ᠶᠣᠪ ᠠᠷᠪᠠ
1 ᠪᠢ ᠥᠪᠡᠷ ᠦᠨ ᠢᠶᠠᠨ ᠠᠮᠢᠳᠤᠷᠠᠯ ᠢ ᠵᠢᠭ᠍ᠰᠢᠵᠡᠢ᠂ ᠪᠢ ᠭᠣᠮᠣᠳᠠᠯ ᠢᠶᠠᠨ ᠴᠢᠯᠥᠭᠡᠲᠡᠢ ᠠᠭᠤᠳᠠᠯᠵᠤ ᠭᠠᠰᠢᠭᠤᠨ ᠰᠡᠳᠬᠢᠯ ᠢᠶᠠᠷ ᠶᠠᠷᠢᠨᠠ᠂
2 ᠪᠤᠷᠬᠠᠨ ᠳᠤ᠄ 〈ᠨᠠᠮᠠᠶᠢ ᠪᠦᠦ ᠪᠤᠷᠤᠭᠤᠰᠢᠶᠠᠭᠠᠴᠢ ᠶᠠᠭᠠᠬᠢᠭᠠᠳ ᠨᠠᠳᠠ ᠲᠠᠢ ᠲᠡᠮᠡᠴᠡᠭᠡᠳ ᠪᠠᠢᠭᠠ ᠪᠠᠨ ᠮᠡᠳᠡᠭᠦᠯᠦᠭᠡᠴᠢ〉 ᠭᠡᠵᠦ ᠬᠡᠯᠡᠬᠦ ᠪᠣᠯᠣᠨᠠ᠂
3 ᠥᠪᠡᠷ ᠦᠨ ᠢᠶᠠᠨ ᠭᠠᠷ ᠤᠨ ᠪᠦᠲᠦᠭᠡᠯ ᠢ ᠳᠠᠷᠤᠮᠲᠠᠯᠠᠨ ᠣᠭᠣᠷᠴᠤ ᠪᠤᠷᠤᠭᠤᠲᠠᠳ ᠤᠨ ᠵᠥᠪᠯᠡᠯᠭᠡ ᠶᠢ ᠲᠠᠭᠠᠰᠢᠶᠠᠬᠤ ᠨᠢ ᠥᠪᠡᠷ ᠦᠨ ᠲᠠᠨᠢ ᠬᠤᠪᠢ ᠳᠤ ᠰᠠᠢᠨ ᠤᠤ︖
4 ᠲᠠᠨ ᠳᠤ ᠮᠢᠬᠠᠨ ᠨᠢᠳᠦ ᠯᠠ ᠪᠠᠢᠳᠠᠭ ᠤᠤ︖ ᠲᠠ ᠬᠥᠮᠦᠨ ᠦ ᠬᠠᠷᠠᠳᠠᠭ ᠰᠢᠭ᠋ ᠯᠠ ᠬᠠᠷᠠᠳᠠᠭ ᠤᠤ︖
5 ᠲᠠᠨ ᠤ ᠡᠳᠦᠷ ᠤᠳ ᠬᠥᠮᠦᠨ ᠦ ᠡᠳᠦᠷ ᠰᠢᠭ ᠯᠠ ᠭᠡᠵᠢ ᠤᠤ︖ ᠲᠠᠨ ᠤ ᠣᠨ ᠵᠢᠯ ᠤᠳ ᠬᠥᠮᠦᠨ ᠦ ᠬᠢ ᠠᠳᠠᠯᠢ ᠪᠣᠯᠣᠭᠠᠳ
6 ᠲᠠ ᠠᠯᠳᠠᠭᠠ ᠶᠢ ᠮᠢᠨᠢ ᠡᠷᠢᠵᠦ ᠨᠢᠭᠦᠯ ᠢ ᠮᠢᠨᠢ ᠨᠡᠬᠡᠳᠡᠭ ᠭᠡᠵᠢ ᠤᠤ︖
7 ᠪᠤᠷᠤᠭᠤ ᠦᠭᠡᠢ ᠶᠢ ᠮᠢᠨᠢ ᠲᠠ ᠮᠡᠳᠡᠨᠡ᠂ ᠮᠤᠲᠤᠷ ᠠᠴᠠ ᠲᠠᠨᠢ ᠨᠠᠮᠠᠶᠢ ᠮᠤᠯᠲᠤᠯᠬᠤ ᠬᠡᠨ ᠴᠤ ᠠᠯᠠᠭᠠ᠃
8 ᠲᠠ ᠥᠪᠡᠷ ᠦᠨ ᠢᠶᠠᠨ ᠮᠤᠲᠤᠷ ᠢᠶᠠᠷ ᠨᠠᠮᠠᠶᠢ ᠬᠡᠯᠪᠡᠷᠢᠵᠢᠭᠦᠯᠵᠦ ᠪᠦᠲᠦᠭᠡᠭᠰᠡᠨ ᠡᠳᠦᠭᠡ ᠪᠦᠷᠢᠮᠦᠰᠦᠨ ᠤᠰᠠᠳᠬᠠᠬᠤ ᠭᠡᠵᠦ ᠪᠠᠢᠨᠠ ᠤᠤ︖
9 ᠨᠠᠮᠠᠶᠢ ᠰᠢᠪᠠᠷ ᠮᠡᠲᠦ ᠪᠦᠲᠦᠭᠡᠭᠰᠡᠨ ᠢᠶᠡᠨ ᠰᠠᠨᠠᠭᠠᠴᠢ ᠡᠳᠦᠭᠡ ᠰᠢᠷᠣᠢ ᠤᠷᠤᠭᠤ ᠪᠤᠴᠠᠭᠠᠬᠤ ᠭᠡᠵᠦ ᠪᠠᠢᠨᠠ ᠤᠤ︖
10 ᠲᠠ ᠨᠠᠮᠠᠶᠢ ᠰᠦ᠋ ᠰᠢᠭ ᠶᠡᠭᠦᠯᠡᠵᠦ ᠪᠢᠰᠢᠯᠠᠭ ᠰᠢᠭ᠋ ᠬᠠᠲᠠᠭᠤᠷᠠᠭᠤᠯᠵᠤ
11 ᠠᠷᠠᠰᠤ ᠪᠠ ᠮᠢᠬᠠ ᠪᠠᠷ ᠬᠤᠴᠢᠨ ᠶᠠᠰᠤ ᠪᠣᠯᠣᠨ ᠰᠢᠷᠪᠥᠰᠥ ᠪᠡᠷ ᠬᠣᠯᠪᠣᠭᠰᠠᠨ ᠪᠢᠰᠢ ᠤᠤ︖
12 ᠲᠠ ᠨᠠᠳᠠ ᠳᠤ ᠠᠮᠢ ᠬᠢᠭᠡᠳ ᠡᠨᠡᠷᠢᠯ ᠢ ᠰᠣᠶᠣᠷᠬᠠᠵᠤ ᠰᠦᠨᠡᠰᠦ ᠶᠢ ᠮᠢᠨᠢ ᠬᠠᠯᠠᠮᠵᠢᠯᠠᠨ ᠬᠠᠮᠠᠭᠠᠯᠠᠭᠰᠠᠨ ᠪᠢᠯᠡ᠂
13 ᠡᠳᠡᠭᠡᠷ ᠢ ᠲᠠ ᠵᠢᠷᠦᠬᠡᠨ ᠳᠡᠭᠡᠨ ᠨᠢᠭᠤᠵᠤ ᠪᠠᠢᠭᠰᠠᠨ ᠡᠢᠮᠦ ᠵᠣᠷᠢᠯᠭᠠ ᠲᠠᠢ ᠪᠠᠢᠭᠰᠠᠨ ᠢ ᠲᠠᠨᠢ ᠪᠢ ᠮᠡᠳᠡᠨᠡ᠂
14 ᠬᠡᠷᠪᠡ ᠪᠢ ᠨᠢᠭᠦᠯ ᠦᠢᠯᠡᠳᠦᠭᠰᠡᠨ ᠪᠣᠯ ᠲᠠ ᠨᠠᠮᠠᠶᠢ ᠬᠠᠷᠠᠭᠤᠯᠳᠠᠵᠤ ᠭᠡᠮ ᠢ ᠮᠢᠨᠢ ᠥᠷᠥᠰᠢᠶᠡᠬᠦ ᠦᠭᠡᠢ ᠪᠠᠢᠭᠰᠠᠨ᠂
15 ᠬᠡᠷᠪᠡ ᠪᠤᠷᠤᠭᠤ ᠲᠠᠢ ᠪᠣᠯ ᠪᠢ ᠭᠠᠰᠠᠯᠠᠩᠲᠠᠶᠠ᠂ ᠬᠠᠷᠢᠨ ᠪᠤᠷᠤᠭᠤ ᠦᠭᠡᠢ ᠪᠠᠢᠲᠠᠯᠠ ᠪᠠᠨ ᠪᠢ ᠢᠴᠢᠭᠦᠷᠢ ᠪᠠᠷ ᠳᠦᠭᠦᠷᠦᠭᠡᠳ ᠲᠣᠯᠣᠭᠠᠢ ᠪᠠᠨ ᠥᠨᠳᠡᠢᠯᠭᠡᠵᠦ ᠴᠢᠳᠠᠬᠤ ᠦᠭᠡᠢ ᠪᠠᠢᠨᠠ᠂ ᠬᠥᠭᠡᠷᠦᠬᠦᠢᠯᠡᠯᠲᠡᠢ ᠪᠠᠢᠳᠠᠯ ᠢ ᠮᠢᠨᠢ ᠬᠠᠷᠠᠭᠠᠴᠢ᠂
