ᠶᠣᠪ ᠠᠷᠪᠠᠨ ᠵᠢᠷᠭᠤᠭᠠ
ᠶᠣᠪ ᠤᠨ ᠬᠠᠷᠢᠭᠤ
1 ᠶᠣᠪ ᠬᠠᠷᠢᠭᠤᠯᠤᠨ᠄
2 《ᠲᠡᠳᠡᠭᠡᠷ ᠢ ᠪᠢ ᠣᠯᠠᠨᠲᠠ ᠰᠣᠨᠣᠰᠣᠭᠰᠠᠨ᠂ ᠲᠠ ᠨᠠᠷ ᠪᠦᠭᠦᠳᠡ ᠶᠠᠷᠰᠢᠭ ᠲᠠᠢ ᠲᠠᠢᠳᠬᠤᠷᠠᠭᠤᠯᠤᠭᠴᠢᠳ ᠪᠠᠢᠨᠠ᠂
3 ᠰᠠᠯᠬᠢ ᠮᠡᠲᠦ ᠦᠭᠡᠨ ᠳᠦ ᠲᠠᠨᠢ ᠲᠡᠭᠦᠰᠬᠡᠯ ᠪᠠᠢᠭᠠ ᠤᠤ︖ ᠴᠠᠯᠴᠢᠭᠠᠳ ᠪᠠᠢᠭᠠ ᠶᠢᠨ ᠴᠢᠨᠢ ᠤᠴᠢᠷ ᠶᠠᠭᠤᠨ︖
4 ᠲᠠ ᠨᠠᠷ ᠮᠢᠨᠦ ᠣᠷᠣᠨ ᠳᠤ ᠪᠠᠢᠭᠰᠠᠨ ᠪᠣᠯ ᠪᠢ ᠴᠤ ᠲᠠ ᠨᠠᠷ ᠰᠢᠭ᠋ ᠶᠠᠷᠢᠵᠤ ᠲᠠ ᠨᠠᠷ ᠢ ᠰᠢᠭᠦᠮᠵᠢᠯᠡᠬᠦ ᠦᠭᠡᠰ ᠵᠣᠬᠢᠶᠠᠨ ᠲᠣᠯᠣᠭᠠᠢ ᠪᠠᠨ ᠰᠡᠭᠰᠦᠷᠴᠦ ᠴᠢᠳᠠᠬᠤ ᠪᠠᠢᠭᠰᠠᠨ᠂
5 ᠬᠠᠷᠢᠨ ᠪᠢ ᠠᠮᠠ ᠪᠠᠷ ᠢᠶᠠᠨ ᠲᠠ ᠨᠠᠷ ᠢ ᠲᠡᠩᠬᠡᠷᠡᠭᠦᠯᠵᠦ ᠲᠠᠢᠳᠬᠤᠷᠠᠯ ᠤᠨ ᠣᠷᠣᠭᠤᠯ ᠢᠶᠠᠷ ᠢᠶᠠᠨ ᠲᠠ ᠨᠠᠷ ᠢ ᠲᠠᠢᠪᠤᠰᠢᠷᠠᠭᠤᠯᠬᠤ ᠪᠠᠢᠭᠰᠠᠨ᠃
6 ᠪᠢ ᠶᠠᠷᠢᠭᠰᠠᠨ ᠴᠤ ᠵᠣᠪᠠᠯᠠᠩ ᠮᠢᠨᠢ ᠲᠠᠢᠪᠤᠰᠢᠷᠠᠬᠤ ᠦᠭᠡᠢ ᠶᠠᠷᠢᠬᠤ ᠪᠠᠨ ᠪᠣᠯᠢᠭᠰᠠᠨ ᠴᠤ ᠲᠡᠷᠡ ᠵᠠᠢᠯᠠᠬᠤ ᠦᠭᠡᠢ᠂
7 ᠡᠳᠦᠭᠡ ᠪᠤᠷᠬᠠᠨ ᠨᠠᠮᠠᠶᠢ ᠲᠤᠢᠯᠳᠠᠭᠤᠯᠤᠯᠠ ᠪᠦᠬᠦ ᠪᠦᠯᠢ ᠶᠢ ᠮᠢᠨᠢ ᠲᠠ ᠪᠤᠰᠠᠨᠢᠭᠤᠯᠤᠭᠰᠠᠨ᠂
