ᠶᠣᠪ ᠳᠥᠷᠪᠡ
ᠨᠢᠭᠡᠳᠦᠭᠡᠷ ᠡᠷᠭᠢᠭᠡᠨ ᠦ ᠶᠠᠷᠢᠯᠴᠠᠭᠠ ᠡᠯᠢᠹᠠᠽ ᠤᠨ ᠶᠠᠷᠢᠶᠠ
1 ᠲᠧᠮᠠᠨ ᠬᠥᠮᠦᠨ ᠡᠯᠢᠹᠠᠽ ᠬᠠᠷᠢᠭᠤᠯᠤᠨ᠄
2 《ᠬᠡᠨ ᠨᠢᠭᠡᠨ ᠬᠥᠮᠦᠨ ᠴᠢᠮᠠ ᠳᠤ ᠦᠭᠡ ᠶᠠᠷᠢᠬᠤ ᠪᠠᠷ ᠵᠢᠷᠦᠬᠡᠯᠡᠪᠡᠯ ᠴᠢ ᠴᠢᠬᠤᠯᠳᠠᠬᠤ ᠪᠠᠢᠬᠠ ᠡ᠂ ᠭᠡᠪᠡᠴᠦ ᠬᠡᠨ ᠠᠮᠠ ᠪᠠᠨ ᠬᠠᠮᠬᠢᠵᠤ ᠴᠢᠳᠠᠬᠤ ᠪᠢᠯᠡ︖
3 ᠦᠨᠡᠬᠡᠷ ᠴᠢ ᠣᠯᠠᠨ ᠢ ᠰᠤᠷᠭᠠᠨ ᠰᠤᠯᠠᠷᠠᠭᠰᠠᠨ ᠭᠠᠷ ᠢ ᠲᠡᠩᠬᠡᠷᠡᠭᠦᠯᠵᠦ ᠪᠠᠢᠭᠰᠠᠨ
4 ᠦᠭᠡ ᠴᠢᠨᠢ ᠤᠨᠠᠭᠴᠢ ᠶᠢ ᠪᠣᠰᠬᠠᠵᠤ ᠰᠤᠯᠠᠳᠠᠭᠰᠠᠨ ᠡᠪᠦᠳᠦᠭ ᠢ ᠪᠠᠲᠤᠵᠢᠭᠤᠯᠵᠤ ᠪᠠᠢᠭᠰᠠᠨ᠂
5 ᠣᠳᠣ ᠡᠳᠡᠭᠡᠷ ᠨᠢ ᠢᠷᠡᠬᠦ ᠳᠦ ᠴᠢ ᠴᠥᠬᠥᠷᠡᠵᠦ ᠪᠠᠢᠨᠠ ᠡᠳᠡᠭᠡᠷ ᠵᠦᠢᠯ ᠴᠢᠮᠠ ᠳᠤ ᠬᠦᠷᠬᠦ ᠳᠦ᠂ ᠴᠢ ᠰᠠᠨᠳᠤᠷᠴᠤ ᠪᠠᠢᠨᠠ᠂
6 ᠴᠢ ᠪᠤᠷᠬᠠᠨ ᠠᠴᠠ ᠡᠮᠢᠶᠡᠭᠰᠡᠨ ᠪᠣᠯ ᠢᠲᠡᠭᠡᠯ ᠲᠡᠢ᠂ ᠪᠤᠷᠤᠭᠤ ᠦᠭᠡᠢ ᠶᠢ ᠦᠢᠯᠡᠳᠦᠭᠰᠡᠨ ᠪᠣᠯ ᠨᠠᠢᠳᠠᠯᠭᠠ ᠲᠠᠢ ᠪᠠᠢᠬᠤ ᠪᠢᠰᠢ ᠤᠤ︖
7 ᠪᠣᠳᠣᠭᠠᠳ ᠦᠵᠡ᠂ ᠭᠡᠮ ᠦᠭᠡᠢ ᠠᠲᠠᠯᠠ ᠪᠠᠨ ᠮᠥᠬᠥᠭᠰᠡᠨ ᠨᠢ ᠬᠡᠨ ᠪᠠᠢᠨᠠ︖ ᠴᠢᠭ᠍ᠴᠢ ᠠᠲᠠᠯᠠ ᠪᠠᠨ ᠰᠥᠨᠥᠭᠰᠡᠨ ᠨᠢ ᠬᠠᠮᠢᠭᠠ ᠪᠠᠢᠨᠠ︖
