ᠶᠣᠪ ᠬᠣᠷᠢᠨ ᠭᠤᠷᠪᠠ
ᠶᠣᠪ ᠤᠨ ᠬᠠᠷᠢᠭᠤ
1 ᠶᠣᠪ ᠬᠠᠷᠢᠭᠤᠯᠤᠨ᠄
2 《ᠥᠨᠥᠳᠥᠷ ᠴᠤ ᠵᠣᠪᠠᠯᠠᠩ ᠮᠢᠨᠢ ᠭᠠᠰᠢᠭᠤᠨ ᠪᠠᠢᠨᠠ ᠶᠣᠣᠯᠠᠵᠤ ᠪᠤᠢ ᠨᠠᠳᠠ ᠳᠤ ᠲᠡᠭᠦᠨ ᠦ ᠮᠤᠲᠤᠷ ᠬᠦᠨᠳᠦᠳᠡᠵᠦ ᠪᠠᠢᠨᠠ᠂
3 ᠲᠡᠭᠦᠨ ᠢ ᠬᠠᠮᠢᠭᠠ ᠠᠴᠠ ᠣᠯᠬᠤ ᠶᠢ ᠮᠡᠳᠡᠳᠡᠭ ᠴᠤ ᠪᠣᠯᠣᠭᠠᠰᠠᠢ᠂ ᠲᠡᠭᠦᠨ ᠦ ᠰᠡᠨᠲᠢ ᠶᠢᠨ ᠡᠮᠦᠨᠡ ᠣᠴᠢᠳᠠᠭ ᠴᠤ ᠪᠣᠯᠣᠭᠠᠰᠠᠢ᠂
4 ᠲᠡᠭᠡᠪᠡᠯ ᠪᠢ ᠲᠡᠭᠦᠨ ᠦ ᠡᠮᠦᠨᠡ ᠵᠠᠭᠠᠯᠳᠤᠯᠭᠠ ᠬᠢᠵᠦ ᠠᠮᠠ ᠳᠦᠭᠦᠷᠡᠩ ᠭᠣᠮᠣᠳᠠᠯ ᠲᠣᠭᠠᠴᠢᠬᠤ ᠰᠠᠨ᠂
5 ᠢᠩᠭᠢᠭᠡᠳ ᠬᠠᠷᠢᠭᠤᠯᠬᠤ ᠦᠭᠡᠰ ᠢ ᠨᠢ ᠮᠡᠳᠡᠵᠦ ᠠᠢᠯᠠᠳᠬᠤ ᠶᠢ ᠨᠢ ᠣᠢᠯᠠᠭᠠᠬᠤ ᠰᠠᠨ᠂
6 ᠲᠡᠷᠡ ᠨᠠᠳᠠ ᠲᠠᠢ ᠶᠡᠬᠡ ᠬᠦᠴᠦ ᠪᠡᠷ ᠮᠡᠳᠬᠡᠯᠴᠡᠬᠦ ᠤᠤ︖ ᠦᠭᠡᠢ᠂ ᠲᠡᠷᠡ ᠵᠠᠪᠠᠯ ᠨᠠᠳᠠ ᠳᠤ ᠠᠩ᠋ᠬᠠᠷᠤᠯ ᠲᠠᠯᠪᠢᠬᠤ ᠪᠣᠯᠣᠨᠠ︕
7 ᠴᠢᠭ᠍ᠴᠢ ᠬᠥᠮᠦᠨ ᠲᠡᠭᠦᠨ ᠲᠡᠢ ᠤᠴᠢᠷᠯᠠᠵᠤ ᠪᠣᠯᠣᠨᠠ᠂ ᠰᠢᠭᠦᠭᠴᠢ ᠮᠢᠨᠢ ᠨᠠᠮᠠᠶᠢ ᠮᠥᠩᠬᠡᠳᠡ ᠬᠡᠯᠲᠦᠷᠢᠭᠦᠯᠦᠨᠡ᠃
8 ᠬᠠᠷᠠ᠂ ᠪᠢ ᠤᠷᠤᠭᠰᠢ ᠶᠠᠪᠤᠭᠰᠠᠨ ᠴᠤ ᠲᠡᠷᠡ ᠠᠯᠠᠭᠠ ᠬᠣᠢᠰᠢ ᠶᠠᠪᠤᠭᠰᠠᠨ ᠴᠤ ᠲᠡᠷᠡ ᠣᠯᠳᠠᠬᠤ ᠦᠭᠡᠢ᠂
9 ᠲᠡᠷᠡ ᠵᠡᠭᠦᠨ ᠲᠠᠯᠠ ᠳᠤ ᠮᠢᠨᠢ ᠠᠵᠢᠯᠯᠠᠵᠤ ᠪᠠᠢᠭᠰᠠᠨ ᠴᠤ ᠪᠢ ᠲᠡᠭᠦᠨ ᠢ ᠬᠠᠷᠠᠵᠤ ᠴᠢᠳᠠᠳᠠᠭ ᠦᠭᠡᠢ ᠪᠠᠷᠠᠭᠤᠨ ᠲᠠᠯᠠ ᠤᠷᠤᠭᠤ ᠮᠢᠨᠢ ᠡᠷᠭᠢᠭᠰᠡᠨ ᠴᠤ ᠪᠢ ᠲᠡᠭᠦᠨ ᠢ ᠦᠵᠡᠵᠦ ᠴᠢᠳᠠᠳᠠᠭ ᠦᠭᠡᠢ᠂