8 ᠲᠠ ᠨᠠᠮᠠᠶᠢ ᠬᠣᠷᠴᠢᠢᠯᠭᠠᠭᠰᠠᠨ ᠲᠡᠷᠡ ᠨᠢ ᠭᠡᠷᠡᠴᠢ ᠶᠤᠮ᠂ ᠮᠢᠨᠦ ᠰᠤᠯᠠᠳᠠᠭᠰᠠᠨ ᠪᠠᠢᠳᠠᠯ ᠴᠤ ᠮᠢᠨᠦ ᠡᠰᠡᠷᠭᠦ ᠪᠣᠰᠴᠤ ᠨᠢᠭᠤᠷ ᠳᠡᠭᠡᠷᠡ ᠮᠢᠨᠢ ᠭᠡᠷᠡᠴᠢᠯᠡᠵᠦ ᠪᠠᠢᠨᠠ᠂
9 ᠪᠤᠷᠬᠠᠨ ᠬᠢᠯᠢᠩᠨᠡᠨ ᠨᠠᠮᠠᠶᠢ ᠲᠠᠰᠤᠳᠠᠴᠢᠳᠠᠭ ᠨᠠᠮᠠᠶᠢ ᠬᠣᠷᠣᠰᠴᠤ ᠰᠢᠳᠦ ᠪᠡᠨ ᠬᠠᠪᠢᠷᠳᠠᠭ ᠥᠰᠲᠡᠨ ᠮᠢᠨᠢ ᠨᠠᠳᠠ ᠤᠷᠤᠭᠤ ᠨᠢᠳᠦ ᠦᠵᠦᠭᠦᠷᠯᠡᠵᠦ ᠪᠠᠢᠨᠠ᠂
10 ᠬᠥᠮᠦᠰ ᠨᠠᠳᠠ ᠤᠷᠤᠭᠤ ᠠᠮᠠ ᠪᠠᠨ ᠠᠩ᠋ᠭᠠᠯᠵᠠᠭᠤᠯᠵᠤ ᠨᠠᠮᠠᠶᠢ ᠪᠠᠰᠤᠮᠵᠢᠯᠠᠨ ᠬᠠᠴᠠᠷ ᠳᠡᠭᠡᠷᠡ ᠮᠢᠨᠢ ᠴᠣᠬᠢᠵᠤ ᠮᠢᠨᠦ ᠳᠡᠭᠡᠷᠡ ᠪᠥᠭᠡᠮᠨᠡᠷᠡᠵᠦ ᠪᠠᠢᠨᠠ᠂
11 ᠪᠤᠷᠬᠠᠨ ᠨᠠᠮᠠᠶᠢ ᠵᠥᠪ ᠪᠤᠰᠤ ᠬᠥᠮᠦᠰ ᠲᠦ ᠲᠤᠰᠢᠶᠠᠨ ᠪᠤᠷᠤᠭᠤᠲᠠᠳ ᠤᠨ ᠭᠠᠷ ᠲᠤ ᠣᠷᠬᠢᠬᠤ ᠨᠢ ᠡ᠂
12 ᠠᠮᠤᠷ ᠲᠠᠢᠪᠤᠩ ᠪᠠᠢᠬᠤ ᠳᠤ ᠮᠢᠨᠢ ᠲᠡᠷᠡ ᠨᠠᠮᠠᠶᠢ ᠪᠢᠴᠠᠯᠤᠭᠰᠠᠨ ᠬᠦᠵᠦᠭᠦᠨ ᠡᠴᠡ ᠮᠢᠨᠢ ᠠᠳᠬᠤᠵᠤ ᠨᠠᠮᠠᠶᠢ ᠪᠤᠲᠠᠯᠤᠭᠰᠠᠨ ᠨᠠᠮᠠᠶᠢ ᠪᠣᠰᠬᠠᠵᠤ ᠰᠣᠷ ᠢᠶᠠᠨ ᠪᠣᠯᠭᠠᠨ
13 ᠬᠠᠷᠪᠤᠭᠠᠴᠢᠳ ᠢᠶᠠᠷ ᠢᠶᠠᠨ ᠨᠠᠮᠠᠶᠢ ᠪᠦᠰᠡᠯᠡᠭᠦᠯᠦᠭᠡᠳ ᠪᠥᠭᠡᠷᠡ ᠶᠢ ᠮᠢᠨᠢ ᠴᠣᠭᠣᠯᠵᠤ ᠰᠥᠰᠥ ᠶᠢ ᠮᠢᠨᠢ ᠭᠠᠵᠠᠷ ᠲᠤ ᠠᠰᠬᠠᠭᠰᠠᠨ᠂
