ᠭᠡᠲᠦᠯᠦᠯ ᠠᠷᠪᠠᠨ ᠳᠥᠷᠪᠡ
1 ᠶᠣᠬᠣᠸᠠ ᠮᠣᠰᠧ ᠳᠤ ᠠᠢᠯᠠᠳᠤᠨ᠄ 2 《ᠴᠢ ᠢᠰᠷᠧᠯᠴᠦᠳ ᠲᠦ ᠵᠠᠬᠢᠨ᠄ 〈ᠢᠷᠡᠭᠰᠡᠨ ᠵᠠᠮ ᠢᠶᠠᠷ ᠢᠶᠠᠨ ᠪᠤᠴᠠᠵᠤ᠂ ᠮᠢᠭᠳᠣᠯ ᠪᠠ ᠲᠠᠩᠭᠢᠰ ᠤᠨ ᠳᠤᠮᠳᠠᠬᠢ ᠫᠢ ᠬᠠᠾᠢᠷᠣᠲ ᠲᠤ ᠣᠴᠢᠵᠤ᠂ ᠪᠠᠯ ᠽᠧᠹᠣᠨ ᠤ ᠡᠮᠦᠨᠡ ᠳᠠᠯᠠᠢ ᠶᠢᠨ ᠬᠥᠪᠡᠭᠡᠨ ᠳᠦ ᠪᠠᠭᠤᠳᠠᠯᠯᠠ〉 ᠭᠡᠵᠦ ᠬᠡᠯᠡᠭᠡᠷᠡᠢ᠃ 3 ᠲᠡᠭᠡᠪᠡᠯ ᠹᠠᠷᠠᠣ᠋᠄ 〈ᠢᠰᠷᠧᠯᠴᠦᠳ ᠡᠨᠡ ᠨᠤᠲᠤᠭ ᠲᠤ ᠵᠦᠭ ᠴᠢᠭ ᠢᠶᠠᠨ ᠠᠯᠳᠠᠭᠠᠳ ᠴᠥᠯ ᠳᠤ ᠮᠤᠬᠤᠷᠳᠠᠭᠰᠠᠨ〉 ᠭᠡᠵᠦ ᠪᠣᠳᠣᠨᠠ᠃ 4 ᠪᠢ ᠹᠠᠷᠠᠣ᠋ ᠶᠢᠨ ᠵᠢᠷᠦᠬᠡ ᠶᠢ ᠬᠠᠲᠠᠭᠤᠷᠠᠭᠤᠯᠵᠤ᠂ ᠲᠡᠷᠡ ᠲᠡᠳᠡᠨ ᠦ ᠬᠣᠢᠨᠠ ᠠᠴᠠ ᠬᠥᠭᠡᠭᠡᠨᠡ᠂ ᠪᠢ ᠹᠠᠷᠠᠣ᠋ ᠪᠣᠯᠣᠨ ᠲᠡᠭᠦᠨ ᠦ ᠬᠠᠮᠤᠭ ᠴᠡᠷᠢᠭ ᠤᠨ ᠳᠡᠭᠡᠷᠡ ᠠᠯᠳᠠᠷᠰᠢᠵᠤ᠂ 〈ᠪᠢ ᠪᠣᠯ ᠶᠣᠬᠣᠸᠠ ᠮᠥᠨ〉 ᠭᠡᠳᠡᠭ ᠢ ᠶᠧᠵᠢᠫᠲ᠋ᠴᠦᠳ ᠮᠡᠳᠡᠬᠦ ᠪᠣᠯᠣᠨᠠ》 ᠭᠡᠬᠦ ᠳᠦ᠂ ᠢᠰᠷᠧᠯᠴᠦᠳ ᠲᠡᠢᠨ ᠬᠦ ᠦᠢᠯᠡᠳᠴᠡᠢ᠃
