ᠶᠣᠪ ᠭᠤᠴᠢᠨ ᠳᠥᠷᠪᠡ
1 ᠡᠯᠢᠾᠦ᠋ ᠦᠷᠭᠦᠯᠵᠢᠯᠡᠭᠦᠯᠦᠨ᠄
2 《ᠮᠡᠷᠭᠡᠳ ᠡ᠂ ᠮᠢᠨᠦ ᠦᠭᠡᠰ ᠢ ᠰᠣᠨᠣᠰ ᠮᠡᠳᠡᠯᠭᠡ ᠲᠠᠢ ᠨᠢ ᠨᠠᠳᠠ ᠤᠷᠤᠭᠤ ᠴᠢᠬᠢ ᠪᠠᠨ ᠬᠠᠨᠳᠤᠭᠤᠯ
3 ᠠᠮᠠ ᠬᠣᠭᠣᠯᠠ ᠶᠢ ᠠᠮᠲᠠᠯᠠᠳᠠᠭ ᠴᠢᠬᠢ ᠦᠭᠡᠰ ᠢ ᠢᠯᠭᠠᠳᠠᠭ ᠶᠤᠮ
4 ᠪᠢᠳᠡ ᠬᠠᠮᠲᠤ ᠳᠠᠭᠠᠨ ᠵᠥᠪ ᠢ ᠰᠣᠩ᠋ᠭᠣᠶᠠ ᠠᠯᠢ ᠨᠢ ᠰᠠᠢᠨ ᠪᠣᠯᠬᠤ ᠶᠢ ᠮᠡᠳᠡᠵᠦ ᠠᠪᠤᠶᠠ᠂
5 ᠶᠣᠪ ᠬᠡᠯᠡᠬᠦ ᠳᠡᠭᠡᠨ᠄ 〈ᠪᠢ ᠪᠤᠷᠤᠭᠤ ᠦᠭᠡᠢ᠂ ᠬᠠᠷᠢᠨ ᠪᠤᠷᠬᠠᠨ ᠰᠢᠳᠤᠷᠭᠤ ᠰᠢᠭᠦᠯᠲᠡ ᠪᠡᠨ ᠨᠠᠳᠠ ᠠᠴᠠ ᠵᠠᠢᠯᠠᠭᠤᠯᠤᠭᠰᠠᠨ
6 ᠪᠢ ᠰᠢᠳᠤᠷᠭᠤ ᠪᠠᠢᠲᠠᠯᠠ ᠪᠠᠨ ᠬᠤᠳᠠᠯᠴᠢ ᠳᠤ ᠲᠣᠭᠠᠴᠠᠭᠳᠠᠪᠠ ᠭᠡᠮ ᠦᠭᠡᠢ ᠪᠠᠢᠲᠠᠯᠠ ᠪᠠᠨ ᠡᠳᠡᠭᠡᠷᠡᠰᠢ ᠦᠭᠡᠢ ᠪᠠᠷ ᠰᠢᠷᠬᠠᠲᠤᠪᠠ〉 ᠭᠡᠨᠡ᠂
7 ᠶᠣᠪ ᠰᠢᠭ᠋ ᠬᠥᠮᠦᠨ ᠬᠠᠮᠢᠭᠠ ᠪᠠᠢᠨᠠ︖ ᠲᠡᠷᠡ ᠳᠣᠷᠣᠮᠵᠢᠯᠠᠯ ᠢ ᠤᠰᠤ ᠮᠡᠲᠦ ᠤᠤᠭᠤᠵᠤ
8 ᠮᠠᠭᠤ ᠶᠢ ᠦᠢᠯᠡᠳᠦᠭᠴᠢᠳ ᠲᠠᠢ ᠪᠦᠯᠦᠭᠯᠡᠨ ᠪᠤᠷᠤᠭᠤᠲᠠᠳ ᠲᠠᠢ ᠠᠯᠬᠤᠬᠤ ᠪᠣᠯᠵᠤ ᠪᠠᠢᠨᠠ᠂
