ᠶᠣᠪ ᠬᠣᠷᠢᠨ ᠬᠣᠶᠠᠷ
ᠭᠤᠷᠪᠠᠳᠤᠭᠠᠷ ᠡᠷᠭᠢᠭᠡᠨ ᠦ ᠶᠠᠷᠢᠯᠴᠠᠭᠠ ᠡᠯᠢᠹᠠᠽ ᠤᠨ ᠶᠠᠷᠢᠶᠠ
1 ᠲᠧᠮᠠᠨ ᠬᠥᠮᠦᠨ ᠡᠯᠢᠹᠠᠽ ᠬᠠᠷᠢᠭᠤᠯᠵᠤ᠄
2 《ᠬᠥᠮᠦᠨ ᠪᠤᠷᠬᠠᠨ ᠳᠤ ᠠᠰᠢᠭ ᠲᠠᠢ ᠭᠡᠵᠢ ᠤᠤ︖ ᠮᠡᠷᠭᠡᠨ ᠨᠢ ᠴᠤ ᠥᠪᠡᠷ ᠲᠡᠭᠡᠨ ᠯᠠ ᠠᠰᠢᠭ ᠲᠠᠢ ᠪᠢᠵᠡ᠂
3 ᠵᠥᠪᠲᠦ ᠪᠠᠢᠳᠠᠯ ᠴᠢᠨᠢ ᠲᠡᠭᠦᠰ ᠬᠦᠴᠦᠲᠡᠨ ᠳᠦ ᠪᠠᠶᠠᠷ ᠪᠣᠯᠣᠨᠠ ᠭᠡᠵᠢ ᠤᠤ︖ ᠵᠠᠮ ᠴᠢᠨᠢ ᠪᠤᠷᠤᠭᠤ ᠦᠭᠡᠢ ᠪᠠᠢᠭᠰᠠᠨ ᠴᠤ ᠲᠡᠭᠦᠨ ᠳᠦ ᠨᠡᠮᠡᠷᠢ ᠪᠣᠯᠣᠨᠠ ᠭᠡᠵᠢ ᠤᠤ︖
4 ᠪᠤᠷᠬᠠᠨ ᠴᠢᠮᠠᠶᠢ ᠥᠪᠡᠷ ᠡᠴᠡ ᠨᠢ ᠡᠮᠢᠶᠡᠳᠡᠭ ᠦᠨ ᠤᠴᠢᠷ ᠢᠶᠠᠷ ᠵᠢᠮᠡᠯᠡᠨ ᠰᠢᠳᠬᠡᠵᠦ ᠪᠠᠢᠨᠠ ᠭᠡᠵᠢ ᠤᠤ︖
5 ᠨᠢᠭᠦᠯ ᠴᠢᠨᠢ ᠶᠡᠬᠡ ᠭᠡᠮ ᠴᠢᠨᠢ ᠬᠡᠮᠵᠢᠶᠡᠯᠡᠰᠢ ᠦᠭᠡᠢ ᠪᠢᠰᠢ ᠤᠤ︖
6 ᠴᠢ ᠠᠬᠠ ᠳᠡᠭᠦᠦᠰ ᠡᠴᠡ ᠪᠡᠨ ᠰᠢᠯᠲᠠᠭᠠᠨ ᠦᠭᠡᠢ ᠪᠠᠷ ᠪᠠᠷᠢᠴᠠᠭᠠ ᠠᠪᠴᠤ ᠨᠣᠣᠷᠬᠠᠢ ᠬᠤᠪᠴᠠᠰᠤ ᠲᠠᠢ ᠬᠥᠮᠦᠰ ᠦᠨ ᠬᠤᠪᠴᠠᠰᠤ ᠶᠢ ᠬᠠᠤ ᠲᠠᠲᠠᠭᠰᠠᠨ ᠪᠠᠢᠬᠠ᠂
7 ᠶᠠᠳᠠᠷᠠᠭᠰᠠᠨ ᠬᠥᠮᠦᠨ ᠳᠦ ᠴᠢ ᠤᠤᠭᠤᠬᠤ ᠤᠰᠤ ᠥᠭᠭᠥᠭᠡ ᠦᠭᠡᠢ ᠥᠯᠥᠰᠥᠭᠰᠡᠨ ᠬᠥᠮᠦᠨ ᠡᠴᠡ ᠬᠦᠨᠡᠰᠦ ᠪᠡᠨ ᠬᠠᠷᠠᠮᠨᠠᠭᠰᠠᠨ ᠪᠠᠢᠬᠠ᠂
