ᠶᠣᠪ ᠠᠷᠪᠠᠨ ᠳᠣᠯᠣᠭᠠ
1 ᠤᠷᠮᠠ ᠮᠢᠨᠢ ᠬᠤᠭᠤᠷᠠᠪᠠ᠂ ᠡᠳᠦᠷ ᠤᠳ ᠮᠢᠨᠢ ᠭᠦᠢᠴᠡᠪᠡ᠂ ᠣᠩ᠋ᠭᠣᠨ ᠮᠢᠨᠢ ᠪᠡᠯᠡᠳᠬᠡᠭᠳᠡᠪᠡ᠂
2 ᠲᠣᠬᠣᠭᠤᠷᠬᠠᠭᠴᠢᠳ ᠳᠡᠷᠭᠡᠳᠡ ᠮᠢᠨᠢ ᠪᠠᠢᠨᠠ︕ ᠳᠠᠢᠰᠤᠩᠨᠠᠯ ᠢ ᠨᠢ ᠨᠢᠳᠦ ᠮᠢᠨᠢ ᠬᠠᠷᠠᠵᠤ ᠪᠠᠢᠨᠠ︕
3 ᠲᠠ ᠥᠪᠡᠷ ᠢᠶᠡᠨ ᠮᠢᠨᠦ ᠪᠠᠲᠤᠯᠠᠨ ᠳᠠᠭᠠᠭᠠᠭᠴᠢ ᠪᠣᠯᠣᠭᠠᠴᠢ᠂ ᠪᠤᠷᠬᠠᠨ ᠮᠢᠨᠢ᠂ ᠲᠠᠨ ᠠᠴᠠ ᠥᠭᠡᠷᠡ ᠬᠡᠨ ᠮᠢᠨᠦ ᠲᠥᠯᠥᠭᠡ ᠪᠠᠲᠤᠯᠠᠭᠠ ᠥᠭᠬᠦ ᠪᠢᠯᠡ︖
4 ᠲᠠ ᠲᠡᠳᠡᠨ ᠦ ᠣᠶᠤᠨ ᠠᠴᠠ ᠣᠢᠯᠠᠭᠠᠯᠲᠠ ᠶᠢ ᠨᠢᠭᠤᠵᠠᠢ᠂ ᠡᠢᠨ ᠬᠦ ᠲᠠ ᠲᠡᠳᠡᠨ ᠢ ᠡᠷᠭᠦᠮᠵᠢᠯᠡᠬᠦ ᠦᠭᠡᠢ᠂
5 ᠠᠰᠢᠭ ᠤᠨ ᠲᠥᠯᠥᠭᠡ ᠠᠨᠳᠠ ᠪᠠᠨ ᠪᠤᠷᠤᠭᠤᠳᠬᠠᠪᠠᠯ ᠦᠷᠡ ᠬᠡᠦᠬᠡᠳ ᠦᠨ ᠬᠢᠨᠢ ᠬᠠᠷᠠᠭᠠ ᠪᠠᠯᠠᠷᠠᠬᠤ ᠪᠣᠯᠣᠨᠠ᠃
6 ᠪᠤᠷᠬᠠᠨ ᠨᠠᠮᠠᠶᠢ ᠬᠥᠮᠦᠨ ᠪᠣᠯᠭᠠᠨ ᠤ ᠠᠮᠠᠨ ᠤ ᠵᠤᠭᠠ ᠪᠣᠯᠭᠠᠭᠰᠠᠨ ᠳᠤ ᠲᠡᠳᠡ ᠨᠢᠭᠤᠷ ᠳᠡᠭᠡᠷᠡ ᠮᠢᠨᠢ ᠨᠢᠯᠪᠤᠵᠤ ᠪᠠᠢᠨᠠ᠂
7 ᠤᠢ ᠭᠠᠰᠢᠭᠤ ᠠᠴᠠ ᠪᠣᠯᠵᠤ ᠨᠢᠳᠦ ᠮᠢᠨᠢ ᠰᠦᠮᠡᠭᠡᠶᠢᠷᠡᠵᠦ ᠬᠠᠮᠤᠭ ᠪᠡᠶᠡ ᠶᠢᠨ ᠡᠷᠬᠡᠲᠡᠨ ᠮᠢᠨᠢ ᠰᠦᠭ ᠰᠡᠭᠦᠳᠡᠷ ᠰᠢᠭ᠂
8 ᠰᠢᠳᠤᠷᠭᠤ ᠬᠥᠮᠦᠰ ᠡᠭᠦᠨ ᠳᠦ ᠪᠠᠯᠠᠮᠠᠭᠳᠠᠵᠤ ᠭᠡᠮ ᠦᠭᠡᠢ ᠬᠥᠮᠦᠨ 《ᠬᠣᠶᠠᠷ ᠨᠢᠭᠤᠷᠲᠠᠨ》 ᠭᠡᠳ ᠪᠣᠰᠣᠨᠠ᠂