8 ᠮᠢᠨᠦ ᠦᠵᠡᠬᠦ ᠪᠡᠷ ᠬᠣᠣᠷ ᠲᠠᠷᠢᠵᠤ᠂ ᠭᠠᠢ ᠤᠷᠭᠤᠭᠤᠯᠤᠭᠴᠢᠳ ᠲᠡᠭᠦᠨ ᠢ ᠪᠠᠨ ᠬᠤᠷᠢᠶᠠᠬᠤ ᠪᠣᠯᠣᠨᠠ᠂
9 ᠲᠡᠳᠡ ᠪᠤᠷᠬᠠᠨ ᠤ ᠠᠮᠢᠰᠬᠤᠯ ᠢᠶᠠᠷ ᠠᠷᠢᠯᠵᠤ ᠠᠭᠤᠷ ᠬᠢᠯᠢᠩ ᠢᠶᠠᠷ ᠨᠢ ᠤᠰᠠᠲᠤᠨᠠ᠂
10 ᠡᠢᠨ ᠬᠦ ᠠᠷᠰᠯᠠᠨ ᠤ ᠠᠷᠬᠢᠷᠠᠭᠠᠨ ᠵᠡᠷᠯᠢᠭ ᠠᠷᠰᠯᠠᠨ ᠤ ᠬᠦᠷᠬᠢᠷᠡᠭᠡᠨ ᠵᠣᠭᠰᠣᠵᠤ ᠵᠠᠯᠠᠭᠤ ᠠᠷᠰᠯᠠᠨ ᠤ ᠰᠢᠳᠦ ᠬᠤᠭᠤᠷᠠᠵᠠᠢ᠂
11 ᠠᠷᠰᠯᠠᠨ ᠢᠳᠡᠰᠢ ᠳᠤᠲᠠᠭᠠᠳ ᠤᠰᠠᠳᠴᠤ ᠡᠮᠡ ᠠᠷᠰᠯᠠᠨ ᠤ ᠵᠤᠯᠵᠠᠭᠠ ᠨᠤᠭᠤᠳ ᠪᠤᠲᠠᠷᠠᠨᠠ᠃
12 ᠨᠠᠳᠠ ᠳᠤ ᠨᠢᠭᠡᠨ ᠦᠭᠡ ᠰᠡᠮᠬᠡᠨ ᠢᠷᠡᠪᠡ ᠴᠢᠬᠢ ᠮᠢᠨᠢ ᠲᠡᠷᠡ ᠰᠢᠪᠡᠨᠡᠭᠡ ᠶᠢ ᠠᠪᠤᠪᠠ᠂
13 ᠬᠥᠮᠦᠰ ᠭᠦᠨ ᠨᠣᠢᠷ ᠲᠤ ᠠᠪᠲᠠᠭᠰᠠᠨ ᠰᠥᠨᠢ ᠪᠢ ᠬᠠᠷᠠ ᠳᠠᠷᠤᠵᠤ ᠪᠠᠢᠬᠤ ᠳᠠᠭᠠᠨ
14 ᠪᠢ ᠠᠢᠳᠠᠰ ᠲᠤ ᠠᠪᠲᠠᠵᠤ ᠴᠡᠴᠡᠷᠡᠪᠡ ᠪᠦᠬᠦ ᠶᠠᠰᠤ ᠮᠢᠨᠢ ᠳᠣᠷᠭᠢᠪᠠ᠂
15 ᠨᠢᠭᠡᠨ ᠰᠦᠨᠡᠰᠦ ᠨᠢᠭᠤᠷ ᠳᠡᠭᠡᠭᠦᠷ ᠮᠢᠨᠢ ᠥᠩᠭᠡᠷᠡᠵᠦ ᠪᠠᠢᠪᠠ ᠠᠷᠠᠰᠤ ᠦᠰᠦ ᠮᠢᠨᠢ ᠠᠷᠵᠠᠢᠨ ᠪᠣᠰᠪᠠ᠂
