ᠶᠣᠪ ᠶᠢᠰᠦ
ᠶᠣᠪ ᠤᠨ ᠬᠠᠷᠢᠭᠤ
1 ᠲᠡᠭᠡᠬᠦ ᠳᠦ ᠶᠣᠪ ᠬᠠᠷᠢᠭᠤᠯᠤᠨ᠄
2 《ᠲᠡᠢᠮᠦ ᠡ᠂ ᠦᠭᠡ ᠴᠢᠨᠢ ᠦᠨᠡᠨ ᠭᠡᠳᠡᠭ ᠢ ᠪᠢ ᠮᠡᠳᠡᠨᠡ ᠭᠡᠪᠡᠴᠦ ᠪᠤᠷᠬᠠᠨ ᠤ ᠡᠮᠦᠨᠡ ᠬᠥᠮᠦᠨ ᠬᠡᠷᠬᠢᠨ ᠵᠥᠪᠲᠦ ᠪᠠᠢᠵᠤ ᠴᠢᠳᠠᠬᠤ ᠪᠢᠯᠡ︖
3 ᠬᠥᠮᠦᠨ ᠲᠡᠭᠦᠨ ᠲᠡᠢ ᠮᠠᠷᠭᠤᠬᠤ ᠶᠢ ᠬᠦᠰᠡᠭᠰᠡᠨ ᠴᠤ ᠮᠢᠩ᠋ᠭᠠ ᠠᠴᠠ ᠭᠠᠭᠴᠠ ᠶᠢ ᠴᠤ ᠬᠠᠷᠢᠭᠤᠯᠵᠤ ᠦᠯᠦ ᠴᠢᠳᠠᠨᠠ᠂
4 ᠪᠤᠷᠬᠠᠨ ᠮᠡᠷᠭᠡᠨ ᠤᠬᠠᠭᠠᠨ ᠲᠠᠢ᠂ ᠬᠦᠴᠦ ᠴᠢᠳᠠᠯ ᠲᠠᠢ ᠲᠡᠭᠦᠨ ᠡᠴᠡ ᠵᠥᠷᠢᠭᠦᠳᠯᠡᠭᠡᠳ ᠬᠣᠬᠢᠷᠠᠯ ᠦᠭᠡᠢ ᠥᠩᠭᠡᠷᠡᠬᠦ ᠬᠡᠨ ᠪᠠᠢᠬᠤ ᠪᠤᠢ︖
5 ᠲᠡᠷᠡ ᠪᠡᠷ ᠠᠭᠤᠯᠠᠰ ᠢ ᠮᠡᠳᠡᠬᠦ ᠦᠭᠡᠢ ᠪᠠᠢᠬᠤ ᠳᠤᠨᠢ ᠬᠥᠳᠡᠯᠭᠡᠵᠦ ᠠᠭᠤᠷ ᠢᠶᠠᠷ ᠢᠶᠠᠨ ᠲᠡᠳᠡᠨ ᠢ ᠬᠥᠮᠥᠷᠢᠭᠦᠯᠵᠦ ᠴᠢᠳᠠᠳᠠᠭ᠂
6 ᠭᠠᠵᠠᠷ ᠳᠡᠯᠡᠬᠡᠢ ᠶᠢ ᠴᠤ ᠪᠠᠢᠷᠢ ᠡᠴᠡ ᠨᠢ ᠰᠡᠭᠰᠦᠷᠴᠦ ᠪᠠᠭᠠᠨᠠ ᠨᠤᠭᠤᠳ ᠢ ᠨᠢ ᠭᠠᠩ᠋ᠬᠤᠭᠤᠯᠵᠤ ᠴᠢᠳᠠᠳᠠᠭ᠂
7 ᠲᠡᠷᠡ ᠲᠤᠰᠢᠶᠠᠪᠠᠯ ᠨᠠᠷᠠ ᠮᠠᠨᠳᠤᠬᠤ ᠦᠭᠡᠢ ᠣᠳᠣᠳ ᠪᠢᠲᠡᠭᠦᠮᠵᠢᠯᠡᠭᠳᠡᠳᠡᠭ᠂
8 ᠲᠡᠷᠡ ᠪᠡᠷ ᠭᠠᠭᠴᠠᠭᠠᠷ ᠢᠶᠠᠨ ᠲᠩᠷᠢ ᠶᠢ ᠳᠡᠯᠭᠡᠨ ᠳᠠᠯᠠᠢ ᠶᠢᠨ ᠳᠠᠪᠠᠯᠭᠠᠨ ᠢ ᠳᠡᠪᠰᠡᠯᠡᠳᠡᠭ᠃
9 ᠲᠡᠷᠡ ᠪᠡᠷ ᠪᠠᠭᠠᠪᠠᠭᠠᠢ ᠶᠢᠨ ᠣᠷᠣᠨ᠂ ᠮᠠᠷᠠᠯ ᠤᠨ ᠣᠷᠣᠨ ᠳᠣᠯᠣᠭᠠᠨ ᠣᠳᠣ᠂ ᠡᠮᠦᠨᠡᠲᠦ ᠶᠢᠨ ᠣᠷᠣᠨ ᠨᠤᠭᠤᠳ ᠢ ᠪᠦᠲᠦᠭᠡᠭᠰᠡᠨ ᠪᠥᠭᠡᠳ
10 ᠬᠡᠮᠵᠢᠶᠡᠯᠡᠰᠢ ᠦᠭᠡᠢ ᠠᠭᠤᠤ ᠵᠦᠢᠯᠡᠰ ᠢ᠂ ᠲᠣᠭᠠ ᠲᠣᠮᠰᠢ ᠦᠭᠡᠢ ᠭᠠᠢᠬᠠᠮᠰᠢᠭ ᠤᠳ ᠢ ᠦᠢᠯᠡᠳᠳᠡᠭ᠂
11 ᠬᠠᠷᠠ᠂ ᠲᠡᠷᠡ ᠪᠡᠷ ᠮᠢᠨᠦ ᠳᠡᠭᠡᠭᠦᠷ ᠥᠩᠭᠡᠷᠡᠭᠰᠡᠨ ᠴᠤ ᠪᠢ ᠬᠠᠷᠠᠵᠤ ᠦᠯᠦ ᠴᠢᠳᠠᠨᠠ ᠨᠡᠪᠲᠡᠷᠡᠨ ᠥᠩᠭᠡᠷᠡᠭᠰᠡᠨ ᠴᠤ ᠪᠢ ᠮᠡᠳᠡᠷᠡᠵᠦ ᠦᠯᠦ ᠴᠢᠳᠠᠨᠠ᠂
12 ᠲᠡᠷᠡ ᠰᠢᠭᠦᠷᠡᠬᠦ ᠳᠦ ᠬᠡᠨ ᠪᠣᠯᠢᠭᠤᠯᠵᠤ ᠴᠢᠳᠠᠬᠤ ᠪᠢᠯᠡ︖ ᠬᠡᠨ ᠲᠡᠭᠦᠨ ᠳᠦ᠄ 〈ᠲᠠ ᠶᠠᠭᠤ ᠬᠢᠵᠦ ᠪᠠᠢᠨᠠ ᠪᠤᠢ︖〉 ᠭᠡᠵᠦ ᠬᠡᠯᠡᠵᠦ ᠴᠢᠳᠠᠬᠤ ᠪᠢᠯᠡ︖
13 ᠪᠤᠷᠬᠠᠨ ᠠᠭᠤᠷ ᠢᠶᠠᠨ ᠪᠤᠴᠠᠭᠠᠬᠤ ᠦᠭᠡᠢ᠂ ᠷᠠᠬᠠᠪ ᠤᠨ ᠲᠤᠰᠠᠯᠠᠭᠴᠢᠳ ᠲᠡᠭᠦᠨ ᠦ ᠳᠣᠣᠷᠠ ᠪᠥᠬᠥᠢᠳᠡᠭ ᠠᠲᠠᠯᠠ
14 ᠪᠢ ᠬᠡᠷᠬᠢᠨ ᠲᠡᠭᠦᠨ ᠳᠦ ᠬᠠᠷᠢᠭᠤᠯᠵᠤ ᠶᠠᠷᠢᠬᠤ ᠦᠭᠡ ᠣᠯᠬᠤ ᠪᠢᠯᠡ︖
15 ᠪᠢ ᠭᠡᠮ ᠦᠭᠡᠢ ᠪᠠᠢᠭᠰᠠᠨ ᠴᠤ ᠬᠠᠷᠢᠭᠤᠯᠵᠤ ᠴᠢᠳᠠᠬᠤ ᠦᠭᠡᠢ ᠰᠢᠭᠦᠭᠴᠢ ᠶᠢᠨ ᠢᠶᠠᠨ ᠥᠷᠥᠰᠢᠶᠡᠯ ᠢ ᠭᠤᠶᠤᠬᠤ ᠯᠠ ᠪᠠᠢᠬᠠ᠂
