ᠶᠣᠪ ᠬᠣᠷᠢ
ᠽᠣᠹᠠᠷ ᠤᠨ ᠶᠠᠷᠢᠶᠠ
1 ᠨᠠᠮᠠ ᠬᠥᠮᠦᠨ ᠽᠣᠹᠠᠷ ᠬᠠᠷᠢᠭᠤᠯᠤᠨ᠄
2 《ᠪᠢ ᠪᠠᠴᠢᠮᠳᠠᠵᠤ ᠪᠠᠢᠨᠠ᠂ ᠪᠣᠳᠣᠭᠰᠠᠨ ᠢᠶᠠᠨ ᠶᠠᠷᠢᠬᠤ ᠦᠭᠡᠢ ᠪᠣᠯ ᠪᠣᠯᠬᠤ ᠦᠭᠡᠢ ᠨᠢ ᠡ᠂
3 ᠨᠠᠮᠠᠶᠢ ᠭᠤᠲᠤᠭᠠᠬᠤ ᠵᠢᠮᠡᠯᠡᠯ ᠢ ᠴᠢᠨᠢ ᠪᠢ ᠰᠣᠨᠣᠰᠣᠭᠰᠠᠭᠠᠷ ᠪᠠᠢᠭᠰᠠᠨ ᠣᠳᠣ ᠪᠢ ᠰᠠᠷᠠᠭᠤᠯ ᠤᠬᠠᠭᠠᠨ ᠢᠶᠠᠷ ᠢᠶᠠᠨ ᠬᠠᠷᠢᠭᠤᠯᠤᠶᠠ᠂
4 ᠴᠢ ᠮᠡᠳᠡᠬᠦ ᠦᠭᠡᠢ ᠤᠤ︖ ᠥᠨᠢ ᠡᠷᠲᠡ ᠬᠥᠮᠦᠨ ᠭᠠᠵᠠᠷ ᠳᠡᠭᠡᠷᠡ ᠡᠭᠦᠰᠦᠭᠰᠡᠨ ᠡᠴᠡ ᠬᠣᠢᠰᠢ
5 ᠪᠤᠷᠤᠭᠤᠲᠠᠳ ᠤᠨ ᠪᠠᠶᠠᠰᠬᠤᠯᠠᠩ ᠪᠣᠭᠣᠨᠢ ᠬᠣᠶᠠᠷ ᠨᠢᠭᠤᠷᠲᠠᠨ ᠤ ᠪᠠᠶᠠᠷ ᠬᠣᠷᠣᠮᠬᠠᠨ ᠪᠠᠢᠭᠰᠠᠨ᠂
6 ᠥᠨᠳᠥᠷ ᠨᠢ ᠲᠩᠷᠢ ᠳᠤ ᠲᠤᠯᠵᠤ ᠲᠣᠯᠣᠭᠠᠢ ᠨᠢ ᠡᠭᠦᠯᠡᠰ ᠲᠦ ᠬᠦᠷᠲᠡᠭ ᠴᠤ
7 ᠲᠡᠷᠡ ᠪᠡᠷ ᠪᠠᠭᠠᠰᠤ ᠲᠠᠢ ᠪᠠᠨ ᠠᠳᠠᠯᠢ ᠪᠦᠷᠢᠮᠦᠰᠦᠨ ᠮᠥᠬᠥᠨᠡ᠂ ᠲᠡᠭᠦᠨ ᠢ ᠬᠠᠷᠠᠵᠤ ᠪᠠᠢᠭᠰᠠᠨ ᠬᠥᠮᠦᠰ᠄ 〈ᠲᠡᠷᠡ ᠬᠠᠮᠢᠭᠠ ᠪᠠᠢᠨᠠ ᠪᠤᠢ︖〉 ᠭᠡᠬᠦ ᠪᠣᠯᠣᠨᠠ᠂
8 ᠲᠡᠷᠡ ᠪᠡᠷ ᠵᠡᠭᠦᠳᠦ ᠰᠢᠭ ᠨᠢᠰᠦᠨ ᠣᠳᠴᠤ ᠣᠯᠳᠠᠬᠤ ᠪᠠᠨ ᠪᠣᠯᠢᠨᠠ᠂ ᠰᠥᠨᠢ ᠶᠢᠨ ᠦᠵᠡᠭᠳᠡᠯ ᠮᠡᠲᠦ ᠵᠠᠮᠬᠠᠷᠠᠨᠠ᠂
