ᠶᠣᠪ ᠲᠠᠪᠤ
1 ᠬᠠᠰᠬᠢᠷᠤᠭᠠᠳ ᠦᠵᠡ᠂ ᠬᠡᠨ ᠴᠢᠮᠠ ᠳᠤ ᠬᠠᠷᠢᠭᠤᠯᠬᠤ ᠪᠤᠢ︖ ᠠᠷᠢᠭᠤᠨ ᠲᠦᠮᠡᠨ ᠡᠴᠡ ᠬᠡᠨ ᠢ ᠨᠢ ᠴᠢ ᠥᠪᠡᠷ ᠤᠷᠤᠭᠤ ᠪᠠᠨ ᠬᠠᠨᠳᠤᠭᠤᠯᠬᠤ ᠪᠤᠢ︖
2 ᠮᠤᠩ᠋ᠬᠠᠭ ᠨᠢ ᠬᠣᠷᠣᠰᠣᠯ ᠳᠠᠭᠠᠨ ᠮᠥᠬᠥᠵᠦ ᠭᠡᠨᠡᠨ ᠨᠢ ᠠᠲᠠᠭᠠᠷᠬᠠᠯ ᠳᠠᠭᠠᠨ ᠦᠬᠦᠨᠡ᠂
3 ᠪᠢ ᠮᠤᠩ᠋ᠬᠠᠭ ᠤᠨ ᠦᠨᠳᠦᠰᠦᠯᠡᠵᠦ ᠪᠠᠢᠬᠤ ᠶᠢ ᠬᠠᠷᠠᠭᠠᠳ ᠭᠡᠷ ᠣᠷᠣᠨ ᠢ ᠨᠢ ᠭᠡᠨᠡᠳᠲᠡ ᠬᠠᠷᠢᠶᠠᠵᠠᠢ᠄
4 〈ᠬᠥᠪᠡᠭᠦᠳ ᠨᠢ ᠠᠶᠤᠯ ᠦᠭᠡᠢ ᠪᠠᠢᠳᠠᠯ ᠠᠴᠠ ᠬᠣᠯᠠᠳᠠᠵᠤ ᠬᠠᠭᠠᠯᠭᠠᠨ ᠳᠡᠭᠡᠷᠡ 1 ᠨᠢᠴᠠᠯᠤᠭᠳᠠᠭᠰᠠᠨ ᠴᠤ ᠭᠡᠲᠦᠯᠭᠡᠬᠦ ᠬᠥᠮᠦᠨ ᠦᠭᠡᠢ ᠪᠠᠢᠭ᠂
5 ᠥᠯᠥᠰᠥᠭᠴᠢᠳ ᠬᠤᠷᠢᠶᠠᠭᠰᠠᠨ ᠢ ᠨᠢ ᠴᠥᠯᠮᠥᠵᠦ ᠥᠷᠭᠡᠰᠦᠲᠦ ᠪᠤᠲᠠᠨ ᠠᠴᠠ ᠤᠷᠭᠤᠭᠰᠠᠨ ᠢ ᠨᠢ ᠴᠤ ᠠᠪᠠᠴᠢᠭ ᠤᠮᠳᠠᠭᠠᠰᠤᠭᠴᠢᠳ ᠡᠳ᠋ ᠬᠥᠷᠥᠩᠭᠡ ᠶᠢ ᠨᠢ ᠵᠠᠯᠭᠢᠭ〉 ᠭᠡᠰᠡᠨ ᠶᠤᠮ᠂
6 ᠭᠠᠮᠰᠢᠭ ᠰᠢᠷᠣᠢ ᠠᠴᠠ ᠭᠠᠷᠳᠠᠭ ᠪᠢᠰᠢ ᠭᠠᠢ ᠭᠠᠵᠠᠷ ᠠᠴᠠ ᠤᠷᠭᠤᠳᠠᠭ ᠪᠢᠰᠢ᠂
7 ᠣᠴᠢ ᠳᠡᠭᠡᠭᠰᠢ ᠪᠠᠨ ᠦᠰᠦᠴᠢᠳᠡᠭ ᠬᠥᠮᠦᠨ ᠵᠣᠪᠠᠬᠤ ᠪᠠᠷ ᠲᠥᠷᠥᠳᠡᠭ᠃
