ᠶᠣᠪ ᠵᠢᠷᠭᠤᠭᠠ
ᠶᠣᠪ ᠤᠨ ᠬᠠᠷᠢᠭᠤ
1 ᠶᠣᠪ ᠬᠠᠷᠢᠭᠤᠯᠵᠤ᠄
2 《ᠥ᠂ ᠤᠢ ᠭᠠᠰᠢᠭᠤ ᠮᠢᠨᠢ ᠬᠡᠮᠵᠢᠭᠳᠡᠵᠦ ᠭᠠᠮᠰᠢᠭ ᠮᠢᠨᠢ ᠪᠦᠭᠦᠳᠡᠭᠡᠷ ᠵᠢᠩᠯᠡᠭᠳᠡᠬᠦ ᠴᠤ ᠪᠣᠯᠣᠭᠠᠰᠠᠢ᠂
3 ᠲᠡᠳᠡᠭᠡᠷ ᠨᠢ ᠳᠠᠯᠠᠢ ᠶᠢᠨ ᠡᠯᠡᠰᠦᠨ ᠡᠴᠡ ᠴᠤ ᠢᠯᠡᠭᠦᠦ ᠬᠦᠨᠳᠦ ᠪᠠᠢᠬᠠ ᠲᠡᠢᠮᠦ ᠡᠴᠡ ᠦᠭᠡᠰ ᠮᠢᠨᠢ ᠰᠢᠷᠦᠭᠦᠨ ᠪᠠᠢᠭᠰᠠᠨ᠂
4 ᠲᠡᠭᠦᠰ ᠬᠦᠴᠦᠲᠡᠨ ᠦ ᠰᠤᠮᠤ ᠨᠤᠭᠤᠳ ᠨᠠᠮᠠᠶᠢ ᠤᠨᠤᠵᠤ ᠰᠦᠨᠡᠰᠦ ᠮᠢᠨᠢ ᠬᠣᠣᠷ ᠢ ᠨᠢ ᠤᠤᠭᠤᠵᠤ ᠪᠤᠢ᠂ ᠪᠤᠷᠬᠠᠨ ᠤ ᠠᠶᠤᠮᠰᠢᠭᠲᠤ ᠦᠢᠯᠡᠰ ᠮᠢᠨᠦ ᠡᠮᠦᠨᠡ ᠵᠢᠭᠰᠠᠭᠠᠲᠠᠢ᠂
5 ᠡᠪᠡᠰᠦ ᠲᠠᠢ ᠪᠠᠢᠬᠤ ᠳᠤ ᠵᠡᠷᠯᠢᠭ ᠡᠯᠵᠢᠭᠡ ᠡᠭᠡᠭᠡᠭᠯᠡᠬᠦ ᠤᠤ︖ ᠲᠡᠵᠢᠭᠡᠯ ᠲᠡᠢ ᠪᠠᠢᠬᠤ ᠳᠤ ᠦᠬᠡᠷ ᠮᠥᠭᠡᠷᠡᠬᠦ ᠤᠤ︖
6 ᠠᠮᠲᠠ ᠦᠭᠡᠢ ᠶᠢ ᠳᠠᠪᠤᠰᠤ ᠦᠭᠡᠢ ᠪᠠᠷ ᠢᠳᠡᠳᠡᠭ ᠤᠤ︖ ᠣᠳᠣ ᠡᠪᠡᠰᠦᠨ 2 ᠤ ᠰᠢᠭᠦᠰᠦᠨ ᠳᠦ ᠠᠮᠲᠠ ᠪᠠᠢᠳᠠᠭ ᠤᠤ︖
7 ᠪᠢ ᠲᠡᠳᠡᠭᠡᠷ ᠲᠦ ᠬᠦᠷᠬᠦ ᠴᠤ ᠳᠤᠷᠠ ᠦᠭᠡᠢ ᠪᠠᠢᠨᠠ᠂ ᠲᠡᠳᠡᠭᠡᠷ ᠬᠣᠭᠣᠯᠠ ᠨᠠᠳᠠ ᠳᠤ ᠵᠢᠪᠡᠭᠦᠦ ᠬᠦᠷᠦᠮᠡᠷ ᠶᠤᠮ᠃
8 ᠬᠦᠰᠡᠯᠲᠡ ᠶᠢ ᠮᠢᠨᠢ ᠬᠡᠨ ᠵᠥᠪᠰᠢᠶᠡᠷᠡᠬᠦ ᠪᠢᠯᠡ︖ ᠭᠣᠷᠢᠳᠠᠯᠭᠠ ᠶᠢ ᠮᠢᠨᠢ ᠪᠤᠷᠬᠠᠨ ᠰᠣᠶᠣᠷᠬᠠᠬᠤ ᠴᠤ ᠪᠣᠯᠣᠭᠠᠰᠠᠢ︕
9 ᠲᠡᠭᠡᠭᠡᠳ ᠪᠤᠷᠬᠠᠨ ᠨᠠᠮᠠᠶᠢ ᠳᠤᠷᠠᠲᠠᠢ ᠨᠢᠴᠠᠯᠬᠤ ᠴᠤ ᠪᠣᠯᠣᠭᠠᠰᠠᠢ ᠭᠠᠷ ᠢᠶᠠᠨ ᠰᠤᠩ᠋ᠭᠠᠵᠤ ᠨᠠᠮᠠᠶᠢ ᠤᠰᠠᠳᠬᠠᠬᠤ ᠴᠤ ᠪᠣᠯᠣᠭᠠᠰᠠᠢ︕
10 ᠲᠡᠭᠡᠬᠦ ᠨᠢ ᠨᠠᠳᠠ ᠳᠤ ᠲᠠᠢᠳᠬᠤᠷᠠᠯ ᠪᠣᠯᠣᠨᠠ᠂ ᠠᠷᠢᠭᠤᠨ ᠨᠢᠭᠡᠨ ᠦ ᠦᠭᠡᠰ ᠢ ᠪᠢ ᠨᠢᠭᠤᠭᠠ ᠦᠭᠡᠢ ᠥᠷᠥᠰᠢᠶᠡᠯ ᠦᠭᠡᠢ ᠡᠪᠡᠳᠴᠢᠨ ᠳᠤᠮᠳᠠ ᠴᠤ ᠪᠢ ᠪᠠᠶᠠᠷᠯᠠᠨᠠ᠂
11 ᠪᠢ ᠶᠠᠮᠠᠷ ᠬᠦᠴᠦ ᠲᠠᠢ ᠪᠣᠯᠣᠭᠠᠳ ᠬᠦᠯᠢᠶᠡᠬᠦ ᠪᠢᠯᠡ︖ ᠶᠠᠮᠠᠷ ᠵᠣᠷᠢᠯᠭᠠ ᠲᠠᠢ ᠪᠣᠯᠣᠭᠠᠳ ᠬᠦᠯᠢᠴᠡᠭᠰᠡᠭᠡᠷ ᠪᠠᠢᠬᠤ ᠪᠢᠯᠡ︖
12 ᠬᠠᠳᠠ ᠴᠢᠯᠠᠭᠤᠨ ᠤ ᠬᠦᠴᠦ ᠨᠠᠳᠠ ᠳᠤ ᠪᠤᠢ ᠤᠤ︖ ᠪᠡᠶᠡ ᠮᠢᠨᠢ ᠬᠦᠷᠡᠯ ᠢᠶᠡᠷ ᠪᠦᠲᠦᠭᠡ ᠤᠤ︖
13 ᠮᠢᠨᠦ ᠲᠤᠰᠠᠯᠠᠮᠵᠢ ᠮᠢᠨᠦ ᠳᠣᠲᠣᠷᠠ ᠪᠤᠢ ᠤᠤ︖ ᠠᠷᠭᠠ ᠤᠬᠠᠭᠠᠨ ᠨᠠᠳᠠ ᠠᠴᠠ ᠵᠠᠢᠯᠠᠭᠰᠠᠨ ᠪᠢᠯᠡ᠃
14 ᠴᠥᠬᠥᠷᠡᠭᠰᠡᠨ ᠨᠠᠢᠵᠢ ᠪᠠᠨ ᠡᠰᠡ ᠡᠨᠡᠷᠢᠭ᠍ᠴᠢ ᠨᠢ ᠲᠡᠭᠦᠰ ᠬᠦᠴᠦᠲᠡᠨ ᠡᠴᠡ ᠡᠮᠢᠶᠡᠬᠦ ᠪᠡᠨ ᠣᠭᠣᠷᠣᠭᠴᠢ ᠶᠤᠮ᠂
15 ᠬᠠᠷᠢᠨ ᠠᠬᠠ ᠳᠡᠭᠦᠦᠰ ᠮᠢᠨᠢ ᠢᠲᠡᠭᠡᠮᠵᠢ ᠦᠭᠡᠢ ᠬᠠᠶᠠ ᠤᠷᠤᠰᠴᠤ ᠬᠠᠶᠠ ᠬᠠᠲᠠᠳᠠᠭ ᠭᠣᠷᠣᠬᠠ ᠮᠡᠲᠦ᠂
