ᠶᠣᠪ ᠬᠣᠷᠢᠨ ᠳᠣᠯᠣᠭᠠ
1 ᠶᠣᠪ ᠶᠠᠷᠢᠶᠠ ᠪᠠᠨ ᠦᠷᠭᠦᠯᠵᠢᠯᠡᠭᠦᠯᠵᠦ᠄
2 《ᠰᠢᠳᠤᠷᠭᠤ ᠶᠢ ᠨᠠᠳᠠ ᠠᠴᠠ ᠵᠠᠢᠯᠠᠭᠤᠯᠤᠭᠰᠠᠨ ᠪᠤᠷᠬᠠᠨ᠂ ᠰᠦᠨᠡᠰᠦ ᠶᠢ ᠮᠢᠨᠢ ᠭᠠᠰᠢᠭᠤᠨ ᠪᠣᠯᠭᠠᠭᠰᠠᠨ ᠲᠡᠭᠦᠰ ᠬᠦᠴᠦᠲᠡᠨ ᠦ ᠠᠮᠢᠳᠤ ᠯᠤᠭᠠ ᠨᠢᠭᠡᠨ ᠠᠳᠠᠯᠢ ᠪᠠᠲᠤ ᠦᠨᠡᠨ ᠭᠡᠪᠡᠯ᠂
3 ᠮᠢᠨᠦ ᠳᠣᠲᠣᠷᠠ ᠠᠮᠢ ᠪᠠᠢᠭᠰᠠᠭᠠᠷ ᠪᠠᠢᠵᠤ ᠬᠠᠮᠠᠷ ᠲᠤ ᠮᠢᠨᠢ ᠪᠤᠷᠬᠠᠨ ᠤ ᠠᠮᠢᠰᠬᠤᠯ ᠪᠠᠢᠭᠰᠠᠭᠠᠷ ᠪᠠᠢᠬᠤ ᠬᠤᠭᠤᠴᠠᠭᠠᠨ ᠳᠤ
4 ᠣᠷᠣᠭᠤᠯ ᠮᠢᠨᠢ ᠬᠣᠷᠣᠨ ᠮᠠᠭᠤ ᠶᠢ ᠶᠠᠷᠢᠬᠤ ᠦᠭᠡᠢ ᠬᠡᠯᠡ ᠮᠢᠨᠢ ᠬᠠᠭᠤᠷᠮᠠᠭ ᠢ ᠥᠭᠦᠯᠡᠬᠦ ᠦᠭᠡᠢ
5 ᠪᠢ ᠲᠠ ᠨᠠᠷ ᠢ ᠬᠡᠵᠢᠶᠡ ᠴᠤ ᠵᠥᠪ ᠭᠡᠵᠦ ᠬᠡᠯᠡᠬᠦ ᠦᠭᠡᠢ ᠦᠬᠦᠲᠡᠯᠡ ᠪᠡᠨ ᠥ ᠦᠭᠡᠢ ᠪᠠᠢᠳᠠᠯ ᠠᠴᠠ ᠪᠠᠨ ᠤᠬᠤᠷᠢᠬᠤ ᠦᠭᠡᠢ
6 ᠪᠢ ᠵᠥᠪᠲᠦ ᠪᠠᠢᠳᠠᠯ ᠠᠴᠠ ᠪᠠᠨ ᠵᠢᠭᠤᠷᠠᠭᠰᠠᠭᠠᠷ᠂ ᠲᠡᠭᠦᠨ ᠢ ᠲᠠᠯᠪᠢᠬᠤ ᠦᠭᠡᠢ ᠵᠢᠷᠦᠬᠡ ᠮᠢᠨᠢ ᠨᠠᠰᠤᠨ ᠲᠤᠷᠰᠢᠳᠠ ᠨᠠᠮᠠᠶᠢ ᠵᠢᠮᠡᠯᠡᠬᠦ ᠦᠭᠡᠢ᠃
7 ᠮᠢᠨᠦ ᠳᠠᠢᠰᠤᠨ ᠪᠤᠷᠤᠭᠤᠲᠠᠨ ᠮᠡᠲᠦ ᠮᠢᠨᠦ ᠡᠰᠡᠷᠭᠦ ᠪᠣᠰᠣᠭᠴᠢ ᠨᠢ ᠵᠥᠪᠲᠦ ᠪᠤᠰᠤ ᠬᠥᠮᠦᠨ ᠮᠡᠲᠦ ᠪᠣᠯᠣᠭ᠂
