᠣᠸᠠ ᠪᠢ ᠲᠡᠭᠦᠨ ᠳᠦ ᠦᠵᠡᠭᠳᠡᠯ ᠢᠶᠡᠷ ᠥᠪᠡᠷ ᠢ ᠪᠠᠨ ᠮᠡᠳᠡᠭᠦᠯᠵᠦ ᠡᠰᠡᠪᠡᠯ ᠵᠡᠭᠦᠳᠦ ᠪᠡᠷ ᠬᠡᠯᠡᠬᠦ ᠪᠣᠯᠪᠠᠴᠤ
7 ᠵᠠᠷᠤᠴᠠ ᠮᠣᠰᠧ ᠳᠡᠭᠡᠨ ᠪᠣᠯ ᠲᠡᠭᠡᠬᠦ ᠦᠭᠡᠢ ᠲᠡᠷᠡ ᠮᠢᠨᠦ ᠪᠦᠬᠦᠢᠯᠡ ᠭᠡᠷ ᠲᠦ ᠢᠲᠡᠭᠡᠮᠵᠢᠲᠦ ᠪᠥᠭᠡᠳ
8 ᠪᠢ ᠳᠠᠯᠳᠠ ᠦᠭᠡ ᠪᠡᠷ ᠪᠢᠰᠢ ᠬᠠᠷᠢᠨ ᠢᠯᠡᠨ ᠳᠠᠯᠠᠨ ᠦᠭᠡᠢ ᠨᠢᠭᠤᠷ ᠲᠤᠯᠤᠨ ᠶᠠᠷᠢᠵᠤ ᠲᠡᠷᠡ ᠴᠤ ᠶᠣᠬᠣᠸᠠ ᠮᠢᠨᠦ ᠲᠥᠷᠬᠥ ᠶᠢ ᠬᠠᠷᠠᠳᠠᠭ ᠲᠡᠢᠮᠦ ᠪᠠᠢᠲᠠᠯᠠ ᠲᠠ ᠨᠠᠷ ᠮᠢᠨᠦ ᠵᠠᠷᠤᠴᠠ ᠮᠣᠰᠧ ᠶᠢ ᠪᠤᠷᠤᠭᠤᠳᠬᠠᠬᠤ ᠠᠴᠠ ᠶᠠᠭᠤᠨ ᠳᠤ ᠦᠯᠦ ᠠᠶᠤᠪᠠ︖》
ᠭᠡᠵᠦ ᠠᠢᠯᠠᠳᠪᠠ᠃ 9 ᠶᠣᠬᠣᠸᠠ ᠶᠢᠨ ᠠᠭᠤᠷ ᠬᠢᠯᠢᠩ ᠲᠡᠳᠡᠨ ᠦ ᠡᠰᠡᠷᠭᠦ ᠰᠢᠲᠠᠭᠰᠠᠨ ᠪᠥᠭᠡᠳ ᠲᠡᠷᠡ ᠰᠠᠯᠵᠤ ᠶᠠᠪᠤᠪᠠ᠃
10 ᠡᠭᠦᠯᠡ ᠴᠠᠴᠠᠷ ᠤᠨ ᠳᠡᠭᠡᠷᠡ ᠡᠴᠡ ᠰᠠᠯᠵᠤ ᠶᠠᠪᠤᠲᠠᠯᠠ ᠮᠢᠷᠢᠶᠠᠮ ᠳᠤ ᠤᠶᠠᠮᠠᠨ ᠡᠪᠡᠳᠴᠢᠨ ᠲᠤᠰᠴᠤ ᠲᠡᠷᠡ ᠴᠠᠰᠤ ᠴᠠᠭᠠᠨ ᠪᠣᠯᠪᠠ︕ ᠠᠷᠣᠨ ᠮᠢᠷᠢᠶᠠᠮ ᠤᠷᠤᠭᠤ ᠡᠷᠭᠢᠵᠦ ᠬᠠᠷᠠᠬᠤ ᠳᠤ᠂ ᠲᠡᠷᠡ ᠤᠶᠠᠮᠠᠨ ᠡᠪᠡᠳᠴᠢᠲᠡᠢ ᠪᠣᠯᠵᠠᠢ︕ 11 ᠠᠷᠣᠨ ᠮᠣᠰᠧ ᠡᠴᠡ ᠭᠤᠶᠤᠨ᠄ 《ᠥᠷᠥᠰᠢᠶᠡᠭᠡᠴᠢ᠂ ᠡᠵᠡᠨᠲᠡᠨ ᠮᠢᠨᠢ᠂ ᠪᠢᠳᠡ ᠮᠤᠩ᠋ᠬᠠᠭᠯᠠᠵᠤ ᠨᠢᠭᠦᠯ ᠦᠢᠯᠡᠳᠦᠭᠰᠡᠨ᠂ ᠡᠨᠡ ᠨᠢᠭᠦᠯ ᠢ ᠪᠢᠳᠡᠨ ᠳᠦ ᠪᠦᠦ ᠲᠣᠬᠣᠭᠠᠴᠢ᠃ 12 ᠲᠠᠨ ᠠᠴᠠ ᠭᠤᠶᠤᠶᠠ᠂ ᠮᠢᠷᠢᠶᠠᠮ ᠢ ᠪᠢᠲᠡᠭᠡᠢ ᠯᠠ ᠡᠬᠡ ᠶᠢᠨ ᠢᠶᠠᠨ ᠬᠡᠪᠡᠯᠢ ᠡᠴᠡ ᠭᠠᠷᠬᠤ ᠳᠠᠭᠠᠨ ᠬᠠᠭᠠᠰ ᠮᠢᠬᠠ ᠨᠢ ᠥᠮᠡᠬᠡᠢᠷᠡᠵᠦ ᠦᠬᠦᠳᠡᠯ ᠪᠣᠯᠣᠭᠰᠠᠨ ᠮᠡᠲᠦ ᠪᠣᠯᠭᠠᠭᠠᠴᠢ》 ᠭᠡᠬᠦ ᠳᠦ᠂ 13 ᠮᠣᠰᠧ ᠶᠣᠬᠣᠸᠠ ᠤᠷᠤᠭᠤ ᠬᠠᠰᠬᠢᠷᠤᠨ ᠭᠤᠶᠤᠵᠤ᠄ 《ᠪᠤᠷᠬᠠᠨ᠂ ᠲᠡᠭᠦᠨ ᠢ ᠡᠳᠡᠭᠡᠭᠡᠴᠢ》 ᠭᠡᠪᠡ᠃ 14 ᠶᠣᠬᠣᠸᠠ ᠮᠣᠰᠧ ᠳᠤ ᠠᠢᠯᠠᠳᠤᠨ᠄ 《ᠬᠡᠷᠪᠡ ᠮᠢᠷᠢᠶᠠᠮ ᠡᠴᠢᠭᠡ ᠪᠡᠷ ᠢᠶᠠᠨ ᠨᠢᠭᠤᠷ ᠤᠷᠤᠭᠤ ᠪᠠᠨ ᠨᠢᠯᠪᠤᠭᠤᠯᠤᠭᠰᠠᠨ ᠪᠣᠯ᠂ ᠲᠡᠷᠡ ᠳᠣᠯᠣᠭᠠᠨ ᠬᠣᠨᠣᠭ ᠤᠨ ᠲᠤᠷᠰᠢ ᠢᠴᠢᠬᠦ ᠦᠭᠡᠢ ᠭᠡᠵᠢ ᠤᠤ︖ ᠲᠡᠭᠦᠨ ᠢ ᠬᠤᠸᠠᠷᠠᠨ ᠤ ᠭᠠᠳᠠᠨᠠ ᠳᠣᠯᠣᠭᠠᠨ ᠬᠣᠨᠣᠭ ᠬᠣᠷᠢᠭᠰᠠᠨ ᠤ ᠳᠠᠷᠠᠭᠠ ᠣᠷᠣᠭᠤᠯ》 ᠭᠡᠰᠡᠨ ᠢᠶᠡᠷ᠂ 15 ᠮᠢᠷᠢᠶᠠᠮ ᠬᠤᠸᠠᠷᠠᠨ ᠤ ᠭᠠᠳᠠᠨᠠ ᠳᠣᠯᠣᠭᠠᠨ ᠬᠣᠨᠣᠭ ᠬᠣᠷᠢᠭᠳᠠᠵᠠᠢ᠃ ᠠᠷᠠᠳ ᠲᠦᠮᠡᠨ ᠠᠶᠠᠨ ᠳᠤ ᠭᠠᠷᠤᠯ ᠦᠭᠡᠢ ᠪᠠᠢᠵᠤ᠂ ᠲᠡᠭᠦᠨ ᠢ ᠬᠤᠸᠠᠷᠠᠨ ᠳᠤ ᠳᠠᠬᠢᠨ ᠣᠷᠣᠭᠤᠯᠤᠭᠰᠠᠨ ᠤ ᠳᠠᠷᠠᠭᠠ ᠯᠠ 16 ᠬᠠᠽᠧᠷᠣᠲ ᠠᠴᠠ ᠬᠥᠳᠡᠯᠦᠨ ᠶᠠᠪᠤᠵᠤ᠂ ᠫᠠᠷᠠᠨ ᠤ ᠴᠥᠯ ᠳᠤ ᠪᠠᠭᠤᠳᠠᠯᠯᠠᠪᠠ᠃