10 ᠭᠡᠪᠡᠴᠦ ᠲᠡᠷᠡ ᠵᠠᠮ ᠢ ᠮᠢᠨᠢ ᠮᠡᠳᠡᠳᠡᠭ ᠲᠡᠷᠡ ᠨᠠᠮᠠᠶᠢ ᠰᠢᠯᠭᠠᠭᠰᠠᠨ ᠤ ᠳᠠᠷᠠᠭᠠ ᠪᠢ ᠠᠯᠲᠠ ᠪᠣᠯᠵᠤ ᠭᠠᠷᠤᠨᠠ᠂
11 ᠬᠥᠯ ᠮᠢᠨᠢ ᠲᠡᠭᠦᠨ ᠦ ᠠᠯᠬᠤᠮ ᠢ ᠪᠣᠷᠪᠢᠳᠠᠨ ᠳᠠᠭᠠᠭᠰᠠᠨ ᠲᠡᠭᠦᠨ ᠦ ᠵᠠᠮ ᠢ ᠪᠢ ᠬᠠᠵᠠᠢᠯ ᠦᠭᠡᠢ ᠮᠥᠷᠳᠡᠭᠰᠡᠨ᠂
12 ᠪᠢ ᠣᠷᠣᠭᠤᠯ ᠤᠨ ᠬᠢᠨᠢ ᠲᠤᠰᠢᠶᠠᠯ ᠠᠴᠠ ᠰᠠᠯᠤᠭᠠ ᠦᠭᠡᠢ᠂ ᠠᠮᠠᠨ ᠠᠴᠠ ᠨᠢ ᠭᠠᠷᠳᠠᠭ ᠦᠭᠡᠰ ᠢ ᠡᠳᠦᠷ ᠲᠤᠲᠤᠮ ᠤᠨ ᠬᠣᠭᠣᠯᠠᠨ ᠠᠴᠠ ᠴᠤ ᠢᠯᠡᠭᠦᠦ ᠪᠡᠷ ᠨᠠᠨᠳᠢᠩᠨᠠᠭᠰᠠᠨ᠂
13 ᠭᠡᠪᠡᠴᠦ ᠲᠡᠷᠡ ᠪᠣᠯ ᠥᠭᠡᠷᠡᠴᠢᠯᠡᠭᠳᠡᠰᠢ ᠦᠭᠡᠢ ᠨᠢᠭᠡᠨ ᠬᠡᠨ ᠲᠡᠭᠦᠨ ᠢ ᠡᠷᠭᠢᠭᠦᠯᠬᠦ ᠪᠢᠯᠡ︖ ᠬᠦᠰᠡᠭᠰᠡᠨ ᠢᠶᠡᠨ ᠲᠡᠷᠡ ᠭᠦᠢᠴᠡᠳᠬᠡᠳᠡᠭ᠂
14 ᠲᠡᠷᠡ ᠪᠡᠷ ᠮᠢᠨᠦ ᠲᠤᠬᠠᠢ ᠲᠣᠭᠲᠠᠭᠠᠭᠰᠠᠨ ᠢᠶᠠᠨ ᠴᠤ ᠪᠡᠶᠡᠯᠡᠭᠦᠯᠦᠨᠡ ᠡᠢᠮᠦᠷᠬᠦ ᠵᠦᠢᠯ ᠨᠢ ᠲᠡᠭᠦᠨ ᠳᠦ ᠣᠯᠠᠨ ᠪᠤᠢ᠂
15 ᠡᠢᠮᠦ ᠡᠴᠡ ᠪᠢ ᠲᠡᠭᠦᠨ ᠦ ᠣᠷᠣᠰᠢᠬᠤᠢ ᠶᠢᠨ ᠡᠮᠦᠨᠡ ᠰᠠᠯᠭᠠᠨᠠᠨᠠ᠂ ᠡᠳᠡᠭᠡᠷ ᠢ ᠪᠣᠳᠣᠭᠠᠳ ᠲᠡᠭᠦᠨ ᠡᠴᠡ ᠡᠮᠢᠶᠡᠨᠡ᠂
16 ᠪᠤᠷᠬᠠᠨ ᠵᠢᠷᠦᠬᠡ ᠶᠢ ᠮᠢᠨᠢ ᠰᠤᠯᠠᠳᠠᠭᠤᠯᠤᠭᠰᠠᠨ ᠲᠡᠭᠦᠰ ᠬᠦᠴᠦᠲᠡᠨ ᠨᠠᠮᠠᠶᠢ ᠲᠦᠭᠰᠢᠭᠡᠭᠰᠡᠨ᠂
17 ᠤᠴᠢᠷ ᠨᠢ ᠬᠠᠷᠠᠩ᠋ᠭᠤᠢ ᠢᠷᠡᠬᠦ ᠶᠢᠨ ᠡᠮᠦᠨᠡ ᠪᠢ ᠲᠠᠰᠤᠯᠤᠭᠳᠠᠭᠠ ᠦᠭᠡᠢ ᠲᠡᠷᠡ ᠪᠡᠷ ᠨᠢᠭᠤᠷ ᠠᠴᠠ ᠮᠢᠨᠢ ᠬᠠᠷᠠᠩ᠋ᠭᠤᠢ ᠶᠢ ᠨᠢᠭᠤᠭᠠ ᠦᠭᠡᠢ᠃