ᠶᠣᠪ ᠠᠷᠪᠠᠨ ᠬᠣᠶᠠᠷ
ᠶᠣᠪ ᠤᠨ ᠬᠠᠷᠢᠭᠤ
1 ᠶᠣᠪ ᠬᠠᠷᠢᠭᠤᠯᠤᠨ᠄
2 《ᠲᠠ ᠨᠠᠷ ᠦᠨᠡᠬᠡᠷ ᠣᠨᠴᠠᠭᠠᠢ ᠬᠥᠮᠦᠰ ᠪᠠᠢᠨᠠ ᠲᠠ ᠨᠠᠷ ᠦᠬᠦᠪᠡᠯ ᠮᠡᠷᠭᠡᠨ ᠤᠬᠠᠭᠠᠨ ᠴᠤ ᠦᠬᠦᠬᠦ ᠨᠢ ᠡ᠂
3 ᠨᠠᠳᠠ ᠳᠤ ᠪᠠᠰᠠ ᠲᠠ ᠨᠠᠷ ᠲᠠᠢ ᠠᠳᠠᠯᠢ ᠣᠶᠤᠨ ᠤᠬᠠᠭᠠᠨ ᠪᠤᠢ ᠲᠠ ᠨᠠᠷ ᠠᠴᠠ ᠳᠤᠲᠠᠬᠤ ᠶᠠᠭᠤᠮᠠ ᠨᠠᠳᠠ ᠳᠤ ᠦᠭᠡᠢ ᠲᠡᠳᠡᠭᠡᠷ ᠢ ᠴᠢᠨᠢ ᠬᠡᠨ ᠮᠡᠳᠡᠳᠡᠭ ᠦᠭᠡᠢ ᠶᠤᠮ ᠪᠤᠢ︖
4 ᠪᠤᠷᠬᠠᠨ ᠢ ᠳᠠᠭᠤᠳᠠᠵᠤ᠂ ᠲᠡᠭᠦᠨ ᠡᠴᠡ ᠬᠠᠷᠢᠭᠤᠯᠲᠠ ᠠᠪᠳᠠᠭ ᠪᠢ ᠨᠠᠢᠵᠢ ᠨᠥᠬᠥᠳ ᠦᠨ ᠢᠶᠠᠨ ᠳᠣᠭᠣᠭᠢ ᠪᠣᠯᠵᠠᠢ᠂ ᠥ ᠦᠭᠡᠢ ᠵᠥᠪ ᠬᠥᠮᠦᠨ ᠳᠣᠭᠣᠭᠢ ᠪᠣᠯᠵᠠᠢ᠂
5 ᠬᠥᠯ ᠠᠯᠳᠠᠭᠴᠢ ᠳᠤ ᠣᠨᠣᠭᠳᠠᠭᠰᠠᠨ ᠭᠠᠢ ᠰᠠᠨᠠᠭᠠ ᠠᠮᠤᠷ ᠨᠢᠭᠡᠨ ᠳᠦ ᠪᠠᠰᠤᠮᠵᠢᠯᠠᠯ ᠪᠣᠯᠵᠠᠢ᠂
6 ᠭᠡᠪᠡᠴᠦ ᠳᠡᠭᠡᠷᠡᠮᠴᠢᠳ ᠤᠨ ᠮᠠᠢᠬᠠᠨ ᠠᠮᠤᠷ ᠲᠠᠢᠪᠤᠩ ᠪᠠᠢᠵᠤ ᠪᠤᠷᠬᠠᠨ ᠢ ᠠᠭᠤᠷᠯᠠᠭᠤᠯᠤᠭᠴᠢᠳ᠂ ᠲᠡᠭᠦᠨ ᠢ ᠭᠠᠷ ᠲᠠᠭᠠᠨ ᠣᠷᠣᠭᠤᠯᠬᠤ ᠭᠡᠭᠴᠢᠳ ᠠᠶᠤᠯ ᠦᠭᠡᠢ ᠪᠠᠢᠨᠠ᠃
7 ᠣᠳᠣ ᠠᠷᠢᠶᠠᠲᠠᠳ ᠠᠴᠠ ᠠᠰᠠᠭᠤ᠂ ᠲᠡᠳᠡ ᠵᠢᠭᠠᠵᠤ ᠥᠭᠭᠥᠨᠡ ᠣᠭᠲᠠᠷᠭᠤᠢ ᠶᠢᠨ ᠰᠢᠪᠠᠭᠤᠳ ᠠᠴᠠ ᠠᠰᠠᠭᠤ᠂ ᠲᠡᠳᠡ ᠮᠡᠳᠡᠭᠦᠯᠦᠨᠡ᠂
8 ᠭᠠᠵᠠᠷ ᠤᠨ ᠬᠢᠨ ᠲᠠᠢ ᠶᠠᠷᠢ ᠲᠡᠳᠡ ᠵᠢᠭᠠᠵᠤ ᠥᠭᠭᠥᠨᠡ ᠳᠠᠯᠠᠢ ᠶᠢᠨ ᠵᠢᠭᠠᠰᠤ ᠴᠢᠮᠠ ᠳᠤ ᠲᠠᠢᠯᠪᠤᠷᠢᠯᠠᠵᠤ ᠥᠭᠭᠥᠨᠡ᠂