16 ᠪᠢ ᠳᠠᠭᠤᠳᠠᠵᠤ᠂ ᠲᠡᠷᠡ ᠪᠡᠷ ᠨᠠᠳᠠ ᠳᠤ ᠬᠠᠷᠢᠭᠤᠯᠳᠠᠭ ᠪᠠᠢᠭᠰᠠᠨ ᠴᠤ ᠮᠢᠨᠦ ᠳᠠᠭᠤ ᠶᠢ ᠲᠡᠷᠡ ᠰᠣᠨᠣᠰᠣᠨᠠ ᠭᠡᠳᠡᠭ ᠲᠦ ᠪᠢ ᠢᠲᠡᠭᠡᠵᠦ ᠴᠢᠳᠠᠬᠤ ᠦᠭᠡᠢ ᠨᠢ ᠡ᠂
17 ᠤᠴᠢᠷ ᠨᠢ ᠲᠡᠷᠡ ᠨᠠᠮᠠᠶᠢ ᠰᠢᠭᠤᠷᠭᠠ ᠪᠠᠷ ᠬᠡᠮᠬᠡᠴᠢᠵᠦ ᠰᠢᠯᠲᠠᠭᠠᠨ ᠦᠭᠡᠢ ᠪᠠᠷ ᠰᠢᠷᠬᠠ ᠶᠢ ᠮᠢᠨᠢ ᠣᠯᠠᠰᠢᠷᠠᠭᠤᠯᠵᠤ ᠪᠠᠢᠨᠠ᠂
18 ᠠᠮᠢᠰᠬᠤᠭᠠ ᠠᠪᠬᠤ ᠶᠢ ᠴᠤ ᠨᠠᠳᠠ ᠳᠤ ᠡᠰᠡ ᠵᠥᠪᠰᠢᠶᠡᠷᠡᠨ ᠤᠢ ᠭᠠᠰᠢᠭᠤ ᠪᠠᠷ ᠨᠠᠮᠠᠶᠢ ᠳᠦᠭᠦᠷᠭᠡᠵᠦ ᠪᠠᠢᠨᠠ᠂
19 ᠴᠢᠳᠠᠯ ᠤᠨ ᠲᠠᠯᠠ ᠪᠠᠷ ᠪᠣᠯ ᠲᠡᠷᠡ ᠦᠨᠡᠬᠡᠷ ᠬᠦᠴᠦᠷᠬᠡᠭ ᠶᠤᠮ᠂ ᠰᠢᠳᠤᠷᠭᠤ ᠶᠢᠨ ᠲᠠᠯᠠ ᠪᠠᠷ ᠪᠣᠯ ᠬᠡᠨ ᠲᠡᠭᠦᠨ ᠢ ᠰᠢᠭᠦᠯᠲᠡ ᠳᠦ ᠳᠠᠭᠤᠳᠠᠵᠤ ᠴᠢᠳᠠᠬᠤ ᠪᠤᠢ︖
20 ᠪᠢ ᠬᠡᠳᠦᠢ ᠵᠥᠪᠲᠦ ᠭᠡᠰᠡᠨ ᠴᠤ ᠠᠮᠠ ᠮᠢᠨᠢ ᠨᠠᠮᠠᠶᠢ ᠪᠤᠷᠤᠭᠤᠳᠬᠠᠨᠠ ᠪᠢ ᠬᠡᠳᠦᠢ ᠥ ᠦᠭᠡᠢ ᠭᠡᠰᠡᠨ ᠴᠤ ᠲᠡᠷᠡ ᠨᠠᠮᠠᠶᠢ ᠶᠠᠯᠠᠯᠠᠨᠠ᠂
21 ᠪᠢ ᠥ ᠦᠭᠡᠢ ᠪᠠᠢᠯᠠ ᠴᠤ ᠲᠡᠷᠡ ᠨᠢ ᠨᠠᠳᠠ ᠳᠤ ᠬᠠᠮᠢᠶᠠ ᠦᠭᠡᠢ ᠪᠢ ᠠᠮᠢᠳᠤᠷᠠᠯ ᠠᠴᠠ ᠵᠠᠯᠬᠠᠯᠠ᠂
