ᠶᠣᠪ ᠭᠤᠴᠢᠨ ᠲᠠᠪᠤ
1 ᠡᠯᠢᠾᠦ᠋ ᠦᠷᠭᠦᠯᠵᠢᠯᠡᠭᠦᠯᠦᠨ᠄
2 《ᠲᠠ ᠶᠠᠷᠢᠵᠤ ᠪᠠᠢᠭᠠ ᠪᠠᠨ ᠵᠦᠢ ᠲᠡᠢ ᠭᠡᠵᠦ ᠪᠣᠳᠣᠵᠤ ᠪᠠᠢᠨᠠ ᠤᠤ︖ ᠲᠠ᠄ 〈ᠪᠤᠷᠬᠠᠨ ᠤ ᠡᠮᠦᠨᠡ ᠪᠢ ᠵᠥᠪ ᠰᠢᠳᠤᠷᠭᠤ〉 ᠭᠡᠰᠡᠨ᠂
3 ᠪᠠᠰᠠ 〈ᠲᠡᠭᠡᠭᠰᠡᠨ ᠴᠤ ᠨᠠᠳᠠ ᠳᠤ ᠶᠠᠮᠠᠷ ᠠᠰᠢᠭ ᠲᠠᠢ ᠪᠢᠯᠡ︖ ᠨᠢᠭᠦᠯ ᠦᠢᠯᠡᠳᠬᠦ ᠦᠭᠡᠢ ᠪᠠᠢᠭᠰᠠᠨ ᠢᠶᠠᠷ ᠪᠢ ᠶᠠᠭᠤ ᠣᠯᠬᠤ ᠪᠢᠯᠡ︖〉 ᠭᠡᠰᠡᠨ ᠶᠤᠮ᠃
4 ᠲᠡᠢᠮᠦ ᠡᠴᠡ ᠲᠠᠨ ᠳᠤ ᠪᠣᠯᠣᠨ ᠲᠠᠨ ᠤ ᠠᠨᠳᠠ ᠨᠠᠷ ᠲᠤ ᠬᠠᠷᠢᠭᠤᠯᠤᠶᠠ᠂
5 ᠲᠩᠷᠢ ᠥᠭᠡᠳᠡ ᠬᠠᠷᠠᠭᠲᠤᠨ ᠥᠪᠡᠷ ᠡᠴᠡ ᠪᠡᠨ ᠥᠨᠳᠥᠷ ᠲᠦ ᠪᠤᠢ ᠡᠭᠦᠯᠡᠰ ᠢ ᠦᠵᠡᠭᠲᠦᠨ᠂
6 ᠲᠠ ᠨᠢᠭᠦᠯ ᠦᠢᠯᠡᠳᠳᠡᠭ ᠢᠶᠡᠷ ᠢᠶᠠᠨ ᠪᠤᠷᠬᠠᠨ ᠢ ᠶᠠᠭᠠᠬᠢᠵᠤ ᠨᠥᠯᠥᠭᠡᠯᠡᠬᠦ ᠪᠤᠢ︖ ᠨᠢᠭᠦᠯ ᠴᠢᠨᠢ ᠣᠯᠠᠨ ᠪᠠᠢᠭᠰᠠᠨ ᠴᠤ ᠲᠡᠭᠦᠨ ᠳᠦ ᠶᠠᠮᠠᠷ ᠬᠠᠮᠢᠶᠠ ᠲᠠᠢ ᠪᠤᠢ︖
7 ᠵᠥᠪᠲᠦ ᠪᠠᠢᠯᠠ ᠴᠤ ᠲᠠ ᠲᠡᠭᠦᠨ ᠳᠦ ᠶᠠᠭᠤ ᠬᠦᠷᠲᠡᠭᠡᠵᠦ ᠲᠠᠨ ᠤ ᠭᠠᠷ ᠠᠴᠠ ᠲᠡᠷᠡ ᠶᠠᠭᠤ ᠬᠦᠷᠲᠡᠬᠦ ᠶᠣᠰᠣᠲᠠᠢ ᠪᠤᠢ︖
8 ᠠᠯᠳᠠᠭᠠ ᠴᠢᠨᠢ ᠲᠠᠨ ᠰᠢᠭ᠋ ᠬᠥᠮᠦᠨ ᠢ ᠯᠠ ᠵᠥᠪᠲᠦ ᠪᠠᠢᠳᠠᠯ ᠴᠢᠨᠢ ᠬᠥᠮᠦᠨ ᠦ ᠬᠥᠪᠡᠭᠦᠳ ᠢ ᠯᠠ ᠨᠥᠯᠥᠭᠡᠯᠡᠨᠡ᠃