5 ᠠᠷᠠᠳ ᠲᠦᠮᠡᠨ ᠦ ᠵᠢᠭᠤᠲᠠᠭᠰᠠᠨ ᠲᠤᠬᠠᠢ ᠬᠡᠨ ᠨᠢᠭᠡ ᠨᠢ ᠶᠧᠵᠢᠫᠲ ᠤᠨ ᠬᠠᠭᠠᠨ ᠳᠤ ᠳᠤᠭᠤᠯᠭᠠᠭᠰᠠᠨ ᠳᠤ᠂ ᠹᠠᠷᠠᠣ᠋ ᠪᠣᠯᠣᠨ ᠵᠠᠷᠤᠴᠠ ᠨᠠᠷ ᠨᠢ ᠡᠨᠡ ᠠᠷᠠᠳ ᠲᠦᠮᠡᠨ ᠦ ᠲᠠᠯᠠ ᠪᠠᠷ ᠰᠠᠨᠠᠭᠠ ᠪᠠᠨ ᠥᠭᠡᠷᠡᠴᠢᠯᠡᠵᠦ᠄ 《ᠪᠢᠳᠡ ᠵᠠᠷᠤᠴᠠᠯᠠᠵᠤ ᠪᠠᠢᠭᠰᠠᠨ ᠢᠰᠷᠧᠯᠴᠦᠳ ᠢᠶᠡᠨ ᠶᠠᠪᠤᠭᠤᠯᠴᠢᠬᠠᠬᠤ ᠴᠢᠨᠢ ᠶᠠᠭᠤ ᠬᠢᠴᠢᠬᠡᠬᠦ ᠨᠢ ᠡᠨᠡ ᠪᠤᠢ︖》 ᠭᠡᠵᠡᠭᠡᠪᠡ᠃ 6 ᠹᠠᠷᠠᠣ᠋ ᠲᠡᠷᠭᠡ ᠪᠡᠯᠡᠳᠬᠡᠭᠦᠯᠵᠦ᠂ ᠴᠡᠷᠢᠭ ᠲᠠᠢ ᠪᠠᠨ ᠬᠠᠮᠲᠤ ᠶᠠᠪᠤᠪᠠ᠃ 7 ᠵᠢᠷᠭᠤᠭᠠᠨ ᠵᠠᠭᠤᠨ ᠰᠢᠯᠢᠳᠡᠭ ᠲᠡᠷᠭᠡᠲᠦ ᠴᠡᠷᠢᠭ ᠪᠣᠯᠣᠨ ᠶᠧᠵᠢᠫᠲ ᠤᠨ ᠪᠤᠰᠤᠳ ᠲᠡᠷᠭᠡ ᠲᠡᠭᠦᠨ ᠢ ᠳᠠᠭᠠᠪᠠ᠃ ᠲᠡᠷᠭᠡ ᠪᠣᠯᠭᠠᠨ ᠳᠠᠷᠤᠭᠠ ᠲᠠᠢ ᠪᠠᠢᠪᠠ᠃ 8 ᠶᠣᠬᠣᠸᠠ ᠶᠧᠵᠢᠫᠲ ᠤᠨ ᠬᠠᠭᠠᠨ ᠹᠠᠷᠠᠣ᠋ ᠶᠢᠨ ᠵᠢᠷᠦᠬᠡ ᠶᠢ ᠬᠠᠲᠠᠭᠤᠷᠠᠭᠤᠯᠤᠭᠰᠠᠨ ᠳᠤ᠂ ᠲᠡᠷᠡ ᠭᠠᠷ ᠢᠶᠠᠨ ᠵᠠᠩ᠋ᠭᠠᠨ 9 ᠭᠠᠷᠴᠤ ᠶᠠᠪᠤᠭᠠ ᠢᠰᠷᠧᠯᠴᠦᠳ ᠦᠨ ᠬᠣᠢᠨᠠ ᠠᠴᠠ ᠬᠥᠭᠡᠭᠡᠪᠡ᠃ 9 ᠹᠠᠷᠠᠣ᠋ ᠶᠢᠨ ᠬᠠᠮᠤᠭ ᠲᠡᠷᠭᠡ ᠮᠣᠷᠢ᠂ ᠬᠠᠮᠤᠭ ᠮᠣᠷᠢᠲᠠᠨ᠂ ᠴᠡᠷᠢᠭ ᠨᠢ ᠳᠠᠯᠠᠢ ᠶᠢᠨ ᠬᠥᠪᠡᠭᠡᠨ ᠳᠦ ᠲᠡᠳᠡᠨ ᠢ ᠭᠦᠢᠴᠡᠪᠡ᠃ ᠲᠡᠳᠡ ᠪᠠᠯ ᠽᠧᠹᠣᠨ ᠤ ᠡᠮᠦᠨᠡ ᠫᠢ ᠬᠠᠾᠢᠷᠣᠲ ᠤᠨ ᠬᠠᠪᠢ ᠳᠤ ᠪᠠᠭᠤᠳᠠᠯᠯᠠᠵᠤ ᠪᠠᠢᠯᠠ᠃