9 ᠲᠡᠷᠡ᠄ 〈ᠪᠤᠷᠬᠠᠨ ᠢ ᠪᠠᠶᠠᠷᠯᠠᠭᠤᠯᠬᠤ ᠪᠠᠢᠭᠰᠠᠨ ᠴᠤ ᠬᠥᠮᠦᠨ ᠳᠦ ᠠᠰᠢᠭ ᠨᠢ ᠠᠯᠠᠭᠠ〉 ᠭᠡᠰᠡᠨ᠃
10 ᠤᠬᠠᠭᠠᠨ ᠲᠠᠢ ᠬᠥᠮᠦᠰ ᠡ᠂ ᠮᠢᠨᠦᠬᠢ ᠶᠢ ᠰᠣᠨᠣᠰᠴᠠᠭᠠ ᠪᠤᠷᠤᠭᠤ ᠨᠢ ᠪᠤᠷᠬᠠᠨ ᠠᠴᠠ᠂ ᠠᠯᠳᠠᠭᠠ ᠨᠢ ᠲᠡᠭᠦᠰ ᠬᠦᠴᠦᠲᠡᠨ ᠡᠴᠡ ᠬᠣᠯᠠ ᠪᠠᠢᠭ᠂
11 ᠲᠡᠷᠡ ᠪᠡᠷ ᠬᠥᠮᠦᠨ ᠳᠦ ᠦᠢᠯᠡᠰ ᠦᠨ ᠬᠢᠨᠢ ᠳᠠᠭᠠᠤ ᠬᠠᠷᠢᠭᠤᠯᠵᠤ ᠵᠠᠮ ᠤᠨ ᠬᠢᠨᠢ ᠳᠠᠭᠠᠤ ᠬᠦᠷᠲᠡᠭᠡᠨᠡ᠃
12 ᠪᠤᠷᠬᠠᠨ ᠬᠡᠵᠢᠶᠡ ᠴᠤ ᠪᠤᠷᠤᠭᠤ ᠶᠢ ᠦᠢᠯᠡᠳᠬᠦ ᠦᠭᠡᠢ ᠲᠡᠭᠦᠰ ᠬᠦᠴᠦᠲᠡᠨ ᠰᠢᠯᠤᠭᠤᠨ ᠢ ᠮᠤᠷᠤᠢᠯᠭᠠᠬᠤ ᠦᠭᠡᠢ᠂
13 ᠬᠡᠨ ᠭᠠᠵᠠᠷ ᠳᠡᠯᠡᠬᠡᠢ ᠶᠢ ᠲᠡᠭᠦᠨ ᠳᠦ ᠳᠠᠭᠠᠭᠠᠯᠭᠠᠪᠠ︖ ᠬᠡᠨ ᠪᠦᠬᠦ ᠣᠷᠴᠢᠯᠠᠩ ᠢ ᠲᠡᠭᠦᠨ ᠢᠶᠡᠷ ᠬᠠᠷᠢᠭᠤᠴᠠᠭᠤᠯᠪᠠ︖
14 ᠬᠡᠷᠪᠡ ᠪᠤᠷᠬᠠᠨ ᠥᠪᠡᠷ ᠢ ᠪᠠᠨ ᠯᠠ ᠪᠣᠳᠣᠵᠤ ᠥᠪᠡᠷ ᠦᠨ ᠢᠶᠠᠨ ᠰᠦᠨᠡᠰᠦ ᠪᠠ ᠠᠮᠢᠰᠬᠤᠯ ᠢ ᠠᠪᠠᠴᠢᠪᠠᠯ
