ᠲᠣᠭᠠᠯᠠᠯᠭᠠ ᠭᠤᠴᠢᠨ ᠵᠢᠷᠭᠤᠭᠠ
ᠽᠧᠯᠣᠹᠧᠬᠠᠳ᠋ ᠤᠨ ᠥᠬᠢᠳ ᠤᠨ ᠥᠪ
1 ᠶᠣᠰᠧᠹ ᠤᠨ ᠦᠷᠡ ᠤᠳᠤᠮ ᠪᠣᠯᠬᠤ ᠭᠡᠷ ᠪᠦᠯᠢ ᠨᠦᠭᠦᠳ᠂ ᠥᠭᠡᠷᠡ ᠪᠡᠷ ᠬᠡᠯᠡᠪᠡᠯ ᠮᠠᠨᠠᠰᠧ ᠶᠢᠨ ᠠᠴᠢ᠂ ᠮᠠᠺᠢᠷ ᠤᠨ ᠬᠦᠦ᠂ ᠭᠢᠯᠧᠶᠠᠳ᠋ ᠤᠨ ᠪᠦᠯᠢ ᠨᠦᠭᠦᠳ ᠦᠨ ᠲᠦᠷᠦᠭᠦᠴᠦᠳ ᠣᠢᠷᠠᠲᠤᠨ ᠢᠷᠡᠵᠦ᠂ ᠮᠣᠰᠧ ᠪᠣᠯᠣᠨ ᠢᠰᠷᠧᠯᠴᠦᠳ ᠦᠨ ᠤᠳᠤᠷᠢᠳᠤᠭᠴᠢ᠂ ᠪᠦᠯᠢ ᠨᠦᠭᠦᠳ ᠦᠨ ᠲᠡᠷᠢᠭᠦᠨ ᠨᠦᠭᠦᠳ ᠲᠦ ᠶᠠᠷᠢᠵᠤ᠄ 2 《ᠶᠣᠬᠣᠸᠠ ᠡᠨᠡ ᠭᠠᠵᠠᠷ ᠢ ᠢᠰᠷᠧᠯᠴᠦᠳ ᠲᠦ ᠰᠢᠪᠠᠭᠠ ᠪᠠᠷ ᠥᠭᠬᠦ ᠶᠢ ᠮᠠᠨ ᠤ ᠡᠵᠡᠨᠲᠡᠨ ᠲᠠᠨ ᠳᠤ ᠲᠤᠰᠢᠶᠠᠬᠤ ᠳᠠᠭᠠᠨ ᠮᠠᠨ ᠤ ᠬᠠᠮᠢᠶᠠᠲᠠᠨ ᠽᠧᠯᠣᠹᠧᠬᠠᠳ᠋ ᠤᠨ ᠥᠪ ᠢ ᠲᠡᠭᠦᠨ ᠦ ᠥᠬᠢᠳ ᠲᠤ ᠥᠭᠬᠦ ᠶᠢ ᠴᠤ ᠵᠠᠬᠢᠭᠰᠠᠨ ᠪᠢᠯᠡ᠃ 3 ᠬᠠᠷᠢᠨ ᠲᠡᠷᠡ ᠥᠬᠢᠳ ᠢᠰᠷᠧᠯ ᠤᠨ ᠪᠤᠰᠤᠳ ᠣᠪᠣᠭ ᠤᠨ ᠬᠢᠨ ᠲᠠᠢ ᠭᠡᠷᠯᠡᠪᠡᠯ᠂ ᠥᠪ ᠨᠢ ᠮᠠᠨ ᠤ ᠡᠴᠢᠭᠡ ᠨᠦᠭᠦᠳ ᠦᠨ ᠥᠪ ᠡᠴᠡ ᠬᠠᠰᠤᠭᠳᠠᠵᠤ ᠲᠡᠳᠡᠨ ᠦ ᠨᠥᠬᠥᠷ ᠦᠨ ᠣᠪᠣᠭ ᠤᠨ ᠥᠪ ᠲᠤ ᠨᠡᠮᠡᠭᠳᠡᠬᠦ ᠪᠣᠯᠣᠨᠠ᠃ ᠢᠩᠭᠢᠵᠦ ᠪᠢᠳᠡᠨ ᠳᠦ ᠬᠤᠪᠢᠶᠠᠭᠳᠠᠭᠰᠠᠨ ᠥᠪ ᠬᠠᠰᠤᠭᠳᠠᠬᠤ ᠪᠣᠯᠣᠨᠠ᠃ 4 ᠢᠰᠷᠧᠯᠴᠦᠳ ᠦᠨ ᠡᠪᠡᠷ ᠪᠦᠷᠢᠶᠡᠳᠡᠯᠲᠡ ᠶᠢᠨ ᠵᠢᠯ ᠳᠤ ᠴᠤ ᠲᠡᠳᠡᠨ ᠦ ᠥᠪ ᠨᠢ ᠨᠥᠬᠥᠷ ᠦᠨ ᠢᠶᠠᠨ ᠣᠪᠣᠭ ᠤᠨ ᠥᠪ ᠲᠤ ᠨᠡᠮᠡᠭᠳᠡᠵᠦ᠂ ᠲᠡᠳᠡᠨ ᠦ ᠥᠪ ᠮᠠᠨ ᠤ ᠡᠴᠢᠭᠡ ᠨᠦᠭᠦᠳ ᠦᠨ ᠣᠪᠣᠭ ᠤᠨ ᠥᠪ ᠡᠴᠡ ᠬᠠᠰᠤᠭᠳᠠᠭᠰᠠᠨ ᠶᠣᠰᠣᠭᠠᠷ ᠢᠶᠠᠨ ᠪᠠᠢᠬᠤ ᠪᠣᠯᠣᠨᠠ》 ᠭᠡᠪᠡ᠃
5 ᠮᠣᠰᠧ ᠶᠣᠬᠣᠸᠠ ᠶᠢᠨ ᠦᠭᠡᠨ ᠦ ᠳᠠᠭᠠᠤ ᠢᠰᠷᠧᠯᠴᠦᠳ ᠲᠦ ᠲᠤᠰᠢᠶᠠᠨ᠄ 《ᠶᠣᠰᠧᠹ ᠤᠨ ᠦᠷᠡ ᠤᠳᠤᠮ ᠤᠨ ᠣᠪᠣᠭ ᠤᠨ ᠬᠢᠨ ᠤ ᠶᠠᠷᠢᠭᠰᠠᠨ ᠨᠢ ᠵᠦᠢᠲᠡᠢ᠃ 6 ᠽᠧᠯᠣᠹᠧᠬᠠᠳ᠋ ᠤᠨ ᠥᠬᠢᠳ ᠤᠨ ᠲᠠᠯᠠ ᠪᠠᠷ ᠶᠣᠬᠣᠸᠠ ᠡᠢᠨ ᠬᠦ ᠲᠤᠰᠢᠶᠠᠯᠠ᠄ ᠲᠡᠳᠡ ᠨᠢᠳᠦᠨ ᠳᠡᠭᠡᠨ ᠲᠠᠭᠠᠯᠠᠭᠳᠠᠭᠰᠠᠨ ᠬᠥᠮᠦᠨ ᠲᠡᠢ ᠪᠡᠨ ᠭᠡᠷᠯᠡᠵᠦ ᠪᠣᠯᠣᠨᠠ᠃ ᠬᠠᠷᠢᠨ ᠡᠴᠢᠭᠡ ᠶᠢᠨ ᠢᠶᠠᠨ ᠣᠪᠣᠭ ᠤᠨ ᠠᠢᠮᠠᠭ ᠤᠨ ᠬᠢᠨ ᠲᠠᠢ ᠯᠠ ᠭᠡᠷᠯᠡᠬᠦ ᠶᠣᠰᠣᠲᠠᠢ᠃ 7 ᠲᠡᠢᠨ ᠬᠦ ᠢᠰᠷᠧᠯᠴᠦᠳ ᠦᠨ ᠥᠪ ᠣᠪᠣᠭ ᠠᠴᠠ ᠣᠪᠣᠭ ᠲᠤ ᠰᠢᠯᠵᠢᠬᠦ ᠦᠭᠡᠢ ᠪᠠᠢᠬᠤ ᠪᠥᠭᠡᠳ ᠢᠰᠷᠧᠯ ᠤᠨ ᠬᠥᠮᠦᠨ ᠪᠦᠷᠢ ᠡᠴᠢᠭᠡ ᠨᠦᠭᠦᠳ ᠦᠨ ᠢᠶᠠᠨ ᠣᠪᠣᠭ ᠤᠨ ᠥᠪ ᠢᠶᠡᠨ ᠡᠵᠡᠮᠰᠢᠭᠰᠡᠭᠡᠷ ᠪᠠᠢᠬᠤ ᠪᠣᠯᠣᠨᠠ᠃ 8 ᠢᠰᠷᠧᠯ ᠤᠨ ᠠᠯᠢ ᠨᠢᠭᠡ ᠣᠪᠣᠭ ᠤᠨ ᠬᠢᠨ ᠡᠴᠡ ᠥᠪ ᠣᠯᠣᠭᠰᠠᠨ ᠥᠬᠢᠨ ᠪᠦᠷᠢ ᠡᠴᠢᠭᠡ ᠶᠢᠨ ᠢᠶᠠᠨ ᠣᠪᠣᠭ ᠤᠨ ᠠᠢᠮᠠᠭ ᠤᠨ ᠬᠢᠨ ᠲᠠᠢ ᠯᠠ ᠭᠡᠷᠯᠡᠬᠦ ᠶᠣᠰᠣᠲᠠᠢ᠃ ᠲᠡᠢᠨ ᠬᠦ ᠢᠰᠷᠧᠯ ᠤᠨ ᠬᠥᠮᠦᠨ ᠪᠦᠷᠢ ᠡᠴᠢᠭᠡ ᠶᠢᠨ ᠢᠶᠠᠨ ᠣᠪᠣᠭ ᠤᠨ ᠥᠪ ᠢ ᠬᠠᠳᠠᠭᠠᠯᠠᠨ ᠦᠯᠡᠳᠡᠭᠡᠬᠦ ᠪᠣᠯᠣᠨᠠ᠃ 9 ᠨᠢᠭᠡ ᠣᠪᠣᠭ ᠤᠨ ᠥᠪ ᠨᠥᠭᠥᠭᠡ ᠣᠪᠣᠭ ᠲᠤ ᠰᠢᠯᠵᠢᠵᠦ ᠪᠣᠯᠬᠤ ᠦᠭᠡᠢ᠃ ᠢᠰᠷᠧᠯ ᠤᠨ ᠣᠪᠣᠭ ᠪᠦᠷᠢ ᠥᠪ ᠡᠴᠡ ᠪᠡᠨ ᠵᠢᠭᠤᠷᠠᠵᠤ ᠪᠠᠢᠬᠤ ᠶᠣᠰᠣᠲᠠᠢ》 ᠭᠡᠯᠡ᠃
10 ᠶᠣᠬᠣᠸᠠ ᠶᠢᠨ ᠮᠣᠰᠧ ᠳᠤ ᠲᠤᠰᠢᠶᠠᠭᠰᠠᠨ ᠶᠣᠰᠣᠭᠠᠷ ᠽᠧᠯᠣᠹᠧᠬᠠᠳ᠋ ᠤᠨ ᠥᠬᠢᠳ ᠲᠡᠢᠨ ᠬᠦ ᠦᠢᠯᠡᠳᠪᠡ᠃ 11 ᠽᠧᠯᠣᠹᠧᠬᠠᠳ᠋ ᠤᠨ ᠥᠬᠢᠳ᠂ ᠲᠤᠬᠠᠢᠯᠠᠪᠠᠯ ᠮᠠᠯᠠ᠂ ᠲᠢᠷᠽᠠ᠂ ᠬᠣᠭᠯᠠ᠂ ᠮᠢᠯᠺᠠ᠂ ᠨᠣᠶᠠ ᠨᠠᠷ ᠪᠦᠭᠦᠳᠡᠭᠡᠷ ᠠᠪᠠᠭᠠ ᠨᠠᠷ ᠤᠨ ᠢᠶᠠᠨ ᠬᠥᠪᠡᠭᠦᠳ ᠲᠡᠢ ᠭᠡᠷᠯᠡᠪᠡ᠃ 12 ᠲᠡᠳᠡ ᠶᠣᠰᠧᠹ ᠤᠨ ᠬᠦᠦ ᠮᠠᠨᠠᠰᠧ ᠶᠢᠨ ᠦᠷᠡ ᠤᠳᠤᠮ ᠤᠨ ᠠᠢᠮᠠᠭ ᠤᠨ ᠬᠢᠨ ᠲᠠᠢ ᠭᠡᠷᠯᠡᠭᠰᠡᠨ ᠲᠤᠯᠠ ᠲᠡᠳᠡᠨ ᠦ ᠥᠪ ᠡᠴᠢᠭᠡ ᠶᠢᠨ ᠬᠢᠨᠢ ᠠᠢᠮᠠᠭ ᠤᠨ ᠣᠪᠣᠭ ᠲᠤ ᠦᠯᠡᠳᠡᠭᠰᠡᠨ ᠪᠠᠢᠨᠠ᠃
13 ᠡᠳᠡᠭᠡᠷ ᠨᠢ ᠶᠧᠷᠢᠺᠣ ᠶᠢᠨ ᠬᠠᠷᠠᠯᠳᠤᠭᠠ᠂ ᠶᠣᠷᠳᠠᠨ ᠤ ᠳᠡᠷᠭᠡᠳᠡᠬᠢ ᠮᠣᠶᠠᠪ ᠤᠨ ᠲᠠᠯᠠ ᠳᠤ ᠶᠣᠬᠣᠸᠠ ᠶᠢᠨ ᠮᠣᠰᠧ ᠪᠠᠷ ᠳᠠᠮᠵᠢᠭᠤᠯᠤᠨ ᠢᠰᠷᠧᠯᠴᠦᠳ ᠲᠦ ᠰᠣᠶᠣᠷᠬᠠᠭᠰᠠᠨ ᠲᠤᠰᠢᠶᠠᠯ᠂ ᠶᠣᠰᠣ ᠵᠢᠷᠤᠮ ᠶᠤᠮ᠃