8 ᠡᠷᠬᠡ ᠮᠡᠳᠡᠯᠲᠡᠨ ᠪᠣᠯᠵᠤ ᠭᠠᠵᠠᠷ ᠡᠵᠡᠮᠰᠢᠨ ᠠᠯᠳᠠᠷ ᠬᠦᠨᠳᠦᠲᠡᠢ ᠪᠣᠯᠵᠤ ᠲᠡᠨᠳᠡ ᠰᠠᠭᠤᠳᠠᠭ ᠠᠲᠠᠯᠠ ᠪᠠᠨ
9 ᠪᠡᠯᠪᠡᠰᠦᠨ ᠡᠮᠡᠭᠲᠡᠢ ᠶᠢ ᠬᠣᠭᠣᠰᠣᠨ ᠪᠤᠴᠠᠭᠠᠵᠤ ᠥᠨᠥᠴᠢᠨ ᠬᠡᠦᠬᠡᠳ ᠤᠳ ᠤᠨ ᠭᠠᠷ ᠢ ᠬᠤᠭᠤᠯᠤᠭᠰᠠᠨ ᠪᠠᠢᠬᠠ᠂
10 ᠲᠡᠢᠮᠦ ᠡᠴᠡ ᠤᠷᠠᠬᠠ ᠴᠢᠮᠠᠶᠢ ᠬᠦᠷᠢᠶᠡᠯᠡᠵᠦ ᠭᠡᠨᠡᠳᠲᠡ ᠶᠢᠨ ᠠᠶᠤᠮᠰᠢᠭ ᠴᠢᠮᠠᠶᠢ ᠲᠦᠭᠰᠢᠭᠡᠨ
11 ᠬᠠᠷᠠᠵᠤ ᠴᠢᠳᠠᠬᠤ ᠪᠠᠷ ᠦᠭᠡᠢ ᠬᠠᠷᠠᠩ᠋ᠭᠤᠢ ᠬᠢᠭᠡᠳ ᠦᠶᠡᠷ ᠦᠨ ᠤᠰᠤ ᠴᠢᠮᠠᠶᠢ ᠨᠥᠮᠥᠷᠴᠦ ᠪᠠᠢᠨᠠ᠃
12 ᠪᠤᠷᠬᠠᠨ ᠲᠩᠷᠢ ᠶᠢᠨ ᠥᠨᠳᠥᠷ ᠲᠦ ᠪᠠᠢᠳᠠᠭ ᠪᠢᠰᠢ ᠤᠤ︖ ᠠᠯᠤᠰ ᠤᠨ ᠣᠳᠣᠳ ᠶᠠᠮᠠᠷ ᠥᠨᠳᠥᠷ ᠲᠦ ᠪᠠᠢᠳᠠᠭ ᠢ ᠬᠠᠷᠠᠭᠠᠴᠢ︕
13 ᠬᠠᠷᠢᠨ ᠴᠢ᠄ 〈ᠪᠤᠷᠬᠠᠨ ᠶᠠᠭᠤ ᠮᠡᠳᠡᠳᠡᠭ ᠪᠢᠯᠡ︖ ᠭᠦᠨ ᠬᠠᠷᠠᠩ᠋ᠭᠤᠢ ᠶᠢ ᠨᠡᠪᠲᠡᠯᠦᠨ ᠰᠢᠭᠦᠵᠦ ᠴᠢᠳᠠᠬᠤ ᠤᠤ︖
14 ᠥᠳᠬᠡᠨ ᠡᠭᠦᠯᠡᠰ ᠬᠠᠯᠬᠠᠯᠠᠭᠰᠠᠨ ᠲᠤᠯᠠ ᠲᠡᠷᠡ ᠪᠡᠷ ᠬᠠᠷᠠᠵᠤ ᠦᠯᠦ ᠴᠢᠳᠠᠨᠠ ᠲᠡᠷᠡ ᠪᠡᠷ ᠲᠩᠷᠢ ᠶᠢᠨ ᠣᠷᠣᠢ ᠪᠠᠷ ᠬᠤᠯᠬᠢᠨ ᠶᠠᠪᠤᠭᠰᠠᠭᠠᠷ ᠯᠠ ᠪᠠᠢᠨᠠ〉 ᠭᠡᠳᠡᠭ᠃
15 ᠲᠡᠢᠨ ᠬᠦ ᠴᠢ ᠭᠡᠮᠲᠡᠳ ᠦᠨ ᠶᠠᠪᠤᠵᠤ ᠥᠩᠭᠡᠷᠡᠭᠰᠡᠨ ᠡᠷᠲᠡᠨ ᠦ ᠵᠢᠮ ᠢ ᠳᠠᠭᠠᠬᠤ ᠭᠡᠵᠦ ᠪᠠᠢᠨᠠ ᠤᠤ︖