15 ᠮᠢᠬᠠᠨ ᠪᠡᠶᠡᠲᠦ ᠪᠦᠬᠦᠨ ᠵᠡᠷᠭᠡ ᠪᠡᠷ ᠮᠥᠬᠥᠵᠦ ᠬᠥᠮᠦᠨ ᠰᠢᠷᠣᠢ ᠳᠤ ᠪᠤᠴᠠᠬᠤ ᠪᠣᠯᠣᠨᠠ᠃
16 ᠤᠬᠠᠭᠠᠨ ᠪᠠᠢᠪᠠᠯ ᠰᠣᠨᠣᠰ ᠶᠠᠷᠢᠬᠤ ᠦᠭᠡᠨ ᠳᠦ ᠮᠢᠨᠢ ᠴᠢᠬᠢ ᠲᠠᠯᠪᠢ᠂
17 ᠰᠢᠳᠤᠷᠭᠤ ᠶᠢ ᠵᠢᠭ᠍ᠰᠢᠭ᠍ᠴᠢ ᠶᠠᠭᠠᠬᠢᠵᠤ ᠵᠠᠬᠢᠷᠤᠭᠴᠢ ᠪᠣᠯᠬᠤ ᠪᠤᠢ︖ ᠵᠥᠪᠲᠦ ᠬᠦᠴᠦᠲᠦ ᠨᠢᠭᠡᠨ ᠢ ᠲᠠ ᠪᠤᠷᠤᠭᠤᠳᠬᠠᠬᠤ ᠭᠡᠵᠦ ᠪᠠᠢᠨᠠ ᠤᠤ︖
18 ᠲᠡᠷᠡ ᠯᠠ ᠬᠠᠭᠠᠨ ᠢ 〈ᠥᠭᠡᠳᠡ ᠦᠭᠡᠢ ᠠᠮᠢᠲᠠᠨ〉 ᠭᠡᠬᠦ ᠪᠤᠶᠤ ᠨᠣᠶᠠᠳ ᠢ 〈ᠪᠤᠷᠤᠭᠤᠲᠠᠨ〉 ᠭᠡᠵᠦ ᠪᠣᠯᠣᠨᠠ᠂
19 ᠲᠡᠷᠡ ᠵᠠᠬᠢᠷᠤᠭᠴᠢᠳ ᠲᠤ ᠲᠠᠯᠠ ᠵᠠᠰᠠᠳᠠᠭ ᠪᠢᠰᠢ ᠪᠠᠶᠠᠨ ᠢ ᠶᠠᠳᠠᠭᠤ ᠠᠴᠠ ᠢᠯᠡᠭᠦᠦ ᠲᠠᠭᠠᠯᠠᠳᠠᠭ ᠪᠢᠰᠢ ᠤᠴᠢᠷ ᠨᠢ ᠲᠡᠳᠡ ᠪᠦᠭᠦᠳᠡ ᠲᠡᠭᠦᠨ ᠦ ᠮᠤᠲᠤᠷ ᠤᠨ ᠪᠦᠲᠦᠭᠡᠯ ᠶᠤᠮ᠂
20 ᠬᠣᠷᠣᠮ ᠵᠠᠭᠤᠷᠠ ᠲᠡᠳᠡ ᠦᠬᠦᠵᠡᠭᠡᠨᠡ ᠬᠥᠮᠦᠰ ᠰᠥᠨᠢ ᠳᠤᠮᠳᠠ ᠲᠠᠲᠠᠪ ᠬᠢᠵᠦ ᠣᠳᠣᠨᠠ ᠬᠦᠴᠦᠲᠡᠳ ᠴᠤ ᠬᠥᠮᠦᠨ ᠦ ᠭᠠᠷ ᠤᠨ ᠣᠷᠣᠯᠴᠠᠭᠠ ᠦᠭᠡᠢ ᠪᠠᠷ ᠵᠠᠢᠯᠠᠭᠤᠯᠤᠭᠳᠠᠨᠠ᠃
