ᠶᠣᠪ ᠳᠥᠴᠢᠨ ᠬᠣᠶᠠᠷ
ᠶᠣᠪ ᠤᠨ ᠬᠠᠷᠢᠭᠤ
1 ᠶᠣᠪ ᠶᠣᠬᠣᠸᠠ ᠳᠤ ᠬᠠᠷᠢᠭᠤᠯᠤᠨ᠄
2 《ᠲᠠ ᠪᠦᠬᠦᠨ ᠢ ᠦᠢᠯᠡᠳᠴᠦ ᠴᠢᠳᠠᠬᠤ ᠶᠢ ᠪᠢ ᠮᠡᠳᠡᠳᠡᠭ ᠲᠠᠨ ᠤ ᠲᠥᠯᠥᠪᠯᠡᠭᠰᠡᠨ ᠵᠦᠢᠯᠡᠰ ᠰᠠᠭᠠᠲᠠᠭᠠᠭᠳᠠᠭ ᠦᠭᠡᠢ
3 ᠲᠠ᠄ 〈ᠮᠡᠳᠡᠯᠭᠡ ᠦᠭᠡᠢ ᠪᠠᠷ ᠵᠣᠷᠢᠯᠭᠠ ᠶᠢ ᠮᠢᠨᠢ ᠪᠦᠳᠡᠭᠢᠷᠡᠭᠦᠯᠵᠦ ᠪᠠᠢᠭᠠ ᠡᠨᠡ ᠬᠡᠨ ᠪᠤᠢ︖〉 ᠭᠡᠰᠡᠨᠴᠢᠯᠡᠨ ᠦᠨᠡᠬᠡᠷ ᠪᠢ ᠥᠪᠡᠷ ᠦᠨ ᠣᠢᠯᠠᠭᠠᠰᠢ ᠦᠭᠡᠢ᠂ ᠮᠡᠳᠡᠰᠢ ᠦᠭᠡᠢ ᠭᠠᠢᠬᠠᠮᠰᠢᠭᠲᠠᠢ ᠵᠦᠢᠯᠡᠰ ᠢ ᠶᠠᠷᠢᠵᠠᠢ᠂
4 ᠲᠠ 〈ᠴᠢ ᠡᠷᠡ ᠬᠥᠮᠦᠨ ᠰᠢᠭ ᠪᠦᠰᠡ ᠪᠡᠨ ᠴᠢᠩ᠋ᠭᠠᠯᠠᠵᠤ ᠠᠰᠠᠭᠤᠯᠲᠠ ᠳᠤ ᠮᠢᠨᠢ ᠬᠠᠷᠢᠭᠤ ᠥᠭ〉 ᠭᠡᠰᠡᠨ᠂
5 ᠪᠢ ᠲᠠᠨ ᠤ ᠲᠤᠬᠠᠢ ᠴᠢᠬᠢ ᠪᠠᠷ ᠢᠶᠠᠨ ᠯᠠ ᠰᠣᠨᠣᠰᠴᠤ ᠪᠠᠢᠭᠰᠠᠨ ᠣᠳᠣ ᠲᠠᠨ ᠢ ᠨᠢᠳᠦ ᠪᠡᠷ ᠢᠶᠠᠨ ᠬᠠᠷᠠᠵᠠᠢ᠂
6 ᠡᠢᠮᠦ ᠡᠴᠡ ᠪᠢ ᠦᠭᠡ ᠪᠡᠨ ᠪᠤᠴᠠᠭᠠᠵᠤ ᠦᠨᠡᠰᠦ ᠰᠢᠷᠣᠢ ᠶᠢᠨ ᠳᠡᠭᠡᠷᠡ ᠭᠡᠮᠰᠢᠨᠡ》 ᠭᠡᠪᠡ᠃
