ᠲᠣᠭᠠᠯᠠᠯᠭᠠ ᠬᠣᠷᠢᠨ ᠳᠥᠷᠪᠡ
1 ᠢᠰᠷᠧᠯ ᠢ ᠢᠷᠥᠭᠡᠬᠦ ᠨᠢ ᠶᠣᠬᠣᠸᠠ ᠳᠤ ᠲᠠᠭᠠᠯᠠᠭᠳᠠᠭᠰᠠᠨ ᠢ ᠪᠠᠯᠠᠮ ᠦᠵᠡᠭᠡᠳ ᠤᠷᠢᠳᠤ ᠶᠢᠨ ᠠᠳᠠᠯᠢ ᠷᠢᠳᠢ ᠰᠢᠳᠢ ᠨᠦᠭᠦᠳ ᠬᠠᠢᠨ ᠶᠠᠪᠤᠭᠰᠠᠨ ᠦᠭᠡᠢ᠂ ᠬᠠᠷᠢᠨ ᠨᠢᠭᠤᠷ ᠢᠶᠠᠨ ᠴᠥᠯ ᠤᠷᠤᠭᠤ ᠬᠠᠨᠳᠤᠭᠤᠯᠪᠠ᠃ 2 ᠪᠠᠯᠠᠮ ᠨᠢᠳᠦ ᠪᠡᠨ ᠡᠷᠭᠦᠨ᠂ ᠣᠪᠣᠭ ᠣᠪᠣᠭ ᠢᠶᠠᠷ ᠢᠶᠠᠨ ᠪᠠᠭᠤᠳᠠᠯᠯᠠᠨ ᠪᠤᠢ ᠢᠰᠷᠧᠯ ᠢ ᠬᠠᠷᠠᠲᠠᠯᠠ ᠪᠤᠷᠬᠠᠨ ᠤ ᠰᠦᠨᠡᠰᠦ ᠲᠡᠭᠦᠨ ᠳᠡᠭᠡᠷᠡ ᠢᠷᠡᠯᠡ᠃ 3 ᠲᠡᠷᠡ ᠪᠡᠷ ᠡᠰᠢ ᠦᠵᠡᠭᠦᠯᠦᠨ ᠰᠢᠯᠦᠭᠯᠡᠵᠦ᠄ 《ᠪᠧᠶᠣᠷ ᠤᠨ ᠬᠦᠦ ᠪᠠᠯᠠᠮ ᠤᠨ ᠵᠥᠩᠨᠡᠯ ᠨᠢᠳᠦ ᠨᠢ ᠨᠡᠭᠡᠭᠡᠯᠲᠡ ᠲᠠᠢ ᠬᠥᠮᠦᠨ ᠦ ᠵᠥᠩᠨᠡᠯ
4 ᠪᠤᠷᠬᠠᠨ ᠤ ᠦᠭᠡᠰ ᠢ ᠰᠣᠨᠣᠰᠳᠠᠭ ᠨᠢᠳᠦ ᠨᠡᠭᠡᠭᠡᠨ ᠪᠥᠬᠥᠢᠨ ᠮᠥᠷᠭᠥᠵᠦ ᠲᠡᠭᠦᠰ ᠬᠦᠴᠦᠲᠡᠨ ᠦ ᠦᠵᠡᠭᠳᠡᠯ ᠢ ᠦᠵᠡᠭᠴᠢ ᠬᠥᠮᠦᠨ ᠦ ᠵᠥᠩᠨᠡᠯ᠃
5 ᠶᠠᠺᠣᠪ ᠡ᠂ ᠮᠠᠢᠬᠠᠨ ᠨᠤᠭᠤᠳ ᠴᠢᠨᠢ ᠢᠰᠷᠧᠯ ᠡ᠂ ᠰᠠᠭᠤᠴᠠ ᠨᠤᠭᠤᠳ ᠴᠢᠨᠢ ᠶᠠᠮᠠᠷ ᠭᠣᠶᠣ ᠪᠤᠢ︕
6 ᠠᠭᠤᠳᠠᠮ ᠲᠡᠨᠢᠭᠡᠷ ᠲᠠᠯᠠ ᠬᠥᠨᠳᠡᠢ ᠮᠡᠲᠦ ᠭᠣᠣᠯ ᠤᠨ ᠬᠥᠪᠡᠭᠡᠨ ᠦ ᠴᠡᠴᠡᠷᠯᠢᠭ ᠤᠳ ᠮᠡᠲᠦ ᠶᠣᠬᠣᠸᠠ ᠶᠢᠨ ᠲᠠᠷᠢᠭᠰᠠᠨ ᠵᠠᠭᠤᠨ ᠨᠠᠰᠤᠲᠤ ᠨᠤᠭᠤᠳ ᠮᠡᠲᠦ ᠤᠰᠤᠨ ᠤ ᠳᠡᠷᠭᠡᠳᠡᠬᠢ ᠬᠤᠱᠢ ᠮᠣᠳᠣᠳ ᠮᠡᠲᠦ᠃