10 ᠹᠠᠷᠠᠣ᠋ ᠣᠢᠷᠠᠲᠤᠨ ᠢᠷᠡᠵᠦ ᠪᠠᠢᠯᠠ᠃ ᠢᠰᠷᠧᠯᠴᠦᠳ ᠨᠢᠳᠦ ᠡᠷᠭᠦᠨ ᠬᠠᠷᠠᠬᠤ ᠳᠤ᠂ ᠶᠧᠵᠢᠫᠲ᠋ᠴᠦᠳ ᠬᠣᠢᠨᠠ ᠠᠴᠠ ᠨᠢ ᠬᠥᠭᠡᠭᠡᠨ ᠢᠷᠡᠵᠦ ᠪᠠᠢᠪᠠ᠃ ᠢᠰᠷᠧᠯᠴᠦᠳ ᠶᠡᠬᠡᠳᠡ ᠠᠶᠤᠵᠤ᠂ ᠶᠣᠬᠣᠸᠠ ᠤᠷᠤᠭᠤ ᠬᠠᠨᠳᠤᠨ ᠬᠠᠰᠬᠢᠷᠴᠠᠭᠠᠪᠠ᠃ 11 ᠲᠡᠳᠡ ᠮᠣᠰᠧ ᠳᠤ᠄ 《ᠶᠧᠵᠢᠫᠲ ᠲᠤ ᠣᠷᠣᠰᠢᠭᠤᠯᠭᠠ ᠶᠢᠨ ᠭᠠᠵᠠᠷ ᠳᠤᠲᠠᠭᠠᠳ ᠴᠢ ᠮᠠᠨ ᠤ ᠬᠢᠨ ᠢ ᠴᠥᠯ ᠳᠤ ᠦᠬᠦᠭᠦᠯᠬᠦ ᠪᠡᠷ ᠠᠪᠴᠢᠷᠠᠭᠰᠠᠨ ᠤᠤ︖ ᠴᠢ ᠪᠢᠳᠡᠨ ᠢ ᠶᠧᠵᠢᠫᠲ ᠡᠴᠡ ᠭᠠᠷᠭᠠᠭᠰᠠᠨ ᠢᠶᠠᠷ ᠪᠢᠳᠡᠨ ᠳᠦ ᠶᠠᠭᠤ ᠬᠢᠴᠢᠬᠡᠭᠰᠡᠨ ᠨᠢ ᠡᠨᠡ ᠪᠤᠢ︖ 12 ᠪᠢᠳᠡ ᠶᠧᠵᠢᠫᠲ ᠲᠤ ᠪᠠᠢᠬᠤ ᠳᠠᠭᠠᠨ ᠴᠢᠮᠠ ᠳᠤ᠄ 〈ᠪᠢᠳᠡᠨ ᠢ ᠪᠦᠦ ᠦᠢᠮᠡᠭᠦᠯᠦᠭᠡᠳ ᠪᠠᠢ᠂ ᠪᠢᠳᠡ ᠶᠧᠵᠢᠫᠲ᠋ᠴᠦᠳ ᠲᠦ ᠵᠠᠷᠤᠴᠠᠯᠠᠭᠳᠠᠵᠤ ᠪᠠᠢᠶᠠ〉 ᠭᠡᠵᠦ ᠬᠡᠯᠡᠭᠡ ᠦᠭᠡᠢ ᠭᠡᠵᠢ ᠤᠤ︖ ᠴᠥᠯ ᠳᠤ ᠦᠬᠦᠭᠰᠡᠨ ᠡᠴᠡ ᠶᠧᠵᠢᠫᠲ᠋ᠴᠦᠳ ᠲᠦ ᠵᠠᠷᠤᠴᠠᠯᠠᠭᠳᠠᠵᠤ ᠪᠠᠢᠭᠰᠠᠨ ᠨᠢ ᠳᠡᠭᠡᠷᠡ ᠰᠠᠨ》 ᠭᠡᠵᠡᠭᠡᠪᠡ᠃