8 ᠪᠤᠷᠬᠠᠨ ᠠᠮᠢ ᠶᠢ ᠨᠢ ᠲᠠᠰᠤᠯᠤᠨ ᠠᠪᠠᠴᠢᠬᠤ ᠴᠠᠭ ᠲᠤ ᠬᠣᠶᠠᠷ ᠨᠢᠭᠤᠷᠲᠠᠨ ᠤ ᠨᠠᠢᠳᠠᠯᠭᠠ ᠨᠢ ᠶᠠᠭᠤ ᠪᠤᠢ︖
9 ᠭᠠᠮᠰᠢᠭ ᠲᠡᠭᠦᠨ ᠦ ᠳᠡᠭᠡᠷᠡ ᠢᠷᠡᠬᠦ ᠳᠦ ᠬᠠᠰᠬᠢᠷᠤᠭᠠᠨ ᠢ ᠨᠢ ᠪᠤᠷᠬᠠᠨ ᠰᠣᠨᠣᠰᠬᠤ ᠤᠤ︖
10 ᠲᠡᠷᠡ ᠲᠡᠭᠦᠰ ᠬᠦᠴᠦᠲᠡᠨ ᠦ ᠣᠷᠣᠰᠢᠬᠤᠢ ᠳᠤ ᠪᠠᠶᠠᠷᠯᠠᠬᠤ ᠤᠤ︖ ᠲᠡᠷᠡ ᠴᠠᠭ ᠦᠷᠭᠦᠯᠵᠢ ᠪᠤᠷᠬᠠᠨ ᠢ ᠳᠠᠭᠤᠳᠠᠬᠤ ᠤᠤ︖
11 ᠪᠢ ᠪᠤᠷᠬᠠᠨ ᠤ ᠬᠦᠴᠦ ᠴᠢᠳᠠᠯ ᠤᠨ ᠲᠤᠬᠠᠢ ᠲᠠ ᠨᠠᠷ ᠲᠤ ᠵᠢᠭᠠᠵᠤ ᠥᠭᠭᠥᠶᠡ ᠲᠡᠭᠦᠰ ᠬᠦᠴᠦᠲᠡᠨ ᠦ ᠲᠤᠬᠠᠢ ᠪᠢ ᠶᠠᠭᠤ ᠴᠤ ᠨᠢᠭᠤᠬᠤ ᠦᠭᠡᠢ᠂
12 ᠬᠠᠷᠠ᠂ ᠲᠠ ᠪᠦᠭᠦᠳᠡ ᠴᠤ ᠡᠳᠡᠭᠡᠷ ᠢ ᠬᠠᠷᠠᠯᠠ᠂ ᠶᠠᠭᠠᠬᠢᠭᠠᠳ ᠲᠠ ᠨᠠᠷ ᠪᠦᠷ ᠬᠣᠭᠣᠰᠣᠨ ᠳᠡᠮᠡᠢ ᠶᠢ ᠶᠠᠷᠢᠭᠠᠳ ᠪᠠᠢᠨᠠ︖
13 ᠪᠤᠷᠬᠠᠨ ᠠᠴᠠ ᠪᠤᠷᠤᠭᠤᠲᠠᠨ ᠤ ᠣᠯᠬᠤ ᠬᠤᠪᠢ ᠲᠡᠭᠦᠰ ᠬᠦᠴᠦᠲᠡᠨ ᠡᠴᠡ ᠳᠠᠷᠤᠯᠠᠭᠴᠢᠳ ᠤᠨ ᠬᠦᠷᠲᠡᠬᠦ ᠥᠪ ᠨᠢ ᠡᠨᠡ ᠶᠤᠮ᠂
14 ᠬᠥᠪᠡᠭᠦᠳ ᠨᠢ ᠣᠯᠠᠨ ᠪᠠᠢᠭᠰᠠᠨ ᠴᠤ ᠢᠯᠳᠦᠨ ᠦ ᠲᠥᠯᠥᠭᠡ ᠵᠠᠶᠠᠭᠠᠭᠳᠠᠵᠠᠢ ᠦᠷᠡ ᠤᠳᠤᠮ ᠳᠤᠨᠢ ᠬᠠᠩ᠋ᠭᠠᠯᠤᠭᠤᠨ ᠬᠦᠨᠡᠰᠦ ᠭᠡᠵᠦ ᠦᠭᠡᠢ᠂
15 ᠦᠯᠡᠳᠡᠭᠰᠡᠳ ᠨᠢ ᠲᠠᠬᠤᠯ ᠢᠶᠠᠷ ᠦᠬᠦᠵᠦ ᠪᠤᠯᠠᠰᠢᠯᠠᠭᠳᠠᠨᠠ᠂ ᠪᠡᠯᠪᠡᠰᠦᠨ ᠡᠬᠡᠨᠡᠷ ᠤᠳ ᠨᠢ ᠤᠬᠢᠯᠠᠬᠤ ᠴᠤ ᠦᠭᠡᠢ᠂
16 ᠮᠥᠩᠭᠥ ᠶᠢ ᠰᠢᠷᠣᠢ ᠮᠡᠲᠦ ᠬᠤᠷᠢᠶᠠᠵᠤ ᠬᠤᠪᠴᠠᠰᠤ ᠶᠢ ᠰᠢᠪᠠᠷ ᠮᠡᠲᠦ ᠬᠤᠷᠠᠮᠳᠤᠭᠤᠯᠤᠭᠰᠠᠨ ᠴᠤ
17 ᠬᠤᠷᠠᠮᠳᠤᠭᠤᠯᠤᠭᠰᠠᠨ ᠢ ᠨᠢ ᠵᠥᠪᠲᠡᠨ ᠡᠮᠦᠰᠴᠦ ᠮᠥᠩᠭᠥ ᠶᠢ ᠨᠢ ᠭᠡᠮ ᠦᠭᠡᠢ ᠬᠥᠮᠦᠨ ᠬᠤᠪᠢᠶᠠᠵᠤ ᠠᠪᠤᠨᠠ᠂
18 ᠪᠣᠰᠬᠠᠬᠤ ᠪᠠᠢᠰᠢᠩ ᠨᠢ ᠬᠣᠷᠣᠬᠠᠢ ᠶᠢᠨ ᠡᠭᠦᠷ ᠮᠠᠨᠠᠭᠠᠴᠢ ᠬᠥᠮᠦᠨ ᠦ ᠡᠪᠡᠰᠦᠨ ᠣᠪᠣᠬᠠᠢ ᠮᠡᠲᠦ ᠪᠣᠯᠣᠨᠠ᠂
19 ᠬᠡᠪᠲᠡᠬᠦ ᠳᠡᠭᠡᠨ ᠪᠠᠶᠠᠨ ᠪᠠᠢᠭᠰᠠᠨ ᠴᠤ ᠠᠬᠢᠭᠠᠳ ᠲᠡᠢᠮᠦ ᠪᠢᠰᠢ ᠪᠣᠯᠣᠨᠠ ᠨᠢᠳᠦ ᠪᠡᠨ ᠨᠡᠭᠡᠭᠡᠬᠦ ᠳᠦᠨᠢ ᠪᠦᠭᠦᠳᠡ ᠠᠯᠠᠭᠠ ᠪᠣᠯᠣᠨᠠ᠂
20 ᠠᠢᠳᠠᠰ ᠦᠶᠡᠷ ᠠᠳᠠᠯᠢ ᠬᠦᠷᠴᠦ ᠢᠷᠡᠬᠦ ᠳᠦ ᠰᠥᠨᠢ ᠶᠢᠨ ᠰᠢᠭᠤᠷᠭᠠ ᠲᠡᠭᠦᠨ ᠢ ᠬᠤᠯᠠᠭᠠᠢᠯᠠᠨᠠ᠂
21 ᠳᠣᠷᠣᠨᠠ ᠶᠢᠨ ᠰᠠᠯᠬᠢ ᠲᠡᠭᠦᠨ ᠢ ᠬᠡᠶᠢᠰᠭᠡᠵᠦ ᠲᠡᠷᠡ ᠠᠯᠠᠭᠠ ᠪᠣᠯᠣᠨᠠ ᠪᠠᠢᠷᠢᠨ ᠠᠴᠠ ᠨᠢ ᠬᠤᠮᠢᠨ ᠠᠪᠠᠴᠢᠬᠤ ᠪᠣᠯᠣᠨᠠ᠂
22 ᠬᠦᠴᠦᠨ ᠡᠴᠡ ᠨᠢ ᠵᠢᠭᠤᠲᠠᠨ ᠵᠢᠭᠤᠲᠠᠬᠤ ᠭᠡᠰᠡᠨ ᠴᠤ ᠲᠡᠷᠡ ᠥᠷᠥᠰᠢᠶᠡᠯ ᠦᠭᠡᠢ ᠳᠠᠭᠠᠷᠢᠵᠤ
23 ᠠᠯᠠᠭᠠ ᠪᠠᠨ ᠲᠠᠰᠢᠨ ᠢᠰᠭᠡᠷᠴᠦ ᠪᠠᠢᠭᠠ ᠭᠠᠵᠠᠷ ᠠᠴᠠ ᠨᠢ ᠬᠥᠭᠡᠭᠡᠨᠡ᠃