16 ᠮᠥᠰᠥ ᠬᠠᠢᠯᠪᠠᠯ ᠪᠤᠯᠠᠩ᠋ᠭᠢᠷᠲᠤᠵᠤ ᠴᠠᠰᠤ ᠬᠠᠢᠯᠪᠠᠯ ᠪᠢᠯᠬᠠᠳᠠᠭ
17 ᠳᠤᠯᠠᠭᠠᠨ ᠪᠣᠯᠬᠤ ᠳᠤ ᠤᠷᠤᠰᠬᠤ ᠪᠠᠨ ᠪᠣᠯᠢᠵᠤ ᠬᠠᠯᠠᠭᠤᠨ ᠪᠣᠯᠬᠤ ᠳᠤ ᠣᠷᠣ ᠮᠥᠷ ᠦᠭᠡᠢ ᠠᠷᠢᠯᠳᠠᠭ ᠲᠤᠯᠠ
18 ᠵᠢᠩᠴᠢᠳ ᠢᠷᠡᠭᠡᠳ ᠵᠠᠮ ᠠᠴᠠ ᠪᠠᠨ ᠡᠷᠭᠢᠵᠦ ᠵᠡᠯᠢᠭᠦᠳ ᠭᠠᠵᠠᠷ ᠤᠷᠤᠭᠤ ᠣᠷᠣᠵᠤ ᠰᠥᠨᠥᠬᠦ ᠪᠤᠢ᠂
19 ᠲᠧᠮᠠ ᠶᠢᠨ ᠵᠢᠩᠴᠢᠳ ᠲᠡᠭᠦᠨ ᠢ ᠬᠠᠷᠠᠭᠰᠠᠨ ᠱᠧᠪᠠ ᠶᠢᠨ ᠠᠶᠠᠨᠴᠢᠳ ᠲᠡᠭᠦᠨ ᠳᠦ ᠨᠠᠢᠳᠠᠭᠰᠠᠨ ᠪᠣᠯᠪᠠᠴᠤ
20 ᠨᠠᠢᠳᠠᠯᠭᠠ ᠲᠠᠯᠪᠢᠭᠰᠠᠨ ᠳᠠᠭᠠᠨ ᠢᠴᠢᠪᠡ ᠲᠡᠨᠳᠡ ᠣᠴᠢᠩ᠋ᠭᠤᠲᠠ ᠬᠥᠰᠡᠷᠳᠡᠪᠡ᠂
21 ᠡᠳᠦᠭᠡ ᠲᠠ ᠨᠠᠷ ᠶᠠᠭ ᠲᠡᠢᠮᠦ ᠪᠠᠢᠨᠠ᠂ ᠠᠶᠤᠮᠰᠢᠭ ᠢ ᠬᠠᠷᠠᠭᠠᠳ ᠠᠶᠤᠭᠰᠠᠨ᠂
22 ᠪᠢ ᠲᠠ ᠨᠠᠷ ᠠᠴᠠ ᠪᠡᠯᠡᠭ ᠰᠡᠯᠲᠡ ᠭᠤᠶᠤᠵᠤ ᠪᠠᠢᠭᠰᠠᠨ ᠤᠤ︖ ᠡᠰᠡᠪᠡᠯ᠄ 〈ᠡᠳ᠋ ᠬᠥᠷᠥᠩᠭᠡ ᠡᠴᠡ ᠪᠡᠨ ᠬᠠᠨᠳᠢᠪ ᠠᠪᠴᠢᠷᠠ〉 ᠭᠡᠵᠦ ᠪᠠᠢᠭᠰᠠᠨ ᠤᠤ︖
23 ᠡᠰᠡᠪᠡᠯ᠄ 〈ᠳᠠᠢᠰᠤᠨ ᠤ ᠭᠠᠷ ᠠᠴᠠ ᠨᠠᠮᠠᠶᠢ ᠴᠢᠯᠥᠭᠡᠯᠡᠭᠡᠴᠢ〉 ᠭᠡᠵᠦ᠂ ᠡᠰᠡᠪᠡᠯ᠄ 〈ᠳᠠᠷᠤᠯᠠᠭᠴᠢᠳ ᠤᠨ ᠭᠠᠷ ᠠᠴᠠ ᠵᠣᠯᠢᠨ ᠠᠪᠤᠭᠠᠴᠢ〉 ᠭᠡᠵᠦ ᠪᠠᠢᠭᠰᠠᠨ ᠤᠤ︖