8 ᠪᠢ ᠪᠠᠢᠭᠰᠠᠨ ᠪᠣᠯ ᠪᠤᠷᠬᠠᠨ ᠢ ᠬᠠᠢᠵᠤ᠂ ᠪᠤᠷᠬᠠᠨ ᠤ ᠡᠮᠦᠨᠡ ᠬᠡᠷᠡᠭ ᠢᠶᠡᠨ ᠲᠠᠯᠪᠢᠨᠠ᠂
9 ᠲᠡᠷᠡ ᠪᠣᠯ ᠬᠡᠮᠵᠢᠶᠡᠯᠡᠰᠢ ᠦᠭᠡᠢ ᠠᠭᠤᠤ ᠶᠢ ᠬᠢᠵᠦ ᠲᠣᠭᠠ ᠲᠣᠮᠰᠢ ᠦᠭᠡᠢ ᠭᠠᠢᠬᠠᠮᠰᠢᠭ ᠤᠳ ᠢ ᠦᠢᠯᠡᠳᠦᠭᠴᠢ᠂
10 ᠭᠠᠵᠠᠷ ᠳᠡᠭᠡᠷᠡ ᠪᠣᠷᠣᠭᠠᠨ ᠢ ᠰᠣᠶᠣᠷᠬᠠᠭᠴᠢ ᠬᠡᠭᠡᠷᠡ ᠲᠠᠯᠠ ᠳᠤ ᠤᠰᠤ ᠶᠢ ᠢᠯᠡᠭᠡᠭᠴᠢ᠂
11 ᠲᠡᠷᠡ ᠪᠡᠷ ᠳᠣᠷᠣᠢ ᠶᠢ ᠨᠢ ᠥᠨᠳᠥᠷ ᠲᠦ ᠲᠠᠯᠪᠢᠵᠤ ᠭᠠᠰᠢᠭᠤᠳᠠᠭᠴᠢᠳ ᠠᠶᠤᠯ ᠦᠭᠡᠢ ᠥᠨᠳᠥᠷ ᠲᠦ ᠪᠠᠢᠬᠤ ᠪᠣᠯᠣᠨᠠ
12 ᠲᠡᠷᠡ ᠪᠡᠷ ᠵᠠᠯᠢ ᠲᠠᠢ ᠬᠥᠮᠦᠰ ᠦᠨ ᠠᠷᠭᠠ ᠶᠢ ᠡᠪᠳᠡᠳᠡᠭ ᠭᠠᠷ ᠤᠨ ᠬᠢᠨᠢ ᠦᠢᠯᠡᠰ ᠢ ᠠᠮᠵᠢᠯᠲᠠ ᠦᠭᠡᠢ ᠪᠣᠯᠭᠠᠳᠠᠭ᠂
13 ᠮᠡᠷᠭᠡᠨ ᠢ ᠮᠡᠬᠡ ᠪᠡᠷ ᠨᠢ ᠪᠠᠷᠢᠭᠴᠢ ᠨᠢ ᠲᠡᠷᠡ᠂ ᠵᠠᠯᠢᠲᠠᠨ ᠤ ᠲᠥᠯᠥᠪᠯᠡᠭᠡ ᠬᠣᠷᠣᠮᠬᠠᠨ ᠵᠠᠭᠤᠷᠠ ᠶᠢᠨ ᠬᠢ᠂
14 ᠲᠡᠢᠮᠦ ᠡᠴᠡ ᠡᠳᠦᠷ ᠢᠶᠡᠷ ᠲᠡᠳᠡ ᠬᠠᠷᠠᠩ᠋ᠭᠤᠢ ᠲᠠᠢ ᠤᠴᠠᠷᠠᠵᠤ ᠦᠳᠡ ᠳᠤᠮᠳᠠ ᠴᠤ ᠰᠥᠨᠢ ᠮᠡᠲᠦ ᠲᠡᠮᠲᠡᠴᠢᠨᠡ᠂