7 ᠶᠣᠬᠣᠸᠠ ᠶᠣᠪ ᠲᠤ ᠠᠢᠯᠠᠳᠤᠭᠰᠠᠨ ᠤ ᠳᠠᠷᠠᠭᠠ᠂ ᠲᠧᠮᠠᠨ ᠬᠥᠮᠦᠨ ᠡᠯᠢᠹᠠᠽ ᠲᠤ᠄ 《ᠪᠢ ᠴᠢᠮᠠ ᠳᠤ ᠪᠣᠯᠣᠨ ᠴᠢᠨᠦ ᠬᠣᠶᠠᠷ ᠠᠨᠳᠠ ᠳᠤ ᠠᠭᠤᠷ ᠬᠦᠷᠴᠦ ᠪᠠᠢᠨᠠ᠃ ᠮᠢᠨᠦ ᠲᠤᠬᠠᠢ ᠲᠠ ᠨᠠᠷ ᠮᠢᠨᠦ ᠵᠠᠷᠤᠴᠠ ᠶᠣᠪ ᠰᠢᠭ᠋ ᠦᠨᠡᠨᠴᠢ ᠪᠠᠷ ᠶᠠᠷᠢᠭᠰᠠᠨ ᠪᠢᠰᠢ᠃ 8 ᠣᠳᠣ ᠲᠠ ᠨᠠᠷ ᠮᠢᠨᠦ ᠵᠠᠷᠤᠴᠠ ᠶᠣᠪ ᠤᠷᠤᠭᠤ ᠳᠣᠯᠣᠭᠠᠨ ᠪᠤᠬᠠ᠂ ᠳᠣᠯᠣᠭᠠᠨ ᠬᠤᠴᠠ ᠠᠪᠴᠢᠷᠠᠵᠤ᠂ ᠥᠪᠡᠷᠰᠡᠳ ᠲᠡᠭᠡᠨ ᠵᠣᠷᠢᠭᠤᠯᠤᠨ ᠰᠢᠲᠠᠭᠠᠯᠭᠠᠲᠤ ᠲᠠᠬᠢᠯ ᠡᠷᠭᠦᠭᠲᠦᠨ᠃ ᠮᠢᠨᠦ ᠵᠠᠷᠤᠴᠠ ᠶᠣᠪ ᠲᠠ ᠨᠠᠷ ᠤᠨ ᠡᠮᠦᠨᠡ ᠡᠴᠡ ᠳᠠᠭᠠᠳᠬᠠᠪᠠᠯ᠂ ᠪᠢ ᠳᠠᠭᠠᠳᠬᠠᠯ ᠢ ᠨᠢ ᠬᠦᠯᠢᠶᠡᠨ ᠠᠪᠬᠤ ᠪᠥᠭᠡᠳ ᠮᠤᠩ᠋ᠬᠠᠭᠯᠠᠯ ᠤᠨ ᠴᠢᠨᠢ ᠶᠣᠰᠣᠭᠠᠷ ᠲᠠ ᠨᠠᠷ ᠲᠤ ᠬᠠᠨᠳᠤᠬᠤ ᠦᠭᠡᠢ᠃ ᠲᠠ ᠨᠠᠷ ᠮᠢᠨᠦ ᠲᠤᠬᠠᠢ ᠮᠢᠨᠦ ᠵᠠᠷᠤᠴᠠ ᠶᠣᠪ ᠰᠢᠭ᠋ ᠦᠨᠡᠨᠴᠢ ᠪᠠᠷ ᠶᠠᠷᠢᠭᠰᠠᠨ ᠪᠢᠰᠢ》 ᠭᠡᠪᠡ᠃ 9 ᠢᠩᠭᠢᠭᠡᠳ ᠲᠧᠮᠠᠨ ᠬᠥᠮᠦᠨ ᠡᠯᠢᠹᠠᠽ᠂ ᠱᠦᠾ ᠬᠥᠮᠦᠨ ᠪᠢᠯᠳᠠᠳ᠋ ᠪᠣᠯᠣᠨ ᠨᠠᠮᠠ ᠬᠥᠮᠦᠨ ᠽᠣᠹᠠᠷ ᠬᠥᠳᠡᠯᠵᠦ᠂ ᠶᠣᠬᠣᠸᠠ ᠶᠢᠨ ᠥᠪᠡᠷᠰᠡᠳ ᠲᠤᠨᠢ ᠠᠢᠯᠠᠳᠤᠭᠰᠠᠨ ᠤ ᠶᠣᠰᠣᠭᠠᠷ ᠦᠢᠯᠡᠳᠦᠭᠰᠡᠨ ᠪᠥᠭᠡᠳ ᠶᠣᠬᠣᠸᠠ ᠶᠣᠪ ᠤᠨ ᠳᠠᠭᠠᠳᠬᠠᠯ ᠢ ᠬᠦᠯᠢᠶᠡᠨ ᠠᠪᠴᠠᠢ᠃
