ᠭᠡᠲᠦᠯᠦᠯ ᠶᠢᠰᠦ
ᠬᠢᠵᠢᠭ ᠤᠨ ᠭᠠᠮᠰᠢᠭ (5)
1 ᠶᠣᠬᠣᠸᠠ ᠮᠣᠰᠧ ᠳᠤ᠄ 《ᠹᠠᠷᠠᠣ᠋ ᠳᠤ ᠣᠴᠢᠵᠤ᠂ ᠲᠡᠭᠦᠨ ᠳᠦ ᠢᠪᠷᠠᠢᠴᠤᠳ ᠤᠨ ᠪᠤᠷᠬᠠᠨ ᠶᠣᠬᠣᠸᠠ ᠢᠩᠭᠢᠵᠦ ᠠᠢᠯᠠᠳᠴᠤ ᠪᠠᠢᠨᠠ᠄ 〈ᠮᠢᠨᠦ ᠠᠷᠠᠳ ᠲᠦᠮᠡᠨ ᠢ ᠶᠠᠪᠤᠭᠤᠯ᠃ ᠲᠡᠳᠡ ᠨᠠᠳᠠ ᠳᠤ ᠮᠥᠷᠭᠥᠨᠡ᠃ 2 ᠬᠡᠷᠪᠡ ᠴᠢ ᠲᠡᠳᠡᠨ ᠢ ᠶᠠᠪᠤᠭᠤᠯᠬᠤ ᠦᠭᠡᠢ ᠪᠠᠷᠢᠭᠰᠠᠭᠠᠷ ᠪᠠᠢᠪᠠᠯ 3 ᠶᠣᠬᠣᠸᠠ ᠶᠢᠨ ᠮᠤᠲᠤᠷ ᠬᠡᠭᠡᠷᠡ ᠪᠠᠢᠭᠠ ᠴᠢᠨᠦ ᠮᠠᠯ ᠰᠦᠷᠦᠭ ᠢ ᠴᠣᠬᠢᠨ᠂ ᠴᠢᠨᠦ ᠠᠳᠤᠭᠤ᠂ ᠡᠯᠵᠢᠭᠡ᠂ ᠲᠡᠮᠡᠭᠡ᠂ ᠦᠬᠡᠷ᠂ ᠬᠣᠨᠢᠨ ᠳᠡᠭᠡᠷᠡ ᠬᠦᠨᠳᠦ ᠭᠡᠮ ᠲᠠᠬᠤᠯ ᠪᠠᠭᠤᠯᠭᠠᠨᠠ︕ 4 ᠭᠡᠪᠡᠴᠦ ᠶᠣᠬᠣᠸᠠ ᠢᠰᠷᠧᠯ ᠤᠨ ᠮᠠᠯ ᠪᠣᠯᠣᠨ ᠶᠧᠵᠢᠫᠲ ᠤᠨ ᠮᠠᠯ ᠤᠨ ᠬᠣᠭᠣᠷᠣᠨᠳᠣ ᠵᠠᠭᠠᠭ ᠲᠠᠯᠪᠢᠬᠤ ᠪᠣᠯᠬᠣᠷ ᠢᠰᠷᠧᠯᠴᠦᠳ ᠦᠨ ᠮᠠᠯ ᠠᠴᠠ ᠨᠢᠭᠡ ᠨᠢ ᠴᠤ ᠦᠬᠦᠬᠦ ᠦᠭᠡᠢ〉 ᠭᠡᠭᠡᠷᠡᠢ》 ᠬᠡᠮᠡᠨ ᠠᠢᠯᠠᠳᠪᠠ᠃ 5 ᠶᠣᠬᠣᠸᠠ ᠴᠠᠭ ᠲᠣᠪᠯᠠᠨ᠄ 《ᠮᠠᠷᠭᠠᠰᠢ ᠶᠣᠬᠣᠸᠠ ᠪᠢ ᠡᠭᠦᠨ ᠢ ᠡᠨᠡ ᠭᠠᠵᠠᠷ ᠲᠤ ᠦᠢᠯᠡᠳᠦᠨᠡ》 ᠭᠡᠪᠡ᠃ 6 ᠳᠠᠷᠠᠭᠠ ᠡᠳᠦᠷ ᠨᠢ ᠶᠣᠬᠣᠸᠠ ᠡᠭᠦᠨ ᠢ ᠦᠢᠯᠡᠳᠦᠭᠰᠡᠨ ᠳᠦ᠂ ᠶᠧᠵᠢᠫᠲ ᠤᠨ ᠪᠦᠬᠦ ᠮᠠᠯ ᠦᠬᠦᠭᠰᠡᠨ ᠬᠢᠷᠢ ᠨᠢ ᠢᠰᠷᠧᠯᠴᠦᠳ ᠦᠨ ᠮᠠᠯ ᠠᠴᠠ ᠨᠢᠭᠡ ᠨᠢ ᠴᠤ ᠦᠬᠦᠭᠰᠡᠨ ᠦᠭᠡᠢ᠃ 7 ᠹᠠᠷᠠᠣ᠋ ᠶᠢᠨ ᠶᠠᠪᠤᠭᠤᠯᠤᠭᠰᠠᠨ ᠬᠥᠮᠦᠨ ᠬᠠᠷᠠᠬᠤ ᠳᠤ᠂ ᠢᠰᠷᠧᠯ ᠤᠨ ᠮᠠᠯ ᠠᠴᠠ ᠨᠢᠭᠡ ᠨᠢ ᠴᠤ ᠦᠬᠦᠭᠡ ᠦᠭᠡᠢ ᠪᠠᠢᠪᠠ︕ ᠭᠡᠪᠡᠴᠦ ᠹᠠᠷᠠᠣ᠋ ᠶᠢᠨ ᠵᠢᠷᠦᠬᠡ ᠬᠠᠲᠠᠭᠤᠷᠠᠨ ᠠᠷᠠᠳ ᠲᠦᠮᠡᠨ ᠢ ᠶᠠᠪᠤᠭᠤᠯᠤᠭᠰᠠᠨ ᠦᠭᠡᠢ᠃
ᠢᠳᠡᠭᠡᠲᠦ ᠶᠠᠷᠠ ᠶᠢᠨ ᠭᠠᠮᠰᠢᠭ (6)
8 ᠶᠣᠬᠣᠸᠠ ᠮᠣᠰᠧ᠂ ᠠᠷᠣᠨ ᠬᠣᠶᠠᠷ ᠲᠤ᠄ 《ᠲᠠ ᠨᠠᠷ ᠵᠤᠤᠬᠠᠨ ᠤ ᠬᠥ᠋ ᠲᠣᠷᠲᠣᠭ ᠠᠴᠠ ᠬᠣᠶᠠᠷ ᠠᠯᠠᠭᠠᠨ ᠳᠠᠭᠠᠨ ᠳᠦᠭᠦᠷᠡᠩ ᠠᠪ᠂ ᠲᠡᠭᠡᠭᠡᠳ ᠮᠣᠰᠧ ᠴᠢ ᠡᠭᠦᠨ ᠢ ᠹᠠᠷᠠᠣ᠋ ᠶᠢᠨ ᠨᠢᠳᠦᠨ ᠦ ᠡᠮᠦᠨᠡ ᠲᠩᠷᠢ ᠥᠭᠡᠳᠡ ᠰᠠᠴᠤᠭᠠᠷᠠᠢ᠃ 9 ᠲᠡᠷᠡ ᠬᠥ᠋ ᠶᠧᠵᠢᠫᠲ ᠤᠨ ᠪᠦᠬᠦ ᠨᠤᠲᠤᠭ ᠲᠤ ᠲᠣᠭᠣᠰᠣ ᠪᠣᠯᠵᠤ᠂ ᠶᠧᠵᠢᠫᠲ ᠤᠨ ᠨᠤᠲᠤᠭ ᠳᠠᠶᠠᠭᠠᠷ ᠤᠨ ᠬᠥᠮᠦᠨ᠂ ᠮᠠᠯ ᠳᠤ ᠬᠠᠲᠠᠭᠢ ᠬᠠᠯᠳᠠᠭᠠᠨᠠ》 ᠭᠡᠵᠦ ᠠᠢᠯᠠᠳᠪᠠ᠃ 10 ᠡᠢᠮᠦ ᠡᠴᠡ ᠲᠡᠳᠡ ᠵᠤᠤᠬᠠ ᠠᠴᠠ ᠬᠥ᠋ ᠠᠪᠴᠤ᠂ ᠹᠠᠷᠠᠣ᠋ ᠶᠢᠨ ᠡᠮᠦᠨᠡ ᠵᠣᠭᠰᠣᠯᠠ᠃ ᠮᠣᠰᠧ ᠬᠥ᠋ ᠶᠢ ᠲᠩᠷᠢ ᠥᠭᠡᠳᠡ ᠰᠠᠴᠤᠭᠰᠠᠨ ᠳᠤ ᠬᠥᠮᠦᠨ᠂ ᠮᠠᠯ ᠳᠤ ᠬᠠᠲᠠᠭᠢ ᠬᠠᠯᠳᠠᠪᠠ᠃ 11 ᠶᠢᠯᠸᠢᠴᠢᠳ ᠴᠤ ᠬᠠᠲᠠᠭᠢ ᠶᠢᠨ ᠤᠯᠠᠮ ᠢᠶᠠᠷ ᠮᠣᠰᠧ ᠶᠢᠨ ᠡᠮᠦᠨᠡ ᠵᠣᠭᠰᠣᠵᠤ ᠴᠢᠳᠠᠭᠰᠠᠨ ᠦᠭᠡᠢ᠃ ᠪᠤᠰᠤᠳ ᠪᠦᠬᠦ ᠶᠧᠵᠢᠫᠲ᠋ᠴᠦᠳ ᠲᠡᠢ ᠠᠳᠠᠯᠢ ᠪᠠᠷ ᠶᠢᠯᠸᠢᠴᠢᠳ ᠲᠤ ᠴᠤ ᠬᠠᠲᠠᠭᠢ ᠬᠠᠯᠳᠠᠭᠰᠠᠨ ᠪᠠᠢᠪᠠ᠃ 12 ᠭᠡᠪᠡᠴᠦ ᠶᠣᠬᠣᠸᠠ ᠹᠠᠷᠠᠣ᠋ ᠶᠢᠨ ᠵᠢᠷᠦᠬᠡ ᠶᠢ ᠬᠠᠲᠠᠭᠤᠷᠠᠭᠤᠯᠤᠭᠰᠠᠨ ᠳᠤ᠂ ᠲᠡᠷᠡ ᠮᠣᠰᠧ᠂ ᠠᠷᠣᠨ ᠬᠣᠶᠠᠷ ᠤᠨ ᠬᠢ ᠶᠢ ᠰᠣᠨᠣᠰᠣᠭᠰᠠᠨ ᠦᠭᠡᠢ᠃ ᠡᠨᠡ ᠨᠢ ᠶᠣᠬᠣᠸᠠ ᠶᠢᠨ ᠮᠣᠰᠧ ᠳᠤ ᠠᠢᠯᠠᠳᠤᠭᠰᠠᠨ ᠶᠣᠰᠣᠭᠠᠷ ᠪᠣᠯᠪᠠ᠃
ᠮᠥᠨᠳᠥᠷ ᠦᠨ ᠭᠠᠮᠰᠢᠭ (7)
13 ᠶᠣᠬᠣᠸᠠ ᠮᠣᠰᠧ ᠳᠤ᠄ 《ᠥᠷᠯᠥᠭᠡ ᠡᠷᠲᠡ ᠪᠣᠰ᠂ ᠹᠠᠷᠠᠣ᠋ ᠶᠢᠨ ᠡᠮᠦᠨᠡ ᠵᠣᠭᠰᠣᠭᠠᠳ ᠲᠡᠭᠦᠨ ᠳᠦ ᠢᠪᠷᠠᠢᠴᠤᠳ ᠤᠨ ᠪᠤᠷᠬᠠᠨ ᠶᠣᠬᠣᠸᠠ ᠢᠩᠭᠢᠵᠦ ᠠᠢᠯᠠᠳᠴᠤ ᠪᠠᠢᠨᠠ᠄ 〈ᠮᠢᠨᠦ ᠠᠷᠠᠳ ᠲᠦᠮᠡᠨ ᠢ ᠶᠠᠪᠤᠭᠤᠯ᠃ ᠲᠡᠳᠡ ᠨᠠᠳᠠ ᠳᠤ ᠮᠥᠷᠭᠥᠨᠡ᠃ 