13 ᠮᠣᠰᠧ ᠠᠷᠠᠳ ᠲᠦᠮᠡᠨ ᠳᠦ᠄ 《ᠪᠦᠦ ᠠᠶᠤᠵᠠᠭᠠ᠂ ᠪᠠᠲᠤ ᠵᠣᠭᠰᠣᠭᠠᠳ᠂ ᠥᠨᠥᠳᠥᠷ ᠶᠣᠬᠣᠸᠠ ᠶᠢᠨ ᠲᠠ ᠨᠠᠷ ᠤᠨ ᠲᠥᠯᠥᠭᠡ ᠦᠢᠯᠡᠳᠬᠦ ᠠᠪᠤᠷᠠᠯ ᠢ ᠬᠠᠷᠠᠵᠠᠭᠠ᠃ ᠥᠨᠥᠳᠥᠷ ᠦᠨ ᠬᠠᠷᠠᠭᠰᠠᠨ ᠶᠧᠵᠢᠫᠲ᠋ᠴᠦᠳ ᠢ ᠲᠠ ᠨᠠᠷ ᠳᠠᠬᠢᠨ ᠬᠠᠷᠠᠬᠤ ᠦᠭᠡᠢ ᠪᠣᠯᠣᠨᠠ᠃ 14 ᠶᠣᠬᠣᠸᠠ ᠲᠠ ᠨᠠᠷ ᠤᠨ ᠡᠮᠦᠨᠡ ᠡᠴᠡ ᠪᠠᠢᠯᠳᠤᠨᠠ᠂ ᠲᠠ ᠨᠠᠷ ᠵᠥᠪᠬᠡᠨ ᠴᠢᠮᠡᠭᠡ ᠦᠭᠡᠢ ᠪᠠᠢᠭᠲᠤᠨ》 ᠭᠡᠵᠦ ᠬᠡᠯᠡᠪᠡ᠃
15 ᠶᠣᠬᠣᠸᠠ ᠮᠣᠰᠧ ᠳᠤ᠄ 《ᠴᠢ ᠶᠠᠭᠤᠨ ᠳᠤ ᠨᠠᠳᠠ ᠤᠷᠤᠭᠤ ᠬᠠᠰᠬᠢᠷᠤᠭᠰᠠᠭᠠᠷ ᠪᠠᠢᠨᠠ ᠪᠤᠢ︖ ᠢᠰᠷᠧᠯᠴᠦᠳ ᠲᠦ ᠤᠷᠤᠭᠰᠢ ᠪᠠᠨ ᠶᠠᠪᠤ ᠭᠡᠵᠦ ᠬᠡᠯᠡ᠃ 16 ᠬᠠᠷᠢᠨ ᠴᠢ ᠲᠠᠶᠠᠭ ᠢᠶᠠᠨ ᠡᠷᠭᠦᠵᠦ᠂ ᠳᠠᠯᠠᠢ ᠳᠡᠭᠡᠭᠦᠷ ᠭᠠᠷ ᠢᠶᠠᠨ ᠰᠤᠩ᠋ᠭᠠᠨ᠂ ᠳᠠᠯᠠᠢ ᠶᠢ ᠬᠤᠪᠢᠶᠠ᠃ ᠢᠰᠷᠧᠯᠴᠦᠳ ᠳᠠᠯᠠᠢ ᠳᠤᠮᠳᠠ ᠭᠠᠷᠤᠭᠰᠠᠨ ᠬᠠᠭᠤᠷᠠᠢ ᠭᠠᠵᠠᠷ ᠢᠶᠠᠷ ᠶᠠᠪᠠᠭᠠᠨ ᠶᠠᠪᠤᠨᠠ᠃ 17 