16 ᠬᠡᠷᠪᠡ ᠥᠨᠳᠡᠢᠶᠡ ᠭᠡᠪᠡᠯ ᠲᠠ ᠨᠠᠮᠠᠶᠢ ᠠᠷᠰᠯᠠᠨ ᠰᠢᠭ᠋ ᠠᠩᠨᠠᠵᠤ ᠠᠶᠤᠮᠰᠢᠭᠲᠤ ᠬᠦᠴᠦ ᠪᠡᠨ ᠠᠬᠢᠨ ᠬᠠᠷᠠᠭᠤᠯᠳᠠᠭ᠂
17 ᠲᠠ ᠨᠠᠮᠠᠶᠢ ᠪᠤᠷᠤᠭᠤᠳᠬᠠᠬᠤ ᠭᠡᠷᠡᠴᠢ ᠨᠠᠷ ᠢᠶᠠᠨ ᠳᠠᠬᠢᠨ ᠶᠠᠪᠤᠭᠤᠯᠵᠤ ᠠᠭᠤᠷ ᠬᠢᠯᠢᠩ ᠢᠶᠠᠨ ᠰᠢᠷᠦᠭᠦᠰᠭᠡᠭᠰᠡᠭᠡᠷ ᠥᠪᠡᠷ ᠦᠨ ᠢᠶᠠᠨ ᠴᠡᠷᠢᠭ ᠢ ᠳᠠᠬᠢᠨ ᠶᠠᠪᠤᠭᠤᠯᠵᠤ ᠪᠠᠢᠨᠠ᠃
18 ᠶᠠᠭᠤᠨ ᠳᠤ ᠲᠠ ᠨᠠᠮᠠᠶᠢ ᠬᠡᠪᠡᠯᠢ ᠡᠴᠡ ᠭᠠᠷᠭᠠᠪᠠ︖ ᠪᠢ ᠬᠡᠨ ᠦ ᠴᠤ ᠨᠢᠳᠦᠨ ᠳᠦ ᠥᠷᠲᠥᠭᠡ ᠦᠭᠡᠢ ᠦᠬᠦᠭᠰᠡᠨ ᠪᠣᠯᠣᠭᠠᠰᠠᠢ᠂
19 ᠪᠢ ᠬᠡᠵᠢᠶᠡ ᠴᠤ ᠪᠤᠢ ᠪᠣᠯᠣᠭᠠ ᠦᠭᠡᠢ ᠮᠡᠲᠦ ᠬᠡᠪᠡᠯᠢ ᠡᠴᠡ ᠪᠤᠯᠠᠰᠢ ᠤᠷᠤᠭᠤ ᠠᠪᠠᠴᠢᠭᠳᠠᠭᠰᠠᠨ ᠴᠤ ᠪᠣᠯᠣᠭᠠᠰᠠᠢ᠂
20 ᠡᠳᠦᠷ ᠤᠳ ᠮᠢᠨᠢ ᠴᠥᠭᠡᠨ ᠦᠯᠡᠳᠡᠭᠰᠡᠨ ᠪᠢᠰᠢ ᠤᠤ︖ ᠭᠠᠭᠴᠠᠭᠠᠷ ᠢ ᠮᠢᠨᠢ ᠣᠷᠬᠢᠭᠠᠴᠢ᠂ ᠪᠢ ᠵᠢᠭᠠᠬᠠᠨ ᠴᠤ ᠠᠮᠠᠷᠠᠬᠤ ᠶᠤᠮ ᠰᠠᠨ᠂
21 ᠬᠠᠷᠢᠵᠤ ᠢᠷᠡᠰᠢ ᠦᠭᠡᠢ ᠭᠠᠵᠠᠷ᠂ ᠬᠠᠷᠠᠩ᠋ᠭᠤᠢ ᠦᠬᠦᠯ ᠦᠨ ᠰᠡᠭᠦᠳᠡᠷᠲᠦ ᠭᠠᠵᠠᠷ ᠲᠤ ᠣᠴᠢᠬᠤ ᠶᠢᠨ ᠢᠶᠠᠨ ᠡᠮᠦᠨᠡ ᠠᠮᠠᠷᠠᠬᠤ ᠰᠠᠨ᠂
22 ᠲᠦᠨᠡᠷ ᠬᠠᠷᠠᠩ᠋ᠭᠤᠢ ᠭᠠᠵᠠᠷ᠂ ᠦᠬᠦᠯ ᠦᠨ ᠰᠡᠭᠦᠳᠡᠷ ᠲᠡᠢ᠂ ᠡᠮᠬᠢ ᠴᠡᠭᠴᠡ ᠦᠭᠡᠢ ᠭᠠᠵᠠᠷ ᠲᠡᠨᠳᠡᠬᠢ ᠭᠡᠷᠡᠯ ᠨᠢ ᠴᠤ ᠬᠠᠷᠠᠩ᠋ᠭᠤᠢ ᠮᠡᠲᠦ》 ᠭᠡᠪᠡ᠃