ᠶᠣᠪ ᠭᠤᠴᠢ
1 ᠭᠡᠲᠡᠯᠡ ᠣᠳᠣ ᠨᠠᠳᠠ ᠠᠴᠠ ᠵᠠᠯᠠᠭᠤ ᠨᠢ ᠨᠠᠮᠠᠶᠢ ᠱᠣᠣᠯᠠᠵᠤ ᠪᠠᠢᠨᠠ᠂ ᠲᠡᠳᠡᠨ ᠦ ᠡᠴᠢᠭᠡ ᠨᠦᠭᠦᠳ ᠢ ᠪᠢ ᠪᠠᠰᠤᠨ ᠬᠣᠨᠢᠴᠢ ᠨᠣᠬᠠᠳ ᠤᠨ ᠲᠡᠳᠦᠢ ᠳᠦ ᠦᠵᠡᠳᠡᠭ ᠦᠭᠡᠢ ᠪᠠᠢᠯᠠ᠂
2 ᠲᠡᠳᠡᠨ ᠦ ᠲᠡᠩᠬᠡᠭᠡ ᠲᠠᠰᠤᠷᠠᠭᠰᠠᠨ ᠭᠠᠷ ᠤᠨ ᠬᠢᠨᠢ ᠬᠦᠴᠦ ᠨᠠᠳᠠ ᠳᠤ ᠶᠠᠮᠠᠷ ᠠᠰᠢᠭ ᠪᠠᠢᠬᠤ ᠰᠠᠨ ᠪᠢᠯᠡ︖
3 ᠶᠠᠳᠠᠭᠤᠷᠠᠯ ᠥᠯᠥᠰᠬᠥᠯᠡᠩ ᠡᠴᠡ ᠪᠣᠯᠵᠤ ᠲᠡᠳᠡ ᠡᠵᠡᠭᠦᠢ ᠵᠡᠯᠢᠭᠦᠳ ᠬᠠᠭᠤᠷᠠᠢ ᠭᠠᠵᠠᠷ ᠲᠤ ᠰᠥᠨᠢᠵᠢᠨ ᠲᠡᠨᠦᠭᠰᠡᠭᠡᠷ
4 ᠪᠤᠲᠠᠨ ᠤ ᠳᠤᠮᠳᠠ ᠠᠴᠠ ᠭᠠᠰᠢᠭᠤᠨ ᠨᠣᠭᠣᠭᠠ ᠲᠡᠭᠦᠵᠦ ᠠᠷᠴᠠ ᠮᠣᠳᠣᠨ ᠤ ᠦᠨᠳᠦᠰᠦ ᠪᠡᠷ ᠬᠣᠭᠣᠯᠠᠯᠠᠳᠠᠭ ᠪᠠᠢᠭᠰᠠᠨ᠂
5 ᠬᠥᠮᠦᠰ ᠠᠷᠤ ᠠᠴᠠ ᠨᠢ ᠬᠠᠰᠬᠢᠷᠴᠤ ᠬᠤᠯᠠᠭᠠᠢᠴᠢ ᠶᠢ ᠬᠥᠭᠡᠭᠡᠬᠦ ᠮᠡᠲᠦ ᠲᠡᠳᠡᠨ ᠢ ᠳᠤᠮᠳᠠ ᠠᠴᠠ ᠪᠠᠨ ᠬᠥᠭᠡᠭᠡᠵᠦ ᠪᠠᠢᠭᠰᠠᠨ᠂
6 ᠲᠡᠳᠡ ᠬᠥᠨᠳᠡᠢ ᠶᠢᠨ ᠬᠠᠵᠠᠭᠤ ᠬᠠᠪᠴᠢᠯ ᠳᠤ ᠬᠥᠷᠥᠰᠥᠨ ᠳᠣᠣᠷᠠᠬᠢ ᠨᠦᠬᠡ ᠪᠤᠶᠤ ᠬᠠᠳᠠᠨ ᠤ ᠳᠤᠮᠳᠠ ᠠᠮᠢᠳᠤᠷᠠᠳᠠᠭ᠂
7 ᠲᠡᠳᠡ ᠪᠣᠯ ᠥᠷᠭᠡᠰᠦᠲᠦ ᠮᠣᠳᠣᠨ ᠤ ᠳᠣᠣᠷᠠ ᠪᠥᠭᠡᠮᠨᠡᠷᠡᠵᠦ ᠪᠤᠲᠠ ᠰᠥᠭᠡᠭ ᠦᠨ ᠳᠤᠮᠳᠠ ᠪᠠᠷᠬᠢᠷᠠᠳᠠᠭ
8 ᠪᠦᠳᠦᠭᠦᠯᠢᠭ᠂ ᠨᠡᠷᠡ ᠬᠦᠨᠳᠦ ᠦᠭᠡᠢ ᠬᠥᠮᠦᠰ ᠦᠨ ᠦᠷᠡ ᠶᠤᠮ᠂ ᠲᠡᠳᠡ ᠲᠥᠷᠥᠭᠰᠡᠨ ᠨᠤᠲᠤᠭ ᠠᠴᠠ ᠪᠠᠨ ᠲᠠᠰᠢᠭᠤᠷᠳᠠᠭᠤᠯᠤᠨ ᠬᠥᠭᠡᠭᠡᠭᠳᠡᠭᠰᠡᠨ ᠪᠢᠯᠡ᠃
9 ᠡᠳᠦᠭᠡ ᠪᠢ ᠲᠡᠳᠡᠨ ᠦ ᠱᠣᠣᠯᠠᠬᠤ ᠳᠠᠭᠤᠤ ᠲᠡᠳᠡᠨ ᠦ ᠠᠮᠠᠨ ᠤ ᠵᠤᠭᠠ ᠪᠣᠯᠵᠠᠢ᠂
10 ᠲᠡᠳᠡ ᠨᠠᠮᠠᠶᠢ ᠵᠢᠪᠡᠭᠦᠴᠡᠨ᠂ ᠨᠠᠮᠠᠶᠢ ᠵᠠᠢᠯᠠᠭᠤᠯᠵᠤ ᠲᠠᠲᠠᠭᠠᠯᠵᠠᠯ ᠦᠭᠡᠢ ᠨᠢᠭᠤᠷ ᠤᠷᠤᠭᠤ ᠮᠢᠨᠢ ᠨᠢᠯᠪᠤᠨᠠ᠂
11 ᠪᠤᠷᠬᠠᠨ ᠨᠤᠮᠤ ᠶᠢᠨ ᠬᠥᠪᠴᠢ ᠶᠢ ᠮᠢᠨᠢ ᠰᠤᠯᠠᠷᠠᠭᠤᠯᠵᠤ ᠨᠠᠮᠠᠶᠢ ᠵᠣᠪᠠᠭᠠᠭᠰᠠᠨ ᠳᠤ ᠲᠡᠳᠡ ᠮᠢᠨᠦ ᠡᠮᠦᠨᠡ ᠵᠢᠯᠣᠭᠣ ᠪᠠᠨ ᠬᠠᠶᠠᠵᠠᠢ᠂
12 ᠡᠳᠡᠭᠡᠷ ᠡᠲᠡᠭᠡᠳ ᠮᠢᠨᠦ ᠪᠠᠷᠠᠭᠤᠨ ᠲᠠᠯᠠ ᠳᠤ ᠪᠣᠰᠴᠠᠭᠠᠵᠤ ᠨᠠᠮᠠᠶᠢ ᠬᠥᠯ ᠢᠶᠡᠷ ᠢᠶᠠᠨ ᠳᠡᠭᠡᠭᠡᠯᠡᠭᠰᠡᠨ᠂ ᠲᠡᠢᠨ ᠬᠦ ᠲᠡᠳᠡ ᠮᠢᠨᠦ ᠡᠮᠦᠨᠡ ᠰᠦᠢᠷᠡᠯ ᠦᠨ ᠵᠠᠮ ᠢᠶᠠᠨ ᠪᠣᠰᠬᠠᠵᠤ