7 ᠬᠤᠪᠢᠩ ᠠᠴᠠ ᠨᠢ ᠤᠰᠤ ᠤᠷᠤᠰᠴᠤ ᠦᠷᠡ ᠨᠢ ᠬᠠᠩ᠋ᠭᠠᠯᠤᠭᠤᠨ ᠤᠰᠤ ᠲᠠᠢ ᠲᠡᠭᠦᠨ ᠦ ᠬᠠᠭᠠᠨ ᠠᠭᠠᠭ ᠠᠴᠠ ᠠᠭᠤᠤ ᠲᠡᠭᠦᠨ ᠦ ᠬᠠᠭᠠᠨᠴᠢᠯᠠᠯ ᠠᠯᠳᠠᠷᠰᠢᠨᠠ
8 ᠲᠡᠳᠡᠨ ᠢ ᠶᠧᠵᠢᠫᠲ ᠡᠴᠡ ᠭᠠᠷᠭᠠᠭᠰᠠᠨ ᠪᠤᠷᠬᠠᠨ ᠲᠡᠳᠡᠨ ᠦ ᠬᠤᠪᠢ ᠳᠤ ᠵᠡᠷᠯᠢᠭ ᠦᠬᠡᠷ ᠦᠨ ᠡᠪᠡᠷ ᠮᠡᠲᠦ᠂ ᠥᠰᠲᠡᠨ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠢᠶᠡᠨ ᠲᠡᠳᠡ ᠰᠤᠮᠤ ᠪᠠᠷ ᠢᠶᠠᠨ ᠰᠦᠯᠪᠡᠨ ᠶᠠᠰᠤ ᠶᠢ ᠨᠢ ᠬᠤᠭᠤᠯᠵᠤ ᠵᠠᠯᠭᠢᠨ ᠢᠳᠡᠬᠦ ᠪᠣᠯᠣᠨᠠ᠃
9 ᠮᠢᠷᠢᠶᠠᠬᠤ ᠨᠢ ᠠᠷᠰᠯᠠᠨ ᠮᠡᠲᠦ᠂ ᠥᠯᠥᠭᠴᠢᠨ ᠠᠷᠰᠯᠠᠨ ᠮᠡᠲᠦ᠂ ᠡᠳᠡ ᠨᠠᠷ ᠢ ᠬᠡᠨ ᠪᠣᠰᠬᠠᠵᠤ ᠵᠢᠷᠦᠬᠡᠯᠡᠬᠦ ᠪᠤᠢ︖ ᠴᠢᠮᠠ ᠶᠢ ᠢᠷᠥᠭᠡᠬᠦ ᠪᠦᠬᠦᠨ ᠢᠷᠥᠭᠡᠭᠳᠡᠵᠦ ᠴᠢᠮᠠ ᠶᠢ ᠬᠠᠷᠢᠶᠠᠬᠤ ᠪᠦᠬᠦᠨ ᠬᠠᠷᠢᠶᠠᠭᠳᠠᠬᠤ ᠪᠣᠯᠣᠨᠠ》 ᠭᠡᠪᠡ᠃
10 ᠪᠠᠯᠠᠺ ᠪᠠᠯᠠᠮ ᠳᠤ ᠠᠭᠤᠷᠯᠠᠵᠤ᠂ ᠨᠢᠳᠤᠷᠭᠠ ᠵᠠᠩᠭᠢᠳᠪᠠ᠃ ᠪᠠᠯᠠᠺ ᠪᠠᠯᠠᠮ ᠳᠤ᠄ 《ᠪᠢ ᠳᠠᠢᠰᠤᠨ ᠨᠤᠭᠤᠳ ᠢᠶᠠᠨ ᠬᠠᠷᠢᠶᠠᠯᠭᠠᠬᠤ ᠪᠠᠷ ᠲᠠᠨ ᠢ ᠳᠠᠭᠤᠳᠠᠭᠰᠠᠨ ᠪᠠᠢᠲᠠᠯᠠ ᠲᠠ ᠳᠠᠷᠠᠭᠠᠯᠠᠨ ᠭᠤᠷᠪᠠ ᠤᠳᠠᠭᠠ ᠲᠡᠳᠡᠨ ᠢ ᠢᠷᠥᠭᠡᠭᠰᠡᠨ ᠪᠠᠢᠨᠠ︕ 11 ᠣᠳᠣ ᠲᠠ ᠥᠪᠡᠷ ᠦᠨ ᠢᠶᠠᠨ ᠭᠡᠷ ᠤᠷᠤᠭᠤ ᠲᠣᠨᠢᠯ︕ ᠬᠠᠷᠠ᠂ ᠪᠢ ᠲᠠᠨ ᠢ ᠦᠯᠡᠮᠵᠢ ᠶᠡᠬᠡ ᠪᠡᠷ ᠬᠦᠨᠳᠦᠯᠡᠨᠡ ᠭᠡᠵᠦ ᠬᠡᠯᠡᠭᠰᠡᠨ ᠪᠣᠯᠪᠠᠴᠤ ᠲᠠᠨ ᠤ ᠠᠯᠳᠠᠷ ᠬᠦᠨᠳᠦ ᠣᠯᠬᠤ ᠶᠢ ᠶᠣᠬᠣᠸᠠ ᠪᠣᠯᠢᠭᠤᠯᠤᠭᠰᠠᠨ ᠪᠠᠢᠨᠠ》 ᠭᠡᠪᠡ᠃ 12 ᠪᠠᠯᠠᠮ ᠪᠠᠯᠠᠺ ᠲᠤ᠄ 《ᠨᠠᠳᠠ ᠤᠷᠤᠭᠤ ᠢᠯᠡᠭᠡᠭᠰᠡᠨ ᠲᠠᠨ ᠤ ᠡᠯᠴᠢᠳ ᠲᠤ ᠴᠤ᠄ 13 〈ᠪᠠᠯᠠᠺ ᠠᠯᠲᠠ ᠮᠥᠩᠭᠥ ᠪᠡᠷ ᠳᠦᠭᠦᠷᠡᠩ ᠭᠡᠷ ᠢᠶᠡᠨ ᠥᠭᠭᠥᠭᠰᠡᠨ ᠴᠤ ᠪᠢ ᠶᠣᠬᠣᠸᠠ ᠶᠢᠨ ᠲᠤᠰᠢᠶᠠᠯ ᠠᠴᠠ ᠭᠠᠵᠢᠵᠤ ᠥᠪᠡᠷ ᠦᠨ ᠳᠤᠷᠠ ᠪᠠᠷ ᠰᠠᠢᠨ ᠢ ᠴᠤ᠂ ᠮᠠᠭᠤ ᠶᠢ ᠴᠤ ᠬᠢᠵᠦ ᠴᠢᠳᠠᠬᠤ ᠦᠭᠡᠢ᠂ ᠭᠠᠭᠴᠠ ᠬᠦ ᠶᠣᠬᠣᠸᠠ ᠶᠢᠨ ᠠᠢᠯᠠᠳᠬᠤ ᠶᠢ ᠯᠠ ᠬᠡᠯᠡᠬᠦ ᠪᠣᠯᠣᠨᠠ〉 ᠭᠡᠵᠦ ᠬᠡᠯᠡᠭᠰᠡᠨ ᠪᠢᠰᠢ ᠤᠤ︖ 14 ᠵᠠ᠂ ᠣᠳᠣ ᠪᠢ ᠠᠷᠠᠳ ᠲᠦᠮᠡᠨ ᠤᠷᠤᠭᠤ ᠪᠠᠨ ᠶᠠᠪᠤᠬᠤ ᠭᠡᠵᠦ ᠪᠠᠢᠨᠠ᠃ ᠬᠠᠷᠢᠨ ᠰᠣᠨᠣᠰᠣᠭᠠᠴᠢ᠂ ᠢᠷᠡᠬᠦ ᠡᠳᠦᠷ ᠤᠳ ᠲᠤ ᠡᠨᠡ ᠠᠷᠠᠳ ᠲᠦᠮᠡᠨ ᠲᠠᠨ ᠤ ᠠᠷᠠᠳ ᠲᠦᠮᠡᠨ ᠳᠦ ᠶᠠᠭᠤ ᠬᠢᠬᠦ ᠶᠢ ᠪᠢ ᠲᠠᠨ ᠳᠤ ᠮᠡᠳᠡᠭᠦᠯᠦᠶᠡ》 ᠭᠡᠯᠡ᠃
ᠪᠠᠯᠠᠮ ᠤᠨ ᠳᠥᠷᠪᠡᠳᠡᠬᠢ ᠡᠰᠢ ᠦᠵᠡᠭᠦᠯᠦᠯᠭᠡ