14 ᠡᠰᠡ ᠲᠡᠭᠡᠪᠡᠯ ᠪᠢ ᠡᠨᠡ ᠤᠳᠠᠭᠠ ᠴᠢ ᠪᠣᠯᠣᠨ ᠴᠢᠨᠦ ᠵᠠᠷᠤᠴᠠ ᠨᠠᠷ ᠲᠤ᠂ ᠴᠢᠨᠦ ᠠᠷᠠᠳ ᠲᠦᠮᠡᠨ ᠦ ᠳᠡᠭᠡᠷᠡ ᠪᠦᠬᠦ ᠭᠠᠮᠰᠢᠭ ᠢ ᠪᠠᠭᠤᠯᠭᠠᠬᠤ ᠭᠡᠵᠦ ᠪᠠᠢᠨᠠ᠃ ᠡᠢᠨ ᠬᠦ ᠴᠢ ᠪᠦᠬᠦ ᠭᠠᠵᠠᠷ ᠳᠡᠯᠡᠬᠡᠢ ᠳᠦ ᠨᠠᠳᠠ ᠲᠠᠢ ᠠᠳᠠᠯᠢ ᠨᠢᠭᠡᠨ ᠨᠢ ᠥᠭᠡᠷᠡ ᠪᠠᠢᠬᠤ ᠦᠭᠡᠢ ᠶᠢ ᠮᠡᠳᠡᠬᠦ ᠪᠣᠯᠣᠨᠠ᠃ 15 ᠬᠡᠷᠪᠡ ᠪᠢ ᠮᠤᠲᠤᠷ ᠢᠶᠠᠨ ᠰᠤᠩ᠋ᠭᠠᠵᠤ᠂ ᠴᠢᠮᠠᠶᠢ ᠠᠷᠠᠳ ᠲᠦᠮᠡᠨ ᠦ ᠴᠢᠨᠢ ᠬᠠᠮᠲᠤ ᠲᠠᠬᠤᠯ ᠢᠶᠠᠷ ᠴᠣᠬᠢᠭᠰᠠᠨ ᠪᠣᠯ ᠴᠢ ᠭᠠᠵᠠᠷ ᠠᠴᠠ ᠬᠡᠳᠦᠢᠨ ᠤᠰᠠᠳᠬᠠᠭᠳᠠᠬᠤ ᠪᠠᠢᠭᠰᠠᠨ᠃ 16 ᠲᠡᠢᠮᠦ ᠬᠢᠷᠢ ᠨᠢ ᠪᠢ ᠴᠢᠮᠠ ᠳᠤ ᠬᠦᠴᠦ ᠪᠡᠨ ᠦᠵᠡᠭᠦᠯᠦᠨ ᠭᠠᠵᠠᠷ ᠳᠠᠶᠠᠭᠠᠷ ᠨᠡᠷᠡ ᠪᠡᠨ ᠲᠤᠩ᠋ᠬᠠᠭᠯᠠᠬᠤ ᠵᠣᠷᠢᠯᠭᠠ ᠪᠠᠷ ᠴᠢᠮᠠᠶᠢ ᠠᠮᠢᠳᠤ ᠦᠯᠡᠳᠡᠭᠡᠭᠰᠡᠨ᠃ 17 ᠭᠡᠪᠡᠴᠦ ᠴᠢ ᠮᠢᠨᠦ ᠠᠷᠠᠳ ᠲᠦᠮᠡᠨ ᠳᠦ ᠳᠡᠭᠡᠷᠡᠩᠭᠦᠢ ᠬᠠᠨᠳᠤᠵᠤ᠂ ᠲᠡᠳᠡᠨ ᠢ ᠶᠠᠪᠤᠭᠤᠯᠬᠤ ᠦᠭᠡᠢ ᠪᠠᠢᠭᠰᠠᠭᠠᠷ ᠪᠠᠢᠨᠠ᠃ 18 ᠡᠢᠮᠦ ᠡᠴᠡ ᠪᠢ ᠮᠠᠷᠭᠠᠰᠢ ᠶᠢᠨ ᠡᠨᠡ ᠴᠠᠭ ᠲᠤ᠂ ᠶᠧᠵᠢᠫᠲ ᠪᠠᠢᠭᠤᠯᠤᠭᠳᠠᠭᠰᠠᠨ ᠠᠴᠠ ᠬᠣᠢᠰᠢ ᠡᠳᠦᠢ ᠬᠦᠷᠲᠡᠯᠡ ᠦᠵᠡᠭᠡ ᠦᠭᠡᠢ ᠠᠶᠤᠮᠰᠢᠭᠲᠤ ᠮᠥᠨᠳᠥᠷ ᠢ ᠪᠠᠭᠤᠯᠭᠠᠨᠠ︕ 19 ᠴᠢ ᠣᠳᠣ ᠬᠥᠮᠦᠨ ᠶᠠᠪᠤᠭᠤᠯᠵᠤ᠂ ᠮᠠᠯ ᠰᠦᠷᠦᠭ ᠲᠡᠳᠦᠢ ᠦᠭᠡᠢ᠂ ᠬᠡᠭᠡᠷᠡ ᠪᠠᠢᠭᠠ ᠪᠦᠬᠦ ᠶᠠᠭᠤᠮᠠ ᠪᠠᠨ ᠠᠶᠤᠯ ᠦᠭᠡᠢ ᠭᠠᠵᠠᠷ ᠲᠤ ᠳᠠᠷᠤᠢᠬᠠᠨ ᠣᠷᠣᠭᠤᠯᠤᠭᠲᠤᠨ᠃ ᠬᠡᠭᠡᠷᠡ ᠦᠯᠡᠳᠡᠵᠦ᠂ ᠭᠡᠷ ᠲᠡᠭᠡᠨ ᠬᠠᠷᠢᠭᠠ ᠦᠭᠡᠢ ᠬᠥᠮᠦᠨ ᠮᠠᠯ ᠪᠦᠬᠦᠨ ᠮᠥᠨᠳᠥᠷ ᠲᠦ ᠦᠬᠦᠨᠡ〉 ᠭᠡᠭᠡᠷᠡᠢ》 ᠭᠡᠵᠦ ᠠᠢᠯᠠᠳᠪᠠ᠃ 20 ᠹᠠᠷᠠᠣ᠋ ᠶᠢᠨ ᠵᠠᠷᠤᠴᠠ ᠨᠠᠷ ᠤᠨ ᠳᠤᠮᠳᠠ ᠠᠴᠠ ᠶᠣᠬᠣᠸᠠ ᠶᠢᠨ ᠦᠭᠡᠨ ᠡᠴᠡ ᠡᠮᠢᠶᠡᠭᠴᠢᠳ ᠨᠢ ᠪᠣᠭᠣᠯ᠂ ᠮᠠᠯ ᠢᠶᠠᠨ ᠭᠡᠷ ᠲᠡᠭᠡᠨ ᠠᠪᠴᠢᠷᠠᠬᠤ ᠳᠤ᠂ 21 ᠶᠣᠬᠣᠸᠠ ᠶᠢᠨ ᠦᠭᠡ ᠶᠢ ᠦᠯᠦ ᠣᠢᠰᠢᠶᠠᠭᠴᠢᠳ ᠨᠢ ᠪᠣᠭᠣᠯ᠂ ᠮᠠᠯ ᠢᠶᠠᠨ ᠬᠡᠭᠡᠷᠡ ᠣᠷᠬᠢᠪᠠ᠃
22 ᠶᠣᠬᠣᠸᠠ ᠮᠣᠰᠧ ᠳᠤ᠄ 《ᠲᠩᠷᠢ ᠥᠭᠡᠳᠡ ᠭᠠᠷ ᠢᠶᠠᠨ ᠰᠤᠩ᠋ᠭᠠ᠂ ᠲᠡᠭᠡᠪᠡᠯ ᠶᠧᠵᠢᠫᠲ ᠤᠨ ᠪᠦᠬᠦ ᠭᠠᠵᠠᠷ ᠲᠤ᠂ ᠶᠧᠵᠢᠫᠲ ᠨᠤᠲᠤᠭ ᠤᠨ ᠬᠥᠮᠦᠨ᠂ ᠮᠠᠯ᠂ ᠬᠡᠭᠡᠷᠡ ᠲᠠᠯᠠ ᠶᠢᠨ ᠠᠯᠢᠪᠠ ᠡᠪᠡᠰᠦ ᠨᠣᠭᠣᠭᠠ ᠶᠢᠨ ᠳᠡᠭᠡᠷᠡ ᠮᠥᠨᠳᠥᠷ ᠪᠠᠭᠤᠨᠠ》 ᠭᠡᠵᠦ ᠠᠢᠯᠠᠳᠪᠠ᠃ 23 ᠮᠣᠰᠧ ᠲᠠᠶᠠᠭ ᠢᠶᠠᠨ ᠲᠩᠷᠢ ᠥᠭᠡᠳᠡ ᠰᠤᠩ᠋ᠭᠠᠬᠤ ᠳᠤ᠂ ᠶᠣᠬᠣᠸᠠ ᠠᠶᠤᠩ᠋ᠭᠠ ᠮᠥᠨᠳᠥᠷ ᠢ ᠢᠯᠡᠭᠡᠵᠦ ᠭᠠᠵᠠᠷ ᠲᠤ ᠭᠠᠯ ᠪᠠᠭᠤᠯᠭᠠᠪᠠ᠃ ᠡᠢᠨ ᠬᠦ ᠶᠣᠬᠣᠸᠠ ᠶᠧᠵᠢᠫᠲ ᠤᠨ ᠨᠤᠲᠤᠭ ᠲᠤ ᠮᠥᠨᠳᠥᠷ ᠣᠷᠣᠭᠤᠯᠤᠯᠠ᠃ 24 ᠮᠥᠨᠳᠥᠷ ᠣᠷᠣᠵᠤ᠂ ᠡᠭᠦᠨ ᠦ ᠬᠠᠮᠲᠤ ᠭᠠᠯ ᠴᠠᠬᠢᠯᠵᠤ ᠪᠠᠢᠯᠠ᠃ ᠶᠧᠵᠢᠫᠲ ᠤᠨ ᠨᠤᠲᠤᠭ ᠳᠠᠶᠠᠭᠠᠷ ᠲᠡᠨᠳᠡ ᠦᠨᠳᠦᠰᠦᠲᠡᠨ ᠡᠭᠦᠰᠦᠭᠰᠡᠨ ᠡᠴᠡ ᠬᠣᠢᠰᠢ ᠲᠡᠢᠮᠦ ᠠᠶᠤᠮᠰᠢᠭᠲᠤ ᠮᠥᠨᠳᠥᠷ ᠪᠠᠢᠭᠰᠠᠨ ᠦᠭᠡᠢ᠃ 25 ᠶᠧᠵᠢᠫᠲ ᠤᠨ ᠨᠤᠲᠤᠭ ᠳᠠᠶᠠᠭᠠᠷ ᠬᠡᠭᠡᠷᠡ ᠪᠠᠢᠭᠠ ᠬᠥᠮᠦᠨ᠂ ᠮᠠᠯ ᠪᠦᠷ ᠮᠥᠨᠳᠥᠷ ᠲᠦ ᠴᠣᠬᠢᠭᠳᠠᠪᠠ᠃ ᠮᠥᠨ ᠬᠡᠭᠡᠷᠡ ᠲᠠᠯᠠ ᠶᠢᠨ ᠪᠦᠬᠦ ᠡᠪᠡᠰᠦ ᠨᠣᠭᠣᠭᠠ ᠴᠤ ᠮᠥᠨᠳᠥᠷ ᠲᠦ ᠴᠣᠬᠢᠭᠳᠠᠵᠤ᠂ ᠬᠡᠭᠡᠷᠡ ᠶᠢᠨ ᠪᠦᠬᠦ ᠮᠣᠳᠣ ᠬᠤᠭᠤᠷᠠᠪᠠ᠃ 26 ᠵᠥᠪᠬᠡᠨ ᠢᠰᠷᠧᠯᠴᠦᠳ ᠦᠨ ᠠᠮᠢᠳᠤᠷᠠᠵᠤ ᠪᠠᠢᠭᠠ ᠭᠣᠱᠧᠨ ᠭᠠᠵᠠᠷ ᠲᠤ ᠮᠥᠨᠳᠥᠷ ᠣᠷᠣᠭᠰᠠᠨ ᠦᠭᠡᠢ᠃