14 ᠲᠡᠷᠡ ᠨᠠᠮᠠᠶᠢ ᠰᠡᠭᠯᠡᠨ ᠰᠡᠭᠯᠡᠳᠡᠭ ᠨᠠᠳᠠ ᠤᠷᠤᠭᠤ ᠳᠠᠢᠴᠢᠨ ᠮᠡᠲᠦ ᠳᠠᠭᠠᠷᠢᠵᠤ ᠪᠠᠢᠨᠠ᠂
15 ᠪᠢ ᠲᠠᠭᠠᠷ ᠣᠶᠣᠵᠤ ᠠᠷᠠᠰᠤ ᠪᠠᠨ ᠪᠦᠲᠡᠭᠡᠨ ᠲᠣᠯᠣᠭᠠᠢ ᠪᠠᠨ ᠰᠢᠷᠣᠢ ᠳᠤ ᠰᠢᠭᠠᠪᠠ᠂
16 ᠤᠬᠢᠯᠠᠭᠰᠠᠨ ᠠᠴᠠ ᠪᠣᠯᠵᠤ ᠨᠢᠭᠤᠷ ᠮᠢᠨᠢ ᠤᠯᠠᠢᠵᠤ ᠵᠣᠪᠬᠢᠨ ᠳᠡᠭᠡᠷᠡ ᠮᠢᠨᠢ ᠦᠬᠦᠯ ᠦᠨ ᠰᠡᠭᠦᠳᠡᠷ ᠪᠠᠢᠨᠠ᠂
17 ᠭᠡᠪᠡᠴᠦ ᠭᠠᠷ ᠲᠤ ᠮᠢᠨᠢ ᠬᠦᠴᠦᠷᠬᠡᠭᠯᠡᠯ ᠦᠭᠡᠢ᠃ ᠭᠤᠶᠤᠯᠲᠠ ᠮᠢᠨᠢ ᠴᠡᠪᠡᠷ᠂
18 ᠭᠠᠵᠠᠷ ᠡ᠂ ᠴᠢᠰᠤ ᠶᠢ ᠮᠢᠨᠢ ᠪᠦᠦ ᠳᠠᠯᠳᠠᠯᠠ ᠭᠠᠰᠠᠯᠬᠤ ᠳᠠᠭᠤ ᠮᠢᠨᠢ ᠠᠮᠠᠷᠠᠬᠤ ᠭᠠᠵᠠᠷ ᠪᠦᠦ ᠣᠯᠣᠭ᠂
19 ᠬᠠᠷᠢᠨ ᠣᠳᠣ ᠬᠠᠷᠠᠭᠠᠴᠢ᠂ ᠭᠡᠷᠡᠴᠢ ᠮᠢᠨᠢ ᠲᠩᠷᠢ ᠳᠤ ᠥᠮᠥᠭᠡᠯᠡᠭᠴᠢ ᠮᠢᠨᠢ ᠥᠨᠳᠥᠷ ᠲᠦ ᠪᠠᠢᠨᠠ᠂
20 ᠪᠤᠷᠬᠠᠨ ᠤ ᠡᠮᠦᠨᠡ ᠨᠢᠳᠦ ᠮᠢᠨᠢ ᠨᠢᠯᠪᠤᠰᠤ ᠤᠨᠠᠭᠠᠬᠤ ᠳᠤ᠂ ᠮᠢᠨᠦ ᠨᠠᠢᠵᠠ 5 ᠪᠣᠯ ᠮᠢᠨᠦ ᠵᠠᠭᠤᠴᠢ᠂
21 ᠬᠥᠮᠦᠨ ᠦ ᠡᠮᠦᠨᠡ ᠡᠴᠡ ᠪᠤᠷᠬᠠᠨ ᠠᠴᠠ ᠭᠤᠶᠤᠳᠠᠭ᠂ ᠬᠥᠮᠦᠨ ᠦ ᠬᠦᠦ ᠨᠠᠢᠵᠢ ᠶᠢᠨ ᠢᠶᠠᠨ ᠲᠥᠯᠥᠭᠡ ᠭᠤᠶᠤᠳᠠᠭ︕
22 ᠲᠣᠭᠠᠯᠠᠭᠳᠠᠭᠰᠠᠨ ᠵᠢᠯ ᠤᠳ ᠥᠩᠭᠡᠷᠡᠬᠦ ᠳᠦ᠂ ᠪᠢ ᠪᠤᠴᠠᠯᠲᠠ ᠦᠭᠡᠢ ᠵᠠᠮ ᠢᠶᠠᠷ ᠶᠠᠪᠤᠬᠤ ᠪᠣᠯᠣᠨᠠ᠃