16 ᠲᠡᠳᠡ ᠴᠠᠭ ᠠᠴᠠ ᠪᠠᠨ ᠡᠮᠦᠨᠡ ᠠᠪᠠᠴᠢᠭᠳᠠᠭᠰᠠᠨ ᠰᠠᠭᠤᠷᠢ ᠨᠢ ᠦᠶᠡᠷ ᠲᠦ ᠬᠠᠮᠤᠭᠳᠠᠭᠰᠠᠨ᠂
17 ᠲᠡᠳᠡ ᠪᠤᠷᠬᠠᠨ ᠳᠤ᠄ 〈ᠪᠢᠳᠡᠨ ᠡᠴᠡ ᠵᠠᠢᠯᠠ︕〉 ᠭᠡᠵᠦ 〈ᠲᠡᠭᠦᠰ ᠬᠦᠴᠦᠲᠡᠨ ᠪᠢᠳᠡᠨ ᠳᠦ ᠶᠠᠭᠤ ᠬᠢᠵᠦ ᠴᠢᠳᠠᠬᠤ ᠶᠤᠮ ᠪᠤᠢ︖〉 ᠭᠡᠳᠡᠭ ᠪᠠᠢᠭᠰᠠᠨ ᠪᠣᠯᠪᠠᠴᠤ
18 ᠲᠡᠳᠡᠨ ᠦ ᠣᠷᠣᠨ ᠭᠡᠷ ᠢ ᠰᠠᠢᠨ ᠢᠶᠠᠷ ᠳᠦᠭᠦᠷᠭᠡᠭᠰᠡᠨ ᠨᠢ ᠪᠤᠷᠬᠠᠨ ᠠᠵᠢ᠂ ᠲᠡᠢᠨ ᠬᠦ ᠪᠤᠷᠤᠭᠤᠲᠠᠳ ᠤᠨ ᠪᠣᠳᠣᠯ ᠨᠠᠳᠠ ᠠᠴᠠ ᠬᠣᠯᠠ ᠪᠠᠢᠳᠠᠭ᠃
19 ᠵᠥᠪᠲᠦ ᠬᠥᠮᠦᠰ ᠬᠠᠷᠠᠭᠠᠳ ᠪᠠᠶᠠᠷᠯᠠᠨᠠ᠂ ᠭᠡᠮ ᠦᠭᠡᠢ ᠬᠥᠮᠦᠰ ᠲᠡᠳᠡᠨ ᠢ ᠪᠠᠰᠤᠮᠵᠢᠯᠠᠨ᠄
20 〈ᠥᠰᠲᠡᠨ ᠨᠦᠭᠦᠳ ᠯᠠᠪᠲᠠᠢ ᠤᠰᠠᠳᠬᠠᠭᠳᠠᠵᠤ ᠦᠯᠡᠳᠡᠭᠰᠡᠨ ᠨᠢ ᠭᠠᠯ ᠳᠤ ᠵᠠᠯᠭᠢᠭᠳᠠᠪᠠ〉 ᠭᠡᠵᠡᠭᠡᠨᠡ᠃
21 ᠴᠢ ᠣᠳᠣ ᠪᠤᠷᠬᠠᠨ ᠲᠠᠢ ᠡᠪᠯᠡᠷᠡᠭᠡᠳ ᠠᠮᠤᠷ ᠪᠠᠢᠭᠲᠤᠨ᠂ ᠰᠠᠢᠨ ᠰᠠᠢᠬᠠᠨ ᠴᠢᠮᠠ ᠳᠤ ᠢᠷᠡᠬᠦ ᠪᠣᠯᠣᠨᠠ᠃
22 ᠠᠮᠠᠨ ᠤ ᠬᠢᠨᠢ ᠵᠢᠭᠠᠪᠤᠷᠢ ᠶᠢ ᠬᠦᠯᠢᠶᠡᠨ ᠠᠪᠴᠤ ᠦᠭᠡᠰ ᠢ ᠨᠢ ᠵᠢᠷᠦᠬᠡᠨ ᠳᠡᠭᠡᠨ ᠬᠠᠳᠠᠭᠠᠯᠠᠭᠲᠤᠨ᠂