21 ᠪᠤᠷᠬᠠᠨ ᠤ ᠮᠡᠯᠮᠡᠢ ᠬᠥᠮᠦᠨ ᠦ ᠵᠠᠮ ᠳᠡᠭᠡᠷᠡ ᠪᠠᠢᠨᠠ ᠪᠦᠬᠦ ᠠᠯᠬᠤᠮ ᠢ ᠨᠢ ᠠᠵᠢᠭᠯᠠᠵᠤ ᠪᠠᠢᠨᠠ᠂
22 ᠬᠣᠷᠣᠨ ᠮᠠᠭᠤ ᠶᠢ ᠦᠢᠯᠡᠳᠦᠭᠴᠢᠳ ᠤᠨ ᠨᠢᠭᠤᠭᠳᠠᠵᠤ ᠪᠣᠯᠬᠤ ᠬᠠᠷᠠᠩ᠋ᠭᠤᠢ ᠪᠤᠶᠤ ᠰᠡᠭᠦᠳᠡᠷ ᠠᠯᠠᠭᠠ᠂
23 ᠪᠤᠷᠬᠠᠨ ᠬᠥᠮᠦᠨ ᠢ ᠤᠳᠠᠭᠠᠨ ᠪᠠᠢᠴᠠᠭᠠᠬᠤ ᠱᠠᠭᠠᠷᠳᠠᠯᠭᠠ ᠦᠭᠡᠢ ᠬᠥᠮᠦᠨ ᠰᠢᠭᠦᠯᠭᠡᠬᠦ ᠪᠡᠷ ᠪᠤᠷᠬᠠᠨ ᠳᠤ ᠥᠪᠡᠷ ᠢᠶᠡᠨ ᠣᠴᠢᠬᠤ ᠱᠠᠭᠠᠷᠳᠠᠯᠭᠠ ᠦᠭᠡᠢ᠂
24 ᠡᠢᠮᠦ ᠡᠴᠡ ᠲᠡᠷᠡ ᠪᠡᠷ ᠬᠦᠴᠦᠲᠡᠳ ᠢ ᠪᠠᠢᠴᠠᠭᠠᠯ ᠦᠭᠡᠢ ᠪᠠᠷ ᠪᠢᠴᠠᠯᠵᠤ ᠣᠷᠣᠨ ᠳᠤᠨᠢ ᠥᠭᠡᠷᠡ ᠬᠥᠮᠦᠨ ᠢ ᠪᠣᠰᠬᠠᠳᠠᠭ᠂
25 ᠦᠢᠯᠡᠰ ᠢ ᠨᠢ ᠲᠡᠷᠡ ᠡᠢᠨ ᠬᠦ ᠠᠩᠵᠠᠭᠠᠷᠠᠵᠤ ᠰᠥᠨᠢ ᠳᠤᠮᠳᠠ ᠪᠠᠷ ᠲᠡᠳᠡᠨ ᠢ ᠬᠥᠮᠥᠷᠢᠵᠦ ᠰᠥᠨᠥᠭᠡᠨ
26 ᠭᠡᠮ ᠪᠤᠷᠤᠭᠤ ᠶᠢᠨ ᠬᠢᠨᠢ ᠤᠯᠠᠮ ᠢᠶᠠᠷ ᠬᠥᠮᠦᠰ ᠦᠨ ᠨᠢᠳᠦᠨ ᠦ ᠡᠮᠦᠨᠡ ᠰᠢᠳᠬᠡᠨᠡ᠂
27 ᠶᠠᠭᠠᠬᠢᠭᠠᠳ ᠭᠡᠪᠡᠯ᠂ ᠲᠡᠳᠡ ᠲᠡᠭᠦᠨ ᠡᠴᠡ ᠡᠷᠭᠢᠵᠦ ᠲᠡᠭᠦᠨ ᠦ ᠵᠠᠮ ᠢ ᠦᠯᠦ ᠣᠢᠰᠢᠶᠠᠳᠠᠭ᠂