9 ᠬᠥᠮᠦᠰ ᠣᠯᠠᠨ ᠳᠠᠷᠤᠮᠲᠠ ᠠᠴᠠ ᠪᠣᠯᠵᠤ ᠬᠠᠰᠬᠢᠷᠤᠨ ᠬᠦᠴᠦᠲᠡᠳ ᠦᠨ ᠭᠠᠷ ᠠᠴᠠ ᠠᠪᠤᠷᠬᠠᠳᠠᠬᠤ ᠶᠢ ᠬᠦᠰᠡᠳᠡᠭ ᠪᠣᠯᠪᠠᠴᠤ
10 〈ᠨᠠᠮᠠᠶᠢ ᠪᠦᠲᠦᠭᠡᠭᠴᠢ ᠪᠤᠷᠬᠠᠨ᠂ ᠰᠥᠨᠢ ᠳᠤᠮᠳᠠ ᠪᠠᠷ ᠳᠠᠭᠤᠤ ᠰᠣᠶᠣᠷᠬᠠᠭᠴᠢ
11 ᠪᠢᠳᠡᠨ ᠳᠦ ᠭᠠᠵᠠᠷ ᠤᠨ ᠠᠮᠢᠲᠠᠳ ᠠᠴᠠ ᠢᠯᠡᠭᠦᠦ ᠶᠢ ᠰᠤᠷᠭᠠᠭᠴᠢ ᠪᠢᠳᠡᠨ ᠢ ᠲᠩᠷᠢ ᠶᠢᠨ ᠰᠢᠪᠠᠭᠤᠳ ᠠᠴᠠ ᠢᠯᠡᠭᠦᠦ ᠮᠡᠷᠭᠡᠨ ᠪᠣᠯᠭᠠᠭᠴᠢ ᠲᠡᠷᠡ ᠬᠠᠮᠢᠭᠠ ᠪᠠᠢᠨᠠ︖〉 ᠭᠡᠵᠦ ᠶᠠᠷᠢᠭᠴᠢ ᠨᠢ ᠦᠭᠡᠢ ᠪᠠᠢᠨᠠ᠂
12 〈ᠬᠣᠷᠣᠨ ᠮᠠᠭᠤ ᠬᠥᠮᠦᠰ ᠦᠨ ᠣᠩᠭᠢᠷᠠᠳᠠᠭ ᠭᠠᠵᠠᠷ ᠲᠤ ᠲᠡᠳᠡᠨ ᠦ ᠤᠯᠠᠮ ᠢᠶᠠᠷ ᠣᠷᠢᠯᠠᠭᠰᠠᠨ ᠴᠤ ᠲᠡᠷᠡ ᠬᠠᠷᠢᠭᠤᠯᠳᠠᠭ ᠦᠭᠡᠢ〉 ᠭᠡᠳ
13 〈ᠪᠤᠷᠬᠠᠨ ᠰᠣᠨᠣᠰᠬᠤ ᠦᠭᠡᠢ ᠲᠡᠭᠦᠰ ᠬᠦᠴᠦᠲᠡᠨ ᠣᠢᠰᠢᠶᠠᠬᠤ ᠦᠭᠡᠢ〉 ᠭᠡᠳᠡᠭ ᠨᠢ ᠬᠣᠭᠣᠰᠣᠨ
14 〈ᠲᠡᠷᠡ ᠬᠠᠷᠠᠬᠤ ᠦᠭᠡᠢ〉 ᠭᠡᠳᠡᠭ ᠨᠢ ᠪᠦᠷ ᠬᠣᠭᠣᠰᠣᠨ᠂ ᠲᠠᠨ ᠤ ᠬᠡᠷᠡᠭ ᠲᠡᠭᠦᠨ ᠦ ᠡᠮᠦᠨᠡ ᠪᠠᠢᠨᠠ ᠲᠠ ᠲᠡᠭᠦᠨ ᠢ ᠬᠦᠯᠢᠶᠡ᠂
15 ᠭᠡᠪᠡᠴᠦ ᠣᠳᠣ 〈ᠲᠡᠷᠡ ᠬᠢᠯᠢᠩ ᠢᠶᠠᠷ ᠢᠶᠠᠨ ᠰᠢᠳᠬᠡᠳᠡᠭ ᠦᠭᠡᠢ ᠮᠤᠩ᠋ᠬᠠᠭᠯᠠᠯ ᠢ ᠶᠡᠬᠡ ᠠᠩᠵᠠᠭᠠᠷᠠᠳᠠᠭ ᠦᠭᠡᠢ〉 ᠭᠡᠵᠦ
16 ᠶᠣᠪ ᠲᠠ ᠠᠮᠠ ᠪᠠᠨ ᠳᠡᠮᠡᠢ ᠨᠡᠭᠡᠭᠡᠨ ᠮᠡᠳᠡᠯᠭᠡ ᠦᠭᠡᠢ ᠣᠯᠠᠨ ᠦᠭᠡ ᠶᠢ ᠭᠠᠷᠭᠠᠵᠤ ᠪᠠᠢᠨᠠ》 ᠭᠡᠪᠡ᠃