9 ᠲᠡᠭᠦᠨ ᠢ ᠬᠠᠷᠠᠭᠰᠠᠨ ᠨᠢᠳᠦ ᠲᠡᠭᠦᠨ ᠢ ᠳᠠᠬᠢᠨ ᠬᠠᠷᠠᠬᠤ ᠦᠭᠡᠢ᠂ ᠥᠪᠡᠷ ᠦᠨ ᠬᠢᠨᠢ ᠭᠠᠵᠠᠷ ᠲᠡᠭᠦᠨ ᠢ ᠳᠠᠬᠢᠨ ᠦᠵᠡᠬᠦ ᠦᠭᠡᠢ᠂
10 ᠦᠷᠡ ᠬᠡᠦᠬᠡᠳ ᠤᠳ ᠨᠢ ᠶᠠᠳᠠᠭᠤᠰ ᠠᠴᠠ ᠲᠠᠭᠠᠯᠠᠯ ᠭᠤᠶᠤᠵᠤ ᠥᠪᠡᠷ ᠦᠨ ᠢᠶᠠᠨ ᠭᠠᠷ ᠢᠶᠠᠷ ᠡᠳ᠋ ᠪᠠᠶᠠᠯᠢᠭ ᠢᠶᠠᠨ ᠪᠤᠴᠠᠭᠠᠵᠤ ᠥᠭᠭᠥᠨᠡ᠂
11 ᠵᠠᠯᠠᠭᠤ ᠨᠠᠰᠤᠨ ᠤ ᠢᠳᠡ ᠬᠦᠴᠦ ᠪᠡᠷ ᠳᠦᠭᠦᠷᠡᠩ ᠶᠠᠰᠤ ᠨᠤᠭᠤᠳ ᠨᠢ ᠥᠪᠡᠷ ᠲᠡᠢ ᠨᠢ ᠬᠠᠮᠲᠤ ᠰᠢᠷᠣᠢ ᠳᠤ ᠬᠡᠪᠲᠡᠨᠡ᠃
12 ᠲᠡᠷᠡ ᠬᠣᠷᠣᠨ ᠮᠠᠭᠤ ᠶᠢ ᠠᠮᠠᠨ ᠳᠤᠨᠢ ᠠᠮᠲᠠᠲᠠᠢ ᠭᠡᠵᠦ ᠬᠡᠯᠡ ᠳᠣᠣᠷᠠ ᠪᠠᠨ ᠨᠢᠭᠤᠳᠠᠭ ᠴᠤ
13 ᠬᠠᠶᠠᠵᠤ ᠶᠠᠳᠠᠨ ᠬᠠᠢᠷᠠᠯᠠᠭᠠᠳ ᠠᠮᠠᠨ ᠳᠠᠭᠠᠨ ᠬᠠᠳᠠᠭᠠᠯᠠᠳᠠᠭ ᠴᠤ
14 ᠬᠣᠭᠣᠯᠠ ᠨᠢ ᠬᠣᠳᠣᠭᠣᠳᠣᠨ ᠳᠣᠲᠣᠷᠠ ᠨᠢ ᠬᠤᠪᠢᠷᠠᠵᠤ ᠲᠡᠭᠦᠨ ᠦ ᠳᠣᠲᠣᠷᠠ ᠮᠣᠭᠠᠢ ᠶᠢᠨ ᠬᠣᠣᠷ ᠪᠣᠯᠣᠨᠠ
15 ᠪᠠᠶᠠᠯᠢᠭ ᠢ ᠵᠠᠯᠭᠢᠭᠰᠠᠨ ᠴᠤ ᠪᠥᠭᠡᠯᠵᠢᠬᠦ ᠪᠣᠯᠣᠨᠠ ᠪᠤᠷᠬᠠᠨ ᠭᠡᠳᠡᠰᠦᠨ ᠡᠴᠡ ᠨᠢ ᠲᠡᠭᠦᠨ ᠢ ᠪᠤᠯᠢᠶᠠᠨᠠ