28 ᠲᠡᠳᠡᠨ ᠡᠴᠡ ᠪᠣᠯᠵᠤ ᠶᠠᠳᠠᠭᠤᠰ ᠤᠨ ᠬᠠᠰᠬᠢᠷᠤᠭᠠᠨ ᠪᠤᠷᠬᠠᠨ ᠳᠤ ᠬᠦᠷᠲᠡᠭ ᠲᠡᠷᠡ ᠪᠡᠷ ᠦᠭᠡᠭᠦᠴᠦᠳ ᠦᠨ ᠬᠠᠰᠬᠢᠷᠤᠭᠠᠨ ᠢ ᠰᠣᠨᠣᠰᠴᠤ ᠪᠠᠢᠳᠠᠭ᠂
29 ᠬᠡᠳᠦᠢᠪᠡᠷ ᠪᠤᠷᠬᠠᠨ ᠳᠠᠭᠤ ᠦᠭᠡᠢ ᠪᠠᠢᠭᠰᠠᠨ ᠴᠤ ᠬᠡᠨ ᠲᠡᠭᠦᠨ ᠢ ᠪᠤᠷᠤᠭᠤᠳᠬᠠᠨᠠ ᠪᠤᠢ︖ ᠨᠢᠭᠤᠷ ᠢᠶᠠᠨ ᠲᠡᠷᠡ ᠨᠢᠭᠤᠪᠠᠯ ᠬᠡᠨ ᠲᠡᠭᠦᠨ ᠢ ᠬᠠᠷᠠᠵᠤ ᠴᠢᠳᠠᠬᠤ ᠪᠤᠢ︖ ᠲᠡᠢᠮᠦ ᠪᠠᠢᠭᠰᠠᠨ ᠴᠤ ᠲᠡᠷᠡ ᠪᠡᠷ ᠦᠨᠳᠦᠰᠦᠲᠡᠨ ᠦ ᠳᠡᠭᠡᠷᠡ᠂ ᠬᠥᠮᠦᠨ ᠲᠥᠷᠥᠯᠬᠢᠲᠡᠨ ᠦ ᠳᠡᠭᠡᠷᠡ ᠪᠠᠢᠵᠤ
30 ᠠᠷᠠᠳ ᠣᠯᠠᠨ ᠢ ᠰᠦᠰᠦᠭ ᠦᠭᠡᠢ ᠬᠥᠮᠦᠨ ᠦ ᠨᠣᠶᠠᠷᠬᠠᠯ ᠪᠠ ᠬᠠᠪᠬᠠᠨ ᠠᠴᠠ ᠨᠢ ᠬᠠᠮᠠᠭᠠᠯᠠᠵᠤ ᠪᠠᠢᠳᠠᠭ᠃
31 ᠬᠠᠷᠢᠨ ᠬᠡᠨ ᠨᠢᠭᠡᠨ ᠨᠢ ᠪᠤᠷᠬᠠᠨ ᠳᠤ᠄ 〈ᠪᠢ ᠰᠢᠳᠬᠡᠯ ᠬᠦᠯᠢᠶᠡᠶᠡ᠂ ᠪᠢ ᠳᠠᠬᠢᠭᠠᠳ ᠭᠡᠮ ᠦᠢᠯᠡᠳᠬᠦ ᠦᠭᠡᠢ
32 ᠣᠯᠵᠤ ᠬᠠᠷᠠᠭᠠ ᠦᠭᠡᠢ ᠶᠢ ᠮᠢᠨᠢ ᠨᠠᠳᠠ ᠳᠤ ᠵᠢᠭᠠᠵᠤ ᠥᠭᠭᠥᠭᠡᠴᠢ ᠠᠯᠳᠠᠭᠠ ᠪᠤᠷᠤᠭᠤ ᠲᠠᠢ ᠪᠠᠢᠭᠰᠠᠨ ᠪᠣᠯ ᠪᠢ ᠠᠬᠢᠭᠠᠳ ᠲᠡᠳᠡᠭᠡᠷ ᠢ ᠦᠢᠯᠡᠳᠬᠦ ᠦᠭᠡᠢ〉 ᠭᠡᠵᠦ ᠬᠡᠯᠡᠬᠦ ᠶᠣᠰᠣᠲᠠᠢ ᠪᠢᠰᠢ ᠤᠤ︖