9 ᠶᠣᠬᠣᠸᠠ ᠥᠪᠡᠷ ᠦᠨ ᠢᠶᠠᠨ ᠮᠤᠲᠤᠷ ᠢᠶᠠᠷ ᠡᠢᠨ ᠬᠦ ᠦᠢᠯᠡᠳᠦᠭᠰᠡᠨ ᠭᠡᠳᠡᠭ ᠢ ᠡᠳᠡ ᠪᠦᠭᠦᠳᠡ ᠶᠢᠨ ᠳᠤᠮᠳᠠ ᠬᠡᠨ ᠨᠢ ᠮᠡᠳᠡᠳᠡᠭ ᠦᠭᠡᠢ ᠶᠤᠮ ᠪᠤᠢ︖
10 ᠠᠮᠢᠳᠤ ᠪᠦᠬᠦᠨ ᠦ ᠠᠮᠢ ᠬᠢᠭᠡᠳ ᠮᠢᠬᠠᠨ ᠪᠡᠶᠡᠲᠦ ᠪᠦᠬᠦ ᠬᠥᠮᠦᠨ ᠦ ᠠᠮᠢᠰᠬᠤᠯ ᠲᠡᠭᠦᠨ ᠦ ᠮᠤᠲᠤᠷ ᠲᠤ ᠪᠠᠢᠳᠠᠭ᠃
11 ᠠᠮᠠ ᠬᠣᠭᠣᠯᠠ ᠶᠢ ᠠᠮᠲᠠᠯᠠᠳᠠᠭ ᠤᠨ ᠠᠳᠠᠯᠢ ᠴᠢᠬᠢ ᠦᠭᠡ ᠶᠢ ᠢᠯᠭᠠᠳᠠᠭ ᠪᠤᠰᠤ ᠤᠤ︖
12 ᠠᠬᠠᠮᠠᠳ ᠲᠤ ᠮᠡᠷᠭᠡᠨ ᠤᠬᠠᠭᠠᠨ ᠥᠨᠳᠥᠷ ᠨᠠᠰᠤᠲᠠᠨ ᠳᠤ ᠤᠬᠠᠭᠠᠷᠠᠯ ᠪᠠᠢᠳᠠᠭ ᠴᠤ
13 ᠮᠡᠷᠭᠡᠨ ᠤᠬᠠᠭᠠᠨ ᠪᠣᠯᠣᠨ ᠬᠦᠴᠦᠲᠦ ᠦᠢᠯᠡᠰ ᠪᠣᠯ ᠪᠤᠷᠬᠠᠨ ᠤ ᠬᠢ᠂ ᠵᠥᠪᠯᠡᠯᠭᠡ ᠪᠣᠯᠣᠨ ᠤᠬᠠᠭᠠᠷᠠᠯ ᠪᠠᠰᠠ ᠲᠡᠭᠦᠨ ᠦ ᠬᠢ᠂
14 ᠬᠠᠷᠠ᠂ ᠲᠡᠭᠦᠨ ᠦ ᠨᠤᠷᠠᠭᠠᠭᠰᠠᠨ ᠨᠢ ᠪᠣᠰᠬᠠᠭᠳᠠᠬᠤ ᠦᠭᠡᠢ ᠲᠡᠭᠦᠨ ᠦ ᠬᠣᠷᠢᠭᠰᠠᠨ ᠬᠥᠮᠦᠨ ᠨᠢ ᠰᠤᠯᠠᠯᠠᠭᠳᠠᠬᠤ ᠦᠭᠡᠢ᠂
15 ᠬᠠᠷᠠ᠂ ᠲᠡᠷᠡ ᠤᠰᠤ ᠶᠢ ᠵᠣᠭᠰᠣᠭᠠᠪᠠᠯ ᠭᠠᠵᠠᠷ ᠭᠠᠩᠳᠠᠨᠠ ᠲᠡᠷᠡ ᠤᠰᠤ ᠶᠢ ᠲᠠᠯᠪᠢᠪᠠᠯ ᠭᠠᠵᠠᠷ ᠲᠤ ᠦᠶᠡᠷ ᠪᠣᠯᠣᠨᠠ᠂
16 ᠰᠦᠷ ᠬᠦᠴᠦ᠂ ᠰᠡᠴᠡᠨ ᠤᠬᠠᠭᠠᠨ ᠲᠡᠭᠦᠨ ᠦ ᠬᠢ ᠮᠡᠬᠡᠯᠡᠭᠦᠯᠦᠭᠴᠢ ᠮᠡᠬᠡᠯᠡᠭᠴᠢ ᠬᠣᠶᠠᠭᠤᠯᠠ ᠪᠠᠨ ᠲᠡᠭᠦᠨ ᠦ ᠬᠢ᠂