16 ᠲᠡᠭᠡᠲᠡᠯᠡ ᠲᠡᠷᠡ ᠵᠣᠭᠰᠣᠭᠰᠠᠨ ᠪᠣᠯᠪᠠᠴᠤ ᠪᠢ ᠲᠥᠷᠬᠥ ᠶᠢ ᠨᠢ ᠲᠠᠨᠢᠵᠤ ᠴᠢᠳᠠᠭᠰᠠᠨ ᠦᠭᠡᠢ ᠲᠡᠢᠨ ᠬᠦ ᠨᠢᠭᠡᠨ ᠳᠦᠷᠰᠦ ᠨᠢᠳᠦᠨ ᠦ ᠮᠢᠨᠢ ᠡᠮᠦᠨᠡ ᠪᠠᠢᠬᠤ ᠳᠤ ᠨᠠᠮ ᠭᠦᠮ ᠳᠤᠮᠳᠠ ᠨᠢᠭᠡᠨ ᠳᠠᠭᠤ ᠰᠣᠨᠣᠰᠲᠠᠯᠠ᠄
17 〈ᠬᠥᠮᠦᠨ ᠪᠤᠷᠬᠠᠨ ᠠᠴᠠ ᠢᠯᠡᠭᠦᠦ ᠵᠥᠪ ᠪᠠᠢᠵᠤ ᠴᠢᠳᠠᠬᠤ ᠤᠤ︖ ᠪᠦᠲᠦᠭᠡᠭᠴᠢ ᠡᠴᠡ ᠪᠡᠨ ᠴᠡᠪᠡᠷ ᠪᠠᠢᠵᠤ ᠴᠢᠳᠠᠬᠤ ᠤᠤ︖
18 ᠪᠤᠷᠬᠠᠨ ᠵᠠᠷᠤᠴᠠ ᠨᠠᠷ ᠲᠠᠭᠠᠨ ᠢᠲᠡᠭᠡᠳᠡᠭ ᠦᠭᠡᠢ ᠲᠩᠷᠢ ᠡᠯᠴᠢᠳ ᠡᠴᠡ ᠪᠡᠨ ᠠᠯᠳᠠᠭᠠ ᠶᠢ ᠨᠢ ᠤᠯᠳᠠᠭ᠃
19 ᠲᠡᠭᠡᠪᠡᠯ ᠰᠢᠷᠣᠢ ᠠᠴᠠ ᠡᠭᠦᠰᠦᠭᠡᠳ ᠰᠢᠪᠠᠷ ᠣᠷᠣᠮᠵᠢᠨ ᠳᠤ ᠣᠷᠣᠰᠢᠵᠤ ᠳ᠋ᠧᠩ ᠤᠨ ᠡᠷᠪᠡᠬᠡᠢ ᠠᠳᠠᠯᠢ ᠨᠢᠴᠠᠯᠤᠭᠳᠠᠬᠤ ᠬᠥᠮᠦᠰ ᠲᠦ ᠶᠠᠭᠠᠬᠢᠨ ᠨᠠᠢᠳᠠᠬᠤ ᠪᠤᠢ︕
20 ᠲᠡᠳᠡ ᠥᠷᠯᠥᠭᠡ ᠦᠳᠡᠰᠢ ᠶᠢᠨ ᠬᠣᠭᠣᠷᠣᠨᠳᠣ ᠯᠠ ᠪᠢᠴᠠᠯᠤᠭᠳᠠᠨ ᠥᠪᠡᠷ ᠢ ᠪᠠᠨ ᠠᠪᠤᠷᠠᠬᠤ ᠠᠷᠭᠠ ᠦᠭᠡᠢ ᠪᠦᠷᠢᠮᠦᠰᠦᠨ ᠮᠥᠬᠥᠵᠦ᠂
21 ᠮᠠᠢᠬᠠᠨ ᠤ ᠬᠢᠨᠢ ᠣᠭᠣᠰᠣᠷ ᠲᠠᠰᠤᠷᠠᠬᠤ ᠳᠤ ᠮᠡᠷᠭᠡᠨ ᠤᠬᠠᠭᠠᠨ ᠣᠯᠣᠯ ᠦᠭᠡᠢ ᠪᠠᠷ ᠦᠬᠦᠨᠡ ᠪᠢᠵᠡ︖〉