15 ᠪᠠᠯᠠᠮ ᠡᠰᠢ ᠦᠵᠡᠭᠦᠯᠦᠨ ᠰᠢᠯᠦᠭᠯᠡᠵᠦ᠄ 《ᠪᠧᠶᠣᠷ ᠤᠨ ᠬᠦᠦ ᠪᠠᠯᠠᠮ ᠤᠨ ᠵᠥᠩᠨᠡᠯ ᠨᠢᠳᠦ ᠨᠢ ᠨᠡᠭᠡᠭᠡᠯᠲᠡ ᠲᠠᠢ ᠬᠥᠮᠦᠨ ᠦ ᠵᠥᠩᠨᠡᠯ
16 ᠪᠤᠷᠬᠠᠨ ᠤ ᠦᠭᠡᠰ ᠢ ᠰᠣᠨᠣᠰᠳᠠᠭ ᠬᠠᠮᠤᠭ ᠤᠨ ᠳᠡᠭᠡᠳᠦ ᠨᠢᠭᠡᠨ ᠦ ᠮᠡᠳᠡᠯᠭᠡ ᠶᠢ ᠮᠡᠳᠡᠳᠡᠭ ᠨᠢᠳᠦ ᠨᠡᠭᠡᠭᠡᠨ ᠪᠥᠬᠥᠢᠨ ᠮᠥᠷᠭᠥᠵᠦ ᠲᠡᠭᠦᠰ ᠬᠦᠴᠦᠲᠡᠨ ᠦ ᠦᠵᠡᠭᠳᠡᠯ ᠢ ᠦᠵᠡᠳᠡᠭ ᠬᠥᠮᠦᠨ ᠦ ᠢᠯᠡᠷᠬᠡᠶᠢᠯᠡᠯᠭᠡ᠂
17 ᠪᠢ ᠲᠡᠭᠦᠨ ᠢ ᠬᠠᠷᠠᠨᠠ᠂ ᠬᠠᠷᠢᠨ ᠣᠳᠣ ᠪᠢᠰᠢ ᠪᠢ ᠲᠡᠭᠦᠨ ᠢ ᠰᠢᠷᠲᠡᠨᠡ᠂ ᠬᠠᠷᠢᠨ ᠣᠢᠷᠠ ᠪᠢᠰᠢ ᠶᠠᠺᠣᠪ ᠠᠴᠠ ᠨᠢᠭᠡ ᠣᠳᠣ ᠭᠠᠷᠴᠤ ᠢᠷᠡᠭᠡᠳ ᠢᠰᠷᠧᠯ ᠡᠴᠡ ᠨᠢᠭᠡ ᠲᠠᠶᠠᠭ ᠪᠣᠰᠣᠭᠠᠳ ᠮᠣᠶᠠᠪ ᠤᠨ ᠮᠠᠩᠨᠠᠢ ᠶᠢ ᠪᠤᠲᠠᠯᠤᠨ ᠪᠦᠬᠦ ᠦᠢᠮᠡᠭᠡᠨ ᠳᠡᠭᠳᠡᠭᠡᠭᠴᠢ 71 ᠶᠢ ᠤᠰᠠᠳᠬᠠᠨᠠ᠃
18 ᠡᠳᠣᠮ ᠴᠤ ᠲᠡᠭᠦᠨ ᠦ ᠡᠵᠡᠮᠰᠢᠯ ᠪᠣᠯᠣᠨᠠ ᠳᠠᠢᠰᠤᠨ ᠰᠧᠢᠷ ᠴᠤ ᠲᠡᠭᠦᠨ ᠦ ᠡᠵᠡᠮᠰᠢᠯ ᠪᠣᠯᠣᠨᠠ ᠬᠠᠷᠢᠨ ᠢᠰᠷᠧᠯ ᠢᠯᠠᠭᠤᠭᠰᠠᠨ ᠪᠠᠢᠬᠤ ᠪᠣᠯᠣᠨᠠ᠃
19 ᠶᠠᠺᠣᠪ ᠠᠴᠠ ᠨᠢᠭᠡᠨ ᠨᠣᠶᠠᠷᠬᠠᠭᠴᠢ ᠭᠠᠷᠴᠤ ᠬᠣᠲᠠ ᠶᠢᠨ ᠦᠯᠡᠳᠡᠭᠰᠡᠳ ᠢ ᠤᠰᠠᠳᠬᠠᠬᠤ ᠪᠣᠯᠣᠨᠠ》 ᠭᠡᠪᠡ᠃