9 ᠵᠥᠪᠲᠦ ᠬᠥᠮᠦᠨ ᠵᠠᠮ ᠢᠶᠠᠨ ᠬᠥᠭᠡᠭᠡᠨ ᠴᠡᠪᠡᠷ ᠭᠠᠷᠳᠠᠨ ᠤᠯᠠᠮ ᠬᠦᠴᠦᠷᠬᠡᠭ ᠪᠣᠯᠣᠨᠠ᠂
10 ᠲᠠ ᠨᠠᠷ ᠪᠦᠭᠦᠳᠡᠭᠡᠷ ᠢᠶᠡᠨ ᠳᠠᠬᠢᠭᠠᠳ ᠨᠠᠰᠢ ᠢᠷᠡ ᠲᠠ ᠨᠠᠷ ᠤᠨ ᠳᠤᠮᠳᠠ ᠠᠴᠠ ᠭᠠᠭᠴᠠ ᠮᠡᠷᠭᠡᠨ ᠢ ᠴᠤ ᠪᠢ ᠣᠯᠬᠤ ᠦᠭᠡᠢ᠃
11 ᠡᠳᠦᠷ ᠤᠳ ᠮᠢᠨᠢ ᠥᠩᠭᠡᠷᠡᠨ ᠣᠳᠴᠠᠢ ᠵᠣᠷᠢᠯᠭᠠ ᠬᠢᠭᠡᠳ ᠵᠢᠷᠦᠬᠡᠨ ᠦ ᠬᠦᠰᠡᠯ ᠮᠢᠨᠢ ᠲᠠᠰᠤᠷᠠᠬᠤ ᠪᠣᠯᠵᠠᠢ᠂
12 ᠡᠳᠡᠭᠡᠷ ᠬᠥᠮᠦᠨ ᠰᠥᠨᠢ ᠶᠢ ᠡᠳᠦᠷ ᠭᠡᠵᠦ ᠬᠠᠷᠠᠩ᠋ᠭᠤᠢ ᠶᠢᠨ ᠳᠤᠮᠳᠠ ᠭᠡᠷᠡᠯ ᠣᠢᠷᠠᠲᠤᠯᠠ ᠭᠡᠳᠡᠭ᠂
13 ᠬᠠᠷᠢᠨ ᠪᠢ ᠦᠬᠦᠭᠰᠡᠳ ᠦᠨ ᠣᠷᠣᠨ ᠢ ᠭᠡᠷ ᠢᠶᠡᠨ ᠭᠡᠳ ᠬᠦᠯᠢᠶᠡᠵᠦ ᠬᠠᠷᠠᠩ᠋ᠭᠤᠢ ᠳᠣᠲᠣᠷᠠ ᠣᠷᠣ ᠪᠠᠨ ᠵᠠᠰᠠᠵᠤ
14 ᠪᠤᠯᠠᠰᠢᠨ ᠳᠤ ᠬᠠᠨᠳᠤᠨ᠄ 〈ᠮᠢᠨᠦ ᠡᠴᠢᠭᠡ〉 ᠭᠡᠵᠦ ᠥᠲᠥ ᠳᠤ ᠬᠠᠨᠳᠤᠨ᠄ 〈ᠮᠢᠨᠦ ᠡᠬᠡ᠂ ᠮᠢᠨᠦ ᠡᠭᠡᠴᠢ〉 ᠭᠡᠵᠦ ᠬᠡᠯᠡᠬᠦ ᠪᠣᠯᠣᠭᠠᠳ ᠪᠠᠢᠨᠠ᠂
15 ᠨᠠᠢᠳᠠᠪᠤᠷᠢ ᠮᠢᠨᠢ ᠬᠠᠮᠢᠭᠠ ᠪᠠᠢᠨᠠ︖ ᠨᠠᠢᠳᠠᠪᠤᠷᠢ ᠶᠢ ᠮᠢᠨᠢ ᠬᠡᠨ ᠣᠯᠵᠤ ᠬᠠᠷᠠᠬᠤ ᠪᠢᠯᠡ︖
16 ᠨᠠᠢᠳᠠᠪᠤᠷᠢ ᠮᠢᠨᠢ ᠦᠬᠦᠭᠰᠡᠳ ᠦᠨ ᠣᠷᠣᠨ ᠤ ᠡᠭᠦᠳᠡ ᠤᠷᠤᠭᠤ ᠪᠠᠭᠤᠬᠤ ᠨᠢ ᠤᠤ︖ ᠨᠠᠳᠠ ᠲᠠᠢ ᠬᠠᠮᠲᠤ ᠰᠢᠷᠣᠢ ᠶᠢᠨ ᠳᠣᠣᠷᠠ ᠣᠷᠣᠬᠤ ᠨᠢ ᠤᠤ︖》 ᠭᠡᠪᠡ᠃