ᠪᠤᠷᠬᠠᠨ ᠶᠣᠪ ᠢ ᠰᠡᠷᠭᠦᠭᠡᠪᠡ
10 ᠶᠣᠪ ᠨᠥᠬᠥᠳ ᠦᠨ ᠢᠶᠠᠨ ᠲᠥᠯᠥᠭᠡ ᠳᠠᠭᠠᠳᠬᠠᠬᠤ ᠳᠤ᠂ ᠶᠣᠬᠣᠸᠠ ᠲᠡᠭᠦᠨ ᠦ ᠪᠠᠢᠳᠠᠯ ᠢ ᠰᠡᠷᠭᠦᠭᠡᠪᠡ᠃ ᠲᠡᠷᠡ ᠲᠡᠭᠦᠨ ᠳᠦ ᠪᠠᠢᠭᠰᠠᠨ ᠪᠦᠬᠦᠨ ᠢ ᠨᠢ ᠬᠣᠶᠠᠷ ᠳᠠᠬᠢᠨ ᠪᠣᠯᠭᠠᠵᠠᠢ᠃ 11 ᠲᠡᠭᠦᠨ ᠦ ᠪᠦᠬᠦ ᠠᠬᠠ ᠳᠡᠭᠦᠦ᠂ ᠡᠭᠡᠴᠢ ᠳᠡᠭᠦᠦ ᠬᠢᠭᠡᠳ ᠲᠡᠭᠦᠨ ᠢ ᠲᠠᠨᠢᠳᠠᠭ ᠪᠠᠢᠭᠰᠠᠨ ᠪᠦᠭᠦᠳᠡ ᠲᠡᠭᠦᠨ ᠤᠷᠤᠭᠤ ᠢᠷᠡᠵᠡᠭᠡᠪᠡ᠃ ᠲᠡᠳᠡ ᠶᠣᠪ ᠲᠠᠢ ᠬᠠᠮᠲᠤ ᠭᠡᠷ ᠲᠤᠨᠢ ᠢᠳᠡᠵᠦ ᠤᠤᠭᠤᠨ᠂ ᠶᠣᠬᠣᠸᠠ ᠶᠢᠨ ᠪᠠᠭᠤᠯᠭᠠᠭᠰᠠᠨ ᠠᠯᠢᠪᠠ ᠵᠣᠪᠠᠯᠠᠩ ᠢ ᠠᠮᠰᠠᠭᠰᠠᠨ ᠲᠡᠭᠦᠨ ᠢ ᠲᠠᠢᠪᠤᠰᠢᠷᠠᠭᠤᠯᠤᠨ ᠲᠠᠢᠳᠬᠤᠷᠠᠭᠤᠯᠵᠤ᠂ ᠬᠥᠮᠦᠨ ᠪᠦᠷᠢ ᠨᠢᠵᠡᠭᠡᠳ ᠮᠥᠩᠭᠥ ᠪᠣᠯᠣᠨ ᠠᠯᠲᠠᠨ ᠪᠥᠭᠡᠵᠢ ᠥᠭᠴᠡᠢ᠃ 12 ᠶᠣᠬᠣᠸᠠ ᠶᠣᠪ ᠤᠨ ᠰᠡᠭᠦᠯᠴᠢ ᠶᠢᠨ ᠬᠢᠨᠢ ᠡᠳᠦᠷ ᠤᠳ ᠢ ᠠᠩ᠋ᠬᠠᠨ ᠤ ᠬᠢᠨᠢ ᠡᠳᠦᠷ ᠤᠳ ᠠᠴᠠ ᠢᠯᠡᠭᠦᠦ ᠪᠡᠷ ᠢᠪᠡᠭᠡᠪᠡ᠃ ᠶᠣᠪ ᠲᠦᠮᠡ ᠳᠥᠷᠪᠡᠨ ᠮᠢᠩ᠋ᠭᠠᠨ ᠬᠣᠨᠢ᠂ ᠵᠢᠷᠭᠤᠭᠠᠨ ᠮᠢᠩ᠋ᠭᠠᠨ ᠲᠡᠮᠡᠭᠡ᠂ ᠮᠢᠩ᠋ᠭᠠᠨ ᠪᠤᠭᠤᠯᠠᠭᠠᠨ ᠤ ᠬᠣᠣᠰ ᠦᠬᠡᠷ᠂ ᠮᠢᠩ᠋ᠭᠠᠨ ᠡᠮᠡ ᠡᠯᠵᠢᠭᠡ ᠲᠠᠢ ᠪᠣᠯᠪᠠ᠃ 13 ᠲᠡᠷᠡ ᠪᠡᠷ ᠳᠣᠯᠣᠭᠠᠨ ᠬᠦᠦ᠂ ᠭᠤᠷᠪᠠᠨ ᠥᠬᠢᠨ ᠲᠠᠢ ᠪᠣᠯᠵᠠᠢ᠃ 14 ᠶᠣᠪ ᠤᠤᠭᠠᠨ ᠥᠬᠢᠨ ᠢᠶᠠᠨ ᠶᠧᠮᠢᠮᠠ 18 ᠂ ᠳᠠᠷᠠᠭᠠᠬᠢ ᠪᠠᠨ ᠺᠧᠽᠢᠶᠠ 19 ᠂ ᠭᠤᠷᠪᠠᠳᠠᠬᠢ ᠪᠠᠨ ᠺᠧᠷᠧᠨ ᠬᠠᠫᠦ᠋ᠺ 20 ᠬᠡᠮᠡᠨ ᠨᠡᠷᠡᠯᠡᠵᠡᠢ᠃ 15 ᠭᠠᠵᠠᠷ ᠳᠠᠶᠠᠭᠠᠷ ᠶᠣᠪ ᠤᠨ ᠥᠬᠢᠳ ᠰᠢᠭ ᠦᠵᠡᠰᠬᠦᠯᠡᠩ ᠲᠡᠢ ᠡᠮᠡᠭᠲᠡᠢ ᠣᠯᠳᠠᠳᠠᠭ ᠦᠭᠡᠢ ᠪᠠᠢᠯᠠ᠃ ᠡᠴᠢᠭᠡ ᠨᠢ ᠲᠡᠳᠡᠨ ᠳᠦ ᠠᠬᠠ ᠨᠠᠷ ᠲᠠᠢ ᠨᠢ ᠠᠳᠠᠯᠢᠬᠠᠨ ᠥᠪ ᠥᠭᠴᠡᠢ᠃ 16 ᠡᠭᠦᠨ ᠦ ᠳᠠᠷᠠᠭᠠ ᠶᠣᠪ ᠵᠠᠭᠤ ᠳᠥᠴᠢᠨ ᠵᠢᠯ ᠠᠮᠢᠳᠤᠷᠠᠭᠰᠠᠨ ᠪᠥᠭᠡᠳ ᠬᠥᠪᠡᠭᠦᠳ᠂ ᠠᠴᠢ ᠨᠠᠷ ᠠᠴᠠ ᠪᠠᠨ ᠭᠠᠳᠠᠨᠠ᠂ ᠳᠥᠷᠪᠡᠳᠡᠬᠢ ᠦᠶᠡ ᠪᠡᠨ ᠦᠵᠡᠵᠡᠢ᠃ 17 ᠶᠣᠪ ᠥᠨᠳᠥᠷ ᠨᠠᠰᠤᠯᠠᠵᠤ᠂ ᠡᠳᠦᠷ ᠤᠳ ᠢᠶᠠᠨ ᠭᠦᠢᠴᠡᠭᠡᠭᠡᠳ ᠥᠭᠡᠳᠡ ᠪᠣᠯᠣᠭᠰᠠᠨ ᠪᠠᠢᠨᠠ᠃