24 ᠨᠠᠳᠠ ᠳᠤ ᠵᠢᠭᠠᠵᠤ ᠥᠭᠭᠥᠭᠡᠴᠢ᠂ ᠪᠢ ᠳᠠᠭᠤ ᠦᠭᠡᠢ ᠪᠠᠢᠶᠠ ᠬᠡᠷᠬᠢᠨ ᠠᠯᠳᠠᠭᠰᠠᠨ ᠢ ᠮᠢᠨᠢ ᠬᠠᠷᠠᠭᠤᠯᠤᠭᠠᠴᠢ᠂
25 ᠰᠢᠳᠤᠷᠭᠤ ᠦᠭᠡᠰ ᠶᠠᠭᠤᠲᠠᠢ ᠬᠤᠷᠴᠠ ᠪᠤᠢ︖ ᠬᠠᠷᠢᠨ ᠲᠠ ᠨᠠᠷ ᠤᠨ ᠵᠢᠮᠡᠯᠡᠯ ᠶᠠᠭᠤ ᠶᠢ ᠵᠢᠮᠡᠯᠡᠬᠦ ᠭᠡᠳ ᠪᠠᠢᠨᠠ︖
26 ᠴᠥᠬᠥᠷᠡᠭᠰᠡᠨ ᠨᠢᠭᠡᠨ ᠦ ᠦᠭᠡᠰ ᠰᠠᠯᠬᠢ ᠮᠡᠲᠦ ᠪᠠᠢᠳᠠᠭ ᠪᠠᠢᠬᠤ ᠳᠤ ᠲᠠ ᠨᠠᠷ ᠦᠭᠡᠰ ᠡᠴᠡ ᠮᠢᠨᠢ ᠪᠣᠯᠵᠤ ᠵᠢᠮᠡᠯᠡᠬᠦ ᠭᠡᠵᠦ ᠪᠠᠢᠨᠠ ᠤᠤ︖
27 ᠲᠠ ᠨᠠᠷ ᠥᠨᠥᠴᠢᠨ ᠬᠡᠦᠬᠡᠳ ᠤᠳ ᠢ ᠬᠤᠳᠠᠯᠳᠤᠬᠤ ᠪᠠᠷ ᠰᠢᠪᠠᠭᠠ ᠬᠠᠶᠠᠵᠤ ᠠᠨᠳᠠ ᠨᠠᠢᠵᠢ ᠪᠠᠨ ᠠᠷᠠᠯᠵᠢᠬᠤ ᠨᠢ ᠡ᠂
28 ᠣᠳᠣ ᠨᠠᠳᠠ ᠤᠷᠤᠭᠤ ᠬᠠᠷᠠᠭᠠᠴᠢ᠂ ᠨᠢᠭᠤᠷ ᠳᠡᠭᠡᠷᠡ ᠴᠢᠨᠢ ᠪᠢ ᠬᠤᠳᠠᠯ ᠶᠠᠷᠢᠨᠠ ᠭᠡᠵᠢ ᠤᠤ︖
29 ᠡᠷᠭᠢᠭᠡᠴᠢ᠂ ᠵᠦᠢ ᠪᠤᠰᠤ ᠪᠠᠷ ᠬᠠᠨᠳᠤᠬᠤ ᠪᠠᠨ ᠪᠣᠯᠢᠭᠠᠴᠢ ᠡᠷᠭᠢᠭᠡᠴᠢ᠂ ᠵᠥᠪ ᠪᠠᠢᠳᠠᠯ ᠢ ᠮᠢᠨᠢ ᠬᠦᠯᠢᠶᠡᠨ ᠵᠥᠪᠰᠢᠶᠡᠷᠡᠭᠡᠴᠢ᠂
30 ᠬᠡᠯᠡᠨ ᠳᠡᠭᠡᠷᠡ ᠮᠢᠨᠢ ᠵᠦᠢ ᠪᠤᠰᠤ ᠨᠢ ᠪᠠᠢᠨᠠ ᠤᠤ︖ ᠲᠠᠩᠨᠠᠢ ᠮᠢᠨᠢ ᠬᠣᠷᠣᠨ ᠮᠠᠭᠤ ᠶᠢ ᠢᠯᠭᠠᠵᠤ ᠴᠢᠳᠠᠬᠤ ᠪᠠᠨ ᠪᠣᠯᠢᠭᠰᠠᠨ ᠤᠤ︖