22 ᠡᠨᠡ ᠪᠦᠭᠦᠳᠡ ᠢᠯᠭᠠᠭᠠ ᠦᠭᠡᠢ ᠡᠢᠮᠦ ᠡᠴᠡ ᠪᠢ᠄ 〈ᠪᠤᠷᠬᠠᠨ ᠪᠣᠯ ᠪᠤᠷᠤᠭᠤ ᠦᠭᠡᠢ ᠶᠢ ᠴᠤ᠂ ᠪᠤᠷᠤᠭᠤ ᠲᠠᠢ ᠶᠢ ᠴᠤ ᠤᠰᠠᠳᠬᠠᠭᠴᠢ〉 ᠭᠡᠵᠦ ᠬᠡᠯᠡᠶᠡ᠂
23 ᠭᠡᠨᠡᠳᠲᠡ ᠶᠢᠨ ᠭᠠᠮᠰᠢᠭ ᠬᠥᠮᠦᠨ ᠢ ᠬᠥᠨᠥᠭᠡᠬᠦ ᠳᠦ ᠭᠡᠮ ᠦᠭᠡᠢ ᠨᠢᠭᠡᠨ ᠦ ᠴᠥᠬᠥᠷᠡᠯ ᠢ ᠲᠡᠷᠡ ᠳᠣᠭᠣᠭᠢᠯᠠᠨᠠ᠂
24 ᠭᠠᠵᠠᠷ ᠪᠤᠷᠤᠭᠤᠲᠠᠳ ᠤᠨ ᠭᠠᠷ ᠲᠤ ᠣᠷᠣᠬᠤ ᠳᠤ᠂ ᠰᠢᠭᠦᠭᠴᠢᠳ ᠤᠨ ᠨᠢᠳᠦ ᠶᠢ ᠲᠡᠷᠡ ᠪᠦᠲᠡᠭᠡᠳᠡᠭ᠂ ᠬᠡᠷᠪᠡ ᠲᠡᠷᠡ ᠯᠠ ᠪᠢᠰᠢ ᠪᠣᠯ ᠥᠭᠡᠷᠡ ᠬᠡᠨ ᠲᠡᠭᠡᠬᠦ ᠪᠢᠯᠡ︖
25 ᠮᠢᠨᠦ ᠡᠳᠦᠷ ᠤᠳ ᠭᠦᠶᠦᠭᠴᠢ ᠡᠴᠡ ᠴᠤ ᠬᠤᠷᠳᠤᠨ᠂ ᠰᠠᠢᠨ ᠢ ᠦᠵᠡᠯ ᠦᠭᠡᠢ ᠥᠩᠭᠡᠷᠡᠵᠡᠢ᠂
26 ᠬᠤᠯᠤᠰᠤᠨ ᠵᠠᠪᠢ ᠮᠡᠲᠦ ᠣᠯᠵᠠ ᠤᠷᠤᠭᠤ ᠪᠠᠨ ᠳᠠᠭᠠᠷᠢᠬᠤ ᠪᠦᠷᠭᠦᠳ ᠮᠡᠲᠦ ᠣᠳᠴᠠᠢ᠂
27 ᠬᠡᠳᠦᠢᠪᠡᠷ ᠪᠢ ᠭᠣᠮᠣᠳᠠᠯ ᠢᠶᠠᠨ ᠮᠠᠷᠲᠠᠵᠤ ᠲᠥᠷᠬᠥ ᠪᠡᠨ ᠥᠭᠡᠷᠡᠴᠢᠯᠡᠵᠦ᠂ ᠢᠨᠢᠶᠡᠶᠡ ᠭᠡᠰᠡᠨ ᠴᠤ
28 ᠡᠨᠡ ᠪᠦᠬᠦ ᠵᠣᠪᠠᠯᠠᠩ ᠠᠴᠠ ᠪᠠᠨ ᠪᠣᠯᠵᠤ ᠠᠶᠤᠵᠤ ᠯᠠ ᠪᠠᠢᠳᠠᠭ ᠲᠠ ᠨᠠᠮᠠᠶᠢ ᠭᠡᠮ ᠦᠭᠡᠢ ᠳᠦ ᠲᠣᠭᠠᠴᠠᠬᠤ ᠦᠭᠡᠢ ᠭᠡᠳᠡᠭ ᠢ ᠪᠢ ᠮᠡᠳᠡᠨᠡ᠂