16 ᠲᠡᠷᠡ ᠪᠡᠷ ᠮᠣᠭᠠᠢ ᠶᠢᠨ ᠬᠣᠣᠷ ᠢ ᠰᠣᠷᠣᠨᠠ ᠬᠣᠣᠷᠲᠤ ᠮᠣᠭᠠᠢ ᠶᠢᠨ ᠬᠡᠯᠡ ᠲᠡᠭᠦᠨ ᠢ ᠰᠥᠨᠥᠭᠡᠨᠡ
17 ᠲᠡᠷᠡ ᠪᠡᠷ ᠵᠥᠭᠡᠢ ᠶᠢᠨ ᠪᠠᠯ᠂ ᠴᠥᠴᠥᠭᠡᠢ ᠶᠢᠨ ᠲᠣᠰᠣ ᠪᠠᠷ ᠤᠷᠤᠰᠳᠠᠭ ᠭᠣᠣᠯ ᠭᠣᠷᠣᠬᠠ ᠶᠢ ᠬᠠᠷᠠᠬᠤ ᠦᠭᠡᠢ
18 ᠣᠯᠣᠭᠰᠠᠨ ᠢᠶᠠᠨ ᠠᠮᠰᠠᠯ ᠦᠭᠡᠢ ᠪᠤᠴᠠᠭᠠᠨᠠ ᠠᠷᠠᠯᠵᠢᠶᠠᠨ ᠤ ᠠᠰᠢᠭ ᠢᠶᠠᠷ ᠢᠶᠠᠨ ᠪᠠᠶᠠᠰᠬᠤ ᠦᠭᠡᠢ᠂
19 ᠤᠴᠢᠷ ᠨᠢ ᠲᠡᠷᠡ ᠪᠡᠷ ᠶᠠᠳᠠᠭᠤᠰ ᠢ ᠪᠢᠴᠠᠯᠵᠤ ᠬᠠᠶᠠᠭᠰᠠᠨ ᠥᠪᠡᠷ ᠢᠶᠡᠨ ᠪᠠᠷᠢᠭᠠ ᠦᠭᠡᠢ ᠪᠠᠢᠰᠢᠩ ᠢ ᠪᠤᠯᠢᠶᠠᠭᠰᠠᠨ ᠪᠢᠯᠡ᠃
20 ᠳᠤᠷᠠᠰᠢᠯ ᠨᠢ ᠬᠠᠨᠤᠰᠢ ᠦᠭᠡᠢ ᠳᠤᠷᠠᠲᠠᠢ ᠪᠠᠨ ᠬᠠᠳᠠᠭᠠᠯᠠᠵᠤ ᠦᠯᠦ ᠴᠢᠳᠠᠨᠠ
21 ᠬᠣᠪᠳᠣᠭᠯᠠᠭᠰᠠᠨ ᠢᠶᠠᠷ ᠨᠢ ᠶᠠᠭᠤ ᠴᠤ ᠦᠯᠡᠳᠡᠳᠡᠭ ᠦᠭᠡᠢ ᠰᠠᠢᠨ ᠰᠠᠢᠬᠠᠨ ᠨᠢ ᠤᠳᠠᠬᠤ ᠦᠭᠡᠢ
22 ᠬᠠᠩ᠋ᠭᠠᠯᠤᠭᠤᠨ ᠪᠠᠢᠬᠤ ᠳᠤᠨᠢ ᠭᠠᠴᠢᠭᠳᠠᠯ ᠢᠷᠡᠨᠡ ᠭᠠᠮᠰᠢᠭ ᠬᠠᠮᠤᠭ ᠬᠦᠴᠦ ᠪᠡᠷ ᠢᠶᠠᠨ ᠬᠠᠯᠳᠠᠨ ᠢᠷᠡᠨᠡ᠂