15 ᠡᠢᠨ ᠬᠦ ᠪᠤᠷᠬᠠᠨ ᠬᠥᠭᠡᠷᠦᠬᠦᠢ ᠬᠥᠮᠦᠰ ᠢ ᠬᠦᠴᠦᠲᠡᠨ ᠦ ᠠᠮᠠᠨ ᠤ ᠰᠡᠯᠡᠮᠡ ᠡᠴᠡ ᠪᠠᠰᠠ ᠲᠡᠳᠡᠨ ᠦ ᠭᠠᠷ ᠠᠴᠠ ᠠᠪᠤᠷᠠᠳᠠᠭ᠃
16 ᠡᠢᠮᠦ ᠡᠴᠡ ᠶᠠᠳᠠᠭᠤ ᠳᠤ ᠨᠠᠢᠳᠠᠪᠤᠷᠢ ᠲᠠᠢ ᠪᠤᠷᠤᠭᠤᠲᠠᠨ ᠠᠮᠠ ᠪᠠᠨ ᠬᠠᠮᠬᠢᠬᠤ ᠤᠴᠢᠷ ᠲᠠᠢ᠃
17 ᠬᠠᠷᠠ᠂ ᠪᠤᠷᠬᠠᠨ ᠳᠤ ᠵᠢᠮᠡᠯᠡᠭᠦᠯᠦᠭᠰᠡᠨ ᠬᠥᠮᠦᠨ ᠪᠤᠶᠠᠨ ᠲᠠᠢ ᠲᠡᠭᠦᠰ ᠬᠦᠴᠦᠲᠡᠨ ᠦ ᠭᠡᠰᠬᠡᠯᠲᠡ ᠶᠢ ᠪᠦᠦ ᠬᠥᠩᠭᠡᠪᠴᠢᠯᠡ᠂
18 ᠲᠡᠷᠡ ᠪᠡᠷ ᠰᠢᠷᠬᠠᠲᠤᠭᠤᠯᠳᠠᠭ ᠴᠤ ᠪᠣᠭᠣᠵᠤ ᠥᠭᠭᠥᠨᠡ ᠴᠣᠬᠢᠳᠠᠭ ᠴᠤ ᠥᠪᠡᠷ ᠦᠨ ᠢᠶᠠᠨ ᠮᠤᠲᠤᠷ ᠢᠶᠠᠷ ᠡᠳᠡᠭᠡᠭᠡᠵᠦ
19 ᠵᠢᠷᠭᠤᠭᠠᠨ ᠵᠣᠪᠠᠯᠠᠩ ᠠᠴᠠ ᠴᠢᠮᠠᠶᠢ ᠠᠪᠤᠷᠠᠨᠠ᠂ ᠳᠣᠯᠣᠭᠠᠨ ᠭᠠᠮᠰᠢᠭ ᠢᠷᠡᠭᠰᠡᠨ ᠴᠤ ᠲᠡᠷᠡ ᠨᠢ ᠴᠢᠮᠠ ᠳᠤ ᠬᠦᠷᠬᠦ ᠦᠭᠡᠢ᠂
20 ᠲᠡᠷᠡ ᠪᠡᠷ ᠴᠢᠮᠠᠶᠢ ᠥᠯᠥᠰᠬᠥᠯᠡᠩ ᠦᠨ ᠦᠶᠡ ᠳᠦ ᠦᠬᠦᠯ ᠡᠴᠡ ᠲᠤᠯᠤᠯᠳᠤᠭᠠᠨ ᠤ ᠦᠶᠡ ᠳᠦ ᠢᠯᠳᠦᠨ ᠦ ᠢᠷ ᠡᠴᠡ ᠵᠣᠯᠢᠵᠤ ᠠᠪᠤᠨᠠ᠂
21 ᠴᠢ ᠬᠡᠯᠡᠨ ᠦ ᠲᠠᠰᠢᠭᠤᠷ ᠠᠴᠠ ᠬᠠᠯᠬᠠᠯᠠᠭᠳᠠᠨᠠ ᠬᠥᠨᠥᠭᠡᠯ ᠢᠷᠡᠭᠰᠡᠨ ᠴᠤ ᠠᠶᠤᠬᠤ ᠦᠭᠡᠢ ᠪᠠᠢᠭᠰᠠᠭᠠᠷ