29 ᠪᠤᠷᠤᠭᠤ ᠲᠠᠢ ᠳᠤ ᠲᠣᠭᠠᠴᠠᠭᠳᠠᠬᠤ ᠶᠤᠮ ᠪᠣᠯ ᠪᠢ ᠬᠣᠭᠣᠰᠣᠨ ᠵᠢᠳᠬᠦᠬᠦ ᠶᠢᠨ ᠬᠡᠷᠡᠭ ᠶᠠᠭᠤ ᠪᠠᠢᠨᠠ︖
30 ᠪᠡᠶᠡ ᠪᠡᠨ ᠴᠠᠰᠤ ᠪᠠᠷ ᠤᠬᠢᠶᠠᠨ ᠭᠠᠷ ᠢᠶᠠᠨ ᠬᠤᠵᠢᠷ ᠢᠶᠠᠷ ᠴᠡᠪᠡᠷᠯᠡᠭᠰᠡᠨ ᠴᠤ
31 ᠲᠠ ᠨᠠᠮᠠᠶᠢ ᠨᠦᠬᠡᠨ ᠳᠦ ᠤᠨᠠᠭᠠᠵᠤ ᠬᠤᠪᠴᠠᠰᠤ ᠮᠢᠨᠢ ᠴᠤ ᠨᠠᠮᠠᠶᠢ ᠵᠢᠪᠡᠭᠦᠴᠡᠬᠦ ᠨᠢ ᠡ᠂
32 ᠪᠤᠷᠬᠠᠨ ᠪᠣᠯ ᠨᠠᠳᠠ ᠰᠢᠭ᠋ ᠬᠥᠮᠦᠨ ᠪᠢᠰᠢ᠂ ᠪᠢ ᠲᠡᠭᠦᠨ ᠳᠦ ᠬᠠᠷᠢᠭᠤᠯᠬᠤ ᠪᠣᠯᠣᠮᠵᠢ ᠦᠭᠡᠢ᠂ ᠪᠢᠳᠡ ᠬᠠᠮᠲᠤ ᠳᠠᠭᠠᠨ ᠰᠢᠭᠦᠯᠲᠡ ᠳᠦ ᠣᠴᠢᠬᠤ ᠪᠣᠯᠣᠮᠵᠢ ᠴᠤ ᠦᠭᠡᠢ᠂
33 ᠪᠢᠳᠡ ᠬᠣᠶᠠᠷ ᠤᠨ ᠠᠯᠢ ᠠᠯᠢᠨ ᠤ ᠬᠢᠨᠢ ᠳᠡᠭᠡᠷᠡ ᠭᠠᠷ ᠢᠶᠠᠨ ᠲᠠᠯᠪᠢᠬᠤ ᠵᠠᠭᠤᠴᠢ ᠴᠤ ᠪᠠᠢᠬᠤ ᠦᠭᠡᠢ᠂
34 ᠲᠡᠷᠡ ᠪᠡᠷ ᠰᠢᠳᠠᠮ ᠢ ᠨᠢ 3 ᠨᠠᠳᠠ ᠠᠴᠠ ᠵᠠᠢᠯᠠᠭᠤᠯᠵᠤ ᠠᠶᠤᠮᠰᠢᠭᠲᠤ ᠵᠦᠢᠯ ᠢᠶᠠᠷ ᠨᠠᠮᠠᠶᠢ ᠲᠦᠭᠰᠢᠭᠦᠯᠬᠦ ᠶᠢ ᠨᠢ 4 ᠵᠣᠭᠰᠣᠭᠠᠬᠤ ᠴᠤ ᠪᠣᠯᠣᠭᠠᠰᠠᠢ᠂
35 ᠪᠢ ᠲᠡᠭᠦᠨ ᠡᠴᠡ ᠠᠶᠤᠬᠤ ᠦᠭᠡᠢ ᠪᠠᠷ ᠶᠠᠷᠢᠬᠤ ᠴᠤ ᠪᠣᠯᠣᠭᠠᠰᠠᠢ᠂ ᠭᠡᠪᠡᠴᠦ ᠪᠢ ᠥᠪᠡᠷ ᠢᠶᠡᠨ ᠲᠡᠭᠡᠵᠦ ᠴᠢᠳᠠᠬᠤ ᠦᠭᠡᠢ ᠨᠢ ᠡ᠃