23 ᠲᠡᠷᠡ ᠪᠡᠷ ᠭᠡᠳᠡᠰᠦ ᠪᠡᠨ ᠳᠦᠭᠦᠷᠭᠡᠬᠦ ᠭᠡᠬᠦ ᠳᠦ ᠪᠤᠷᠬᠠᠨ ᠬᠢᠯᠢᠩ ᠢᠶᠠᠨ ᠪᠠᠭᠤᠯᠭᠠᠨᠠ ᠬᠣᠭᠣᠯᠠᠯᠠᠵᠤ ᠪᠠᠢᠬᠤ ᠳᠤᠨᠢ ᠪᠣᠷᠣᠭᠠ ᠮᠡᠲᠦ ᠠᠰᠬᠠᠨᠠ᠂
24 ᠬᠡᠷᠪᠡ ᠲᠡᠮᠦᠷ ᠵᠡᠪᠰᠡᠭ ᠡᠴᠡ ᠳᠠᠢᠵᠢᠪᠠᠯ ᠬᠦᠷᠡᠯ ᠰᠤᠮᠤᠨ ᠳᠤ ᠤᠨᠤᠭᠳᠠᠨᠠ᠂
25 ᠰᠤᠮᠤ ᠶᠢ ᠨᠢᠷᠤᠭᠤᠨ ᠠᠴᠠ ᠪᠠᠨ ᠰᠤᠭᠤᠯᠪᠠᠯ ᠰᠥᠰᠥᠨ ᠡᠴᠡ ᠨᠢ ᠭᠢᠯᠠᠯᠵᠠᠭᠰᠠᠨ ᠵᠠᠪᠠ ᠭᠠᠷᠴᠤ ᠲᠡᠭᠦᠨ ᠢ ᠠᠶᠤᠯᠭᠠᠨᠠ᠂
26 ᠲᠦᠨᠡᠷ ᠬᠠᠷᠠᠩ᠋ᠭᠤᠢ ᠨᠢ ᠲᠡᠭᠦᠨ ᠦ ᠡᠷᠳᠡᠨᠢᠰ ᠢ ᠣᠲᠣᠵᠤ ᠬᠥᠮᠦᠨ ᠦ ᠠᠰᠠᠭᠠᠭᠠ ᠦᠭᠡᠢ ᠭᠠᠯ ᠲᠡᠭᠦᠨ ᠢ ᠵᠠᠯᠭᠢᠨ ᠮᠠᠢᠬᠠᠨ ᠳᠤᠨᠢ ᠦᠯᠡᠳᠡᠭᠰᠡᠨ ᠪᠦᠬᠦᠨ ᠢ ᠰᠢᠲᠠᠭᠠᠨᠠ᠂
27 ᠲᠩᠷᠢ ᠲᠡᠭᠦᠨ ᠦ ᠭᠡᠮ ᠪᠤᠷᠤᠭᠤ ᠶᠢ ᠢᠯᠡᠴᠢᠯᠡᠵᠦ ᠭᠠᠵᠠᠷ ᠲᠡᠭᠦᠨ ᠦ ᠡᠰᠡᠷᠭᠦ ᠪᠣᠰᠬᠤ ᠪᠣᠯᠣᠨᠠ᠂
28 ᠭᠡᠷ ᠦᠨ ᠬᠢᠨᠢ ᠡᠳ᠋ ᠬᠥᠷᠥᠩᠭᠡ ᠪᠤᠷᠬᠠᠨ ᠤ ᠬᠢᠯᠢᠩ ᠤᠨ ᠡᠳᠦᠷ ᠤᠷᠤᠰᠴᠤ ᠠᠯᠠᠭᠠ ᠪᠣᠯᠣᠨᠠ᠂
29 ᠪᠤᠷᠬᠠᠨ ᠠᠴᠠ ᠵᠠᠶᠠᠭᠠᠭᠰᠠᠨ ᠲᠡᠭᠦᠨ ᠦ ᠬᠤᠪᠢ ᠪᠤᠷᠤᠭᠤᠲᠠᠨ ᠳᠤ ᠨᠣᠭᠳᠠᠭᠤᠯᠤᠭᠰᠠᠨ ᠥᠪ ᠨᠢ ᠡᠨᠡ》 ᠭᠡᠪᠡ᠃