22 ᠬᠥᠨᠥᠭᠡᠯ ᠪᠠ ᠥᠯᠥᠰᠬᠥᠯᠡᠩ ᠦᠨ ᠴᠠᠭ ᠲᠤ ᠢᠨᠢᠶᠡᠬᠦ ᠪᠣᠯᠣᠨᠠ ᠴᠢ ᠭᠠᠵᠠᠷ ᠤᠨ ᠵᠡᠷᠯᠢᠭ ᠠᠷᠢᠶᠠᠲᠠᠳ ᠠᠴᠠ ᠴᠤ ᠠᠶᠤᠬᠤ ᠦᠭᠡᠢ ᠪᠣᠯᠣᠨᠠ᠂
23 ᠤᠴᠢᠷ ᠨᠢ ᠴᠢ ᠲᠠᠯᠠ ᠶᠢᠨ ᠴᠢᠯᠠᠭᠤ ᠨᠤᠭᠤᠳ ᠲᠠᠢ ᠬᠣᠯᠪᠣᠭᠠᠲᠠᠨ ᠪᠣᠯᠵᠤ ᠲᠠᠯᠠ ᠶᠢᠨ ᠠᠷᠢᠶᠠᠲᠠᠳ ᠴᠤ ᠴᠢᠮᠠ ᠯᠤᠭᠠ ᠡᠪ ᠲᠡᠢ ᠪᠠᠢᠬᠤ ᠪᠣᠯᠣᠨᠠ᠂
24 ᠴᠢ ᠮᠠᠢᠬᠠᠨ ᠤ ᠪᠠᠨ ᠠᠶᠤᠯ ᠦᠭᠡᠢ ᠪᠠᠢᠳᠠᠯ ᠢ ᠬᠠᠷᠠᠨᠠ ᠬᠠᠰᠢᠶᠠ ᠪᠠᠨ ᠰᠢᠯᠭᠠᠭᠰᠠᠨ ᠴᠤ ᠠᠯᠳᠠᠭᠰᠠᠨ ᠵᠦᠢᠯ ᠠᠯᠠᠭᠠ᠂
25 ᠦᠷᠡ ᠬᠡᠦᠬᠡᠳ ᠴᠢᠨᠢ ᠣᠯᠠᠰᠢᠷᠠᠵᠤ ᠬᠣᠢᠴᠢ ᠦᠶᠡ ᠴᠢᠨᠢ ᠭᠠᠵᠠᠷ ᠤᠨ ᠡᠪᠡᠰᠦ ᠮᠡᠲᠦ ᠪᠣᠯᠬᠤ ᠶᠢ ᠴᠢ ᠬᠠᠷᠠᠨᠠ᠂
26 ᠴᠠᠭ ᠲᠤᠨᠢ ᠬᠤᠷᠢᠶᠠᠵᠤ ᠶᠡᠦᠵᠢᠯᠡᠭᠰᠡᠨ ᠲᠠᠷᠢᠶᠠ ᠠᠳᠠᠯᠢ ᠴᠢ ᠨᠠᠰᠤᠨ ᠳᠠᠭᠠᠨ ᠬᠦᠷᠦᠭᠡᠳ ᠪᠤᠯᠠᠰᠢᠨ ᠳᠠᠭᠠᠨ ᠣᠷᠣᠬᠤ ᠪᠣᠯᠣᠨᠠ᠂
27 ᠬᠠᠷᠠ᠂ ᠪᠢᠳᠡᠨ ᠦ ᠠᠵᠢᠭᠯᠠᠭᠰᠠᠨ ᠢᠶᠠᠷ ᠡᠢᠮᠦ ᠪᠠᠢᠨᠠ ᠡᠭᠦᠨ ᠢ ᠰᠣᠨᠣᠰᠣᠭᠠᠳ᠂ ᠴᠢ ᠥᠪᠡᠷ ᠲᠡᠭᠡᠨ ᠤᠬᠠᠭᠠᠷᠠᠭᠲᠤᠨ》 ᠭᠡᠪᠡ᠃