27 ᠹᠠᠷᠠᠣ᠋ ᠬᠥᠮᠦᠨ ᠶᠠᠪᠤᠭᠤᠯᠵᠤ᠂ ᠮᠣᠰᠧ᠂ ᠠᠷᠣᠨ ᠬᠣᠶᠠᠷ ᠢ ᠳᠠᠭᠤᠳᠠᠭᠠᠳ ᠲᠡᠳᠡᠨ ᠳᠦ᠄ 《ᠡᠨᠡ ᠤᠳᠠᠭᠠ ᠪᠢ ᠨᠢᠭᠦᠯ ᠦᠢᠯᠡᠳᠴᠡᠢ᠃ ᠶᠣᠬᠣᠸᠠ ᠪᠣᠯ ᠵᠥᠪ ᠰᠢᠳᠤᠷᠭᠤ᠂ ᠪᠢ ᠪᠣᠯᠣᠨ ᠮᠢᠨᠦ ᠠᠷᠠᠳ ᠲᠦᠮᠡᠨ ᠪᠤᠷᠤᠭᠤ ᠲᠠᠢ᠃ 28 ᠶᠣᠬᠣᠸᠠ ᠠᠴᠠ ᠭᠤᠶᠤᠭᠠᠴᠢ᠃ ᠪᠤᠷᠬᠠᠨ ᠤ ᠠᠶᠤᠩ᠋ᠭᠠ᠂ ᠮᠥᠨᠳᠥᠷ ᠳᠡᠩᠳᠡᠭᠦᠦ ᠶᠡᠬᠡ ᠪᠠᠢᠨᠠ᠃ ᠪᠢ ᠲᠠ ᠨᠠᠷ ᠢ ᠶᠠᠪᠤᠭᠤᠯᠤᠨᠠ᠃ ᠲᠠ ᠨᠠᠷ ᠴᠢᠨᠠᠭᠰᠢᠳᠠ ᠡ᠊ᠨᠳᠡ ᠦᠯᠡᠳᠡᠬᠦ ᠬᠡᠷᠡᠭ ᠦᠭᠡᠢ》 ᠭᠡᠵᠦ ᠬᠡᠯᠡᠪᠡ᠃ 29 ᠮᠣᠰᠧ ᠲᠡᠭᠦᠨ ᠳᠦ᠄ 《ᠪᠢ ᠬᠣᠲᠠ ᠠᠴᠠ ᠭᠠᠷᠤᠮᠠᠭᠴᠠ ᠪᠠᠨ ᠶᠣᠬᠣᠸᠠ ᠥᠭᠡᠳᠡ ᠭᠠᠷ ᠢᠶᠠᠨ ᠰᠤᠩ᠋ᠭᠠᠶᠠ᠃ ᠲᠡᠭᠡᠬᠦ ᠳᠦ ᠠᠶᠤᠩ᠋ᠭᠠ ᠵᠣᠭᠰᠣᠵᠤ᠂ ᠮᠥᠨᠳᠥᠷ ᠣᠷᠣᠬᠤ ᠪᠠᠨ ᠪᠣᠯᠢᠨᠠ᠃ ᠲᠡᠢᠨ ᠬᠦ ᠲᠠ ᠭᠠᠵᠠᠷ ᠳᠡᠯᠡᠬᠡᠢ ᠨᠢ ᠶᠣᠬᠣᠸᠠ ᠶᠢᠨ ᠬᠢ ᠭᠡᠳᠡᠭ ᠢ ᠮᠡᠳᠡᠬᠦ ᠪᠣᠯᠣᠨᠠ᠃ 30 ᠭᠡᠬᠦ ᠳᠡᠭᠡᠨ ᠲᠠ ᠪᠣᠯᠣᠨ ᠲᠠᠨ ᠤ ᠵᠠᠷᠤᠴᠠ ᠨᠠᠷ ᠣᠳᠣ ᠴᠤ ᠶᠣᠬᠣᠸᠠ ᠪᠤᠷᠬᠠᠨ ᠠᠴᠠ ᠡᠮᠢᠶᠡᠬᠦ ᠦᠭᠡᠢ ᠪᠠᠢᠭᠠ ᠶᠢ ᠪᠢ ᠮᠡᠳᠡᠵᠦ ᠪᠠᠢᠨᠠ》 ᠭᠡᠵᠦ ᠬᠡᠯᠡᠪᠡ᠃ 31 ᠲᠡᠷᠡ ᠦᠶᠡ ᠳᠦ᠂ ᠠᠷᠪᠠᠢ ᠲᠦᠷᠦᠭᠦᠦ ᠭᠠᠷᠴᠤ᠂ ᠮᠠᠭᠠᠯᠢᠩ᠋ᠭᠤ ᠳᠡᠯᠭᠡᠷᠡᠭᠰᠡᠨ ᠤᠴᠢᠷ ᠮᠠᠭᠠᠯᠢᠩ᠋ᠭᠤ ᠪᠣᠯᠣᠨ ᠠᠷᠪᠠᠢ ᠴᠣᠬᠢᠭᠳᠠᠵᠠᠢ᠂ 32 ᠤᠯᠠᠭᠠᠨ ᠪᠤᠭᠤᠳᠠᠢ᠂ ᠬᠥᠭᠡᠴᠦ ᠪᠤᠭᠤᠳᠠᠢ ᠤᠷᠭᠤᠭᠠ ᠦᠭᠡᠢ ᠪᠣᠯᠬᠣᠷ ᠴᠣᠬᠢᠭᠳᠠᠭᠰᠠᠨ ᠦᠭᠡᠢ᠃ 33 ᠮᠣᠰᠧ ᠹᠠᠷᠠᠣ᠋ ᠡᠴᠡ ᠰᠠᠯᠤᠨ ᠬᠣᠲᠠ ᠠᠴᠠ ᠭᠠᠷᠴᠤ ᠶᠣᠬᠣᠸᠠ ᠤᠷᠤᠭᠤ ᠭᠠᠷ ᠢᠶᠠᠨ ᠰᠤᠩ᠋ᠭᠠᠬᠤ ᠳᠤ᠂ ᠠᠶᠤᠩ᠋ᠭᠠ ᠮᠥᠨᠳᠥᠷ ᠵᠣᠭᠰᠣᠵᠤ᠂ ᠭᠠᠵᠠᠷ ᠲᠤ ᠪᠣᠷᠣᠭᠠᠨ ᠴᠢᠳᠬᠤᠬᠤ ᠪᠠᠨ ᠪᠣᠯᠢᠪᠠ᠃ 34 ᠭᠡᠪᠡᠴᠦ ᠹᠠᠷᠠᠣ᠋ ᠪᠣᠷᠣᠭᠠᠨ ᠴᠤ᠂ ᠠᠶᠤᠩ᠋ᠭᠠ ᠮᠥᠨᠳᠥᠷ ᠴᠤ ᠵᠣᠭᠰᠣᠭᠰᠠᠨ ᠢ ᠬᠠᠷᠠᠭᠠᠳ ᠳᠠᠬᠢᠨ ᠨᠢᠭᠦᠯ ᠦᠢᠯᠡᠳᠴᠦ ᠵᠢᠷᠦᠬᠡ ᠪᠡᠨ ᠬᠠᠲᠠᠭᠤᠷᠠᠭᠤᠯᠤᠭᠰᠠᠨ ᠪᠠᠢᠨᠠ᠂ ᠵᠠᠷᠤᠴᠠ ᠨᠠᠷ ᠨᠢ ᠴᠤ ᠠᠳᠠᠯᠢ ᠪᠠᠢᠪᠠ᠃ 35 ᠡᠢᠨ ᠬᠦ ᠹᠠᠷᠠᠣ᠋ ᠶᠢᠨ ᠵᠢᠷᠦᠬᠡ ᠬᠠᠲᠠᠭᠤᠷᠠᠵᠤ᠂ ᠢᠰᠷᠧᠯᠴᠦᠳ ᠢ ᠶᠠᠪᠤᠭᠤᠯᠤᠭᠰᠠᠨ ᠦᠭᠡᠢ᠃ ᠡᠨᠡ ᠨᠢ ᠶᠣᠬᠣᠸᠠ ᠶᠢᠨ ᠮᠣᠰᠧ ᠪᠠᠷ ᠳᠠᠮᠵᠢᠭᠤᠯᠤᠨ ᠠᠢᠯᠠᠳᠤᠭᠰᠠᠨ ᠶᠣᠰᠣᠭᠠᠷ ᠪᠣᠯᠵᠠᠢ᠃