13 ᠮᠢᠨᠦ ᠵᠠᠮ ᠢ ᠨᠤᠷᠠᠭᠠᠭᠰᠠᠨ᠂ ᠲᠡᠳᠡ ᠵᠣᠪᠠᠯᠠᠩ ᠢ ᠮᠢᠨᠢ ᠬᠦᠨᠳᠦᠷᠡᠭᠦᠯᠦᠭᠰᠡᠨ ᠴᠤ ᠬᠡᠨ ᠴᠤ ᠬᠣᠷᠢᠭᠯᠠᠬᠤ ᠦᠭᠡᠢ ᠪᠠᠢᠨᠠ᠂
14 ᠲᠡᠳᠡ ᠶᠡᠬᠡᠪᠡᠷ ᠡᠪᠳᠡᠯᠭᠡ ᠬᠢᠵᠦ ᠨᠤᠷᠠᠩᠬᠢ ᠳᠤᠮᠳᠠᠭᠤᠷ ᠬᠤᠢᠯᠠᠷᠠᠨ ᠢᠷᠡᠵᠦ ᠪᠠᠢᠨᠠ᠂
15 ᠠᠶᠤᠯ ᠨᠠᠳᠠ ᠤᠷᠤᠭᠤ ᠡᠷᠭᠢᠵᠡᠢ ᠠᠯᠳᠠᠷ ᠮᠢᠨᠢ ᠰᠠᠯᠬᠢ ᠮᠡᠲᠦ ᠬᠥᠭᠡᠭᠡᠭᠳᠡᠵᠡᠢ ᠠᠵᠠ ᠵᠢᠷᠭᠠᠯ ᠮᠢᠨᠢ ᠡᠭᠦᠯᠡ ᠮᠡᠲᠦ ᠠᠷᠢᠯᠵᠠᠢ᠃
16 ᠠᠮᠢ ᠮᠢᠨᠢ ᠠᠰᠬᠠᠭᠳᠠᠵᠤ ᠪᠠᠢᠨᠠ᠂ ᠵᠣᠪᠠᠯᠠᠩᠲᠤ ᠡᠳᠦᠷ ᠤᠳ ᠨᠠᠳᠠ ᠠᠴᠠ ᠵᠢᠭᠤᠷᠠᠵᠤ ᠪᠠᠢᠨᠠ᠂
17 ᠶᠠᠰᠤ ᠮᠢᠨᠢ ᠰᠥᠨᠢ ᠪᠠᠷ ᠬᠠᠳᠬᠤᠯᠠᠳᠠᠭ ᠶᠠᠩᠭᠢᠨᠠᠬᠤ ᠡᠪᠡᠳᠴᠢᠨ ᠮᠢᠨᠢ ᠨᠠᠮᠳᠠᠬᠤ ᠦᠭᠡᠢ ᠪᠠᠢᠨᠠ᠂
18 ᠲᠡᠷᠡ ᠬᠤᠪᠴᠠᠰᠤ ᠶᠢ ᠮᠢᠨᠢ ᠶᠡᠬᠡ ᠬᠦᠴᠦ ᠪᠡᠷ ᠪᠠᠵᠠᠨ ᠳᠡᠪᠡᠯ ᠦᠨ ᠮᠢᠨᠢ ᠵᠠᠬᠠ ᠠᠴᠠ ᠴᠢᠩᠭ᠍ᠠ ᠵᠢᠭᠤᠷᠠᠨ
19 ᠨᠠᠮᠠᠶᠢ ᠰᠢᠪᠠᠷ ᠲᠤ ᠬᠠᠶᠠᠭᠰᠠᠨ ᠳᠤ ᠪᠢ ᠦᠨᠡᠰᠦ ᠰᠢᠷᠣᠢ ᠰᠢᠭ᠋ ᠪᠣᠯᠪᠠ᠃
20 ᠪᠢ ᠲᠠᠨ ᠤᠷᠤᠭᠤ ᠬᠠᠰᠬᠢᠷᠳᠠᠭ ᠪᠣᠯᠪᠠᠴᠤ ᠲᠠ ᠬᠠᠷᠢᠭᠤᠯᠬᠤ ᠦᠭᠡᠢ ᠪᠠᠢᠨᠠ ᠪᠢ ᠵᠣᠭᠰᠣᠭᠰᠠᠭᠠᠷ ᠪᠣᠯᠪᠠᠴᠤ ᠲᠠ ᠨᠠᠮᠠᠶᠢ ᠵᠦᠭᠡᠷ ᠬᠠᠷᠠᠭᠰᠠᠭᠠᠷ ᠯᠠ ᠪᠠᠢᠨᠠ᠂
21 ᠲᠠ ᠨᠠᠳᠠ ᠳᠤ ᠬᠠᠷᠭᠢᠰ ᠬᠠᠨᠳᠤᠳᠠᠭ ᠪᠣᠯᠵᠤ ᠨᠠᠮᠠᠶᠢ ᠬᠦᠴᠦᠲᠦ ᠮᠤᠲᠤᠷ ᠢᠶᠠᠷ ᠢᠶᠠᠨ ᠬᠠᠪᠴᠢᠵᠤ ᠪᠠᠢᠨᠠ᠂
22 ᠲᠠ ᠨᠠᠮᠠᠶᠢ ᠰᠠᠯᠬᠢᠨ ᠳᠡᠭᠡᠷᠡ ᠲᠠᠯᠪᠢᠨ ᠬᠡᠶᠢᠰᠭᠡᠵᠦ ᠰᠢᠭᠤᠷᠭᠠᠨ ᠳᠣᠲᠣᠷᠠ ᠠᠭᠤᠰᠬᠠᠵᠤ ᠪᠠᠢᠨᠠ᠂
23 ᠲᠡᠢᠨ ᠬᠦ ᠲᠠ ᠨᠠᠮᠠᠶᠢ ᠦᠬᠦᠯ ᠤᠷᠤᠭᠤ ᠠᠮᠢᠳᠤ ᠪᠦᠬᠦᠨ ᠳᠦ ᠵᠠᠶᠠᠭᠠᠭᠳᠠᠭᠰᠠᠨ ᠭᠡᠷ ᠤᠷᠤᠭᠤ ᠠᠪᠠᠴᠢᠬᠤ ᠶᠢ ᠪᠢ ᠮᠡᠳᠡᠨᠡ᠃
24 ᠬᠥᠮᠦᠨ ᠪᠡᠷᠬᠡ ᠶᠢᠨ ᠳᠤᠮᠳᠠ ᠪᠠᠨ ᠬᠠᠰᠬᠢᠷᠤᠭᠰᠠᠨ ᠴᠤ ᠪᠠᠯᠭᠠᠰᠤ ᠳᠤᠮᠳᠠᠬᠢ ᠲᠡᠭᠦᠨ ᠳᠦ ᠭᠠᠷ ᠰᠤᠩ᠋ᠭᠠᠭᠴᠢ ᠨᠢ ᠠᠯᠠᠭᠠ᠂