17 ᠲᠡᠷᠡ ᠪᠡᠷ ᠵᠥᠪᠯᠡᠭᠴᠢᠳ ᠢ ᠴᠤ ᠬᠥᠯ ᠨᠢᠴᠦᠭᠦᠨ ᠴᠥᠯᠡᠵᠦ ᠰᠢᠭᠦᠭᠴᠢᠳ ᠢ ᠴᠤ ᠳᠣᠭᠣᠭᠢ ᠪᠣᠯᠭᠠᠳᠠᠭ᠂
18 ᠬᠠᠭᠠᠳ ᠤᠨ ᠪᠦᠰᠡ ᠶᠢ ᠲᠠᠢᠯᠵᠤ ᠪᠡᠯᠬᠡᠭᠦᠰᠦ ᠶᠢ ᠨᠢ ᠣᠭᠣᠰᠣᠷ ᠢᠶᠠᠷ ᠬᠦᠯᠢᠳᠡᠭ᠂
19 ᠲᠠᠬᠢᠯᠴᠢᠳ ᠢ ᠬᠥᠯ ᠨᠢᠴᠦᠭᠦᠨ ᠴᠥᠯᠡᠵᠦ ᠬᠦᠴᠦᠲᠡᠳ ᠢ ᠴᠤ ᠬᠥᠮᠥᠷᠢᠳᠡᠭ᠂
20 ᠢᠲᠡᠭᠡᠮᠵᠢᠲᠦ ᠬᠥᠮᠦᠨ ᠦ ᠶᠠᠷᠢᠶᠠ ᠶᠢ ᠦᠭᠡᠶᠢᠰᠬᠡᠵᠦ ᠠᠬᠠᠮᠠᠳ ᠤᠨ ᠠᠪᠬᠠᠯᠵᠢ ᠶᠢ ᠠᠪᠠᠴᠢᠳᠠᠭ᠂
21 ᠨᠣᠶᠠᠳ ᠤᠨ ᠳᠡᠭᠡᠷᠡ ᠪᠠᠰᠤᠮᠵᠢᠯᠠᠯ ᠢ ᠠᠰᠬᠠᠵᠤ ᠬᠦᠴᠦᠲᠡᠳ ᠦᠨ ᠵᠡᠪᠰᠡᠭ ᠢ ᠬᠤᠷᠢᠶᠠᠮᠵᠢᠯᠠᠳᠠᠭ᠂
22 ᠬᠠᠷᠠᠩ᠋ᠭᠤᠢ ᠶᠢᠨ ᠭᠦᠨ ᠢ ᠢᠯᠡᠴᠢᠯᠡᠵᠦ ᠦᠬᠦᠯ ᠦᠨ ᠰᠡᠭᠦᠳᠡᠷ ᠢ ᠭᠡᠷᠡᠯ ᠳᠦ ᠠᠪᠴᠢᠷᠠᠳᠠᠭ᠂
23 ᠦᠨᠳᠦᠰᠦᠲᠡᠨ ᠨᠦᠭᠦᠳ ᠢ ᠴᠡᠴᠡᠭᠯᠡᠭᠦᠯᠳᠡᠭ᠂ ᠪᠠᠰᠠ ᠤᠰᠠᠳᠬᠠᠳᠠᠭ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠢ ᠪᠤᠵᠠᠭᠠᠢᠷᠠᠭᠤᠯᠳᠠᠭ᠂ ᠪᠠᠰᠠ ᠪᠤᠲᠠᠷᠠᠭᠠᠳᠠᠭ᠂
24 ᠭᠠᠵᠠᠷ ᠤᠨ ᠤᠳᠤᠷᠢᠳᠤᠭᠴᠢ ᠶᠢᠨ ᠣᠶᠤᠨ ᠢ ᠠᠪᠠᠴᠢᠵᠤ ᠵᠠᠮ ᠦᠭᠡᠢ ᠴᠥᠯ ᠳᠤ ᠲᠡᠳᠡᠨ ᠢ ᠲᠡᠨᠦᠭᠦᠴᠢᠯᠡᠭᠦᠯᠳᠡᠭ᠂
25 ᠭᠡᠷᠡᠯ ᠦᠭᠡᠢ ᠬᠠᠷᠠᠩ᠋ᠭᠤᠢ ᠳᠤ ᠲᠡᠮᠲᠡᠴᠢᠭᠦᠯᠵᠦ ᠰᠣᠭᠲᠣᠭᠤ ᠬᠥᠮᠦᠨ ᠰᠢᠭ ᠭᠤᠢᠪᠢᠭᠤᠯᠳᠠᠭ᠃