23 ᠲᠡᠭᠦᠰ ᠬᠦᠴᠦᠲᠡᠨ ᠤᠷᠤᠭᠤ ᠡᠷᠭᠢᠵᠦ ᠭᠡᠮ ᠪᠤᠷᠤᠭᠤ ᠶᠢ ᠭᠡᠷ ᠡᠴᠡ ᠪᠡᠨ ᠬᠣᠯᠠᠳᠠᠭᠤᠯᠪᠠᠯ ᠴᠢ ᠰᠡᠷᠭᠦᠬᠦ ᠪᠣᠯᠣᠨᠠ᠂
24 ᠡᠷᠳᠡᠨᠢᠰ ᠢᠶᠠᠨ ᠰᠢᠷᠣᠢ ᠳᠤ ᠲᠠᠯᠪᠢ ᠣᠹᠢᠷ ᠤᠨ ᠠᠯᠲᠠ ᠪᠠᠨ ᠴᠤ ᠭᠣᠣᠯ ᠤᠨ ᠴᠢᠯᠠᠭᠤᠨ ᠳᠤᠮᠳᠠ ᠣᠷᠬᠢ᠂
25 ᠲᠡᠭᠡᠪᠡᠯ ᠲᠡᠭᠦᠰ ᠬᠦᠴᠦᠲᠡᠨ ᠴᠢᠨᠦ ᠠᠯᠲᠠ᠂ ᠴᠢᠨᠦ ᠰᠢᠯᠢᠮᠡᠯ ᠮᠥᠩᠭᠥ ᠪᠣᠯᠣᠨᠠ᠃
26 ᠲᠡᠷᠡ ᠦᠶᠡ ᠳᠦ ᠴᠢ ᠲᠡᠭᠦᠰ ᠬᠦᠴᠦᠲᠡᠨ ᠦ ᠤᠯᠠᠮ ᠢᠶᠠᠷ ᠵᠢᠷᠭᠠᠵᠤ ᠪᠤᠷᠬᠠᠨ ᠥᠭᠡᠳᠡ ᠨᠢᠭᠤᠷ ᠢᠶᠠᠨ ᠡᠷᠭᠦᠬᠦ ᠪᠣᠯᠣᠨᠠ᠂
27 ᠴᠢ ᠲᠡᠭᠦᠨ ᠳᠦ ᠳᠠᠭᠠᠳᠬᠠᠵᠤ ᠲᠡᠷᠡ ᠴᠢᠨᠦᠬᠢ ᠶᠢ ᠰᠣᠨᠣᠰᠬᠤ ᠪᠥᠭᠡᠳ ᠴᠢ ᠲᠠᠩ᠋ᠭᠠᠷᠢᠭᠯᠠᠭᠰᠠᠨ ᠢᠶᠠᠨ ᠪᠡᠶᠡᠯᠡᠭᠦᠯᠬᠦ ᠪᠣᠯᠣᠨᠠ᠂
28 ᠴᠢᠨᠦ ᠰᠢᠢᠳᠬᠦ ᠵᠦᠢᠯ ᠪᠦᠬᠦᠨ ᠪᠡᠶᠡᠯᠡᠭᠳᠡᠵᠦ ᠴᠢᠨᠦ ᠵᠠᠮ ᠳᠡᠭᠡᠷᠡ ᠭᠡᠷᠡᠯ ᠭᠡᠶᠢᠭᠦᠯᠬᠦ ᠪᠣᠯᠣᠨᠠ᠂
29 ᠬᠥᠮᠦᠰ ᠤᠨᠠᠭᠠᠭᠳᠠᠬᠤ ᠳᠤ᠂ ᠴᠢ 〈ᠪᠣᠰᠬᠠᠭᠠᠴᠢ〉 ᠭᠡᠵᠦ ᠶᠠᠷᠢ᠂ ᠪᠤᠷᠬᠠᠨ ᠳᠣᠷᠣᠢ ᠬᠥᠮᠦᠨ ᠢ ᠠᠪᠤᠷᠠᠨᠠ 8 ᠂
30 ᠭᠡᠮᠲᠦ ᠬᠥᠮᠦᠨ ᠢ ᠴᠤ ᠴᠢᠯᠥᠭᠡᠯᠡᠨᠡ᠂ ᠴᠢᠨᠦ ᠴᠡᠪᠡᠷ ᠭᠠᠷ ᠠᠴᠠ ᠪᠣᠯᠵᠤ ᠲᠡᠷᠡ ᠴᠢᠯᠥᠭᠡᠯᠡᠭᠳᠡᠨᠡ》 ᠭᠡᠪᠡ᠃