25 ᠬᠠᠷᠢᠨ ᠬᠠᠲᠠᠭᠤ ᠡᠳᠦᠷ ᠲᠣᠬᠢᠶᠠᠯᠳᠤᠭᠰᠠᠨ ᠨᠢᠭᠡᠨ ᠦ ᠲᠥᠯᠥᠭᠡ ᠪᠢ ᠤᠬᠢᠯᠠᠵᠤ ᠪᠠᠢᠭᠠ ᠦᠭᠡᠢ ᠭᠡᠵᠢ ᠤᠤ︖ ᠭᠠᠴᠢᠭᠳᠠᠭᠰᠠᠳ ᠤᠨ ᠠᠷᠤ ᠠᠴᠠ ᠰᠡᠳᠬᠢᠯ ᠮᠢᠨᠢ ᠡᠪᠡᠳᠴᠦ ᠪᠠᠢᠭᠠ ᠦᠭᠡᠢ ᠭᠡᠵᠢ ᠤᠤ︖
26 ᠰᠠᠢᠨ ᠢ ᠬᠦᠯᠢᠶᠡᠵᠦ ᠪᠠᠢᠬᠤ ᠳᠤ ᠮᠢᠨᠢ ᠰᠠᠭᠠᠷ ᠢᠷᠡᠵᠡᠢ ᠭᠡᠷᠡᠯ ᠢ ᠬᠦᠰᠡᠵᠦ ᠪᠠᠢᠬᠤ ᠳᠤ ᠮᠢᠨᠢ ᠬᠠᠷᠠᠩ᠋ᠭᠤᠢ ᠢᠷᠡᠵᠡᠢ᠂
27 ᠵᠢᠷᠦᠬᠡ ᠮᠢᠨᠢ ᠵᠣᠭᠰᠣᠯ ᠦᠭᠡᠢ ᠴᠣᠬᠢᠯᠠᠵᠤ ᠪᠠᠢᠨᠠ ᠵᠣᠪᠠᠯᠠᠩ ᠤᠨ ᠡᠳᠦᠷ ᠤᠳ ᠨᠠᠳᠠ ᠳᠤ ᠤᠴᠠᠷᠠᠵᠠᠢ᠂
28 ᠨᠠᠷᠠᠨ ᠠᠴᠠ ᠪᠣᠯᠣᠭᠰᠠᠨ ᠪᠢᠰᠢ ᠴᠤ᠂ ᠠᠷᠠᠰᠤ ᠮᠢᠨᠢ ᠬᠠᠷᠠᠯᠠᠨ ᠶᠠᠪᠤᠵᠤ ᠪᠠᠢᠨᠠ ᠴᠤᠭᠯᠠᠷᠠᠭᠰᠠᠨ ᠣᠯᠠᠨ ᠤ ᠳᠤᠮᠳᠠ ᠪᠣᠰᠴᠤ ᠲᠤᠰᠠᠯᠠᠮᠵᠢ ᠭᠤᠶᠤᠬᠤ ᠪᠣᠯᠵᠤ ᠪᠠᠢᠨᠠ᠂
29 ᠪᠢ ᠴᠥᠭᠡᠪᠦᠷᠢ ᠴᠢᠨᠣᠠ ᠶᠢᠨ ᠠᠬᠠ ᠳᠡᠭᠦᠦ ᠲᠡᠮᠡᠭᠡᠨ ᠬᠢᠷᠭᠤᠤᠯ ᠤᠨ ᠠᠨᠳᠠ ᠪᠣᠯᠵᠠᠢ᠂
30 ᠠᠷᠠᠰᠤ ᠮᠢᠨᠢ ᠬᠠᠷᠠᠯᠠᠭᠠᠳ ᠬᠠᠭᠤᠷᠠᠵᠤ ᠶᠠᠰᠤ ᠮᠢᠨᠢ ᠬᠠᠯᠠᠭᠤ ᠰᠢᠲᠠᠵᠠᠢ᠂
31 ᠶᠠᠲᠤᠭᠠ ᠮᠢᠨᠢ ᠭᠠᠰᠢᠭᠤᠳᠠᠯ ᠤᠨ ᠳᠠᠭᠤ ᠯᠢᠩᠪᠦ ᠮᠢᠨᠢ ᠤᠬᠢᠯᠠᠭᠠᠨ ᠪᠣᠯᠪᠠ᠃