33 ᠲᠠ ᠭᠡᠮᠰᠢᠬᠦ ᠦᠭᠡᠢ ᠪᠠᠢᠬᠤ ᠳᠤ᠂ ᠪᠤᠷᠬᠠᠨ ᠬᠦᠰᠡᠭᠰᠡᠨ ᠢᠶᠡᠷ ᠴᠢᠨᠢ ᠨᠥᠬᠥᠨ ᠲᠥᠯᠥᠬᠦ ᠶᠣᠰᠣᠲᠠᠢ ᠭᠡᠵᠢ ᠤᠤ︖ ᠪᠢ ᠪᠢᠰᠢ᠂ ᠲᠠ ᠰᠣᠩ᠋ᠭᠣᠬᠤ ᠶᠣᠰᠣᠲᠠᠢ᠂ ᠶᠣᠪ ᠡ ᠵᠠ᠂ ᠰᠠᠨᠠᠯ ᠢᠶᠠᠨ ᠬᠡᠯᠡᠭᠡᠴᠢ᠂
34 ᠦᠭᠡ ᠶᠢ ᠮᠢᠨᠢ ᠰᠣᠨᠣᠰᠣᠭᠰᠠᠨ ᠤᠬᠠᠭᠠᠯᠢᠭ᠂ ᠮᠡᠷᠭᠡᠨ ᠬᠥᠮᠦᠰ ᠨᠠᠳᠠ ᠳᠤ᠄
35 〈ᠶᠣᠪ ᠤᠨ ᠶᠠᠷᠢᠶᠠᠨ ᠳᠤ ᠮᠡᠳᠡᠯᠭᠡ ᠠᠯᠠᠭᠠ ᠦᠭᠡᠨ ᠳᠦᠨᠢ ᠮᠡᠷᠭᠡᠨ ᠤᠬᠠᠭᠠᠨ ᠦᠭᠡᠢ〉 ᠭᠡᠵᠦ ᠬᠡᠯᠡᠨᠡ᠂
36 ᠶᠣᠪ ᠬᠣᠷᠣᠨ ᠮᠠᠭᠤ ᠬᠥᠮᠦᠨ ᠰᠢᠭ ᠬᠠᠷᠢᠭᠤᠯᠳᠠᠭ ᠲᠤᠯᠠ ᠲᠤᠢᠯ ᠳᠠᠭᠠᠨ ᠲᠤᠯᠲᠠᠯᠠ ᠰᠣᠷᠢᠭᠳᠠᠬᠤ ᠴᠤ ᠪᠣᠯᠣᠭᠠᠰᠠᠢ᠂
37 ᠲᠡᠷᠡ ᠪᠡᠷ ᠳᠡᠭᠡᠷᠡ ᠪᠡᠨ ᠲᠡᠷᠰᠯᠡᠯ ᠢ ᠨᠡᠮᠡᠵᠦ ᠪᠢᠳᠡᠨ ᠦ ᠳᠤᠮᠳᠠ ᠠᠯᠠᠭᠠ ᠪᠠᠨ ᠲᠠᠰᠢᠨ ᠪᠤᠷᠬᠠᠨ ᠤ ᠡᠰᠡᠷᠭᠦ ᠣᠯᠠᠨ ᠦᠭᠡ ᠶᠠᠷᠢᠵᠤ ᠪᠠᠢᠨᠠ》 ᠭᠡᠪᠡ᠃