ᠲᠣᠭᠠᠯᠠᠯᠭᠠ ᠠᠷᠪᠠᠨ ᠳᠣᠯᠣᠭᠠ
ᠠᠷᠣᠨ ᠤ ᠲᠠᠶᠠᠭ ᠨᠠᠬᠢᠶᠠᠯᠠᠪᠠ
1 ᠶᠣᠬᠣᠸᠠ ᠮᠣᠰᠧ ᠳᠤ ᠠᠢᠯᠠᠳᠤᠨ᠄ 2 《ᠢᠰᠷᠧᠯᠴᠦᠳ ᠲᠦ ᠵᠠᠬᠢᠵᠤ᠂ ᠡᠴᠢᠭᠡ ᠡᠪᠦᠭᠡᠳ ᠦᠨ ᠬᠢᠨᠢ ᠣᠪᠣᠭ ᠤᠨ ᠳᠠᠭᠠᠤ ᠠᠷᠪᠠᠨ ᠬᠣᠶᠠᠷ ᠲᠠᠶᠠᠭ᠂ ᠲᠤᠬᠠᠢᠯᠠᠪᠠᠯ ᠣᠪᠣᠭ ᠪᠦᠷᠢ ᠶᠢᠨ ᠬᠢᠨᠢ ᠤᠳᠤᠷᠢᠳᠤᠭᠴᠢ ᠡᠴᠡ ᠨᠢᠭᠡ ᠲᠠᠶᠠᠭ ᠠᠪᠴᠤ᠂ ᠲᠠᠶᠠᠭ ᠪᠦᠷᠢ ᠳᠡᠭᠡᠷᠡ ᠨᠡᠷᠡ ᠶᠢ ᠨᠢ ᠪᠢᠴᠢ᠃ 3 ᠯᠧᠸᠢ ᠣᠪᠣᠭ ᠤᠨ ᠲᠠᠶᠠᠭ ᠳᠡᠭᠡᠷᠡ ᠠᠷᠣᠨ ᠤ ᠨᠡᠷᠡ ᠶᠢ ᠪᠢᠴᠢ᠂ ᠲᠡᠢᠨ ᠬᠦ ᠣᠪᠣᠭ ᠪᠦᠷᠢ ᠶᠢᠨ ᠲᠡᠷᠢᠭᠦᠨ ᠪᠣᠯᠭᠠᠨ ᠳᠤ ᠨᠢᠭᠡ ᠲᠠᠶᠠᠭ ᠪᠠᠢᠬᠤ ᠶᠣᠰᠣᠲᠠᠢ᠃ 4 ᠴᠢ ᠲᠡᠳᠡᠭᠡᠷ ᠲᠠᠶᠠᠭ ᠢ ᠠᠭᠤᠯᠵᠠᠯᠲᠠ ᠶᠢᠨ ᠴᠠᠴᠠᠷ ᠤᠨ ᠳᠣᠲᠣᠷᠠ ᠮᠢᠨᠦ ᠴᠢᠮᠠ ᠲᠠᠢ ᠠᠭᠤᠯᠵᠠᠳᠠᠭ ᠭᠡᠷᠡᠴᠢᠯᠡᠯ ᠦᠨ ᠠᠪᠳᠠᠷᠠ ᠶᠢᠨ ᠡᠮᠦᠨᠡ ᠲᠠᠯᠪᠢ᠃ 5 ᠮᠢᠨᠦ ᠰᠣᠩ᠋ᠭᠣᠬᠤ ᠬᠥᠮᠦᠨ ᠦ ᠲᠠᠶᠠᠭ ᠨᠠᠬᠢᠶᠠᠯᠠᠬᠤ ᠪᠣᠯᠣᠨᠠ᠃ ᠲᠡᠢᠨ ᠬᠦ ᠪᠢ ᠲᠠ ᠨᠠᠷ ᠤᠨ ᠡᠰᠡᠷᠭᠦ ᠪᠣᠰᠳᠠᠭ ᠢᠰᠷᠧᠯᠴᠦᠳ ᠦᠨ ᠪᠣᠰᠣᠯᠭᠠ ᠶᠢ ᠨᠠᠮᠵᠢᠭᠠᠶᠠ》 ᠭᠡᠪᠡ᠃ 6 ᠮᠣᠰᠧ ᠡᠭᠦᠨ ᠢ ᠢᠰᠷᠧᠯᠴᠦᠳ ᠲᠦ ᠬᠡᠯᠡᠭᠰᠡᠨ ᠳᠦ᠂ ᠣᠪᠣᠭ ᠤᠨ ᠤᠳᠤᠷᠢᠳᠤᠭᠴᠢ ᠪᠦᠷᠢ ᠨᠢᠭᠡ ᠨᠢᠭᠡ ᠶᠢ᠂ ᠨᠡᠢᠲᠡ ᠠᠷᠪᠠᠨ ᠬᠣᠶᠠᠷ ᠲᠠᠶᠠᠭ ᠢ ᠲᠡᠭᠦᠨ ᠳᠦ ᠥᠭᠭᠥᠭᠰᠡᠨ ᠪᠠᠢᠨᠠ᠃ ᠲᠠᠶᠠᠭ ᠤᠳ ᠤᠨ ᠬᠢᠨᠢ ᠳᠤᠮᠳᠠ ᠠᠷᠣᠨ ᠤ ᠲᠠᠶᠠᠭ ᠴᠤ ᠪᠠᠢᠪᠠ᠃ 7 ᠮᠣᠰᠧ ᠲᠠᠶᠠᠭ ᠤᠳ ᠢ ᠭᠡᠷᠡᠴᠢᠯᠡᠯ ᠦᠨ ᠴᠠᠴᠠᠷ ᠤᠨ ᠳᠣᠲᠣᠷᠠ ᠶᠣᠬᠣᠸᠠ ᠶᠢᠨ ᠡᠮᠦᠨᠡ ᠲᠠᠯᠪᠢᠭᠰᠠᠨ ᠪᠠᠢᠨᠠ᠃
8 ᠳᠠᠷᠠᠭᠠ ᠡᠳᠦᠷ ᠨᠢ ᠮᠣᠰᠧ ᠭᠡᠷᠡᠴᠢᠯᠡᠯ ᠦᠨ ᠴᠠᠴᠠᠷ ᠳᠣᠲᠣᠷᠠ ᠣᠷᠣᠭᠠᠳ ᠬᠠᠷᠠᠲᠠᠯᠠ ᠯᠧᠸᠢ ᠶᠢᠨ ᠭᠡᠷ ᠦᠨ ᠠᠷᠣᠨ ᠤ ᠲᠠᠶᠠᠭ ᠨᠠᠬᠢᠶᠠᠯᠠᠵᠤ᠂ ᠭᠥᠯᠦᠭᠡᠯᠡᠵᠦ᠂ ᠴᠡᠴᠡᠭ ᠳᠡᠯᠭᠡᠷᠡᠵᠦ ᠪᠤᠢᠯᠠᠰᠤ ᠶᠢᠨ ᠵᠢᠮᠢᠰ ᠰᠠᠭᠤᠭᠰᠠᠨ ᠪᠠᠢᠯᠠ︕ 9 ᠮᠣᠰᠧ ᠪᠦᠬᠦ ᠲᠠᠶᠠᠭ ᠢ ᠶᠣᠬᠣᠸᠠ ᠶᠢᠨ ᠣᠷᠣᠰᠢᠬᠤᠢ ᠠᠴᠠ ᠪᠦᠬᠦ ᠢᠰᠷᠧᠯᠴᠦᠳ ᠦᠨ ᠡᠮᠦᠨᠡ ᠠᠪᠴᠢᠷᠠᠭᠰᠠᠨ ᠳᠤ᠂ ᠲᠡᠳᠡ ᠬᠠᠷᠠᠭᠠᠳ ᠬᠥᠮᠦᠨ ᠪᠦᠷᠢ ᠲᠠᠶᠠᠭ ᠢᠶᠠᠨ ᠠᠪᠤᠪᠠ᠃ 10 ᠶᠣᠬᠣᠸᠠ ᠮᠣᠰᠧ ᠳᠤ ᠠᠢᠯᠠᠳᠤᠨ᠄ 《ᠴᠢ ᠠᠷᠣᠨ ᠤ ᠲᠠᠶᠠᠭ ᠢ ᠭᠡᠷᠡᠴᠢᠯᠡᠯ ᠦᠨ ᠠᠪᠳᠠᠷᠠ ᠶᠢᠨ ᠡᠮᠦᠨᠡ ᠪᠤᠴᠠᠭᠠᠨ ᠲᠠᠯᠪᠢᠵᠤ᠂ ᠲᠡᠷᠰᠯᠡᠭᠴᠢᠳ ᠲᠤ ᠲᠡᠮᠳᠡᠭ ᠪᠣᠯᠭᠠᠨ ᠬᠠᠳᠠᠭᠠᠯᠠ᠃ ᠡᠢᠨ ᠬᠦ ᠨᠠᠮᠠᠶᠢ ᠡᠰᠡᠷᠭᠦᠴᠡᠬᠦ ᠲᠡᠳᠡᠨ ᠦ ᠪᠣᠰᠣᠯᠭᠠ ᠵᠣᠭᠰᠣᠵᠤ᠂ ᠲᠡᠳᠡ ᠡᠭᠦᠨ ᠢᠶᠡᠷ ᠦᠬᠦᠬᠦ ᠦᠭᠡᠢ ᠪᠣᠯᠣᠨᠠ》 ᠭᠡᠪᠡ᠃ 11 ᠮᠣᠰᠧ ᠶᠣᠬᠣᠸᠠ ᠶᠢᠨ ᠥᠪᠡᠷ ᠲᠤᠨᠢ ᠲᠤᠰᠢᠶᠠᠭᠰᠠᠨ ᠶᠣᠰᠣᠭᠠᠷ ᠲᠡᠢᠨ ᠬᠦ ᠦᠢᠯᠡᠳᠪᠡ᠃
12 ᠢᠰᠷᠧᠯᠴᠦᠳ ᠮᠣᠰᠧ ᠳᠤ᠄ 《ᠬᠠᠷᠠ᠂ ᠪᠢᠳᠡ ᠴᠤ ᠰᠦᠢᠷᠡᠬᠦ ᠨᠢ ᠡ᠃ ᠪᠢᠳᠡ ᠪᠦᠭᠦᠳᠡ ᠦᠬᠦᠵᠦ ᠤᠰᠠᠳᠬᠤ ᠪᠣᠯᠣᠯᠠ︕ 13 ᠶᠣᠬᠣᠸᠠ ᠶᠢᠨ ᠣᠷᠣᠰᠢᠬᠤᠢ ᠶᠢᠨ ᠴᠠᠴᠠᠷ ᠲᠤ ᠣᠢᠷᠠᠲᠤᠵᠤ ᠣᠴᠢᠭᠰᠠᠨ ᠬᠥᠮᠦᠨ ᠪᠦᠷᠢ ᠦᠬᠦᠴᠢᠭᠡᠳᠡᠭ᠃ ᠪᠢᠳᠡ ᠪᠦᠭᠦᠳᠡ ᠢᠩᠭᠢᠵᠦ ᠰᠦᠢᠷᠡᠬᠦ ᠨᠢ ᠤᠤ︖》 ᠭᠡᠵᠡᠭᠡᠪᠡ᠃