ᠬᠠᠷᠢᠨ ᠪᠢ ᠶᠧᠵᠢᠫᠲ᠋ᠴᠦᠳ ᠦᠨ ᠵᠢᠷᠦᠬᠡ ᠶᠢ ᠬᠠᠲᠠᠭᠤᠷᠠᠭᠤᠯᠵᠤ᠂ ᠶᠧᠵᠢᠫᠲ᠋ᠴᠦᠳ ᠲᠡᠳᠡᠨ ᠦ ᠬᠣᠢᠨᠠ ᠠᠴᠠ ᠣᠷᠣᠨᠠ᠃ ᠲᠡᠷᠡ ᠴᠠᠭ ᠲᠤ ᠪᠢ ᠹᠠᠷᠠᠣ᠋ ᠪᠣᠯᠣᠨ ᠲᠡᠭᠦᠨ ᠦ ᠬᠠᠮᠤᠭ ᠴᠡᠷᠢᠭ᠂ ᠲᠡᠭᠦᠨ ᠦ ᠲᠡᠷᠭᠡ ᠪᠣᠯᠣᠨ ᠮᠣᠷᠢᠲᠠᠳ ᠤᠨ ᠳᠡᠭᠡᠷᠡ ᠠᠯᠳᠠᠷᠰᠢᠬᠤ ᠪᠣᠯᠣᠨᠠ᠃ 18 ᠪᠢ ᠹᠠᠷᠠᠣ᠋ ᠪᠣᠯᠣᠨ ᠲᠡᠭᠦᠨ ᠦ ᠲᠡᠷᠭᠡ᠂ ᠲᠡᠭᠦᠨ ᠦ ᠮᠣᠷᠢᠲᠠᠳ ᠳᠡᠭᠡᠷᠡ ᠠᠯᠳᠠᠷᠰᠢᠨᠠ᠃ ᠲᠡᠷᠡ ᠦᠶᠡ ᠳᠦ 〈ᠪᠢ ᠪᠣᠯ ᠶᠣᠬᠣᠸᠠ ᠮᠥᠨ〉 ᠭᠡᠳᠡᠭ ᠢ ᠶᠧᠵᠢᠫᠲ᠋ᠴᠦᠳ ᠮᠡᠳᠡᠬᠦ ᠪᠣᠯᠣᠨᠠ》 ᠭᠡᠵᠦ ᠠᠢᠯᠠᠳᠪᠠ᠃
19 ᠢᠰᠷᠧᠯ ᠤᠨ ᠵᠢᠭᠰᠠᠭᠠᠯ ᠤᠨ ᠲᠦᠷᠦᠭᠦᠨ ᠳᠦ ᠶᠠᠪᠤᠵᠤ ᠪᠠᠢᠭᠰᠠᠨ ᠪᠤᠷᠬᠠᠨ ᠤ ᠡᠯᠴᠢ ᠰᠢᠯᠵᠢᠵᠦ᠂ ᠲᠡᠳᠡᠨ ᠦ ᠠᠷᠤ ᠳᠤ ᠭᠠᠷᠪᠠ᠃ ᠡᠭᠦᠯᠡᠨ ᠪᠠᠭᠠᠨᠠ ᠴᠤ ᠲᠡᠳᠡᠨ ᠦ ᠡᠮᠦᠨᠡ ᠡᠴᠡ ᠰᠢᠯᠵᠢᠵᠦ᠂ ᠲᠡᠳᠡᠨ ᠦ ᠠᠷᠤ ᠳᠤ ᠵᠣᠭᠰᠣᠪᠠ᠃ 20 ᠡᠭᠦᠯᠡᠨ ᠪᠠᠭᠠᠨᠠ ᠶᠧᠵᠢᠫᠲ ᠤᠨ ᠵᠢᠭᠰᠠᠭᠠᠯ ᠪᠠ ᠢᠰᠷᠧᠯ ᠤᠨ ᠵᠢᠭᠰᠠᠭᠠᠯ ᠤᠨ ᠬᠣᠭᠣᠷᠣᠨᠳᠣ ᠣᠷᠣᠬᠤ ᠳᠤ᠂ ᠰᠥᠨᠢᠵᠢᠨ ᠨᠢᠭᠡ ᠲᠠᠯᠠ ᠳᠤᠨᠢ ᠬᠠᠷᠠᠩ᠋ᠭᠤᠢ ᠡᠭᠦᠯᠡ ᠪᠠᠢᠵᠤ᠂ ᠨᠥᠭᠥᠭᠡ ᠲᠠᠯᠠ ᠳᠤᠨᠢ ᠭᠡᠷᠡᠯ ᠲᠤᠰᠪᠠ᠃ ᠡᠢᠮᠦ ᠡᠴᠡ ᠰᠥᠨᠢ ᠶᠢᠨ ᠲᠤᠷᠰᠢ ᠨᠢᠭᠡ ᠨᠢ ᠨᠥᠭᠥᠭᠡ ᠳᠡᠭᠡᠨ ᠣᠢᠷᠠᠲᠤᠭᠰᠠᠨ ᠦᠭᠡᠢ᠃
21 ᠮᠣᠰᠧ ᠳᠠᠯᠠᠢ ᠳᠡᠭᠡᠭᠦᠷ ᠭᠠᠷ ᠢᠶᠠᠨ ᠰᠤᠩ᠋ᠭᠠᠪᠠ᠃ ᠶᠣᠬᠣᠸᠠ ᠰᠥᠨᠢ ᠶᠢᠨ ᠲᠤᠷᠰᠢ ᠳᠣᠷᠣᠨᠠ ᠶᠢᠨ ᠬᠦᠴᠦᠲᠦ ᠰᠠᠯᠬᠢ ᠪᠠᠷ ᠳᠠᠯᠠᠢ ᠶᠢᠨ ᠤᠰᠤ ᠶᠢ ᠤᠬᠤᠷᠢᠭᠤᠯᠤᠭᠰᠠᠨ ᠳᠤ᠂ ᠤᠰᠤ ᠬᠤᠪᠢᠶᠠᠭᠳᠠᠵᠤ᠂ ᠬᠠᠭᠤᠷᠠᠢ ᠭᠠᠵᠠᠷ ᠭᠠᠷᠪᠠ᠃ 22 ᠢᠰᠷᠧᠯᠴᠦᠳ ᠳᠠᠯᠠᠢ ᠳᠤᠮᠳᠠ ᠭᠠᠷᠤᠭᠰᠠᠨ ᠬᠠᠭᠤᠷᠠᠢ ᠭᠠᠵᠠᠷ ᠢᠶᠠᠷ ᠶᠠᠪᠠᠭᠠᠨ ᠶᠠᠪᠤᠬᠤ ᠳᠤ᠂ ᠤᠰᠤ ᠲᠡᠳᠡᠨ ᠦ ᠪᠠᠷᠠᠭᠤᠨ ᠵᠡᠭᠦᠨ ᠲᠠᠯᠠ ᠳᠤ ᠬᠠᠨᠠ ᠮᠡᠲᠦ ᠪᠠᠢᠪᠠ᠃ 23 ᠶᠧᠵᠢᠫᠲ᠋ᠴᠦᠳ ᠠᠷᠤ ᠠᠴᠠ ᠨᠢ ᠬᠥᠭᠡᠭᠡᠵᠦ᠂ ᠹᠠᠷᠠᠣ᠋ ᠶᠢᠨ ᠲᠡᠷᠭᠡ ᠮᠣᠷᠢᠳ᠂ ᠮᠣᠷᠢᠲᠠᠨ ᠨᠢ ᠪᠦᠭᠦᠳᠡᠭᠡᠷ ᠲᠡᠳᠡᠨ ᠢ ᠳᠠᠭᠠᠵᠤ ᠳᠠᠯᠠᠢ ᠳᠤ ᠣᠷᠣᠪᠠ᠃ 24 ᠦᠷ ᠴᠠᠢᠬᠤ ᠶᠢᠨ ᠡᠮᠦᠨᠡ ᠶᠣᠬᠣᠸᠠ ᠭᠠᠯᠲᠤ ᠡᠭᠦᠯᠡᠨ ᠪᠠᠭᠠᠨᠠ ᠠᠴᠠ ᠥᠩᠭᠡᠶᠢᠵᠦ᠂ ᠶᠧᠵᠢᠫᠲ ᠤᠨ ᠴᠡᠷᠢᠭ ᠤᠳ ᠢ ᠬᠠᠷᠠᠭᠠᠳ ᠲᠡᠳᠡᠨ ᠢ ᠰᠠᠮᠭᠠᠷᠳᠠᠭᠤᠯᠪᠠ᠃ 25 ᠲᠡᠷᠡ ᠪᠡᠷ ᠲᠡᠷᠭᠡ ᠨᠦᠭᠦᠳ ᠦᠨ ᠬᠢᠨᠢ ᠬᠦᠷᠳᠦ ᠶᠢ ᠮᠤᠯᠲᠤᠷᠠᠭᠤᠯᠵᠤ᠂ ᠶᠠᠪᠤᠬᠤ ᠳᠤ ᠬᠡᠴᠡᠭᠦᠦ ᠪᠣᠯᠭᠠᠪᠠ᠃ ᠶᠧᠵᠢᠫᠲ᠋ᠴᠦᠳ᠄ 《ᠢᠰᠷᠧᠯ ᠡᠴᠡ ᠵᠢᠭᠤᠲᠠᠵᠠᠭᠠᠶᠠ᠃ ᠶᠣᠬᠣᠸᠠ ᠲᠡᠳᠡᠨ ᠦ ᠡᠮᠦᠨᠡ ᠡᠴᠡ ᠶᠧᠵᠢᠫᠲ᠋ᠴᠦᠳ ᠦᠨ ᠡᠰᠡᠷᠭᠦ ᠪᠠᠢᠯᠳᠤᠬᠤ ᠨᠢ ᠡ》 ᠭᠡᠵᠡᠭᠡᠪᠡ᠃
26 ᠶᠣᠬᠣᠸᠠ ᠮᠣᠰᠧ ᠳᠤ᠄ 《ᠳᠠᠯᠠᠢ ᠳᠡᠭᠡᠭᠦᠷ ᠭᠠᠷ ᠢᠶᠠᠨ ᠰᠤᠩ᠋ᠭᠠᠵᠤ᠂ ᠶᠧᠵᠢᠫᠲ᠋ᠴᠦᠳ ᠳᠡᠭᠡᠷᠡ᠂ ᠲᠡᠳᠡᠨ ᠦ ᠲᠡᠷᠭᠡ ᠨᠦᠭᠦᠳ᠂ ᠲᠡᠳᠡᠨ ᠦ ᠮᠣᠷᠢᠲᠠᠳ ᠤᠨ ᠳᠡᠭᠡᠷᠡ ᠤᠰᠤ ᠶᠢ ᠪᠤᠴᠠᠭᠠᠭᠲᠤᠨ》 ᠭᠡᠪᠡ᠃ 27 ᠮᠣᠰᠧ ᠳᠠᠯᠠᠢ ᠶᠢᠨ ᠳᠡᠭᠡᠭᠦᠷ ᠭᠠᠷ ᠢᠶᠠᠨ ᠰᠤᠩ᠋ᠭᠠᠭᠰᠠᠨ ᠳᠤ᠂ ᠦᠷ ᠦᠨ ᠭᠡᠭᠡ ᠪᠡᠷ ᠳᠠᠯᠠᠢ ᠪᠤᠴᠠᠵᠤ ᠬᠡᠪ ᠲᠡᠭᠡᠨ ᠣᠷᠣᠪᠠ᠃ ᠶᠧᠵᠢᠫᠲ᠋ᠴᠦᠳ ᠤᠰᠤᠨ ᠠᠴᠠ ᠵᠢᠭᠤᠲᠠᠬᠤ ᠭᠡᠰᠡᠨ ᠪᠣᠯᠪᠠᠴᠤ ᠶᠣᠬᠣᠸᠠ ᠶᠧᠵᠢᠫᠲ᠋ᠴᠦᠳ ᠢ ᠳᠠᠯᠠᠢ ᠶᠢᠨ ᠳᠤᠮᠳᠠ ᠵᠢᠪᠪᠦᠭᠦᠯᠪᠡ᠃ 