ᠪᠠᠯᠠᠮ ᠤᠨ ᠲᠠᠪᠤᠳᠠᠬᠢ ᠡᠰᠢ ᠦᠵᠡᠭᠦᠯᠦᠯᠭᠡ
20 ᠲᠡᠷᠡ ᠪᠡᠷ ᠠᠮᠠᠯᠧᠺ ᠤᠷᠤᠭᠤ ᠬᠠᠷᠠᠭᠠᠳ ᠡᠰᠢ ᠦᠵᠡᠭᠦᠯᠦᠨ ᠰᠢᠯᠦᠭᠯᠡᠵᠦ᠄ 《ᠦᠨᠳᠦᠰᠦᠲᠡᠨ ᠨᠦᠭᠦᠳ ᠦᠨ ᠲᠡᠷᠢᠭᠦᠨ ᠠᠮᠠᠯᠧᠺ ᠰᠡᠭᠦᠯ ᠳᠦᠨᠢ ᠰᠦᠢᠷᠡᠯ ᠪᠣᠯᠣᠨᠠ》 ᠭᠡᠯᠡ᠃
21 ᠳᠠᠷᠠᠭᠠ ᠨᠢ ᠺᠧᠨᠴᠦᠳ ᠤᠷᠤᠭᠤ ᠬᠠᠷᠠᠭᠠᠳ ᠡᠰᠢ ᠦᠵᠡᠭᠦᠯᠦᠨ ᠰᠢᠯᠦᠭᠯᠡᠵᠦ᠄ 《ᠣᠷᠣᠨ ᠰᠠᠭᠤᠴᠠ ᠴᠢᠨᠢ ᠪᠠᠲᠤ ᠪᠡᠬᠢ ᠡᠭᠦᠷ ᠴᠢᠨᠢ ᠬᠠᠳᠠᠨ ᠳᠤ ᠣᠷᠣᠰᠢᠬᠤ ᠪᠣᠯᠣᠨᠠ᠃
22 ᠭᠡᠪᠡᠴᠦ ᠺᠧᠨ ᠰᠢᠲᠠᠭᠠᠭᠳᠠᠵᠤ ᠬᠣᠵᠢᠮ ᠨᠢ ᠠᠱᠦ᠋ᠷ ᠤᠨ ᠣᠯᠵᠠᠯᠠᠭᠳᠠᠭᠴᠢ ᠪᠣᠯᠣᠨᠠ》 ᠭᠡᠪᠡ᠃
ᠪᠠᠯᠠᠮ ᠤᠨ ᠵᠢᠷᠭᠤᠳᠠᠬᠢ ᠡᠰᠢ ᠦᠵᠡᠭᠦᠯᠦᠯᠭᠡ
23 ᠲᠡᠷᠡ ᠪᠡᠷ ᠡᠰᠢ ᠦᠵᠡᠭᠦᠯᠦᠨ ᠰᠢᠯᠦᠭᠯᠡᠵᠦ᠄ 《ᠠᠶᠠ᠂ ᠪᠤᠷᠬᠠᠨ ᠡᠢᠨ ᠬᠦ ᠦᠢᠯᠡᠳᠬᠦ ᠳᠦ ᠬᠡᠨ ᠠᠮᠢᠳᠤ ᠦᠯᠡᠳᠡᠬᠦ ᠪᠤᠢ︖
24 ᠺᠢᠲ᠋ᠢᠮ ᠤᠨ ᠲᠡᠷᠲᠡᠭᠡ ᠡᠴᠡ ᠢᠷᠡᠬᠦ ᠬᠥᠯᠭᠡ ᠣᠩ᠋ᠭᠣᠴᠠ ᠨᠤᠭᠤᠳ ᠠᠱᠦ᠋ᠷ ᠢ ᠵᠣᠪᠠᠭᠠᠨᠠ᠂ ᠡᠪᠧᠷ ᠢ ᠴᠤ ᠵᠣᠪᠠᠭᠠᠨᠠ ᠬᠠᠷᠢᠨ ᠲᠡᠳᠡ ᠴᠤ ᠰᠦᠢᠷᠡᠨᠡ》 ᠭᠡᠯᠡ᠃
25 ᠪᠠᠯᠠᠮ ᠪᠣᠰᠴᠤ᠂ ᠥᠪᠡᠷ ᠦᠨ ᠢᠶᠠᠨ ᠭᠡᠷ ᠤᠷᠤᠭᠤ ᠪᠤᠴᠠᠵᠤ᠂ ᠪᠠᠯᠠᠺ ᠴᠤ ᠥᠪᠡᠷ ᠦᠨ ᠢᠶᠠᠨ ᠵᠠᠮ ᠢᠶᠠᠷ ᠣᠳᠣᠭᠰᠠᠨ ᠪᠠᠢᠨᠠ᠃