28 ᠤᠰᠤ ᠪᠤᠴᠠᠨ ᠢᠷᠡᠵᠦ᠂ ᠲᠡᠷᠭᠡ ᠨᠦᠭᠦᠳ ᠪᠠ ᠮᠣᠷᠢᠲᠠᠳ᠂ ᠲᠤᠬᠠᠢᠯᠠᠪᠠᠯ ᠢᠰᠷᠧᠯᠴᠦᠳ ᠦᠨ ᠬᠣᠢᠨᠠ ᠠᠴᠠ ᠳᠠᠯᠠᠢ ᠤᠷᠤᠭᠤ ᠣᠷᠣᠭᠰᠠᠨ ᠹᠠᠷᠠᠣ᠋ ᠶᠢᠨ ᠬᠠᠮᠤᠭ ᠴᠡᠷᠢᠭ ᠢ ᠪᠦᠷᠬᠦᠨ ᠠᠪᠤᠭᠰᠠᠨ ᠢᠶᠠᠷ᠂ ᠲᠡᠳᠡᠨ ᠦ ᠨᠢᠭᠡ ᠨᠢ ᠴᠤ ᠦᠯᠡᠳᠡᠭᠰᠡᠨ ᠦᠭᠡᠢ᠃ 29 ᠭᠡᠪᠡᠴᠦ ᠢᠰᠷᠧᠯᠴᠦᠳ ᠳᠠᠯᠠᠢ ᠳᠤᠮᠳᠠ ᠭᠠᠷᠤᠭᠰᠠᠨ ᠬᠠᠭᠤᠷᠠᠢ ᠭᠠᠵᠠᠷ ᠢᠶᠠᠷ ᠶᠠᠪᠠᠭᠠᠨ ᠶᠠᠪᠤᠵᠤ᠂ ᠤᠰᠤ ᠲᠡᠳᠡᠨ ᠦ ᠪᠠᠷᠠᠭᠤᠨ ᠵᠡᠭᠦᠨ ᠲᠠᠯᠠ ᠳᠤ ᠬᠠᠨᠠ ᠮᠡᠲᠦ ᠪᠠᠢᠭᠰᠠᠨ᠃
30 ᠡᠢᠨ ᠬᠦ ᠶᠣᠬᠣᠸᠠ ᠲᠡᠷᠡ ᠡᠳᠦᠷ ᠢᠰᠷᠧᠯ ᠢ ᠶᠧᠵᠢᠫᠲ᠋ᠴᠦᠳ ᠦᠨ ᠭᠠᠷ ᠠᠴᠠ ᠠᠪᠤᠷᠠᠭᠰᠠᠨ ᠳᠤ᠂ ᠢᠰᠷᠧᠯ ᠳᠠᠯᠠᠢ ᠶᠢᠨ ᠬᠥᠪᠡᠭᠡᠨ ᠳᠡᠭᠡᠷᠡᠬᠢ ᠶᠧᠵᠢᠫᠲ᠋ᠴᠦᠳ ᠦᠨ ᠦᠬᠦᠳᠡᠯ ᠢ ᠬᠠᠷᠠᠪᠠ᠃ 31 ᠢᠰᠷᠧᠯᠴᠦᠳ ᠶᠣᠬᠣᠸᠠ ᠶᠢᠨ ᠶᠧᠵᠢᠫᠲ᠋ᠴᠦᠳ ᠲᠦ ᠦᠵᠡᠭᠦᠯᠦᠭᠰᠡᠨ ᠠᠭᠤᠤ ᠬᠦᠴᠦ ᠶᠢ ᠬᠠᠷᠠᠭᠠᠳ ᠶᠣᠬᠣᠸᠠ ᠠᠴᠠ ᠡᠮᠢᠶᠡᠨ᠂ ᠶᠣᠬᠣᠸᠠ ᠪᠣᠯᠣᠨ ᠲᠡᠭᠦᠨ ᠦ ᠵᠠᠷᠤᠴᠠ ᠮᠣᠰᠧ ᠳᠤ ᠢᠲᠡᠭᠡᠭᠰᠡᠨ ᠪᠠᠢᠨᠠ᠃